மின் விளக்குகளால் ஒளிரும் இந்தியாவின் இரவு நேரத் தோற்றத்தை நாசா வெளியிட்டுள்ளது. அவ்வப்போது உலகின் தோற்றத்தை விண்வெளியில் இருந்து புகைப்படம் எடுத்து நாசா வெளியிட்டு வருகிறது. உலகின் இரவு நேர தோற்றத்தை புகைப்படமாக நாசா நேற்று வெளியிட்டது. இதில், மின் விளக்குகளால் மிளிரும் ஒளிமயமான இந்தியாவின் புகைப்படமும் வெளியிடப்பட்டுள்ளது. இதற்கு முன்னர் கடந்த 2012-ம் ஆண்டில் இதே மாதிரியான புகைப்படம் வெளியானது. தற்போது உள்ள படம் 2016-ம் ஆண்டு எடுக்கப்பட்டதாகக் கூறப்பட்டுள்ளது.

2012-ம் ஆண்டை விட இந்தப் புகைப்படத்தில் இந்தியாவின் குடியேற்றப் பகுதிகள் அதிகரித்துள்ளதைக் காணமுடிகிறது. இந்தத் தோற்ற வேறுபாடுகள் இந்தியாவின் நகர்ப்புற முன்னேற்றத்தைக் குறிப்பதாகவே உள்ளது.