நல்லூர் ஆலயத்தில் தைப்பொங்கலை முன்னிட்டு இன்று விசேட பூஜை வழிபாடுகள் இடம்பெற்றன. பூஜை வழிபாடுகளில் கலந்துக் கொள்வதற்காக தமிழர்கள் தங்கள் பாரம்பரிய ஆடைகளை அணிந்து ஆலயத்திற்கு வருகை தந்து வழிபாடுகளை மேற்கொண்டனர். குறித்த பூஜை வழிபாடுகளில் கலந்து கொள்வதற்காக வெளிநாட்டவர்களும் தமிழர்களின் பாரம்பரிய ஆடைகளை அணிந்து ஆலயத்திற்கு சென்று வழிபாடுகளில் ஈடுப்பட்டனர்.

பொங்கல் பண்டிகையை முன்னிட்டு வெளிநாட்டவர் வேட்டி, சேலை அணிந்து பொங்கல் தினத்தை கொண்டாடினர். தமிழர்களின் கலாசாரம், பண்பாடு, பழக்கவழக்கங்கள், மொழிகள் ஆகியவற்றை அறிந்து கொள்வதற்காகவே வெளிநாடுகளைச் சேர்ந்தவர்கள் இவ்வாறு வழிபாடுகளில் ஈடுப்பட்டு வருகின்றனர்.