Untitled Document
December 18, 2017 [GMT]
  • Welcome
  • Welcome
போலீஸ் வேடத்தில் சுள்ளான் தனுஷ்
[Tuesday 2013-04-30 15:00]

கட்டுமஸ்தான கம்பீரமான நடிகர்களுக்குத்தான் காக்கி சட்டை அணிந்த போலீஸ் வேடம் கனகச்சிதமாக இருக்கும். அந்த வரிசையில் கமல், ரஜினி, அஜீத், விஜய், சூர்யா, விஷால் போன்ற நடிகர்கள் போலீஸ் வேடத்தில் நடித்துள்ளனர். ஆனால் தற்போது சிவகார்த்திகேயனை வைத்து எதிர்நீச்சல் படத்தை இயக்கி வரும் செந்தில்குமார், தனுசுக்கு ஒரு போலீஸ் கதை சொன்னாராம். கதையை முழுசுமாக கேட்ட தனுசுக்கு அவர் கதை சொன்ன விதம் ரொம்ப பிடித்து விட்டதாம். அதனால். இதுவரை தான் நடிக்காத போலீஸ் வேடத்தில் கண்டிப்பாக நடித்து விட வேண்டும் என்று மனசுக்குள் ஆசையை வளர்த்துக்கொண்டிருந்தாராம் தனுஷ். ஆனால், அதுபற்றி அவர் தனது அபிமானத்திற்குரியவர்களிடம் சொன்னபோது, அவரை மேலும் கீழும் பார்த்தார்களாம். என்னாச்சு, நான் எதுவும் தப்பா சொல்லிட்டேனா? என்று தனுஷ் கேட்டாராம். அதற்கு, போலீஸ் வேடம்னா காக்கி சட்டை போட்டுக்கிட்டு நடிக்கனும். உங்களோட காய்ஞ்ச சுள்ளான் உடம்பு அந்த டிரஸ்ஸ தாங்குமா? அவருதான் கதை சொன்னா, நீங்க நமக்கு செட்டாகுமான்னு யோசிக்க வேண்டாமா? என்று தனுஷைக் கேட்டார்களாம். அதன்பிறகுதான் அதுவும் சரிதான் என்று யோசிக்க ஆரம்பித்தாராம் தனுஷ்.


ஐ.பி.எல் ஜோரால் தாமதமான குமாரு
[Tuesday 2013-04-30 15:00]
சுந்தர் சி. இயக்கிய கலகலப்பு சூப்பர்ஹிட். அப்படியிருந்தும் அவரின் அடுத்தப் படம் இன்னும் வெளியாகவில்லை. பொங்கலுக்கே பொங்கிட்டு வர்றோம் என விளம்பரம் வேறு தந்தார்கள். ஆனால் இன்றுவரை படம் பற்றி சின்ன தகவல் இல்லை. கலகலப்பு வெற்றி பெற்றதும் விஷால் நடிக்க மத கஜ ராஜாவை தொடங்கி அதே வேகத்தில் முடிக்கவும் செய்தார். வரலட்சுமி, அஞ்சலி ஹீரோயின்கள். பொங்கலுக்கு படம் ரிலீஸ் என விளம்பரம் தந்து சமர் படம் காரணமாக ரிலீஸை தள்ளி வைத்தார்கள். இன்றுவரை படம் குறித்து எந்த தகவலுமில்லை. ஆனால் சுந்தர் சி. அதற்காக காத்திருக்கும் நபர் அல்ல. 'தீயா வேலை செய்யணும் குமாரு' படத்தை தொடங்கி ரிலீஸ் வரைக்கும் கொண்டு வந்துவிட்டார். இதன் ஆடியோ வெளியீட்டு விழா இந்த வாரம் நடக்கிறது. சித்தார்த், ஹன்சிகா, சந்தானம் நடித்திருக்கும் ரொமாண்டிக் காமெடிப் படம் இது. மே மாதம் வெளியாவதாக இருந்த இந்தப் படத்தை ஜுன் மாதத்துக்கு தள்ளி வைத்துள்ளனர். ஐபிஎல் ஜோரில் குமாரு காணாமல் போய்விடக் கூடாது என்பதற்காக இந்த தாமதமாம்.

'8-ம் வகுப்பு வரை படித்த சாதாரண நடிகன் தான் நான்' - கமல்
[Tuesday 2013-04-30 15:00]

கோவையில் இளைய தலைமுறை அவார்ட்ஸ் சார்பில் இலக்கிய விருது வழங்கும் விழா நடந்தது. இதில் கவிஞர் புவியரசு, கோவை ஞானி, தொ.பரமசிவன் ஆகிய 3 பேருக்கும் இளையதலைமுறை விருது மற்றும் ரூ. 50 ஆயிரம் ரொக்கப்பரிசு ஆகியவை வழங்கப்பட்டது. இந்த விழாவில் நடிகர் கமல்ஹாசன் கலந்து கொண்டு அவர்களுக்கு விருது வழங்கினார். பின்னர் கமல் பேசுகையில், விருது பெற்றுள்ள எழுத்தாளர்களுக்கு பாராட்டு விழா நடக்கிறது. இது நமக்கு கிடைத்த பெருமை. நாம் அவர்களுக்கு செய்யும் கெளரவம். என்னை சினிமாவை அடுத்தக்கட்டத்துக்கு கொண்டு செல்லுங்கள் என்று கூறியவர்கள் இவர்கள். இவர்களின் எழுத்துக்களில் நிறைய ஆளுமைத்திறன் இருக்கும். அதனால் இவர்களது புத்தகங்களை படியுங்கள. என்னிடம், நீங்கள் ஏன் அரசியலுக்கு வரக்கூடாது என்று சிலர் கேட்கிறார்கள். அவர்களிடம், நான் சுமாரான நடிகன்தான் அதனால் வரவில்லை என்று கூறிவிட்டேன். இன்னும் சிலரோ, நீங்கள் 8-ம் வகுப்பு வரைதானே படித்திருக்கிறீர்கள். பிறகு எப்படி இவ்வளவு விசயங்களை பேசுகிறீர்கள்? என்று கேட்கிறார்கள். அதற்கு, இங்கு விருது பெற்றவர்களின் தொடர்பு இருப்பதினால்தான என்னால் அந்த அளவுக்கு பேச முடிகிறது என்று நான் பதில் சொன்னேன் என்றார் கமல்.


வாள் சண்டையில் பயிற்சி பெற்றுவருகிறார் நடிகை அனுஷ்கா
[Tuesday 2013-04-30 15:00]

கத்தி சண்டை போடுவதற்கு அனுஷ்கா தயாராகிவிட்டார் என்றார் நடிகை அதிதி. 'கொஞ்சம் காபி கொஞ்சம் காதல்' பட ஹீரோயின் அதிதி கூறியது: போர்க்குணம் கொண்ட இளவரசி ருத்ரம்மா தேவி வேடத்தில் அனுஷ்கா நடிக்கும் டோலிவுட் படத்தில் அவருடன் சேர்ந்து நடிக்கிறேன். சரித்திர படத்தில் நடிக்க வேண்டும் என்பது எனது கனவு. அது இப்போது நனவாகி இருக்கிறது. இந்த சந்தோஷத்துக்கு மற்றொரு காரணம் அனுஷ்காவுடன் நடிக்க கிடைத்த வாய்ப்பு. அனுஷ்கா யோகா டீச்சராக இருந்தபோதே எனக்கு பழக்கம். குதிரை ஏற்றப் பயிற்சி அவருக்கு சிறுவயது முதலே நன்கு தெரியும். ஆக்ஷன் காட்சிகளில் திறமையாக நடிப்பவர். வாள் சண்டை போடுவதற்கும் அனுஷ்கா பயிற்சி பெற்றிருக்கிறார். இப்படத்தின் ஷூட்டிங் தொடங்கிவிட்டது. இப்படத்துக்காக நானும் வாள் சண்டை பயிற்சி பெற உள்ளேன். தமிழில் நான் நடிக்கும் 'கொஞ்சம் காபி கொஞ்சம் காதல்' முடிந்துவிட்டது. நடிகை ஆவதற்கு முன்பு இசைதான் என் வாழ்க்கையின் நோக்கமாக இருந்தது. அது இப்போது மாறிவிட்டது.


விருதுகளுக்கோ, விழாக்களுக்கோ இனி என் படங்களை அனுப்புவதில்லை!" 'வெங்காயம்' பட இயக்குனர்
[Tuesday 2013-04-30 15:00]
நார்வே திரைப்பட விழாவில் லிங்குசாமி, பாலாஜி சக்திவேல், பிரபுசாலமன் என வளர்ந்த இயுக்குனர்கள் அழைத்து செல்லப்பட்டு, அவர்களது புகழில் இதுமாதிரி விழா ஏற்பாட்டாளர்கள் மஞ்சள் குளிப்பதும் குறித்தும்., வளரும் இயக்குனர்கள் வஞ்சிக்கப்படுவது குறித்தும் இயக்குனர் சங்கத்தில் இளம் இயக்குனர்கள் புயலை கிளப்பி வரும் வேளையில், நாலு காசு பார்க்க நடக்கும் நார்வே தமிழ் திரைப்பட விழா என்று இயக்குனர் கே.எஸ்.தங்கசாமி இயக்குனர் சங்கத்தில் கொடுத்த புகாரின் அடிப்படையில் இயக்குனர் தங்கசாமி, நான் தான் இவர்கள் முதல்முறை காசு கேட்டதும் நார்வே வர விருப்பமில்லை... என்னை நம்பி எட்டுதிக்கும் மதயானை படம் எடுக்க உதவும் என் நண்பர்களுக்கு உண்மையாக உழைக்க வேண்டியிருப்பதால் நார்வே வரவில்லை, பாஸ்போர்ட்டும் அவர்களிடம் தரவில்லையே...

நடன ஒத்திகையில் கலந்து கொள்ளாததால் மீரா ஜாஸ்மினுக்கு ஏற்பட்ட விபரீதம்
[Tuesday 2013-04-30 15:00]

'ரன்' மற்றும் 'சண்டக்கோழி' என்று, தமிழில் பல ஹிட் படங்களில் நடித்த மீரா ஜாஸ்மின், அதற்கு பின், தமிழில் படமே இல்லாமல் மலையாளத்துக்கு தாவினார். அங்கு சென்று சில படங்களில் நடித்து வந்த நேரம், மலையாள சினிமா நடிகர் சங்கம் நடத்திய கலை நிகழ்ச்சியில், நடனமாட ஒப்புக் கொண்டிருந்தார். ஆனால், அதற்கான ஒத்திகை நிகழ்ச்சிகளில் கலந்து கொள்ளாததால், அவரை அந்த நிகழ்ச்சியில் இருந்தே நீக்கி விட்டனர். இதனால், ஒட்டுமொத்த மலையாள திரையுலகமும், அவர் மீது கோபத்தில் இருந்தது. ஆனால், மம்முட்டி மட்டும், தான் நடிக்க இருந்த, 'கேங் ஸ்டார்' என்ற படத்தில், மீராவுக்கு நடிக்க சான்ஸ் கொடுத்திருந்தார். இதற்கு பலத்த எதிர்ப்பு எழுந்ததால், 'மம்மூட்டிக்கு ஜோடியாக மீரா ஜாஸ்மின் நடிக்கவில்லை என்று, அப்பட இயக்குனர் ஆஷிக் அறிவித்துள்ளார்.


இவ்வருடம் விஜய், அஜித் வழங்கும் பிறந்த தின பரிசு
[Tuesday 2013-04-30 15:00]

எம்.ஜி.ஆர் சிவாஜி, ரஜனி கமல் வழியில் தற்போதைய தமிழ் சினிமாவின் இரு துருவங்கள் அஜித் மற்றும் விஜய். இவர்கள் இருவருக்கும் இருக்கும் ரசிகர் பட்டாளம் கணக்கில் அடங்காதவை. இவர்களின் ரசிகர்களுக்கு இவர்களின் பிறந்தநாள்தான் திருவிழா. அஜித் தனது பிறந்தநாளை அமைதியாக கொண்டாடும்படியும் வீண் ஆடம்பர செலவுகளை செய்யவேண்டாம் என்றும் அப்படி ஏதாவது நல்லது செய்ய நினைத்தால் ஏழை குழந்தைகளின் படிப்புக்காக செலவு செய்யுங்கள் என்றும் கூறியுள்ளார். அதே நேரத்தில் அஜித்தின் பிறந்தநாளன்று அஜித் தற்பொழுது நடித்துள்ள படம் திரைக்கு வரும் என்று பெரிதும் எதிர்பார்த்தனர் ஆனால் படம் எப்பொழுது வெளிவரும் என்று தெரியவில்லை, ஆனால் மே 1ம் திகதி படத்தின் முன்னோட்டத்தை எதிர்பார்க்கலாம் என்று கூறுகின்றனர் திரையுலகினர்.அதே வேளையில் இளையதளபதி நடித்த 'தலைவா' படம் விஜயின் பிறந்தநாளான ஜூன் 22ம் திகதிக்கு ஒரு நாள் முன்னதாக வெளிவரும் என எதிர்பார்க்கப்படுகிறது. பெரும் வெற்றிபெற்ற துப்பாக்கிக்கு பின்னர் வெளிவரும் படமென்பதால் படத்தின் எதிர்பார்ப்பு கூடி இருக்கிறது. இந்த இரண்டு படமும் வெளிவரும்போது ரசிகர்கள் மட்டுமல்லாமல் தமிழ் சினிமாவுக்கே ஒரு பெரிய விழாக்கோலமாக இருக்கும்.


லட்சுமி மேனனின் சினிமா வாழ்க்கையில் மறக்க முடியாத பாராட்டு
[Tuesday 2013-04-30 08:00]

பத்தாம் வகுப்பு படித்துக் கொண்டே, 'கும்கி மற்றும் சுந்தர பாண்டியன் படங்களில் நடித்தவர் லட்சுமி மேனன். நடித்த, முதல் இரண்டு படங்களுமே வெற்றி பெற்றதால், ராசியான நடிகையாகிவிட்ட அவரை, சில இயக்குனர்கள் தங்கள் படங்களுக்கு, வேக வேகமாக புக் செய்துள்ளனர். இந்த நிலையில், 'கும்கி படத்தின் வெற்றி விழாவில் பேசிய நடிகர் பிரபு, 'இந்தப் படத்தில், என் மகன் விக்ரம் பிரபுவுக்கு ஜோடியாக நடித்துள்ள லட்சுமி மேனனை, எனக்கு ரொம்ப பிடிக்கும் என்றதோடு, 'அம்பிகா, ராதா, ரேவதி ஆகிய மூன்று நடிகைகளும் சேர்ந்த கலவை, லட்சுமி மேனன் என, புகழ்ந்து பேசியிருக்கிறார்.இதனால், தாங்க முடியாத சந்தோஷத்தில் இருக்கிறார் லட்சுமி மேனன். 'என் சினிமா கேரியரில் மறக்க முடியாத பாராட்டாக, இது இருக்கும் என, கூறி வருகிறார்.


ஹன்சிகா - சிம்பு இடையே சம்திங் சம்திங். ..
[Monday 2013-04-29 17:00]

நயன்தாராவுடனான, காதல் முறிந்ததால், சில காலம், ரொம்பவும் நல்ல பிள்ளையாக அடக்கி வாசித்த சிம்பு, மீண்டும் காதல் வலையில் சிக்கியுள்ளதாக, கோடம்பக்கம் வட்டாரங்கள் கும்மியடிக்கின்றன. வாலு என்ற படத்தில், சிம்பு, சந்தானம் உள்ளிட்டோர் நடிக்கின்றனர். இந்த படத்தில், சிம்புவுக்கு ஜோடியாக நடிக்கிறார், ஹன்சிகா. இவர்கள், இருவருக்கும் இடையே, காதல் தீ பற்றிக் கொண்டதாக கூறப்படுகிறது. ஆனால், படக் குழுவினரோ, ' படப் பிடிப்பு இடைவெளியில், சக நடிகர்கள், ஜாலியாக பேசிக் கொள்வது, சாதாரண விஷயம். இதை, 'பில்டப் செய்து, யாரோ, கதை கட்டி விட்டுள்ளனர். மற்றபடி, இருவருக்கும் இடையே, காதல் எதுவும் இல்லை என்கின்றன. இதுகுறித்து, சிம்புவும், ஹன்சிகாவும் வெளிப்படையாக கூறினால் தான். உண்மை தெரியவரும் என்கின்றன கோலிவுட் வட்டாரங்கள்.


புற்றுநோய் விழிப்புணர்ச்சி பிரச்சாரம் மேற்கொள்ளும் ஹன்சிகா
[Monday 2013-04-29 17:00]

தற்போதைய நடிகைகளில் ஹன்சிகாவுக்கு ரொம்பவே தாராள மனசு. சினிமாவுக்கு வந்ததில் இருந்து தனது ஒவ்வொரு பிறந்த நாளின்போதும் படிக்கிற பிள்ளைகளை தத்தெடுத்து வருகிறார். அவர்களது படிப்புக்கு தேவையான அனைத்து வசதிகளையும் செய்து கொடுக்கிறார். இப்படி நடிப்பில் பிசியாக இருந்தாலும் சமூகசேவைக்கென்று நேரம் ஒதுக்கி வருகிறார் ஹன்சிகா. இந்நிலையில், அடுத்து பெண்களுக்கான மார்பக புற்றுநோய் பற்றிய விழிப்புணர்ச்சியை ஏற்படுத்தும வகையில் பிரச்சாரம் மேற்கொள்ளப்போகிறாராம். வெஸ்ட் கேன்சர் ரிசர்ச் பவுண்டேசன் நடத்தும் விழிப்புணர்ச்சி பிரச்சாரத்தில் விரைவில் கலந்து கொள்ளவிருக்கும் ஹன்சிகா, அதற்காக தனது படப்பிடிப்பு தேதிகளையும் தள்ளி வைக்கப்போகிறாராம். ஹன்சிகாவின் மனசறிந்து அவர் பிரச்சாரத்தில் கலந்து கொள்ள தயாரிப்பாளர்களும், இயக்குனர்களும் அவருக்கு நேரம் ஒதுக்கிக்கொடுப்பதாகவும் கூறியிருக்கிறார்களாம்.


ஐ.பி.எல். கிரிக்கெட்டால் சினிமா துறையில் பாதிப்பு - நஷ்டமடைந்த தயாரிப்பாளர்கள்
[Monday 2013-04-29 17:00]

ஏப்ரல் 3-ந்தேதி ஐ.பி.எல். கிரிக்கெட் துவங்கியது. மே 26-ந்தேதி வரை போட்டிகள் நடக்கின்றன. ஐ.பி.எல். போட்டியால் தியேட்டர்களில் கூட்டம் குறைந்துள்ளது. போட்டி துவங்கியதில் இருந்து இதுவரை சுமார் 25 படங்கள் ரிலீசாகியுள்ளன. அவற்றில் பெரிய பட்ஜெட் படங்களாக சென்னையில் ஒரு நாள், சேட்டை, கேடி பில்லா கில்லாடி ரங்கா, உதயம், என்.எச்.4 போன்றவை ரிலீசாகி ஓடிக்கொண்டு இருக்கின்றன. இருபதுக்கும் மேற்பட்டவை. சிறு பட்ஜெட் படங்கள் அடுத்த மூன்று வாரங்களில் மேலும் 10 படங்கள் வர இருக்கின்றன. ரிலீசான படங்களில் சில படங்கள் தவிர கூடுதலான படங்கள் நஷ்டம் அடைந்துள்ளன. இதுகுறித்து தமிழ்நாடு திரையரங்கு உரிமையாளர் சங்க இணை செயலாளர் திருச்சி ஸ்ரீதர் கூறும்போது, ஐ.பி.எல். கிரிக்கெட் போட்டிகள் மாலை 4 மணிக்கும் இரவு 8 மணிக்கும் நடக்கின்றன. இதனால் பிற்பகல் காட்சி மற்றும் மாலை, இரவு காட்சிகளில் தியேட்டர்களுக்கு கூட்டம் வருவது இல்லை. ஐ.பி.எல். போட்டியால் 50 சதவீதம் வரை வசூல் குறைந்துள்ளது. சென்னை சூப்பர் கிங்ஸ் ஆட்டங்கள் நடக்கும் போது தியேட்டர்கள் வெறிச்சோடி கிடக்கின்றன என்றார். தயாரிப்பாளர்கள் பலர் ஐ.பி.எல். போட்டியால் தங்கள் படங்களின் ரிலீசை தள்ளிவைத்து விட்டனர். பெரிய பட்ஜெட் படங்கள் வெளியாவது நிறுத்தப்பட்டு விட்டன.


சொந்த குரலில் பேச, றொம்ப நாளு ஆசை - குஷியில் அனுஷ்கா!
[Monday 2013-04-29 17:00]

முன்பெல்லாம், சொந்த குரலில் பேசத் தெரிந்த நடிகையாக இருந்தால் மட்டுமே, தமிழ் படங்களில் நடிக்க வாய்ப்பு கிடைக்கும். இதனால், பிற மாநிலங்களிலிருந்து வரும் நடிகைகள் கூட, தமிழை சரளமாக பேச கற்றுக் கொண்டு, திறமையாக நடித்தனர். இப்போது, அதெல்லாம், ஒரு கனாக்காலம் ஆகி விட்டது. பார்ப்பதற்கு, அழகாக இருந்தால் போதும், அவர், எந்த நாட்டைச் சேர்ந்தவராக இருந்தாலும், நடிக்க வைத்து விடுகின்றனர். அப்படியும், சில நடிகைகளுக்கு, தமிழ் படங்களில், சொந்த குரலில் பேச வேண்டும் என்ற ஆசை இருக்கிறது. இவர்களில், அனுஷ்கா குறிப்பிடத் தக்கவர். பலரிடமும், வாய்ப்பு கேட்டும், அவருக்கு சற்று, கரகரப்பான குரல் என்பதால், அவரை பேச அனுமதிக்கவில்லை.இப்போது, 'இரண்டாம் உலகம் படத்தில் நடித்து வரும், அனுஷ்கா, சொந்த குரலில் பேசும் ஆசையை, இயக்குனர் செல்வராகவனிடம் கூற, எதிர்பாராத வகையில், அவரும், உடனே, ஓ.கே., கூறி விட்டாராம். இதனால், தமிழில், முதல் முதலாக சொந்த குரலில் பேசப்போகும் குஷியில் இருக்கிறார், அனுஷ்கா.


வேலூர் சிறையில் முருகன், பேரறிவாளன், சாந்தனுடன் பவர் ஸ்டார்
[Monday 2013-04-29 17:00]

லத்திகா, கண்ணா லட்டு தின்ன ஆசையா உள்ளிட்ட பல படங்களில் நடித்தவர் பவர் ஸ்டார் சீனிவாசன். இவர் ஆந்திராவை சேர்ந்த நட்சத்திர ஹோட்டல் அதிபரிடம் 50 இலட்சம் மோசடி செய்ததாக தொடரப்பட்ட வழக்கில் கடந்த 26ஆம் திகதி பொலிசாரால் கைது செய்யப்பட்டார். பின்னர் நீதிமன்றத்தில் ஆஜர்படுத்தப்பட்ட அவர் சென்னை புழல் மத்திய சிறையில் அடைக்கப்பட்டார். இந்த நிலையில் பவர் ஸ்டார் சீனிவாசனை புழல் மத்திய சிறையில் இருந்து சிறைத்துறை அதிகாரிகள் வேலூர் மத்திய சிறையில் நேற்று முன்தினம் அடைக்கப்பட்டார். அவர் தற்போது வேலூர் சிறையில் HS-1 என்ற BLOCK இல் அடைக்கப்பட்டுள்ளார். இந்த BLOCK இன் அருகில் உள்ள HS-2 BLOCK இல் முன்னாள் பிரதமர் ராஜீவ் காந்தி கொலை வழக்கில் தூக்குத் தண்டனை கைதிகளான முருகன், பேரறிவாளன், சாந்தன் உள்ளனர். பவர் ஸ்டார் சீனிவாசனை மற்ற கைதிகள் சந்திக்க தடை விதிக்கப்பட்டுள்ளது.


மீண்டும் தமிழில் ஸ்ரீதேவி - வித்தியாசமான பாத்திரங்களில் நடிக்க ஆர்வம்
[Monday 2013-04-29 17:00]

திரையுலகில் ஏற்பட்டுள்ள மாற்றம் குறித்து?

கடந்த, 15 ஆண்டுகளுக்கு முன் இருந்ததை விட, இப்போது நிறைய மாற்றம் ஏற்பட்டுள்ளது. குறிப்பாக, இப்போதைய திரைப்படங்களின் திரைக் கதை, தொழில்நுட்ப வசதி ஆகியவற்றில், பல மடங்கு முன்னேற்றம் ஏற்பட்டுள்ளது. ரசிகர்களிடமும், நல்ல முதிர்ச்சியான ரசனை உள்ளது. ஹீரோயினுக்கு முக்கியத்துவம் உள்ள படங்கள் அதிகம் தயாராகின்றன. இது, எனக்கு மகிழ்ச்சியை அளிக்கிறது. 2மனைவியாக, தாயாக, உங்களின் மன நிலை எப்படி இருக்கிறது? இரண்டு குழந்தைகளுக்கு தாயாக இருப்பது, மிகவும் மகிழ்ச்சியான அனுபவம். தாய்மையின் ஒவ்வொரு நொடியையும், அனுபவிக்கிறேன். அதை விவரிப்பதற்கு, வார்த்தைகள் இல்லை. இதற்கு, என், கணவர், ரொம்பவும் உதவியாக இருக்கிறார். குழந்தைகளுக்காக, மீன் வாங்குவதற்கு, கூடையை தூக்கிக் கொண்டு, மார்க்கெட்டுக்கு கூட போகிறேன். 3எந்த இயக்குனரின் படத்தில் நடிக்க ஆசை?பெரும்பாலான இயக்குனர்களின் படங்களில் நடித்து விட்டேன். ஆனாலும், சேகர் கபூர் படங்களில் தொடர்ந்து நடிக்க ஆசையாக உள்ளது. அவர், மிகச் சிறந்த நடிகர். அவரை, ரொம்பவே, 'மிஸ் பண்ணுகிறேன்.


சமந்தாவின் 25 வது பிறந்தநாள் கொண்டாட்டம் - திருமணம் செய்யப்போகும் சித்தார்த்துடன்..
[Monday 2013-04-29 13:00]

சித்தார்த் - சமந்தா இருவரது காதல் சமாச்சாரம் வெளியில் லீக்அவுட்டாகி விட்டதால், இப்போது அவர்களே காதலை ஒத்துக்கொள்ளும் நிலைக்கு வந்து விட்டனர். இதில் சித்தார்த், தெலுங்கு மீடியாவுக்கு அளித்த பேட்டியில் எனக்கும், சமந்தாவுக்கும் திருமணம் என்று மட்டும் கூறியிருக்கிறாராம். ஆனால், எப்போது திருமணம் செய்து கொள்ளப்போகிறேன் என்று அவர் கூறவில்லையாம். இந்த நிலையில, தனது 25வது பிறந்த நாளை கொண்டாடினார் சமந்தா. அப்போது அவருக்கு நேரில் வந்து வாழ்த்து சொன்ன சித்தார்த், விலையுயர்ந்த அன்பு பரிசு ஒன்றையும் வழங்கினாராம். அப்போது அவர்கள் இருவரும் ஜோடியாக விதவிதமான போட்டோக்கள் எடுத்துக்கொண்டதோடு, தனது கையால் சமந்தாவுக்கு சித்தார்த் கேக் ஊட்ட, சமந்தாவும் அவருக்கு ஊட்டி விட்டாராம். இந்த பிறந்த நாள் விழா ஐதராபாத்திலுள்ள ஒரு ஸ்டார் ஹோட்டலில் நடைபெற்றதாம்.


பிரியாணியை சாப்பிட்டு விட்டு அடுத்த சில நாட்கள் விரதமிருப்பாராம் - த்ரிஷா
[Monday 2013-04-29 13:00]

என்னதான் நடிகைகள் லட்சம் லட்சமாக சம்பாதித்தாலும் அவர்களால் ஆசைப்பட்ட பொருளை சாப்பிட முடியாது. எல்லாம் இருந்தும் வாயக்கட்டி வயிற்றக்கட்டி வாழ்ந்து கொண்டிருப்பார்கள். கொஞ்சம் அசந்தாலும் உடம்பு பெருத்து விடும் என்பதால், தினமும் உடற்பயிற்சி, உணவுக்கட்டுப்பாடு என்பதை கடைபிடித்து வருவார்கள். ஆனால், த்ரிஷா மற்ற நடிகைகள் மாதிரி உடம்பு பெருத்து விடுமே என்று கவலைப்படுவதெல்லாம் இல்லையாம். முக்கியமாக பிரியாணியை கண்ணில் பார்த்து விட்டால், செம கட்டு கட்டி விடுவாராம். அந்த அளவுக்கு பிரியாணி பிரியையாம் த்ரிஷா. ஆனால், அப்படி சாப்பிடுபவர், உடம்பில் கொழுப்பு சேர்ந்து விடக்கூடாதே என்பதற்காக அடுத்த சில நாட்கள் விரதமிருப்பவர், கடினமான உடற்பயிற்சியும் செய்வாராம். அதனால்தான், த்ரிஷாவின் உடல்கட்டு அவரது கண்ட்ரோலில் இருக்கிறதாம்.


அமெரிக்காவில் ஆறாவது திருமண நாளை கொண்டாடிய அபிஷேக் -ஐஸ்வர்யா
[Monday 2013-04-29 05:00]

கடந்த ஆறு ஆண்டுகளுக்கு முன்பு அமிதாப்பச்சனின் மகனான அபிஷேக்பச்சனும், உலக அழகியும், பாலிவுட் நடிகையுமான ஐஸ்வர்யாராயும் காதலித்து திருமணம் செய்து கொண்டனர். என்றாலும், அதன்பிறகும் சினிமாவில் நடித்து வந்த ஐஸ்வர்யாராய், பின்னர் குழந்தை பெற்றுக்கொள்ள வேண்டும் என்பதற்காக நடிப்பதை நிறுத்தி விட்டு, ஆரத்யா என்ற மகளை பெற்றார். இப்போது ஆரத்யாவுக்கு ஒன்றரை வயது ஆகிறது. இந்நிலையில், சமீபத்தில் தங்களது ஆறாவது திருமண நாளை கொண்டாடுவதற்காக அபிஷேக்-ஐஸ்வர்யா தம்பதியினர் ஆரத்யாவுடன் அமெரிக்கா சென்றனர். 15 நாட்களுக்கு மேலாக அமெரிக்காவில் ஜாலி டூர் மேற்கொண்ட அவர்கள், சில தினங்களுக்கு முன்பு மும்பை திரும்பினர். அப்போது, அவர்களின் வருகையை அறிந்திருந்த மீடியாவினர் விமான நிலையத்திலேயே சுற்றி வளைத்துக்கொண்டனர். அதனால் இதுவரை தனது மகள் ஆரத்யாவை மீடியா கண்களில் அதிகமாக படாமல் வைத்திருந்த ஐஸ்வர்யாராய், முதன்முதலாக மகளை கேமரா கண்களுக்கு காண்பித்திருக்கிறார்.


முகம் சுளிக்க வைக்கும் டயலாக்குகளைப் பேசக்கூடாது - கிருத்திகா உதயநிதி சந்தானத்துக்கு போட்ட கண்டிசன்
[Monday 2013-04-29 05:00]

வணக்கம் சென்னை படத்தில் நடிக்கும் சந்தானம், முகம் சுளிக்கச் செய்யும் டபுள் மீனிங் டயலாக்குகளைப் பேசக்கூடாது என்று படத்தின் இயக்குநர் கிருத்திகா உதயநிதி கண்டிசன் போட்டிருக்கிறாராம். மிர்ச்சி சிவா, ப்ரியா ஆனந்த் நடிக்கும் வணக்கம் சென்னை படத்தை இயக்குவது உதயநிதி ஸ்டாலின் மனைவி கிருத்திகா. இந்தப் படத்தை பெண் இயக்குனர்கள் பலரும் கையாள்கிற சமூக அக்கறை, பெண் விடுதலை என்றெல்லாம் போரடிக்கிற கதையோடு வராமல் மிக மிக சுவாரஸ்மயமான வகையில் கமர்ஷியல் படமாக தர நினைக்கிறாராம் கிருத்திகா. இந்தப் படத்தில் சந்தானத்தின் காமெடி உள்ளது. அவரை புக் செய்யும் போதே பெண்களை கேவலப்படுத்துற மாதிரியோ, அவங்க முகம் சுளிக்கிற மாதிரியோ ஒரு பிட் வசனம் கூட இருக்கக் கூடாது என்று கூறிவிட்டாராம் கிருத்திகா. அதற்கு ஓகே சொன்ன சந்தானம் வணக்கம் சென்னை படத்தில் சைவ வகை வசனங்களை மட்டுமே பயன்படுத்த முடிவு செய்திருக்கிறாராம்.


மரியான் படத்தில் ஏ.ஆர் ரஹ்மான் - யுவன் சங்கர் ராஜா இணைந்த இசை
[Sunday 2013-04-28 21:00]

தனுஷ் நடிக்கும் மரியான் படத்திற்காக யுவன் சங்கர் ராஜா ஒரு கூட்டு முயற்சியில் ஈடுபட்டுள்ளார். யுவன் சங்கர் ராஜாவின் மறக்கமுடியாத அனுபவமாக பழம்பெரும் பாடகர் எம்.எஸ். விஸ்வநாதன் உடன் தில்லு முல்லு படத்தில் ஜோடி சேர்ந்தது அமைந்துள்ளது. இதேபோல் தற்போது நடிகர் தனுஷ் நடிக்கும் மரியான் படத்திற்காக ஏ.ஆர் ரஹ்மான் - யுவன் சங்கர் ராஜா இணைகின்றனர். மரியான் படத்தில் ஏ.ஆர். ரஹ்மான் இசையில் யுவன் சங்கர் ராஜாவின் குரலில் நடிகர் தனுஷின் பாடல் வரிகளில் ஒரு பாடல் உருவாகியுள்ளது. மரியான் படத்தின் இயக்குனர் பரத் பாலா கூறுகையில், யுவன் சங்கர் ராஜா, தனுஷ் மூலம் ஏ.ஆர் ரஹ்மான் இசையில் ஒரு பாடல் பிரமாதமாக அமைந்துள்ளது. விரைவில் மரியான் படத்தின் இசை வெளியிடப்பட உள்ளது என்று தெரிவித்துள்ளார். இதற்கிடையில் மரியான் படத்தின் 'நெஞ்சே எழு' பாடலுக்கான புதிய டீஸர் வெளியிடப்பட்டுள்ளது. இப்பாடல் மே 3ம் திகதி வெளியிடப்படவுள்ளது.


மதன்கார்க்கி எழுதிய பாடலை நான் பாடினாலே அது ஹிட்டுதான்! - ஆண்ட்ரியா
[Sunday 2013-04-28 21:00]

நடிப்பில் எந்த அளவுக்கு ஆர்வமாக இருக்கிறாரோ அதைவிட பின்னணி பாடுவதில் அதிக ஆர்வமாக இருக்கிறார் ஆண்ட்ரியா. அதோடு எந்த பாடலை எடுத்துக்கொண்டாலும் அதிக ஈடுபாடு காட்டி பாடுவார். அதன்காரணமாக, தான் பாடும் ஒவ்வொரு பாடலையும் யார் எழுதினார், யார் அந்த பாடலுக்காக நடிக்கப்போகிறவர்கள் என்பதைகூட விலாவாரியாக கேட்டு தெரிந்து கொள்வது அவரது வழக்கமாம். அந்த வரிசையில், விஜய் நடித்த துப்பாக்கி படத்தில் கூகுள் கூகுள் என்ற பாடலை விஜய்யுடன் இணைந்து பாடியவர் ஆண்ட்ரியா. அப்பாடலை பாடி முடித்ததும் அதை எழுதியவர் மதன் கார்க்கி என்பதை கேட்டறிந்தவர், உடனே அவருக்கு போன் போட்டு பாடல் வரிகள் பிரமாதமாக இருப்பதாக கூறியதோடு, இந்த வரிகளுக்காகவே பாட்டு ஹிட்டாகும் என்றும் கருத்து சொன்னாராம். அதேபோல் அப்பாடலும் பெரிய ஹிட்டானது.


அஞ்சலி மறந்ததால் வருந்தும் அங்காடி தெரு நாயகன் மகேஷ்
[Sunday 2013-04-28 19:00]

சிறந்த திரைப்படமாக தேர்ந்தெடுக்கப்பட்ட அங்காடிதெருவில் அஞ்சலியுடன் கதாநாயகனாக நடித்தவர் சின்னாளபட்டியை சேர்ந்த மகேஷ். இந்த படம் வெற்றி பெற்றதை தொடர்ந்து மகேஷ் லாஸ்டு பெஞ்ச் என்ற மலையாளப்படத்தில் நடித்தார். இவர் சினிமா படப்பிடிப்பு இல்லாத நாட்களில் சின்னாளபட்டிக்கு வந்து விடுவார். தனது நண்பர்களுடன் வாலிபால் விளையாட்டில் ஈடுபடுவது வழக்கம். தற்போது சின்னாளபட்டியில் சித்திரை திருவிழா நடைபெறுவதால் விழாவில் கலந்து கொள்வதற்காக சின்னாளபட்டி வந்த அவர் நிருபர்களிடம் கூறுகையில், சின்னாளப்பட்டி தேவாங்கர் மேல்நிலைப் பள்ளியில் படித்த நான் வாலிபால் வீரர். நெல்லையில் நடைபெற்ற வாலிபால் போட்டியில் கலந்து கொண்டு விளையாடியபோது அங்காடிதெரு திரைப்படத்திற்காக லோக்கேசன் பார்ப்பதற்காக அங்கு வந்த இயக்குநர் வசந்தபாலன் என்னை பார்த்து அங்காடிதெருவில் கதாநாயகனாக தேர்வு செய்து நடிக்க வைத்தார்.


இலியானாவின் இடத்தை பிடிக்க திட்டம் தீட்டும் எரிக்கா!
[Sunday 2013-04-28 16:00]

சசி இயக்கத்தில் பரத் நடித்துள்ள படம் 555. இந்த படத்தில் இரண்டு கதாநாயகிகள் நடித்துள்ளனர். அதில் ஒருவர் எரிக்கா. மும்பையை தாய்வீடாக கொண்ட இவர், அங்கு சில படங்களில் நடித்து வருகிறாராம். அந்த நேரத்தில் கதாநாயகி வேட்டையில் ஈடுபட்டிருந்த சசியின் கண்ணில் சிக்கியதால் அதேவேகத்தில் கோலிவுட்டுக்கும் வந்திறங்கி விட்டார். தனது பெயரை எரிக்கா என்ற வைத்திருக்கும் இவரை அசப்பில் இலியானா மாதிரி இருப்பதால், இலியானாவின் தங்கையா என்று சிலர் கேட்கிறார்களாம். அதனால் தெற்கே வரும்போது எந்திவித நோக்கமும் இல்லாமல் வந்த எரிக்கா, இப்போது இலியானா மும்பையில் முகாமிட்டிருப்பதால், தமிழ், தெலுங்கில் இலியானா விட்டுச்சென்ற இடத்தை பிடித்து விடுவோம் என்று திட்டம் தீட்டிக்கொண்டிருக்கிறார். அதனால் அசல் மும்பை நடிகை போன்று டூ-பீஸ் கலாச்சாரத்தை கட்டவிழ்த்து விட தயாராகிவிட்ட எரிக்கா, 555 படம் திரைக்கு வந்ததும் கோலிவுட்டில் முகாமிட்டு கமர்சியல் படாதிபதிகளை சந்தித்து புதிய வாய்ப்புக் கோரப்போகிறாராம்.


என் பெயரையும் நடிகைகள் பச்சை குத்த மாட்டார்களா? நயனை பார்த்து கடுப்பான மன்சூரலிகான்!
[Sunday 2013-04-28 16:00]

தெலுங்கில் நாகார்ஜூனாவுடன் நயன்தாரா நடித்த படம் கிரீக்கு வீருடு. இப்படம் லவ் ஸ்டோரி என்ற பெயரில் தமிழில் டப் ஆகிறது. இவ்விழாவுக்கு படத்தில் நடித்தவர்கள் யாரும் வரவில்லை. மன்சூரலிகான் கலந்து கொண்டு சீ.டியை வெளியிட்டார். அதையடுத்து அவர் பேசும்போது, இந்த படத்தில் நயன்தாரா நாயகி என்பதால், அவரது கட்அவுட்டை நிறைய வைத்திருக்கிறார்கள். அதில் நயன்தாராவின் கையில் பிரபு என்று பச்சைக்குத்தியிருப்பதுகூட தெரிகிறது. பிரபுதேவாவை தீவிரமாக காதலித்தபோது அவர் அந்த பெயரை தனது கையில் பச்சைக்குத்திக்கொண்டார். அவர் பச்சைக்குத்திய நேரம் பிரபுதேவாவும் இந்தியில் பெரிய இயக்குனராகி விட்டார். 20 கோடிக்கு மேல் சம்பளம் வாங்கி வருகிறார். அதேபோல், என் பெயரையும் நடிகைகள் தங்களது உடம்பில் பச்சைக்குத்த வேண்டும். அந்த அதிர்ஷ்டத்தில் நானும் பெரிய நடிகராக வேண்டும் என்று ஆசைப்படுகிறேன். ஆனால் என் பெயரை பச்சைக்குத்த எந்த நடிகையாவது முன்வருவார்களா? என்று தனது மனதில் உள்ள ஆசையை வெளிப்படுத்தினார்.


படப்பிடிப்பில் மயங்கி விழுந்த அர்ஜுன் மகள் ஐஸ்வர்யா
[Sunday 2013-04-28 16:00]
வெயில் கொடுமை தாங்காமல், நடிகர் அர்ஜுன் மகள் படப்பிடிப்பின்போது மயங்கி விழுந்தார். நடிகர் 'பட்டத்து யானை' என்ற படத்தில் கதாநாயகியாக அறிமுகம் ஆகிறார். இந்த படத்தில் அவர், விஷால் ஜோடியாக நடிக்கிறார். பூபதி பாண்டியன் டைரக்டு செய்கிறார். மைக்கேல் ராயப்பன் தயாரிக்கிறார். படப்பிடிப்பு, திருச்சியில் நடந்தது. படத்தின் உச்சக்கட்ட சண்டை காட்சி கடந்த 7 நாட்களாக கொளுத்தும் வெயிலில் படமாக்கப்பட்டது. விஷால்-ஐஸ்வர்யா இருவரையும் வில்லனின் ஆட்கள் துரத்துவது போலவும், அவர்களிடம் இருந்து விஷால்-ஐஸ்வர்யா தப்பித்து ஓடுவது போலவும் காட்சி படமாக்கப்பட்டது. கடைசி நாள் படப்பிடிப்பு அன்று வெயில் கொடுமை தாங்காமல், ஐஸ்வர்யா மயங்கி விழுந்தார். மகள் நடிப்பதை பார்ப்பதற்காக அர்ஜுன் அங்கு வந்திருந்தார். ஐஸ்வர்யா மயங்கி விழுந்ததைப் பார்த்ததும் அவர் பதறிப்போனார். ஐஸ்வர்யாவுக்கு மயக்கம் தெளிவித்து, ஆஸ்பத்திரிக்கு அழைத்து சென்றார். ஐஸ்வர்யா சம்பந்தப்பட்ட காட்சிகள் தவிர, மற்ற காட்சிகள் தொடர்ந்து படமாக்கப்பட்டன.

விஜய்யின் தலைவா படப்பிடிப்பிற்கு திடீர் விசிட் சென்று இன்ப அதிர்ச்சி கொடுத்தார் தல அஜீத்
[Sunday 2013-04-28 16:00]

சமீபகாலமாக தமிழ்ப்படங்களின் படப்பிடிப்புகள் தமிழ்நாட்டை தவிர மற்ற எல்லா நாடுகளிலும் நடந்து வருகிறது. பெருவாரியான படப்பிடிப்புகள் அமெரிக்கா, ஆஸ்திரேயா போன்ற அயல் நாடுகளில் நடந்தாலும், சில படப்பிடிப்புகள் மும்பையில் நடந்து வருகிறது. அந்த வகையில், துப்பாக்கி படத்தையடுத்து விஜய் நடித்து வரும் தலைவா படப்பிடிப்பும் மும்பையில்தான் அதிக நாட்கள் நடந்தது. அந்த சமயத்தில் அஜீத்தின் வலை படப்பிடிப்பும் அதே மும்பையில் நடந்து வந்தது. இந்த நிலையில், தனது படப்பிடிப்பு நடைபெற்ற பகுதியில் இருந்து சிறிது தூரத்தில் விஜய் நடிக்கும் தலைவா படப்பிடிப்பு நடைபெறுவதை கேள்விப்பட்ட அஜீத், திடீர் விசிட் செய்திருக்கிறார். அஜீத்தின் வருகையைப்பார்த்து விஜய் உள்பட அனைவருமே இன்ப அதிர்ச்சியடைந்தார்களாம். அதைத் தொடர்ந்து, விஜய்யிடம் வெகுநேரமாக பேசிக்கொண்டிருந்த அஜீத், தலைவா படத்தில் விஜய் பாடிய ஒரு பாடலையும் கேட்டாராம். கேட்டு முடித்ததும், இப்பாடல் இந்த ஆண்டின் சூப்பர் ஹிட் பாடல் வரிசையில் கண்டிப்பாக இடம்பிடிக்கும் என்று சொல்லி, விஜய்யை சந்தோசப்படுத்தி விட்டு அங்கிருந்து விடைபெற்றாராம் அஜீத்.


ரஜினி - வித்யாபாலன் இணைந்து நடிக்கும் புதிய படம்
[Sunday 2013-04-28 16:00]

கோச்சடையான் படத்தை முடித்து விட்ட ரஜினி, கேன்ஸ் படவிழாவில் அப்படத்தை திரையிடவும் முடிவெடுத்துள்ளாராம். அதையடுத்து ஜூன் மாதத்தில் படத்தை வெளியிட்ட கையோடு தனது அடுத்த புதிய பட வேலைகளிலும் இறங்குகிறாராம். அந்த படத்திற்கான கதை, இயக்குனர், தயாரிப்பு நிறுவனம் என அனைத்தும் முடிவாகி விட்டபோதும், கோச்சடையான் திரைக்கு வரும்வரை அடக்கிவாசிக்கப்போகிறார்களாம். இருப்பினும், புதிய படத்தில் ரஜினிக்கு ஜோடியாக வித்யாபாலன் நடிப்பார் என்று செய்திகள் கசிந்துள்ளன. கேன்ஸ் பட விழாவில் படங்களை தேர்வு செய்யும் 9 பேர் கொண்ட நடுவர் குழுவில் வித்யாபாலனும் ஒருவராக நியமிக்கப்பட்டுள்ளார். அதே விழாவுக்கு ரஜினியும் செல்லவிருப்பதால, அப்போது தனது படத்தில் அவரை நடிக்க வைப்பது குறித்து ரஜினி பேசுவார் என்றும் கூறப்படுகிறது.


பவர்ஸ்டாரின் 'சும்மா நச்சுனு இருக்கு' படத்தின் டிரைலர் வெளிவந்துவிட்டது.. Top News
[Sunday 2013-04-28 08:00]

சூடு பிடித்துள்ள 'வலை' படப்பிடிப்பில் ஆர்யா, டாப்ஸி நடினக்காட்சி
[Saturday 2013-04-27 19:00]

இயக்குநர் விஸ்ணுவர்தன் இயக்கத்தில் அஜீத் நடித்துள்ள வலை படத்தின் படப்பிடிப்புகள் தற்போது புதுச்சேரியில் நடந்து வருகிறது. புதுச்சேரி பாரதி பூங்காவில் இன்று நடைபெற்ற படப்பிடிப்பில் நடிகர் ஆர்யா, நடிகை டாப்சி நடத்த பாடல் காட்சிகள் படமாக்கப்பட்டது. இப்படத்திற்கு இசையமைப்பாளர் யுவன் சங்கர் ராஜா இசையமைத்துள்ளது குறிப்பிடத்தக்கது.

Easankulasekaram-Remax-300716
Mahesan-Remax-169515-Seithy
Tharsi-home-15-10-2016
SELVI-HOMES-09-02-17
<P>
 <b> 13-08-2017 அன்று ரொரன்டோவில் நடைபெற்ற இசை மாலைப் பொழுது - 2017 நிகழ்வின் படத்தொகுப்பு.</b> படங்கள்-குணா
</p>
<b>  கனடா-ரொரன்டோவில்  ஜூலை 29ம் 30ம்தி கதிகளில் நடைபெற்ற World Tamil Badminton Federation 5th annual tournament நிகழ்வின் படத்தொகுப்பு.</b> படங்கள்-குணா
<b>  கனடா-ரொரன்டோவில்  ஜூலை 7ம் 8ம் 9ம்தி கதிகளில் நடைபெற்ற குதூகலம் 2017 நிகழ்வின் படத்தொகுப்பு.</b> படங்கள்-குணா