Untitled Document
October 22, 2017 [GMT]
  • Welcome
  • Welcome
ஆஸ்திரேலிய சூதாட்ட கிளப்பில் அமலா பால்
[Saturday 2013-04-06 18:00]

தலைவா படத்துக்காக ஆஸ்திரேலியா சென்றுள்ள அமலா பால், அங்கு நடிகர் சுரேஷுடன் சேர்ந்து சூதாடி பணம் ஜெயித்தாராம். விஜய் நடிக்க, விஜய் இயக்கும் புதிய படம் தலைவா. சந்திரபிரகாஷ் ஜெயின் தயாரிக்க, ஜிவி பிரகாஷ் இசையமைக்கிறார். இந்தப் படத்தில் விஜய்க்கு இரு ஜோடிகள். ஒருவர் அமலா. மற்றவர் ராகிணி நந்த்வனி. இப்போது படப்பிடிப்பு ஆஸ்திரேலியாவில் நடக்கிறது. விஜய்யுடன் இரு நாயகிகளும் ஆஸ்திரேலியா சென்றுள்ளனர். போன இடத்தில் படப்பிடிப்பு முடிந்ததும் போரடித்ததாம் அமலாவுக்கு. அப்படியே சுற்றிப் பார்க்கக் கிளம்பியவர் சூதாட்ட கிளப்புக்குள் நுழைந்து, ஒரு ஆட்டம் ஆடினாராம்.


'அழகன் அழகி'யின் கதை இது தான்
[Saturday 2013-04-06 18:00]

ஜாக், ஆர்த்தி சாம்ஸ் மூவரும் டி.வி.யில் வேலை பார்ப்பதாக சொல்லி கேமராவுடன் கிராமங்களுக்கு செல்கின்றனர். தாங்கள் டி.வி. நடத்தும் அழகன் அழகி நிகழ்ச்சியில் பங்கேற்க வைப்பதாக திறமையானவர்களை தேர்வு செய்து கட்டணம் வசூலிக்கின்றனர். அப்போது ஒரு கிராமத்தில் வீட்டு வேலை பார்க்கும் ஆருஷியை சந்திக்க நேர்கிறது. அவர் மேல் ஜாக், காதல் வயப்படுகிறார். ஆருஷியை கைதிக்கு மணம் முடிக்க ஏற்பாடு செய்கின்றனர். அவரை ஜாக் தன்னுடன் அழைத்துக் கொண்டு ஓடுகிறார். காட்டில் நக்சலைட்டுகளிடம் சிக்குகின்றனர். ரவுடிகளும் தேடி அலைகிறார்கள். போலீசாரும் அவர்களை பிடிக்க வலை விரிக்கின்றனர். அப்போது ஜாக் குழுவினர் யார் என்ற மர்ம முடிச்சு அவிழ்கிறது. அவர்கள் தப்பினார்களா காதல் நிறைவேறியதா? என்பது மீதி கதை… ஜாக், கேரக்டரில் பொருந்துகிறார்.


அப்பாவோடு சேர்ந்து தான் நடித்த கவர்ச்சி காட்சிகளை பார்க்க முடியாது, வெட்கத்தில் வெளியேறிய இனியா!
[Saturday 2013-04-06 18:00]

சமீபத்தில் வெளியான ஒரு படத்தின் பிரிவியூ காட்சியின்போது தந்தையுடன் படம் பார்த்த நடிகை இனியா, தான் நடித்த கவர்ச்சிக் காட்சிகள் வந்தபோது வெளியே வந்துவிட்டாராம், வெட்கம் தாளாமல். இரு வாரங்களுக்கு முன் வெளியான படம் கண்பேசும் வார்த்தைகள். செந்தில் நாயகனாக நடிக்க, அவருக்கு ஜோடியாக இனியா நடித்திருந்தார். சமீபத்தில் இந்தப் படத்தின் பத்திரிகையாளர் காட்சி சென்னை பிரசாத் லேபில் நடந்தது. இந்தக் காட்சிக்கு தன் அப்பாவோடு வந்திருந்தார் இனியா. படம் பார்க்க அமர்ந்த இனியாவுக்கு தான் நடித்த சில கவர்ச்சிக் காட்சிகளை தன்னாலேயே பார்க்க முடியவில்லையாம்.


மீண்டும் சூப்பர் ஸ்டாரின் இமயமலைப் பயணம்
[Saturday 2013-04-06 17:00]

புகை, மது போன்றவற்றை அறவே விட்டுவிட்டு முன்னிலும் ஆரோக்கியமாகவும் இளமையோடும் திகழும் சூப்பர் ஸ்டார் ரஜினி, அவற்றைத் தொட வேண்டாம் என தன் ரசிகர்களுக்கும் தொடர்ந்து அறிவுறுத்தி வருகிறார். இப்போது அவர் தனது அடுத்த இமயமலைப் பயணத்துக்கு தயாராகி வருவதாகக் கூறப்படுகிறது. ஆனால் அவரது உடல்நிலையைக் கருத்தில் கொண்டு, இந்தப் பயணத்தை தள்ளிப் போட வேண்டுமென்று வீட்டில் சொல்கிறார்களாம். ஆனால் நண்பர்களுடன் வேண்டுமானால் போய் வரட்டும் என்று மருத்துவர்கள் ஆலோசனை கூறியுள்ளார்களாம். எனவே கோச்சடையான் ரிலீசுக்கு முன் அல்லது பின் இந்தப் பயணம் குறித்து செய்திகள் வரலாம். இப்போதைக்கு ரஜினி பெரும்பாலும் தன் ராகவேந்திரா திருமண மண்டபத்தில்தான் நேரத்தைச் செலவிடுகிறார். முன்னெப்போதையும்விட அதிக அளவு நண்பர்களைச் சந்திக்கிறார். பேசிக் கொண்டிருக்கிறார்.


லட்சங்களிலிருந்து கோடிக்கு எகிறிய அமலாபாலின் சம்பளம்
[Saturday 2013-04-06 17:00]

இதுவரை லட்சங்களில் சம்பளம் வாங்கி வந்த நடிகை அம‌லாபால், இப்போது திடுதிப்பென்று தனது சம்பளத்தை ஒரு கோடியாக உயர்த்திவிட்டார். வீரசேகரன், சிந்து சமவெளி போன்ற படங்களில் நடித்த நடிகை அமலாபால், மைனா படம் மூலம் பிரபலமானார். தொடர்ந்து தெய்வத்திருமகள், காதலில் சொதப்புவது எப்படி, சேட்டை படங்களில் நடித்து முன்னணி நடிகையாக உயர்ந்தார். பின்னர் தெலுங்கிற்கும் சென்று அங்கும் முன்னணி நடிகையாக உயர்ந்தார். இதுநாள் வரை தனது சம்பளத்தை ரூ.70 லட்சம் முதல் ரூ.80 லட்சம் வரை வாங்கி வந்தார். தற்போது தமிழில் விஜய், ஜெயம் ரவி போன்று டாப் நடிகர்களுடனும், தெலுங்கில் ராம்சரண் தேஜா, அல்லு அர்ஜூன் போன்ற ஹீரோக்களுடனும் நடித்து வருகிறார். தமிழ், தெலுங்கு ‌என்று எல்லாம் மொழியிலும் தொடர்ந்து டாப் ஹீரோக்களுடன் நடிப்பதால் தனது சம்பளத்தை ரூ.1 கோடியாக உயர்த்தி விட்டார்.


தம்பி ராமையாவும் பாடகர் ஆகிவிட்டார்
[Saturday 2013-04-06 17:00]

இயக்குனர், காமெடி நடிகர், குணச்சித்திர நடிகர் என பன்மு‌க திறமை கொண்ட நடிகர் தம்பி ராமையா, உ படத்திற்காக ஒரு பாடலை பாடி பாடகராகவும் தன்னை நிரூபித்திருக்கிறார். தேசிய விருது பெற்ற நடிகர் தம்பி ராமையா உ படத்தில் ஒரு முக்கிய கதாபாத்திரத்தில் நடித்துள்ளார். நாலு வால் சிஷ்யர்களுடன் அவர் அடிக்கின்ற காமெடி தான் உ படம். படப்பிடிப்பு முழுவதும் முடிந்து தற்‌போது போஸ்ட் புரொடக்ஷ்ன் வேலைகள் நடந்து வருகிறது. இப்படத்தில் ஒரு சர்ப்ரைஸாக தம்பி ராமையாக ஒரு பாடலை பாடியிருக்கிறார். அறிமுக இசையமைப்பாளர் அபிஜித் இராமசாமி இசையில், முருகன் மந்திரம் எழுதியுள்ள "ஒரு படி மேல" என்று தொடங்கும் தத்துவக் குத்துப்பாடலை பாடி அசத்தியுள்ளார். அதோடு ஒரு அசத்தலான ஆட்டமும் போட்டிருக்கிறார்.


பாண்டிநாடு படத்தில் விஷாலுடன் ஜோடி போடும் லட்சுமி மேனன்
[Saturday 2013-04-06 17:00]

நடிகர் விஷால் சொந்தமாக தயாரிக்கும் படத்திற்கு பாண்டிநாடு என்று பெயர் வைத்துள்ளனர். இதில் ஹீரோயினாக லட்சுமி மேனன் நடிக்கிறார். மதகஜராஜா, பட்டத்து யானை படங்களில் நடித்து வரும் விஷால், அடுத்தப்படியாக சொந்தமாக ஒரு படத்தை தயாரித்து, நடிக்கிறார். விஷால் பிலிம் பேக்டரி எனும் பெயரில் தயாரிப்பு நிறுவனம் தொடங்கியுள்ள விஷால், தான் தயாரிக்கும் முதல்படத்தில் அவரே ஹீரோவாக நடிக்கிறார். இப்படத்தை வெண்ணிலா கபடிக்குழு, நான் மகான் அல்ல படங்களின் டைரக்டர் சுசீந்திரன் இயக்குகிறார். மதுரையை மையமாக வைத்து இப்படத்தின் கதைக்களம் அமைக்கப்பட உள்ளது. இதனால் படத்திற்கு பாண்டிநாடு என்று பெயர் வைத்துள்ளனர். படத்தின் ஹீரோயினாக லட்சுமி மேனனை நடிக்க பேச்சுவார்த்தை நடந்து வந்த வேளையில், இப்போது அவரே ஹீரோயினாக தேர்வாகியுள்ளார்.


முத்துராமன் நடித்த 'காசேதான் கடவுளடா' ரீ-மேக்
[Saturday 2013-04-06 16:00]

1970-களில் சூப்பர் - டூப்பர் ஹிட்டான காசேதான் கடவுளடா படத்தை இப்போது ரீ-மேக் செய்வதற்கான வேலைகள் நடக்கிறது. ஏ.வி.எம். தயாரிப்பில், சித்ராலயா கோபு இயக்கத்தில், முத்துராமன், ஸ்ரீகாந்த், தேங்காய் சீனிவாசன், வெண்ணிற ஆடை மூர்த்தி, லட்சுமி, மனோரமா உள்ளிட்ட பலரது நடிப்பில் வெளியான படம் காசேதான் கடவுளடா. முழுக்க முழுக்க காமெடி படமான இப்படத்தில் தேங்காய் சீனிவாசனின் சாமியார் வேடம், அனைவராலும் பாராட்டப்பட்டது. எம்.ஜி.ஆர்., சிவாஜி போன்றோரது படங்கள் வெளியான நேரத்தில் சிறிய நடிகர்களுடன், காமெடியாக எடுக்கப்பட்ட இப்படம் சூப்பர் ஹிட்டானதுடன் நல்ல வசூலையும் பெற்று தந்தது.


சில்க் ஸ்மிதாவின் ஆவியே என்னை பாராட்டும் - சனா கான்
[Saturday 2013-04-06 16:00]

சில்க்காக நடித்திருக்கும் என்னை பார்த்து, அவரது ஆவியே வந்து பாராட்டும் என்று பெருமைப்பட கூறுகிறார் நடிகை சனா கான். சிலம்பாட்டம், ஆயிரம் விளக்கு ‌போன்ற படங்களில் நடித்தவர் நடிகை சனா கான். இவர் இப்போது மலையாளத்தில் க்ளைமாக்ஸ் என்ற படத்தில் நடித்துள்ளார். மறைந்த நடிகை சில்க் ஸ்மிதாவின் வாழ்க்கையை மையமாக வைத்து இப்படம் உருவாகியுள்ளது. ஏற்கனவே சில்க்கின் வாழ்க்கையை மையமாக வைத்து இந்தியில், தி டர்ட்டி பிக்சர்ஸ் என்ற பெயரில் ஒரு படம் உருவாகி மாபெரும் வெற்றி பெற்றதோடு, அப்படத்தில் சில்க்காக நடித்த வித்யாபாலனுக்கு தேசிய விருதும் பெற்று தந்தது. இந்நிலையில் மலையாளத்திலும் சில்க்கை வைத்து உருவாகும் க்ளைமாக்ஸ் படம், தமிழில் நடிகையின் டைரி என்ற பெயரில் வெளியாகிறது. பிரபல மலையாள டைரக்டர் அனில் இப்படத்தை இயக்கியுள்ளார்.


ரஹ்மானின் இசையில் உருவாகும் 'மரியான்' பாடல் வெளியீடு இம்மாதம் 9 ம் திகதி
[Friday 2013-04-05 19:00]

ஏ.ஆர்.ரஹ்மான் இசையமைத்திருக்கும் மரியான் படத்தின் பாடல்கள் வெளியீட்டு தேதி அதிகாரப்பூர்வமாக அறிவிக்கப்பட்டுள்ளது. ரஹ்மானின் வந்தே மாதரம் ஆல்பத்தை இயக்கிய பரத்பாலா தனுஷை வைத்து இயக்கும் படம் மரியான். பூ பார்வதி தனுஷின் ஜோடி. சோனி இப்படத்தின் ஆடியோ உரிமையை வாங்கியுள்ளது. வரும் ஏப்ரல் ஒன்பதாம் தேதி மரியானின் ஒரேயொரு பாடலை விளம்பரத்துக்காக வெளியிடுகிறார்கள். பிறகு 16 ஆம் தேதி இன்னொரு பாடல். அதையடுத்து 23 ஆம் தேதி நடக்கும் பாடல்கள் வெளியீட்டு விழாவில் மீதியுள்ள பாடல்களும் வெளியிடப்படுகிறது. ஆஸ்கர் பிலிம் தயாரித்திருக்கும் இந்தப் படம் ஜுனில் திரைக்கு வரும் என எதிர்பார்க்கப்படுகிறது.


வரலாறு காணாத நடிகைத்தோழிகள்..
[Friday 2013-04-05 19:00]

இரண்டு கதாநாயகிகள், ஒரே படத்தில் நடித்தாலே வில்லங்கம் தான். தேவையில்லாத, 'ஈகோ போர் வெடித்து, ஸ்பாட்டில் ஆளுக்கொரு பக்கமாக, முகத்தை திருப்பிக் கொண்டு அமர்ந்திருப்பர். ஆனால், 'கேடி பில்லா கில்லாடி ரங்கா படத்தில் நடித்த பிந்துமாதவி, ரெஜினா இருவரும், எந்தவித சர்ச்சையையும் உருவாக்காமல், ரொம்ப சகஜமாக பழகினார்களாம். ஸ்பாட்டில் அவர்கள் இருக்கிற இடம் கலகலப்பாக காட்சியளித்ததாம். ரெஜினா கூறுகையில், 'பிந்து மாதவி என்னை விட பெரிய நடிகை. தெலுங்கில் அதிக படங்களில் நடித்தவர், இப்போது தமிழிலும், பிசியாக நடித்து வருகிறார் என்ற போதும், யாருடைய வாய்ப்பையும் தட்டிப் பறிக்க வேண்டும் என்றோ, சக நடிகைகளை போட்டியாகவோ, நினைக்காதவர். என்னிடம் மிகவும் அன்பாக பழகினார். அதனால், நல்ல தோழிகளாகி விட்டோம். அடிக்கடி போனில் பேசிக் கொள்வதோடு, நேரம் கிடைக்கும் போதும் நேரில் சந்தித்து கொள்கிறோம் என்கிறார் ரெஜினா.


பட வாய்ப்புக்காக பெயர் மாற்றம் செய்த நடிகை நந்தகி
[Friday 2013-04-05 19:00]

'இன்னொருவன்', 'அவள் பெயர் தமிழரசி' படங்களில் நடித்த நந்தகிக்கு, அதன் பின் சரியான படவாய்ப்புகள் இல்லாததால், தன் பெயரை"மனுமிகா என்று மாற்றிக் கொண்டு "இத்தனை நாளாய் எங்கிருந்தாய், ஒரு முறை பார்த்தேன் போன்ற படங்களில் நடித்தார்.அதிலும், எந்த மாற்றமும் கிடைக்கவில்லை. அதனால், இப்போது தன் சொந்தப் பெயரான மனோசித்ரா என்றே தன் பெயரை மாற்றிவிட்டார் நந்தகி.அதன்பின் தான், "நேற்று இன்று, வெற்றி கொண்டான் ஆகிய படங்களில், நடிக்கும் வாய்ப்புகள் கிடைத்துள்ளதாம். அதனால், இனி, மனோசித்ரா என்ற பெயரிலேயே தொடர்ந்துநடிக்கப் போகிறாராம், அவர்.


சந்தானத்தை காமெடி டயலாக் எழுதுமாறு கேட்கும் ஹீரோக்கள்..
[Friday 2013-04-05 18:00]

தான் நடிக்கிற ஒவ்வொரு படங்களிலுமே, தன் காமெடி பேசப்பட வேண்டும் என்பதில் உறுதியாக இருக்கிறார் சந்தானம். தியேட்டருக்கு வரும் ஆடியன்சை. சங்கடப்படுத்தக்கூடாது. சந்தோஷப்படுத்த வேண்டும் என்பதை கொள்கையாகவே கடைபிடித்து வருகிறார். அதனால், தான் நடிக்கும் படங்களில் காமெடி காட்சிகளுக்குத் தேவையான வசனங்களை, தானே தயார்படுத்தி விடுகிறார். சந்தானம் எழுதும் காமெடி டயலாக்குகள், படம் பார்க்கும் ரசிகர்கள் மத்தியில் சிரிப்பலைகளை ஏற்படுத்துவதால், இப்போது அவருடன் நடிக்கும் ஹீரோக்களே, சந்தானத்தை காமெடிக்கான டயலாக் எழுதுமாறு கேட்டுக் கொண்டு வருகின்றனர்.


ஹன்சிகாவின் மனதை ஆக்கிரமித்த தமிழ் பாடல்கள்..
[Friday 2013-04-05 18:00]

ஹன்சிகா, இயற்கையாகவே, அதிக இசை ஆர்வம் கொண்டவராம். படிக்கும் காலத்திலேயே, சினிமா பாட்டென்றால், அவருக்கு உயிராம். தனக்கு, விருப்பப்பட்ட பாடல்களை, பள்ளி விழாக்களில் பாடி, பரிசுகள் கூட வாங்கியுள்ளார். அதனால், தான் நடிக்கும் படங்களில், பாடல் காட்சிகளை படமாக்குகின்றனர் என்றால், அந்த பாடல்களை, நிஜமாலுமே மனப்பாடம் செய்து, பாடி நடிக்கிறாராம் ஹன்சிகா.மேலும், வீட்டில் இருக்கும் போது, ஹன்சிகாவின் படுக்கை அறையில், எந்நேரமும் இசைதான் நிரம்பி வழியுமாம். காரில் பயணிக்கும்போதும், மனதுக்கு பிடித்த பாடல்களை போட்டு, கேட்டு ரசிப்பதுடன், பாடல் ஒலிக்கும்போது, தானும் சேர்ந்து பாடுவாராம். தனக்கு அதிக பிடித்தமான பாடல்கள் ஒலித்தால், தன்னை மறந்து இசையோடு கலந்து, குஷியாட்டம் ஆடத் துவங்கிவிடுவாராம் ஹன்சிகா.சமீப காலமாய், அவரது வீட்டில் தமிழ்ப்பட பாடல்கள் தான் அதிகம் கேட்கிறதாம்.


நடிகர் சங்கத்தின் உண்ணாவிரதத்தில் பங்கேற்காத நட்சத்திரங்களுக்கு நோட்டீஸ்!!
[Friday 2013-04-05 18:00]

நடிகர் சங்கம் நடத்திய ஒருநாள் அடையாள உண்ணாவிரதப் போராட்டம் வெற்றியா தோல்வியா? உண்ணாவிரதத்தில் ர‌ஜினி, கமல், அ‌‌ஜீத், சூர்யாவெல்லாம் கலந்துட்டாங்களே எனும் போதே, பார்த்திபன், விமல், சந்தானம், சசிகுமார், நயன்தாரா, அசின், தமன்னா, தாப்ஸி, குஷ்பு என்று இன்னொரு நீண்ட பட்டியலை வாசிக்கிறார்கள். இவர்களெல்லாம் உண்ணாவிரதத்தில் கலந்து கொள்ளாதவர்கள். படப்பிடிப்பை ஒருநாள் ரத்து செய்து, கண்டிப்பாக கலந்து கொள்ள வேண்டும் என்று சொன்ன பிறகும் இவ்வளவு ஆப்சென்டா என சங்க நிர்வாகிகள் ரொம்பவே அப்செட். வராதவர்களுக்கு விளக்கம் கேட்டு நோட்டீஸ் அனுப்பியாகணும் தலைவரே என ஒரு கோஷ்டியினர் சரத்குமாரை நெருக்குகிறார்கள். வராதவர்கள் ஒன்றிரண்டு பேர் என்றால் அனுப்பலாம். இத்தனை பேருக்கும் எப்படி நோட்டீஸ் அனுப்புவது? பேசாமல் பேப்ப‌ரில் விளம்பரம் தரலாமே..?


காஜல் அகர்வாலுக்கு ஜோடியாக நடிக்கும் பவர் ஸ்டார்
[Friday 2013-04-05 17:00]

சிங்கம் இந்தி ‌ரீமேக்கில் நடித்த காஜல் அகர்வால் அதன் பிறகு அக்சய் ஜோடியாக ஸ்பெஷல் 26 படத்தில் தோன்றினார். ஆனால் அவர் எதிர்பார்த்த பிரேக் இந்தியில் கிடைக்கவில்லை. இதனால் மீண்டும் தென்னகத்துக்கே திரும்பியிருக்கிறார். கார்த்தியுடன் ஆல் இன் ஆல் அழகுராஜா படத்தில் நடித்து வருகிறவர் மேலும் இரு தமிழ்ப் படங்களில் நடிக்க பேச்சுவார்த்தை நடத்தி வருகிறார். தெலுங்கில் சம்பத் நந்தி இயக்கும் புதிய படத்தில் ஒப்பந்தமாகியுள்ளார். இந்தப் படத்தில் காஜலுக்கு ஜோடியாக நடிப்பவர் பவர் ஸ்டார் பவன் கல்யாண். மகேஷ்பாபுடன் பிசினஸ்மேன், விஜய்யுடன் துப்பாக்கி, ராம்சரண் தேஜாவுடன் நாயக், அக்சய் குமாருடன் ஸ்பெஷல் 26 என காஜலின் சமீபத்திய படங்கள் அனைத்தும் சூப்பர்ஹிட். அதன் காரணமாக ஒரு கோடிக்கு சம்பளத்தை உயர்த்தியிருக்கிறார். அதைத் தர தயா‌ரிப்பாளர்கள் தரப்பில் போட்டா போட்டி போடுவதுதான் காஜலின் பலம். நீங்கள் விரும்பக்கூடியவை...


முதல்முறையாக 515 திரையரங்குகளில் வெளியாகிய சேட்டை
[Friday 2013-04-05 17:00]

பாஸ் என்கிற பாஸ்கரன் படத்தின் வெற்றிக்குப் பிறகு ஆர்யாவுக்கு தனியான மார்க்கெட் உருவாக்கியுள்ளது. ஆர்யா நடிக்கிறார் என்பதற்காக படம் பார்க்க வரும் இளைஞர்களின் எண்ணிக்கை கடந்த காலத்தில் கணிசமாக அதிகரித்துள்ளது. நாளை ஆர்யா, சந்தானம் நடித்த சேட்டை வெளியாகிறது. யுடிவி யின் விளம்பரம் காரணமாக சேட்டை கடைகோடி தமிழனையும் ரீச் செய்திருக்கிறது. சந்தானம், பிரேம்ஜி, ஹன்சிகா மோத்வானி, அஞ்சலி என ஆர்யாவின் கோ ஸ்டார்களுக்கும் கணசமான ரசிகர் கூட்டம் உண்டு. நாளை சேட்டை 515 திரையரங்குகளில் வெளியாகிறது. இது உலகம் முழுவதும் வெளியாகும் பிரிண்ட்களின் எண்ணிக்கை. யுடிவி யின் படம் என்பதால் யுகே, யுஎஸ் உள்ளிட்ட வெளிநாடுகளிலும் சேட்டை வெளியாவது குறிப்பிடத்தக்கது.


பத்மஸ்ரீ விருதை வென்றெடுத்த ஸ்ரீ தேவி
[Friday 2013-04-05 17:00]

பல்வேறு துறைகளில் சிறந்து விளங்கியவர்களுக்கான பத்ம விருதுகள் இன்று டில்லியில் உள்ள ராஷ்டிரபதிபவனில் வழங்கப்பட்டது. நாட்டின் மிக உயரிய விருதுகளான பத்ம விருதுகளை இன்று ஜனாதிபதி பிரணாப் முகர்ஜி வழக்கினார். முன்பே கூறியதுபோல் விழாவைப் புறக்கணித்தார் பாடகி ஜானகி. பல்வேறு துறைகளில் சாதனை புரிந்தவர்களுக்கு மத்திய அரசு பத்மவிபூஷன், பத்மபூஷன், பத்மஸ்ரீ விருதுகள் வழங்கி வருகிறது. 2013-ம் ஆண்டுக்கான விருது பெறுவோர் பட்டியலை மத்திய அரசு கடந்த ஜனவரி மாதம் வெளியிட்டது. இதன் படி நடிகை ஸ்ரீ தேவிக்கு பத்மஸ்ரீ விருதும், நடிகை சர்மிளா தாகூருக்கு பத்மபூஷன் விருதும் வழங்கப்பட்டது. பத்ம விருதுகள் வழங்கப்படுவதில் தென் இந்தியர்கள் புறக்கணிக்கப்படுவதாகக் கூறி, தனக்கு வழங்கப்பட்ட பத்ம விபூஷன் விருதை பிரபல பின்னணி பாடகி எஸ். ஜானகி புறக்கணித்துள்ளார்.


உண்ணாவிரதம் நடத்துவதை எண்ணி மகிழ்ச்சியடைகிறேன்: - விஜய் அனுப்பிய பிரார்த்தனைக் கடிதம்!
[Thursday 2013-04-04 14:00]

படப்பிடிப்புக்காக ஆஸ்திரேலியாவில் இருப்பதால் உண்ணாவிரதத்தில் கலந்து கொள்ளவில்லை. ஆனால் ஈழத் தமிழர்களுக்கு விடியல் பிறக்க வேண்டும் என பிரார்த்திக்கிறேன், என நடிகர் விஜய் கடிதம் எழுதியுள்ளார்.இலங்கை தமிழர்களுக்கு ஆதரவாக தென்னிந்திய நடிகர் - நடிகைகள் நேற்று சென்னையில் ஒரு நாள் அடையாள உண்ணாவிரதம் இருந்தனர்.நடிகர் அஜீத், சூர்யா, கார்த்தி ஆகியோர் காலையில் தொடங்கி மாலை வரை உண்ணாவிரதம் இருந்தனர்.உடல்நிலை காரணமாக, சூப்பர்ஸ்டார் ரஜினி சில மணி நேரம் மட்டுமே உண்ணாவிரதத்தில் கலந்து கொண்டார்.


பாவாடை தாவணி யாருக்கு எடுப்பாக இருக்கும்?
[Thursday 2013-04-04 14:00]

தமிழ்நாட்டுப் பெண்களின் பாரம்பரிய உடை பாவடை தாவணியாக இருந்தது. இன்றைக்கு சுடிதார், சல்வார் என்று மாறிவிட்டது. நகரங்களில் மட்டுமல்ல கிராமங்களில் கூட பெரும்பாலான பெண்கள் சுடிதாருக்கு மாறிவிட்டனர். யாரும் பாவாடை, தாவணியை விரும்புவதில்லை. கல்லூரிப் பெண்கள் மத்தியில் வெள்ளிக்கிழமை, திருவிழா நாட்களில் மட்டுமே பாவடை தாவணியை காணமுடிகிறது. அது சொல்லி வைத்து ஒரே மாதிரி பாவாடை தாவணியில் அணிந்த வந்து பட்டாம் பூச்சிகளாய் வலம் வருவார்கள்.


மலையாள நடிகர் உன்னி முகுந்தனுக்கும், ரம்யா நம்பீசனுக்கும் காதல்..!
[Thursday 2013-04-04 14:00]

மலையாள நடிகர் உன்னி முகுந்தனுக்கும், ரம்யா நம்பீசனுக்கும் காதல் மலர்ந்திருப்பதாக செய்திகள் வெளியாகியுள்ளன. இளைஞன், குள்ளநரிக்கூட்டம், பீட்சா போன்ற படங்களில் நடித்தவர் நடிகை ரம்யா நம்பீசன். மலையாளத்திலும் நிறைய படங்களில் நடித்துள்ளார். இவர் மலையாள நடிகர் உன்னி முகுந்தன் உடன் இது பத்திரமனல் என்ற மலையாள படத்தில் நடித்தார். அப்போது அவர்களுக்குள் உண்டான நட்பு, இப்போது காதலாக மாறியுள்ளதாகவும், இருவரும் நெருக்கமாக பழகி வருவதாகவும் மலையாள திரையுலகில் பரபரப்பாக பேசப்பட்டு வருகிறது. ஆனால் இந்த விஷயம் பற்றி கேள்விப்பட்ட நடிகை ரம்யா நம்பீசன், வழக்கமாக நடிகைகள் சொல்வது போன்றே, இது தவறான செய்தி, எங்களுக்குள் எதுவும் இல்லை, நாங்கள் வெறும் நண்பர்கள் தான் என்று கூறியுள்ளார்.


துள்ளி விளையாடுவதைப் பார்த்த திரையுலகப் பிரமுகர்கள்..! சிரிப்போ சிரிப்பு..!
[Thursday 2013-04-04 11:00]

விரைவில் திரைக்கு வரவிருக்கும் துள்ளி விளையாடு படத்தைப் பார்த்த திரையுலகப் பிரமுகர்கள் பலராலும் சிரிப்பை அடக்க முடியவில்லையாம். அப்படியொரு கொமெடியாக வந்துள்ளதாம் வின்சென்ட் செல்வா இயக்கத்தில் உருவாகியுள்ள இந்தப் படம். ஆர்.பி. ஸ்டூடியோஸ் தயாரிக்க யுவராஜ் -தீப்தி, பிரகாஷ்ராஜ், ஜெயபிரகாஷ், சென்றாயன், பரோட்டா சூரி ஆகியோர் நடித்துள்ள படம் துள்ளி விளையாடு.


ஒரு நாள் படத்துக்கு அரசு வரிவிலக்கு கொடுக்கவில்லையா! : - பொய்யான நியூஸை ஏன் போடறீங்க!
[Thursday 2013-04-04 10:00]

சென்னையில் ஒரு நாள் படத்துக்கு அரசு வரிவிலக்கு கொடுக்கவில்லை என்று வந்தது பொய்யான செய்தி என நடிகர் சரத்குமார் கூறினார். ராதிகா தயாரிப்பில், சரத்குமார், சேரன், பிரசன்னா, பிரகாஷ்ராஜ் உள்பட பலரும் நடித்து சமீபத்தில் திரைக்கு வந்த படம் சென்னையில் ஒருநாள். தரமான படம் என பலராலும் பாராட்டப்படும் இந்தப் படத்துக்கு தமிழக அரசு வரிவிலக்கு அளிக்கவில்லை என்றும், காரணம் சன் டிவி நல்லாசியுடன் என்று குறிப்பிட்டு படத்தை விளம்பரப்படுத்தியதுதான் என்றும் பத்திரிகைகளில் செய்தி வெளியாகியிருந்தது.


படப்பிடிப்பில் அறிமுகமாகும் 'பர்ஸ்ட் எடிட் சிஸ்டம்' எனும் புதிய நடைமுறை
[Wednesday 2013-04-03 16:00]

ஷூட்டிங் ஸ்பாட்டில் வெட்டியாக அரட்டை அடிக்கும் திரைநட்சத்திரங்களுக்கு ஆப்பு வைக்க வருகிறது ஒரு புதிய நடைமுறை. பர்ஸ்ட் எடிட் சிஸ்டம் எனும் புதிய நடைமுறையை கொண்டு வந்துள்ளார் இயக்குனராக அவதரித்துள்ள பிரபல ஒளிப்பதிவாளர் ரவி கே.சந்திரன். இவர் இயக்கும் முதல்படம் யான். ஜீவா ஹீரோவாகவும், துளசி ஹீரோயினாகவும் நடிக்கின்றனர். அதிரடி ஆக்ஷ்ன் ப்ளஸ் ரொமாண்டிக் கலந்த கதையாக இப்படத்தை இயக்கி வருகிறார் ரவி கே.சந்திரன். ஆர்.எஸ்.இன்போடெயின்மென்ட் சார்பில் எல்ரெட் குமார் தயாரிக்கிறார். ஹாரிஸ் இசையமைக்கிறார். இப்படத்தின் பத்திரிக்கையாளர் சந்திப்பு சென்னையில் நடந்தது. அப்போது பேசிய தயாரிப்பாளர் எல்‌ரெட் குமார், நம்மூரில் பிறந்து வடமாநிலம் வரை தனது ஒளிப்பதிவால் அசத்தியவர் ரவி கே.சந்திரன்.


படத்தை ஓட வைப்பதற்காக அருந்ததியை கவர்ச்சியாக நடிக்க வைத்த இயக்குனர்!!
[Wednesday 2013-04-03 14:00]

'அம்முவாகிய நான்' என்ற படத்தை இயக்கியவர் பத்மாமகன். அதையடுத்து ஒரு நல்ல படததை இயக்க வேண்டும் என்று ஒரு ஏழு வயது சிறுவனை ஹீரோவாக வைத்து ஒரு கதை பண்ணி விட்டு கம்பெனி கம்பெனியாக ஏறி இறங்கியிருக்கிறார். ஆனால் ஏழு வயது பையன் ஹீரோ என்றால் எப்படி படத்தை விற்க முடியும் என்று யாரும் படத்தை தயாரிக்க முன்வரவில்லையாம். இதனால் ஏற்பட்ட வெறுப்பில், பல ஆண்டுகளாக வீடே கதியென்று கிடந்தாராம் பத்மாமகன். இருப்பினும் எப்படியேனும் படம் இயக்கியே தீரவேண்டும் என்ற வெறி ஏற்பட, தனது மனைவியின் கம்மலை அடகு வைத்து வெறும் 10 ஆயிரத்தை கையில் வைத்துக்கொண்டு கூத்து என்ற பெயரில் ஒரு படத்தை ஆரம்பித்திருக்கிறார். நல்ல படம் ஓடாது என்று பலரும சொன்னதால், கூத்தடிப்போம் என்று தானும் களமிறங்கியதாக சொல்லும் அவர், இப்போது விமல், பிரசன்னா, அருந்ததி, நந்தகியை வைத்து அந்த படத்தை தயாரித்து இயக்கி விட்டார்.


இனிமேலும் ஆபாசமில்லாத படங்களையே எடுப்பேன் - டைரக்டர் சாமி உறுதிமொழி மொழி
[Wednesday 2013-04-03 13:00]

உயிர், மிருகம்,சிந்துசமவெளி போன்ற காமம் சம்பந்தப்பட்ட படங்களை இயக்கியவர் சாமி. இதில் சிந்துசமவெளி படத்தில் மாமனார், மருமகளின் கள்ள உறவைப்பற்றி அவர் படமெடுத்ததற்கு பெருவாரியான பொதுமக்களும், பெண்கள் அமைப்புகளும் எதிர்ப்பு தெரிவித்தன. அதோடு அவர் வீட்டில் கல், சோடா பாட்டிலை வீசி பலரும் தங்களது எதிர்ப்புகளை வெளிப்படுத்தினர். அதன்காரணமாக, அந்த படமும் மக்களால் புறக்கணிக்கப்பட்டு தியேட்டர்களில இருந்தே வெளியேற்றப்பட்டது. அதனால் அடுத்தபடியாக சாமிக்கு யாரும் படம் கொடுக்கவே முன்வரவில்லை. அதையடுத்து தான் இயக்கி ஏற்கனவே கிடப்பில் போட்டிருந்த சரித்திரம் படத்தை மீண்டும் எடுக்கப்போவதாக சொன்னார். ஆனால் அந்த படத்தின் நாயகிக்கு திருமணமாகி விட்டது. அதனால் இனிமேல் அப்படம் சாத்தியப்படாது என்கிற நிலையாகி விட்டது.


ஐ.பி.எல். தொடக்க விழாவில் நடனமாடி, ரசிகர்களை பரவசப்படுத்திய கேத்ரினா கைப் - தீபிகா படுகோன்
[Wednesday 2013-04-03 13:00]

ஆறாவது ஐ.பி.எல். கிரிக்கெட் போட்டிகள் இன்று (03) தொடங்கி மே 26-ம் திகதி வரை நடைபெற உள்ளது. இதையொட்டி கொல்கத்தாவில் நேற்று ஐ.பி.எல். தொடக்க விழா கோலாகலமாக நடைபெற்றது. விழாவில் மேற்கு வங்க முதல்வர் மம்தா பானர்ஜி, பி.சி.சி.ஐ. தலைவர் சீனிவாசன், ஐ.பி.எல். தலைவர் ராஜீவ் சுக்லா மற்றும் முக்கிய பிரமுகர்கள் கலந்துகொண்டனர். வண்ண வண்ண லேசர் விளக்குகள் மின்ன, வாணவேடிக்கைகள் முழங்க, அதிரடி இசையுடன் விழாவை கேப்டன்கள் அறிமுகத்தைத் தொடர்ந்து கண்கவர் கலைநிகழ்ச்சிகள் நடைபெற்றன. சீனாவின் 'ரெட் பாப்பி' பெண் இசைக் கலைஞர்களின் ஆடல்-பாடல் நிகழ்ச்சிகள் ரசிகர்களை வெகுவாகக் கவர்ந்தது. பாலிவுட் நடிகை கேத்ரினா கைப், தீபிகா படுகோனே ஆகியோர் நடனமாடி ரசிகர்களை பரவசப்படுத்தினர்.


பாலாவின் படத்தில் நடிக்கத்துடிக்கும் விக்ரம் பிரபு
[Wednesday 2013-04-03 13:00]

டைரக்டர் பாலாவின் இயக்கத்தில் ஒரு படத்தில் நடித்தாலும் போதும், நாம் முழு நடிகனாகி விடுவோம் என்பது நடிகர்களின் நம்பிக்கையாகி விட்டது. அந்த அளவுக்கு சாதாரண நடிகர்களை கூட தரமான நடிகராக்கி விடுகிறார் பாலா. அதனால்தான் அவர் படங்களில் நடித்து விட்டு வந்த நடிகர்களுக்கு மார்க்கெட்டில் நல்ல மரியாதையும் இருந்து வருகிறது. விக்ரம், சூர்யா, ஆர்யா, விஷாலை அடுத்து இப்போது அதர்வாவும் பாலாவின் படத்தில் நடித்து ஒரு அங்கீகாரத்தை பெற்று விட்டார். இந்த நிலையில், பாலா அடுத்து என்ன படம் இயக்கப்போகிறார் என்பதில் கோலிவுட் நடிகர்கள் வட்டாரம் உன்னிப்பாக கவனிக்கத் தொடங்கியிருக்கிறது. அதில் கும்கி படத்தில் நடித்த விக்ரம் பிரபு குறிப்பிடத்தக்கவர். தற்போது இவன் வேற மாதிரி என்ற படத்தில் நடித்து வரும் அவர், அடுத்து பாலாவின் பட்டறைக்குள் பட்டை தீட்டப்பட்டால், கோடம்பாக்கத்தில் நாமும் ஒரு அசைக்க முடியாத நம்பிக்கை நட்சத்திரமாகி விடலாம் என்று பாலா படத்தில் அடுத்து தான் நடித்து விட வேண்டும் என்ற முயற்சி எடுப்பதாக கூறப்படுகிறது.

Tharsi-home-15-10-2016
Easankulasekaram-Remax-300716
SELVI-HOMES-09-02-17
Mahesan-Remax-169515-Seithy
<P>
 <b> 13-08-2017 அன்று ரொரன்டோவில் நடைபெற்ற இசை மாலைப் பொழுது - 2017 நிகழ்வின் படத்தொகுப்பு.</b> படங்கள்-குணா
</p>
<b>  கனடா-ரொரன்டோவில்  ஜூலை 29ம் 30ம்தி கதிகளில் நடைபெற்ற World Tamil Badminton Federation 5th annual tournament நிகழ்வின் படத்தொகுப்பு.</b> படங்கள்-குணா
<b>  கனடா-ரொரன்டோவில்  ஜூலை 7ம் 8ம் 9ம்தி கதிகளில் நடைபெற்ற குதூகலம் 2017 நிகழ்வின் படத்தொகுப்பு.</b> படங்கள்-குணா