Untitled Document
February 25, 2018 [GMT]
  • Welcome
  • Welcome
'அன்னக்கொடி' யாக சுருங்கி போன பாரதிராஜா படம்
[Saturday 2013-03-09 20:00]

பாரதிராஜா இயக்கி வரும் புதிய படம் 'அன்னக்கொடியும் கொடிவீரனும்'. புதுமுகம் லக்ஷ்மன், கார்த்திகா, நடிக்கிறார்கள். படப்பிடிப்புகள் முடிந்து தற்போது டப்பிங், மற்றும் பின்னணி இசை சேர்ப்பு பணிகள் நடந்து வருகிறது. இந்தப் படத்தில் முதலில் பார்த்திபன் நடிப்பதாக இருந்தது. அவரை நீக்கி விட்டு இயக்குனர் அமீர் நடிப்பதாக அறிவித்தார். தேனியில் நடந்த துவக்க விழாவுக்கும் அமீர் சென்றார். படத்துக்காக பெரிய மீசையெல்லாம் வளர்த்திருந்தார். பிறகு அவரையும் நீக்கிவிட்டு லக்ஷ்மன் என்ற புதுமுகத்தை நடிக்க வைத்தார். இப்போது படத்தின் தலைப்பில் இருந்தே கொடிவீரனை நீக்கி விட்டார். அன்னக்கொடியும் கொடிவீரனும் என்ற பெயர் ஏதோ காமிக்ஸ் புத்தக தலைப்பு மாதிரி இருப்பதாக நண்பர்கள் பலரும் சொல்ல இதுபற்றி தீவிரமாக ஆலோசித்த பாரதிரஜா படத்தின் தலைப்பில் கொடிவீரனை நீக்கிவிட்டு 'அன்னக்கொடி' என்று படத்தின் தலைப்பை சுருக்கி விட்டார். இனி படத்தின் பெயர் 'அன்னக்கொடி'.


மென்மையான கவர்ச்சி கவிதையாக மாறிய அஞ்சலி!
[Saturday 2013-03-09 20:00]

ஆர்யா நடித்துள்ள சேட்டை படத்தில் ஹன்சிகா, அஞ்சலி இருவரும் கதைப்படி சற்று புஷ்டியாக இருக்க வேண்டும் என்று சொன்னாராம் இயக்குனர். ஆனால் ஹன்சிகாவைப்பொறுத்தவரை எப்போதுமே அவர் கொளுகொளு பொம்மைதான். ஆனால் அஞ்சலிதான், தினமும் ஜிம்னாஸ்டிக் சென்று உடம்பை ஸ்லிம் பண்ணி பராமரித்து வந்தார். அதனால் அவரை கண்டிப்பாக உடம்பை புஷ்டியாக்க வேண்டும் என்று சொல்லிவிட்டாராம் டைரக்டர். இதனால் கட்டுக்கோப்பாக வைத்திருக்கும் உடம்பில் சதை போட்டால், பின்னர் அதை குறைக்க பெரும்பாடு பட வேண்டியிருக்குமே என்று தயங்கி நின்றாராம் அஞ்சலி. ஆனால், இந்த கதைக்கு கொளுகொளுவான இரண்டு பொம்மைதான் எனக்கு தேவை என்று டைரக்டர் விடாப்பிடியாக இருந்ததால், அதையடுத்து இரண்டு வாரங்களிலேயே ஐஸ் கிரீம், பீட்சா என்று உடம்பில் சதை போடும் அயிட்டங்களை அடுக்கி பத்து கிலோ வரை உடல் எடையை அதிகப்படுத்தி விட்டாராம் அஞ்சலி.


வியக்கும் அளவுக்கு காட்சிகளை கொண்டு உருவாகிறது - 'ரெண்டாவது படம்'
[Saturday 2013-03-09 20:00]

'தமிழ் படம்' இயக்கி தமிழ் சினிமாவை கலாய்த்த சி.எஸ்.அமுதன் இயக்கும் ரெண்டாவது படத்தின் பெயரும் 'ரெண்டாவது படம்'தான். விமல், ரம்யா நம்பீசன், ரிச்சர்ட், அரவிந்த் ஆகாஷ் நடிக்கிறார்கள். இதுவும் தமிழ் படம் போன்று கிண்டல் ஸ்பெஷல்தான் என்று கூறப்படுகிறது. ஆனால் இதனை சி.எஸ்.அமுதன் மறுக்கிறார். அவர் கூறியதாவது: மூன்று வருஷத்துக்கு முன்பு நான் சினிமாவுக்கு வருவேன் என்று நினைக்கவில்லை. ஆனால் வந்து விட்டேன். படம் இயக்குவது என்று முடிவ செய்தபிறகு இதுவரை யாரும் செய்யாததை செய்ய வேண்டும் என்ற எண்ணத்தில் உருவானதுதான் தமிழ்படம். பலரை அதில் கேலி செய்திருந்தாலும் எந்த ஹீரோவும், இயக்குனரும் என்னிடம் கோபப்படவில்லை. எல்லோரும் என்னுடைய நண்பர்களாக இருக்கிறார்கள். ரெண்டாவது படத்தில் யாரையும் கிண்டலோ கேலியே செய்யவில்லை.


உதயநிதியுடன் ஜோடி போடும் கதிர்வேலன் காதல் படத்தில் கவர்ச்சியை குறைத்த நயன்தாரா
[Saturday 2013-03-09 20:00]

நயன்தாரா திடீரென்று கவர்ச்சியை குறைத்துக் கொண்டு உள்ளார். ஏற்கனவே அய்யா படத்தில் குடும்ப பாங்கான கேரக்டரில்தான் அறிமுகமானார். அதன் பிறகு கவர்ச்சிக்கு மாறினார். வல்லவன் படத்தில் சிம்புவை உதட்டோடு உதடு முத்தமிடுது போன்ற போஸ்டர்கள் சென்னையில் ஒட்டப்பட்டு பரபரப்பை ஏற்படுத்தின. தற்போது மீண்டும் குடும்ப பாங்கான வேடங்களுக்கு மாறியுள்ளார். சமீபத்தில் தெலுங்கில் வந்த ஸ்ரீராமராஜ்ஜியம் படத்தில் சீதையாக நடித்தார். அதில் இருந்து கவர்ச்சி வேடங்களில் நடிப்பதில்லை என்று முடிவு செய்துள்ளாராம். உதயநிதி ஜோடியாக தற்போது நடித்து வரும் இது கதிர்வேலன் காதல் படத்திலும் கவர்ச்சி இல்லையாம். குடும்ப பாங்கான கேரக்டரில் தோன்றுகிறார். பாடல் காட்சிகளிலும் கவர்ச்சி உடை அணியவில்லையாம்.


'துள்ளி விளையாடு'படத்தின் இசை குறுந்தகட்டை வெளியிட்ட விஜய்
[Saturday 2013-03-09 10:00]

துள்ளி விளையாடு படத்தின் முதல் இசை குறுந்தகட்டை வெளியிட்டார் நடிகர் விஜய். ப்ரியமுடன் படம் மூலம் நடிகர் விஜய்க்கு பெரிய பிரேக் கொடுத்தவர் வின்சென்ட் செல்வா. தொடர்ந்து யூத், வாட்டாக்குடி இரணியன், ஜித்தன், பெருமாள் என வித்தியாசமான படங்களைத் தந்தவர். த்ரில்லர் கதைகளை கையாள்வதில் தேர்ந்தவரான இவர் இப்போது கையிலெடுத்திருப்பது துள்ளி விளையாடு என்ற காமெடி கலந்த த்ரில்லர் கதையை. படத்தின் நாயகனாக யுவராஜ் என்ற இளைஞரையும் அவருக்கு ஜோடியாக தீப்தியையும் அறிமுகம் செய்கிறார் வின்சென்ட் செல்வா. இவர்களுடன் பிரகாஷ்ராஜ் முக்கிய வேடத்தில் நடிக்கிறார். ஜெயபிரகாஷ், சூரி, சிங்கமுத்து, சென்ராயன் (ரவுத்திரம் – வில்லன்) சூப்பர்குட் லஷ்மண், மதுரை சுஜாதா (நாடோடிகள்) மதன்பாபு என பிரபலங்கள் கைகோர்த்துள்ளனர். இந்தப் படத்தை ஆர்பி ஸ்டுடியோஸ் சார்பில் கோவிந்தராஜ் தயாரித்துள்ளார் .


சூர்யா - சமந்தா ஜோடி சேரும் புதிய படம்
[Saturday 2013-03-09 10:00]

சிங்கம் 2-வுக்குப் பிறகு சூர்யா லிங்குசாமியின் இயக்கத்தில் நடிக்கிறார் என்பது உறுதியாகியிருக்கிறது. சூர்யாவின் கால்ஷீட்டை பெறுவதில் லிங்குசாமிக்கும், கௌதமுக்கும் கடும் போட்டி நிலவியது. இறுதி வெற்றி லிங்குசாமிக்கு. அவரின் திருப்பதி பிரதர்ஸ் இந்தப் படத்தை தயாரிக்கும் என‌த் தெரிகிறது. இன்னும் பெயரிடப்படாத படத்தில் ஹீரோயினாக நடிக்க சமந்தாவை ஒப்பந்தம் செய்துள்ளனர். இதனை சமந்தாவும் ஒப்புக் கொண்டிருக்கிறார். 'நீதானே என் பொன்வசந்தம்' படத்துக்குப் பிறகு சமந்தா நடிக்கப் போகும் படம் இது என்பது குறிப்பிடத்தக்கது.


சீனிவாசனின் புதிய கூட்டணி
[Saturday 2013-03-09 09:00]

படாவதி ஸ்டார் சீனிவாசனை ஒரேயொரு பாடலில் இல்லை ஒரேயொரு காட்சியில் நடிக்க வைத்தால் படத்தை பல கோடிக்கு விற்கலாம், தியேட்டரில் கலெக்சனை அள்ளலாம் என்றொரு தப்பான அபிப்ராயம் தமிழ் சினிமாவில் ஏற்பட்டிருக்கிறது. இதன் விளைவு? சீனிவாசன் இல்லாத காமெடிப் படங்கள் இல்லை. அந்த வரிசையில் இன்னொரு படம், நாலு பொண்ணு நாலு பசங்க. இந்தப் படத்தில் தலையை மட்டும் காட்டாமல் தனி ட்ராக்கே இவருக்கு இருக்கிறது. இதில் சீனிவாசனுக்கு பார்பர் வேடம். இவருக்கு காதலில் ஐடியா தந்து உதவுகிறவர் எம்.எஸ்.பாஸ்கர். இந்த‌க் கூட்டணி சீனிவாசன், சந்தானம் கூட்டணியைவிட அதிக புகழ் பெறும் என்கிறார்கள் யூனிட்டில். எம்.எஸ்.பாஸ்கர் திறமையானவர். யூனிட்டின் வாக்கு பலிக்கலாம்.


'மும்பை 125 கிலோ மீட்டர்' இந்தி படத்தின் நாயகி அபர்ணா பா‌ஜ்பா
[Saturday 2013-03-09 09:00]

கருப்பம்பட்டியில் இரண்டு வேடங்களில் அ‌ஜ்மலுடன் நடித்து வருகிறார் அபர்ணா பா‌ஜ்பாய். முன்னணி நடிகைகளே இந்தியில் நடிக்க முட்டி மோதும் போது அபர்ணாவை தேடி மும்பையே வந்திருக்கிறது. விரைவில் தொடங்கவிருக்கும் 'மும்பை 125 கிலோ மீட்டர்' படத்தில் அபர்ணா பா‌ஜ்பாய் ஹீரோயின். எதிர்பாராமல் கிடைத்த இந்த வாய்ப்பால் மகிழ்ச்சியில் இருக்கிறார் அபர்ணா. அதனை இரட்டிப்பாக்கும் விதமாக மகேஷ்பட் அடுத்து தயா‌ரிக்கும் படத்தில் நடிக்கவும் அபர்ணாவை கேட்டிருக்கிறார்கள். மகேஷ்பட் படம் என்றால் செக்சும், க்ரைமும் தூக்கலாக இருக்கும். அந்தவகையில் அபர்ணா பா‌ஜ்பாய்க்கு ஏற்ற வேடத்தை மகேஷ்பட்டின் படத்தில் எதிர்பார்க்கலாம். இந்தி வாய்ப்புகள் பற்றி சொன்ன அபர்ணா, இனி தமிழில் நடிப்பதை நிறுத்திவிடுவீர்களா என்ற கேள்விக்கு அளித்த பதில், இந்தி, தெலுங்கில் நடித்தாலும் தமிழுக்குதான் முன்னு‌ரிமை தருவேன். தமிழ்தேசியவாதிகள் கவனிக்கவும்.


மீண்டும் அண்ணன் இயக்கத்தில் நடிக்கவுள்ள தனுஷ்!
[Friday 2013-03-08 20:00]

மீண்டும் தனது அண்ணனும் டைரக்டருமான செல்வராகவனுடன் ஒரு புதிய படத்தில் இணைகிறார் நடிகர் தனுஷ். 2002 ஆம் ஆண்டு ரிலீஸான துள்ளுவதோ இளமை, தொடர்ந்து காதல் கொண்டேன், புதுப்பேட்டை, மயக்கம் என்ன ஆகிய படங்களைத் தொடர்ந்து மீண்டும் ஒரு புதிய படத்தில் செல்வராகவனுடன் இணைகிறார் தனுஷ். இந்தப்படத்தை தனது சொந்தப்பட தயாரிப்பு நிறுவனமான 'ஒண்டர்பார் பிலிம்ஸ்' சார்பில் தயாரிக்கப்போகிறாராம் தனுஷ். ஏற்கனவே இதே பேனரில் 'எதிர்நீச்சல்' என்ற படத்தை தயாரித்து வருகிறார் தனுஷ். வெற்றிமாறனின் உதவியாளர் துரை செந்தில்குமார் டைரக்ட் செய்து வரும் இந்தப்படத்தில் ஹீரோவாக சிவ கார்த்திகேயனும் அவருக்கு ஜோடியாக பிரியா ஆனந்த்தும் நடித்து வருகிறார்கள். தனுஷின் ஃபேவரைட் மியூசிக் டைரக்டரும், நண்பருமான அனிருத் தான் இந்தப்படத்துக்கும் இசையமைப்பாளர். இந்தப்படத்தைத் தொடர்ந்து இரண்டாவது படமாக செல்வராகவனின் படத்தை தயாரிக்க திட்டமிட்டு அதற்கான வேலைகளில் மும்முரமாக இறங்கியிருக்கிறாராம் தனுஷ்.


இமேஜ் பற்றி கவலையில்லை எந்தமாதிரி நடிப்பு தேவையோ, அதை வெளிப்படுத்த தயார்: வேதிகா
[Friday 2013-03-08 20:00]

பாலாவின், பரதேசியில் மாறுபட்ட கதாநாயகியாக நடித்துள்ளார், வேதிகா. என்றாலும், அடுத்தபடியாக தமிழில், அவருக்கு பெரிய அளவில் எந்த பட வாய்ப்பும் அமையவில்லை. சில ஆண்டுகளுக்கு முன், கிளாமரான வேடத்தில், அழகி மோனிகா நடித்த, சிலந்தி படத்தின் 2ம் பாகத்தில் நடிக்கக் கேட்டபோது, உடனே ஓ.கே., சொல்லி விட்டாராம் வேதிகா. இதே படத்தில் மீண்டும் நடிப்பதற்கு, மோனிகாவை அணுகியபோது, மறுபடியும் கிளாமர் ரோலில் நடித்து, என் இமேஜை கெடுத்துக் கொள்ளமாட்டேன் என்று மறுத்துவிட்டாராம். ஆனால் வேதிகாவோ, எனக்கு இமேஜ் பற்றி கவலையில்லை. கதைக்கு, எந்தமாதிரி நடிப்பு தேவையோ, அதை வெளிப்படுத்தி நடிக்க தயாராக இருக்கிறேன் என்று கூறியுள்ளாராம்.


சிங்கம் 2 படப்பிடிப்பின் போது விஜய்க்கு தூது விட்ட ஹரி: கடுப்பாகி கர்ஜித்த சூர்யா!
[Friday 2013-03-08 20:00]

கடந்த ஆண்டு வெளியான டாப் ஹீரோ படங்களில், தயாரிப்பாளரின் பர்ஸை காப்பாற்றி பத்திரமாக திருப்பி கொடுத்த படங்கள் விஜய் படங்கள் மட்டுமே. வருட தொடக்கத்தில் நண்பன், வருட முடிவில் துப்பாக்கி என்று இரண்டுமே, லாபமும் சம்பாதித்துக் கொடுத்தன. டைரக்டரின் பெயரையும் கெடுக்கவில்லை. அதனால், மெகா டைரக்டர்களும் மற்றைய ஹீரோக்களை வைத்து படம் பண்ணிக்கொண்டு இருக்கும்போதே விஜய்க்கு தூதுவிடும் தமாஷ் நடந்துகொண்டு இருக்கிறது. இந்த தூது சமாச்சார லிஸ்ட்டில் சமீபத்தில் இணைந்திருக்கிறார், தற்போது சூர்யா படத்தை இயக்கிக் கொண்டிருக்கும் ஹரி! இதில் சூர்யா கொஞ்சம் அப்செட் என்கிறார்கள்.


ஹன்சிகாவின் ஹீரோக்களை தன் பக்கம் இழுக்கும் நயன்..
[Friday 2013-03-08 20:00]

நயன்தாராவுக்கு, எல்லாம் அமோகமாகவே அமைந்து விட்டது. வந்த வேகத்திலேயே விஜய், அஜீத், ஆர்யா என்று முன்னணி ஹீரோக்களின் படங்களை கைப்பற்றி பரபரப்பு காட்டிவிட்டார். சற்றே, முதுமை எட்டிப் பார்த்த, தன் உடற்கட்டையும் பழைய பளபளப்புக்கு கொண்டு வந்து விட்ட நயன்தாரா, மீண்டும் தான், நம்பர்-ஒன் நாற்காலியை பிடித்துவிட வேண்டும் என்று, புதிய முயற்சிகளில் இறங்கியுள்ளார். அப்படியென்றால், இப்போது நம்பர்-ஒன்னாக இருக்கும் ஹன்சிகாவை வீழ்த்தினால்தானே, தன் கனவு நனவாகும் என்று, இப்போது ஹன்சிகாவின் ஹீரோக்களை தன் பக்கம் இழுக்கும் முயற்சிகளில் ஈடுபட்டுள்ள நயன்தாரா, சில அபிமான டைரக்டர்களையும் சந்தித்து பட விஷயமாக பேச்சுவார்த்தை நடத்தி வருகிறார்.


அஜீத் படத்திற்கு சிக்கியது தலைப்பு - மகிழ்ச்சியில் தல..
[Friday 2013-03-08 19:00]

பில்லா படத்தைத் தொடர்ந்து மீண்டும் விஷ்ணுவர்தன் இயக்கத்தில் நடித்து வருகிறார் அஜீத். ஏ.எம்.ரத்னம் தயாரித்துள்ள இந்த படத்தில் அஜீத்துடன் ஆர்யா, நயன்தாரா, டாப்சி ஆகியோரும் முக்கிய வேடங்களில் நடித்துள்ளனர். கடந்த 7 மாதங்களாக இப்படத்தின் படப்பிடிப்பு தொடங்கப்பட்டு வேலைகள் துரிதமாக நடந்து வந்தன. என்றாலும், படத்தின் தலைப்பை ரொம்பவே சீக்ரெட்டாக வைத்திருந்தார்கள். ஆனால் கடந்த மாதம் வலை என்று அவர்கள் தலைப்பு வைத்திருப்பதாக செய்திகள் கசிந்தன. அந்த தலைப்பை இப்போது உறுதிபடுத்தியுள்ளது அப்படக்குழு. சைபர் க்ரைம் ஆபீசராக அஜீத் இப்படத்தில் நடிப்பதும் வெளியாகியிருக்கிறது.


சினிமா துறையில் ஆண்களின் ஆதிக்கம் தான் அதிகம் - திரைப்பட இயக்குனர் லக்ஷ்மி ராமகிருஷ்ணன்
[Friday 2013-03-08 19:00]

சினிமாத் துறையில் ஆண்களின் ஆதிக்கம் அதிகளவில் இருப்பதாக திரைப்பட இயக்குனர் லக்ஷ்மி ராமகிருஷ்ணன் தெரிவித்துள்ளார். மும்பை பெண்கள் சர்வதேச திரைப்பட விழா தொடர்பாக இன்று செய்தியாளர்கள் சந்திப்பு நிகழ்ச்சி நடைபெற்றது. இந்நிகழ்ச்சியில், திரைப்பட நடிகை விஜி சந்திரசேகர், இயக்குனர் நந்தினி, லட்சுமி ராமகிருஷ்ணன் குட்டி பத்மினி உள்ளிட்டோர் கலந்துக்கொண்டனர். இதில் கலந்துகொண்டு பேசிய லட்சுமி ராமகிருஷ்ணன் கூறியதாவது: சினிமாவில் நடிகர்களுக்கு கொடுக்கப்படும் சம்பளம், கதாபாத்திரம், மரியாதை ஆகியனவற்றை நடிகைகளுக்கு தருவதில்லை. கூலித் தொழிலாளிகளுக்கு ஊதியம் வழங்குவதில் பாகுபாடு காட்டுப்பட்டு வந்தது. அதற்கு ஆண்கள் உடல் ரீதியாக அதிக பலம் பொருந்தியவர்கள் என்ற சப்பை கட்டும் கூறப்பட்டு வந்தது ஆனால் முழுக்க முழுக்க திறமை சார்ந்தது. ஆனால் இங்கும் ஏன் இந்தப் பாகுபாடு காட்டப்படுகிறது என்றார்.


தீபிகாவிடம் மன்னிப்பு கேட்ட ஷாருக்கான்
[Friday 2013-03-08 19:00]

சென்னை எக்ஸ்பிரஸ் படப்பிடிப்பின்போது பாலிவூட் நடிகர் ஷாருக்கான் தீபிகா படுகோனேவிடம் மன்னிப்பு கேட்டுள்ளார் என்று கூறப்படுகிறது. பாலிவூட் நடிகர் ஷாருக்கான், தீபிகா படுகோனே உள்ளிட்டோர் ரோஹித் ஷெட்டியின் சென்னை எக்ஸ்பிரஸ் படத்தில் நடித்து வருகின்றனர். தீபிகாவும் இந்தி நடிகர் ரன்வீர் சிங்கும் காதலிப்பதாக பேச்சாகக் கிடக்கிறது. ஆனால் இது குறித்து சம்பந்தப்பட்டவர்கள் வாய் திறக்கவில்லை. இந்நிலையில் இந்த செய்தி காற்றோடு சேர்ந்து ஷாருக்கான் காதில் விழுந்துள்ளது. இதையடுத்து அவர் ரன்வீர் சிங்குடன் தீபிகாவை சேர்த்து பேசி கிண்டலடித்து வந்துள்ளாராம். முதலில் கண்டுகொள்ளாத தீபிகா பின்னர் கடுப்பாக்கிவிட்டாராம். அவர் எரிச்சலடைந்ததை உணர்ந்த ஷாருக் சாரி தீபிகா என்று மன்னிப்பு கேட்டதாகக் கூறப்படுகிறது. தீபிகாவின் காதல் வாழ்க்கை பற்றி பலரும் பேசுவது அவருக்கு வருத்தத்தை ஏற்படுத்தியுள்ளது.


சந்தானத்தோடு ஜோடிபோடும் ஹர்பஜன்சிங் காதலி
[Friday 2013-03-08 19:00]

சந்தானம் அடுத்து நடிக்க இருக்கும் காமெடிப் படம் 'மரியாதை ராமன்'. அவரே தயாரிக்கிறார். ஸ்ரீதர் இயக்குகிறார். இதில் சந்தானத்துக்கு ஜோடியாக நடிக்க தீவிரமாக நடிகை ஒருவரை தேடிக் கொண்டிருக்கிறார்கள். 'கண்ணா லட்டு தின்ன ஆசையா' படத்தில் விசாகா புதுமுகமாக இருந்தாலும் சந்தானத்துக்கு ஜோடி இல்லை. அதனால் இந்தப் படத்தில் பெரிய ஹீரோக்களே அசரும் வகையில் ஒரு நடிகையை ஹீரோயினாக்கும் முயற்சியில் இறங்கி இருக்கிறார் சந்தானம். பாலிவுட்டில் டாப்பில் இருக்கும் ஹீரோயின்களோடு பேச்சுவார்த்தை நடந்து வருகிறது. அவர்கள் சந்தானத்துடன் நடிப்பதற்கு தயக்கம் காட்டவில்லை. ஆனால் சம்பளம்தான் கோடிக் கணக்கில் கேட்கிறார்கள். இந்த நிலையில் பாலிவுட் நடிகையும் விளம்பர மாடலுமான கீதா பசாரா சந்தானத்துக்கு ஜோடியாக நடிக்கலாம் என்று தெரிகிறது. இவர் பிரபல கிரிக்கெட் வீரர் ஹர்பஜன்சிங்கின் காதலி. லண்டனில் பிறந்து வளர்ந்த இவர் இப்போது இந்தியாவில் டாப் டென் மாடலிங் பெண்களில் ஒருவர்.


'ஆவிகுமார்' படத்தில் நடிக்கும் இந்தி நடிகை
[Friday 2013-03-08 19:00]

அக்னிபாத் இந்திப் படத்தில் நடித்தவர் கனிகா திவாரி. இவர் தற்போது 'ஆவிகுமார்' என்ற தமிழ் படத்தில் உதயாவிற்கு ஜோடியாக நடித்து வருகிறார். காண்டீபன் இயக்கும் இந்தப் படத்திற்கு ராஜேஷ்யாதவ் ஒளிப்பதிவு செய்கிறார். விஜய் ஆண்டனி இசை அமைக்கிறார். இதன் படப்பிடிப்புகள் மலேசியாவில் கடந்த இரண்டு மாதங்களாக நடந்து வருகிறது. நகைச்சுவை கலந்த திகில் படம். சென்னையிலிருந்து மலேசியாவுக்கு வேலைக்கு செல்லும் ஹீரோவுக்கு அங்கு ஏற்படும் விபரீத அனுபவங்கள்தான் கதை. மலேசியாவில் இதுவரை யாரும் படப்பிடிப்பு நடத்தாத மலேகா என்ற மலையில் படப்பிடிப்பை நடத்தி இருக்கிறார்கள். ஹீரோயின் கனிகா திவாரி கவர்ச்சியாக நடித்திருக்கிறார். 'இந்திப் படத்தில் அறிமுகமானாலும் நான் தென்னிந்திய பொண்ணு. தமிழ் மற்றும் தெலுங்கில் பெரிய நடிகையாக வரவேண்டும் என்பதே என் லட்சியம். ஆவிகுமார் திகில் படம் என்றாலும் என்னோட பகுதி கவர்ச்சியும், காதலும் நிறைந்தது' என்கிறார் கனிகா திவாரி.


வரலட்சுமிக்கும் எனக்கும் எந்த சண்டையும் இல்லை - விஷால்
[Friday 2013-03-08 19:00]

நடிகர் சரத்குமாரின் மகள் வரலட்சுமி. சிம்பு நடித்த போடா போடி படத்தில் நடித்தவர். முதல் படத்திலேயே பல படங்களில் நடித்த நடிகை போன்று அசத்தலாக நடித்திருந்தார். அதோடு கிளாமரிலும் எந்த சங்கோஜமும் இன்றி புகுந்து விளையாடியிருந்தார். அதனால் தமிழ் சினிமாவுககு நல்லதொரு கமர்சியல் நடிகை கிடைத்திருக்கிறார் என்றுதான் பலரும் கணக்குப்போட்டார்கள். ஆனால், நடித்த முதல் படமே ப்ளாப் ஆனதால் செண்டிமென்ட் நிறைந்த கோடம்பாக்கத்தில் வரலட்சுமியை கண்டுகொள்வாரில்லை. அப்பா சரத்துக்கு வேண்டப்பட்ட படாதிபதிகளேகூட அப்புறம் பாக்கலாம் என்று கைவிரித்தனர். இதனால் அடுத்து என்ன செய்யலாம்? என்று அவர் யோசித்துக்கொண்டு நின்றார். அப்போதுதான், வரலட்சுமியிடம் நிறைய திறமை இருக்கிறது. அதை பயன்படுத்தியே ஆக வேண்டும் என்று தனது மதகஜராஜா படத்தில் நடிப்பதற்கு அவருக்கு சிபாரிசு செய்தார் விஷால்.


அந்தமானில் பிறந்ததினத்தை கொண்டாடிய வரலட்சுமி..
[Thursday 2013-03-07 19:00]

சரத்குமாரின் மகளும் 'போடா போடி' படத்தின் நாயகியுமான வரலட்சுமி மார்ச் 3ம் தேதி தனது பிறந்தநாளை அந்தமானில் கொண்டாடியுள்ளார். நண்பர்கள் பட்டாளத்துடன் அந்தமான் கடற்கரையில் ஆடிப்பாடி கொண்டாடியதைப் பற்றி டுவிட்டரில் பகிர்ந்துள்ளார் வரலட்சுமி. சிம்பு நடித்த 'போடா போடி' படத்தின் மூலம் தமிழ்சினிமாவில் ஹீரோயினாக அறிமுகமானவர் வரலட்சுமி சரத்குமார். அந்தப்படம் சரியாக போகாத காரணத்தால் பட வாய்ப்புகள் எதுவும் அவரைத் தேடி வரவில்லை. எனினும் நட்சத்திர கலைவிழா, ஷோரும் திறப்பு விழா,சி.சி.எல்.கிரிக்கெட் போட்டியில் சியர்ஸ் கேர்ள் என பல வேலைகளை செய்து வருகிறார் வரலட்சுமி.


வடிவேலுவை இயக்குகிறார் கே.எஸ்.ரவிக்குமார்..
[Thursday 2013-03-07 19:00]

காமெடி நடிகர் வடிவேலு கடந்த சட்டமன்றத் தேர்தலில் திமுக-வுக்கு ஆதரவாக பிரசாரத்தில் ஈடுபட்டார். அத்தேர்தலில் திமுக தோல்வியடைந்ததை அடுத்து இவருக்கு சினிமா வாய்ப்புகளும் பறிபோனது. இவரை தங்களது படங்களில் நடிக்கவைக்க எந்தவொரு தயாரிப்பாளரும், இயக்குனரும் முன்வரவில்லை. இந்நிலையில், மறுபடியும் ரீ எண்ட்ரி கொடுக்கும் வகையில், இவர் நடித்த 'இம்சை அரசன் 23-ம் புலிகேசி' படத்தின் இரண்டாம் பாகத்தை எடுப்பதற்கான முயற்சியில் இயக்குனர் சிம்புதேவனுடன் இணைந்து செயல்பட்டார். ஆனால் படத்திற்கு பட்ஜெட் எகிறவே, படம் கிடப்பில் போடப்பட்டது. இந்த நிலையில், வடிவேலு ஹீரோவாக நடிக்கும் படத்தை கே.எஸ்.ரவிக்குமார் இயக்குவது முடிவாகி உள்ளது. இப்படத்திற்கான கதையை ரஜினியின் வாழ்க்கை வரலாற்றை எழுதிய டாக்டர் காயத்ரி எழுதியுள்ளார். வடிவேலுவுக்கும், கே.எஸ்.ரவிக்குமாருக்கும் இந்த கதை பிடித்துவிட்டதால் சேர்ந்து பணியாற்ற முடிவு செய்துவிட்டார்களாம்.


முன்னணி நடிகைகளின் பட்டியலில் இடம்பெற துடிக்கும் ரம்யா நம்பீசனுக்கு கிடைத்த அம்மா வேடம்!
[Thursday 2013-03-07 19:00]

குள்ளநரிக் கூட்டம், பீட்சா போன்ற, சராசரி வெற்றிப் படங்களில், ஹீரோயினாக நடித்திருந்த, ரம்யா நம்பீசனுக்கு, கோலிவுட்டில் பெரிய அளவில் வாய்ப்பு கிடைக்கவில்லை. ஆனாலும், ரெண்டாவது படம், யா யா போன்ற படங்களில் நடித்து வருகிறார்.கோலிவுட் மீது கோபம் இருந்தாலும், தமிழில், முன்னணி நடிகைகளின் பட்டியலில், இடம் பெறுவது தான், என் ஆசை என, சவால் விடுத்துள்ளாராம். தெலுங்கு, மலையாளபடங்களில் நடித்து வரும் ரம்யாவுக்கு, திடீரென, என்ன நினைப்பு வந்ததோ தெரியவில்லை.


ரஜினி ரேஞ்சுக்கு பெரிய நடிகன் நான்: இயக்குனரிடம் சொடக்கு போட்டு சொன்ன பவர்ஸ்டார்!
[Thursday 2013-03-07 19:00]

கண்ணா லட்டு தின்ன ஆசையா படத்துக்குப்பிறகு பல படங்களில் காமெடியனாகவும், குத்துப்பாட்டுக்கு ஆடுபவராகவும் வளர்ந்து நிற்கிறார் பவர்ஸ்டார். என்றாலும், முக்கியத்துவம் வாய்ந்த காமெடியனாக அவரை எந்த இயக்குனர்களும் அங்கீகரிக்கவில்லை. மற்ற காமெடியன்களுடன் வரும் சப்போட்டிங் காமெடியனாகத்தான் பயன்படுத்துகிறார்கள். ஆனால் இதற்கிடையில் அவரைப்பற்றி ஏகப்பட்ட பில்டப் செய்திகள் மீடியாக்களில் உலா வந்து கொண்டிருக்கின்றன. மேலும், பவர்ஸ்டார் சார்பாகவும், ஐ படத்துக்குப்பிறகு ஒருநாளைக்கு ஐந்து லட்சமாக சம்பளத்தை உயர்த்தப்போவதாக சமீபத்தில் அதிர்ச்சி அறிக்கையொன்று வாசித்தார்கள்.


டாப்சியின் தங்கையை அறிமுகப்படுத்த போவது கவுதம் மேனனா.. வெற்றிமாறனா..
[Thursday 2013-03-07 19:00]

பஞ்சாப் ரசகுல்லா டாப்ஸி பன்னு. இப்போது தென்னிந்திய சினிமாவின் ஸ்வீட் பன்னு. சாப்ட்வேர் என்ஜினீயரான டாப்சி அழகிப் போட்டி ஒன்றில் டைட்டில் பெற தெலுங்கு படத்தில் அறிமுகமானார். ஆடுகளத்தில் நடிக்க த்ரிஷா தயங்க வெற்றிமாறன் டாப்ஸி அழைத்து வந்து வெள்ளாவி தேவதையாக்கினார். இப்போது டாப்ஸி தமிழ், தெலுங்கு, இந்தியில் ரொம்ப பிசி. தமிழில் அஜீத்துடன் வலை, ராகவா லாரன்சுடன் முனி&3, மறந்தேன் மன்னித்தேன், தெலுங்கில் ஷேடோஸ். ஜாக்பாட், குண்டலா கோதவரி, இந்தியில் சஸ்மே படோர் என ரவுண்டு கட்டி நடித்து வருகிறார்.


ரஜினியின் கோச்சடையான் ஜூலையில் வெளியீடு..!
[Thursday 2013-03-07 19:00]

ரஜினி ரசிகர்களுக்கு ஓர் நற்செய்தி.., நீங்கள் ஆவலுடன் எதிர்பார்த்த ரஜினியின் கோச்சடையான் படம் ஜூலையில் ரிலீஸ் ஆக இருக்கிறது. இதனை படத்தின் தயாரிப்பாளர் அதிகாரப்பூர்வமாக அறிவித்துள்ளார். நடிகர் ரஜினிகாந்தின் இளையமகள் சவுந்தர்யா இயக்குனராக அவதரித்து இருக்கும் படம் கோச்சடையான். முதல்படத்தையே தனது அப்பா ரஜினியை வைத்து தைரியமாக இயக்கி உள்ளார். இவருக்கு பக்கபலமாக இருந்து படத்தை எடுக்க உதவியுள்ளார் டைரக்டர் கே.எஸ்.ரவிக்குமார். ரஜினிக்கு ஜோடியாக பாலிவுட் நடிகை தீபிகா படுகோனே நடித்துள்ளார். இவர்களுடன் சரத்குமார், ஜாக்கி ஷெரப், ஆதி, ஷோபனா, ருக்மணி, நாசர் உள்ளிட்ட ஒரு பெரிய நட்சத்திர பட்டாளமே நடித்துள்ளனர். ஏ.ஆர்.ரஹ்மான் இசையமைக்கிறார், ராஜீவ் மேனன் ஒளிப்பதிவு செய்கிறார்.


இரண்டு மாதங்கள் படித்தும் தமிழை உச்சரிக்க முடியாமல் தடுமாறும் சோனியா அகர்வால்!
[Thursday 2013-03-07 18:00]

செல்வராகவன் நடித்த படங்களில் நடித்து வந்த சோனியா அகர்வால், அதையடுத்து அவரையே காதலித்து திருமணமும் செய்து கொண்டார். என்றாலும், அவர்களது குடும்ப வாழ்க்கை நீடிக்கவில்லை. சில மாதங்களிலேயே அவர்களது வாழ்க்கையில் சலசலப்பு ஏற்பட்டது. பின்னர் கோர்ட் வரை சென்றதை அடுத்து, விவாகரத்தாகி பிரிந்தனர். ஆனால் அதையடுத்து தனது பெண் உதவி இயக்குனரை திருமணம் செய்து கொண்டார் செல்வராகவன். ஆனால் சோனியா அகர்வால் திருமணமே செய்யவில்லை. மீண்டும் சினிமா கோதாவில் குதித்தார். பெருத்து சரிந்து கிடந்த தனது உடல்கட்டை ஸ்லிம் பண்ணிக்கொண்டு சில படங்களில் கேரக்டர் ரோல்களில் நடித்தவர், ஒரு நடிகையின் வாக்குமூலம் படத்தில் கதாநாயகியாகவும் நடித்தார்.


காமசூத்ரா 3டியில் அந்தப்புர லீலைகள் புரியும் நாசர்!
[Thursday 2013-03-07 18:00]

தமிழ் சினிமாவில் பலதரப்பட்ட வேடங்களில் நடித்து வருபவர் நாசர். இவருக்கு சமீபகாலமாக தமிழில் போதுமான படங்கள் இல்லை. அதனால் அண்டை மாநில மொழிப்படங்களில் நடித்து வருபவர், பாலிவுட் படங்களிலும நடிக்க முயற்சி எடுத்து வருகிறார். ஏற்கனவே இந்தியில் மணிரத்னம் இயக்கிய பம்பாய் படத்தில் நடித்த நாசர், அதன்பிறகு கமலின் சாச்சி 420, பிரபுதேவா இயக்கிய ரவுடி ரத்தோர், விஸ்வரூபம், டேவிட் என பல படங்களில் நடித்திருப்பவர், இப்போது இன்னும் அதிகப்படியான படங்களை கைப்பற்ற மும்பைக்கும், சென்னைக்கும் அடிக்கடி பறந்து கொண்டேயிருக்கிறார்.


ஹ்ரித்திக் ரோஷன் - கத்ரீனா முத்தக்காட்சி: கடுப்பாகிய கத்ரீனா கயீப்!
[Thursday 2013-03-07 18:00]

பாலிவுட் பியூட்டி கத்ரீனா கயீப், அடுத்ததாக, ஹ்ரித்திக் ரோஷன் ஜோடியாக, 'பாங் பாங்' என்ற படத்தில் நடிக்கிறார். இந்த படத்தில், ஹ்ரித்திக்கிற்கும், கத்ரீனாவுக்கும், கெமிஸ்ட்ரி, செமத்தியாக ஒர்க் அவுட் ஆகியுள்ளதாகவும், ரொமான்ஸ் காட்சிகளில், இருவரும் புகுந்து விளையாடுவதாகவும், செய்திகள் வெளியாகின. மேலும், இந்த படத்தில், ஹ்ரித்திக்கிற்கும், கத்ரீனாவுக்கும் முத்தக் காட்சி உள்ளதாகவும், இந்த காட்சி, சமீபத்தில் படமாக்கப்பட்டதாகவும், பாலிவுட்டில் தகவல்கள் கசிந்தன. இதைக் கேள்விப்பட்ட கத்ரீனா, பயங்கர கடுப்பில் இருக்கிறாராம். "முத்தக் காட்சியாவது, மொத்தக் காட்சியாவது; யாருப்பா இப்படி, போகும் இடமெல்லாம் பஸ் ஏறி வந்து, பீதியை கிளப்புறது. பீதியை கிளப்புற ஆள், என் கையில் கிடைத்தால், அவ்வளவு தான் என, நம்பியார் ஸ்டையிலில், கைகளை பிசைந்து கொண்டிருக்கிறாம், கத்ரீனா.


சினிமா உலகம் எந்தளவுக்கு அழகானதோ.. அதே அளவுக்கு ஆபத்தானதும்கூட: இளம்பெண்களுக்கு சசிகுமார் அறிவுரை!
[Thursday 2013-03-07 18:00]

இயக்குநர் சசிகுமார் அடுத்து எடுக்க இருக்கும் படத்தில் நடிக்க வாய்ப்புத் தருவதாகச் சொல்லி போலி இ-மெயில் முகவரிகளை வைத்தும் வலைத்தளங்களை வைத்தும் சிலர் ஏமாற்றி வருகிறார்கள். இதுகுறித்து தகவல் அறிந்த ஆ.சசிகுமார் "வலைத்தளங்களை நம்பி ஏமாற வேண்டாம்" என அறிக்கை வெளியிட்டுள்ளார். இதுகுறித்து அவர் வெளியிட்டுள்ள அறிக்கையில் கூறியிருப்பதாவது: "சினிமா என்கிற பிரமாண்ட உலகை நோக்கி ஆர்வத்தோடு வருகிறவர்களின் எண்ணிக்கை நாளுக்கு நாள் அதிகரித்து வருகிறது. இது வரவேற்கத்தக்கத்துதான். ஆனாலும், எப்படியாவது சினிமாவில் நுழைந்துவிட வேண்டும் என்கிற ஆவலில் தவறான ஆட்களை நம்பி சிலர் ஏமாந்துவிடுவது வருத்தமளிக்கிறது.

Tharsi-home-15-10-2016
Mahesan-Remax-169515-Seithy
Easankulasekaram-Remax-300716
SELVI-HOMES-09-02-17
<P>
 <b> 13-08-2017 அன்று ரொரன்டோவில் நடைபெற்ற இசை மாலைப் பொழுது - 2017 நிகழ்வின் படத்தொகுப்பு.</b> படங்கள்-குணா
</p>
<b>  கனடா-ரொரன்டோவில்  ஜூலை 29ம் 30ம்தி கதிகளில் நடைபெற்ற World Tamil Badminton Federation 5th annual tournament நிகழ்வின் படத்தொகுப்பு.</b> படங்கள்-குணா
<b>  கனடா-ரொரன்டோவில்  ஜூலை 7ம் 8ம் 9ம்தி கதிகளில் நடைபெற்ற குதூகலம் 2017 நிகழ்வின் படத்தொகுப்பு.</b> படங்கள்-குணா