Untitled Document
January 16, 2018 [GMT]
  • Welcome
  • Welcome
குத்துப்பாட்டு - கவர்ச்சி பாட்டு இருந்தாலே அந்த படத்துக்கும் ஏ சான்று கொடுக்க முடிவு ! - தணிக்கை துறை அதிரடி!
[Wednesday 2013-02-06 23:00]

வன்முறை காட்சிகள், பாலியல் உணர்வை தூண்டும் காட்சிகள் உள்ளிட்ட காட்சிகளின் அடிப்படையில் படங்களுக்கு ஏ சான்று கொடுத்து வந்த தணிக்கை துறை இனி, ஒரு படத்தில் குத்துப்பாட்டு என்ற பெயரில் கவர்ச்சி பாட்டு இருந்தாலே அந்த படத்துக்கும் ஏ சான்று கொடுக்க முடிவு செய்துள்ளது. இந்திய சினிமாக்களில் அதுவும் கமர்ஷியல் படங்களில் நல்ல கதை இருக்கிறதோ இல்லையோ கட்டாயம் ஒரு குத்துப்பாட்டு இருக்க வேண்டும் என்ற சூழல் சினிமா உலகில் காலம் காலமாக இருந்து வருகிறது. சமீபகாலமாக இதுபோன்ற பாட்டுகள் அதிகம் இடம் பெறத் தொடங்கியுள்ளன.


தோழியின் தந்தை மீது காதல் பற்றிக்கொண்ட டீன்ஏ‌ஜ் பெண்ணின் காதல் கதை - உனக்கு 20 எனக்கு 40!
[Wednesday 2013-02-06 16:00]

கோடம்பாக்கம் கொஞ்சநாளாக பிரச்சனையை போர்வையாக்கிதான் தூங்குகிறது. பெயர் பிரச்சனை, மதப் பிரச்சனை, சங்கப் பிரச்சனை, சங்கத்தை விமர்சித்தப் பிரச்சனை என்று இருக்கிற பிரச்சனைகளெல்லாம் கும்மியடிக்கிற நிலையில் இதோ இன்னொரு கான்ட்ரவர்சி. டீன்ஏ‌ஜ் பெண் தனது தோழியின் வீட்டிற்கு அடிக்கடி செல்ல, தோழியின் தந்தை மீது காதல் பற்றிக் கொள்கிறது. தோழிக்கு வயது 20 தந்தைக்கு வயது 40.


இம்மாதம் 23 புதுப்படங்கள் ரிலீஸ் - எந்த மாதத்திலும் நிகழாத சாதனை.
[Wednesday 2013-02-06 13:00]

இந்த மாதத்தில் மொத்த நாள்கள் 28 தான். 23 புதுப்படங்களின் ரிலீசை சந்திக்கிறது. இது எந்த மாதத்திலும் நிகழாத சாதனை ஆகும். ஏற்னவே 'கடல்', 'டேவிட்', படங்கள் கடந்த 1- ந்தேதி ரிலீசாகி ஒடிக் கொண்டிருக்கின்றன. நாளை (7ந்தேதி) கமலின் 'விஸ்வரூபம்' ரிலீசாகிறது. இதில் நாயகிகளாக ஆண்ட்ரியா, பூஜாகுமார் நடத்துள்ளனர். ரூ.90 கோடி பட்ஜெட்டில் எடுக்கப்பட்டுள்ளது. 8-ந்தேதி 'சுடச்சுட', 'நினைவோடு கலந்துவிடு', 'அறியாதவன் புரியாதவன்' ஆகிய மூன்று படங்கள் ரிலீசாகின்றன.


இன்று சத்யம் திரையரங்கில் ரஜினிக்கு விஸ்வரூபம் சிறப்புக் காட்சி - காண்பிக்க கமல் ஏற்பாடு!
[Wednesday 2013-02-06 12:00]

சூப்பர் ஸ்டார் ரஜினிக்காக இன்று விஸ்வரூபம் படத்தின் சிறப்புக் காட்சிக்கு ஏற்பாடு செய்துள்ளார் கமல்ஹாஸன். கமல் தயாரித்து, இயக்கி, நடித்துள்ள விஸ்வரூபம் படம் பல்வேறு சிக்கல்களைக் கடந்து நாளை தமிழகத்தில் வெளியாகிறது. இந்தப் படத்தின் சிறப்புக் காட்சியை ரஜினிக்கு போட்டுக் காட்ட ஏற்பாடு செய்துள்ளார் கமல்ஹாஸன். சத்யம் திரையரங்கில் இந்தக் காட்சிக்கு ஏற்பாடு செய்யப்பட்டுள்ளது. ரஜினியுடன் இருவருக்கும் நெருக்கமான நண்பர்களும் இந்தக் காட்சியில் பங்கேற்கின்றனர்.


பிரபல இந்தி நடிகை ப்ரியங்கா சோப்ராவுக்குத் திருமணம் - டிவி நடிகரை மணக்கிறார்!
[Wednesday 2013-02-06 11:00]

பாலிவுட்டின் பிரபல இந்தி நடிகை பிரியங்கா சோப்ராவுக்கு விரைவில் திருமணம் நடக்கிறது. 2000 ஆண்டில் உலக அழகிப் பட்டம் வென்றவர் ப்ரியங்கா. பாலிவுட்டின் மிகப் பிரபல நடிகை. 30 வயதாகும் அவர், மொகித் ரெய்னா என்ற டிவி நடிகரை மணக்கப் போவதாக செய்தி வெளியாகியுள்ளது. மொகித் ரெய்னா இந்தியில் பிரபலமான டி.வி. நடிகர். இவரை தெரியாத இந்தி ரசிகர்களே இல்லை. நிறைய புராண தொடர்களில் நடித்துள்ளார். மகாதேவ் தொடரில் சிவனாக நடித்து அனைவர் மனதிலும் இடம்பெற்றவர்.


தெனாலிராமன் வேடத்தில் கலக்கப்போகிறார் வடிவேலு...!
[Tuesday 2013-02-05 18:00]

தமிழ் சினிமாவில் நம்பர்-1 காமெடியனாக வலம் வந்த வடிவேலு தேவையில்லாமல் விஜயகாந்தை எதிர்ப்பதாக நினைத்து, அரசியலுக்குள் மூக்கை நுழைத்து, கடைசியில் மூக்குடை பட்டு சிக்கி சின்னாபின்னமாகி கடைசியில் பட வாய்ப்பே இல்லாத நிலைக்கு தள்ளப்பட்டார். வடிவேலு படம் நடித்து கிட்டத்தட்ட 2 வருஷம் ஆகிவிட்டது. இந்நிலையில் மீண்டும் சினிமாவில் நடிக்க ஆயத்தமாகி வருகிறார். அதில் ஒருபடம், இம்சை அரசன் 23-ம் புலிகேசி படத்தின் பார்ட்-2. இப்படத்தையும் இம்சை அரசன் படத்தை இயக்கிய சிம்புதேவனே இயக்குகிறார். இதுபோக கே.எஸ்.ரவிக்குமார் இயக்கும் படம் ஒன்றிலும் நடிக்க உள்ளார். இந்நிலையில் ஏ.ஜி.எஸ்., என்டர்டெயின்மென்ட் தயாரிக்கும் ஒரு புதியபடத்த‌ில் நடிக்க வடிவேலு கமிட்டாகி இருக்கிறார். படத்திற்கு தெனாலிராமன் என்று பெயர் வைத்துள்ளனர். இதுவும் அரச கதை தான். படத்தில் வடிவேலு இரண்டு வேடத்தில் நடிக்க இருக்கிறார்.


தனுஷிடம் உதை வாங்கிய பார்வதி...!!
[Tuesday 2013-02-05 18:00]

மரியான் பட ஷூட்டிங்கில் ஹீரோயின் பார்வதியை உதைக்கிற மாதிரி நடிக்கச் சொல்ல தனுஷோ நிஜமாகவே உதைத்துள்ளார். பூ படத்திற்கு பிறகு 7 ஆண்டுகள் கழித்து தற்போது தான் தமிழ் படத்தில் நடிக்கிறார் பார்வதி மேனன். அவர் பரத்பாலா இயக்கத்தில் தனுஷ் நடிக்கும் மரியான் படத்தில் நடிக்கிறார். இது குறித்து அவர் கூறுகையில், கடந்த 7 ஆண்டுகளில் 7 படங்களில் மட்டுமே நடித்துள்ளேன். அவையும் மலையாளம் மற்றும் பிற மொழிப் படங்கள். இத்தனை ஆண்டுகளில் வெறும் 7 படங்களில் மட்டுமே ஏன் நடித்தாய் என்று நண்பர்கள் பலர் கண்டித்தனர். வாய்ப்பு வரும்போதே அனைத்து படங்களிலும் நடிப்பது எனக்கு சரி என்று படவில்லை. நல்ல படம், கதைக்காக காத்திருப்பதில் தப்பில்லை. இயக்குநர்களை பொறுத்தே படத்தை தேர்வு செய்கிறேன். பெரிய ஹீரோக்களுடன் நடித்தால் வளரலாம். ஆனால் திருப்தி என்பது மிகவும் முக்கியம். நடித்துவிட்டு சென்றால் இரவில் நிம்மதியாக தூங்க முடிய வேண்டும். எனக்கு திருமணமாகி குழந்தை பிறந்து அது என் படத்தைப் பார்த்துவிட்டு பெருமைப்பட வேண்டும்.


சூர்யாவை வைத்து படம் இயக்க கௌதம் மேனனுக்கு தடை
[Tuesday 2013-02-05 17:00]

சூர்யா நடிக்கவுள்ள புதிய படத்தை இயக்குவதற்கு கவுதம் வாசுதேவ மேனனுக்கு சென்னை சிட்டி சிவில் கோர்ட்டு இடைக்கால தடை விதித்துள்ளது. சென்னை 8வது சிட்டி சிவில் கோர்ட்டில் ஆர்.எஸ்.இன்போடெயின்மென்ட் நிறுவனத்தின் இயக்குனர் ஆர்.ஜெயராமன் தாக்கல் செய்துள்ள மனுவில், போட்டோன் பேக்டரி என்ற நிறுவனத்தின் பங்குதாரர்களாக கவுதம் வாசுதேவ மேனன், பி.மதன் ஆகியோர் உள்ளனர். இவர்களது நிறுவனத்துடன் 27.11.2008 அன்று ஒரு ஒப்பந்தம் செய்தேன். அந்த ஒப்பந்தத்தின்படி, ஏ.ஆர். ரகுமான் இசையில், நடிகர் சிம்பு கதாநாயகனான நடிக்கும் படத்தை இயக்கி தயாரித்து தருவதாக கூறி ரூ.4.25 கோடியை முன்தொகையாக என்னிடம் வாங்கினார்கள். ஆனால் இதுவரை எனக்கு படம் எடுத்து தரவில்லை. இதற்கிடையில் பி.மதன் தனியாக எஸ்கேப் ஆர்டிஸ்ட் என்ற கம்பெனி தொடங்கி, கேடி பில்லா கில்லாடி ரங்கா என்ற படத்தை தயாரித்து வருகிறார். அதேபோல, கவுதம் வாசுதேவ மேனன், நடிகர் சூர்யாவை வைத்து துப்பறியும் ஆனந்தன் என்ற படத்தை இயக்கப்போவதாக பத்திரிகைகளுக்கு பேட்டி அளித்துள்ளார்.


அமலாபாலின் வெட்டியா பந்தா
[Tuesday 2013-02-05 17:00]

தலைவா படத்தில் விஜய்யுடன் ஜோடி போடும் வாய்ப்பு கிடைத்ததில் இருந்தே ஒரு மார்க்கமாத்தான் திரிகிறார் அமலாபால். ஏற்கனவே தன்னை சுற்றியிருக்க சில உதவியாளர்களை வைத்திருந்தவர், இப்போது தான் மேல்தட்டு நாயகியாகி விட்டதால், தனக்கு செக்யூரிட்டி போன்று தன்னை எப்போதும் அரவணைத்து வருவதற்காக ஒரு ஆறு பேர் அடங்கிய பாதுகாப்பு குழுவை பிரத்யேகமாக நியமித்திருக்கிறார். தினமும் தனது படப்பிடிப்பு முடிந்து வீட்டிற்கு திரும்பும் வரை அவர்கள் அமலாவை பின் தொடர்கிறார்கள். ஆனால் அவர்களுக்கு தேவையான உணவு உபசரிப்பு என அனைத்திற்கும் தயாரிப்பாளரின் கல்லாவில்தான் கைவைக்கிறார் அமலா. இப்போது அவர் நடிப்பது பெரிய படம் என்பதோடு, அப்படத்தைஇயக்கும் டைரக்டர் விஜய்க்கு அமலாபால், நெருக்கமான நடிகை என்பதால் அவர் செய்யும் அலம்பலுக்கு இதுவரை யாருமே எதிர்ப்பு காட்டவில்லை. மாறாக அனுசரித்தே செல்கிறார்கள். அதனால் நாளுக்கு நாள் நடிகையின் போக்கு தாறுமாறாக செல்கிறதாம்.


கமல் நடிக்கும் அடுத்த படம் 'மூ' மூன்று வேடங்களில்..
[Tuesday 2013-02-05 17:00]

விஸ்வரூபம் படத்தை தொடர்ந்து கமல் அடுத்து நடிக்க இருக்கும் புதிய படத்திற்கு 'மூ' என்று பெயர் வைத்திருப்பதாகவும், இதில் கமல் மூன்று வேடத்தில் நடிக்க போவதாகவும் தகவல் வெளியாகியுள்ளது. கமலின் விஸ்வரூபம் படத்திற்கு எழுந்த பிரச்னைகள் எல்லாம் ஓய்ந்து நாளை மறுதினம்(பிப்.7ம் தேதி) திரைக்கு வர இருக்கிறது. இதனைத்தொடர்ந்து விஸ்வரூபம் படத்தின் இரண்டாம் பாகத்தை கமல் எடுக்க இருப்பதாக ஏற்கனவே ஒரு பேட்டியில் கமல் தெரிவித்து இருந்தார். அதுமட்டுமின்றி பிரபல ஹாலிவுட் தயாரிப்பாளர் பேரி ஆஸ்பன் தயாரிக்கும் படத்தை கமல் இயக்கி, நடிக்கவும் இருக்கிறார். இந்நிலையில், கமல் அடுத்து நடிக்க இருக்கும் படத்திற்கு 'மூ' என்று பெயர் வைத்திருப்பதாகவும், இதில் கமல் மூன்று வேடத்தில் நடிக்க போவதாகவும் தகவல் வெளியாகியுள்ளது. ஏற்கனவே ஒரு பேட்டியின்போது எனது அடுத்த படத்திற்கான தலைப்பாக 'மூ' என்பதை பதிவு செய்வேன் என்று கூறியிருந்தார்.


அரசுப் பணத்தில் ரூ.71.73 லட்சம் ஷில்பா ஷெட்டியிடம், கோர்ட்டில் வழக்கு தாக்கல்
[Tuesday 2013-02-05 15:00]

டில்லியில் நடைபெற்ற காமன் வெல்த் விளையாட்டுப் போட்டியில் கோடிக்கணக்கான ரூபாய் முறைகேடு நடந்தாக சி.ஏ.ஜி. அறிக்கையில் சுட்டிக்காட்டப்பட்டது. இதனைத் தொடர்ந்து, சி.பி.ஐ. நடத்திய விசாரணையில் இந்த முறைகேட்டில் காங்கிரஸ் எம்.பி.யான சுரேஷ் கல்மாடிக்கு தொடர்பு இருந்ததாக தெரிய வந்தது. இதனையடுத்து, சுரேஷ் கல்மாடி கைது செய்யப்பட்டு சிறையில் அடைக்கப்பட்டார். பின்னர், அவர் ஜாமினில் வெளியே வந்தார். இந்த முறைகேட்டில் ஈடுபட்ட சுரேஷ் கல்மாடி மற்றும் 'மத்திய விளையாட்டு மேம்பாடு ஆணையத்தின் உறுப்பினர்கள்' சிலரின் மீது சி.பி.ஐ. நீதிமன்றத்தில் நேற்று குற்றப்பத்திரிகை தாக்கல் செய்யப்பட்டது. சுரேஷ் கல்மாடியின் கடைசிநேர விருப்பத்தின்படி, காமன் வெல்த் விளையாட்டு போட்டிகளின் நிறைவு விழா நிகழ்ச்சியில் இந்தி நடிகை ஷில்பா ஷெட்டியின் நடன நிகழ்ச்சி ஏற்பாடு செய்யப்பட்டதாகவும் இதற்காக அரசுப் பணத்திலிருந்து ரூ.71.73 லட்சம் ஷில்பா ஷெட்டிக்கு வழங்கப்பட்டதாகவும் கோர்ட்டில் தாக்கல் செய்த குற்றப்பத்திரிகையில் சி.பி.ஐ. தரப்பில் கூறப்பட்டுள்ளது. இந்த விவகாரம் ஷில்பாவுக்கு சிக்கலை ஏற்படுத்தும் எனத் தெரிகிறது.


நித்தியானந்தா படத்திற்கு பெயர் சொன்னால் பரிசாக கார் வழங்கப்படும்: இயக்குனர் அறிவிப்பு!
[Tuesday 2013-02-05 15:00]

சாமியார் நித்யானந்தா வாழ்க்கையை, மையமாக வைத்து தயாரிக்கப்பட்ட, சத்யானந்தா என்ற திரைப்படத்திற்கு, மாற்று பெயர் சொல்பவர்களுக்கு கார் பரிசாக வழங்கப்படும் என, படத்தின் இயக்குனர் மதன் பட்டேல் அறிவித்துள்ளார். சத்யானந்தா படத்தை எதிர்த்து, கர்நாடக ஐகோர்ட்டில் நடந்த வழக்கில், படத்தின் பெயரையும், சில காட்சிகளை மாற்ற நீதிபதிகள் உத்தரவிட்டனர். இதையடுத்து, படத்தின் இயக்குனரும், தயாரிப்பாளருமான மதன் பட்டேல், திரைப்படத்துக்கு பொருத்தமான பெயரை தேர்வு செய்து கொடுப்பவர்களுக்கு, ஐந்து லட்சம் ரூபாய் மதிப்புள்ள கார் பரிசாக அளிக்கப்படும் என, அறிவித்துள்ளார்.


பிகினி நடிகையாகவும் மாறுவேன் - இனியா
[Tuesday 2013-02-05 15:00]

வாகைசூடவா இனியா, என்னிடம் எக்கச்சக்கமாக திறமை உள்ளது. அதனால் எக்காரணம் கொண்டும் உடம்பைக்காட்டி நடிக்க மாட்டேன் என்று ஆரம்பத்தில் ஏகத்துக்கு எடுத்து விட்டு வந்தார். அதன்காரணமாக, முன்னணி நடிகர்களுடன் நடிக்க வாய்ப்புகள் வரும் என்று எதிர்நோக்கியிருந்த இனியாவை டி.வி நடிகர்களுடன் ஜோடி சேர்த்து விட்டனர். இதனால் அவரது நிலைமை படுமோசமாகி விட்டது. ஸ்பாட்டில்கூட ஒரு கதாநாயகி என்பதை மறந்து விட்டு சின்னத்திரை நடிகைகளுக்கு செய்து கொடுக்கும் வசதிகளைத்தான் இனியாவுக்கும் செய்து தருகிறார்களாம். அவர் கேரளத்தில் இருந்து சென்னை வந்தால், தங்குவதற்கு மிகச்சிறிய ஓட்டல்களில்தான் அறை எடுத்து கொடுக்கிறார்களாம். சாப்பாடு வசதியும் பெரிதாக கிடையாதாம்.


நடிகர் சங்கத்தின் தவறுகளை சுட்டிக்காட்டிய விஷாலுக்கு விளக்க நோட்டீஸ்
[Tuesday 2013-02-05 09:00]

நடிகர் சங்கம் தொடங்கி திரைத்துறையின் அனைத்து சங்கங்களும் எப்போது அரசியல் சாயம் பூசிக் கொண்டனவோ அப்போதே முதுகெலும்பு என்பதே திரையுலகுக்கு இல்லாமல் ஆனது. பக்கத்து மாநிலமான கேரளாவிலிருந்து ஒரு சின்ன உதாரணம். சென்ற கம்யூனிஸ்ட் ஆட்சியில் 50 ஆண்டுகளை திரையுலகில் கொண்டாடும் கமல்ஹாசனை வாழ்த்தி அரசு சார்பில் விழா எடுத்தனர். மலையாளத்திலேயே திலகன் உள்ளிட்ட மூத்த நடிகர்கள் இருக்கையில் அவர்களை விட்டுவிட்டு கமலுக்கு விழா எடுப்பது ச‌ரியல்ல என அரசு எடுக்கும் விழாவுக்கு ஒத்துழைப்பு தருவதில்லை என இன்னசென்டின் தலைமையில் இயங்கும் மலையாள நடிகர்கள் சங்கமான அம்மா அறிவித்தது.


விஸ்வரூபம் விவகாரத்தில் நடிகர் சங்கத்தில் ஏன் மெளனம்? - அப்பா சரத்குமாருக்கு எதிராக வரலட்சுமி
[Tuesday 2013-02-05 09:00]

விஸ்வரூபம் படத்துக்கு இவ்வளவு சிக்கல் இருக்கிறது.. இந்த நடிகர் சங்கம் என்னதான் செய்து கொண்டிருக்கிறது. - இதுதான் நடிகை வரலட்சுமி எழுப்பிய கேள்வி. சில தினங்களுக்கு முன் ட்விட்டரில் தன் கருத்தை தெரிவித்திருந்த வரலட்சுமி, 'விஸ்வரூபம் பிரச்சனையில் இங்கு என்ன நடக்கிறது என்றே எனக்கு தெரியவில்லை, நடப்பதையெல்லாம் பார்க்கும்போது எனக்கு மிகவும் அதிர்ச்சியாக உள்ளது. மேலும் நடிகர் சங்கம் இந்த விஷயத்தில் இன்னும் ஏன் மெளனமாக உள்ளது? என்றும் நான் உங்களுக்கு ஆதராவாக இருப்பேன் கமல் சார்,' என்றெல்லாம் கருத்து கூறியிருந்தார். வரலட்சுமியின் அப்பா சரத்குமார்தான் நடிகர் சங்கத்தின் தலைவர் என்பதும், அவர் அ.தி.மு.க ஆதரவு எம்.எல்.ஏ. என்பதும் வரலட்சுமிக்கு தெரியாதா.. போய் தன் அப்பாவிடம் கேட்க வேண்டிய கேள்வியை ட்விட்டரி்ல் கேட்டுக் கொண்டிக்கிறாரே என்று கமெண்ட்கள் பறக்கின்றன கோலிவுட்டில். இன்னொரு பக்கம், இதே கேள்வியைத்தான் விஷாலும் கேட்டிருந்தார்.


இரவு 11:00 மணிக்கு பின் 'ஏ' படங்கள், 'டிவி'களில் ஒளிபரப்ப அனுமதி
[Monday 2013-02-04 19:00]

'ஏ' என்ற, தணிக்கை சான்றளிக்கப்பட்ட, சினிமா படங்களை, நள்ளிரவு, 11:00 மணிக்கு மேல், 'டிவியில் ஒளிபரப்ப, மத்திய அரசு விரைவில் அனுமதி வழங்கும் என, எதிர்பார்க்கப்படுகிறது. இந்திய கேபிள், 'டிவி சட்டப்படி, 'ஏ' சான்று அளிக்கப்பட்ட, சினிமா படங்களை, 'டிவியில் திரையிட முடியாது. அந்த படங்களை, 'டிவியில் ஒளிபரப்ப வேண்டுமென்றால், மத்திய திரைப்பட தணிக்கை வாரியம், 'யுஏ சான்று அளிக்க வேண்டும்.'யுஏ' சான்று வேண்டுமென்றால், 'ஏ' படங்களில் உள்ள, ஆபாச காட்சிகள் நீக்கப்பட வேண்டும். தயாரிக்கப்படும் படங்கள், 'டிவி'யில் ஒளிபரப்பப்பட்டால் தான், தயாரிப்பாளருக்கு போதிய லாபம் கிடைக்கும் என்பதால், ஏராளமான படங்கள், 'யுஏ' தர சான்றுக்காக, மத்திய தணிக்கை வாரியத்தில் காத்திருக்கின்றன. அவற்றில் எந்தெந்த படங்களை, 'டிவி'யில் திரையிடலாம் என்பது குறித்து முடிவெடுக்க, மத்திய தணிக்கை வாரியத்துடன் இணைந்து, பி.சி.சி.ஐ., எனப்படும், செய்திகள் இல்லாத பிற, 'டிவி' நிகழ்ச்சிகளின் கட்டுப்பாட்டு அமைப்பு முயற்சித்து வருகிறது.


14 வருடங்களுக்கு பின் தன் 81 ஆவது வயதில் மீண்டும் சினிமாவில் நடிக்கிறார் சவுகார் ஜானகி
[Monday 2013-02-04 19:00]

பழம்பெரும் நடிகை சவுகார் ஜானகி. 1950ம் ஆண்டு 'சவுகார்' என்ற தெலுங்கு படத்தில் என்.டி.ராமராவுக்கு ஜோடியாக நடித்ததால் சவுகார் ஜானகி ஆனார். 'ஒளிவிளக்கு' படத்தில் எம்.ஜி.ஆருடனும், 'புதிய பறவை' படத்தில் சிவாஜியுடனும், இரு கோடுகள் படத்திலி ஜெமினியுடனும் நடித்து புகழ் பெற்றார். இந்திய மொழிகளில் சுமார் 385 படங்களில் நடித்துள்ளார். அவர் தமிழில் கடைசியாக நடித்தது 1999ல் அஜித் நடிப்பில் வெளிவந்த 'தொடரும்' படம் தான். அதன் பிறகு சினிமாவை விட்டு விலகிய சவுகார் ஜானகி. அமெரிக்காவில் தன் மகள் வீட்டில் குடியேறினார். அதன்பிறகு புட்பர்த்தி சாய்பாபா பக்தையாகி பாபாவின் ஆசிரமத்திலேயே வாழ்ந்தார். பாபாவின் மறைவுக்கு பிறகு அங்கிருந்து வெளியே வந்த சவுகார் ஜானகி சென்னையில் உள்ள இன்னொரு மகள் வீட்டில் வசித்தார். இப்போது அவர் 14 வருடங்களுக்கு பிறகு 'வானவராயன் வல்லவராயன்' என்ற படத்தில் நடித்து வருகிறார்.


நயன்தாராவின் நடிப்பை புகழ்ந்து கொட்டும் அஜீத்
[Monday 2013-02-04 19:00]

செகண்ட் இன்னிங்சிலும் அஜீத்துடன் ஜோடி சேர்ந்து விட்டார் நயன்தாரா. பெரும்பாலும் நடிகைகளைப்பொறுத்தவரை முதல் ரவுண்டில் அனைத்து முன்னணி நடிகர்களுடனும் ஜோடி சேருவார்கள். ஆனால் இரண்டாவது இன்னிங்சில் அதுபோன்ற வாய்ப்புகள் அவர்களுக்கு எட்டாக்கனியாகி விடும. ஆனால் நயன்தாரா விசயத்தில் இது நேர்மாறாகி விட்டது. இப்போதும் முன்பு நடித்த அனைத்து ஹீரோக்களுடனும் ஜோடி சேர்ந்து வருகிறார். அதுமட்டுமின்றி மார்க்கெட்டில் முன்னணியில் இருக்கும் நடிகர்களும் அவருடன் நடிக்கத் துடிக்கின்றனர். இதனால் வெளியில் சொல்ல முடியாத சந்தோசத்தில் இருக்கிறார் நயன். அதுமட்டுமின்றி, முதிர்ச்சியான நடிகர்களுடன் நடிக்க தன்னிடம் யாராவது கதை சொல்ல வந்தால் அந்த கதைகளை தவிர்க்காமல் கேட்கிறார். பின்னர் வேறு காரணங்களை சொல்லி தவிர்த்து விடுகிறார். அதேசமயம் இளவட்ட நடிகர்களின் படங்கள் என்றால் கதையில் தனக்கு பெரிய அளவில் முக்கியத்துவம் இல்லை என்றபோதும் பட வாய்ப்புகளை கைப்பற்றி விடுகிறார்.


மாறுபட்ட வேடங்களில் நடிப்பதற்காக வில்லி அவதாரம் எடுக்கும் ப்ரியாமணி!
[Monday 2013-02-04 19:00]

பாரதிராஜாவினால் கண்களால் கைது செய் படத்தில் அறிமுகமானவர் ப்ரியாமணி. அதன்பிறகு அமீரின் பருத்தி வீரன் படத்தில் நடித்த முத்தழகி வேடம் அவருக்கு தேசிய விருது வாங்கித்தந்தது. இருப்பினும் ஏனோ அதன்பிறகு தமிழ் சினிமா ப்ரியாமணியை கண்டுகொள்ளவில்லை. இதனால் தேசிய விருது பெற்ற ஒரு நடிகையை தமிழ் சினிமா மதிக்கத்தவறி விட்டது என்று புலம்பிக்கொண்டே கன்னட சினிமாவை முற்றுகையிட்டார் ப்ரியா. கூடவே கவர்ச்சியிலும் கலக்கி எடுத்ததால் இப்போதுவரை கன்னடததில் ப்ரியாமணிக்கு சிவப்பு கம்பள வரவேற்பு இருந்து வருகிறது. ஆனால் இதுவரை கதாநாயகி வேடங்களுக்கு மட்டுமே முயற்சி எடுத்து வந்த ப்ரியாமணி, சமீபகாலமாக தன் இளமை மீதான மவுசு குறைந்து வருவதால், மாற்று பாதையில் பயணிக்க முடிவெடுத்திருக்கிறார். அதன்காரணமாக, இனி எல்லாவிதமான மாறுபட்ட வேடங்களிலும் நடிப்பேன்.


கடல் படத்தில் சர்ச்சை காட்சிகள் - கிறிஸ்தவ ஜனநாய கட்சி போலீஸில் புகார்
[Monday 2013-02-04 19:00]

மணிரத்னத்தின் கடல் படத்தில், இயேசு பிரான் படத்தை உடைப்பது உள்ளிட்ட சர்ச்சைக்குரிய காட்சிகள் இடம்பெற்று இருப்பதாக கூறி அப்படத்தை தடை செய்ய இந்திய கிறிஸ்தவ ஜனநாய கட்சியினர், சென்னை போலீஸ் கமிஷனரிடம் புகார் கொடுத்துள்ளார். தங்களது மனுவில் அவர்கள் கூறியிருப்பதாவது, மணிரத்னம் இயக்கியுள்ள கடல் படம் சமீபத்தில் ரிலீசாகி தியேட்டர்களில் ஓடிக்கொண்டு இருக்கிறது. இப்படத்தில் பல காட்சிகள் கிறிஸ்தவர்களை புண்படுத்தும்படி படமாக்கப்பட்டுள்ளது. குறிப்பாக பைபிள் கல்லூரியில் படிக்க வரும் அரவிந்த்சாமியிடம், அர்ஜூன் இயேசுவுக்கு தம்பி சாத்தான் என்று கூறியிருக்கிறார். மேலும் அர்ஜூன் அடிக்கடி தன்னை சாத்தான் என்று கூறுகிறார். ஆனால் அவரது பெயரோ பெர்க்மான்ஸ், இந்தப்பெயர் கிறிஸ்தவ பாடகரின் பெயர். அதேப்போல் படத்தின் நாயகன் இயேசு படத்தை போட்டு உடைப்பதும், அவர் பெண் ஒருவருக்கு பிரசவம் பார்த்து தனது கையில் படிந்து இருக்கும் ரத்தம் இயேசுவின் ரத்தம் என்று கூறுகிறார்.


பாலிவுட்டை கை கழுவி விட்ட எமி ஜாக்சன்..
[Monday 2013-02-04 10:00]

மதராசபட்டினம் படத்தின் மூலம், லண்டனைச்சேர்ந்த, எமி ஜாக்சன், கோலிவுட்டுக்குள் காலடி எடுத்து வைத்தார். அடுத்தபடியாக, தாண்டவம் படத்திலும், ஒரு இந்தி படத்திலும் நடித்தார். ஆனால், முதல் படத்தை போல, மற்ற இரண்டு படங்களும், எதிர்பார்த்த அளவுக்கு போகவில்லை. இதையடுத்து, சோகத்தில் இருந்த எமிக்கு, உற்சாகம் அளிக்கும்வகையில், ஷங்கரின், ஐ படத்தில் நடிப்பதற்கு வாய்ப்பு கிடைத்தது. சமீபத்தில், இந்த படத்தின் படப்பிடிப்பிலேயே,தன் 22வது பிறந்த நாளை கொண்டாடினார். இயக்குனர் ஷங்கர், ஹீரோ விக்ரம் ஆகியோருடன், எமியும், அவரது தந்தையும்,பிறந்தநாள் கொண்டாட்டத்தில், பங்கேற்று கேக் வெட்டினார்களாம். எமியிடம் "அவ்வளவுதானா, பாலிவுட்டை கை கழுவி விட்டீர்களா" என கேட்டால் ஆம், தென் மாநில மொழி படங்களில் நடிப்பதற்கு தான், எனக்கு மிகவும் பிடித்திருக்கிறது. அதனால், தெலுங்கு, தமிழ் மொழி படங்களில் நடிக்க, ஆர்வமாக இருக்கிறேன் என்கிறார்.


விஸ்வரூபத்தை தொடர்ந்து சூர்யாவின் சிங்கத்திற்கும் முஸ்லீம்கள் எதிர்ப்பு!
[Monday 2013-02-04 10:00]

விஸ்வரூபம் படத்துக்கு இஸ்லாமிய அமைப்புகள் எதிர்ப்பு தெரிவித்து, அரசு தடைவிதித்து, கமல் கலங்கி, அதன் பிறகு பேச்சுவார்த்தை நடந்து இப்போது பிரச்சினை முடிவுக்கு வந்திருக்கிறது. சினிமாவுக்குள் தலையிட்டால் நல்ல விளம்பரம் கிடைக்கிறது என்று புரிந்து கொண்ட சில அமைப்புகள் அதற்கான காரண காரியங்களை தேடி அலைகிறது. அப்படித்தான் சூர்யா நடிக்கும் 'சிங்கம்-2' படத்துக்குள் விடுதலை சிறுத்தை அமைப்பு நுழைகிறது.


என்னைப் போல் எனது மகள்களும் கனவுக்கன்னி ஆவார்கள் - ராதா
[Monday 2013-02-04 10:00]

ஒரு காலத்தில் அம்பிகா - ராதா என்ற கேரளத்து சகோதரிகள் தென்னிந்திய சினிமாவை கலக்கி எடுத்தவர்கள். எந்த மாதிரியான கதைகள் என்றாலும் அதற்கேற்ற நடிகையாக மாறியதால் அவர்கள் சினிமாவில் நடித்த காலகட்டத்தில் அதிகப்படியான முன்னணி நடிகர்களுடன் டூயட் பாடி வந்தனர். பின்னர் திருமணம் செய்து கொண்டு சினிமாவை விட்டு வெளியேறினர். ஆனால் பிறகு அம்பிகா சில படங்களில் நடித்தாலும் ராதா நடிக்க வரவில்லை. ஆனால் இப்போது தனது மகள்களான கார்த்திகா, துளசி இருவரையும் களத்தில் இறக்கி விட்டுள்ளார்.


8-ம் திகதி தடைகளை வென்று வெளிவருகிறது - 'விஸ்வரூபம்'
[Monday 2013-02-04 09:00]

கமலஹாசன் நடித்து தயாரித்து இயக்கிய 'விஸ்வரூபம்' படம் கடந்த 25-ந் திகதி தமிழ் நாடு முழுவதும் 524 தியேட்டர்களில் வெளியாகுவதாக இருந்தது. இந்தப் படத்துக்கு முஸ்லிம் அமைப்புகள் எதிர்ப்பு தெரிவித்தது. போராட்ட அறிவிப்புகளை வெளியிட்டதால் சட்டம்- ஒழுங்கு பிரச்சினை ஏற்படும் என்று கருதி தமிழக அரசு 15 நாட்களுக்கு தடை விதித்தது. இது தொடர்பாக அனைத்து மாவட்ட கலெக்டர்களும் 144 தடை உத்தரவு பிறப்பித்தனர். இதை எதிர்த்து கமலஹாசன் சென்னை ஐகோர்ட்டில் வழக்கு தொடர்ந்தார். ஐகோர்ட்டு தனி நீதிபதி வெங்கட்ராமன் தடையை நீக்கிய நிலையில் தமிழக அரசு அப்பீல் செய்தது. அப்பீல் மனுவை விசாரித்த தற்காலிக தலைமை நீதிபதி தர்மாராவ், நீதிபதி அருணா ஜெகதீசன் கொண்ட பெஞ்ச் மீண்டும் தடை விதித்தது. வழக்கு விசாரணை 4-ந்திகதிக்கு தள்ளி வைக்கப்பட்டது.


தெலுங்கு திரைப்பட ரசிகர்களுக்கு, அழகான ட்ரீட் காத்திருக்கிறது - சமந்தா
[Monday 2013-02-04 08:00]

கோலிவுட் ஏஞ்சல்சமந்தா, அக்மார்க் சென்னை பொண்ணு. படித்தது, வளர்ந்ததுஎல்லாமே, சென்னையில் தான். இதனால், தமிழில், சரளமாக பேசுவார். தமிழில், சமீபத்தில் வெளியாகி, அனைத்து தரப்பினரின் பாராட்டையும் பெற்ற, 'பீட்சா படம்,விரைவில் தெலுங்கில் டப் செய்யப்பட்டு,வெளியாகப் போவது குறித்த தகவலை, சமந்தா, கேள்விப்பட்டார்.அவ்வளவு தான். அந்த படத்தை பாராட்டிதள்ளி விட்டார். 'நான் ஏற்கனவே, 'பீட்சா பார்த்து விட்டேன். மிக அருமையான, வித்தியாசமான படம். படம் பார்க்கும் ரசிகர்களுக்கு, ஒரு புது அனுபவத்தை தரும். இந்த படம், தெலுங்கில் வெளியாவது, சந்தோஷமான விஷயம். தெலுங்கு திரைப்பட ரசிகர்களுக்கு, ஒரு அழகான, 'விஷுவல் ட்ரீட்காத்திருக்கிறது என, பாராட்டு மழை பொழிந்து விட்டாராம்.


ஆரோக்கியமான போட்டி இருந்தால், வித்தியாசமான நடிப்பை வெளிப்படுத்தலாம் - இளம் ஹீரோ கௌதம் கார்த்திக்
[Monday 2013-02-04 08:00]

தமிழ் திரையுலகிற்கு, ஒரு எனர்ஜியான, இளம் ஹீரோ கிடைத்துள்ளார். 'கடல்' படத்தின்ஹீரோ, கவுதம் கார்த்திக்தான், அந்த ஹீரோ.'தமிழ் திரையுலகில், கடுமையான போட்டி நிலவுகிறதே எப்படி சமாளிக்கப் போகிறீர்கள் என, அவரிடம் கேட்டபோது, 'இப்போ, தமிழில்,நிறைய புதுமுகங்கள் இருக்கின்றனர். வித்தியாசமான கதைகளுடன், இயக்குனர்கள்காத்துக் கொண்டிருக்கின்றனர். ஆரோக்கியமான போட்டி இருந்தால் தான், வித்தியாசமான நடிப்பை வெளிப்படுத்த முடியும். போட்டி இருப்பதை வரவேற்கிறேன்என, உற்சாகத்துடன் கூறுகிறார், கவுதம் கார்த்திக்.


பாலிவுட் சூப்பர் ஸ்டார் சல்மான் கானின் பாராட்டைப் பெற்ற கமலின் விஸ்வரூபம்.. Top News
[Sunday 2013-02-03 23:00]

நடிகர் கமல்ஹாசன் நடித்த விஸ்வரூபம் திரைப்படம் மும்பையில் விஸ்வரூப் என்ற பெயரில் வெளியானது. இந்த திரைப்படத்தை பார்ப்பதற்காக ரேகா, சல்மான் கான் உள்ளிட்ட இந்தி திரை நட்சத்திரங்கள் வந்தனர். இது குறித்து நடிகர் கமல்ஹாசன் கூறும்போது, பாலிவுட் சூப்பர் ஸ்டார் சல்மான் கான் இந்தியில் வெளியான விஸ்வரூப் திரைப்படம் சர்வதேச அளவில் உள்ளது என பாராட்டியதாக தெரிவித்தார். அவர் படத்தை வெகுவாக ரசித்தார். அந்த படத்தில் உள்ள அனைத்து விசயங்களையும் அவர் ரசித்தார் என்று கூறியுள்ளார். வட இந்தியாவில் தனது படத்திற்கு கிடைத்த பாராட்டுகளுக்காக தான் மகிழ்ச்சி அடைவதாக தெரிவித்தார்.


விஜய்க்கு ஆதரவாக எஸ்.ஏ.சி செயற்படுவதால் தயாரிப்பாளர் சங்கத் தலைவர் பதவியிலிருந்து விலக வேண்டும்!
[Sunday 2013-02-03 23:00]

தமிழ் திரைப்படத் தயாரிப்பாளர் சங்கத்திற்கு எஸ்.ஏ.சந்திரசேகர் தலைமையிலான நிர்வாகிகள் பொறுப்புக்கு வந்ததில் இருந்து பிரச்சினைகள் அதிகமானது. அவரது சங்க செயல்பாடுகள் மந்தமாக இருக்கிறது. ஆபீசுக்கு வருவதில்லை, யார் போன் பண்ணினாலும் எடுப்பதில்லை. தன் மகனுக்கு ஆதரவாக மட்டும் செயல்படுகிறார் என்ற குற்றச்சாட்டுகள் அவர் மீது இருந்தது. அவர் மீது நம்பிக்கை இல்லாமல் இருந்த தயாரிப்பாளர்கள் தேர்தலில் அவரை எதிர்த்து போட்டியிட்ட கேயார் தலைமையில் ஒன்றிணைந்தனர். அவர்கள் பொதுக்குழுவை கூட்டி எஸ்.ஏ.சி தலைமையிலான நிர்வாகிகள் மீது நம்பிக்கை இல்லா தீர்மானம் கொண்டு வர வேண்டும் என்று சங்கத்தில் மனு கொடுத்தனர். 50 உறுப்பினர்கள் கையெழுத்து போட்டு மனுக் கொடுத்தாலே பொதுக்குழுவை கூட்ட வேண்டும் என்பது விதி. 194 பேர் கையெழுத்திட்டு மனுக் கொடுத்தும் பொதுக்குழுவை கூட்டவில்லை.

Mahesan-Remax-169515-Seithy
Easankulasekaram-Remax-300716
SELVI-HOMES-09-02-17
Tharsi-home-15-10-2016
<P>
 <b> 13-08-2017 அன்று ரொரன்டோவில் நடைபெற்ற இசை மாலைப் பொழுது - 2017 நிகழ்வின் படத்தொகுப்பு.</b> படங்கள்-குணா
</p>
<b>  கனடா-ரொரன்டோவில்  ஜூலை 29ம் 30ம்தி கதிகளில் நடைபெற்ற World Tamil Badminton Federation 5th annual tournament நிகழ்வின் படத்தொகுப்பு.</b> படங்கள்-குணா
<b>  கனடா-ரொரன்டோவில்  ஜூலை 7ம் 8ம் 9ம்தி கதிகளில் நடைபெற்ற குதூகலம் 2017 நிகழ்வின் படத்தொகுப்பு.</b> படங்கள்-குணா