Untitled Document
February 23, 2017 [GMT]
  • Welcome
  • Welcome
ஹரியின் இயக்கத்தில் விஜய்..
[Saturday 2017-02-11 22:00]

ஹரி இயக்கத்தில் சூர்யா நடித்துள்ள ‘சி-3’ படம் ரசிகர்களிடம் வரவேற்பை பெற்றுள்ளது. விஜய்யை இயக்குவது குறித்து ஹரி அளித்த பேட்டியை காண்போம்...ஹரி இயக்கத்தில் சூர்யா நடித்துள்ள ‘சி-3’ படம் ரசிகர்களிடம் வரவேற்பை பெற்றுள்ளது. விஜய்யை இயக்குவது குறித்து ஹரி அளித்த பேட்டி...


1 கோடி பேருக்கும் அதிகமானோர் பார்வையிட்டுள்ள 'செஞ்சிட்டாளே பாடல்..'
[Saturday 2017-02-11 22:00]
< P> இசையமைப்பாளர் அனிருத்தின் இசைக்கு இன்றைய இளம் தலைமுறையினர் ரசிகர்களாக இருக்கிறார்கள் என்பதற்கு அவருடைய பாடல்களுக்குக் கிடைக்கும் வரவேற்பில் இருந்து புரிந்து கொள்ளலாம். குறுகிய காலத்திலேயே புகழைப் பெற்றுவிட்ட அனிருத்தின் இசையில் வெளிவரும் படங்களின் பாடல்கள் அனைத்தும் ஹிட் ரகமாக இல்லையென்றாலும் கூட சில பாடல்கள் சூப்பர் ஹிட் ரகத்தில் சேர்ந்து விடுகிறது. அந்த வரிசையில் சிவகார்த்திகேயன் நடித்து வெளிவந்த ரெமோ படத்தில் இடம் பெற்ற செஞ்சிட்டாளே... பாடல் இடம் பிடித்துள்ளது.


எம்.எல்.ஏ.க்களை இப்படி நடத்த சசிகலாவிற்கு என்ன அதிகாரம் இருக்கிறது? - குஷ்பு கேள்வி
[Saturday 2017-02-11 22:00]

நடிகை குஷ்பு எம்.எல்.ஏக்கள் கடத்தப்பட்டதற்கு தனது டுவிட்டர் பக்கத்தில் கண்டனம் தெரிவித்து உள்ளார். இது குறித்த விரிவான செய்தியை கீழே பார்க்கலாம். சசிகலா ஆதரவு அ.தி.மு.க. எம்.எல்.ஏ.க்கள், சென்னை கிழக்கு கடற்கரை சாலை கூவத்தூரில் உள்ள ரிசார்ட்டில் தங்கவைக்கப்பட்டு இருப்பதாக குற்றம்சாட்டப்பட்டு உள்ளது.


விமான நிலையத்தில் நடிகை ரோஜா திடீர் கைது
[Saturday 2017-02-11 22:00]

விஜயவாடா விமான நிலையத்தில் நடிகை ரோஜா திடீர் கைது செய்யப்பட்டார். இச்சம்பவத்தை கண்டித்து ஒய்.எஸ்.ஆர். காங்கிரஸ் கட்சியினர் ஊர்வலமாக சென்று விஜயவாடா போலீஸ் டி.ஜி.பி. அலுவலகத்தில் மனு கொடுத்தனர். ஆந்திர மாநிலம் சார்பில் ஐதராபாத்தில் 3 நாள் தேசிய மகளிர் பாராளுமன்ற கூட்டம் நடைபெறுகிறது. இதில் கலந்து கொள்வதற்காக ஒய்.எஸ்.ஆர். காங்கிரஸ் எம்.எல்.ஏ.வும் நடிகையுமான ரோஜா விமானம் மூலம் விஜயவாடாவுக்கு வந்தார்.


சூர்யாவிற்கு உதவி செய்த விஷால்..
[Friday 2017-02-10 20:00]

நடிகர் சூர்யா - அனுஷ்கா, ஸ்ருதிஹாசன் நடிப்பில் உலகெங்கும் ‘சி3’ படம் நேற்று முதல் வெளியிடப்பட்டது. திருச்சி மாநகரிலும் நிறைய திரையரங்குகளில் இப்படம் திரையிடப்பட்டது. முன்னதாக, இப்படத்தை ஆன்லைனில் வெளியிடுவதை தடுக்கவேண்டும் என்று படக்குழுவினர் ஐகோர்ட்டில் மனு ஒன்றை தாக்கல் செய்து, அதில் வெற்றியும் கண்டனர். இதையடுத்து, சம்பந்தப்பட்ட இணையதளம் கோர்ட்டு உத்தரவை மீறி இப்படத்தை ஆன்லைனில் வெளியிடுவோம் என்று படக்குழுவுக்கு மிரட்டல் விடுத்திருந்தது. இதுகுறித்த அறிந்த நடிகர் சங்க பொதுச்செயலாளர் விஷால், தனது ஏற்பாட்டின் பேரில் தமிழகமெங்கும் ‘சி3’ படம் வெளியான அனைத்து திரையரங்குகளிலும் 4 பேர் கொண்ட கண்காணிப்பு குழுவை ஏற்படுத்தி கண்காணிக்க வைத்தார்.


சர்ச்சையை கிளப்பும் சிம்புவின் 'அஸ்வின் தாத்தா' டீஸர் வெளியானது..
[Friday 2017-02-10 20:00]

முன்னாள் எம்.எல்.ஏ.வான மைக்கேல் ராயப்பன் தயாரிப்பில் சிம்பு நடித்து வரும் அன்பானவன் அசராதவன் அடங்காதவன் படத்தின் படப்பிடிப்பு கடந்த பல மாதங்களாகவே பல்வேறு கட்டங்களாக நடைபெற்று வருகிறது. இந்தப்படத்தில் மூன்று வேடங்களில் நடிக்கிறார் சிம்பு. சிம்புவின் மூன்று வேடங்களில் ஒன்றான மதுரை மைக்கேல் சம்பந்தப்பட்ட டீஸர் ஏற்கனவே வெளியானது. இப்படத்தில் இடம்பெறும் சிம்புவின் மற்றொரு கெட்-அப்பான அஸ்வின் தாத்தா சம்பந்தப்பட்ட டீஸரும் அண்மையில் வெளியாகி உள்ளது.


காதல் காவியமாய் உருவாகும் காற்று வெளியிடை
[Friday 2017-02-10 19:00]

ஓகே கண்மணி படத்திற்கு பிறகு மணிரத்னம் இயக்கி வரும் படம் காற்று வெளியிடை. மெட்ராஸ் டாக்கீஸ் சார்பில் மணிரத்னமே தயாரிக்கிறார். தேனாண்டாள் பிலிம்ஸ் வெளியிடுகிறது. கார்த்தி, அதிதிராவ், ஷ்ரத்தா ஸ்ரீநாத், ருக்மணி விஜயகுமார், ஆர்.ஜே.பாலாஜி உள்பட பலர் நடிக்கிறார்கள். ஏ.ஆர்.ரகுமான் இசை அமைக்கிறார். ரவிவர்மன் ஒளிப்பதிவு செய்கிறார். முழுக்க முழுக்க காஷ்மீரில் படமாகி வருகிறது. கார்த்தி ராணுவ பைலட்டாக நடிக்கிறார். இதனால் இது ராணுவம், தீவிரவாதம், இந்தியா பாகிஸ்தான் போர் உள்ளடக்கிய ஆக்ஷன் படம் என்று பலர் கருதிக் கொண்டிருக்கிறார்கள்.


அரசியல் குழப்பத்தில் சிக்கித் தவிக்கும் 'சி 3'
[Friday 2017-02-10 19:00]

சி 3 படத்தை எந்த நேரத்தில் வெளியிடலாம் என முடிவு செய்து தேதியை அறிவித்தார்களோ அன்றிலிருந்து அந்தப் படத்திற்கு சோதனை மேல் சோதனைதான். கடந்த வருடம் தீபாவளி அன்றே படத்தை வெளியிட முடிவு செய்தார்கள். அதன் பின் கார்த்தி நடித்த காஷ்மோரா படத்தை வெளியிட முடிவு செய்து சி 3 வெளியீட்டை தள்ளி வைத்தார்கள். அதன்பின் டிசம்பரில் வெளியிட முடிவு செய்தார்கள். முன்னாள் முதல்வர் ஜெயலலிதா இறந்ததால் படத்தை பொங்கலுக்கு வெளியிடலாம் என தள்ளி வைத்தார்கள். பொங்கல் அன்றும் வெளியிட முடியாமல் ஜனவரி 26 ரிலீஸ் என்று அறிவித்தார்கள்.


ரஞ்சித் மட்டுமே என்னை மதித்தார் - ராதிகா ஆப்தே
[Friday 2017-02-10 19:00]

ரஜினியுடன் ‘கபாலி’ படத்தில் ஜோடியாக நடித்தவர் ராதிகா ஆப்தே. சமீபத்தில் அவர் அளித்த பேட்டி இது... “தென் இந்திய சினிமாவில் ஹீரோக்களுக்குத்தான் மதிப்பு. அவர்களுக்குத்தான் நட்சத்திர ஓட்டல்களில் ரூம் போட்டு கொடுப்பார்கள். நடிகைகளுக்கு சாதாரண ஓட்டல் ரூம்தான். நடிகர்கள் எவ்வளவு தாமதமாக வந்தாலும் எதுவும் கேட்க மாட்டார்கள். ஆனால் நடிகைகள் படப்பிடிப்பு தொடங்கும் முன்பே அங்கு இருக்க வேண்டும் என்று சொல்வார்கள். இது மாதிரி நிறைய வி‌ஷயங்கள் நடக்கும். இதனால் நான் பாதிப்பு அடைந்திருக்கிறேன்.


பிருத்விராஜ் 100 முறைக்கு மேல் பார்த்த படம்..!
[Friday 2017-02-10 08:00]

பொதுவாகவே ஹீரோக்கள் தாங்கள் நடித்த படத்தை டபுள் பாசிடிவ் ஆகவோ அல்லது ரிலீசுக்கு முன்பு ஒன்றிரண்டு தடவையோ பார்ப்பதுதான் வழக்கம்.. ஆனால் தான் நடித்து ரிலீசுக்கு தயாராகி வரும் படத்தை கிட்டத்தட்ட நூறு தடவைகளுக்கு மேல் பார்த்துள்ளாராம் பிருத்விராஜ்.. நாளை (பிப்-10) வெளியாக இருக்கும் எஸ்றா என்கிற படம் தான் அது.. ஹாரர் த்ரில்லராக உருவாகியுள்ள இந்தப்படம் நூறு தடவைகளுக்கும் மேல் பார்த்தும் கூட அவருக்கு சலிப்பு தட்டவில்லை என ஆச்சர்யத்துடன் கூறியுள்ளார் பிருத்விராஜ்.


இளைஞர்களே உங்கள் குரல் கேட்க வேண்டிய நேரம் இது" - மாதவன்
[Friday 2017-02-10 08:00]

தமிழக அரசியலில் தற்போது அசாதாரண சூழ்நிலை நிலவுகிறது. நடிகர் நடிகைகள் தங்கள் கருத்துக்களை இணைதளங்களில் பதிவு செய்து வருகிறார்கள். "இளைஞர்களின் குரல் கேட்க வேண்டிய நேரம் இது" என்று மாதவன் தனது கருத்தை பதிவு செய்திருக்கிறார். இதுகுறித்து அவர் தனது டுவிட்டரில் எழுதியிருப்பதாவது:


பிரபுதேவாவுக்கு ஜோடியான லட்சுமிமேனன்!
[Friday 2017-02-10 08:00]

அஜித்தின் தங்கையாக வேதாளம் படத்தில் கமிட்டானபோது இனிமேல் லட்சுமிமேனனின் ஹீரோயினி மார்க்கெட் டவுனாகி விடும் என்று சொன்னார்கள். ஆனபோதும், அதன்பிறகு மிருதன், றெக்க படங்களில் அவர் நாயகியாக நடித்தார். அதையடுத்து ரேனிகுண்டா பன்னீர்செல்வம் இயக்கத்தில் விஜய சேதுபதி நடிக்கும் கருப்பன் படத்தில் நடிக்கவும் லட்சுமிமேனனை புக் பண்ண முடிவு செய்தனர். ஆனால், கடைசி நேரத்தில் றெக்க படம் வெற்றி பெறாத செண்டிமென்டை முன்வைத்து அவரை அந்த படத்தில் இருந்து நீக்கினர்.


விக்ரம்மின் துருவ நட்சத்திரம் படத்தில் வில்லனாக களமிறங்கும் பார்த்தீபன்
[Friday 2017-02-10 07:00]

இருமுகன் படத்துக்கு முன்புவரை ஹீரோக்களின் ரேசில் பின்தங்கி இருந்தார் விக்ரம். இருமுகன் படத்தின் வெற்றியைத் தொடர்ந்து சுறுசுறுப்பாககிவிட்டார். தற்போது கௌதம் மேனன் இயக்கத்தில் துருவ நட்சத்திரம் படத்தில் நடித்து வரும் விக்ரம், வாலு இயக்குநர் விஜய் சந்தர் இயக்கத்தில் இன்னும் பெயரிடப்படாத புதிய படமொன்றிலும் நடித்து வருகிறார். விரைவில் தொடங்கப்பட உள்ள விஜய் சந்தர் இயக்கும் படத்தின் கதாநாயகியாக தமன்னா ஒப்பந்தம் செய்யப்பட்டிருக்கிறார். ஆனால், கடந்த சில வாரங்களாக படப்பிடிப்பு நடைபெற்று வரும் துருவ நட்சத்திரம் படத்தின் கதாநாயகி யார் என்பதை இன்னும் இயக்குனர் கௌதம் மேனன் அறிவிக்காமலேயே உள்ளார். இத்தனைக்கும் துருவ நட்சத்திரம் படத்தின் டீஸரே வெளிவந்துவிட்டது.


சென்னை உணவிற்கு அடிமையாகிப் போன ‘காக்க காக்க’ தீபா
[Friday 2017-02-10 07:00]

‘மலையாளப் பொண்ணாச்சே...கண்டிப்பா தமிழ் தெரிஞ்சுருக்க கஷ்டம்தான். டப்பிங்கே வேறு யாரோதான் பேசுவாங்க இவங்களுக்கு’ என்று நாம் பேசுவதை அருகில் இருந்து கேட்டுக் கொண்டிருந்தவர், ‘வணக்கம்... எனக்கு தமிழ் நல்லாவே தெரியும். அதனால கேள்விகளை நீங்க தமிழிலையே கேட்கலாம்’ என்று சிக்ஸர் அடிக்கிறார் தீபா ஜெயன்.


போலீஸ் அதிகாரியாக களமிறங்கும் சோனியா அகர்வால்
[Thursday 2017-02-09 20:00]

நடிகை சோனியா அகர்வால் தற்போது குணசித்திர வேடங்களில் நடிக்கத் தொடங்கியிருக்கிறார். சாயா என்ற படத்தில் அவர் போலீஸ் அதிகாரியாக நடித்துள்ளார். அதேபோல எவனவன் என்ற படத்திலும் போலீஸ் அதிகாரியாக நடித்துள்ளார். வில்லன் நடிகர் வின்செண்ட் அசோகனும் இதில் போலீஸ் அதிகாரி. இருவரும் இணைந்து ஒரு வழக்கை துப்பறிவது போன்ற கதை இது. எவனவன் படத்தை ட்ரீம்ஸ் ஆன் பிரேம்ஸ் என்ற நிறுவனத்தின் சார்பில் தங்கமுத்து, பி.கே.சுந்தர், கருணா, நட்ராஜ் ஆகியோர் இணைந்து தயாரிக்கிறார்கள். வின்செண்ட் அசோகன், சோனியா அகர்வாலுடன் அகில் சந்தோஷ், சாக்ஷி சிவா, சரண் ஆகியோரும் நடிக்கிறார்க்ள.


முதன்முதலாக ‘கடுகு’ மூலம் விநியோகஸ்தரானார் சூர்யா
[Thursday 2017-02-09 20:00]

‘கோலி சோடா’ என்ற படத்தை இயக்கி வெற்றிக்கொடி நாட்டிய ஒளிப்பதிவாளர் விஜய் மில்டன், தற்போது தேவயானியின் கணவரான இயக்குனர் ராஜகுமாரனை ஹீரோவாக வைத்து ‘கடுகு’ என்ற படத்தை இயக்கி வந்தார். இப்படத்தில் நடிகர் பரத்தும் முக்கிய கதாபாத்திரத்தில் நடித்துள்ளார். இப்படத்தை விஜய் மில்டனின் ‘ரஃப் நோட் புரொடக்ஷன்ஸ்’ நிறுவனம் மூலம் தயாரித்துள்ளார். எஸ்.என்.அருணகிரி இசையமைத்துள்ள இப்படத்துக்கு விஜய் மில்டனே ஒளிப்பதிவை கவனித்துள்ளார். இப்படத்தின் படப்பிடிப்பு அனைத்தும் முடிவடைந்து ரிலீசுக்கு தயாராக இருக்கிறது.


ஜெய், அஞ்சலிக்கு தோசை சுட்டுக் கொடுத்ததால் பரபரப்பு..
[Thursday 2017-02-09 20:00]

ஜெய்யும் அஞ்சலியும் காதல் ஜோடிகளாகிவிட்டதாக பரபரப்பு ஏற்படுத்தும் வகையில் புகைப்படங்கள் வெளியாகியுள்ளது. இதுகுறித்த விரிவான செய்தியை கீழே பார்ப்போம். ‘எங்கேயும் எப்போதும்’ படத்தில் காதல் ஜோடியாக நடித்த ஜெய் - அஞ்சலி, நிஜத்திலும் காதலர்களாக மாறிவிட்டதாக அவ்வப்போது கோலிவுட்டில் ஒரு செய்தி வெளிவந்து, அதன்பிறகு அப்படியே அடங்கிப் போய்விடும். இந்நிலையில், சமீபத்தில் நடந்த ஒரு நிகழ்வு மீண்டும் இவர்கள் காதலர்களாகவிட்டார்களோ? என்ற சந்தேகத்தை எழுப்பியுள்ளது.


அசோக் பாண்டியனைக் கலாய்த்த ரஜினி..!
[Thursday 2017-02-09 20:00]

சமீபகாலமாக வெளியான சில படங்களில் தும்பை பூவைப்போன்ற நரைத்த தலையுடன், ஆனால் கம்பீரமான தோற்றத்துடன் கூடிய ஒருவரை டாக்டராக, போலீஸ் அதிகாரியாக, தொழிலதிபராக, கதாநாயகியின் தந்தையாக என பல பரிமாணங்களில் பார்த்து இருப்பீர்கள். அப்படி ஒருவர் உங்களை கவனம் ஈர்த்து இருந்தால் நிச்சயம் அந்த நபர் அசோக் பாண்டியனாகத்தான் இருப்பார். இன்று குணச்சித்திர துணை காதாபாத்திரத்திற்கான தேடலில் உள்ள பல இயக்குனர்களும் தங்களது படத்திற்கான நடிகர்கள் பட்டியலில் இவரது பெயரை ஆரம்பத்திலேயே டிக் பண்ணி வைத்து விடுகின்றனர். அந்த அளவுக்கு அசோக் பாண்டியன் குறுகிய கால அளவில் திரையுலகில் பலரது கவனத்தையும் ஈர்த்திருக்கிறார்.


சௌந்தர்யாவை புகழ்ந்து தள்ளிய விவேக்..
[Thursday 2017-02-09 20:00]

தனுஷ் நடிப்பில் வெளிவந்த ‘வேலையில்லா பட்டதாரி’ படத்தை தொடர்ந்து தற்போது இப்படத்தின் இரண்டாம் பாகம் உருவாகி வருகிறது. முந்தைய பாகத்தில் நடித்த தனுஷ், அமலாபால், சமுத்திரகனி, விவேக் உள்ளிட்டோர் தற்போது இரண்டாம் பாகத்திலும் நடித்து வருகிறார்கள். இப்படத்தை ரஜினியின் இளைய மகள் சவுந்தர்யா ரஜினிகாந்த் இயக்கி வருகிறார். இப்படத்தின் படப்பிடிப்பு சென்னையை சுற்றியுள்ள பகுதிகளில் படமாகி வருகிறது. தற்போது தனுஷ் மற்றும் விவேக் சம்பந்தப்பட்ட காட்சிகளை படமாக்கி வருகிறார்கள். இந்நிலையில், இப்படத்தில் சவுந்தர்யாவின் இயக்குனர் திறமையை பார்த்து வியந்து, அவர் குறித்து விவேக் டுவிட் ஒன்றை பதிவு செய்துள்ளார்.


'ஹர ஹர மஹாதேவஹி' பாடலுக்கு அசத்தலான குத்தாட்டம் போட்டுள்ள ராய் லட்சுமி
[Thursday 2017-02-09 08:00]

லாரன்சுக்கு, மிகவும் பிடித்த நடிகை ராய் லட்சுமி. அவரது ஆஸ்தான நடிகை என்றும் கூறலாம். மொட்ட சிவா கெட்ட சிவா படத்தில், நிக்கி கல்ராணி ஹீரோயின் என்றாலும், ராய் லட்சுமி மீது உள்ள பாசத்தால், இதில், அவருக்கும் ஒரு வாய்ப்பு கொடுத்துள்ளார். ஹர ஹர மஹாதேவஹி என்ற பாடலுக்கு, அசத்தலான குத்தாட்டம் போட்டு உள்ளாராம் ராய் லட்சுமி. வார்த்தைக்கு வார்த்தை, லாரன்சை, மாஸ்டர் மாஸ்டர் எனக் கூறும் ராய் லட்சுமி, இந்த பாடல், தமிழ் சினிமா ரசிகர்களிடையே பெரும் பரபரப்பை ஏற்படுத்தும் என்கிறார்.


அஜித்தின் உடற்பயிற்சி வீடியோ விரைவில் வெளியீடு - படக்குழு அறிவிப்பு
[Thursday 2017-02-09 08:00]

விவேகம் படத்துக்காக, அஜித், சிக்ஸ் பேக் உடலுடன் போஸ் கொடுத்திருக்கும், பர்ஸ்ட் லுக் ரிலீசானதும், கோலிவுட்டில் பெரும் பரபரப்பு ஏற்பட்டுள்ளது. அஜித் ரசிகர்கள்,உற்சாகத்தில் மூழ்கியுள்ளனர். ஆனால், எதிர்தரப்பினரோ, இதெல்லாம் கிராபிக்ஸ் என, சமூக வலைதளங்களில், வழக்கம் போல் கிண்டலடித்து உள்ளனர். இதனால், கடுப்பான படக்குழுவினர், 'இந்த படத்துக்காக, தினமும், ஐந்து மணி நேரம் கடுமையான உடற்பயிற்சி செய்தார் அஜித். இது தொடர்பான வீடியோவை விரைவில் வெளியிட்டு, வதந்திகளுக்கு முற்றுப்புள்ளி வைப்போம்' என, கூறியுள்ளதாம்.


மரத்தைச் சுற்றி டூயட் பாட முற்றுப்புள்ளி வைக்கும் யோசனையில் ஸ்ருதி
[Thursday 2017-02-09 07:00]

முன்பெல்லாம், படப்பிடிப்பு இல்லாவிட்டாலும், அடிக்கடி சென்னை பக்கம் தலைகாட்டுவார் ஸ்ருதி. இப்போது, அவரை, அரிதாகவே சென்னை பக்கம் பார்க்க முடிகிறது. சிங்கம் - 3, சபாஷ் நாயுடு ஆகிய படங்களை தவிர, தெலுங்கில், கட்டம்ம ராயுடு என்ற படத்திலும், ஹிந்தியில் ஒரு படத்திலும் நடித்து வருகிறார். இந்த படங்களை முடித்த கையுடன், தன் அடுத்த திட்டங்களை நிதானமாக கையாள முடிவு செய்துள்ளாராம் அவர். மரத்தைச் சுற்றி டூயட் பாடிவிட்டு, கிளைமாக்சில் ஹீரோவுடன் தலைகாட்டும் கேரக்டர்களுக்கு முற்றுப்புள்ளி வைக்கலாமா என்ற ஆழ்ந்த யோசனையில் மூழ்கி உள்ளாராம் அவர். தன் நடிப்பு திறமைக்கு ஏற்ற, சவாலான கேரக்டர்களுக்காக காத்திருக்கவும் முடிவு செய்துள்ளாரம், ஸ்ரு


பன்னீர்செல்வம் முதல்வராக வேண்டும் - கமல்ஹாசன் ஆதரவு
[Thursday 2017-02-09 07:00]

ஓ.பன்னீர்செல்வம் திறமையானவர்; அவர் முதல்வராக ஆட்சி புரிய வேண்டும் என நடிகர் கமல்ஹாசன் ஆதரவு தெரிவித்துள்ளார். இதுகுறித்து, தொலைகாட்சி பேட்டியில் அவர் பேசியதாவது; நான் பன்னீர்செல்வத்தின் நண்பனும் அல்ல. எதிரியும் அல்ல. ஓ.பன்னீர் செல்வம் திறமையற்றவர் அல்ல. ஜல்லிக்கட்டு விஷயத்தில் அவர் திறமையாக வெற்றி கண்டுள்ளார். அவர் மீண்டும் முதல்வராக ஆட்சி வர வேண்டும். ஜனநாயக ரீதியான எனது விருப்பம் இதுதான். சசிகலாவின் தகுதி பற்றி எனக்கு தெரியாது. அவர் தமிழ்நாட்டு மக்களுக்கு எதுவும் செய்தது கிடையாது. ஜெயலலிதாவுடன் பல ஆண்டுகள் உடன் இருந்தார் என்பதைஅரசியல் தகுதியாக கருத முடியாது. சட்டத்திற்கு முன் அனைவரும் சமம்.இவ்வாறு அவர் பேசினார்.


இதெல்லாம் அரசியல்ல சாதாரணமப்பா..
[Thursday 2017-02-09 07:00]

அரசியலில் ரியலாக நடப்பது... சினிமாவில் ஏற்கனவே நடந்ததுதான்! கொஞ்சநாளாகவே பரபரப்பான சினிமா போல இருக்கிறது தமிழ்நாட்டு அரசியல். அதுவும் கடந்த சில நாட்களாக, குறிப்பாக நேற்று இரவு க்ளைமாக்ஸ் நெருங்கும் போது பல ட்விஸ்ட்கள்... ஒரே கட்சியை சேர்ந்த இருவரின் வெவ்வேறு பேச்சுகளால் மக்களை ஒரு பதட்டமான மனநிலையிலேயே வைத்திருக்கிறார்கள். என்னை மிரட்டி கையெழுத்து வாங்கினார்கள் என பன்னீர் செல்வம் சொல்ல, எதிர்கட்சி ஆளோடு சிரித்து பேசுகிறார் பன்னீர் என சசிகலாவின் ஸ்டேட்டஸும் வந்து விழுகிறது. இந்தச் சூழலை சினிமாவுடன் பொருத்தி பல மீம்ஸ்களும் சமூக வலைத்தளங்களில் பரவிவருகிறது. அப்படியான சில அரசியல் சினிமாக்களின் திருப்பங்கள் கீழே, இதை எந்த சம்பவத்துடன் பொருத்திப்பார்க்க முடிகிறது என நீங்களே முடிவு செய்து கொள்ளுங்கள்.


அரவிந்த்சாமியுடன் சண்டை போட்ட திரிஷா
[Wednesday 2017-02-08 21:00]

கொடி படத்திற்கு பிறகு அதிரடி நாயகியாக உருவெடுத்த திரிஷா, தற்போது நடித்து வரும் ஒவ்வொரு படங்களிலுமே ஒவ்வொருவிதமான கதாபாத்திரங்களில் நடித்து வருகிறார். குறிப்பாக, அரவிந்த்சாமியுடன் நடித்து வரும் சதுரங்க வேட்டை-2 படம் அப்படத்தின் முதல் பாகத்தின் தொடர்ச்சியாக உருவாகியுள்ளது. முதல் பாகத்தில் நட்டி நடராஜன் நடித்த ரோலை தொடர்கிறார் அரவிந்த்சாமி. ஆனால், அந்த கதைக்குள் ஒரு புது கேரக்டர் என்ட்ரி கொடுப்பதுதான் திரிஷாவாம்.


இதற்காகத்தான் ஜெயலலிதா, ஓபிஎஸ்-ஐ தேர்ந்தெடுத்தார் - கௌதமி
[Wednesday 2017-02-08 21:00]

முதல்வர் ஜெயலலிதாவின் மரணத்திற்கு பிறகு தமிழகத்தில் அசாதாரண சூழல்நிலை நிலவி வருகிறது. அவரது மரணத்தில் சந்தேகம் நிலவுவதாக நடிகை கவுதமி கூறினார். இதுதொடர்பாக பிரதமர் நரேந்திர மோடிக்கு கடிதம் எழுதினார். ஆனால் இதுவரை அவரது கேள்விக்கு விடை கிடைக்கவில்லை, இதனால் பிரதமர் மீது தன் அதிருப்தியை தெரிவித்தார். தமிழகம் புறக்கணிக்கப்படுகிறதா, இதற்கும் தெருவில் இறங்கி போராட வேண்டுமா...? என்றெல்லாம் கூறியிருந்தார் கவுதமி. இந்நிலையில் முதல்வர் பன்னீர் செல்வம், நேற்று தன்னை கட்டாயப்படுத்தி முதல்வர் பதவியிலிருந்து ராஜினாமா செய்ய வைத்தார்கள் என்று கூறினார். பன்னீர் செல்வத்தின் இந்த அறிவிப்புக்கு பிறகு தமிழக அரசியல் களத்தில் பரபரப்பான சூழல் நிலவி வருகிறது. இது தொடர்பாக நடிகை கவுதமி, தன் டுவிட்டரில் பன்னீர் செல்வத்தின் முடிவை வரவேற்றுள்ளார். அதன்படி கவுதமி தன் டுவிட்டர் பதிவில், ‛‛இதற்காகத்தான் ஜெயலலிதா, ஓபிஎஸ்-ஐ தேர்ந்தெடுத்தார். தன் மனசாட்சிப்படி நடக்கும் தைரியம் கொண்டவர் ஜெயலலிதா, தன் மீது வைத்திருந்த நம்பிக்கையை காபாற்றினார் ஓபிஎஸ் என்று கூறியுள்ளார்.


ஜல்லிக்கட்டு போராட்டத்தில் பலியான வாலிபர் குடும்பத்திற்கு அரசு உதவி செய்யவேண்டும்: ராகவா லாரன்ஸ்
[Wednesday 2017-02-08 21:00]

ஜல்லிக்கட்டுக்கு தடை நீக்ககோரி சேலத்தில் கடந்த 18-ந்தேதி முதல் நடந்த போராட்டத்தில் இளைஞர்கள் சிலர் பெங்களூரு-கரைக்கால் ரெயிலை மறித்து போராட்டத்தில் ஈடுபட்டனர். இதில் பங்கேற்ற சேலத்தை அடுத்த வீராணம் சத்யா நகரை சேர்ந்த ராஜா என்பவரது மகன் லோகேஷ் என்ற யோகேஷ்வரன் (வயது 17) ரெயிலின் மேற்கூரை மீது ஏறி போராட்டம் நடத்திய போது மின்சாரம் தாக்கி தூக்கி வீசப்பட்டார். உயிருக்கு ஆபத்தான நிலையில் சேலம் அரசு ஆஸ்பத்திரியில் சிகிச்சைக்கு சேர்க்கப்பட்ட லோகேஷ் 19 நாட்களுக்கு பிறகு நேற்று சிகிச்சை பலனின்றி இறந்தார். இதை பார்த்த உறவினர்கள் கதறி அழுது புரண்டனர்.


விக்ரமுடன் முதன்முறையாய் நடிப்பதால் பூரிப்பில் தமன்னா
[Wednesday 2017-02-08 21:00]

வாலு’ படத்தை தொடர்ந்து விஜய் சந்தர் இயக்கும் புதிய படத்தில் விக்ரம் கதாநாயகனாக நடிக்கிறார். இதில் அவருடைய ஜோடியாக சாய்பல்லவி நடிக்க ஒப்பந்தமானார். பின்னர் இந்த படத்தில் இருந்து கால்ஷீட் பிரச்சனை காரணமாக விலகினார். இப்போது இந்த படத்தில் விக்ரம் ஜோடியாக நடிக்க தமன்னா ஒப்பந்தம் செய்யப்பட்டிருக்கிறார். படப்பிடிப்பு சில தினங்களில் நடைபெற உள்ளது. முதன்முதலாக விக்ரமுடன் ஜோடி சேர்ந்து இருப்பது குறித்து தமன்னாவிடம் கேட்ட போது...

AIRCOMPLUS2014-02-10-14
SELVI-HOMES-09-02-17
Tharsi-home-15-10-2016
Elankeeran-debt-solution-25-06-2016
Easankulasekaram-Remax-300716
Mahesan-Remax-169515-Seithy
<b>02-02-2017 அன்று ரொரன்டோவில் நடைபெற்ற Ideal Entertainment நிறுவன அறிமுக விழா நிகழ்வின் படத்தொகுப்பு.</b> படங்கள்-குணா
<b>29-01-2017 அன்று ரொரன்டோவில் தமிழ்நாடு சமூக மன்றம்  நடாத்திய தைப்பொங்கல் விழா நிகழ்வின் படத்தொகுப்பு.</b> படங்கள்-குணா
<b>28-01-2017 அன்று ரொரன்டோவில்  நடைபெற்ற கனடா தமிழர் மரபு மாநாட்டு விழா நிகழ்வின் படத்தொகுப்பு.</b> படங்கள்-குணா