Untitled Document
June 23, 2017 [GMT]
  • Welcome
  • Welcome
தீபாவளி ரயில் டிக்கெட் முன்பதிவு ஜூன் 18 முதல்
[Thursday 2017-06-15 21:00]

தீபாவளி ரயில் டிக்கெட் முன்பதிவு ஜூன் 18ம் தேதி முதல் தொடங்கும் என்று தெற்கு ரயில்வே அறிவித்துள்ளது. சென்னை எழும்பூர் மற்றும் சென்ட்ரல் ஆகிய ரயில் நிலையங்களில் பயணிகள் டிக்கெட் முன்பதிவு செய்துகொள்ளலாம் என்றும் தெற்கு ரயில்வே சார்பில் தெரிவிக்கப்பட்டுள்ளது. அதேபோல, தீபாவளி சிறப்பு ரயில்கள் மற்றும் கூடுதல் ரயில்கள் குறித்த அறிவிப்பு விரைவில் வெளியிடப்படும் என்றும் கூறப்பட்டுள்ளது. தமிழகத்தில் வரும் அக்டோபர் 18ல் தீபாவளி கொண்டாடப்படுகிறது.


தாலி கட்ற நேரத்துலயும் குட்காவா? மணமகனை உதறினார் மணமகள்!
[Thursday 2017-06-15 13:00]

மணமேடையில் குட்கா தின்றுகொண்டிருந்த மணமகனை திருமணம் செய்ய மாட்டேன் என்று மணப்பெண் கூறியதால் திருமணம் நின்றது.உத்தரப் பிரதேச மாநிலம் பல்லியா மாவட்டம் முரார்பட்டி கிராமத்தைச் சேர்ந்தவர் இளம்பெண் தேவி (பெயர் மாற்றப்பட்டுள்ளது). இவருக்கும் அதன் அருகிலுள்ள டலன் சபாரா பகுதியை சேர்ந்த இளைஞருக்கும் திருமணம் செய்ய இரு வீட்டு பெற்றோரும் முடிவு செய்தனர். அதன்படி லால்கஞ்ச் என்ற கிராமத்தில் திருமணம் நடத்த ஏற்பாடு செய்யப்பட்டது. இரு வீட்டு உறவினர்களும் திருமண வீட்டில் கூடியிருக்க, மகிழ்ச்சியாகச் சென்றுகொண்டிருந்தது திருமணச் சடங்கு.


தானாக பூட்டிய கதவு: மூச்சு முட்டி சிறுமிகள் பலி!
[Thursday 2017-06-15 13:00]

காருக்குள் மூச்சுமுட்டி இரட்டைக் குழந்தைகள் பலியான சம்பவம் பரிதாபத்தை ஏற்படுத்தி இருக்கிறது. குர்கான் அருகிலுள்ள பட்டாடி என்ற கிராமத்தைச் சேர்ந்த ராணுவ வீரர் ஒருவர், வீட்டின் வெளியே தனது ஹூண்டாய் எலன்ட்ரா காரை நிறுத்தியிருந்தார். கார் கதவில் பிரச்னை என்பதால் பூட்டப்படவில்லை. ராணுவ வீரருக்கு இரண்டு பெண் குழந்தைகள் உள்ளன. இரட்டைக் குழந்தைகளான இவர்களுக்கு வயது 5. நாய்க்குட்டியுடன் விளையாடிக்கொண்டிருந்த இவர்கள், நாய் வெளியே சென்றதால் அவர்களும் வந்தனர்.


ஆன்புலன்ஸ் தர மறுப்பு: உடலை ஸ்ட்ரெச்சரில் கொண்டு சென்ற அவலம்
[Thursday 2017-06-15 13:00]

ஒடிசா மாநிலத்தில் மருத்துவமனை நிர்வாகம் ஆம்புலன்ஸ் தர மறுத்ததால், உயிரிழந்த சிறுமியின் உடலை ஸ்ட்ரெச்சரிலேயே கொண்டு சென்ற அவல நிலை அரங்கேறியுள்ளது. ஒடிசா மாநிலம் கந்தமால் மாவட்டத்தில் உள்ள மருத்துவமனையில் உடல்நலக்குறைவு காரணமாக அனுமதிக்கப்பட்டிருந்த சிறுமி சிகிச்சை பலனின்றி உயிரிழந்தார்.


மல்லையா மீது 5000 பக்க குற்றப்பத்திரிகை
[Thursday 2017-06-15 13:00]

தொழிலதிபர் விஜய் மல்லையா மீது அமலாக்கத்துறை மும்பை நீதிமன்றத்தில் குற்றப்பத்திரிக்கை தாக்கல் செய்துள்ளது. பொதுத்துறை மற்றும் தனியார் வங்கிகளிடமிருந்து சுமார் 9,000 ஆயிரம் கோடி ரூபாய் கடனாகப் பெற்று திருப்பிச் செலுத்தாதவர் தொழிலதிபர் விஜய் மல்லையா. தற்போது லண்டனில் தங்கி இருக்கும் அவரை கைது செய்து இந்தியாவுக்கு கொண்டு வருவதற்கான நடவடிக்கைகளை இந்திய அரசு மேற்கொண்டு வருகிறது.


மாட்டிறைச்சி விவகாரம்: மத்திய அரசுக்கு நோட்டீஸ்
[Thursday 2017-06-15 13:00]

இறைச்சிக்காக மாடுகள் விற்பனைக்கு விதிக்கப்பட்ட தடை குறித்து விளக்கமளிக்க மத்திய அரசுக்கு உச்சநீதிமன்றம் நோட்டீஸ் அனுப்பியுள்ளது. ஐதராபாத்தைச் சேர்ந்த தனியார் அமைப்பு தொடர்ந்த வழங்கில் மத்திய அரசு 2 வாரத்தில் பதிலளிக்க வேண்டும் என உச்சநீதிமன்றம் உத்தரவு பிறப்பித்துள்ளது. இருப்பினும் இதுதொடர்பான மத்திய அரசின் அரசாணைக்கு தடை விதிக்க, மத்திய அரசு மறுப்பு தெரிவித்துவிட்டது. மேலும் இது தொடர்பான வழக்கு ஜூலை மாதம் 11-ஆம் தேதிக்கு ஒத்திவைக்கப்பட்டது.


இரட்டை இலை சின்னம்: தீபாவும் களத்தில்
[Thursday 2017-06-15 13:00]

இரட்டை இலை சின்னத்திற்கு ஏற்கனவே ஓபிஎஸ் தரப்பும், சசிகலா தரப்பும் மாறி மாறி உரிமை கொண்டாடி வரும் நிலையில் தற்போது தீபா தரப்பும் உரிமை கொண்டாடியுள்ளது.ஜெயலலிதா மறைவிற்கு பிறகு அதிமுக இரண்டாக உடைந்தது. சசிகலா தலைமையில் ஓர் அணியாகவும், ஓபிஎஸ் தலைமையில் ஓர் அணியாகவும் செயல்பட்டு வருகின்றனர். இதனிடையே நடைபெற இருந்த ஆர்.கே.நகர் இடைத்தேர்தலில் இரண்டு தரப்பும் அதிமுக-வின் அதி காரப்பூர்வமான இரட்டை இலையை கோரி தேர்தல் ஆணையத்தில் முறையிட்டதால், தேர்தல் ஆணையம் இரட்டை இலையை தற்காலிகமாக முடக்கியது.


செல்போனில் பேசுவதை படம் எடுத்தால் பரிசு
[Wednesday 2017-06-14 20:00]

பேருந்து ஓட்டுநர்‌கள் செல்போனில் பேசுவதை புகைப்படம் எடுத்து தரும் பயணிகளுக்கு பரிசளிக்கப்படும் என உத்தரபிரதேச அரசு அறிவித்துள்ளது. பேருந்தை ஓட்டும் போது ஓட்டுநர்கள் செல்போன்களில் பேசுவதை தடுக்கும் நோக்கில் இந்த அறிவிப்பு வெளியிடப்பட்டுள்ளது. இதற்காக வாட்ஸ் அப் எண்ணையும் அம்மாநில அரசு அறிவித்துள்ளது. இதில் சிக்கும் ஓட்டுநர்களுக்கு அபராதம் விதிக்கப்படும் என தெரிவிக்கப்பட்டுள்ளது.


நேரத்தையே மாற்றி அமைக்க விரும்பும் முதலமைச்சர்
[Wednesday 2017-06-14 20:00]

அருணாச்சலப் பிரதேசத்திற்கு என்றே தனி நேரத்தை உருவாக்க வேண்டும் என்று முதலமைச்சர் பீமா கான்டு, கூறியுள்ளார். இந்தியன் ஸ்டாண்டர்ட் டைம் எனப்படும் இந்திய நிலை நேரம்தான் அருணாச்சலப் பிரதேசத்தில் கடைப்பிடிக்கப்பட்டு வருகிறது. ஆனால் அந்த நேரத்தைக் கடைப்பிடித்தால் பகலில் பல மணி நேரம் வீணாகிறது என்று அருணாச்சலப் பிரதேச முதலமைச்சர் கூறியிருக்கிறார். அருணாச்சலப் பிரதேசம் மட்டுமல்ல வடகிழக்கு மாநிலங்கள் அனைத்துக்குமே தனியாக நேர அளவை பின்பற்றப்பட வேண்டும் என்று அவர் வலியுறுத்துகிறார்.


ஆளெடுப்பு செய்தி பொய்.....: மெட்ரோ விளக்கம்
[Wednesday 2017-06-14 15:00]

வாட்ஸ்அப், ஃபேஸ்புக் உள்ளிட்டவற்றில் சென்னை மெட்ரோவில் பணியாற்ற ஆள் எடுப்பதாக வரும் தகவல் உண்மையானது அல்ல என சென்னை மெட்ரோ நிர்வாகம் விளக்கம் அளித்துள்ளது. இதுதொடர்பாக மெட்ரோ நிர்வாகம் வெளியிட்டுள்ள அறிக்கையில், சென்னை மெட்ரோவில் ஏதாவது பணிக்கு ஆள் எடுப்பதென்றால் அதுதொடர்பான விளம்பரம் செய்தித்தாள்களிலும், சென்னை மெட்ரோவின் அதிகாரப்பூர்வ இணையதளத்திலும் வெளியிடப்படும். எனவே மெட்ரோவில் பணியாற்ற காத்திருப்போர் மெட்ரோவின் அதிகாரப்பூர்வ இணையதளத்தையே பார்க்கலாம்.


குடியரசுத் தலைவர் தேர்தல் - இன்று வேட்புமனு
[Wednesday 2017-06-14 14:00]

புதிய குடியரசுத் தலைவர் தேர்ந்தெடுப்பதற்கான தேர்தல் ஜூலை 17-ந் தேதி நடக்கவுள்ள நிலையில், அதற்கான வேட்புமனு தாக்கல் இன்று தொடங்குகிறது.குடியரசுத் தலைவர் பிரணாப் முகர்ஜியின் பதவிக்காலம் முடிவடைவதையொட்டி புதிய குடியரசுத் தலைவரை தேர்ந்தெடுப்பதற்கான வேட்புமனுத் தாக்கல் இன்று தொடங்குகிறது. இந்த தேர்தல் நடத்தும் அதிகாரியாக பாராளுமன்ற செயலாளர் நியமிக்கப்பட்டுள்ளார். அந்தந்த மாநில சட்டசபை செயலாளர்கள், உதவி தேர்தல் நடத்தும் அதிகாரியாக நியமிக்கப்பட்டுள்ளனர்.


இரு சக்கர ஆம்புலன்ஸ்
[Wednesday 2017-06-14 14:00]

ஹைதரபாத்தில் மோட்டார் மெக்கானிக் நிறுவனம் நடத்தி வரும் கான் என்பவர் இரு சக்கர ஆம்புலன்ஸ் ஒன்றை புதிதாக வடிவமைத்துள்ளார். ஏழைகள் ஆம்புலன்ஸ் வசதி இல்லாமல் அவதிப்படுகின்றனர். கடந்த சில மாதங்களுக்கு முன் இறந்து போன பெண் ஒருவரின் உடலை ஆம்புலன்ஸ் வசதி இல்லாததால் அவரது கணவர் தன் தோளிலேயே தூக்கிச் சென்ற சம்பவம் நடந்தது. இவைதான் தன்னை இரு சக்கர ஆம்புலன்ஸை உருவாக்க வைத்தது என்று கூறுகிறார் கான்.


ராகுலை "குட்டிப்பையன்" என்றழைத்தவருக்கு எல்லாம் போச்சு
[Wednesday 2017-06-14 14:00]

ராகுல் காந்தியை "குட்டிப்பையன்" என்று அழைத்த காங்கிரஸ் மேலிடத் தலைவர் கட்சியின் அடிப்படை உறுப்பினர் உட்பட அனைத்துப் பதவிகளில் இருந்தும் நீக்கப்பட்டுள்ளார். காங்கிரஸ் துணைத் தலைவர் ராகுல்காந்தி சமீபத்தில் மத்தியபிரதேச மாநிலத்தில் போலீஸ் துப்பாக்கி சூட்டில் உயிரிழந்த விவசாயிகள் குடும்பத்தை சந்திக்க சென்றபோது கைது செய்யப்பட்டார். இதனை கண்டித்து மீரட் மாவட்ட காங்கிரஸ் தலைவர் வினய்பிரதான் என்பவர் ‘வாட்ஸ் அப்’பில் செய்தி ஒன்றை காங்கிரசாரிடம் பரப்பினார்.


வங்கியில் பல கோடி கொள்ளை: 30 லாக்கர் காலி!
[Tuesday 2017-06-13 21:00]

உத்தரப் பிரதேச மாநிலம் காசியாபாத்தில் உள்ள மோடி நகரில் உள்ளது பஞ்சாப் நேஷனல் வங்கியின் கிளை. இந்த வங்கி கடந்த வெள்ளிக்கிழமை மூடப்பட்டது. நேற்று காலையில் வங்கிக்கு வந்த அதிகாரிகள், லாக்கர் இருக்கும் அறையை திறந்து பார்த்தனர். அப்போது அவர்களுக்கு அதிர்ச்சி காத்திருந்தது. உள்ளே 30 லாக்கர்கள் திறந்து இருந்தன. அதில் இருந்த பொருட்கள் மாயமாகி இருந்தன. இதையடுத்து போலீசுக்கு புகார் தெரிவிக்கப்பட்டது.


நான் நிரபராதி... மல்லையா
[Tuesday 2017-06-13 21:00]

தான் நிரபராதி என்பதை நிரூபிக்க போதிய ஆதாரம் உள்ளது என்றும், தன் மீதான குற்றச்சாட்டுகள் அனைத்தும் பொய்யானவை என்றும் விஜய் மல்லையா லண்டன் நீதிமன்றத்தில் தெரிவித்துள்ளார்.பல்லாயிரம் கோடி ரூபாய் கடன் பாக்கியை செலுத்தாமல் நாட்டை விட்டு தப்பி ஓடிய கிங்ஃபிஷர் நிறுவனத்தின் உரிமையாளர் விஜய் மல்லையா, “என் மீதான குற்றச்சாட்டுகள் அனைத்தையும் நிராகரிக்கிறேன்.


குடியரசுத் தலைவர் தேர்தல்: எதிர்க்கட்சிகள் சார்பில் 1‌0 பேர்
[Tuesday 2017-06-13 13:00]

குடியரசுத் தலைவர் வேட்பாளரை ‌தேர்வு செய்ய காங்கிரஸ் உள்ளிட்ட எதிர்க்கட்சிகள் சார்பில் 10 பேர் கொண்ட குழு அமைக்கப்பட்டுள்ளது.காங்கிரஸ் மூத்த தலைவர் குலாம் நபி ஆசாத் இந்த குழுவுக்கு தலைமை வகிப்பார் எனத் தெரிவிக்கப்பட்டுள்ளது. திமுக உள்ளிட்ட பல கட்சிகளின் பிரதிநிதிகள் இக்குழுவில் இடம்பெற்றுள்ளனர்.


"சப்பாத்தி....நூடுல்ஸ்...சான்விச்...." - தீவிரவாதிகளா?
[Tuesday 2017-06-13 12:00]

காஷ்மீரில் பாதுகாப்பு படை முகாம்கள் மீது தீவிரவாதிகள் நடத்திய திடீர் தாக்குதலில் 2 ராணுவ வீரர்கள் படுகாயமடைந்தனர். ஜம்மு காஷ்மீரின் புல்வாமா மாவட்டத்தில் நேற்று இரவு பாதுகாப்புப் படை முகாம்கள் மீது தீவிரவாதிகள் திடீர் தாக்குதல் நடத்தியதில் துணை ராணுவப் படையை சேர்ந்த இரு வீரர்கள் காயமடைந்தனர். புல்வாமா மாவட்டத்தில் உள்ள டிரால் பகுதியில் உள்ள பாதுகாப்புப் படையின் 180வது படைப்பிரிவு முகாம் மீது ஏவுகணை குண்டுகளை பயன்படுத்தி தீவிரவாதிகள் தாக்குதல் நடத்தியதாக ராணுவ வட்டாரங்கள் தெரிவிக்கின்றன.


மாடியிலிருந்து தூக்கி எறியப்பட்ட கைக்குழந்தை..
[Tuesday 2017-06-13 12:00]

ஐதராபாத் நகரில் கைக்குழந்தை ஒன்று 3வது மாடியிலிருந்து தூக்கி வீசப்படும் சிசிடிவி காட்சிகள் வெளியாகியுள்ளன.ஐதராபாத்தில் கடந்த 11ஆம் தேதி இந்த சம்பவம் நடைபெற்றுள்ளது. இதுதொடர்பான சிசிடிவி காட்சிகள் தற்போது வெளியாகிருக்கின்றன. இந்த சிசிடிவி காட்சியில், குழந்தை ஒன்று 3வது மாடியிலிருந்து கீழே விழ்கிறது. இதனைக்கண்டு பதறிய பாதசாரி ஒருவர் குழந்தையை அதிர்ச்சியுடன் தூக்குவது போன்ற காட்சிகள் சிசிடிவி கேமிராவில் பதிவாகி உள்ளன.


கெமிஸ்ட்ரி விடைத்தாளில் பாலியல் வர்ணனை
[Tuesday 2017-06-13 12:00]

கெமிஸ்டிரி விடைத்தாளில் பாலியல் விஷயங்களை எழுதிய மாணவன் மீது போலீசார் வழக்குப் பதிவு செய்துள்ளனர். குஜராத் மாநிலம் ஆனந்த் மாவட்டம் போர்சாத்தை சேர்ந்தவர் குமார் (பெயர் மாற்றப்பட்டுள்ளது). பிளஸ் டூ மாணவர். இவரது பிளஸ் டூ விடைத்தாள்களை ஆசிரியர்கள் திருத்தினர். அப்போது கெமிஸ்டிரி விடைத்தாளை திருத்திய டீச்சர் அதிர்ச்சி அடைந்தார்.


ஐடி விங்......திமுகவும் களத்தில்
[Monday 2017-06-12 17:00]

தகவல்தொழில்நுட்ப துறை அனைத்திலும் புகுந்து விட்ட நிலையில், அரசியல் கட்சிகளும் தங்களை அதில் அப்கிரேட் செய்து வருகின்றனர். இந்த பட்டியலில் திமுகவும் தற்போது இணைந்துள்ளது. தமிழக அரசியல் கட்சிகளில் அதிமுகவை தொடர்ந்து தற்போது திமுகவும் தகவல்தொழில்நுட்ப அணியை உருவாக்கியுள்ளது.


காதிற்குள் நுழைந்த சிலந்தி
[Monday 2017-06-12 17:00]

பெங்களுரூவில் ஒரு பெண்ணின் காதிற்குள் நுழைந்த சிலந்தியை மருத்துவர்கள் உயிருடன் அகற்றினர்.பெங்களுரூவில் வசித்து வருபவர் லட்சுமி. இவர் மதிய வேளையில் தனது வீட்டில் உள்ள வராண்டாவில் படுத்து தூங்கியுள்ளார். சிறிது நேரத்தில் எழுந்த அவருக்கு தொடர்ந்து தலைவலி ஏற்பட்டுள்ளது. அவரது வலது காலில் ஏதோ ஒரு தொந்தரவு ஏற்பட்டுள்ளது.


நீதிபதி கர்ணன் ஓய்வு பெறுகிறார்
[Monday 2017-06-12 17:00]

உச்ச நீதிமன்றத்தால் சிறைத் தண்டனை விதிக்கப்பட்ட முதல் உயர் நீதிமன்ற நீதிபதி என்ற பெயரைப் பெற்ற நீதிபதி கர்ணன் இன்று ஓய்வு பெறுகிறார். தமிழகத்தைச் சேர்ந்தவர் நீதிபதி கர்ணன். இவர், சென்னை உயர் நீதிமன்ற நீதிபதியாக இருந்த போது, சக நீதிபதிகள் மீது ஊழல் புகார்களை கூறியிருந்தார். இது தொடர்பாக உச்ச நீதிமன்றம் தாமாக முன்வந்து இவர் மீது விசாரணை நடத்தி வருகிறது


கர்நாடகத்தில் இன்று பந்த்: தமிழக பஸ்கள் நிறுத்தம்!
[Monday 2017-06-12 17:00]

கர்நாடகத்தில் இன்று நடக்கும் முழு அடைப்பையொட்டி, தமிழக பேருந்துகள் எல்லையிலேயே நிறுத்தப்பட்டுள்ளன.காவிரி ஆற்றின் குறுக்கே மேகதாதுவில் புதிய அணை கட்ட வேண்டும், கோலார், சிக்பள்ளாப்பூர், தும்கூரு பகுதிகளுக்கு நிரந்தர நீர்ப்பாசன திட்டத்தை அமல்படுத்த வேண்டும் என்பது உள்ளிட்ட கோரிக்கைகளை வலியுறுத்தி கர்நாடகத்தில் இன்று முழு அடைப்பு போராட்டம் நடத்தப்படும் என்று கன்னட சங்கங்களின் கூட்டமைப்பு தலைவர் வாட்டாள் நாகராஜ் அறிவித்திருந்தார்.


கன்னடத்தில் ஜெயலலிதாவின் வரலாறு!
[Monday 2017-06-12 17:00]

மறைந்த தமிழக முதல்வர் ஜெயலலிதாவின் வாழ்க்கை வரலாறு பற்றி கன்னட மொழியில் உருவாகியுள்ள புத்தகம் நேற்று வெளியிடப்பட்டது’அம்மா ஆதா அம்மு: ஜெயலலிதா (அம்மு என்கிற அம்மா: ஜெயலலிதா)’ என்ற பெயரில் வெளியாகியுள்ள இந்த புத்தகத்தை கன்னட பத்திரிகையாளர் என்.கே.மோகன்ராம் எழுதியுள்ளார்.


தேர்தல் ஆணையத்தில் தீ
[Monday 2017-06-12 16:00]

டெல்லியில் உள்ள தலைமை தேர்தல் ஆணையத்தில் இன்று திடீரென தீ விபத்து ஏற்பட்டது. டெல்லியில் உள்ள தலைமை தேர்தல் ஆணையத்தின் தரைதளத்தில் இன்று பகல் 12 மணியளவில் திடீரென தீ விபத்து ஏற்பட்டது.


ரயிலில் அப்பர் பெர்த்: பாரா அத்லெட் வீராங்கனை அதிர்ச்சி!
[Sunday 2017-06-11 15:00]

டெல்லி-நாக்பூர் ரயிலில், பாரா அத்லெட் வீராங்கனை ஒருவருக்கு அப்பர் பெர்த் ஒதுக்கப்பட, வேறு வழியின்றி தரையில் அமர்ந்து பயணம் செய்த சம்பவம் அதிர்ச்சியை ஏற்படுத்தியுள்ளது. போலியோ நோயால் பாதிக்கப்பட்டவர் சுர்ணவராஜ். 90 சதவீத மாற்றுத்திறனாளியான இவர், பல்வேறு தடகள போட்டிகளில் பதக்கம் வென்றவர். குடியரசுத் தலைவரிடம் விருது பெற்ற அவர், சமீபத்தில் டெல்லியிலிருந்து நாக்பூர் வரை ரயிலில் பயணித்தார்.


மைத்துனி தொல்லை: ’செல்ஃபி ஜோடி’க்கு சிக்கல்!
[Sunday 2017-06-11 15:00]

வேறொருவரை திருமணம் செய்துகொண்ட தன் இளம் மனைவியை கண்டுபிடித்து தருமாறு போலீஸ் புகார் செய்துள்ளார் 62 வயதுக்காரர்.தானேவை சேர்ந்தவர் சதீஷ் ஆப்தே. வயது 62. இவர் 23 வயது லிசா ஆப்தேவை கடந்த 2015-ம் ஆண்டு திருமணம் செய்தார். திருமணத்தின் போது இவர்கள் எடுத்த செல்ஃபி புகைப்படம் அப்போது பரபரப்பாகப் பேசப்பட்டது. இதையடுத்து அவர்கள் செல்ஃபி ஜோடி என்றே அழைக்கப்பட்டனர்.


அமர்நாத் யாத்திரையை சீர்குலைக்க பயங்கரவாதிகள் சதி!
[Sunday 2017-06-11 14:00]

ஜம்மு-காஷ்மீர் மாநிலத்தில் ஆண்டுதோறும் நடைபெறும் அமர்நாத் யாத்திரையை சீர்குலைக்கும் வகையில் பாகிஸ்தான் பயங்கரவாதிகள் ஊடுருவலை அதிகரித்துள்ளதாகத் தகவல்கள் வெளியாகியுள்ளன. ஜம்மு - காஷ்மீர் மாநிலத்தில் உள்ள அமர்நாத் குகைக் கோயிலில் ஒவ்வொரு ஆண்டும் ஜூன் மாதம் இறுதியில் தொடங்கி ஆகஸ்ட் முதல் வாரம் வரை பனிலிங்கம் உருவாவது வழக்கம். இதை தரிசிக்க லட்சக்கணக்கான பக்தர்கள் செல்வது வழக்கம்.

Easankulasekaram-Remax-300716
Tharsi-home-15-10-2016
Elankeeran-debt-solution-25-06-2016
SELVI-HOMES-09-02-17
Mahesan-Remax-169515-Seithy
<b> 10-06-2017 அன்று கனடா - ரொரன்டோவில்          இராகாலயா நுண்கலைக்கூடம் வழங்கிய கானமாருதம் 2017 நிகழ்வின் படத்தொகுப்பு.</b> படங்கள்-குணா
<b> 03-06-2017 அன்று கனடா - ரொரன்டோவில் நடைபெற்ற இதயராகங்கள் இசை நிகழ்வின் படத்தொகுப்பு.</b> படங்கள்-குணா
<b>14-05-2017 அன்று கனடா - ரொரன்டோவில் நடைபெற்ற தாயின்மடியில் நிகழ்வின் படத்தொகுப்பு.</b> படங்கள் - குணா