Untitled Document
January 19, 2018 [GMT]
  • Welcome
  • Welcome
சூதாட்டத்தில் ஈடுபட்ட ராஜஸ்தான் ஐபிஎல் அணி உரிமையாளரான ஷில்பா ஷெட்டியின் கணவர் இன்று கைதாகிறார்?
[Thursday 2013-06-06 16:00]

இந்தியன் பிரிமியர் லீக் ராஜஸ்தான் அணியின் உரிமையாளர் ராஜ் குந்த்ரா இன்று கைது செய்யப்படுவார் என்று எதிர்பார்க்கப்படுகிறது. கிரிக்கெட் சூதாட்டத்தில் தனக்கு பங்கு இருந்தது என தாம் ஒத்துக்கொண்டதாக மும்பை வட்டாரம் தெரிவிக்கிறது. ராஜஸ்தான் ராயல்ஸ் அணியின் உரிமையாளர் ராஜ் குந்திரா நாட்டை விட்டு வெளியே செல்லக் கூடாது என்று போலீசார் கட்டளையிட்டுள்ளனர். ராஜ் குந்திராவின் பாஸ்போர்ட் ஏற்கனவே முடக்கப்பட்டுள்ளது. ஐபிஎல் போட்டிகளில் நடந்ததாகக் கூறப்படும் பெட்டிங் ஊழல் குறித்து விசாரிக்கும் காவல் துறையினர் தற்போது ராஜ் குந்திராவை பல மணி நேரம் விசாரித்தனர். இவர் பிரபல பாலிவுட் நடிகை ஷில்பா ஷெட்டியின் கணவராவார்.


இந்திய ரூபாவின் மதிப்பு கடும் வீழ்ச்சி - டொலர் 57 ரூபாவானது!
[Thursday 2013-06-06 16:00]

கடந்த 11 மாதங்களில் இல்லாத அளவுக்கு இந்திய ரூபாயின் மதிப்பு வீழ்ச்சி அடைந்துள்ளது. இறக்குமதி செய்தவர்களிடம் இருந்தும், வங்கிகளிடம் இருந்தும் ஏராளமான டொலர்கள் வாங்கப்படுவதால், இந்திய ரூபாயின் மதிப்பு சரிவை அடைந்துள்ளது. நேற்று வணிகம் நிறைவடைந்த போது ஒரு அமெரிக்க டொலருக்கு நிகரான இந்திய ரூபாயின் மதிப்பு 56.80 ஆக இருந்தது. இந்த நிலையில், இன்று காலை வணிகம் துவங்கியதும், ரூபாயின் மதிப்பு மேலும் சரிந்து 57 ஆக இருந்தது. இது கடந்த 11 மாதங்களில் இல்லாத வீழ்ச்சியாகும். கடைசியாக 2012ஆம் ஆண்டு ஜூன் மாதம் 28ம் தேதி இந்திய ரூபாயின் மதிப்பு 57 ஆக இருந்தது குறிப்பிடத்தக்கது.


இன்றும் 25 மீனவர்களை பிடித்துச் சென்றது இலங்கை கடற்படை - 49 பேரும் சிறையில் அடைப்பு!
[Thursday 2013-06-06 16:00]

நேற்று ராமநாதபுரம் மாவட்டம் ராமேஸ்வரத்தைச் சேர்ந்த மீனவர்கள் 24 பேர் சிறைப்பிடிக்கப்பட்ட நிலையில், இன்றும் ராமநாதபுரம் மாவட்ட மீனவர்கள் 25 பேர் சிறைபிடிக்கப்பட்டனர். நேற்று பிடிபட்ட 24 மீனவர்களும் இன்று காலை இலங்கை தலைமன்னார் கடற்படை முகாமில் விசாரணை செய்யப்பட்டு, தலைமன்னார் நீதிமன்றத்தில் ஆஜர்படுத்தப்பட்டு, சிறையில் அடைக்கப்பட்டனர். இந்நிலையில் இன்று காலை மீன்பிடிக்க 4 படகுகளில் கடலுக்குச் சென்ற 25 மீனவர்கள் இலங்கைக் கடற்படையால் சிறைப்பிடிக்கப்பட்டனர்.


தேசிய பயங்கரவாதத் தடுப்பு மையம் தேவையில்லை; மாநில பயங்கரவாத எதிர்ப்புப் படைதான் வேண்டும் - தமிழக அரசு வலியுறுத்தல்!
[Thursday 2013-06-06 08:00]

பயங்கரவாதத்தை ஒடுக்க தேசிய பயங்கரவாதத் தடுப்பு மையம் தேவையில்லை; மாநில பயங்கரவாத எதிர்ப்புப் படைதான் வேண்டும்'' என்று தில்லியில் புதன்கிழமை நடைபெற்ற முதல்வர்கள் மாநாட்டில் தமிழக அரசின் சார்பில் வலியுறுத்தப்பட்டது. பயங்கரவாத எதிர்ப்புப் படைக்குத் தேவையான நிதி, ஆயுதங்களை வாங்க மத்திய அரசு உதவி செய்ய வேண்டும் என்றும் அவர் தெரிவித்தார். இதே கோரிக்கையை கடந்த ஆண்டு நடைபெற்ற மாநில முதல்வர்கள் மாநாட்டிலும் முதல்வர் ஜெயலலிதா வலியுறுத்தினார் என்பது குறிப்பிடத்தக்கது.


பிறந்தநாள் கூட்டத்தில் அழகிரி - ஸ்டாலினை ஒன்றிணைக்கும் கருணாநிதியின் திட்டம் தோல்வி!
[Thursday 2013-06-06 08:00]

மதுரையில் புதன்கிழமை இரவு நடந்த கருணாநிதி பிறந்த நாள் மற்றும் மக்களவைத் தேர்தல் நிதியளிப்புக் கூட்டத்தில் மு.க.ஸ்டாலினுடன் பங்கேற்காமல் மு.க.அழகிரி தமது ஆதரவாளர்களுடன் புறக்கணித்தார்.கருணாநிதி தமக்குப் பிறகு ஸ்டாலினே கட்சியை வழிநடத்துவார் எனக் கூறியதை பலமுறை மு.க.அழகிரி ஏற்காமல் கருத்துத் தெரிவித்து வருகிறார்.கட்சியின் பொருளாரான மு.க.ஸ்டாலின் மதுரை வந்தால் அழகிரி ஆதரவாளர்கள் அவரை புறக்கணிப்பதும் தொடர்கிறது.இதையடுத்து, மு.க.அழகிரியையும், ஸ்டாலினையும் ஒரே மேடையில் நிறுத்தி சமரசம் செய்ய திமுக தலைவர் கருணாநிதி விரும்பினார்.


ஐபிஎல் போட்டிகள் முடிந்ததால்,மும்பையில் மழையை வைத்து நடக்கும் சூதாட்டம்!
[Thursday 2013-06-06 08:00]

ஐ.பி.எல். கிரிக்கெட் சூதாட்டத்தை தொடர்ந்து, மும்பையில், மழைப் பொழிவை மையப்படுத்தி, சூதாட்டம் நடைபெறுவதாக தகவல்கள் வெளியாகி உள்ளன. கிரிக்கெட் சூதாட்டத்தை போலவே, மழைப்பொழிவின் அளவு, மழையின் கால அளவு, மழை துவங்கி முடியும் நேரம் பற்றிய யூகங்களின் அடிப் படையில், சூதாட்டம் நடைபெறுவதாக, போலீசாருக்கு ரகசிய தகவல் கிடைத்துள்ளது. இந்த சூதாட்டத்தில், தாதர், பாந்ரா, நவி மும்பை, சயான் உள்ளிட்ட, நகரின் பல பகுதிகளை சேர்ந்த பலர், சூதாட்டத்தில் ஈடுபட்டுள்ளதாக தகவல்கள் வெளியாகியுள்ளன.மழை சூதாட்டத்தில் ஈடுபடும் தரகர்களை கைது செய்யும் நடவடிக்கையில், மும்பை போலீசார் ஈடுபட்டுள்ளனர்.


பழநியில் 250 அடி உயரத்தில் தொங்கிய ரோப் கார் பெட்டிகள் - 3 மணிநேரப் போராட்டத்தின் பின்னர் பக்தர்கள் மீட்பு!
[Thursday 2013-06-06 07:00]

பழநியில் "ரோப்கார்' பெட்டிகள் 250 அடி உயரத்தில் பழுதாகி நின்றதால், அதிலிருந்த பக்தர்கள், குழந்தைகள் அலறினர். மூன்று மணி நேர போராட்டத்திற்கு பின் இவர்கள் "டோலி' மூலம் மீட்கப்பட்டனர். தமிழக கோயில்களில் "ரோப்காரில்' பயணிக்கும் வாய்ப்பு பழநியில் மட்டுமே உள்ளது. கடந்த 2004 நவ., 3ல் துவக்கப்பட்ட ரோப்காரில் 3 நிமிடத்தில் மலைக்கோயிலுக்கு செல்லலாம். ஒரு மணி நேரத்தில் 800 பேர் வரை பயணிக்க முடியும். 2007 ஆக., 27ல் ரோப்கார் நழுவி விழுந்ததில் 4 பேர் இறந்தனர். இதன்பின் ரோப்கார் இயக்கும் விதம் மாற்றி அமைக்கப்பட்டது. எட்டு பெட்டிகள் மூலம் ஒரு மணி நேரத்தில் 400 பேர் பயணிக்கும் வகையில் தொழில்நுட்பம் மாற்றப்பட்டது. காலை 7.30 முதல் பகல் 1.30 மணி வரையும், பகல் 2.30 முதல் இரவு 8.30 மணி வரையும் இயக்கப்படுகிறது.


ஸ்ரீலங்கன் ஏர்லைன்ஸ் விமானத்தில் கோளாறு - அலறிய பயணிகளை சமாதானப்படுத்த முடியாமல் பணிப்பெண்கள் திணறல்!
[Thursday 2013-06-06 07:00]

இலங்கையிலிருந்து திருச்சிக்கு புறப்பட்டு வந்த விமானத்தில் திடீரென தொழில்நுட்பக் கோளாறு ஏற்பட்டது. இதனால் அந்த விமானம் நடுவானில் திருப்பப்பட்டு மீண்டும் கொழும்பு சென்றது. பீதியில் பயணிகள் அலறியதால் பரபரப்பு ஏற்பட்டது. நேற்று காலை 7.30 மணிக்கு ஸ்ரீலங்கன் ஏர்லைன்ஸ் விமானம் 120 பயணிகளுடன் கொழும்பி லிருந்து திருச்சிக்கு புறப்பட்டது. காலை 8.30க்கு திருச்சிக்கு வந்து, பின்னர் 9.10 மணிக்கு மீண்டும் கொழும்பு புறப்படும். வங்காள விரிகுடா கடல் பரப்புக்கு மேல் விமானம் பறந்து கொண்டிருந்தது. இந்திய எல்லையில் திருச்சி வான் கட்டுப்பாட்டு பிரிவுக்கு அருகில் வந்தபோது, பைலட் திடீரென மீண்டும் இலங்கை நோக்கி விமானத்தை திருப்பினார்.


கள்ளவாக்கு அச்சிட்டு தேர்தலில் மோசடி செய்த சிதம்பரம் கோஷ்டி - விசாரணையில் வெளியாகும் பரபரப்புத் தகவல்கள்!
[Wednesday 2013-06-05 17:00]

தமிழக மாணவர் காங்கிரஸ் மாநில நிர்வாகிகளுக்கான தேர்தல் கடந்த ஏப்ரல் 18-ந்தேதி முதல் 22-ந்தேதி வரை நடைபெற்றது. மாநில தலைவர் பதவிக்கு ஜி.கே.வாசன் ஆதரவாளரான கே.கலையரசனும், ப.சிதம்பரம் ஆதரவாளரான டி.ராமநாதனும் போட்டியிட்டனர். இருவருக்கும் இடையே கடும் போட்டி நிலவியது. அப்போது கடலூரில் உள்ள கல்லூரியில் படிப்பதாக கலையரசன் கொடுத்த ஆவணங்கள் போலியானது என்று ப.சிதம்பரம் ஆதரவாளர்கள் புகார் கொடுத்தனர். இதனால் ஓட்டு எண்ணிக்கை முடிந்த போதும் தேர்தல் முடிவுகள் அறிவிக்கப்படாமல் நிறுத்தி வைக்கப்பட்டது.


24 தமிழக மீனவர்களை இலங்கைக் கடற்படை பிடித்துச் சென்றது!
[Wednesday 2013-06-05 17:00]

கச்சதீவு அருகே மீன்பிடித்துக் கொண்டிருந்த ராமேஸ்வரத்தைச் சேர்ந்த மீனவர்கள் 24 பேரை இலங்கை கடற்படையினர் சிறைபிடித்துச் சென்றுள்ளனர். கடலுக்குச் சென்ற அவர்கள் நடுக்கடலில் மீன்பிடித்துக் கொண்டிருந்த போது, 6 படகுகளுடன் சிறைபிடித்துச் சென்றதால் மீனவர்களிடையே அச்சம் ஏற்பட்டுள்ளது. இதுதொடர்பாக உள்ளூர் அதிகாரிகளிடம் மீனவர்கள் புகார் செய்துள்ளனர்.


இடைத்தேர்தல்கள்: குஜராத்தில் 6 தொகுதிகளையும் அள்ளினார் மோடி, பீகாரில் நிதீஸ் கட்சிக்குத் தோல்வி!
[Wednesday 2013-06-05 17:00]

குஜராத்தில் 2 மக்களவைத் தொகுதி மற்றும் 4 சட்டப்பேரவைத் தொகுதிகளுக்கு நடைபெற்ற இடைத்தேர்தலில் பாஜக வெற்றி பெற்றுள்ளது. குஜராத்தில் நடந்து முடிந்த இடைத்தேர்லில் பதிவான வாக்குகளை எண்ணும் பணி இன்று நடைபெற்றது. இதில் ஆளும் நரேந்திர மோடி அரசுக்கு சாதகமாக அனைத்துத் தொகுதிகளிலும் பாஜகவே வெற்றி பெற்றுள்ளது.குஜராத்தில் ஆளும் அரசுக்கு மக்கள் அளித்த அங்கீகாரமே இந்த வெற்றிக்குக் காரணம் என்று பாஜக தலைவர் அமித் ஷா தெரிவித்துள்ளார்.


பீகாரில் 24 மணிநேரத்தில் மின்னல் தாக்கி 27 பேர் பலி!
[Wednesday 2013-06-05 17:00]

பீகார் மாநிலத்தின் பல்வேறு பகுதிகளில் கடந்த 24 மணி நேரத்தில் இடி மின்னல் தாக்கி 27 பேர் பலியாகியுள்ளனர். பலர் காயமடைந்துள்ளனர். கடந்த 24 மணி நேரத்தில் 6 குழந்தைகள், 3 பெண்கள் உட்பட 27 பேர் இடி மின்னல் தாக்கி பலியாகியுள்ளனர் என்று மாவட்ட பேரிடர் மேலாண்மை துறை அதிகாரி தெரிவித்துள்ளார்.மேலும் 25க்கும் மேற்பட்டவர்கள் இடி மின்னல் தாக்கி படுகாயமடைந்துள்ளனர். மழைக்கு பயந்து கூரை மற்றும் மரங்களில் ஒதுங்கியவர்கள் பலர் இடி மற்றும் மின்னல் தாக்கி உயிரிழந்துள்ளனர். பீகாரில், ஜூன் - செப்டம்பர் வரையிலான பருவ மழை பெய்யும் போது, அதிகப்படியான இடி மின்னல் காணப்படுவது வழக்கமான ஒன்றுதான் என்பது குறிப்பிடத்தக்கது.


தமிழக மீனவர்களின் நலனைக் காக்க கச்சத்தீவை மீட்பதே ஒரே வழி - புதுடில்லி மாநாட்டில் தமிழக முதல்வர் சார்பில் உரை!
[Wednesday 2013-06-05 16:00]

தமிழக மீனவர்களின் நலனைக் காக்க கச்சத் தீவை மீட்பதே ஒரே வழி என்று தமிழக முதல்வர் சார்பில் பங்கேற்ற அமைச்சர் முனுசாமி உரையில் குறிப்பிட்டார்.புது தில்லியில் இன்று நடைபெற்ற முதல்வர்கள் மாநாட்டில், தமிழக முதல்வர் ஜெயலலிதா சார்பில், அமைச்சர் முனுசாமி பங்கேற்று உரையாற்றினார்.அவரது உரையில், இலங்கை கடற்படையினரால் தமிழக மீனவர்கள் தாக்கப்படுவதை தடுக்க மத்திய அரசு உடனடியாக நடவடிக்கை எடுக்க வேண்டும். தமிழக மீனவர்களை பாதுகாக்க, கச்சத்தீவை மீட்பது ஒன்றே வழி என்றும் ஜெயலலிதா வலியுறுத்தியிருந்தார்.


இலங்கையில் உள்ள இந்திய தூதரகத்தை மூடக் கோரும் சீராய்வு மனு மீதான தீர்ப்பு ஒத்திவைப்பு!
[Wednesday 2013-06-05 10:00]

இலங்கையில், இந்திய தூதரகத்தை மூட, மத்திய அரசுக்கு உத்தரவிடக் கோரிய மனுவை, தள்ளுபடி செய்ததை, மறு பரிசீலனை செய்ய, தாக்கல் செய்த சீராய்வு மனு மீதான தீர்ப்பை, மதுரை ஐகோர்ட் கிளை ஒத்தி வைத்துள்ளது. மதுரை மாவட்ட இந்து மக்கள் கட்சி தலைவர் சோலை கண்ணன், மதுரை ஐகோர்ட் கிளையில், ஏற்கனவே தாக்கல் செய்த மனு: இலங்கையில், 367 இந்து கோயில்களை இடித்துள்ளனர். தமிழர்கள் வசிக்கும், 89 கிராமங்களுக்கு, சிங்கள பெயர்கள் சூட்டியுள்ளனர். இந்து கோயில்கள் இருந்த இடத்தில், புத்த மத கோயில்களை கட்டியுள்ளனர். இலங்கை கடற்படை, 1,000 இந்திய மீனவர்களை சுட்டுக் கொன்றுள்ளது.


1000 கோடி ரூபா கடன் வாங்கி தருவதாக மோசடி செய்த பவர்ஸ்டார் டில்லி பொலிசாரால் கொண்டு செல்லப்பட்டார்!
[Wednesday 2013-06-05 10:00]

ஆயிரம் கோடி ரூபாய் கடன் வாங்கி தருவதாக, டில்லியை சேர்ந்த தொழில் அதிபரிடம், ஐந்து கோடி ரூபாய் மோசடி செய்த நடிகர் சீனிவாசனை, டில்லி போலீசார் கைது செய்து, விசாரணைக்காக அழைத்து சென்றுள்ளனர். ஆந்திர தொழிலதிபருக்கு, 20 கோடி ரூபாய் கடன் வாங்கித் தருவதாகக் கூறி, 50 லட்சம் ரூபாய் மோசடி செய்தது தொடர்பாக, கடந்த, ஏப்ரல், 26ம் தேதி, நடிகர் சீனிவாசன், கைது செய்யப்பட்டார். இதே போல், பலரிடம் பணம் பெற்று, மோசடி செய்ததாக புகார்கள் வந்தன. இப்புகார்களை அடுத்து, சென்னை, மத்திய குற்றப் பிரிவு போலீசார், நடிகர் சீனிவாசன் மீது, ஆறு வழக்குகள் பதிந்து, கைது செய்து, வேலூர் சிறையில் அடைத்திருந்தனர்.


மதுரை ஏடிஎம் கொள்ளைக் கும்பல் கனடா, இந்தோனேசியாவில் இருந்து இயக்கப்பட்டது அம்பலம் - மேலும் 7 பேருக்கு வலைவீச்சு!
[Wednesday 2013-06-05 10:00]

மதுரையில் நடந்த, ஏ.டி.எம்., கொள்ளை சம்பவம், இந்தோனேஷியா, கனடா நாடுகளில் இருந்து இயக்கப்பட்டுள்ளது. இந்த வழக்கில், மேலும், ஏழு பேரை, போலீசார் தேடி வருகின்றனர். வெளிநாடுகளில் வசிக்கும் இந்தியர்களின் வங்கி கணக்கிலிருந்து, போலி ஏ.டி.ஏம்., கார்டுகள் மூலம், பல கோடி ரூபாய் கொள்ளையடித்த, மதுரையை சேர்ந்த நான்கு பேரை, மதுரை கியூ பிரிவு போலீசார், கைது செய்தனர். இவர்களிடம், லேப் டாப், 8 மொபைல் போன்கள், 269 போலி ஏ.டி.எம்., கார்டுகள், அதை தயாரிக்க பயன்படுத்திய, "சிம்மர்' கருவி ஆகியவற்றை, பறிமுதல் செய்தனர். இதைத் தொடர்ந்து, மேலும் இரண்டு பேர் கைது செய்யப்பட்டனர். அவர்களிடமும், லேப் டாப், 6 மொபைல் போன்கள், 61 போலி ஏ.டி.எம்., கார்டுகள், சிம்மர் மிஷன் பறிமுதல் செய்யப்பட்டன.


ஒரு ராஜ்யசபா இடத்துக்காக சிறிய கட்சிகளின் காலில் விழும் திமுக, தேமுதிக!
[Wednesday 2013-06-05 10:00]

தமிழகத்திலிருந்து, ராஜ்யசபா எம்.பி.,க்கள், ஆறு பேரை, தேர்வு செய்வதற்கான தேர்தல், இம்மாதம் 27ம் தேதி நடக்கிறது. அ.தி.மு.க., கூட்டணி, ஐந்து இடங்களை கைப்பற்றுவது உறுதியான நிலையில், ஆறாவது இடத்தை கைப்பற்றுவதில், தி.மு.க., மற்றும் தே.மு.தி.க., கட்சிகளுக்குள் போட்டி ஏற்பட்டுள்ளது. ஆதரவு கேட்டு, குட்டி கட்சிகளிடம் அக்கட்சிகள் கெஞ்சி வருகின்றன. தமிழகத்திலிருந்து, ராஜ்யசபா எம்.பி.,க்களாக, தேர்வு செய்யப்பட்ட, அ.தி.மு.க.,வை சேர்ந்த மைத்ரேயன், இளவரசன்; தி.மு.க.,வை சேர்ந்த கனிமொழி, சிவா; காங்கிரஸ் கட்சியை சேர்ந்த ஞானதேசிகன்; இந்திய கம்யூனிஸ்ட் கட்சியை சேர்ந்த ராஜா ஆகியோரின் பதவி காலம், ஜூலை, 24ம் தேதியுடன், நிறைவு பெறுகிறது.


இந்தியாவிலேயே முதல்முறையாக 50 அடிதூரம் நகர்த்தப்பட்டது வீடு!
[Wednesday 2013-06-05 09:00]

இந்தியாவிலேயே முதன்முறையாக கோவையில் 400 டன் எடையுள்ள வீடு இடிபடாமல் 50 அடி தூரம் நகர்த்தப்பட்டது.கோவை சாயிபாபா காலனி மேட்டுப்பாளையம் ரோட்டில் தங்கவேல் என்கிற ரியல் எஸ்டேட் உரிமையாளருக்கு சொந்தமான வீடு உள்ளது. இவரது தந்தை வக்கீல் ஆறுச்சாமி 30 ஆண்டுகளுக்கு முன்பு 2,400 சதுர அடி பரப்பளவில் வீடு கட்டினர். இரு தளங்களுடன் 8 அறைகள் உள்ளன. வீட்டின் பக்கவாட்டில், இருந்த காலியிடத்தில் புதிய வீடு கட்ட முடிவு செய்த தங்கவேலுவுக்கு, தற்போது வசிக்கும் வீட்டை இடிக்க மனமில்லை.


குவைத்தில் இருந்து தமிழர்கள் கட்டாய வெளியேற்றத்தை தடுத்து நிறுத்துக: - நாம் தமிழர் கட்சி
[Tuesday 2013-06-04 21:00]

சவுதி அரேபிய அரசு நித்தாகாத் என்கிற ஒரு அவசர சட்டத்தைக் கொண்டு வந்து அந்நாட்டில் பணியாற்றச் சென்ற அயல் நாட்டவர்களை, குறிப்பாக இந்தியர்களை வெளியேற்றி வருகின்ற நிலையில், அறிவிக்கப்படாத ஒரு அவசர நிலையை உருவாக்கியுள்ள குவைத் அரசு, அந்நாட்டில் பணியாற்றும் இந்தியர்களை சட்டத்திற்குப் புறம்பாக வெளியேற்றி வருகிறது.


நடுவானில் விமானத்தின் இயந்திரத்தை நிறுத்தத் தவறிய இரு விமானிகளை இடைநிறுத்தியது ஏர் இந்தியா!
[Tuesday 2013-06-04 18:00]

கடந்த மே மாதம் 26ஆம் தேதி, ஏர் இந்திய நிறுவனத்திற்குச் சொந்தமான ஏஐ 452 என்ற எண்ணுள்ள ஏ321 ஏர்பஸ் விமானம் ஒன்று விசாகப்பட்டினத்தில் இருந்து புதுடெல்லிக்குப் பறந்துகொண்டிருந்தது. அப்போது, அதிலிருந்த ஒரு எஞ்சினில் எண்ணெய் குறைவாக இருப்பதாக எச்சரிக்கை சமிக்ஞை வந்துள்ளது. இதுபோன்ற எச்சரிக்கை வரும்போது, விமானத்தின் என்ஜினை 30 வினாடிகளுக்குள் நிறுத்த வேண்டும் என்பது பொதுவான விதிமுறையாகும். அவ்வாறு செய்வதன்மூலம், என்ஜின் தீப்பிபிடித்துக் கொள்வதைத் தவிர்த்து விமானத்தை விபத்திலிருந்து மீட்கலாம்.


காங்கிரஸ் உட்கட்சி மோதலால் குழப்பத்தில் ராகுல் - தமிழக மாணவர் காங்கிரசை கூண்டோடு கலைத்தார்!
[Tuesday 2013-06-04 18:00]

தமிழக மாணவர் காங்கிரஸ் தலைவராக கலையரசன் சமீபத்தில் தேர்தல் மூலம் தேர்ந்தெடுக்கப்பட்டார். இதற்கு மற்றொரு தரப்பினர் எதிர்ப்பு தெரிவித்தனர். இதையடுத்து டெல்லியில் இருந்து மேலிட நிர்வாகிகள் சென்னை வந்து விசாரணை நடத்தினார்கள். அதன் பிறகு கலையரசன் தேர்ந்தெடுக்கப்பட்டதாக அறிவிக்கப்பட்டது. என்றாலும் இதற்கு மீண்டும் எதிர்ப்பு தெரிவித்து எதிர் தரப்பினர் டெல்லி சென்று காங்கிரஸ் மேலிடத்தில் புகார் மனு கொடுத்தனர்.


அடுக்குமாடிக் குடியிருப்பில் எழுத்தாளர் ரவிக்குமாரின் அழுகிய பிணம் கண்டுபிடிப்பு!
[Tuesday 2013-06-04 18:00]

தமிழ் எழுத்தாளர் ரவிக்குமார் கோவாவில் உள்ள தனியாருக்குச் சொந்தமான அடுக்குமாடி குடியிருப்பில் தங்கி இருந்தார். நேற்று அவர் தங்கி இருந்த பிளாட்டில் இருந்து துர்நாற்றம் வீசியது. அக்கம்பக்கத்தில் உள்ளவர்கள் போலீசுக்கு தகவல் தெரிவித்தனர். போலீசார் விரைந்து சென்று கதவை உடைத்து பார்த்தனர். அங்கு ரவிக்குமார் அழுகிய நிலையில் பிணமாக கிடந்தார். இவர் இறந்து ஒரு வாரம் ஆகி இருக்கலாம் என்று தெரியவந்தது. அவர் கொலை செய்யப்பட்டாரா? அல்லது தற்கொலை செய்தாரா? என்று பல்வேறு கோணங்களில் போலீசார் விசாரித்து வருகின்றனர்.


கிரிக்கெட் சூதாட்டத்தில் சிக்கிய ஸ்ரீசாந்துக்கு மும்பை தாதாக்களுடன் தொடர்பு - அம்பலமாகும் அதிர்ச்சித் தகவல்!
[Tuesday 2013-06-04 17:00]

கிரிக்கெட் சூதாட்டத்தில் சிக்கி சிறையில் இருக்கும் ஸ்ரீசாந்த் மற்றும் அஜீத்சாண்டில்லா, அங்கீத்சவான் (திருமணத்திற்காக ஜாமின் பெற்றவர்) ஆகியோருக்கு மும்பை தாதாக்களுடன் தொடர்பு இருந்ததும் தற்போது வெளியாகியிருக்கிறது. இதனால் இவர்கள் மீது மகாராஷ்ட்டிராவில் முக்கிய எம்.சி.சி.ஓ.ஏ., என்ற சிறப்பு குற்றச்சட்டத்தின் வழக்கு போடப்பட்டுள்ளது. இதனால இவர்கள் 3 பேரும் ஜாமினில் வர முடியாது. இந்தியன் பிரிமியர் லீக் கிரிக்கெட் மூலம் சூதாட்டத்தில் ஈடுபட்ட விவகாரம் நாளுக்கு நாள் ஒவ்வொரு புதிய தகவலை தந்த வண்ணம் உள்ளது. இந்த சூதாட்டத்தில் மும்பை தாதாக்கள் பணம் புழங்கி இருப்பது தெரியவந்துள்ளது.


மதியாதார் தலைவாசல் மிதிக்கமாட்டேன் - மன்மோகன்சிங்கிற்கு ஜெயலலிதா கடிதம்!
[Tuesday 2013-06-04 17:00]

புதுடில்லியில் நாளை நடைபெறவுள்ள பாதுகாப்பு தொடர்பான முதலமைச்சர்கள் கூட்டத்தில், தான் கலந்து கொள்ளப் போவதில்லை என்றும் தனக்குப் பதில் உள்ளாட்சித்துறை அமைச்சர் கே.பி. முனுசாமி கலந்துகொள்வார் எனவும் தமிழக முதல்வர் ஜெயலலிதா அறிவித்திருக்கிறார், இது குறித்து பிரதமர் மன்மோகன் சிங்கிற்கு ஜெயலலிதா எழுதியுள்ள கடிதத்தில்,உள்துறைப் பாதுகாப்பு தொடர்பான முதலமைச்சர்கள் கருத்தரங்கு அவசியமே என்றாலும், தனது அனுபவத்தில் அத்தகைய கருத்தரங்குகள் வெறும் சடங்கு சம்பிரதாயத்துக்காக மத்திய அரசால் நடத்தப்படுவதாகவே தோன்றுகிறது. முதலமைச்சர்கள் தங்கள் தரப்பு கருத்தை வெளிப்படுத்த மிகக் குறைந்த வாய்ப்பே வழங்கப்படுகிறது என்றும் ஜெயலலிதா தனது கடிதத்தில் குறிப்பிடுகிறார்.


சத்தீஸ்கர் தாக்குதலில் ஈடுபட்ட மாவோயிஸ்ட்களுடன் 4 காங்கிரஸ் தலைவர்களுக்கு தொடர்பு - தேசிய புலனாய்வு அமைப்பு தகவல்!
[Tuesday 2013-06-04 07:00]

சத்தீஸ்கர் மாநிலத்தில் கடந்த மாதம் 25-ம் தேதி காங்கிரஸ் தலைவர்கள் சென்ற வாகனங்கள் மீது மாவோயிஸ்ட்டுகள் தாக்குதல் நடத்தினர். மாவோயிஸ்ட்டுகளின் துப்பாக்கி சூட்டில் முன்னாள் மத்திய மந்திரி மகேந்திர கர்மா மற்றும் முன்னணி காங்கிரஸ் தலைவர்கள் உள்பட 28 பேர் கொல்லப்பட்டனர்.காங்கிரஸ் தலைவர்களின் பயணம் குறித்து கட்சிக்குள் இருந்து தகவல் செல்லாமல் மாவோயிஸ்டுகளுக்கு தெரிய வாய்ப்பு இல்லை என்று மகேந்திர கர்மாவின் மகன் திபக் கர்மா சந்தேகம் எழுப்பியிருந்தார். இந்நிலையில், சத்தீஸ்கர் தாக்குதலில் 4 காங்கிரஸ் தலைவர்களுக்கு தொடர்பு இருப்பதாக தேசிய புலனாய்வு அமைப்பு தெரிவித்துள்ளது.


அவுஸ்ரேலியாவில் குடியேற முண்டியடிக்கும் இந்தியர்கள்!
[Tuesday 2013-06-04 06:00]

அவுஸ்ரேலியாவுக்கு நிரந்தரமாக குடியேறுவதில் சீனாவை பின்னுக்கு தள்ளி இந்தியா முதலிடம் பிடித்துள்ளது. அவுஸ்ரேலிய குடியேற்றத்துறை அமைச்சர் பிரெண்டன், 2011,12ல் ஆஸ்திரேலிய குடியேற்ற மனப்பாங்கு என்ற தலைப்பில் அறிக்கையை வெளியிட்டார். அதில் உள்ள விவரம்: கடந்த 2011,12ம் ஆண்டில் 29,018 இந்தியர்கள் அவுஸ்ரேலியாவுக்கு நிரந்தரமாக குடியேறியுள்ளனர். இது அதற்கு முந்தைய ஆண்டைவிட 12.7 சதவீதம் அதிகமாகும். அதே சமயத்தில் சீனர்கள் குடியேற்றம் 29,546 என்ற எண்ணிக்கையிலிருந்து 25,509 ஆக குறைந்துள்ளது. அவுஸ்ரேலியாவுக்கு நிரந்தரமாக குடியேறுவதில் ஆசிய நாடுகளைச் சேர்ந்தவர்கள் முன்னிலை வகிக்கின்றனர். அதிகம் பேர் குடியேறும் முதல் 10 நாடுகளில் 7 நாடுகள் ஆசியா கண்டத்தில் உள்ளன.


தகவல் உரிமைச் சட்டத்திற்குள் ஆறு அரசியல் கட்சிகள் - பொதுமக்களின் கேள்விக்கு பதிலளிக்க வேண்டும்!
[Tuesday 2013-06-04 06:00]
"தகவல் அறியும் உரிமைச் சட்டம், காங்கிரஸ், பா.ஜ., உள்ளிட்ட, ஆறு அரசியல் கட்சிகளுக்கும் இனி பொருந்தும்' என, மத்திய தகவல் ஆணையம் அதிரடி உத்தரவு பிறப்பித்துள்ளது. இதனால், இந்த ஆறு அரசியல் கட்சிகளும், தாங்கள் பெற்ற நன்கொடை, தேர்தல் செலவு உள்ளிட்ட விவரங்களை, தகவல் அறியும் உரிமைச் சட்டத்தின் கீழ், பொதுமக்கள் கேட்டால், அதற்கு பதில் அளிக்க வேண்டியிருக்கும். காங்கிரஸ், பா.ஜ., மார்க்சிஸ்ட், இந்திய கம்யூனிஸ்ட், தேசியவாத காங்கிரஸ், பகுஜன் சமாஜ் ஆகிய தேசிய கட்சிகள், ஏராளமாக நன்கொடைகள் பெறுகின்றன. இந்த நன்கொடைகள் யார், யாரிடமிருந்து கிடைத்தன என்பது பற்றிய விவரத்தை அளிக்கும்படி, இந்த கட்சிகளுக்கு உத்தரவிட வேண்டும். இவ்வாறு, சமூக ஆர்வலர், சுபாஷ் அகர்வால், அனில் பெய்ர்வால் ஆகியோர், மத்திய தகவல் ஆணையத்தில் தாக்கல் செய்த மனுவில் தெரிவிக்கப்பட்டு இருந்தது.


பிரபல பாலிவுட் நடிகை ஜியா கான் நேற்றிரவு தூக்கிட்டுத் தற்கொலை!
[Tuesday 2013-06-04 06:00]

பிரபல பாலிவுட் நடிகை ஜியா கான் ,நேற்று இரவு தற்கொலை செய்து கொண்டார். நடிகர் அமீர்கானின், கஜினி, அமிதாப் பச்சனின், நிசாபாத், அக்சய்குமாரின் ஹவுஸ்புல் உள்ளிட்ட இந்தி திரைப்படங்களில் நடித்து புகழ்பெற்ற நடிகை ஜியாகான் (24). மும்பை ஜூகூ பகுதியில் உள்ள அடுக்குமாடி குடியிருப்பில் வசித்து வந்தார். நேற்று இரவு 11.45 மணியளவில் தற்கொலை செய்து கொண்டதாக அவரது தாயார் போலீசிற்கு தெரிவித்தார். இதையடுத்து ஜூகூ போலீசார் , அவரது வீ்ட்டின் படுக்கையறயில் பேனில் தூக்கிட்டு பிணமாக தொங்கினார். போலீசார் ஜியா கான் உடலை கைப்பற்றி பிரேத பரிசோதனைக்கான மருத்துவம‌னைக்கு அனுப்பி வைத்தனர். தற்கொலைக்கான காரணம் குறி்த்து போலீசார் விசாரித்து வருகின்றனர்.

SELVI-HOMES-09-02-17
Mahesan-Remax-169515-Seithy
Easankulasekaram-Remax-300716
Tharsi-home-15-10-2016
<P>
 <b> 13-08-2017 அன்று ரொரன்டோவில் நடைபெற்ற இசை மாலைப் பொழுது - 2017 நிகழ்வின் படத்தொகுப்பு.</b> படங்கள்-குணா
</p>
<b>  கனடா-ரொரன்டோவில்  ஜூலை 29ம் 30ம்தி கதிகளில் நடைபெற்ற World Tamil Badminton Federation 5th annual tournament நிகழ்வின் படத்தொகுப்பு.</b> படங்கள்-குணா
<b>  கனடா-ரொரன்டோவில்  ஜூலை 7ம் 8ம் 9ம்தி கதிகளில் நடைபெற்ற குதூகலம் 2017 நிகழ்வின் படத்தொகுப்பு.</b> படங்கள்-குணா