Untitled Document
December 18, 2017 [GMT]
  • Welcome
  • Welcome
முகமாலை பிரதேசம் கண்ணிவெடிகளிலிருந்து முற்றாக விடுவிக்கப்பட்டது!
[Wednesday 2017-12-13 07:00]

அதிகமாக நிலக்கண்ணி வெடிகள் புதைக்கப்பட்ட கிளிநொச்சி-முகமாலை பிரதேசம் கண்ணிவெடிகளிலிருந்து முற்றாக விடுவிக்கப்பட்டுள்ளது. இதற்கமைய குறித்த பிரதேசம் மக்கள் மீள்குடியேற்றத்திற்காக நேற்று பிரதேச செயலாளரிடம் கையளிக்கப்பட்டுள்ளது. முகமாலை பிரதேசத்தில் நிலக்கண்ணி வெடிகள் அகற்றும் நடவடிக்கையை சர்வதேச கண்ணிவெடிகள் அகற்றும் அமைப்பு மற்றும் இராணுவத்தின் பொறியியல் அணியினால் முன்னெடுக்கப்பட்டது.


சிலுவைப் போருக்கு வழி வகுக்கிறார் ட்ரம்ப்! - சம்பிக்க
[Wednesday 2017-12-13 06:00]

அமெரிக்க ஜனாதிபதி டொனால்ட் ட்ரம்ப், சிலுவை யுத்தத்துக்கு வழி வகுத்துள்ளார்” என, மாநகர மற்றும் மேல்மாகாண அபிவிருத்தி அமைச்சர் பாட்டலி சம்பிக்க ரணவக்க தெரிவித்துள்ளார். உள்நாட்டு,வெளிநாட்டு அரசியல் மற்றும் சமூகப் பிரச்சினைகளின் பகுப்பாய்வு தொடர்பில், தனது பேஸ்புக் வலைத்தளத்தில் பதிவிட்டுள்ள பதிவிலேயே இவ்வாறு தெரிவிக்கப்பட்டுள்ளது.


ஜனாதிபதியைச் சந்தித்தார் இந்திய விமானப்படைத் தளபதி!
[Wednesday 2017-12-13 06:00]

இந்திய விமானப்படைத் தளபதி எயர் சீவ் மார்ஷல் பிரேந்தர் சிங் டனோ, நேற்று ஜனாதிபதி மைத்திரிபால சிறிசேனவைச் சந்தித்துப் பேச்சு நடத்தினார். நான்கு நாட்கள் பயணமாக கடந்த 10ஆம் நாள் கொழும்பு வந்த இந்திய விமானப்படைத் தளபதி எயர் சீவ் மார்ஷல் பிரேந்தர் சிங் டனோ, நேற்று முன்தினம் பிரதமர், மற்றும் பாதுகாப்பு உயர் மட்டத்தினருடன் பேச்சுக்களை நடத்தியிருந்தார். நேற்று இந்திய விமானப்படைத் தளபதி ஜனாதிபதி மைத்திரிபால சிறிசேனவை அவரது வதிவிடத்தில் சந்தித்துப் பேச்சு நடத்தினார்.


அஞ்சல் மூல வாக்களிப்பு விண்ணப்பிக்கும் கால எல்லை நீடிப்பு!
[Wednesday 2017-12-13 06:00]

உள்ளூராட்சித் தேர்தலில் அஞ்சல் மூலம் வாக்களிப்பதற்கான விண்ணப்பங்களை அனுப்புவதற்கான கால எல்லை நீடிக்கப்பட்டுள்ளதாக, மேலதிக தேர்தல் ஆணையாளர் எம்.எம்.மொகமட் அறிவித்துள்ளார். 93 உள்ளூராட்சி சபைகளுக்கான தேர்தலில் அஞ்சல் மூலம் வாக்களிப்பதற்கான விண்ணப்பங்கள், கடந்த நொவம்பர் 28ஆம் நாளும், ஏனைய உள்ளூராட்சி சபைகளுக்கான தேர்தலில் அஞ்சல் மூலம் வாக்களிப்பதற்கான விண்ணப்பங்கள் டிசெம்பர் 4ஆம் நாளும் தேர்தல்கள் ஆணைக்குழுவினால் கோரப்பட்டிருந்தன.


வடக்கு மாகாணசபையின் வரவுசெலவுத் திட்டத்தை சமர்ப்பித்தார் முதலமைச்சர்!
[Tuesday 2017-12-12 18:00]

வடமாகாண சபைக்கு 2018 ஆம் ஆண்டுக்குரிய மூலதனச் செலவீடாக 3,843 மில்லியன் ரூபாய் ஒதுக்கீடு செய்யப்பட்டுள்ளதாக, வடமாகாண முதலமைச்சர் சி.வி.விக்னேஸ்வரன் தெரிவித்தார். வடமாகாண சபையின் 112ஆவது அமர்வு, கைதடியில் உள்ள பேரவைச் செயலகத்தில் இன்று நடைபெற்ற போது 2018ம் ஆண்டுக்கான வரவு – செலவுத் திட்டத்தை சமர்ப்பித்து உரையாற்றிய முதலமைச்சர் இவ்வாறு தெரிவித்தார்.


யாழ். மாநகர மேயர் பதவிக்கு சிவிகே?
[Tuesday 2017-12-12 18:00]

யாழ். மாநகர சபையின் முதல்வர் வேட்பாளராக வடமாகாண சபையின் அவைத் தலைவர் சீ.வி.கே.சிவஞானத்தை நிறுத்துவதற்கு முயற்சிகள் மேற்கொள்ளப்படுவதாக தெரிவிக்கப்படுகின்றது. யாழ். மாநகரசபையின் முதல்வர் வேட்பாளராக யாரை நிறுத்துவது என்பது தொடர்பில் தமிழ்த் தேசியக் கூட்டமைப்புக்குள் இழுபறி நிலை இருந்து வருகின்றது.


வரதர் அணி தனித்துப் போட்டி - சாவகச்சேரியில் கட்டுப்பணம்!
[Tuesday 2017-12-12 18:00]

வரதராஜப்பெருமாள் தலைமையிலான பத்மநாபா ஈபிஆர்எல்எவ் சாவகச்சேரி நகரசபைத் தேர்தலில் போட்டியிடுவதற்கு இன்று கட்டுப்பணம் செலுத்தியது. யாழ். மாவட்டச் செயலகத்தில் உள்ள தேர்தல் பணியகத்தில், இன்று பிற்பகல் வடக்கு- கிழக்கு மாகாண முன்னாள் முதலமைச்சர் அ.வரதராஜப்பெருமாள் மற்றும் சிறிதரன் ஆகியோர் சாவகச்சேரி நகரசபைத் தேர்தலில் போட்டியிட கட்டுப்பணம் செலுத்தினர்.


சாவகச்சேரி நகரசபைக்கு வேட்புமனுத் தாக்கல் செய்தார் டக்ளஸ்! Top News
[Tuesday 2017-12-12 18:00]

சாவகச்சேரி நகரசபை தேர்தலில் போட்டியிடுவதற்கான வேட்பு மனுவை ஈபிடிபியினர் இன்று யாழ். மாவட்ட செயலகத்தில் தாக்கல் செய்துள்ளனர். ஈபிடிபி சார்பில் அக்கட்சியின் செயலாளர் நாயகம் டக்ளஸ் தேவாந்தா ஈ.பி.டி.பி சார்பில் சாவகச்சேரி நகரசபைக்கு போட்டியிடும் வேட்பாளர்களுடன் சென்று வேட்பு மனுவை தாக்கல் செய்துள்ளார்.


புதிய இராணுவ பேச்சாளராக பிரிகேடியர் சுமித் அத்தபத்து!
[Tuesday 2017-12-12 18:00]

இராணுவத்தின் புதிய ஊடகப் பேச்சாளராக பிரிகேடியர் சுமித் அத்தபத்து நியமிக்கப்பட்டுள்ளார். எதிர்வரும் 22 ஆம் திகதி முதல் அமுலுக்கு வரும் வகையில் பிரிகேடியர் சுமித் அத்தபத்து இராணுவ ஊடகப் பேச்சாளராக நியமிக்கப்பட்டுள்ளார். இதுவரை இராணுவ ஊடகப் பேச்சாளராக கடமையாற்றி வரும் மேஜர் ஜெனரால் ரொஷான் செனவிரத்ன 51 ஆம் படையணியின் கட்டளைத் தளபதியாக நியமிக்கப்பட்டுள்ள நிலையிலேயே, பிரிகேடியர் சுமித் அத்தபத்து ஊடகப் பேச்சாளராக நியமிக்கப்பட்டுள்ளார்.


சங்கானை பிரதேச சபை தமிழரசுக் கட்சிக்கு!
[Tuesday 2017-12-12 18:00]

சங்கானைப் பிரதேச சபையின் தவிசாளர் பதவிக்கு நான்கு ஆண்டுகளும் இலங்கைத் தமிழ் அரசுக் கட்சியை சேர்ந்த ஒருவரே நியமிக்கப்பட வுள்ளார்.தமிழ்த் தேசியக் கூட்டமைப் பின் ஆசனப் பங்கீடு தொடர்பில் கொழும்பில் நடைபெற்ற பேச்சுக்களில், யாழ்ப்பாணத்தில் புளொட் அமைப்பு போட்டியிடும் சபைகள் தொடர்பில் இறுதித் தீர்மானம் எடுக்கப்பட்டிருக்கவில்லை.


தண்ணிமுறிப்புக் குளத்தின் அணைக்கட்டில் புதிய இராணுவக் காவலரண்!
[Tuesday 2017-12-12 18:00]

முல்லைத்தீவு – தண்ணிமுறிப்புக் குளத்தின் அணைக்கட்டில், இராணுவத்தினர் புதிய காவலரண் ஒன்றை அமைத்து வருவதாக, அப்பகுதி மக்கள் தெரிவித்துள்ளனர்.முல்லைத்தீவு மாவட்டத்தின் பாரிய நீர்ப்பாசனக்குளங்களில் ஒன்றான தண்ணிமுறிப்புக்குளத்தில் தமிழ், முஸ்லிம் மீனவர்கள் மீன்பிடியில் ஈடுபட்டு வருகின்றனர். மேலும், தண்ணிமுறிப்புக்குளத்தின் கீழ் உள்ள விவசாயச்செய்கை நிலங்களுக்கும் நீர் விநியோகம் மேற்கொள்ளப்பட்டு வருகின்றது.


மைத்திரியிடம் இருந்து என்னைப் பிரிப்பதால் யாருக்கு என்ன இலாபம்? - கேட்கிறார் மகிந்த
[Tuesday 2017-12-12 18:00]

தன்னையும்,ஜனாதிபதி மைத்திரிபால சிறிசேனவையும் பிரிப்பதால் யாருக்கும் இலாபம் கிடைக்காது என முன்னாள் ஜனாதிபதி மஹிந்த ராஜபக்ஸ தெரிவித்துள்ளார். இன்று தலதா மாளிகைக்குச் சென்று வழிபாடுகளில் ஈடுபட்ட பின்னர் ஊடகங்களுக்கு இவ்வாறு தெரிவித்துள்ளார். “எம்மைப் பிரிப்பதில் எவ்வித சூழ்ச்சியும் இல்லை. சுயாதீனமாக செயற்பட யாருக்கும் உரிமையுள்ளது. என்னையும்,ஜனாதிபதியையும் பிரிப்பதால் அவர்களுக்கு என்ன இலாபம் கிடைக்கப் போகின்றது” என கேள்வி எழுப்பியுள்ளார்.


வாள்வெட்டுக் குழுவினருக்கான தண்டனையை உறுதி செய்தது யாழ். மேல் நீதிமன்றம்!
[Tuesday 2017-12-12 18:00]

யாழ்ப்பாணம், மடம் வீதியில் குடும்பத் தலைவர் ஒருவரை வாளால் வெட்டிய குற்றத்துக்கு 8 பேருக்கு யாழ்ப்பாணம் நீதவான் நீதிமன்றம் வழங்கிய தண்டணையை யாழ்ப்பாணம் மேல் நீதிமன்றம் இன்று உறுதி செய்தது. டில்லு குறூப் என அழைக்கப்பட்ட இளைஞர்கள் குழுவைச் சேரந்த 8 பேர் யாழ்ப்பாணம் மேல் நீதிமன்றில் தாக்கல் செய் மேன்முறையீட்டு மனுவை மேல் நீதிமன்ற நீதிபதி மா.இளஞ்செழியன் நிராகரித்தார்.


அத்துமீறிய 23 இந்திய மீனவர்கள் கைது!
[Tuesday 2017-12-12 18:00]

நெடுந்தீவு கடற்பரப்பில் அத்துமீறி மீன்பிடி நடவடிக்கையில் ஈடுபட்ட 23 இந்திய மீனவர்கள் கடற்படையினரால் கைது செய்யப்பட்டுள்ளனர். இவர்களது 5 ரோலர் படகுகளையும் கடற்படையினர் கைப்பற்றியுள்ளனர். கைதுசெய்யப்பட்ட இந்திய மீனவர்களிடமிருந்த மீன்களும் பறிமுதல் செய்யப்பட்டுள்ளதுடன்,மீனவர்கள் யாழ்-உதவி மீன்பிடி ஆய்வாளர் அலுவகத்தில் ஒப்படைக்கப்பட்டுள்ளனர்.


சாவகச்சேரிக்கு ஐதேக, கரைச்சிக்கு மகிந்த அணி கட்டுப்பணம் செலுத்தின!
[Tuesday 2017-12-12 18:00]

சாவகச்சேரி நகரசபை தேர்தலில் போட்டியிடுவதற்கான கட்டுப்பணத்தை, ஐக்கிய தேசிய கட்சி இன்று செலுத்தியுள்ளது.


 ஐக்கிய தேசிய கட்சியின் யாழ். மாவட்ட நாடாளுமன்ற உறுப்பினரும் சிறுவர் விவகார இராஜாங்க அமைச்சருமான திருமதி விஜயகலா மகேஸ்வரன் தலைமையிலான ஐக்கிய தேசிய கட்சியின் யாழ். மாவட்ட அமைப்பாளர்கள் உறுப்பினர்கள் இணைந்து, கட்டுப்பணத்தைச் செலுத்தினர்.


செக்ஸ் தேடல் - மூன்றாமிடத்துக்கு தள்ளப்பட்டது இலங்கை!
[Tuesday 2017-12-12 18:00]

கூகுள் ஊடாக செக்ஸ் என்ற வார்த்தையை தேடுவதில் முதலிடத்தில் இருந்து வந்த இலங்கை மூன்றாமிடத்துக்கு கீழ் இறங்கியுள்ளது. பல வருடங்களாக குறித்த தேடலில் இலங்கை முதலிடத்தில் இருந்து வந்தது. இவ்வருடம் இந்த இடத்தை பங்களாதேஷ் பிடித்துள்ளதுடன், இரண்டாமிடம் எத்தியோப்பியாவிற்கு கிடைத்துள்ளது. இதேவேளை வடமத்திய மாகாணமும், பிஹிஓயன்கொல்லேவ நகரமும் இலங்கையில் செக்ஸ் என்ற வார்த்தையை அதிகமாக தேடிய இடங்களாக உள்ளன. கடந்த வருடம் மேல்மாகாணத்தில் ஹோமாகம நகரம் முதலிடத்தில் காணப்பட்டது.


50 முஸ்லிம் வேட்பாளர்களைக் களமிறக்குகிறது கூட்டமைப்பு!
[Tuesday 2017-12-12 09:00]

உள்ளூ­ராட்­சித் தேர்­த­லில் தமிழ்த் தேசி­யக் கூட்­ட­மைப் பின் பட்­டி­ய­லில் சுமார் 50 வரை­யான முஸ்­லிம்­க­ளுக்­கும் வாய்ப்பு வழங்­கப்­ப­ட­வுள்­ளது. மன்­னார் மாவட்­டத்­தின் முச­லிப் பிர­தேச சபை உட்­பட வடக்கு மாகா­ணத்­தில் உள்ள பல்­வேறு உள்­ளூ­ராட்சி மன்­றங்­க­ளுக்­கும் இந்த 50 க்கும் குறை­யாத முஸ்­லிம் வேட்­பா­ளர்­கள் தமிழ்த் தேசி­யக் கூட்­ட­மைப்பு சார்­பில் கள­மி­றங்­க­வுள்­ள­னர்.


குற்றப் பின்னணி கொண்டவர்களை வேட்பாளராக நிறுத்தாதீர்! - பெப்ரல்
[Tuesday 2017-12-12 09:00]

உள்ளூராட்சித் தேர்தலுக்கான வேட்பாளர்கள் தெரிவின்போது குற்றச் செயல்களில் ஈடுபட்டுள்ளவர்ள் மற்றும் தொடர்புடையவர்களை உள்வாங்க வேண்டாம் எனவும், அவ்வாறானவர்கள் உள்வாங்கப்பட்டால் அது தொடர்பில் கட்சித் தலைவர்கள், தொகுதி அமைப்பாளர்களுக்கு எதிராக கடுமையான நடவடிக்கை எடுக்கப்படும் எனவும் மார்ச் 12 அமைப்பின் இணைப்பாளரும் பெப்ரல் அமைப்பின் தலைவருமான ரோஹன ஹெட்டியாராச்சி தெரிவித்தார்.


உரையாற்ற ஆளில்லை - 2 நிமிடங்களில் கலைந்த அரசியலமைப்பு சபை!
[Tuesday 2017-12-12 09:00]

புதிய அரசமைப்புக்கான அரசமைப்பு வழிநடத்தல் குழுவின் இடைக்கால அறிக்கை மீதான விவாதம், அரசமைப்புச் சபையில் இரண்டு நிமிடங்களில் நிறைவடைந்தது. இந்த விவாதம் அரசியலமைப்பு சபையின் தலைவர் கருஜயசூரியவின் தலைமையில் நேற்று கூடியது. அந்த விவாதத்தில் உரையாற்றுவதற்கு, ஆளும் எதிர்த்தரப்பினைச் சேர்ந்த பத்து உறுப்பினர்களின் பெயர்கள் வாசிக்கப்பட்டபோதும் உரையாற்றுவதற்காக அவர்கள் சபையில் பிரசன்னமாகியிருக்கவில்லை.


முன்னாள் போராளிகளை அரசியலில் இறக்குவதே மகிந்தவின் இலக்கு!
[Tuesday 2017-12-12 09:00]

தமிழீழ விடுதலைப் புலிகள் அமைப்பின் முன்னாள் உறுப்பினர்களாக இருந்து புனர்வாழ்வு பெற்ற போராளிகள் அரசியல் கட்சிகளை உருவாக்கியுள்ளதுடன், அரசியலிலும் ஈடுபடுகின்றனர். இதுவே, முன்னாள் ஜனாதிபதி மகிந்த ராஜபக்சவின் இலக்காக இருந்தது என நாடாளுமன்ற உறுப்பினர் நாமல் ராஜபக்ச தனது டுவிட்டர் பதிவில் தெரிவித்துள்ளார்.


இந்திய விமானப் படைத் தளபதிக்கு கொழும்பில் அணிவகுப்பு மரியாதை! Top News
[Tuesday 2017-12-12 09:00]

நான்கு நாட்கள் உத்தியோகபூர்வ விஜயம் மேற்கொண்டு இலங்கை வந்துள்ள இந்திய விமானப் படைத் தளபதி எயார் சீப் மார்ஷல் பிரெந்தர் சிங் தனோவாவுக்கு இலங்கை விமானப்படை தலைமையகத்தில் நேற்று விசேட மரியாதை அணிவகுப்பு வழங்கப்பட்டது. இந்திய விமானப்படைத் தளபதி நேற்று பிரதமர் ரணில் விக்கிரமசிங்க, பாதுகாப்பு இராஜாங்க அமைச்சர், பாதுகாப்புச் செயலாளர், மற்றும் முப்படைகளின் தளபதிகளைச் சந்தித்துப் பேச்சுக்களை நடத்தியுள்ளார்.


சர்வதேச மனிதவுரிமை நாளை முன்னிட்டு யேர்மனியில் கவனயீர்ப்பு நிகழ்வு! Top News
[Tuesday 2017-12-12 09:00]

சர்வதேச மனிதவுரிமை நாளை முன்னிட்டு ஈழத்தமிழர்களுக்கு நடைபெற்ற/நடைபெற்றுக்கொண்டிருக் கும் இனவழிப்பு மற்றும் வலிந்து காணாமல் ஆக்கப்பட்டவர்களுக்காக சர்வதேச நீதி கோரும் கவனயீர்ப்பு நிகழ்வு யேர்மன் தலைநகரில் நடைபெற்றது. கடும் குளிரையும் கவனத்தில் கொள்ளாது தாயக உறவுகளுக்காக நீதி கோரி பல்லின மக்களிடம் தமது கவனத்தை கொண்டுசென்றதோடு, தமிழ் இளையோர் அமைப்பு உறுப்பினர்களால் விளக்கங்களும் கொடுக்கப்பட்டது.


அவுஸ்ரேலியாவில் எட்டு ஆண்டுகளாக தமிழ் தம்பதியினரால் அடிமையாக அடைத்து வைக்கப்பட்டிருந்த பெண் மீட்பு!
[Tuesday 2017-12-12 09:00]

சுற்றுலா விசாவில் அவுஸ்திரேலியா வந்த இந்திய பெண் ஒருவர் மெல்பேர்னில் வசிக்கும் தமிழ் தம்பதியினரின் வீட்டில் எட்டு ஆண்டுகளாக அடைத்து வைக்கப்பட்டிருந்த நிலையில் மீட்கப்பட்டுள்ளார். இந்த சம்பவம் குறித்த வழக்கு Melbourne Magistrates நீதிமன்றில் விசாரணைக்கு எடுத்துக்கொள்ளப்பட்டது.


மகாகவி பாரதியாரின் 135 ஆவது பிறந்ததின கலை நிகழ்வுகள்! Top News
[Tuesday 2017-12-12 09:00]

மகாகவி சுப்ரமணிய பாரதியாரின் 135 ஆவது பிறந்த தின கலை நிகழ்வுகள் யாழ்ப்பாணம் துர்க்காதேவி மணி மண்டபத்தில் நேற்று மாலை இடம்பெற்றன. யாழ்ப்பாணம் இந்திய உதவி உயர்ஸ்தானிகரகம் ஏற்பாடு செய்திருந்த இந்த நிகழ்வு துணைத் தூதுவர் ஏ.நடராஜா தலைமையில் நடைபெற்றது. நிகழ்வில் வடமாகாண முதலமைச்சர் நீதியரசர் க.வி.விக்னேஸ்வரன் பிரதம விருந்தினராக கலந்து கொண்டார்.


விஜயதாச ராஜபக்‌ஷவின் கோரிக்கையை நிராகரித்தார் சபாநாயகர்!
[Tuesday 2017-12-12 09:00]

அரசியலமைப்புக்கு முரணான முறையில் அரசியலமைப்பு சபை உருவாக்கப்பட்டிருப்பதாகவும், இதனை கலைக்க வேண்டும் என விஜயதாச ராஜபக்‌ஷ எம்.பி விடுத்த கோரிக்கையை ஏற்றுக் கொள்ளவில்லையென சபாநாயகர் கரு ஜயசூரிய தெரிவித்தார். இது விடயம் தொடர்பில் விஜயதாச ராஜபக்‌ஷ எம்.பி அனுப்பி வைத்த கடிதத்துக்கு பதில் அனுப்பி வைத்திருப்பதாகவும் சபாநாயகர் குறிப்பிட்டார்.


மன்னாரில் போட்டியிட கட்டுப்பணம் செலுத்தியது மஹிந்த அணி!
[Tuesday 2017-12-12 08:00]

உள்ளூராட்சித்தேர்தலில் மன்னார் மாவட்டத்தில் போட்டியிடுவதற்காக 'சிறிலங்கா பொதுஜன பெரமுன' கட்சி நேற்று மாலை 3 மணியளவில் மன்னார் தேர்தல் அலுவலகத்தில் கட்டுப்பணத்தை செலுத்தியுள்ளது. 'சிறிலங்கா பொதுஜன பெரமுன' கட்சியின் வடமாகாணத்திற்கான அமைப்பாளரும், வடமத்திய மாகாணத்தின் முன்னாள் முதலமைச்சருமான எஸ்.எம்.ரஞ்சித் சமரகோண் தலைமையில் மன்னார் தேர்தல் அலுவலகத்தில் கட்டுப்பணம் செலுத்தப்பட்டுள்ளது.


ஈழமே இலங்கையின் மூலப் பெயர்! - முதலமைச்சர்
[Monday 2017-12-11 19:00]

இலங்­கை­யின் மூலப் பெயர் ‘சிங்­கலே’ என்­பது தவ­றா­னது. ஈழம் என்­ப­து­தான் மூலப் பெய­ரா­கும் என்று வடக்கு மாகாண முத­ல­மைச்­சர் சி.வி.விக்­னேஸ்­வ­ரன் தெரி­வித்­தார்.மகிந்த ஆட்­சிக் காலத்­தில் பிரதி அமைச்­ச­ராக இருந்த றியர் அட்­மி­ரல் சரத் வீர­சே­கர தெரி­வித்த கருத்­துக்­குப் பதி­ல­ளிக்­கை­யி­லேயே, வடக்கு முத­ல­மைச்­சர் மேற்­கண்­ட­வாறு கூறி­யுள்­ளார்.


சம்பந்தன் வீட்டை முற்றுகையிட்ட வேலையில்லாப் பட்டதாரிகள்! Top News
[Monday 2017-12-11 19:00]

திருகோணமலையிலுள்ள எதிர்கட்சித் தலைவர் ஆர்.சம்பந்தனின் வீடு அரச நியமனம் கோரும் பட்டதாரிகளால் இன்று முற்றுகையிடப்பட்டது. சம்பந்தனின் வீட்டுக்கு முன்பாக ஒன்றுகூடிய நூற்றுக்கணக்கான பட்டதாரிகள் தமக்கான நியமனங்களை பெற்றுத்தருவதாக இரா.சம்பந்தனும் தமிழ்த் தேசியக் கூட்டமைப்பினரும் வாக்குறுதி வழங்கியிருந்த போதும் தமிழ்த் தேசியக் கூட்டமைப்பும் அதன் தலைவரும் தம்மை ஏமாற்றிவிட்டதாக கூறி ஆர்ப்பாட்டத்தில் ஈடுபட்டனர்.

Mahesan-Remax-169515-Seithy
SELVI-HOMES-09-02-17
Easankulasekaram-Remax-300716
Tharsi-home-15-10-2016
<P>
 <b> 13-08-2017 அன்று ரொரன்டோவில் நடைபெற்ற இசை மாலைப் பொழுது - 2017 நிகழ்வின் படத்தொகுப்பு.</b> படங்கள்-குணா
</p>
<b>  கனடா-ரொரன்டோவில்  ஜூலை 29ம் 30ம்தி கதிகளில் நடைபெற்ற World Tamil Badminton Federation 5th annual tournament நிகழ்வின் படத்தொகுப்பு.</b> படங்கள்-குணா
<b>  கனடா-ரொரன்டோவில்  ஜூலை 7ம் 8ம் 9ம்தி கதிகளில் நடைபெற்ற குதூகலம் 2017 நிகழ்வின் படத்தொகுப்பு.</b> படங்கள்-குணா