Untitled Document
October 22, 2017 [GMT]
  • Welcome
  • Welcome
அத்துமீறினால் 100 மில்லியன் ரூபா அபராதம்!
[Tuesday 2017-10-17 08:00]

இலங்கை கடல் எல்லைக்குள் அத்துமீறி பிரவேசிப்போருக்கு கடும் சிறைத் தண்டனையும் 100 மில்லியன் ரூபாவிற்கு மேற்பட்ட அபராதமும் அறவிடப்படுமென மீன்பிடி அமைச்சர் மஹிந்த அமரவீர தெரிவித்தார். இலங்கை கடற்படையினரின் பணிகளுக்கு இடைஞ்சல் விளைவிக்கும் வகையில் கலகங்களை முன்னெடுக்கும் இந்திய மீனவர்களுக்கெதிராக, கடற்படை சட்ட விதிமுறைகளுக்கமையவே எதிர்காலத்தில் நடவடிக்கை எடுக்கப்படுமென்றும் அமைச்சர் கூறினார்.


கட்டுநாயக்கவில் கைதான சுவிஸ் தமிழ் இளைஞனை பிணையில் விடுவித்தது நீதிமன்றம்!
[Tuesday 2017-10-17 08:00]

சுவிட்ஸர்லாந்திலிருந்து திரும்பிய போது, கட்டுநாயக்க விமான நிலையத்தில் கைது செய்யப்பட்ட இளைஞனை நீதிமன்றம் பிணையில் விடுதலை செய்துள்ளது. குறித்த நபர் நேற்று கொழும்பு பிரதான நீதிவான் நீதிமன்றில் முன்னிலைப்படுத்தப்பட்ட போது, பிணையில் விடுதலை செய்த நீதிபதி, எதிர்வரும் 30ஆம் திகதி மன்றில் முன்னிலையாகுமாறும் உத்தரவிட்டுள்ளார்.


ஒற்றையாட்சியைக் கைவிட்ட நாடாக இலங்கை மாறும்! - இடைக்கால அறிக்கைக்கு மஹிந்த எதிர்ப்பு
[Tuesday 2017-10-17 08:00]

அரசமைப்புச் சபையின் வழிகாட்டல் குழுவால் சமர்ப்பிக்கப்பட்டுள்ள இடைக்கால வரைவு அறிக்கையின் பல்வேறு விடயங்களுக்கு, தாம் எதிர்ப்புத் தெரிவிப்பதாக, முன்னாள் ஜனாதிபதி மஹிந்த ராஜபக்‌ஷ தெரிவித்துள்ளார்.


தங்காலைச் சிறைக்குள் நாமலை விரட்டிய நுளம்புகள், உண்ணிகள்! - மாற்று உடையின்றி தவிப்பு
[Tuesday 2017-10-17 08:00]

அம்பாந்தோட்டையில் தடையை மீறி ஆர்ப்பாட்டம் செய்ததால், கைது செய்யப்பட்ட நாமல் ராஜபக்ச உள்ளிட்டவர்கள் நள்ளிரவில் சிறையில் அடைக்கப்பட்டனர். இதன்போது தமக்கு மாற்று ஆடைகள் இல்லாத காரணத்தால் சிறையில் இருந்த கைதி ஒருவர் சாரம் கொடுத்து உதவியதாக ஊடகம் ஒன்றுக்கு நாமல் தகவல் வெளியிட்டுள்ளார்.


மனைவியின் கத்திக்குத்துக்கு கணவன் படுகாயம்! - மிருசுவிலில் சம்பவம்
[Tuesday 2017-10-17 08:00]

மிருசுவில் பகுதியில் நேற்று பிற்பகல் மனைவியின் கத்திக்கு இலக்காகிய கணவன் படுகாயமடைந்த நிலையில் வைத்திய சாலையில் அனுமதிக்கப்பட்டுள்ளார். அயலவர்களால் காப்பாற்றப்பட்ட குறித்த குடும்பஸ்தர் சாவகச்சேரி ஆதார வைத்தியசாலையில் அனுமதிக்கப்பட்ட பின்னர் மேலதிக சிகிச்சைகளுக்காக யாழ். போதனா வைத்தியசாலைக்கு மாற்றப்பட்டுள்ளார்.சம்பவம் தொடர்பாக கொடிகாமம் பொலிஸார் விசாரணைகளை ஆரம்பித்துள்ளனர். குடும்பப் பிரச்சினையே கத்திக்குத்துக்குக் காரணமென அயலவர்கள் தெரிவித்துள்ளனர்.


சொகுசு வசதிகளைக் கொண்ட சிறைச்சாலையை திறந்து வைத்தார் சுவாமிநாதன்! Top News
[Tuesday 2017-10-17 08:00]

அம்பாந்தோட்டை, அங்குனகொலபெலெஸ்ஸவில் புதிய சிறைச்சாலை கட்டடத் தொகுதி, சிறைச்சாலை மறுசீரமைப்பு, அமைச்சர் டி.எம்.சுவாமிநாதனால் நேற்று திறந்து வைக்கப்பட்டது. இந்தச் சிறைச்சாலை நவீன வசதிகளைக் கொண்டதாகும்.


வித்தியா கொலையாளிகள் வெலிக்கடை, மகர, பல்லேகல சிறைகளில் அடைப்பு!
[Tuesday 2017-10-17 08:00]

புங்குடுதீவு மாணவி வித்தியா கொலை வழக்கில் மரணதண்டனை விதிக்கப்பட்ட ஏழு பேரும், மூன்று சிறைகளுக்கு மாற்ற நடவடிக்கை எடுக்கப்பட்டுள்ளது.நான்கு கொலையாளிகளை பாதுகாப்பு காரணமாக பல்லேகல சிறைச்சாலையில் இருந்து வேறு சிறைச்சாலைக்கு மாற்றி அனுப்பப்பட்டுள்ளனர்.


அரசு அறிவிப்பை வெளியிட்டால் தான் தேர்தலை நடத்த முடியும்!
[Tuesday 2017-10-17 08:00]

உள்ளூராட்சித் தேர்தல்கள் தொடர்பான உத்தியோகபூர்வ அறிவித்தலை வழங்குவதற்கு அரசாங்கம் தாமதிக்கின்ற காரணத்தினால், எதிர்வரும் ஜனவரி மாதம் தேர்தல்களை நடத்துவது தொடர்பில் தீர்மானங்கள் எதுவும் எடுக்க முடியாமல் உள்ளது என, தேர்தல்கள் ஆணைக்குழுவின் தலைவர் மஹிந்த தேஷப்பிரிய, தெரிவித்தார்.


அரசியல் கைதிகளி்ன் விடுதலையை வலியுறுத்தி நாடாளுமன்றத்தில் நாளை ஒத்திவைப்பு வேளை பிரேரணை!
[Monday 2017-10-16 18:00]
அரசியல் கைதிகள் விவகாரம் தொடர்பில் எதிர்க்கட்சித் தலைவர் இரா.சம்பந்தன் நாடாளுமன்றத்தில் ஒத்திவைப்பு வேளைப் பிரேரணை ஒன்றை நாளை முன்வைக்கவுள்ளார். நாடாளுமன்றத்தில் நாளை மாலை 6.30 மணிக்கு ஒத்திவைப்பு வேளையில் இந்தப் பிரேரணை சமர்ப்பிக்கப்படவுள்ளது.பயங்கரவாத தடுப்புச் சட்டத்தின் கீழ் தடுத்து வைக்கப்பட்டுள்ள வடக்குக் கிழக்கைச் சேர்ந்தவர்கள் பற்றியதாக குறித்த பிரேரணை அமைந்துள்ளது.


போராட்டங்களை மழுங்கடித்து அரசாங்கத்துக்கு துணைபோகிறார் சிவாஜிலிங்கம்! - கஜேந்திரகுமார் பரபரப்பு குற்றச்சாட்டு
[Monday 2017-10-16 18:00]

தமிழ் அரசியல் கைதிகளுக்கு ஆதரவாக நடைபெற்ற கவனயீர்ப்பு போராட்டத்திற்கு ஜனாதிபதி வருவார், அங்கே போராட்டத்தில் ஈடுபட்டவர்களுடன் பேசுவார் என்பது திட்டமிட்டு நடைபெற்ற ஒரு விடயம், ஜனாதிபதி வருவதற்கு முன்னதாகவே போராட்டத்தில் ஈடுபட்டவர்களுக்கு இந்த விடயம் கூறப்பட்டிருந்தது என தமிழ்தேசிய மக்கள் முன்னணியின் தலைவர் கஜேந்திரகுமார் பொன்னம்பலம் தெரிவித்தார்.


சுவிசில் இருந்து 20 வருடங்களுக்குப் பின் திரும்பிய இளைஞன் கட்டுநாயக்கவில் கைது!
[Monday 2017-10-16 18:00]

சுவிட்சர்லாந்திலிருந்து 20 வருடங்களுக்குப் பின்னர் தாயகம் திரும்பிய இளைஞன் ஒருவர் கட்டுநாயக்க விமான நிலையத்தில் கைது செய்யப்பட்டுள்ளார். நேற்று இரவு சுவிட்சர்லாந்திலிருந்து வந்த இவரை விமான நிலையத்தில் குற்றப்புலனாய்வு பிரிவினர் கைது செய்து தடுத்து வைத்து விசாரணைக்கு உட்படுத்தி வருகின்றனர்.


ஜனாதிபதியை சந்திக்க அனுமதி பெற்றுத் தரக்கோரி, ஆளுனரைச் சந்தித்தது பல்கலைக்கழக மாணவர் ஒன்றியம்! Top News
[Monday 2017-10-16 18:00]

வட மாகாண ஆளுநர் றெஜினோல்ட் குரேயை, யாழ். பல்கலைக்கழக மாணவர் ஒன்றியத்தின் பிரதிநிதிகள் இன்று காலை சந்தித்துக் கலந்துரையாடினர். குறித்த சந்திப்பு, சுண்டுக்குளியில் அமைந்துள்ள ஆளுநரின் பங்களாவில் நடைபெற்றது. உண்ணாவிரதத்தில் ஈடுபடும் கைதிகளின் பிரச்சினைக்கு தீர்வு காண்பதற்கு ஐனாதிபதியுடன் பேச சந்தர்பத்தைத் பெற்றுத் தருமாறு சந்திப்பின்போது மாணவர் ஒன்றியத்தினர் கோரிக்கை விடுத்துள்ளனர்.


பேய் வரும் பிசாசு வரும் என்பதற்காகத் தமிழர்கள் தொடர்ந்து அவலங்களை எதிர்கொள்ள முடியாது! - மைத்திரிக்கு சம்பந்தன் பதில்
[Monday 2017-10-16 18:00]

தெற்கில் பேய் வரும், பிசாசு வரும் என்பதற்காக தமிழர்கள் தொடர்ந்தும் அவலங்களை எதிர்கொண்டு வாழ முடியாது என எதிர்க்கட்சித் தலைவர் இரா.சம்பந்தன் தெரிவித்துள்ளார்.என்னை பலவீனப்படுத்தினால் உண்மையில் பலம் பெறப்போவது பேய்தான் என ஜனாதிபதி மைத்திரிபால சிறிசேன யாழ்ப்பாணத்தில் நடைபெற்ற நிகழ்வொன்றில் கலந்து கொண்டிருந்த போது தெரிவித்தார். இதற்கு பதிலளிக்கும் வகையிலேயே எதிர்க்கட்சித் தலைவர் இதனை தெரிவித்துள்ளார்.


அசுத்தமான காலணியை மெய்க்காவலரைக் கொண்டு சுத்தம் செய்த பொலிஸ் மா அதிபர்! Top News
[Monday 2017-10-16 18:00]

யாழ். இந்துக் கல்லூரி வீதியில், ஜனாதிபதி மைத்திரிபால சிறிசேன கலந்து கொண்ட நிகழ்வில் தனது பாதணியை பொலிஸ்மா அதிபர் பூஜித ஜெயசுந்தர, மெய்ப் பாதுகாவலர் மற்றும் அங்கிருந்த பொலிஸ் உத்தியோகத்தரிடம் சுத்தம் செய்யக் கொடுத்த சம்பவம் பெரும்பரபரப்பை ஏற்படுத்தியுள்ளது.


பிணையில் விடுவிக்கப்பட்டார் நாமல்! Top News
[Monday 2017-10-16 18:00]

பாராளுமன்ற உறுப்பினர் நாமல் ராஜபக்ஷ டி.வி.சானக்க, மாகாண சபை உறுப்பினர்களான சம்பத் அதுகோரல உள்ளிட்ட எட்டுப் பேர் இன்று அம்பாந்தோட்டை நீதிவான் நீதிமன்றத்தில் ஆஜர்படுத்தப்பட்ட போது, பிணையில் விடுவிக்கப்பட்டுள்ளனர். அண்மையில், அம்பாந்தோட்டையில் இடம்பெற்ற ஆர்ப்பாட்ட நடவடிக்கையில் ஏற்பட்ட குழப்ப நிலை தொடர்பில், இவர்கள் கைது செய்யப்பட்டனர்.


யாழ்ப்பாணத்தில் டெங்கு காய்ச்சலுக்கு அடுத்தடுத்து இருவர் பலி!
[Monday 2017-10-16 18:00]

டெங்­குக் காய்ச்­ச­லால் பீடிக்­கப்பட்ட பாட­சாலை மாண­வி­ உள்ளிட்ட இருவர், உயி­ரி­ழந்தனர் என்று யாழ்ப்­பா­ணம் போதனா மருத்­து­வ­ம­னைத் தகவல்கள் தெரி­வித்­தன. கலட்டி அம்­மன் வீதி, யாழ்ப்­பா­ணத்­தைச் சேர்ந்த கணே­ச­மூர்த்தி சாரா (வயது -9) என்ற மாணவி யாழ்ப்­பா­ணம் போதனா மருத்­து­வ­ம­னை­யில் நேற்று உயி­ரி­ழந்­தார். இவர் யாழ்ப்­பா­ணம் பொஸ்கோ பாட­சா­லை­யில் கல்வி கற்­று வந்தார்.


வட,கிழக்கு இணைந்திருக்க வேண்டும்! - என்கிறார் கருணா
[Monday 2017-10-16 18:00]

வடக்கு,கிழக்கு மாகாணங்கள் இணைந்திருக்க வேண்டும் என்பதே எங்களது நோக்கம் என கருணா என அழைக்கப்படும் விநாயகமூர்த்தி முரளீதரன் தெரிவித்தார். மட்டக்களப்பு கல்லடியில் நடைபெற்ற விசேட செய்தியாளர் சந்திப்பிலேயே அவர் இதனை தெரிவித்தார்.


புத்தரையும், தலதா மாளிகையையும் விமர்சித்த பௌத்த தேரர் மல்வத்த பீடாதிபதியிடம் மன்னிப்புக் கோரினார்!
[Monday 2017-10-16 18:00]

புத்த பெருமானின் புனிதச் சின்னங்களையும், தலதா மாளிகையையும் பகிரங்கமாக விமர்சனங்களை மேற்கொண்டு வந்த பிட்டிதுவே சிறிதம்ம தேரர் மல்வத்துப்பீட மகாநாயக்கரிடம் நேற்று மண்டியிட்டு மன்னிப்புக்கோரியுள்ளார்.


மனுஸ் தீவில் மரணமான இளைஞனின் சடலம் உறவினர்களிடம் ஒப்படைப்பு! Top News
[Monday 2017-10-16 18:00]

அடைக்கலம் தேடி அவுஸ்திரேலியா சென்று, மனுஸ் தீவில், உயிரிழந்த மீசாலை தெற்கு, சாவகச்சேரியைச் சேர்ந்த ராஜேந்திரன் ரஜீவின் சடலம் உறவினர்களிடம் கையளிக்கப்பட்டுள்ளது. இவருடைய சடலம் நேற்று இரவு சிங்கப்பூரிலிருந்து விமானத்தில் கட்டுநாயக்க விமான நிலையத்திற்கு கொண்டு வரப்பட்டது.


புதுக்குடியிருப்பு காணிகள் விடுவிக்கப்படாமைக்கு அரச அதிபரும், பிரதேச செயலரும் பொறுப்பு!
[Monday 2017-10-16 07:00]

முல்லைத்தீவு- புதுக்குடியிருப்பு நகர மத்தியில் இராணுவ வசமுள்ள பொதுமக்களின் காணி விடுவிப்பு தொடர்பில் முல்லைத்தீவு மாவட்ட அரசாங்க அதிபரும் புதுக்குடியிருப்பு பிரதேச செயலருமே பொறுப்புக்கூற வேண்டியவர்களாக இருக்கின்றார்கள் என பாராளுமன்ற உறுப்பினர் வைத்திய கலாநிதி சிவப்பிரகாசம் சிவமோகன் தெரிவித்துள்ளார்.


அடுத்த தீபாவளி சிறப்பானதாக இருக்கும்! - சம்பந்தன் ஆரூடம்
[Monday 2017-10-16 07:00]

புதிய அரசியலமைப்பை உருவாக்கி இனங்களுக்கிடையில் ஒற்றுமையை ஏற்படுத்தும் புதிய பயணத்தை ஜனாதிபதியும் பிரதமரும் ஆரம்பித்துள்ளனர். அவர்களுக்கு நாம் நூற்றுக்கு நூறு வீதம் ஆதரவு வழங்குவோம். அதில் எவ்வித சந்தேகமுமில்லையென எதிர்க் கட்சித் தலைவரும் தமிழ்த் தேசியக் கூட்டமைப்பின் தலைவருமான இரா. சம்பந்தன் தெரிவித்தார்.


அனுராதபுரத்துக்கு அப்பால் தமிழீழமா? - மனோ கேள்வி
[Monday 2017-10-16 07:00]
வவுனியா நீதிமன்ற வழக்குகளை, அநுராதபுர நீதிமன்றத்துக்கு மாற்றியமை ஒரு மாபெரும் அனர்த்தத்துக்கும் அழிவுக்கும் சமமானதாகும் என, அமைச்சர் மனோ கணேசன் தெரிவித்துள்ளார். கொழும்பில் நேற்று நடைபெற்ற நிகழ்வொன்றில் கலந்துகொண்டு உரையாற்றும் போதே, அவர் இவ்வாறு குறிப்பிட்டார். “வவுனியா என்பது தமிழீழமா, அநுராதபுரம் என்பது தென்பகுதியின் நிஜ பூமியா என்ற கேள்வியைக் கேட்க வைக்கிறது. காரணம், எவ்வித நீதி நியாயமின்றி, வவுனியா நீதிமன்ற வழக்குகளை, அநுராதபுர நீதிமன்றத்துக்கு மாற்றியமையானது, ஆரோக்கியமான செயல் அல்ல.என்றும் அவர் கூறினார்.

நாமலுக்கு பிணை கிடைக்குமா?
[Monday 2017-10-16 07:00]

மத்தல விமான நிலையத்தை இந்தியாவுக்கு குத்தகைக்கு வழங்குவதற்கு எதிர்ப்பு தெரிவித்து ஆர்ப்பாட்டம் நடத்தியமைக்காக கைது செய்யப்பட்டு விளக்கமறியலில் வைக்கப்பட்டுள்ள நாடாளுமன்ற உறுப்பினர் நாமல் ராஜபக்ஸ உள்ளிட்டடோர் இன்று நீதிமன்றில் முன்னிலைபடுத்தப்பட உள்ளனர். நாடாளுமன்ற உறுப்பினர்களான டி.வி.ஷானக, பிரசன்ன ரணவீர உள்ளிட்ட ஆறு பேர் விளக்கமறியலில் வைக்கப்பட்டுள்ளனர். இவர்களுக்கு இன்று பிணை வழங்கப்படுமா என்பது இன்று தெரிய வரும்.


காங்கேசன்துறையில் இருந்து கொழும்பு சென்ற ரயிலில் இருந்து ஒருவர் தள்ளி விடப்பட்டு கொலை!
[Monday 2017-10-16 07:00]

ஓடும் ரயிலில் இருந்து பயணி ஒருவர் சக பயணியால் தள்ளிவிட்டு கொலை செய்யப்பட்டுள்ளார். யாழ்ப்பாணத்திலிருந்து கொழும்பு நோக்கி பயணித்த ரயிலில் பயணிகள் இருவருக்கு இடையில் மோதல் சம்பவம் இடம்பெற்றுள்ளது. இந்த மோதலின் போது ஒருவர் மற்றைய நபரை ஓடும் ரயிலிலிருந்து தள்ளிவிட்டுள்ளார்.தள்ளிவிடப்பட்ட நபர் பரிதாபமாக உயிரிழந்துள்ளார்.


13 வயது மகளை துஷ்பிரயோகம் செய்த தந்தை கைது!
[Monday 2017-10-16 07:00]

வவுனியா - ஈச்சங்குளம் பகுதியில் 13 வயதுடைய மகளை துஸ்பிரயோகம் செய்ததாக சிறுமியின் தந்தை நேற்று மாலை ஈச்சங்குளம் பொலிஸாரால் கைது செய்யப்பட்டுள்ளார். சிறுமியின் நடத்தை தொடர்பில் அவரது தாயார் சந்தேகம் கொண்டு வவுனியா மருத்துவமனைக்கு கடந்த வியாழக்கிழமை சிறுமியை அழைத்து சென்று மருத்துவ பரிசோதனை மேற்கொண்டுள்ளார்.


அலரி மாளிகையில் தேசிய தீபாவளி விழா! - மைத்திரி, ரணில், சம்பந்தன் பங்கேற்பு Top News
[Monday 2017-10-16 07:00]

2017ஆம் ஆண்டுக்கான தேசிய தீபாவளி விழா, ஜனாதிபதி மைத்திரிபால சிறிசேன, பிரதமர் ரணில் விக்ரமசிங்க ஆகியோரின் தலைமையில் அலரி மாளிகையில் நேற்று பிற்பகல் நடைபெற்றது. இம்மாதம் 18ஆம் திகதி இடம்பெறும் தீபாவளி பண்டிகையை கொண்டாடுவதற்கு உலகெங்கிலும் உள்ள இந்துக்கள் தயாராகி வருகின்றனர். இதனை முன்னிட்டு அனைத்து இந்துக்களுக்கும் ஜனாதிபதியும், பிரதமரும் வாழ்த்துகளை தெரிவித்தனர்.


இரவோடு இரவாக சென்னைக்குப் பறக்கும் அமைச்சர்! - ஒரு நாள் மட்டும் தங்கும் இரகசியம்
[Monday 2017-10-16 07:00]

மாதம் ஒரு தடவை இரகசியமான முறையில் ஓர் இரவை மட்டும் கழிப்பதற்காக வெளிநாடு சென்று விட்டு நாடு திரும்பும் அமைச்சர் ஒருவர் தொடர்பில், இராஜதந்திர மட்டத்தில் விசாரணைகள் முன்னெடுக்கப்படுகின்றன என, தகவல்கள் தெரிவிக்கின்றன. குறித்த அமைச்சர், வௌிமாவட்டங்களில் பிரதிநிதித்துவப்படுத்தும் கட்சிகளின் ஒன்றின் தலைவர் எனவும் தெரிவிக்கப்படுகின்றது.


அரசியலமைப்பு உருவாக்க பணியில் இருந்து விலகக் கூடாது! - அஸ்கிரிய மகாநாயக்கர்
[Monday 2017-10-16 07:00]

புதிய அரசியலமைப்பை உருவாக்கும் பணிகளிலிருந்து விலகிக் கொள்வது நியாயமற்றது என அஸ்கிரிய பீடாதிபதி வராகொட ஞானரட்ன தேரர் தெரிவித்துள்ளார். அமைச்சர் லக்ஸ்மன் கிரியல்ல, அஸ்கிரி பீடாதிபதியை சந்தித்த போது அவர் இதனைத் தெரிவித்துள்ளார்.

Easankulasekaram-Remax-300716
Mahesan-Remax-169515-Seithy
Tharsi-home-15-10-2016
SELVI-HOMES-09-02-17
<P>
 <b> 13-08-2017 அன்று ரொரன்டோவில் நடைபெற்ற இசை மாலைப் பொழுது - 2017 நிகழ்வின் படத்தொகுப்பு.</b> படங்கள்-குணா
</p>
<b>  கனடா-ரொரன்டோவில்  ஜூலை 29ம் 30ம்தி கதிகளில் நடைபெற்ற World Tamil Badminton Federation 5th annual tournament நிகழ்வின் படத்தொகுப்பு.</b> படங்கள்-குணா
<b>  கனடா-ரொரன்டோவில்  ஜூலை 7ம் 8ம் 9ம்தி கதிகளில் நடைபெற்ற குதூகலம் 2017 நிகழ்வின் படத்தொகுப்பு.</b> படங்கள்-குணா