Untitled Document
December 18, 2017 [GMT]
  • Welcome
  • Welcome
மட்டக்களப்பு மாவட்டத்தில் 31 எயிட்ஸ் நோயாளிகள்!
[Sunday 2017-12-10 18:00]

மட்டக்களப்பு மாவட்டத்தில் இந்த ஆண்டு டிசெம்பர் மாதம் வரை 31 எயிட்ஸ் நோயாளிகள் இனங்காணப்பட்டுள்ளனரென, மட்டக்களப்பு மாவட்ட பாலியல் பரிமாற்ற நோய், எயிட்ஸ் நோய் கட்டுப்பாட்டு பொறுப்பு வைத்தியர் அனுஷியா ஸ்ரீசங்கர் தெரிவித்தார். எயிட்ஸ் நோய் பற்றிய விழிப்புணர்வு, மட்டக்களப்பு மாவட்டத்திலுள்ள 14 பொதுச் சுகாதார வைத்திய அதிகாரிப் பிரிவுகளிலும் முழு முயற்சியுடன் இடம்பெற்று வருவது குறித்து, அவர் இன்று இந்த விவரங்களைத் தெரிவித்தார்.


நீர்த்தேக்கம் விழுங்கிய 12 கிராமங்கள்!
[Sunday 2017-12-10 18:00]

புதிதாக நிர்மாணிக்கப்பட்ட மொரகஹகந்த நீர்த்தேக்கம் காரணமாக, பாரம்பரியமிக்க 12 கிராமங்கள் இலங்கை வரைப்படத்தில் இருந்து மறைந்துள்ளன.2007ஆம் ஆண்டு மொரகஹகந்த நீர்த்தேக்க நிர்மாணிப்பு நடவடிக்கை ஆரம்பிக்கப்பட்ட நிலையில், தற்போது நீர் நிரப்பும் பணிகளும் ஆரம்பிக்கப்பட்டுள்ளன. லக்கல பிரதேச செயலாளர் பிரிவில் நிர்மாணிக்கப்படுகின்ற இந்த நீர்த்தேகத்தில் 12 கிராமங்கள் நீரில் மூழ்கியுள்ளன.


யாழ். நகரில் பட்டப்பகலில் கூரையைப் பிரித்து 50 பவுண் நகைகள் கொள்ளை!
[Sunday 2017-12-10 18:00]

யாழ். நகரப் பகுதியில் இன்று முற்பகல் வேளையில் வீட்டுக் கூரையை உடைத்து 50 பவுண் நகை கொள்ளையடிக்கப்பட்டுள்ளதாக பொலிஸ் நிலையத்தில் முறைப்பாடு பதிவு செய்யப்பட்டுள்ளது. யாழ்ப்பாணம் - பிறவுண் வீதி - கலட்டிச் சந்திப் பகுதியில் இன்று காலை 10.30 அளவில் இந்த கொள்ளைச் சம்பவம் இடம்பெற்றுள்ளது. இன்று ஞாயிற்றுக்கிழமை ஆகையால், வீட்டில் இருந்தவர்கள் தேவாலயத்திற்கு சென்றுள்ளனர். அந்த சந்தர்ப்பத்தைப் பயன்படுத்தி, வீட்டிற்கு சென்ற கொள்ளையர்கள் வீட்டின் கூரையை பிரித்து 50 பவுண் நகையைக் கொள்ளையடித்துச் சென்றுள்ளனர்.


டொரன்டோ தமிழ் போலீஸ் அதிகாரி - ரொஷான் நல்லரட்ணம் அரசியலில் குதித்தார். Top News Top News
[Sunday 2017-12-10 13:00]

கனேடிய தமிழர்கள் மத்தியில் டோரன்றோ காவல்த்துறை அதிகாரியாக கடந்த 10 வருடங்களாக கடமையாற்றி வந்த - பல்லின மக்களாலும் நன்கு அறியப்பட்ட ரொஷான் நல்லரட்ணம் கனேடிய கன்சர்வேர்டிவ் கடைசியில் மார்கம் தோரன்கில் தொகுதியில் 2018 ல் வரவுள்ள தேர்தலில் களமிறங்கியுள்ளார். நேரடி நேர்காணல் ஒன்றில் தோன்றிய அவர் கூறும் கருத்துக்கள் மற்றும் சமுதாயம் நோக்கியத அவரது பார்வை - மிகவும் வித்தியாசமான ஒர் பார்வையாகவே மக்களை ஈர்த்துள்ளது. மூன்று குழந்தைகளுக்கு தந்தையான அவர் - கனேடியத்தமிழர்களது வாழ்க்கை முறைகளை - கடின உழைப்புகளை தானும் பாட்டுணர்ந்து கடந்து வந்ததாகவும் 13 விதமான தொழில் தளங்களில் அடிப்படை தொழிலாளியாக இருந்து சாதாரண மக்களது இன்ப துன்பங்களையும் அனுபவமாக பெற்றதையும் நினைவுகூர்கிறார்.


கூட்டமைப்புக் கட்சிகளுக்கிடையிலான ஆசனப்பங்கீட்டு விபரம்!
[Sunday 2017-12-10 09:00]

தமிழ் தேசிய கூட்டமைப்பின் பங்காளிகளுக்கிடையில் நிலவிய ஆசனப்பங்கீட்டு சிக்கலுக்கு நேற்று தீர்வு காணப்பட்டுள்ளது. கொழும்பில் நேற்று நடந்த கூட்டமைப்பின் உயர்மட்ட சந்திப்பில் இதற்கான முடிவுகள் எட்டப்பட்டன. நேற்றுக் காலை 11 மணி தொடக்கம் மாலை 3 மணிவரை இந்த சந்திப்பு நடந்தது.


93 உள்ளூராட்சி சபைகளுக்கு நாளை வேட்புமனுத் தாக்கல் ஆரம்பம்!
[Sunday 2017-12-10 09:00]

93 உள்­ளூ­ராட்சி சபை­க­ளுக்­கான வேட்­பு­ம­னுக்கள் நாளை 11 ஆம் திகதி முதல் 14 ஆம் திகதி பகல் 12.00 மணி­வரை ஏற்­றுக்­கொள்­ளப்­படும். வேட்­பு­ம­னுக்கள் ஏற்­றுக்­கொள்­ளப்­படும் கால­கட்­டத்தில் சம்­பந்­தப்­பட்ட கச்­சேரி சூழலில் பலத்த பாது­காப்பு ஏற்­பா­டுகள் மேற்­கொள்­ளப்­பட­ வேண்­டு­மென தேர்­தல்கள் ஆணைக்குழு பொலிஸாருக்கு ஆலோசனை வழங்கியுள்ளது.


முல்லைத்தீவு கடலில் காணாமல் போனவர் சடலமாக மீட்பு!
[Sunday 2017-12-10 09:00]

முல்லைத்தீவு கடற்பகுதியில் படகில் சென்ற போது, மாயமான நபரின் சடலம் நேற்று கடற்படை மற்றும் மீனவர்களால் மீட்கப்பட்டுள்ளது. கடந்த 8ம் திகதி ஐவர் படகு ஒன்றில் சென்று கொண்டிருந்த வேளை, நீரிழ் மூழ்கி ஒருவர் காணாமல் போனார். இவர்கள் மது அருந்தி விட்டு இவ்வாறு படகில் பயணித்த போதே, இவ்வாறு விபத்துக்குள்ளாகியுள்ளனர். சம்பவத்தில் 27 வயதான ஏ.ஆறுமுகம் என்ற குடும்பஸ்தரே உயிரிழந்துள்ளார்.


கொள்கை ரீதியாக ஒன்றுபட்டவர்கள் பிரிந்து செல்லக் கூடாது! - சம்பந்தன்
[Sunday 2017-12-10 09:00]

கொள்கை ரீதியாக ஒன்றுபட்டவர்கள் சிறு விடயங்களுக்காகப் பிரிந்து செல்லக்கூடாது. நாம் ஒற்றுமையாக இருக்க வேண்டும் என்று தமிழ் தேசியக் கூட்டமைப்பின் தலைவரும், எதிர்க்கட்சித் தலைவருமான இரா.சம்பந்தன் பங்காளிக் கட்சிகளிடத்தில் தெரிவித்துள்ளார். இரா.சம்பந்தன் தலைமையில் நேற்று கொழும்பில் உள்ள எதிர்க்கட்சித் தலைவர் அலுவலகத்தில் இடம்பெற்ற விசேட கூட்டத்திலேயே மேற்கண்டவாறு தெரிவித்துள்ளார்.


கொழும்பில் உள்ள தூதுவரைத் திருப்பி அழைத்தது மலேசியா!
[Sunday 2017-12-10 09:00]

மலேசியப் பிரதமர் இலங்கைக்குப் பயணம் மேற்கொள்ளவுள்ள நிலையில், கொழும்பில் உள்ள தமது தூதுவரை மலேசிய அரசாங்கம் திருப்பி அழைத்துள்ளது. மலேசியப் பிரதமர் நஜிப் ரசாக் இரண்டு நாள் அதிகாரபூர்வ பயணமாக அடுத்தவாரம்இலங்கை வரவுள்ளார். எதிர்வரும் 17ஆம் நாள் இரவு கொழும்பு வரும், மலேசியப் பிரதமர் நஜிப் ரசாக் , 19ஆம் நாள் வரை இலங்கையில் தங்கியிருப்பார்.


வடக்கின் ஐந்து மாவட்டங்களுக்குமான தேர்தல் முகவர்களை நியமித்தது தமிழரசுக் கட்சி!
[Sunday 2017-12-10 09:00]

உள்­ளூ­ராட்சி சபைத் தேர்­த­லிற்­கான இலங்­கைத் தமிழ் அர­சுக் கட்­சி­யின் அதி­கா­ர­ம­ளிக்­கப்­பட்ட மாவட்ட முக­வர்­க­ளின் பெயர் விவ­ரங்­களை கட்­சி­யின் செய­லர் மாவட்ட தெரி­வத்­தாட்சி அலு­வ­லர்­க­ளிற்கு அனுப்பி வைத்­துள்­ளார்.


தவராசாவுக்கு மீண்டும் ஈபிடிபி நோட்டீஸ்!
[Sunday 2017-12-10 09:00]

வடக்கு மாகாண எதிர்க்­கட்­சித் தலை­வர் சி.தவ­ரா­சா­வின் தலை­வர் பத­வி­யைப் பறிப்­ப­தில் ஈ.பி.டி.பி. தொடர்ந்­தும் முனைப்­புக் காட்­டு­கின்­றது. வடக்கு மாகாண சபையில் எதிர்க்­கட்­சித் தலை­வ­ராக ஈ.பி.டி.பி. கட்­சியைச் சேர்ந்த தவ­ராசா தற்­போ­து­ வ­ரை­யில் அந்தப் பதவி யிலேயே இருந்து வரு­கின்­றார். உட்­கட்சி முரண்­பாடு கார­ண­மாக குறித்த பத­வி­யினை தவ­ரா­சா­வி­டம் இருந்து பிடுங்கி கிளிநொச்சி மாவட்ட ஈ.பி.டி.பி. உறுப்பினர் தவ­நா­த­னுக்கு வழங்க முயற்­சிக்­கப்­பட்ட நிலை­யில் அந்த முயற்சி தோல்வி அடைந்து தவ­ராசா எதிர்க் கட்­சித் தலை­வ­ராகத் தொடர்­கின்­றார்.


ரணிலின் கையில் கிடைத்த 300 மில்லியன் ரூபா காசோலை!
[Sunday 2017-12-10 09:00]

ஹம்பாந்தோட்டை துறைமுகத்தை சீன கம்பனிக்கு கையளிக்கும் உத்தியோகபூர்வ நிகழ்வு நேற்று பாராளுமன்றக் கட்டடத் தொகுதியில் பிரதமர் ரணில் விக்கிரமசிங்க தலைமையில் நடைபெற்றது. ஒப்பந்தம் அடிப்படையில் ஆரம்ப முதலீடான 300 மில்லியன் அமெரிக்க டொலர்களை ஹம்பாந்தோட்டை துறைமுகத்தை செயற்படுத்தி நிருவகிக்கவுள்ள சைனா மேர்ச்சன்ட் குரூப் லிமிட்டட் நிறுவனம் நேற்றைய இந்நிகழ்வில் இலங்கை அரசாங்கத்திடம் கையளித்தது.


இளைஞர்களுக்கு கஞ்சா விற்றவர் கைது!
[Sunday 2017-12-10 09:00]

வவுனியா - நெளுக்குளம் பொலிஸ் பிரிவுக்குட்பட்ட பகுதியில் இளைஞர்களுக்கு கஞ்சா விற்பனை செய்து வந்த நபரை நெளுக்குளம் பொலிஸார் கைது செய்துள்ளனர். நெளுக்குளம், குழுமாட்டுச்சந்தி, காத்தான் கோட்டம், தாஸ்கோட்டம், ஊர்மிளா கோட்டம், கூமாங்குளம் போன்ற பகுதியிலுள்ள இளைஞர்களுக்கு கஞ்சா விற்பனை செய்வதாக நெளுக்குளம் பொலிஸாருக்கு கிடைத்த தகவலின் அடிப்படையில் நெளுக்குளம் பொலிஸார் குறித்த நபரை தேடும் நடவடிக்கையில் ஈடுபட்டிருந்தனர்.


கூட்டமைப்பு பிரச்சினைக்கு சுமுகத் தீர்வு!
[Saturday 2017-12-09 19:00]

உள்ளூராட்சித் தேர்தல் ஆசனப்பங்கீடு தொடர்பான தமிழ் தேசியக் கூட்டமைப்புக்குள் காணப்பட்ட, பிரச்சினைகளுக்கும் சுமூகமான தீர்வு எட்டப்பட்டுள்ளதாக, கூட்டமைப்பினால் இன்று மாலை வௌியிடப்பட்டுள்ள அறிக்கையில் கூறப்பட்டுள்ளது.


99 மேலதிக வாக்குகளால் நிறைவேறியது வரவுசெலவுத் திட்டம்!
[Saturday 2017-12-09 19:00]

நல்லாட்சி அரசாங்கத்தின் 3 ஆவது வரவு செலவுத் திட்டம் மூன்றில் இரண்டு பெரும்பான்மையுடன் நாடாளுமன்றத்தில் நிறைவேற்றப்பட்டுள்ளது. இன்றைய வாக்கெடுப்பில் தமிழ் தேசியக் கூட்டமைப்பின் நாடாளுமன்ற உறுப்பினர் சிவசக்தி ஆனந்தன் பங்கேற்கவில்லை.


சிறுமியை பலாத்காரம் புரிந்தவருக்கு தண்டனை வழங்கக் கோரி வவுனியாவில் பேரணி! Top News
[Saturday 2017-12-09 19:00]

வவுனியா - ஓமந்தை அலகல்லு போட்டகுளத்தில் 16 வயது சிறுமியை கர்ப்பமாக்கிய சம்பவத்துடன் தொடர்புபட்ட ஆசிரியருக்கு தகுந்த நடவடிக்கை மேற்கொள்ளுமாறும், சமூகத்தில் இனி இவ்வாறு இடம்பெறக்கூடாது என்றும் தெரிவித்து நொச்சிக்குளம் மகளிர் கிராம அபிவிருத்திச்சங்கத்தினால் இன்று காலை 9.30 மணியளவில் விழிப்புணர்வுப் பேரணி ஒன்று இடம்பெற்றது.


யாழ்ப்பாணம், வவுனியாவில் கட்டுப்பணம் செலுத்தியது ஜேவிபி!
[Saturday 2017-12-09 19:00]

உள்ளூராட்சி சபைத் தேர்தலில் போட்டியிடுவதற்காக ஜேவிபி நேற்று யாழ்ப்பாணம், வவுனியா, மாத்தளை, குருணாகல் உட்பட மேலும் சில மாவட்டங்களில் கட்டுப்பணத்தை செலுத்தியது. யாழ்ப்பாண மாவட்டத்திற்காக ஜேவிபி யின் முன்னாள் நாடாளுமன்ற உறுப்பினரும் அதன் மத்திய செயற்குழு உறுப்பினருமான ராமலிங்கம் சந்திரசேகர தலைமையிலான குழுவினர் யாழ்ப்பாண மாவட்ட செயலகத்தில் நேற்று கட்டுப்பணத்தை செலுத்தினர்.


மாங்குளத்தில் ஊடகவியலாளர் மீது தாக்குதல்!
[Saturday 2017-12-09 19:00]

மாங்குளம்- மல்லாவி வீதியூடாக சென்று கொண்டிருந்த ஊடகவியலாளர் ஒருவர் மீது தாக்குதல் நடத்தப்பட்டுள்ளது. வாள், பொல்லுகளுடன் மோட்டார் சைக்கிளில் வந்த மூவரே இவ்வாறு தாக்குதல் நடத்தியுள்ளதாக கூறப்படுகின்றது. இது தொடர்பில் மாங்குளம் பொலிஸ் நிலையத்தில் முறைப்பாடு பதிவு செய்யப்பட்டுள்ளது.


சீன நிறுவனத்திடம் கையளிக்கப்பட்டது அம்பாந்தோட்டை துறைமுகம்!
[Saturday 2017-12-09 19:00]

அம்பாந்தோட்டை துறைமுகம் அம்பாந்தோட்டை இன்டநெசனல் போட் குரூப் மற்றும் அம்பாந்தோட்டை இன்டநெசனல் போட் சேவிஸ் ஆகிய நிறுவனங்களுக்கு கையளிக்கப்பட்டுள்ளது. இன்று பாராளுமன்ற வளாகத்தில் இந்த நிகழ்வு இடம்பெற்றுள்ளது. இதன்மூலம், மொத்த கொடுப்பனவில் இருந்து முதல் 30 வீதமான, 294 மில்லியன் அமெரிக்க டொலர் திரைசேரிக்கு கிடைக்கப் பெற்றுள்ளது.


உள்ளூராட்சித் தேர்தல் திருத்தச் சட்டம் பாராளுமன்றத்தில் நிறைவேற்றம்!
[Saturday 2017-12-09 19:00]

உள்ளூராட்சித் தேர்தல் திருத்தச் சட்டமூலம் பாராளுமன்றத்தில் இன்று மாலை நிறைவேற்றப்பட்டுள்ளது. இதற்கு ஆதரவாக 137 வாக்குகளும் எதிராக 46 வாக்குகளும் அளிக்கப்பட்டுள்ளதோடு, 8 வாக்குகள் பதிவு செய்யப்படவில்லை என்பது குறிப்பிடத்தக்கது.


மைத்திரியிடம் அரசியல் பேசவில்லை என்கிறார் மகிந்த!
[Saturday 2017-12-09 19:00]

உள்ளூராட்சித் தேர்தலில் சிறிலங்கா சுதந்திரக் கட்சியுடன் கூட்டு எதிரணி இணைந்து போட்டியிடுவதற்கு வாய்ப்பு இல்லை என்று முன்னாள் ஜனாதிபதி மகிந்த ராஜபக்ச தெரிவித்துள்ளார். அமைச்சர் லக்ஸ்மன் யாப்பா அபேவர்த்தனவின் மகனின் திருமண நிகழ்வில் ஜனாதிபதி மைத்திரிபால சிறிசேனவைச் சந்தித்துப் பேசியிருந்த போதிலும், அரசியல் இணைவு பற்றி அவருடன் எந்தப் பேச்சும் நடத்தவில்லை என்றும் அவர் கூறியுள்ளார்.


மலசலகூடக் குழியில் குண்டுகள் மீட்பு!
[Saturday 2017-12-09 19:00]

தெல்லிப்பளை -மாவிட்டபுரம் தெற்கு பகுதியில் பாவனையற்ற மலசலகூட குழியில் இருந்து வெடிக்காத நிலையில் வெடி பொருட்கள் மீட்கப்பட்டுள்ளன. வீட்டின் உரிமையாளர்கள் பாவனையற்ற மலசல கூட குழியினை புனரமைக்க முற்பட்ட போது அந்தக்குழியில் சில வெடி பொருட்களை அவதானித்துள்ளார். உடனடியாக சொண்ட் நிறுவனத்திற்கு அறிவித்தல் வழங்கியதை அடுத்து அவர்கள் ஊடாக ஹெலோற்றஸ் (Halo-trust) பணியாளர்கள் வரவழைக்கப்பட்டு அப்பகுதியில் இருந்த வெடிபொருட்களை மீட்டுள்ளனர்.


திருமலையில் போலி நாணயத் தாள்களை அச்சிட்டவர் கைது! Top News
[Saturday 2017-12-09 19:00]

திருகோணமலை - குச்சவெளி கும்புறுப்பிட்டி - 8ம் வட்டாரத்தில் போலி நாணயத் தாள் அச்சிடும் இடமொன்று சுற்றிவளைக்கப்பட்டுள்ளது. இதன்போது பபொலிஸ் விஷேட அதிரடி படையினர், சந்தேகநபர் ஒருவரையும் கைது செய்துள்ளனர். கடற்படை புலனாய்வு பிரிவினருக்கு கிடைத்த இரகசிய தகவலின் அடிப்படையில், இந்த நடவடிக்கை மேற்கொள்ளப்பட்டுள்ளது. மேலும், சந்தேகநபர் 24 வயதுடைய இளைஞர் எனத் தெரியவந்துள்ளது. இவர் வசம் இருந்து போலி நாணயத்தாள்களை அச்சிடும் கணினி , பிரதி எடுக்கும் இயந்திரம் மற்றும் 1000 ரூபாய் போலி நாணயத் தாள்கள் என்பன கைப்பற்றப்பட்டுள்ளன.


கறுப்பு மழையால் கலக்கம்!
[Saturday 2017-12-09 19:00]

சியம்பலாண்டுவ பிரதேசத்தில் இன்றுமுற்பகல் கறுப்பு நிற மழை பெய்துள்ளது மக்களை ஆச்சரியத்துக்கும் அதிர்ச்சிக்கும் உள்ளாக்கியுள்ளது. பெய்த மழை நீர் கறுப்பு நிறத்தில் இருந்ததைக் கண்டு பயந்த மக்கள், அது குறித்து அனர்த்த முகாமைத்துவ நிலைய அதிகாரிகளுக்குத் தகவல் தெரிவித்தனர். அங்கு வந்த அனர்த்த முகாமைத்துவ நிலைய அதிகாரிகள், மழை நீரின் மாதிரிகளைச் சேகரித்து பரிசோதனைக்காக அனுப்பி வைத்துள்ளனர்.


வவுனியா விபத்தில் விமானப்படைச் சிப்பாய் படுகாயம்!
[Saturday 2017-12-09 19:00]

வவுனியா- கண்டி வீதியில் இன்று மாலை இடம்பெற்ற விபத்தில் விமானப்படை சிப்பாய் படுகாயமடைந்த நிலையில் வவனியா பொது வைத்தியசாலையில் அனுமதிக்கப்பட்டுள்ளார். இன்று மாலை 4 மணியளவில் வன்னி விமானப்படை தளத்திற்கு அருகில் துவிச்சக்கரவண்டியில் சென்று கொண்டிருந்த விமானப்படை சிப்பாயை கார் மோதியதில் இந்த விபத்து இடம்பெற்றது. இவ்விபத்து தொடர்பாக விசாரணைகளை பொலிசார் மேற்கொண்டு வருகின்றனர்.


சுயநலம் மேலோங்கும் போது பிளவுகள் வழக்கமே! - சுயநலமே அதையும் சரி செய்யும் என்கிறார் விக்கி
[Saturday 2017-12-09 09:00]

தமிழ் தேசிய கூட்டமைப்பின் பங்காளி கட்சிகளுக்கிடையில் உருவாகியிருக்கும் பிளவுகள் தொடர்பாக, வடக்கு மாகாண முதலமைச்சர் சீ.வி.விக்னேஸ்வரன் தனது நிலைப்பாட்டைத் தௌிவுபடுத்தியுள்ளார். இது தொடர்பில் அவர் ஊடகங்களுக்கு கருத்து வெளியிடுகையில் - “ சுய நலம் மேலோங்கும் போது இவ்வாறான பிளவுகள் ஏற்படுவது வழக்கம். அதே சுயநலமே அந்தப் பிளவுகளைச் சரி செய்யவும் உதவும்.


வரவுசெலவுத் திட்ட இறுதி வாக்கெடுப்பு இன்று!
[Saturday 2017-12-09 09:00]

வரவு செலவுத் திட்ட மூன்றாம் வாசிப்பு மீதான வாக்கெடுப்பு இன்று மாலை நடைபெறவுள்ளது. நிதி அமைச்சர் மங்கள சமரவீரவினால் கடந்த 9ம் திகதி வரவு செலவுத் திட்டம் பாராளுமன்றத்தில் சமர்ப்பிக்கப்பட்டது. இதற்கமைய, கடந்த 10ம் திகதி முதல் 17ம் திகதி வரை, இரண்டாம் வாசிப்பு மீதான விவாதம் இடம்பெற்றது.


சுமந்திரன் மன்னிப்புக் கோர வேண்டும்! - ஜனநாயக போராளிகள் கட்சி
[Saturday 2017-12-09 09:00]

இந்த மண்ணிற்காய் ஆயுதமேந்தி மரணித்த வீரர்களை பெற்றெடுத்தவர்களிடமும், போராளிகளிடமும் பாராளுமன்ற உறுப்பினர் எம்.ஏ.சுமந்திரன் பகிரங்க பொது மன்னிப்பினை கோர வேண்டும் என ஜனநாயக போராளிகள் கட்சியின் ஊடக பேச்சாளர் துளசி வெளியிட்டுள்ள ஊடக அறிக்கையில் கூறப்பட்டுள்ளது.

SELVI-HOMES-09-02-17
Easankulasekaram-Remax-300716
Mahesan-Remax-169515-Seithy
Tharsi-home-15-10-2016
<P>
 <b> 13-08-2017 அன்று ரொரன்டோவில் நடைபெற்ற இசை மாலைப் பொழுது - 2017 நிகழ்வின் படத்தொகுப்பு.</b> படங்கள்-குணா
</p>
<b>  கனடா-ரொரன்டோவில்  ஜூலை 29ம் 30ம்தி கதிகளில் நடைபெற்ற World Tamil Badminton Federation 5th annual tournament நிகழ்வின் படத்தொகுப்பு.</b> படங்கள்-குணா
<b>  கனடா-ரொரன்டோவில்  ஜூலை 7ம் 8ம் 9ம்தி கதிகளில் நடைபெற்ற குதூகலம் 2017 நிகழ்வின் படத்தொகுப்பு.</b> படங்கள்-குணா