Untitled Document
April 25, 2017 [GMT]
  • Welcome
  • Welcome
டுபாயில் இருந்து தங்கத்துடன் வந்தவர் கட்டுநாயக்கவில் சிக்கினார்!
[Monday 2017-04-17 09:00]

டுபாயிலிருந்து ஒரு தொகை தங்கங்களை கடத்திவர முற்பட்ட இலங்கையர் ஒருவரை கட்டுநாயக்க விமான நிலைய சுங்க அதிகாரிகள் கைது செய்தனர். இலங்கைக்கு 10 கிலோ தங்கத்தை குறித்த நபர் கடத்தி வரமுற்பட்ட வேளை கைது செய்துள்ளதாக விமான நிலையசுங்க அதிகாரிகள் கூறினர். கடத்திவரமுற்பட்ட தங்கத்தின் பெறுமதி 7 கோடி ரூபாவென தெரிவிக்கும் சுங்க அதிகாரிகள் கைதுசெய்யப்பட்ட நபரிடத் தொடர்ந்தும் விசாரணைகளை முன்னெடுத்து வருகின்றனர்.


காணி விடுவிப்பு குறித்து பாதுகாப்புச் செயலருடன் நாளை பேச்சு நடத்துகிறது கூட்டமைப்பு!
[Sunday 2017-04-16 18:00]

காணி விடுவிப்பு மற்றும் காணாமலாக்கப்பட்டோர் பிரச்சினை உள்ளடங்கலாக வடபகுதியில் உள்ள பிரச்சினைகள் தொடர்பாக பாதுகாப்பு அமைச்சின் செயலாளரை தமிழ்த் தேசியக் கூட்டமைப்பு, நாளை சந்தித்துக் கலந்துரையாடவுள்ளதாக கூட்டமைப்பின் நாடாளுமன்ற உறுப்பினர் மாவை சேனாதிராசா தெரிவித்துள்ளார்.


காணாமல் ஆக்கப்பட்டோரின் உறவினர்கள் தொடர் போராட்டம்! Top News
[Sunday 2017-04-16 18:00]

காணாமல் ஆக்கப்பட்ட உறவுகள் குறித்து நியாயம் வழங்கப்படும் வரை தமது போராட்டத்தைக் கைவிடப்போவதில்லை என்றும் காணாமல் ஆக்கப்பட்டோரின் உறவினர்கள் தெரிவித்தனர். வலிந்து காணாமல் ஆக்கப்பட்டுள்ள தமது உறவுகளை மீட்டுத்தருமாறு வலியுறுத்தி, தமிழர் தாயகப் பகுதிகளில் முன்னெடுக்கப்பட்டுவரும், தொடர் கவனயீர்ப்பு போராட்டம் இன்றைய தினமும் முன்னெடுக்கப்பட்டது.


புலிகளிடம் கைப்பற்றிய 37.7 கிலோ தங்கம் மத்திய வங்கியில்! - உரிமையாளர்களிடம் கையளிக்க திட்டம்
[Sunday 2017-04-16 18:00]

விடுதலைப் புலிகளின் கட்டுப்பாட்டிலிருந்த பகுதியில் படையினரால் கைப்பற்றப்பட்ட ஒரு பில்லியன் ரூபா பெறுமதியான தங்கத்தை அவற்றின் உரிமையாளர்களிடம் கையளிப்பதற்கு பாதுகாப்பு அமைச்சு நடவடிக்கை எடுத்துள்ளதாக கொழும்பு ஊடகம் ஒன்று செய்தி வெளியிட்டுள்ளது.


இலங்கைக்கு தெற்கே இந்து சமுத்திரத்தில் நிலஅதிர்வு!
[Sunday 2017-04-16 18:00]

இலங்கைக்கு தெற்காக, இந்து சமுத்திரத்தில் இன்று பிற்பகல் 3.14 மணியளவில் 5.7 ரிக்டர் அளவிலான நில அதிர்வு உணரப்பட்டுள்ளது. இந்த நில அதிர்வு மாத்தறையிலிருந்து 1498.5 கிலோமீற்றர் தொலைவிலும், தங்காலையிலிருந்து 1504.1 கிலோமீற்றர் தொலைவிலும், வெலிகமவிலிருந்து 1512 கிலோமீற்றர் தொலைவிலும் பதிவாகியுள்ளதாக அமெரிக்க புவியியல் ஆய்வு மையம் தெரிவித்துள்ளது.


பதவி விலகவும் தயங்கமாட்டோம்! - மாவை சேனாதிராசா
[Sunday 2017-04-16 18:00]

தமிழ்த் தேசியக் கூட்டமைப்பு பதவி விலகுவது தான் தமிழ் மக்களுடைய பிரச்சனைக்குத் தீர்வாக இருக்குமென்றால், தமிழ் மக்களுடைய பிரச்சனைகளுக்குத் தீர்வை ஏற்படுத்துவதற்காக தமிழ்த் தேசியக் கூட்டமைப்பு பதவி விலக வேண்டுமென்றால், நாங்கள் அதனைச் செய்யத் தயங்க மாட்டோம் என்று, தமிழரசுக் கட்சியின் தலைவர் மாவை சேனாதிராசா தெரிவித்துள்ளார்.


குப்பை மேட்டுக்குள் சிக்கி பலியானோர் தொகை 23 ஆகியது!
[Sunday 2017-04-16 18:00]

மீதொட்டுமுல்லை குப்பை மேடு சரிந்து விழுந்ததில் பலியாகியவர்களின் எண்ணிக்கை 23ஆக அதிகரித்துள்ளதாக, கொழும்பு தேசிய வைத்தியசாலையின் அவசர சிகிச்சைப் பிரிவு அறிவித்துள்ளது. இச்சம்பவத்தின் போது குறைந்தது 20 பேர் காணாமல் போயுள்ளனர் எனத் தெரிவிக்கப்பட்டுள்ளது.


ஜனாதிபதி உத்தரவிட்டும் காணி விடுவிப்பு நடக்கவில்லை! - சம்பந்தனிடம் வருத்தம் வெளியிட்டார் மைத்திரி
[Sunday 2017-04-16 18:00]

தமிழ் மக்­க­ளின் காணி­களை விடு­விப்­ப­தற்­கும் அர­சி­யல் கைதி­களை விடு­விப்­ப­தற்­கும் ஏற்ற நட­வ­டிக்­கை­களை ஆராய்ந்து அறி­விக்­கு­மாறு ஒரு வரு­டத்­திற்கு முன்­னரே ஜனாதிபதி மைத்­தி­ரி­பால சிறி­சேன உத்­த­ர­­விட்­ட­ போ­தும் இது­வ­ரை­யில் ஆக்­க­பூர்­வ­மான எந்­த­வி­த­மான நட­வ­டிக்­கை­க­ளும் எடுக்­கப்­ப­ட­வில்லை என்பதை வருத்­தத்­து­டன் அவரே ஒப்­புக்­கொண்­டதாக இரா. சம்பந்தன் தெரிவித்துள்ளார்.


இலங்கைக்கு வருகிறார் ஜப்பானிய சிறப்பு தூதுவர்!
[Sunday 2017-04-16 18:00]

இலங்கைக்கான ஜப்பானின் சிறப்பு தூதுவர் கலாநிதி ஹிரடோ இசுமி இரண்டு நாள் உத்தியோகபூர்வ பயணத்தை மேற்கொண்டு கொழும்பு வரவுள்ளார். எதிர்வரும் மே மாதம் முதல் வாரத்தில் அவரது இந்தப் பயணம் இடம்பெறளலாம் என எதிர்பார்க்கப்படுகிறது. இலங்கையின் அபிவிருத்திச் செயற்பாடுகளை ஒருங்கிணைப்பதற்கான சிறப்பு பிரதிநிதியாக கலாநிதி ஹிரடோ இசுமியை ஜப்பான் நியமித்துள்ளது.


வவுனியா விபத்தில் 7 பேர் காயம்! Top News
[Sunday 2017-04-16 18:00]

வவுனியா- கல்குணாமடு பகுதியில் இரண்டு வாகனங்கள் இன்று விபத்துக்குள்ளானதில், சாரதிகள் உட்பட 7 பேர் காயமடைந்தனர். கொழும்பில் இருந்து இருந்து வவுனியா நோக்கி சென்ற வான் ஒன்றும், கார் ஒன்றும் ஒன்றையொன்று முந்திச் செல்ல முற்பட்டபோது, இரு வாகனங்களும் பாதையை விட்டு விலகி இந்த விபத்து ஏற்பட்டது. இதன்போது இருவாகனங்களும் சேதத்திற்கு உள்ளாகியுள்ளதுடன் காயமடைந்தவர்கள் வவுனியா வைத்தியசாலையில் அனுமதிக்கப்பட்டு சிகிச்சை பெற்று வருகின்றனர்.


அடம்பனில் விபத்து - தொழில்நுட்ப அதிகாரி பலி! Top News
[Sunday 2017-04-16 18:00]

மன்னார்- அடம்பன் பகுதியில் நேற்று இரவு இடம்பெற்ற விபத்தில், இளம் குடும்பஸ்தரான, மாந்தை மேற்கு பிரதேச செயலக தொழில்நுட்ப உத்தியோகஸ்தர், மரணமானார். 32 வயதுடைய துரைரெட்னம் ரட்னகுமார் என்பவரே இந்த விபத்தில் மரணமானவராவார். நேற்று இரவு அடம்பன் பகுதியில் இருந்து மன்னாரில் உள்ள தனது வீட்டிற்கு மோட்டார் சைக்கிளில் வந்து கொண்டிருந்த போதே அடம்பன் பகுதியில் மரம் ஒன்றுடன் மோதி குறித்த விபத்து நிகழ்ந்துள்ளது.


வியட்நாம் சென்றடைந்த ரணிலுக்கு வரவேற்பு! Top News
[Sunday 2017-04-16 18:00]

பிரதமர் ரணில் விக்ரமசிங்க மூன்று நாள் உத்தியோகபூர்வ பயணமாக இன்று வியட்நாம் சென்றடைந்தார். வியட்நாம் பிரதமரின் அழைப்பின் பேரில் அங்கு சென்ற ரணில் விக்ரமசிங்கவுக்கு செங்கம்பள வரவேற்பு அளிக்கப்பட்டது. இலங்கை - வியட்நாமிற்கு இடையிலான வர்த்தக, பொருளாதார உறவுகளை வலுப்படுத்தும் நோக்கில் இந்த விஜயம் அமையவுள்ளதாக தெரிவிக்கப்பட்டுள்ளது. வியட்நாம் சென்றுள்ள அந்நாட்டு பிரதமர் மற்றும் பல உயர் மட்ட அதிகாரிகளை சந்திக்கவுள்ளார்.


மட்டக்களப்பில் முதலை கடித்து மீனவர் காயம்! Top News
[Sunday 2017-04-16 18:00]

மட்டக்களப்பு - துறைநீலாவணை 6ஆம் வட்டாரத்தைச் சேர்ந்த தெ.காண்டீபன் (வயது 35) என்ற மீனவர் முதலை கடித்து காயமடைந்த நிலையில், கல்முனை வடக்கு ஆதார வைத்தியசாலையில் அனுமதிக்கப்பட்டுள்ளார். கட்டுவலையுடன், இன்று அதிகாலை வீட்டிலிருந்து புறப்பட்ட இவர், மட்டக்களப்பு வாவியில் தோணியில் மீன்பிடி நடவடிக்கையில் ஈடுபட்டிருந்தபோதே, முதலையின் கடிக்கு இலக்கானார்.


மீண்டும் கொழும்பு வரவுள்ளார் இந்திய வெளிவிவகாரச் செயலாளர்!
[Sunday 2017-04-16 08:00]

இந்திய வெளிவிவகாரச் செயலாளர் எஸ். ஜெய்சங்கர் எதிர்வரும் 25ம் திகதி இலங்கைக்கு பயணம் செய்ய உள்ளதாகத் தெரிவிக்கப்படுகிறது. திருகோணமலையில் எண்ணெய்த் தாங்கிகளை இந்தியாவிற்கு குத்தகைக்கு விடுதல் உள்ளிட்ட முக்கியமான சில விடயங்கள் குறித்து பேச்சு நடத்தும் நோக்கில் அவர் இலங்கைக்குப் பயணம் மேற்கொள்ளவுள்ளதாக கூறப்படுகிறது.


தீவிர மதப்பற்றுடையவர்களைக் கொண்ட நாடுகளின் பட்டியலில் இலங்கை முன்னணியில்!
[Sunday 2017-04-16 08:00]

உலக அளவில் தீவிர மதப்பற்றுடையவர்களைக் கொண்ட நாடுகள் பட்டியலில் இலங்கை முன்னணி வகிப்பதாக ஆய்வின் மூலம் தெரியவந்துள்ளது. 99 வீதமான இலங்கையர்கள் தமது மதப்பற்றை வெளிப்படுத்தியதாக, பிரித்தானிய ஊடகமான Telegraph கடந்த 2008, 2009 மற்றும் 2015ஆம் ஆண்டுகளில் மேற்கொண்ட ஆய்வுகளில் தெரிவிக்கப்பட்டுள்ளது.


ஜனாதிபதியின் செயலாளர் வராததால் வடக்கு பட்டதாரிகள் ஏமாற்றம்! Top News
[Sunday 2017-04-16 08:00]

ஜனாதிபதியின் செயலாளர் எம்மை சந்திப்பார் என நாங்கள் நம்பியிருந்த நிலையில், இலங்கை சுதந்திர பட்டதாரிகள் சங்கத்தின் செயலாளர் எங்களை சந்தித்தமை எமக்கு பெரும் ஏமாற்றத்தை கொடுத்துள்ளது என வடமாகாண வேலையற்ற பட்டதாரிகள் கூறியுள்ளனர்.


சுதந்திரக் கட்சி உடையும் ஆபத்து!
[Sunday 2017-04-16 08:00]

எதிர்வரும் மே தினப் பேரணிக்குப் பின்னர் ஸ்ரீலங்கா சுதந்திரக் கட்சியில் பாரிய பிளவு ஏற்படக்கூடும் என அரசியல் விமர்சகர்கள் தெரிவிக்கின்றனர். கடந்த காலங்களில் ஸ்ரீலங்கா சுதந்திரக் கட்சியின் தலைமையிலும் பின்னர் ஐக்கிய மக்கள் சுதந்திரக் கூட்டமைப்பின் கூட்டணி கட்சிகளின் பங்களிப்புடனும் மே தினக் கூட்டம் நடத்தப்பட்டது.


20 பேரைப் பலியெடுத்த குப்பை மேடு! - இயற்கை அனர்த்தமா?- திட்டமிட்ட சதியா? Top News
[Sunday 2017-04-16 08:00]

மீத்தொட்டமுல்லை குப்பை மேடு சரிந்து விழுந்த விபத்தில் உயிரிழந்தவர்களின் எண்ணிக்கை 20 ஆக அதிகரித்துள்ளது. அதேவேளை, மீத்தொட்டமுல்லை குப்பை மேடு சரிந்து வீழ்ந்த சம்பவம் இயற்கையாக ஏற்பட்டதா அல்லது யாரேனும் ஒரு தரப்பினரின் செயற்பாடாக இருக்குமா என்பது தொடர்பாக விசாரிப்பதற்கு பொலிஸார் நடவடிக்கை எடுத்துள்ளனர்.


இரட்டைக் குடியுரிமை கொண்ட மாகாணசபை அமைச்சர்கள், உறுப்பினர்கள் மீது நடவடிக்கை!
[Sunday 2017-04-16 08:00]

இரட்டைக் குடியுரிமை கொண்ட மாகாணசபை அமைச்சர்கள், உறுப்பினர்களுக்கு எதிராக ஒழுக்காற்று நடவடிக்கை எடுக்கப்பட வேண்டுமென ஸ்ரீலங்கா சுதந்திரக் கட்சியின் தொகுதி அமைப்பாளர்கள் சிலர், கட்சியின் பொதுச்செயலாளர் துமிந்த திஸாநாயக்கவிடம் கோரிக்கை முன்வைக்க உள்ளனர். நாடாளுமன்ற தேர்தல்களின் போது இரட்டைக் குடியுரிமை கொண்டவர்கள் தேர்தலில் போட்டியிட முடியாது என அரசியல் அமைப்பில் குறிப்பிடப்பட்டுள்ளது.


வல்வெட்டித்துறை இளைஞன் சென்னை விமான நிலையத்தில் திடீர் மரணம்!
[Sunday 2017-04-16 08:00]

கொழும்பு செல்வதற்கு சென்னை விமான நிலையம் வந்திருந்த இலங்கைப் பயணி ஒருவர் நேற்றுமாலை மாரடைப்பால் மரணம் அடைந்தார். வல்வெட்டித்துறையை சேர்ந்த 26 வயதுடைய சிவநாதன் நிமலன் என்ற இளைஞனே மரணமானவராவார். சிகிச்சைக்காக சென்னை வந்திருந்த அவர், கொழும்பு திரும்புவதற்காக நேற்றுமாலை சென்னை விமான நிலையத்துக்கு வந்திருந்த போதே மாரடைப்பு ஏற்பட்டது. இது குறித்து போலீசார் விசாரணை நடத்தி வருகின்றனர்.


ஐ.தேக எம்.பிக்கள் தனித்து இயங்க திட்டம்!
[Sunday 2017-04-16 08:00]

ஐக்கிய தேசியக் கட்சியின் ஒரு தொகுதி நாடாளுமன்ற உறுப்பினர்கள் நாடாளுமன்றத்தில் தனித்து அமரத் தீர்மானித்துள்ளனர். 1965ம் ஆண்டு பிரதமராக பதவி வகித்த டட்லி சேனாநாயக்கவின் ஆட்சிக் காலத்தில் ஐக்கிய தேசியக் கட்சியின் ஒரு தொகுதி உறுப்பினர்கள் இஞ்சிக் குழு என ஓர் குழு அமைத்து எதிர்க்கட்சியில் அமர்ந்து கொண்டனர். இதேவிதமாக தற்போதைய அரசாங்கத்திலும் ஐக்கிய தேசியக் கட்சியின் ஒரு தொகுதி நாடாளுமன்ற உறுப்பினர்கள், நாடாளுமன்றில் எதிர்க்கட்சி ஆசனத்தில் அமர்ந்து கொள்ளத் தீர்மானித்துள்ளனர்.


இலங்கைப் படையினரை ஆய்வுக்குட்படுத்த வேண்டும்! - ஐ.நா பேச்சாளர்
[Sunday 2017-04-16 08:00]

ஐ.நா அமைதிப்படைக்கு வீரர்களை அனுப்பும் போது, அவர்கள் எந்த பாலியல் துஷ்பிரயோகத்திலும் தொடர்புபடவில்லை என்பதை உறுப்பு நாடுகள் உறுதிப்படுத்த வேண்டும் என ஐ.நா பொதுச்செயலரின் பேச்சாளர் ஸ்டீபன் டுஜாரிக் தெரிவித்துள்ளார்.


50 நாட்களைக் கடந்து நீடிக்கும் போராட்டங்கள்! Top News
[Saturday 2017-04-15 17:00]

கிளிநொச்சி மாவட்டத்தில் வலிந்து காணாமல் ஆக்கப்பட்டவர்களின் விடுதலையையும், வெளிப்படுத்தலையும் வலியுறுத்தி காணாமல் ஆக்கப்பட்டவர்களின் உறவினர்களால் மேற்கொள்ளப்பட்டு வரும் போராட்டம் 55ஆவது நாளாக இன்றும் தொடர்கிறது. குறித்த போராட்டம் கிளிநொச்சி கந்தசுவாமி ஆலய முன்றலில் ஆரம்பிக்கப்பட்டு தற்போது வரையிலும் தொடர்கிறது.


குப்பைமேடு சரிந்த விபத்தில் உயிரிழந்தவர்களின் எண்ணிக்கை 16 ஆக அதிகரிப்பு! Top News
[Saturday 2017-04-15 17:00]

கொலன்னாவ, மீத்தொட்டமுல்ல பிரதேசத்தில் உள்ள குப்பை மேடு நேற்று பிற்பகல் சரிந்து விழுந்து ஏற்பட்ட அனர்த்தத்தில் உயிரிழந்தவர்கள் எண்ணிக்கை 16 ஆக அதிகரித்துள்ளதாக இராணுவ பேச்சாளர் ரொஷான் செனவிரத்ன கூறியுள்ளார். உயிரிழந்தவர்களில் 07 பெண்கள் உட்பட 05 சிறுவர்களும் உள்ளடங்குவதாக தெரிவிக்கப்பட்டுள்ளது


கேப்பாப்பிலவு மக்களின் போராட்டம் நீடிப்பு!
[Saturday 2017-04-15 17:00]

கேப்பாபுலவு மக்கள் மக்கள் நடத்தி வரும் நில மீட்பு போராட்டம் இன்று நாற்பத்தாறாவது நாளாக இடம்பெற்று வருகின்றது. எட்டு வருடங்களாக மாதிரிக்கிராமங்களில் வசித்து வரும் மக்கள் தம்மை சொந்த நிலத்தில் மீள்குடியேற்றுமாறு வலியுறுத்தி இந்த தொடர் போராட்டம் முன்னெடுக்கப்பட்டுள்ளது. தமது தொடர் போராட்டத்திற்கு இதுவரை எந்தவொரு தீர்வும் முன்வைக்கப்படவில்லை என கவலை வெளியிட்டுள்ளனர்.


நாடு கடத்தப்படவுள்ள இலங்கையர் கனடாவுக்கு, விமானத்துக்கு ஆபத்தானவராக அறிவிப்பு!
[Saturday 2017-04-15 17:00]

கனடாவில் இருந்து நாடு கடத்தும் அபாயத்தை எதிர்கொண்டுள்ள ஈழத்தமிழர், குறைந்தது ஒரு மாத காலத்திற்கு தடுப்பு காவலில் வைக்கப்படுவார் என கனடிய ஊடகங்கள் செய்தி வெளியிட்டுள்ளன. 31 வயதான சிவலோகநாதன் தனபாலசிங்கம் என்பவரே இவ்வாறு தடுத்து வைக்கப்படவுள்ளார். தனது மனைவியை கொலை செய்த குற்றத்திற்காக அவர் நாடு கடத்தப்படும் ஆபத்தை எதிர்நோக்கியுள்ளார்.


மட்டக்களப்பு விபத்தில் ஒருவர் பலி, மூவர் படுகாயம்!
[Saturday 2017-04-15 17:00]

மட்டக்களப்பு - காஞ்சிரங்குடா பிரதான வீதியில் நேற்று இடம்பெற்ற விபத்தில் 5 பிள்ளைகளின் தந்தையான வயிரமுத்து யோகலிங்கம் என்பவர் உயிரிழந்தார். மோட்டார் சைக்கிளும் துவிச்சக்கரவண்டியும் மோதியதிலேயே இந்த விபத்து சம்பவித்துள்ளது. இவ்விபத்தில் காயமடைந்த மேலும் மூவர், மட்டக்களப்பு போதனா வைத்தியசாலையில் சிகிச்சை பெற்று வருகின்றனர்.


ரணிலுடன் இணைய வியட்நாம் சென்றார் மனோ!
[Saturday 2017-04-15 17:00]

அமைச்சரும், ஜனநாயக மக்கள் முன்னணி - தமிழ் முற்போக்குக் கூட்டணித் தலைவருமான மனோ கணேசன், நேற்றிரவு வியட்நாம் பயணமானார். தற்போது ஜப்பான் பயணத்தில் இருக்கும் பிரதமர் ரணில் விக்கிரமசிங்க, அங்கிருந்து வியட்நாமிம் செல்லவுள்ளார். வியட்நாமில் உத்தியோகப்பூர்வ பயணத்தை, நாளை ஆரம்பிக்கும் பிரதமரின் தூதுக்குழுவில், அமைச்சர் மனோ கணேசனும் இணைந்து கொள்ளவுள்ளார்.

SELVI-HOMES-09-02-17
Elankeeran-debt-solution-25-06-2016
Mahesan-Remax-169515-Seithy
Easankulasekaram-Remax-300716
Tharsi-home-15-10-2016
<b>08-04-2017 அன்று  மார்க்கத்தில்  நடைபெற்ற IMHO DINNER NIGHT 2017 நிகழ்வின் படத்தொகுப்பு.</b> படங்கள்-குணா
<b>01-04-2017 அன்று ரொரன்டோவில்  நடைபெற்ற PRIMA DANCE NIGHT 2017 நிகழ்வின் படத்தொகுப்பு.</b> படங்கள்-குணா
<b>25-03-2017 அன்று ரொரன்டோவில்  நடைபெற்ற  பைரவி நுண்கலைக் கூட இசை அர்ப்பணம் நிகழ்வின் படத்தொகுப்பு.</b> படங்கள்-குணா