Untitled Document
March 29, 2017 [GMT]
  • Welcome
  • Welcome
இந்திய மீனவர்கள் கைது தொடரும்! - மகிந்த அமரவீர
[Tuesday 2017-03-21 07:00]

இலங்கை கடல் எல்லைக்குள் அத்துமீறும் இந்திய மீனவர்கள் தொடர்ந்தும் கைது செய்யப்படுவர் என கடற்றொழில் அமைச்சர் மஹிந்த அமரவீர தெரிவித்துள்ளார். இந்திய மீனவர்கள் விடுதலை செய்யப்பட்டாலும் அவர்களது படகுகள் விடுவிக்கப்படாது என அவர் குறிப்பிட்டுள்ளார். இலங்கை இந்திய மீனவர் பிரச்சினைக்கு இராஜதந்திர ரீதியில் தீர்வு காண அரசாங்கம் முயற்சிப்பதாகவும் அவர் குறிப்பிட்டுள்ளார்.


ஏப்ரல் 6ஆம் திகதி வழமைக்குத் திரும்புகிறது கட்டுநாயக்க விமான நிலையம்!
[Tuesday 2017-03-21 07:00]

கட்டுநாயக்க பண்டாரநாயக்க சர்வதேச விமான நிலையத்தின் சேவைகள், எதிர்வரும் ஏப்ரல் மாதம் 6ஆம் திகதி முதல் வழமைக்குத் திரும்பும் என்று தலைமை சிவில் பொறியியலாளர் விஜய விதான தெரிவித்துள்ளார். “ஓடுபாதைகளை திருத்தியமைக்கும் பணி ஏப்ரல் மாதம் 5ஆம் திகதி பூர்த்தி செய்யப்படும். இதனையடுத்து ஏப்ரல் மாதம் 6ஆம் திகதி முதல் விமான சேவைகள் வழமைபோல இடம்பெறும். இதன் மறுசீரமைப்பு நடவடிக்கைகள் கடந்த ஜனவரி மாதம் 6ஆம் திகதி ஆரம்பிக்கப்பட்டிருந்தன.


முக்கிய அமைச்சுக்களைக் குறிவைக்கும் பேராசை இல்லை! - என்கிறார் சரத் பொன்சேகா
[Tuesday 2017-03-21 07:00]

முக்கிய அமைச்சுப் பதவிகளை இலக்கு வைக்கும் எவ்வித பேராசையும் தமக்குக் கிடையாது என பிரதேச அபிவிருத்தி அமைச்சர் பீல்ட் மார்சல் சரத் பொன்சேகா தெரிவித்துள்ளார். அமைச்சரவை மாற்றம் தொடர்பில் ஊடகவியலாளர்கள் எழுப்பிய கேள்விக்கு பதிலளித்த போது அவர் இதனைக் குறிப்பிட்டுள்ளார்.“ தற்பொது வகித்து வரும் பதவியை வகிக்கவே நான் விரும்புகின்றேன். மிகவும் சிரமப்பட்டு புதிய அமைச்சு ஒன்று உருவாக்கப்பட்டுள்ளது. இந்த அமைச்சில் தொடர்ந்தும் கடமையாற்றவே விரும்புகின்றேன், முக்கிய அமைச்சுக்கள் தொடர்பில் எனக்கு எவ்வித பேராசையும் கிடையாது என அவர் தெரிவித்துள்ளார்.


லசந்த விக்கிரமதுங்கவைக் கொன்றது கபில ஹெந்தவிதாரண தலைமையிலான குழுவே! - நீதிமன்றில் சிஐடி அறிக்கை
[Monday 2017-03-20 19:00]

ஊடகவியலாளர் லசந்த விக்ரமதுங்கவின் கொலை, புலனாய்வுப் பிரிவின் முன்னாள் பணிப்பாளர் மேஜர் ஜெனரல் கபில ஹெந்தவிதாரணவின் கீழ் இயங்கிய விசேட குழுவினாலேயே மேற்கொள்ளப்பட்டதாக, குற்றப் புலனாய்வுப் பிரிவினர் இன்று நீதிமன்றத்திற்கு தெரியப்படுத்தியுள்ளனர்.


சரணடைந்தவர்களை பேருந்தில் ஏற்றிச் சென்றதை நான் கண்டேன்! - கோத்தாவுக்கு முன்னாள் போராளியின் மனைவி பதில் Top News
[Monday 2017-03-20 19:00]

விடுதலைப் புலிகளின் முக்கிய பொறுப்பில் இந்த பலரை எனது கணவருடன் சேர்த்து அரச பேருந்தில் ஏற்றிச் சென்றார்கள். அதை நான் கண்டேன், தற்போது அவர்கள் எங்கே? என நிர்வாகத்துறை துணை பொறுப்பாளர் இளஞ்சேரனின் மனைவி கேள்வி எழுப்பியுள்ளார். கிளிநொச்சியில் காணாமல் ஆக்கப்பட்டவர்களின் போராட்டம் இன்று 29ஆம் நாளாக தொடர்கின்றது. குறித்த போராட்டத்தில் ஈடுபட்டுள்ள நிர்வாகத்துறை துணை பொறுப்பாளர் இளஞ்சேரனின் மனைவி ஊடகங்களிடம் கருத்து தெரிவிக்கும் போதே இதை கூறினார்.


ஈழத்தமிழ் மாணவியின் ஆய்வுக் கட்டுரைக்கு அமெரிக்க நிறுவனம் விருது! Top News
[Monday 2017-03-20 19:00]

போரால் பாதிக்கப்பட்ட பிரதேசங்களில் இரசாயன ரீதியாக ஏற்படும் தாக்கங்கள் எப்படிப்பட்டதாக இருக்கும், என்னென்ன இரசாயனப் பொருட்கள் இருக்கும் என ஈழத்தமிழ் மாணவி தயாரித்த ஆய்வுக்கட்டுரை சிறந்த ஆய்வுக்கட்டுரையாக அமெரிக்க நிறுவனத்தால் தேர்வு செய்யப்பட்டுள்ளது.வல்வெட்டித்துறை இலக்கணாவத்தையைச் சேர்ந்த இலக்கியா - சிதம்பரநாதனே இச்சாதனையை படைத்துள்ளார்.


ஜனாதிபதியைச் சந்தித்தார் சீன பாதுகாப்பு அமைச்சர்! Top News
[Monday 2017-03-20 19:00]

சீன பாதுகாப்பு அமைச்சரும் அரச ஆலோசகருமான ஜெனரல் சேன்ங் வான்குவாங் இன்று முற்பகல் ஜனாதிபதி மைத்ரிபால சிறிசேனவை சந்தித்து பேச்சு நடத்தியுள்ளார். இலங்கைக்கும் சீனாவுக்குமிடையே இருந்துவரும் நீண்டகால உறவுகளை இதன்போது நினைவுகூர்ந்த ஜனாதிபதி, இலங்கையின் இறைமைக்கும் தேசிய பாதுகாப்புக்கும் சீனாவிடமிருந்து கிடைக்கும் உதவிகளைப் பாராட்டினார்.


திருகோணமலை வளாகத்தில் பரீட்சை மண்டபத்தை அடித்து நொருக்கிய மாணவர்கள்! Top News
[Monday 2017-03-20 19:00]

கிழக்கு பல்கலைக்கழக திருகோணமலை வளாகத்தில் இன்று பரீட்சை நடைபெறுவதாக இருந்தது. ஏற்கனவே பல்கலைக்கழகத்தினுள் ஒழுக்காற்று நடவடிக்கை காரணமாக இடைநிறுத்தப்பட்ட 16 மாணவர்களை பரீட்சைக்கு தோற்ற நிர்வாகம் தடை விதித்திருந்தது. ஆனாலும் அவர்களையும் பரீட்சைக்கு உள்வாங்கக் கோரி மாணவர்களில் பெரும்பாலானவர்கள் பரீட்சையை பகிஷ்கரித்தனர்.


மாணவனின் கையில் கற்பூரம் கொளுத்திய கொடூர ஆசிரியை!
[Monday 2017-03-20 19:00]

பொகவந்தலாவ ரொப்கில் தமிழ் வித்தியாலயத்தில் தரம் 03 ல் கல்வி பயிலும் மாணவன் ஒருவரின் வலது உள்ளங்கையில் வகுப்பாசிரியர் கற்பூரத்தை கொழுத்திய சம்பவம் அந்த பிரதேசத்தில் கொந்தளிப்பை ஏற்படுத்தியுள்ளது. கடந்த வெள்ளிக்கிழமை இந்த சம்பவம் இடம்பெற்றுள்ளதாக பொகவந்தலாவ பொலிஸார் தெரிவித்தனர். இந்த சம்பவம் தொடர்பில் குறித்த பாடசாலை ஆசிரியையை இடம் மாற்றம் செய்யுமாறு கோரி ரொப்கில் தோட்டமக்கள் இன்று ஆர்ப்பாட்டத்தில் ஈடுபட்டனர்.


இராணுவத்தை தண்டிக்க முயற்சிப்பது தார்மீக தன்மைக்கு முரண்! - என்கிறார் தயான் ஜயத்திலக
[Monday 2017-03-20 19:00]

ஆயுத குழுவை தோற்கடித்து நாட்டில் ஜனநாயகத்தை நிலைநிறுத்திக் கொடுத்த பின்னர் சர்வதேச அல்லது தேசிய நீதிபதிகளை உள்ளடக்கிய நீதிமன்றங்களை அமைத்து இராணுவத்தை தண்டிக்க முயற்சிப்பது தார்மீக தன்மைக்கு முரணானது என்று என கலாநிதி தயான் ஜெயத்திலக தெரிவித்தார்.ஐக்கிய நாடுகள் மனித உரிமைகள் பேரவையின் இலங்கை தொடர்பிலான பிரேரணையை இலங்கை கையாளும் விதம் சாதகமானதா என சிவில் அமைப்புகளுடனான சந்திப்பு ஒன்றிலேயே அவர் மேற்கண்டவாறு குறிப்பிட்டார்.


மகிழ்ச்சியான நாடுகளின் பட்டியலில் இலங்கைக்கு 120 ஆவது இடம்!
[Monday 2017-03-20 19:00]

ஐ.நாவினால் அங்கீகரிக்கப்பட்ட சர்வதேச மகிழ்ச்சி தினம் இன்று கொண்டாடப்படுகின்ற நிலையில் மகிழ்ச்சியான நாடுகளின் பட்டியல் வெளியிடப்பட்டுள்ளது. இதில், இலங்கை இந்த வருடம் 120ஆவது இடத்தை பிடித்துள்ளதுடன், இந்தியா 122ஆவது இடத்தையும் அமெரிக்கா 14 ஆவது இடத்தையும் பிடித்துள்ளன. கடந்த வருடம் நான்காவது இடத்தை பிடித்திருந்த நோர்வே இந்த வருடம் முதலாவது இடத்தை பிடித்துள்ளது. முதலாவது இடத்தில் இருந்த டென்மார்க் இரண்டாம் இடத்தை பிடித்துள்ளது.


மட்டக்களப்பில் மரண வீட்டின் வெடித்த மோதல்! - 7 பேர் காயம்
[Monday 2017-03-20 19:00]

மட்டக்களப்பு- ஆரையம்பதி பகுதியில் மரண வீடொன்றில் ஏற்பட்ட மோதலில் கர்ப்பிணி ஒருவர் உட்பட ஏழுபேர் காயமடைந்தனர். பெண் ஒருவரின் மரண வீட்டில், மரணித்தவரின் மகன்கள் மற்றும் பேரன்களே இவ்வாறு மோதிக் கொண்டனர். குறித்த பெண்ணின் மரணத்தில் சந்தேகம் இருப்பதாக, ஒரு தரப்பினர் கூறியுள்ளனர். இதன்போது ஏற்பட்ட மோதலில் கூரிய ஆயுதத்தால் தாக்குதலும் மேற்கொள்ளப்பட்டுள்ளதாக தெரியவந்துள்ளது.


ஐ.நா மனித உரிமை ஆணையாளரின் எல்லா கருத்துக்களையும் ஏற்க முடியாது! - ரணில்
[Monday 2017-03-20 19:00]

ஐ.நா மனித உரிமை ஆணையாளரின் சில கருத்துக்களை ஏற்றுக்கொள்ள முடியாது என பிரதமர் ரணில் விக்ரமசிங்க தெரிவித்துள்ளார். அம்பாந்தோட்டை வீரகெட்டிய வலஸ்முல்ல பிரதேசத்தில் நேற்று நடைபெற்ற நிகழ்வொன்றில் கலந்து கொண்டு உரையாற்றிய அவர் இவ்வாறு குறிப்பிட்டுள்ளார்.


ஊர்காவற்றுறை கர்ப்பிணி கொலை - கணவனின் இரத்த மாதிரியை பெற நீதிமன்றம் உத்தரவு!
[Monday 2017-03-20 19:00]

ஊர்காவற்றுறை, கரம்பன் பகுதியில் 7 மாத கர்ப்பிணி பெண் ஒருவர் கூரிய ஆயுதத்தால் தாக்கப்பட்டு கொலை செய்யப்பட்ட சம்பவம் தொடர்பில், உயிரிழந்த பெண்ணின் கணவரின் இரத்த மாதிரிகளைப் பெற்றுக்கொள்ள, ஊர்காவற்றுறை நீதிவான் நீதிமன்ற நீதிவான் ஏ.எம்.எம்.றியால், இன்று உத்தரவிட்டார்.


படையினரிடம் சரணடைந்ததை கண்டவர்கள் யாருமில்லை! - கோத்தா கூறுகிறார்
[Monday 2017-03-20 10:00]

போரின் இறு­திக் கட்­டத்­தில் படை­யி­ன­ரி­டம் சர­ணடை­ந்ததைப் பார்த்தவர்கள் எவரும் இல்லை என்று முன்­னாள் பாது­காப்­புச் செய­லர் கோத்­த­பாய ராஜ­பக்ச தெரிவித்துள்ளார். கொழும்பு ஆங்­கி­ல பத்­தி­ரி­கைக்கு வழங்­கிய செவ்­வி­யி­லேயே அவர் மேற்­கண்­ட­வாறு தெரி­வித்­துள்ளார். அவர் மேலும் தெரி­வித்­த­தா­வது,


சுதந்திரமான, பக்கசார்பற்ற செயல்முறைகளை இலங்கை உறுதிப்படுத்த வேண்டும்! - பிரித்தானியா
[Monday 2017-03-20 10:00]

நம்பகமான செயல்முறைகளின் மூலம் சுதந்திரமான பக்கசார்பற்ற செயன்முறைகளை உறுதிப்படுத்துவது முக்கியம் என பிரித்தானியா வலியுறுத்தியுள்ளது. கலப்பு நீதிமன்றப் பொறிமுறைப் பரிந்துரையை நிராகரித்து, இலங்கை அரசின் உயர்மட்டத் தலைவர்கள் அண்மையில் வெளியிட்டு வரும் கருத்துக்கள் தொடர்பாக கொழும்பு ஆங்கில நாளிதழ் ஒன்று எழுப்பிய கேள்விக்குப் பதிலளித்துள்ள பிரித்தானிய தூதரக பேச்சாளர், “நம்பகமான நீதிப் பொறிமுறைகளின் மூலம், 30/1 தீர்மானம் முழுமையாக நடைமுறைப்படுத்தப்படுவதையே பிரித்தானியா எதிர்பார்க்கிறது.


கொழும்பில் கைது செய்யப்பட்ட ஆவா குழு உறுப்பினருக்கு விளக்கமறியல்! - ஒருவருக்கு டெங்கு
[Monday 2017-03-20 10:00]

யாழ்ப்பாணத்தில் இடம்பெற்ற பல்வேறு வாள்வெட்டுச் சம்பவங்களுடன் தொடர்புடையவர் என்ற குற்றச்சாட்டின் பேரில், தெஹிவளையில் உள்ள வீடொன்றில் மறைந்திருந்த நிலையில், பொலிஸாரால் கைது செய்யப்பட்ட “ஆவா” குழு உறுப்பினர்கள் மூவரும் இம்மாதம் 31ஆம் திகதி வரை விளக்கமறியலில் வைக்கப்பட்டுள்ளனர். சந்தேக நபர்கள், யாழ். நீதிமன்ற நீதிவான் முன்னிலையில் நேற்று ஆஜர்படுத்தப்பட்ட போதே, நீதிவான் மேற்கண்டவாறு உத்தரவிட்டார்.


அல்வாயில் நேற்றிரவு வாள்வெட்டு - வயோதிபர் படுகாயம்!
[Monday 2017-03-20 10:00]

பருத்தித்துறை- அல்வாய் பகுதியில் நேற்றிரவு கும்­பல் ஒன்று நடத்திய வாள்வெட்டுத் தாக்குதலில், அவர் படுகாயமடைந்து வைத்­தி­ய­சா­லை­யில் சேர்க்­கப்­பட்­டார் என்று பொலி­ஸார் தெரி­வித்­த­னர். இந்­தச் சம்­ப­வம் அல்­வாய் மகாத்மா வீதி­யில் நேற்­றி­ரவு இடம்­பெற்­றது. அதே இடத்­தைச் சேர்ந்த கு.கந்­த­சாமி (வயது –72) என்­ப­வரே தலை­யில் படு­கா­ய­ம­டைந்து பருத்­தித்­துறை வைத்­தி­ய­சா­லை­யில் சேர்க்­கப்­பட்­டார்.


சம்பந்தன் வீட்டுக்கு முன் போராட்டம்! Top News
[Monday 2017-03-20 10:00]

திருகோணமலையில் வலிந்து காணாமல் ஆக்கப்பட்டோரின் உறவினர்கள் எதிர்கட்சித் தலைவர் சம்பந்தனின் இல்லத்தின் முன் திரண்டு நேற்று மாலை ஆர்ப்பாட்டம் செய்தனர். திருகோணமலை மாவட்டத்தில் வலிந்து காணாமல் ஆக்கப்பட்டோரின் குடும்பத்தினர் மற்றும் உறவினர்கள் 15 தினங்களாக, கிழக்கு மாகாண ஆளுநர் பணிமனையின் முன்னே சுழற்சி முறையிலான உண்ணாவிரதம் மேற்கொண்டு வரும் நிலையில், ஞாயிறன்று மாலை அங்கிருந்து அகன்று திருகோணமலை தபால் நிலைய வீதியில் உள்ள எதிர்க்கட்சித் தலைரின் இல்லத்தின் முன்னே திரண்டனர்.


1750 பேரை அமெரிக்காவுக்குக் கடத்திய கனேடியத் தமிழர்! - குற்றச்சாட்டை மறுக்கிறார்
[Monday 2017-03-20 10:00]

அமெரிக்க சிறைச்சாலையில் தடுத்து வைக்கப்பட்டுள்ள ஸ்ரீகஜமுகன் செல்லையா என்ற இலங்கையர் வருத்தத்தில் உள்ளார் என ஊடகம் ஒன்று செய்தி வெளியிட்டுள்ளது. ஆட்கடத்தல் நடவடிக்கையில் ஈடுபட்ட குற்றத்திற்காக அவர் Natchez பகுதியில் உள்ள Adams County சிறையில் அடைக்கப்பட்டுள்ளார். இலங்கையை பூர்வீகமான கொண்ட 51 வயதுடைய கனேடிய பிரஜையான ஸ்ரீகஜமுகன் செல்லையா, அமெரிக்க FBI அதிகாரிகளினால் கைது செய்யப்பட்டு சிறையில் வைக்கப்பட்டுள்ளார். இந்நிலையில் தனக்கு அங்கு நீதி கிடைக்கவில்லை என அவர் குறிப்பிட்டுள்ளார்.


ஜனாதிபதி, பிரதமருடன் இன்று பேச்சு நடத்துகிறார் சீன பாதுகாப்பு அமைச்சர்!
[Monday 2017-03-20 10:00]

மூன்று நாள் உத்தியோகபூர்வ பயணமாக இலங்கை வந்துள்ள சீன பாதுகாப்பு அமைச்சர் சென்ங் வங்கூவான், ஜனாதிபதி மைத்திரிபால சிறிசேன மற்றும் பிரதமர் ரணில் விக்கிரமசிங்க ஆகியோரை இன்று சந்திக்கவுள்ளார். சீன பாதுகாப்பு அமைச்சர் மற்றும் 21 பிரதிநிதிகள் அடங்கிய குழுவினர், நேற்று இரவு நாட்டை வந்தடைந்ததுடன், இன்றிலிருந்து அரசின் பல்வேறு உயர்மட்ட பிரதிநிதிகளை சந்திக்கவுள்ளனர்.


ஐ.நா மனித உரிமை ஆணையாளரின் அறிக்கை தொடர்பாக புதனன்று விவாதம்!
[Monday 2017-03-20 10:00]

ஐ.நா மனித உரிமை ஆணையாளர் செயிட் அல் ஹுசைன் இலங்கை தொடர்பாக முன்வைத்த எழுத்துமூல அறிக்கை தொடர்பான விவாதம் நாளை மறுதினம் நடைபெறவுள்ளது. இதன்போது விவாதத்தின் ஆரம்பத்தில் இலங்கை தொடர்பான அறிக்கையை உத்தியோகப்பூர்வமாக வெளியிடவுள்ள ஐ.நா. மனித உரிமை ஆணையாளர் செயிட் அல் ஹுசைன் இலங்கை தொடர்பாக பிரதான உரையை நிகழ்த்தவுள்ளார்.


எனது அரசியல் குரு சண்முகதாஸன்! - ஜனாதிபதி
[Monday 2017-03-20 10:00]

எனது அரசியல் குரு தோழர் சண்முகதாஸன் ஆவார். அவரது பாசறைக்குள்ளேயே அவருக்கெதிராக கேள்வி கேட்டு கட்சியை விட்டு வெளியேறியவன் நான் என ஜனாதிபதி மைத்திரிபால சிறிசேன தெரிவித்தார். கொழும்பில் நேற்று இடம்பெற்ற நிகழ்வொன்றில் உரையாற்றியபோதே ஜனாதிபதி மைத்திரிபால சிறிசேன இவ்வாறு தெரிவித்தார். லெனின், கார்ல் மாக்ஸ், மகாத்மா காந்தியின் புகைப்படங்கள் எனது உத்தியோகபூர்வ வாசஸ்தல மாநாட்டு அறையில் இன்றும் உள்ளன என்றும் ஜனாதிபதி குறிப்பிட்டார்.


விமல் வீரவன்சவின் விளக்கமறியல் நீடிப்பு!
[Monday 2017-03-20 10:00]

நிதிக்குற்றப்புலனாய்வு பிரிவினாரால், ஜனவரி மாதம் 10ஆம் திகதி கைது செய்யப்பட்ட தேசிய சுதந்திர முன்னணியின் தலைவரும் நாடாளுமன்ற உறுப்பினருமான விமல் வீரவன்சவின் விளக்கமறியல் ஏப்ரல் மாதம் 3ஆம் திகதி வரையிலும், கோட்டை நீதிமன்றத்தினால் இன்று நீடிக்கப்பட்டது. அரசாங்கத்துக்குச் சொந்தமான 40 வாகனங்களை தவறான முறையில் பயன்படுத்தினார் என்றும் இதனால், அரசாங்கத்துக்கு 91 மில்லியன் ரூபாய் நட்டம் ஏற்பட்டது என்ற குற்றச்சாட்டின் பேரில் அவர் கைது செய்யப்பட்டிருந்தார்.


முள்ளிவாய்க்காலில் மலர்வளையம் வைத்து சுடரேற்றி அஞ்சலி செலுத்தினார் ரொறான்ரோ மேயர்! Top News
[Sunday 2017-03-19 17:00]

இலங்கைக்கான பயணத்தை மேற்கொண்டுள்ள கனடா- ரொறான்ரோ நகர மேயர் ஜோன் ரொறி, இன்று முல்லைத்தீவுக்கு சென்று, இறுதி யுத்தம் இடம்பெற்ற முள்ளிவாய்க்கால் பகுதியில் உள்ள நினைவேந்தல் இடத்தில் மலர்வளையம் வைத்து சுடரேற்றி அஞ்சலி செலுத்தினார். இதன்போது வடமாகாண முதலமைச்சர் சி.வி.விக்னேஸ்வரன், வடமாகாண விவசாய அமைச்சர் பொ.ஐங்கரநேரன், வடமாகாண சபை உறுப்பினர் து.ரவிகரன், ரொறான்ரோ நகரசபை உறுப்பினர் நீதன் சான் உள்ளிட்டவர்களும் உடனிருந்தனர்.


காணாமற்போனவர்களை மீட்டுத் தாருங்கள்! - விக்கியின் காலில் விழுந்து கதறிய உறவுகள் Top News
[Sunday 2017-03-19 17:00]

கிளிநொச்சியில் தொடர் போராட்டத்தில் ஈடுபட்டுள்ள காணாமல் ஆக்கப்பட்டவர்களின் உறவினர்கள், வட மாகாண முதலமைச்சர் சி.வி.விக்கினேஸ்வரனின் காலில் விழுந்து, தங்களின் உறவினர்களை மீட்டுத்தருமாறு கதறி அழுதனர். இன்றுடன் 28 நாளாக கவனயீர்ப்பு போராட்டத்தில் ஈடுப்பட்டு வரும், காணாமல் ஆக்கப்பட்டவர்களின் உறவினர்களை, இன்று காலை 7.45 மணியளவில், முதலமைச்சர் சந்தித்தார்.


போராட்டம் நடத்தும் மக்களுடன் ஜோன் ரொறி சந்திப்பு! Top News
[Sunday 2017-03-19 17:00]

கனடா- ரொறன்ரோ நகர மேயர் ஜோன் ரொறி முல்லைத்தீவு மாவட்டத்தில் , காணாமல்ஆக்கப்பட்ட உறவுகளினால் போராட்டம் முன்னெடுக்கப்படும் இடத்திற்கு சென்று மக்களுடன் கலந்துரையாடினார்.


ரொறான்ரோ மாநகர சபைக்கும், யாழ். மாவட்டத்திற்கும் இடையில் அபிவிருத்தி தொடர்பான உடன்படிக்கை கைச்சாத்து!
[Sunday 2017-03-19 17:00]

கனடாவின் ரொறான்ரோ மாநகர சபைக்கும், யாழ். மாவட்டத்திற்கும் இடையில் அபிவிருத்தி தொடர்பான உடன்படிக்கை இன்று கைச்சாத்திடப்பட்டுள்ளது. இந்த ஒப்பந்தத்தில் ரொறான்ரோ மாநகர சபை சார்பாக ரொறான்ரோ மாநகர மேயர் ஜோன் றொரியும் யாழ். மாவட்டம் சார்பாக வடமாகாண முதலமைச்சர் சி.வி. விக்கினேஸ்வரன், யாழ். மாநகரசபை ஆணையாளர் பொ. வாகீசன் ஆகியோர் கைச்சாத்திட்டுள்ளனர்.

Mahesan-Remax-169515-Seithy
Tharsi-home-15-10-2016
Easankulasekaram-Remax-300716
SELVI-HOMES-09-02-17
Elankeeran-debt-solution-25-06-2016
<b>05-03-2017 அன்று ரொரன்டோவில் நடைபெற்ற Ninaivakal-2017 நிகழ்வின் படத்தொகுப்பு.</b> படங்கள்-குணா
<b>26-02-2017 அன்று ரொரன்டோவில் நடைபெற்ற ARAJEN-Beauty-Forever-2017 நிகழ்வின் படத்தொகுப்பு.</b> படங்கள்-குணா
<b>25-02-2017 அன்று ரொரன்டோவில் நடைபெற்ற NETHRA - Movie Appreciation  நிகழ்வின் படத்தொகுப்பு.</b> படங்கள்-குணா