Untitled Document
June 24, 2016 [GMT]
  • Welcome
  • Welcome
பிரிட்டனிடம் இருந்து விடுதலை பெறும் வாக்கெடுப்புக்கு சட்டத்தை தயார் செய்ய போவதாக ஸ்காட்லாந்து அறிவிப்பு!
[Friday 2016-06-24 19:00]

பிரிட்டனிடம் இருந்து விடுதலை பெறுவதற்கான இரண்டாவது பொது மக்கள் வாக்கெடுப்புக்கு வழிகோலும் சட்டத்தை தன்னுடைய அரசு தயார் செய்ய தொடங்கும் என்று ஸ்காட்லாந்து முதல் அமைச்சர் நிக்கோலா ஸ்டர்ஜன் தெரிவித்திருக்கிறார். பிரிட்டனிடமிருந்து விடுதலை பெறுவதற்கான இரண்டாவது பொது மக்கள் வாக்கெடுப்புக்கு சட்டத்தை தயார் செய்யப்போவதாக ஸ்காட்லாந்து அறிவித்துள்ளது.ஐரோப்பிய ஒன்றியத்தோடு இணைந்திருக்க மிகப் பெருமளவில் ஸ்காட்லாந்து மக்கள் வாக்களித்திருந்தாலும், அவர்களின் விருப்பத்திற்கு எதிரான முடிவு வந்துள்ளதை அடுத்து இந்த அறிவிப்பு வந்துள்ளது.


சீனாவில் சூறைக் காற்றுடன் ஆலங்கட்டி மழை: - 98 பேர் பலி!
[Friday 2016-06-24 19:00]

சீனாவின் ஜியாங்சு மாகாணத்தில் மணிக்கு 100 முதல் 125 கிலோமீட்டர் வேகத்தில் வீசிய சூறைக்காற்றுடன் ஆலங்கட்டி மழை பெய்தது.இதில் மழையினால் ஏற்பட்ட வெள்ளம் மற்றும் இடிபாடுகளில் சிக்கி 98 பேர் பலியாகியுள்ளனர். கடந்த 24 மணிநேரத்தில் பெய்த கனமழையினால் ஜியாங்சு மாகாணத்தின் யான்செங் நகரில் உள்ள நூற்றுக்கணக்கான வீடுகள் சேதமடைந்தன.இவ்வெள்ளத்தில் பல வீடுகள் அடித்துச் செல்லப்பட்டன. இடிபாடுகள் மற்றும் வெள்ளத்தில் சிக்கி 98 பேர் உயிரிழந்தனர். ஆயிரத்துக்கும் அதிகமானவர்கள் காயமடைந்துள்ளனர். சூறைக்காற்றுக்கு தாக்குப் பிடிக்க முடியாமல் ஏராளமான மரங்கள் வேரோடு சாய்ந்து விழுந்து கிடப்பதால் இப்பகுதிகளில் மின்சாரம் தடைபட்டு, நகரமே இருளில் மூழ்கியுள்ளதாக அந்த செய்திகள் குறிப்பிடுகின்றன.


ஐரோப்பிய ஒன்றியத்தை விட்டு வெளியேறும் பிரிட்டன்: - ஸ்திரத்தன்மையை நிலைநாட்ட ஐரோப்பியத் தலைவர்கள் அழைப்பு
[Friday 2016-06-24 19:00]

மக்கள் கருத்தறியும் வாக்கெடுப்பில் ஐரோப்பிய ஒன்றியத்தை விட்டு வெளியேற பிரிட்டன் வாக்களித்திருப்பதற்கு பிறகு, வரவிருக்கும் வாரங்களிலும் மாதங்களிலும் ஸ்திரத்தன்மையை நிலைநாட்ட ஐரோப்பிய தலைவர்கள் அழைப்பு விடுத்துள்ளனர். ஐரோப்பிய ஒன்றியத்திற்குள் சீர்திருத்தங்களும், மாற்றங்களும் கொண்டு வருவதற்கான எச்சரிக்கை அழைப்பு இது என்றும் பலர் தெரிவித்திருக்கின்றனர்.


பிரிட்டிஷ் மக்களின் வாக்குகளை மதிக்கிறேன்: - ஒபாமா
[Friday 2016-06-24 19:00]

அமெரிக்க அதிபர் பராக் ஒபாமா, பிரிட்டிஷ் மக்களின் வாக்குகளை தான் மதிப்பதாகவும், ஆனால் அமெரிக்கா மற்றும் ஐக்கிய ராஜ்ஜியத்தின் இடையே உள்ள உறவு நீடித்து நிலைக்கும் என்றும் கூறியுள்ளார்.மேலும், பிரிட்டன் மற்றும் ஐரோப்பிய ஒன்றியம் இரண்டும் அமெரிக்காவுக்கு தவிர்க்க முடியாத கூட்டாளிகளாக இருப்பதாக தெரிவித்துள்ளார்.குடியரசு கட்சியின் உத்தேச அதிபர் வேட்பாளர் டொனால்ட் ட்ரம்ப், ஐரோப்பிய ஒன்றியத்தில் இருந்து பிரிட்டன் வெளியேறும் முடிவை தான் வரவேற்பதாக கூறியுள்ளார்.


பிரதமர் பதவியிலிருந்து விலகப் போவதாக டேவிட் கேமரன் அறிவிப்பு!
[Friday 2016-06-24 19:00]

ஐரோப்பிய ஒன்றிய வாக்கெடுப்பில் பிரிட்டிஷ் மக்கள் ஒன்றியத்திலிருந்து விலகவேண்டும் என்று அளித்த தீர்ப்பை அடுத்து, பிரிட்டிஷ் பிரதமர் டேவிட் கேமரன் தான் பதவி விலகப் போவதாக அறிவித்திருக்கிறார்.சற்று முன்னர் தனது 10, டௌனிங் வீதி இல்லத்துக்கு வெளியே ஊடகவியலாளர்களிடம் பேசிய டேவிட் கேமரன், எதிர்வரும் அக்டோபரில் தான் பிரதமர் பதவியிலிருந்து விலகப் போவதாக அறிவித்திருக்கிறார். ஐரோப்பிய ஒன்றியத்தில் பிரிட்டன் தொடர்ந்து இருக்கவேண்டுமா என்ற கருத்தறியும் வாக்கெடுப்பின் இறுதி முடிவுகள் அறிவிக்கப்பட்டவுடன் , கேமரன் இந்த அறிவிப்பை வெளியிட்டார்.


மத்திய கலிபோர்னியாவில் காட்டுத் தீ: - நூற்றுக்கணக்கான மக்கள் வெளியேற்றம்
[Friday 2016-06-24 09:00]

மத்திய கலிஃபோர்னியாவில் ஏற்பட்ட காட்டுத்தீ நூற்றுக்கணக்கான மக்களை தங்களது வீடுகளில் இருந்து வெளியேறச் செய்தது. லேக் இசபெல்லா என்ற மலை நகரத்தில் இருந்த 50 முதல் 60 கட்டிடங்கள் அழிந்துள்ளன என்று அதிகாரிகள் தெரிவித்துள்ளனர். அந்த நெருப்பு பெரிய அளவில் வளர்ந்ததால், ஆயிரக்கணக்காண வீடுகள் ஆபத்தின் பிடியில் இருப்பதாக கூறப்படுகிறது


ஸ்காட்லாந்தின் எதிர்காலம் ஐரோப்பிய ஒன்றியத்தில்தான்: - முதல் அமைச்சர் நிக்கோலா ஸ்டர்ஜன்
[Friday 2016-06-24 09:00]

ஸ்காட்லாந்தின் முதல் அமைச்சர் நிக்கோலா ஸ்டர்ஜன் , ஐரோப்பிய ஒன்றிய வாக்கெடுப்பு முடிவுகள் , ஸ்காட்லாந்து மக்கள் ஐரோப்பிய ஒன்றியத்துடன் இணைந்திருப்பதையே தங்கள் எதிர்காலமாகப் பார்க்கிறார்கள் என்பதைக் காட்டுகின்றன என்று கூறியிருக்கிறார்.ஸ்காட்லாந்து ஐக்கிய ராஜ்ஜியத்துடன் இணைந்திருக்க வேண்டுமா என்று மக்களின் கருத்துக்களை அறிய மற்றுமொரு கருத்துக்கணிப்பு நடப்பதற்கான சாத்தியக்கூறு வெகுவாக அதிகரித்துவிட்டதாக செய்தியாளர்கள் கூறுகின்றனர். ஷின் ஃப்யின் (ஐரிஷ் குடியரசுக் கட்சியின்) தலைவர் , டெக்லான் கேர்னி , பிரிட்டிஷ் வாக்கெடுப்பின் முடிவுகள், அயர்லாந்து ஒன்றுபடவேண்டுமா என்பது குறித்த கருத்தறியும் வாக்கெடுப்பு நடத்த வேண்டும் என்பதற்கான வாதத்தைப் பலப்படுத்தியிருக்கின்றன என்றார்.


வாக்கெடுப்பு எதிரொலி: - பிரிட்டன் பவுண்ட் மதிப்பில் பெரும் வீழ்ச்சி
[Friday 2016-06-24 09:00]

பிரிட்டனில் ஐரோப்பிய ஒன்றிய அங்கத்துவம் குறித்த கருத்தறியும் வாக்கெடுப்பின் முடிவுகள் வெளியான நிலையில் அதன் நாணயமான, பவுண்ட் ஸ்டெர்லிங்கின் மதிப்பு கடந்த 30 ஆண்டுகளில் காணாத பெரும் வீழ்ச்சியை சந்தித்தது. நாணய வர்த்தகர்கள் இந்த வாக்கெடுப்பு முடிவுகளை அதிர்ச்சியுடன் எதிர்கொண்டதை அடுத்து இந்த வீழ்ச்சி ஏற்பட்டது.வாக்கெடுப்பு எண்ணிக்கை நடந்த முதல் ஒரு மணி நேரத்தில் அமெரிக்க டாலருக்கு எதிராக பவுண்ட் ஸ்டெர்லிங் உயர்ந்தது


ஐரோப்பிய யூனியனில் இருந்து வெளியேறுகிறது பிரிட்டன்!
[Friday 2016-06-24 09:00]

பொது வாக்கெடுப்பு முடிவுகளின்படி, ஐரோப்பிய யூனியனில் இருந்து பிரிட்டன் வெளியேறுகிறது.ஐரோப்பிய யூனியனின் உறுப்பு நாடாக பிரிட்டன் தொடரலாமா அல்லது வெளியேறலாமா என்பது குறித்த பொது வாக்கெடுப்பு வியாழக்கிழமை நடைபெற்றது.பொது வாக்கெடுப்பில், ஐரோப்பிய யூனியனில் இருந்து பிரிட்டன் வெளியேற வேண்டும் என்று விருப்பம் தெரிவித்து 52 சதவீதம் பேரும், தொடர விருப்பம் தெரிவித்து 48 சதவீதம் பேரும் வாக்களித்திருந்தனர்.


வடகொரியா நடத்திய ஏவுகணை சோதனைக்கு ஐக்கிய நாடுகள் சபை கடும் கண்டனம்!
[Friday 2016-06-24 08:00]

வடகொரியா அணு ஆயுத உற்பத்தி செய்யவும், ஏவுகணை சோதனைகள் நடத்தவும் ஐ.நா. தடை விதித்துள்ளது. அதை பொருட்படுத்தாத வடகொரியா தொடர்ந்து ஏவுகணை சோதனை நடத்தி வருகிறது. நேற்று முன்தினம் மீண்டும் 2 ஏவுகணைகளை கிழக்கு கடற்கரை பகுதியில் வீசி சோதனை நடத்தியது.இந்த இரண்டு ஏவுகணை சோதனையில் ஒன்று தோல்வியில் முடிவடைந்துவிட்டது. ஒரு ஏவுகணை சோதனை வெற்றி அடைந்ததாக வடகொரியா தரப்பில் தெரிவிக்கப்பட்டது.


மஞ்சள் காய்ச்சல் பரவுவதை தடுக்க அவசர தடுப்பூசி இயக்கத்தை தொடங்கவுள்ள உலக சுகாதார நிறுவனம்!
[Friday 2016-06-24 08:00]

உலக சுகாதார நிறுவனம், அங்கோலா மற்றும் காங்கோ நாடுகளின் எல்லைகளில், மஞ்சள் காய்ச்சல் பரவுவதை தடுக்க அவசர தடுப்பூசி இயக்கத்தைத் துவங்க உள்ளது.இந்த பிரசாரம், அடுத்த சில வாரங்களில், தொற்று நோய் பரவி வருவதாக அறிவிக்கப்பட்டுள்ள காங்கோவின் தலைநகரான கின்ஷசாவிலும் தொடங்கப்படவுள்ளது.பத்து வருடங்களில் மிக மோசமான மஞ்சள் காய்ச்சல் பரவலாகக் கருதப்படும் இந்நோய் முதலில்


சட்டவிரோதமாகத் தங்கியிருக்கும் மக்களுக்கு முறையான அனுமதி வழங்கும் ஒபாமாவின் திட்டத்துக்கு பின்னடைவு!
[Friday 2016-06-24 08:00]

அமெரிக்காவில் சட்டவிரோதமாகத் தங்கியிருக்கும் லட்சக்கணக்கான மக்களுக்கு முறையான அனுமதி வழங்கும் அதிபர் பராக் ஒபாமாவின் திட்டத்துக்கு பெருத்த பின்னடைவு ஏற்பட்டுள்ளது.நான்கு நீதிபதிகள் ஒபாமாவின் திட்டத்துக்கு ஆதரவாகவும், நான்கு நீதிபதிகள் எதிராகவும் முடிவெடுத்ததால், அந்த சீர்திருத்த நடவடிக்கைகளை உச்சநீதிமன்றம் தடுத்து நிறுத்தியது.சட்டவிரோதமாகத் தங்கியிருக்கும் சுமார் 40 லட்சம் பேரை நாடுகடத்துவதற்கு பதிலாக, அவர்களுக்கு அமெரிக்காவில் பணியாற்றும் உரிமம் வழங்க ஒபாமா நிர்வாகம் விரும்பியது. ஆனால், நாடாளுமன்ற அதிகார வரம்பைத் தாண்டி, நிர்வாக ரீதியாக ஒபாமா எடுக்க விரும்பிய நடவடிக்கை, அதிகார வரம்பை மீறிய செயல் என்று கூறி, அமெரிக்காவின் 26 மாகாணங்கள் எதிர்ப்புத் தெரிவித்தன.


ஜெர்மனி திரையரங்கில் முகமூடி அணிந்த மர்ம நபர் நடத்திய துப்பாக்கி சூட்டில் 50 பேர் படுகாயம்!
[Thursday 2016-06-23 19:00]

ஜெர்மனியின் பிரஸ்ஸல்ஸ் நகரில் உள்ள கினெபோலிஸ் திரையரங்கு கட்டிடத்திற்குள் அத்துமீறி நுழைந்த அடையாளம் தெரியாத நபர் ஒருவர் அங்கிருந்த நபர்கள் மீது நடத்திய துப்பாக்கி சூட்டில் குறைந்தது 50 பேர் படுகாயம் அடைந்ததாக அந்த நாட்டை சேர்ந்த ஊடகங்கள் செய்தி வெளியிட்டுள்ளன. துப்பாகி சூடு நடத்திய நபர் கையில் துப்பாக்கி மற்றும் வெடிபொருட்கள் அடங்கிய பெல்ட் அணிந்திருந்ததாக சம்பவத்தை நேரில் பார்த்தவர்கள் தெரிவித்துள்ளனர். தற்போது திரையரங்கு முழுவதும் போலீசாரின் கட்டுப்பாட்டில் வந்துள்ளது.


ஜப்பானில் பகிரங்க மன்னிப்பு கேட்ட ஆபாச பட தொழில்களின் சங்கம்!
[Thursday 2016-06-23 18:00]

பெண்கள் சிலரை கட்டாயப்படுத்தி பாலியல் செயல்களில் ஈடுபடுத்தப்பட்டதாக சொல்லப்படும் குற்றச்சாட்டுகளைத் தொடர்ந்து, ஜப்பானின் பல பில்லியன் டாலர்களை குவிக்கும் ஆபாச பட தொழில்களின் சார்பாக சங்கம் ஒன்று மன்னிப்பு கோரியுள்ளது.கடந்த காலங்களில் ஏற்பட்ட பிரச்சனைகளை விரைந்து தீர்க்கப்படாததற்கு மன்னிப்பு கேட்டுக் கொள்வதாக அறிவுசார் சொத்து ஊக்குவிப்பு சங்கம் தெரிவித்துள்ளது. இந்த மாத தொடக்கத்தில், பெண் ஒருவரை மிரட்டி கட்டாயப்படுத்தி நூறுக்கும் மேற்பட்ட ஆபாச படங்களை எடுத்த குற்றச்சாட்டில் திறமைகளை அடையாளம் காணும் மூன்று முகவர்கள் கைது செய்யப்பட்டுள்ளார்கள்.


லத்தீன் அமெரிக்காவில் ஜிகா வைரஸ் பாதிப்பினால் அதிகரிக்கும் கருக்கலைப்புகள்!
[Thursday 2016-06-23 13:00]

கருவில் உள்ள குழந்தைகளில் ஜிகா வைரஸ் தொற்றின் பாதிப்பு குறித்த சுகாதார எச்சரிக்கைகளை தொடர்ந்து, லத்தீன் அமெரிக்காவில் கருக்கலைப்பு செய்யும் பெண்களின் எண்ணிக்கை குறிப்பிடத்தக்க அளவில் உயர்ந்துள்ளதாக ஒரு புதிய ஆய்வு குறிப்பிட்டுள்ளது.பிரேசிலில் கருக்கலைப்புக்கு ஆதரவான போராட்டம்கடந்த நவம்பரில் முதல் ஜிகா வைரஸ் எச்சரிக்கை வெளியிடப்பட்ட பின்னர், பிரேசில் மற்றும் ஈக்வடோர் நாடுகளில், கருக்கலைப்பு மாத்திரைகள் வேண்டி வரும் ஆன்லைன் வேண்டுகோள்களின் எண்ணிக்கை இரட்டிப்பாகியுள்ளதாக டெக்சாஸ் பல்கலைக்கழகம் மற்றும் கேம்பிரிட்ஜ் பல்கலைக்கழகத்தின் ஆராய்ச்சியாளர்கள் கண்டறிந்துள்ளனர் எல் சல்வடோர், கோஸ்டா ரிகா மற்றும் கொலம்பியா ஆகிய நாடுகளில் இந்த எண்ணிக்கை மூன்று மடங்காக உயர்ந்துள்ளது.


பிரித்தானியாவில் மக்கள் கருத்தறியும் வாக்கெடுப்பு தொடங்கியது!
[Thursday 2016-06-23 13:00]

ஐரோப்பிய ஒன்றியத்தில் பிரிட்டன் தொடர்ந்து நீடிக்க வேண்டுமா அல்லது வெளியேற வேண்டுமா என்பதை முடிவு செய்வதற்கான மக்கள் கருத்தறியும் வாக்கெடுப்பு தற்போது நடைபெற்று வருகிறது.அந்த வாக்கெடுப்பில், ஐக்கிய ராஜ்ஜியம் ஐரோப்பிய ஒன்றியத்தின் உறுப்பினராகத் தொடர்ந்து நீடிக்க வேண்டுமா இல்லை வெளியேற வேண்டுமா என்ற ஒரே ஒரு கேள்வி மட்டும் கேட்கப்பட்டுள்ளது.ஐக்கிய ராஜ்ஜியத்தில், அதிகபட்சமாக, 46 மில்லியன் வாக்காளர்கள், வாக்களிக்கத் தகுதி படைத்தவர்கள். ஐரோப்பிய ஒன்றிய உறுப்பினர் தொடர்பாக,


அமெரிக்காவில் தாடியை அகற்ற மறுத்த முஸ்லிம் போலீஸ் அதிகாரி இடைநீக்கம்!
[Thursday 2016-06-23 13:00]

அமெரிக்காவின் நியுயார்க் நகரில் காவல் துறையில் அதிகாரியாகப் பணியாற்றி வரும் முஸ்லிம் ஒருவர், தாடியை அகற்ற மறுத்த காரணத்தால் பணியிலிருந்து இடைநீக்கம் செய்யப்பட்டுள்ளார். தனக்கு எதிராக மேற்கொள்ளப்பட்ட நடவடிக்கைக்கு எதிராக, மசூத் சையத் என்ற 32 வயது அதிகாரி நீதிமன்றத்தில் போராடி வருகிறார்.நியுயார்க் காவல் துறை விதிகளின்படி, அதில் பணியாற்றும் அதிகாரிகள் தாடி வைக்கக் கூடாது.


பசுபிக் பகுதியில் உள்ள அமெரிக்க நிலைகள் மீது தாக்குதல் நடத்தும் திறன் எங்களுக்கு உள்ளது: - வடகொரிய அதிபர்
[Thursday 2016-06-23 09:00]

வடகொரியா கடந்த புதன்கிழமை நடத்திய ஏவுகணை சோதனை, பசிஃபிக் பகுதியில் உள்ள அமெரிக்க நிலைகள் மீது தாக்குதல் நடத்துவதற்கு தங்களுக்கு உள்ள திறமையை நிரூபித்திருக்கிறது என்று வடகொரிய அதிபர் கிம் ஜாங்-உன் தெரிவித்துள்ளார். இரண்டு நடுத்தர ரக ஏவுகணைகள் சோதனையை, கிம் நேரடியாக மேற்பார்வையிட்டதாக பியாங்யாங்கில் உள்ள அரசு ஊடகம் தெரிவித்துள்ளது.


துப்பாக்கிக் கலாசாரத்தைக் கட்டுப்படுத்த கோரி ஜனநாயகக் கட்சி உறுப்பினர்கள் போராட்டம்!
[Thursday 2016-06-23 09:00]

துப்பாக்கிக் கலாசாரத்தைக் கட்டுப்படுத்த கடுமையான விதிகளை அமல்படுத்தக் கோரி, அமெரிக்க நாடாளுமன்றத்தின் கீழவையில், ஜனநாயகக் கட்சி உறுப்பினர்கள் தர்ணா போராட்டத்தில் ஈடுபட்டுள்ளனர்.பிரதிநிதிகள் சபை நிகழ்ச்சி நிரல்களின்படி, அடுத்த வாரம் ஓய்வு விடப்படும் நிலையில், துப்பாக்கி கலாசாரத்தைக் கட்டுப்படுத்துவதற்கான சட்டம் பற்றி விவாதிக்க, அவை நடவடிக்கைகள் தொடர வேண்டும் என அவர்கள்வ லியுறுத்துகின்றனர்.


கொலம்பியா அரசுக்கும் அந்நாட்டு போராளிகளுக்குமிடையே இணக்கப்பாடு!
[Thursday 2016-06-23 08:00]

52 வருடங்களாக நடந்து வந்த உள்நாட்டு மோதலை முடிவுக்கு கொண்டு வர, ஒரு வரலாற்று புகழ் பெற்ற ஒப்பந்தத்தில் கையெழுத்திடும் நிலையை தாங்கள் எட்டி விட்டதாக கொலம்பியா நாட்டு அரசும், ஃபார்க் போராளிகளும் அறிவித்துள்ளனர்.இவர்கள் இருவரும் கூட்டாக வெளியிட்ட ஒரு அறிக்கையில், வியாழக்கிழமையன்று ஹவானாவில் ஃபார்க் குழுவின் தலைவர் டிமோலியோன் ஜிம்மேனேஸுடன், கொலம்பிய அதிபர் யுவான் மானுவெல் சாண்டோஸ் சந்திப்பு நடத்தவுள்ளதாகவும்,


நைஜீரிய தற்காலிக முகாம்களில் ஒரே மாதத்தில் 200 பேர் மரணம்!
[Thursday 2016-06-23 07:00]

போகோ ஹரம் என்ற இஸ்லாமிய தீவிரவாதக் குழுவை விட்டு வெளியேறிய சுமார் 200 பேர், வடகிழக்கு நைஜீரியாவில் உள்ள தாற்காலிக முகாம்களில் கடந்த ஒரு மாதத்தில் மட்டும் பட்டினி மற்றும் வயிற்றுப் போக்கு காரணமாக உயிரிழந்திருக்கிறார்கள். மருத்துவ சேவை தன்னார்வ அமைப்பான எம்.எஸ்.எஃப் இந்தத் தகவலைத் தெரிவித்துள்ளது.பமா நகரில் உள்ள முகாம்களில், பேரழிவை ஏற்படுத்தக்கூடிய மனித அவலம் அரங்கேறிக் கொண்டிருப்பதாக எம்.எஸ்.எஃப் கூறுகிறது.


ஐக்கிய நாடுகள் பொது சபையின் முன்னாள் தலைவர் ஜான் ஆஷ் மாரடைப்பினால் மரணம்!
[Thursday 2016-06-23 07:00]

அமெரிக்காவில், தன் மீது சுமத்தப்பட்ட ஊழல் குற்றச்சாட்டுக்களை சந்தித்து வந்த ஐ.நா பொது சபையின் முன்னாள் தலைவரான ஜான் ஆஷ் உயிரிழந்துள்ளார்.61 வயதாகும் ஜான் ஆஷ், ஆண்டிகுவா மற்றும் பார்புடாவின் ஐநா தூதராக பணியாற்றியுள்ளார்.ஜான் ஆஷ் மாரடைப்பினால் பாதிக்கப்பட்டதாக அவரது வழக்கறிஞர் தெரிவித்தார். கடந்த செப்டம்பர் 2014 வரை, ஓராண்டுக்கு ஐநா பொது சபையின் தலைவராக ஜான் ஆஷ் செயல்பட்டார்.


சீனாவின் நாய் இறைச்சி திருவிழா தொடங்கியது!
[Wednesday 2016-06-22 19:00]

சீனாவின் யூலின் பகுதியில் ஆண்டுதோறும் நாய் இறைச்சி திருவிழா நடத்தப்படுகிறது. இதற்கு உள்நாட்டில் மட்டுமின்றி வெளிநாடுகளிலும் எதிர்ப்பு தெரிவித்து போராட்டங்கள் நடத்தி வருகின்றனர். இந்த விழாவிற்காக 1000 கிலோ மீட்டருக்கு அப்பால் இருந்தும் நாய்கள் கொண்டு வரப்படுவதாகவும், நாய்களுக்கு உணவு, தண்ணீர் வழங்கப்படுவதில்லை என்றும் மிருகவதை எதிர்ப்பாளர்கள் குற்றம் சாட்டுகின்றனர்.இந்நிலையில், கடும் எதிர்ப்புகளுக்கும் மத்தியில் இந்த ஆண்டுக்கான நாய் இறைச்சி திருவிழா தற்போது தொடங்கி களைகட்டத் தொடங்கியுள்ளது.


தீவிரவாதத்தை சமாளிப்பதில் ரஷ்யாவை பின்பற்றாத மேற்குலகம்: - புடின் குற்றச்சாட்டு
[Wednesday 2016-06-22 18:00]

சர்வதேச தீவிரவாதத்தை எதிர்த்து போராடுவதில் ஒருங்கிணைந்த நடவடிக்கை எடுக்க ரஷ்யாவுடன் சேர மேற்கத்திய நாடுகள் தவறி விட்டதாக ரஷ்ய அதிபர் விளாடிமிர் புடின் குற்றம்சாட்டியுள்ளார். இரண்டாம் உலகின் போருக்கு முன்பாக, நாஜி அச்சுறுத்தலுக்கு எதிராகக் கூட்டு நடவடிக்கை எடுக்க சோவியத் விடுத்த அறைகூவலை சில நாடுகள் செவிமடுக்கத் தவறியது போன்ற அதே தவறினை தற்போதும் மேற்கத்திய உலகம் செய்துள்ளதாக ரஷ்ய நாடாளுமன்றத்தின் கீழ் சபையான டூமாவில் உரையாற்றிய புடின் கூறியுள்ளார்.


பாகிஸ்தானில் பிரபல பாடகர் சுட்டுக் கொலை!
[Wednesday 2016-06-22 18:00]

பாகிஸ்தானின் சிறந்த பாடகர்களில் ஒருவராக அறியப்பட்ட அம்ஜத் சப்ரி, நாட்டின் தெற்கு நகரமான கராச்சியில் சுட்டுக் கொல்லப்பட்டுள்ளார்.கவ்வாலி எனப்படும் சுஃபி பக்தி பாடல்கள் பாடுவதில் புகழ் பெற்ற அம்ஜத் சப்ரி, தனது வீட்டுக்கு அருகாமையில் உள்ள பரபரப்பான பகுதியில் காரில் பயணித்து கொண்டிருக்கும் போது, மிக அருகாமையிலிருந்து துப்பாக்கி ஏந்திய இருவரால் சுடப்பட்டுள்ளார்.மருத்துவமனை செல்லும் வழியில், அவர் உயிரிழந்துள்ளார்.


பிரேசிலில் ஒலிம்பிக் டார்ச்சில் பங்கேற்ற சிறுத்தை சுட்டுக் கொல்லப்பட்டது!
[Wednesday 2016-06-22 18:00]

பிரேசிலில் ஒலிம்பிக் டார்ச்சில் பங்கேற்ற சிறுத்தை சுட்டுக் கொல்லப்பட்டது சர்ச்சையை ஏற்படுத்தியுள்ளது. பிரேசிலின் மென்னஸ் நகரில் உள்ள ராணுவ மையத்தில் ஒலிம்பிக் டார்ச் ஓட்டம் நடைபெற்றது, இந்நிகழ்வில் அமேசான் காட்டின்முக்கிய வனவிலங்கான சிறுத்தை பங்கேற்றால் நிகழ்ச்சிக்கு பெருமை சேர்க்கும் விதமாக இருக்கும் என விழா ஏற்பாட்டாளர்கள் கருதினர். இதற்காக வனவிலங்குகள் சரணாலயத்தில் இருந்து ஜுமா என்ற சிறுத்தை கொண்டு வரப்பட்டது. இதன் கழுத்தில் சங்கிலி மாட்டப்பட்டு நிகழ்ச்சி நடந்த இடத்தில் படுக்க வைக்கப்பட்டிருந்தது.


நிதி நெருக்கடியில் ஒலிம்பிக் நடத்தும் ரியோ பிரேசில் அரசின் உதவியை ரியோ நாடியுள்ளது : -
[Wednesday 2016-06-22 07:00]

ஒலிம்பிக் போட்டிகள் தொடங்க இன்னும் ஒன்றரை மாதங்களே உள்ள நிலையில் பொதுச் சேவைக்கான பணம் தீர்ந்துவிட்டதாக ரியோ டி ஜெனிரியோவி‌ன் இடைகால ஆளுநர் தெரிவித்துள்ளார். நிதி பற்றாக்குறை காரணமாக பிரேசில் அரசிடமிருந்து உதவி பெறுவதற்காக அவசர நிலையை பிரகடனம் செய்வதாக இடைகால ஆளுநர் பிரான்சிகோ டோர்னல்லஸ் அறிவித்துள்ளார். ஒலிம்பிக் போட்டியின் போது பாதுகாப்பு, போக்குவரத்து மற்றும் பொதுச் சேவைகளுக்கு நிதி நெருக்கடி ஏற்பட்டுள்ளதால் பிரேசில் அரசின் உதவியை ரியோ நாடியுள்ளதாக அவர் தெரிவித்துள்ளார்.


டொனால்ட் டிரம்பை கொலை செய்ய பாய்ந்த வாலிபரை போலீசார் கைது செய்துள்ளனர்!
[Tuesday 2016-06-21 18:00]

வரும் நவம்பர் மாதம் 8ஆம் தேதி அமெரிக்காவில் அதிபர் தேர்தல் நடைபெறுகிறது. இந்த தேர்தலில் ஜனநாயகக் கட்சி வேட்பாளராக பிரபல தொழிலதிபரான டொனால்ட் டிரம்ப் போட்டியிட, அவரை எதிர்த்து குடியரசுக் கட்சி சார்பில் முன்னாள் அதிபரின் மனைவி ஹிலாரி கிளிண்டன் போட்டியிடுகிறார். இந்நிலையில், லாஸ் வேகாஸ் நகரில் நடைபெற்ற ஜனநாயகக் கட்சியின் பிரச்சார நிகழ்ச்சியில் கடந்த சனிக்கிழமை டொனால்ட் டிரம்ப் பங்கேற்றார். இந்த கூட்டத்தில் ஏராளமானோர் திரண்டிருந்தனர். அப்போது, அங்கு பாதுகாப்புக்கு நின்றிருந்த ஒரு போலீஸ் அதிகாரியின் துப்பாக்கியை உருவி டொனால்ட் டிரம்ப்பை கொல்லப் பாய்ந்த வாலிபரை போலீசார் கைது செய்துள்ளனர்.

NIRO-DANCE-100213
AIRCOMPLUS2014-02-10-14
Tamilfoods-120116
Mahesan-Remax-169515-Seithy
Easankulasekaram-Remax-011214
<b> 11-06-16 அன்று ரொறன்ரோவில் நடைபெற்ற சுபகாணம்-2 இசைத்தட்டு வெளியீடு நிகழ்வின் படத்தொகுப்பு. </b>
<b> 05-06-16 அன்று ரொறன்ரோவில் தமிழ்நாடு  சமூக  மன்றம் - கனடா நடாத்திய கௌரவிப்பு நிகழ்வின் படத்தொகுப்பு.  </b>
<b> 28-05-16  அன்று ரொறன்ரோவில் நடைபெற்ற  MAHAJANAN AWARDS 2016 நிகழ்வின் படத்தொகுப்பு. </b> (Mahajana College Old Students Association - Canada)