Untitled Document
June 23, 2017 [GMT]
  • Welcome
  • Welcome
மைக்ரோசாஃப்ட் இணை நிறுவனரின் அசத்தல் கண்டுபிடிப்பு!
[Thursday 2017-06-01 18:00]

மைக்ரோசாஃப்ட் இணை நிறுவனர் பால் ஆலன் உலகின் மிகப்பெரிய விமானத்தைக் கட்டமைத்துள்ளார். விண்வெளிக்கு ராக்கெட்டை சுமந்து செல்லும் உலகின் மிகப்பெரிய விமானத்தை மைக்ரோசாஃப்ட் இணை நிறுவனர் பால் ஆலன் வடிவமைத்துள்ளார். தன் ஆறு வருட கால உழைப்பின் பலனை இன்று அதிகாரபூர்வமாக அறிவித்துள்ளார். ’ஸ்ட்ராடோலாஞ்ச்’ எனப் பெயரிடப்பட்ட அந்த விமானம் அமெரிக்காவின் கலிபோர்னியா மாகாணத்திலுள்ள ஒரு பாலைவனத்தில் கட்டமைக்கப்பட்டது. 6 ஜெட் என்ஜின்கள், 28 சக்கரங்கள் மிகப் பிரமாண்டமாக இந்த விமானம் கட்டமைக்கப்பட்டுள்ளது.


சூரியனுக்கும் விண்கலம் அனுப்பத் தயாராகிவிட்டது "நாசா"
[Thursday 2017-06-01 09:00]

சூரியனுக்கும் விண்கலம் அனுப்பத் தயாராகிவிட்டது ‘நாசா’. 2018-ம் ஆண்டு சூரியனுக்கு பயணப்படவுள்ளது நாசாவின் ‘தி பார்கர் சோலார் ப்ரோப்’ (The Parker Solar Probe). பல ஆண்டு காலமாக விண்வெளி ஆராய்ச்சியாளர்களைக் கேள்விக்குறியுடனே வைத்திருந்த ’சூரியன்’ குறித்த சந்தேகங்கள் விரைவில் கட்டவிழ்க்கப்பட உள்ளது. சூரியன் குறித்து ஆராய்ச்சி செய்ய உலகின் முதல் விண்கலம் அடுத்தாண்டு விண்ணில் பாயத் தயாராகி வருகிறது. இன்று இந்த விண்கலத்துக்கு பெயர்சூட்டி, அறிவிப்பை அதிகாரப்பூர்வமாக அறிவித்துள்ளது நாசா.


பிலிப்பைன்ஸ் ராணுவத்தினர் வான்வெளி ஒத்திகை: - 10 வீரர்கள் பலி 8 வீரர்கள் காயமடைந்தனர்.
[Thursday 2017-06-01 09:00]

பிலிப்பைன்ஸ் ராணுவத்தினர் நடத்திய வான்வெளி ஒத்திகை தாக்குதலில் குறிதவறியதால், அந்நாட்டு வீரர்கள் 10 பேர் பரிதாபமாக உயிரிழந்தனர். கடந்த 8 நாட்களாக பிலிப்பைன்ஸ் நாட்டில் உள்ள மாராவி தீவு பகுதிகளை ஐ.எஸ் தீவிரவாதிகள் கைப்பற்றி பொதுமக்கள் பலரை மனித கேடயங்களாக பிடித்து வைத்துள்ளனர். அவர்களை மீட்க பிலிப்பைன்ஸ் ராணுவம் முயற்சி எடுத்து வருகிறது.


கனடா - ஒன்ராறியோவில் அடிப்படைச் சம்பளம் மணித்தியாலத்திற்கு 15 டொலர்களாக அதிகரிப்பு: முதல்வர் கத்தலின் வின் தெரிவிப்பு
[Wednesday 2017-05-31 18:00]

கனடா - ஒன்ராறியோவில் மிகக் குறைந்த அளவு ஊதியத்தின் மட்டுப்படுத்தப்பட்ட அளவு மணித்தியாலத்திற்கு 15 டொலர்களாக உயர்த்தப்படும் என்று ஒன்ராறியோ மாகாண அரசாங்கம் இன்று அறிவித்துள்ளது. எனினும் இந்த ஊதிய உயர்வானது எதிர்வரும் 2019ஆம் ஆண்டு சனவரி மாதம் முதலாம் திகதியில் இருந்தே முழுமையாக நடப்புக்கு வரும் என்று முதல்வர் கத்தலின் வின் தெரிவித்துள்ளார்.


ஆப்கானிஸ்தான் காபூலில் குண்டுவெடிப்பு: - 80 பேர் பலி
[Wednesday 2017-05-31 13:00]

காபூல் இந்தியத் தூதரகம் அருகே நடந்த சக்திவாய்ந்த குண்டுவெடிப்பில் 80 பேர் உயிரிழந்துள்ளனர் மற்றும் 300-க்கும் அதிகமானோர் காயமடைந்துள்ளனர். இந்தக் கொடூரத் தாக்குதலுக்கு மோடி கடும் கண்டனங்களைத் தெரிவித்துள்ளார்.


14 வயது சிறுமியை பாலியல் பலாத்காரம் செய்த இரு சிறுவர்கள்: - பார்டியின் போது சம்பவம்
[Wednesday 2017-05-31 09:00]

அமெரிக்காவின் வாஷிங்டன் மாகாணத்தில் நண்பர்கள் வீட்டில் பார்ட்டியில் பங்கேற்ற 14 வயது சிறுமியை, 16 வயது சிறுவர்கள் இருவர் பாலியல் பலாத்காரம் செய்துள்ளனர். மேலும் அந்த சிறுமியின் நிர்வாணப் படத்தை ஸ்னாப் சேட்டிலும் பதிவேற்றி இருக்கின்றனர். கடந்த ஏப்ரல் மாதம் நடந்த இந்த சம்பவம் குறித்து, போலீசில் புகார் தெரிவித்த சிறுமி கூறியதாவது, ஏரோ பாய்ண்ட் பகுதியில் தனது நண்பரின் வீட்டில் பார்ட்டியில் ஈடுபட்டிருந்த போது, திடீரென எனக்கு மயக்கம் வந்தது. அடுத்த நாள் கண்விழிக்கையில் தனது ஷீ-வில் ரத்தம் இருந்தது. மேலும் கடுமையான வயிறு வலியும் ஏற்பட்டது என்று அந்த சிறுமி கூறினாள்.


ஐ.எஸ் தீவிரவாதிகளுக்கு எதிராகச் சண்டையிட குர்திஷ் படையினருக்கு ஆயுதங்கள் அனுப்பும் அமெரிக்கா!
[Wednesday 2017-05-31 09:00]

சிரியாவில் ஐ.எஸ் தீவிரவாதிகளுக்கு எதிராகச் சண்டையிட குர்திஷ் படையினருக்கு ஆயுதங்கள் அனுப்பும் பணியைத் தொடங்கியுள்ளது அமெரிக்கா.


உலக புகையிலை எதிர்ப்பு தினம்: - புகைப்பழக்கத்தில் முதலிடத்தில் இருக்கும் நாடு எது தெரியுமா?
[Wednesday 2017-05-31 09:00]

உலக சுகாதார நிறுவனத்தின் ஆய்வின் அடிப்படையில், புகைப்பழக்கத்தில் சீனா முதலிடத்தில் உள்ளது.உலகம் முழுவதிலும் புகை பிடிப்பவர்களின் எண்ணிக்கை நாளுக்கு நாள் அதிகரித்துவருகிறது. அநேக மக்களின் மரணங்களுக்கு புகைப்பழக்கம் ஒரு காரணியாக இருப்பதாக, மருத்துவ ஆராய்ச்சியாளர்களும் கூறிவருகின்றனர். இந்நிலையில், உலக சுகாதார நிறுவனம் (WHO), புகைப்பழக்கம் அதிகம்கொண்ட நாடுகளின் பட்டியலை வெளியிட்டுள்ளது. மே 31ஆம் தேதி, உலக புகையிலை தினம் கடைபிடிக்கப்படுகிறது. அதை முன்னிட்டு இந்த ஆய்வுப் பட்டியல் வெளியிடப்பட்டுள்ளது.


ஈராக்கில் ஐஸ் கிரீம் சாப்பிட வந்தவர்களைக் கொன்று குவித்த ஐ.எஸ் தீவிரவாதிகள்!
[Wednesday 2017-05-31 09:00]

ஈராக்கில் இரு இடங்களில் நிகழ்ந்த வெடிகுண்டுத் தாக்குதலில் அப்பாவி மக்கள் 30-க்கும் மேற்பட்டோர் உயிரிழந்துள்ளதாக தகவல் வெளியாகியுள்ளது.ஈராக் தலைநகர் பாக்தாத்தில் ரமலான் நோன்பு கழிக்க ஐஸ்க்ரீம் கடைக்குச் சில இஸ்லாமிய குடும்பங்கள் சென்றுள்ளன. அப்போது அங்கு சக்தி வாய்ந்த வெடிகுண்டு வெடித்துள்ளது. இதில் 17 பேர் பலியாகியுள்ளதாகக் கூறப்படுகிறது. ஐஸ்க்ரீம் கடைக்கு வெளியே நிறுத்தப்பட்டிருந்த காரில் வெடிகுண்டு வைக்கப்பட்டு, ரிமோட் மூலம் வெடிக்கச் செய்யப்பட்டதாகத் தெரிவிக்கப்பட்டுள்ளது. இந்தக் குண்டுவெடிப்புச் சம்பவத்துக்கு ஐ.எஸ் அமைப்பினர் பொறுப்பேற்றுக் கொண்டுள்ளனர்.


மான்செஸ்டர் வெடிகுண்டுத் தாக்குதலில் பாதிப்படைந்தோருக்கு நிதி திரட்டும் ஜஸ்டின் பீபர்!
[Wednesday 2017-05-31 07:00]

மான்செஸ்டர் வெடிகுண்டுத் தாக்குதலில் பாதிப்படைந்தோருக்கு நிதி திரட்ட இசைக் கச்சேரி ஒன்று நடைபெறவுள்ளது.கடந்த 22 ஆம் தேதி, இங்கிலாந்து நாட்டின் மான்செஸ்டர் பகுதியில், அமெரிக்க பாப் பாடகி அரினா கிராண்டியின் இசைக் கச்சேரியில் சக்தி வாய்ந்த குண்டு வெடித்தது. இந்த வெடிகுண்டுத் தாக்குதலில் 22 பேர் பலியாகினர். 50-க்கும் மேற்பட்டோர் காயமடைந்தனர். இந்தத் தாக்குதலுக்கு ஐஎஸ் தீவிரவாத இயக்கம் பொறுப்பேற்றது. இந்தத் தாக்குதலுக்கு உலகம் முழுவதிலும் கடுமையான எதிர்ப்பு கிளம்பியது.


மேகத்தில் டொனால்டு டிரம்பின் முகம்: - வைரலாகும் புகைப்படம்
[Tuesday 2017-05-30 18:00]

அமெரிக்கா ஜனாதிபதி டொனால்டு டிரம்பின் முகத்தை போன்றதொரு மேகத்தின் புகைப்படம் தற்போது வைரலாகியுள்ளது.ஸ்காட்லாந்தை சேர்ந்த Jack Boyle என்பவரை இப்படத்தை கிளிக் செய்துள்ளார்.


பள்ளியின் மீது போர் குற்றம் சுமத்திய மாணவி: - இணையத்தில் வைரலான சிறுமியின் குற்றச்சாட்டு
[Tuesday 2017-05-30 18:00]

ஸ்காட்லாந்தில், 11 வயது பள்ளி மாணவி ஒருவர் தனது பள்ளியின் மீது போர் குற்றம் சுமத்தியது, இணையத்தில் வைரலாக பரவியுள்ளது.அச்சிறுமியின் தந்தை கேவின் பெல், மாணவர்கள் தங்கள் கருத்துகளை தெரிவிக்கும் படிவத்தில் தனது மகள் இவ்வாறு எழுதியுள்ளதாக டிவிட்டரில் புகைப்படத்துடன் வெளியிட்டுள்ளார்.அவரது பள்ளிக்கூடம் ஒரு மாணவரின் தவறான நடத்தைக்காக வகுப்பில் உள்ள அனைத்து மாணவர்களுக்கும் தண்டனை வழங்கியதாம்.


அகதிகள் குடும்பத்தினருடன் இணையும் முறை இனி மெதுவாக தான் செயல்படுத்தப்படும்: - ஜேர்மனியின் திடீர் முடிவு
[Tuesday 2017-05-30 17:00]

அகதிகள் தங்கள் குடும்பத்தினருடன் இணையும் முறை இனி மெதுவாக தான் செயல்படுத்தப்படும் என ஜேர்மனியும், கிரீசும் கூட்டாக ஒப்புக்கொண்டுள்ளன.கிரீஸ் குடிவரவு அமைச்சர் Yiannis Mouzalas, ஜேர்மனியின் உள்துறை அமைச்சர் Thomas deக்கு எழுதியுள்ள கடிதத்தில்,நீங்கள் கூறியபடி ஜேர்மனியில் இருக்கும் கிரீஸ் அகதிகளுடன், அவர்கள் குடும்பம் இணையும் விடயத்தில் நடவடிக்கை இனி மெதுவாகவே இருக்கும் என கூறப்பட்டுள்ளது.


உடன்படிக்கையின்றி வெளியேற பிரித்தானியா தயார்: - தெரெசா மே
[Tuesday 2017-05-30 17:00]

ஐரோப்பிய ஒன்றியத்தால் வழங்கப்படும் உடன்படிக்கை திருப்திகரமாக இல்லாத பட்சத்தில் உடன்படிக்கையின்றி வெளியேற பிரித்தானியா தயார் என பிரதமர் தெரெசா மே தெரிவித்துள்ளார்.ஐரோப்பிய ஒன்றியத்திலிருந்து பிரித்தானியா வெளியேறுவதற்கான அதிகாரப்பூர்வ நடவடிக்கைகள் தொடங்கியுள்ளன.இதற்கிடையே வருகிற 8ம் திகதி பிரித்தானியாவில் பொதுத் தேர்தலும் நடைபெறவுள்ளது.


மான்செஸ்டர் தாக்குதலில் ஈடுபட்ட தீவிரவாதியின் மாயமான நீல வண்ண பெட்டி: - பொலிசாரின் வேண்டுகோள்
[Tuesday 2017-05-30 08:00]

மான்செஸ்டர் தாக்குதலில் ஈடுபட்ட தீவிரவாதியின் மாயமான நீல வண்ண பெட்டி குறித்த தகவல் தெரிய வரும் பொதுமக்கள் உடனடியாக தொடர்பு கொள்ள வேண்டும் என பொலிசார் கோரிக்கை விடுத்துள்ளனர்.மான்செஸ்டர் தாக்குதல் நடத்தப்படுவதன் சில மணி நேரங்களுக்கு முன்னர் தீவிரவாதி சல்மான் அபேதி பயன்படுத்திய நீல வண்ண பெட்டி ஒன்றை விசாரணையின் ஒருபகுதியாக பொலிசார் தேடி வருகின்றனர்.


விமான நிலையத்தில் முழு நிர்வாணமாக அலைந்த மர்ம நபர்!
[Tuesday 2017-05-30 08:00]

ஸ்பெயின் அருகே உள்ள தீவு நாடான மயோர்காவில் அமைந்துள்ள பரபரப்பான விமான நிலையத்தில் மர்ம நபர் முழு நிர்வாணமாக அலைந்த காட்சிகள் வைரலாகியுள்ளது.மயோர்கா தலைநகர் பால்மாவில் அமைந்துள்ளது சுற்றுலாப்பயணிகளால் பரபரப்பாக காணப்படும் Son Sant Joan விமான நிலையம்.குறித்த விமான நிலையத்தில் மர்ம நபர் ஒருவர் நிர்வாணமாக இருக்கை ஒன்றில் ஒய்யாரமாக அமர்ந்திருக்கும் காட்சி உள்ளூர் நாளேடு ஒன்றில் வெளியாகி வைரலாகியுள்ளது.


சீனாவில் தொடங்கிய பாரம்பரிய படகு திருவிழா!
[Monday 2017-05-29 18:00]

சீனாவில் தொடங்கியுள்ள பாரம்பரிய படகு திருவிழா பார்வையாளர்களை வெகுவாக கவர்ந்துள்ளது. சீனாவின் குவாங்டாங் மாகாணத்தில் தொடங்கியுள்ள இந்த திருவிழாவை காண பல்லாயிரக்கணக்கான பார்வையாளர்கள் திரண்டிருந்தனர். மலர்களால் அலங்கரிக்கப்பட்ட படகுகள் பார்வையாளர்களை வெகுவாக கவர்ந்தன. 5 நாட்கள் நடைபெற உள்ள போட்டியை காண அண்டை நகரங்கள் மற்றும் கிராமங்களில் இருந்து பலலட்சம் மக்கள் வருவார்கள் என்று எதிர்பார்க்கப்படுகிறது.


பாகிஸ்தானில் துப்பாக்கி முனையில் பலாத்காரம் செய்யப்பட்ட பெண்ணுக்கு மரண தண்டனை!
[Monday 2017-05-29 17:00]

பாகிஸ்தானில் துப்பாக்கி முனையில் பலாத்காரம் செய்யப்பட்ட பெண்ணுக்கு மரண தண்டனை விதிக்கப்பட்ட சம்பவம் அதிர்ச்சியை ஏற்படுத்தியுள்ளது. பாதிக்கப்பட்ட பெண் கள்ள உறவில் ஈடுபட்டதாக கூறி இந்த தண்டனை விதிக்கப்பட்டுள்ளது. பாகிஸ்தானின் பல்வேறு கிராமங்களில் இன்றும் பெண்களுக்கான அடிப்படை உரிமைகள் மறுக்கப்பட்டு, அடிமைகளை போலவே நடத்தப்பட்டு வருகின்றனர். இந்நிலையில் பாகிஸ்தானின் பஞ்சாப் மாகாணத்தில் அதிர்சியளிக்கும் சம்பவம் ஒன்று அரங்கேறியுள்ளது. பாகிஸ்தானின் லாகூர் நகரிலிருந்து 400 கி.மீட்டர் தொலைவில் ராஜன்பூர் என்ற கிராமம் அமைந்துள்ளது. மதவாதம் நிறைந்த இந்த கிராமத்தில் பெண்களுக்கான பல உரிமைகள் மறுக்கப்பட்டுள்ளது.


அமெரிக்க ஜனாதிபதி டொனால்ட் டிரம்பிற்கு இப்படி ஒரு சோதனையா?
[Monday 2017-05-29 17:00]

அமெரிக்க ஜனாதிபதியான டொனால்ட் டிரம்ப் அண்மையில் சவுதி அரேபியாவுடன் செய்துக்கொண்ட ஆயுத ஒப்பந்தத்தை திரும்ப பெற வேண்டும் என அமெரிக்க நாடாளுமன்றத்தில் கோரிக்கை எழுந்துள்ளது.வெளிநாட்டு சுற்றுப்பயணமாக சவுதி அரேபியா சென்றபோது அந்நாட்டுடன் 110 பில்லியன் டொலர் மதிப்பிலான ஆயுத ஏற்றுமதி ஒப்பந்தத்தில் அமெரிக்க ஜனாதிபதியான டொனால்ட் டிரம்ப் கையெழுத்திட்டுள்ளார்.தற்போது சுற்றுப்பயணத்தை முடித்துக்கொண்டு அமெரிக்கா திரும்பியுள்ள டிரம்பிற்கு கடும் நெருக்கடி ஏற்பட்டுள்ளது.


இந்த ஆண்டில் ஒன்பது ஏவுகணைகளை தொடுத்த வடகொரியா!
[Monday 2017-05-29 17:00]

குறுகிய தூர ஏவுகணையை வடகொரியா ஜப்பானிய கடலில் (சக்கலின் மற்றும் ஆசியப் பகுதிகளுக்கு இடையே ஒரு குறுகலான கடல்) செலுத்தியுள்ளது .வட கொரியாவின் இந்த நடவடிக்கையின் மூலம் அது பிராந்திய அழுத்தங்களை அதிகரித்துள்ளது மேலும் அதன் அணுசக்தி திட்டத்தை கட்டுப்படுத்தும் சர்வதேச முயற்சிகளையும் மீறியுள்ளது.


ஜப்பானை நோக்கி கண்டம் விட்டு கண்டம் பாயும் ஏவுகணையை வீசிய வடகொரியா!
[Monday 2017-05-29 07:00]

ஜப்பான் கடற்பகுதி நோக்கி கண்டம் விட்டு கண்டம் பாயும் ஏவுகணை ஒன்றை வடகொரியா சோதனை செய்துள்ளதாக தென் கொரிய அதிகாரிகள் தகவல் வெளியிட்டுள்ளனர்.குறித்த ஏவுகணை சோதனையானது வட கொரியாவின் கிழக்கு கடற்கரையில் அமைந்துள்ள வொன்ஸான் பகுதியில் இருந்து நடத்தப்பட்டுள்ளதாகவும் தென் கொரியா தெரிவித்துள்ளது.


அமெரிக்காவில் நடந்த துப்பாக்கிச்சூட்டில் 8 பேர் பலி!
[Monday 2017-05-29 07:00]

அமெரிக்காவின் மிசிசிப்பி மாகாணத்தில் உள்ள லிங்கன் கவுண்டி பகுதியில் நடந்த துப்பாக்கிச்சூட்டில் துணை ஷெரீப் உட்பட 8 பேர் பலியாகியுள்ளனர்.அமெரிக்காவின் மிசிசிப்பி மாகாணத்தில் உள்ள லிங்கன் கவுண்டி பகுதியில் உள்ள மூன்று வீடுகளில் இந்த துப்பாக்கிச்சூடு சம்பவம் நடைபெற்றதாக காவல்துறை தரப்பில் தெரிவிக்கப்பட்டுள்ளது.


ராணுவத்துக்கு எதேச்சதிகார உரிமை கொடுக்கும் சட்டத்தை அமல்படுத்திய பிலிப்பைன்ஸ் அதிபர்!
[Sunday 2017-05-28 15:00]

பிலிப்பைன்ஸின் அதிபர் ரோட்ரிகோ ட்யூடர்டே (Rodrigo Duterte), அந்நாட்டின் அதிபராக பதவியேற்றதில் இருந்து பல அதிர்ச்சியளிக்கும் நடவடிக்கைகளை எடுத்து வருகிறார். குறிப்பாக போதைப் பொருளுக்கு எதிராக அவர் தொடுத்த 'போர்' மூலம் பல லட்சம் பேர் பிலிப்பைன்ஸ் போலீஸாரால் கொல்லப்பட்டனர். இந்நிலையில், பிலிப்பைன்ஸில் முஸ்லிம்கள் அதிகம் வசிக்கக் கூடிய தெற்கு பகுதியான மிண்டானவோ (Mindanao) பகுதியில், பல அசம்பாவிதங்கள் நடந்து வருகிறதாம். அங்கு ஐ.எஸ் தீவிரவாத அமைப்புக்கு ஆதரவாக சிலர் செயல்படுகிறார்கள் என்று கூறப்படுகிறது.


மான்செஸ்டர் தாக்குதலில் தந்தைக்காக உயிரை பணயம் வைத்த சிறுமி!
[Sunday 2017-05-28 15:00]

பிரித்தானியா மான்செஸ்டரில் இடம்பெற்ற தீவிரவாத தாக்குதலின் போது 14 வயது சிறுமி தனது தந்தைக்காக உயிரை பணயம் வைத்துள்ள நெகிழ வைக்கும் சம்பவம் வெளிச்சத்திற்கு வந்துள்ளது.14 வயதான டெமி ஹாய்லி என்ற சிறுமி தனது பெற்றோருடன் அரியானா கிராண்டே இசை நிகழ்ச்சிக்கு சென்றுள்ளார். குண்டு வெடிப்பின் போது ஹாய்லின் தந்தை ஆண்டி அப்பகுதிக்கு மிக அருகில் இருந்துள்ளார்.


பிரான்ஸில் கஞ்சா பயன்படுத்தினால் சிறை தண்டனையிலிருந்து விலக்கு: - வருகிறது சட்டம்
[Sunday 2017-05-28 15:00]

பிரான்ஸில் கஞ்சா பயன்படுத்தினால் சிறை தண்டனையிலிருந்து விலக்கு அளிக்கக்கூடிய சட்டம் இந்த வருட இறுதிக்குள் அமுலுக்கு வரவுள்ளது.பிரான்ஸில் கஞ்சா பயன்படுத்தும் நபர்களுக்கு €3,750 வரை அபராதமும், ஒரு வருடம் வரை சிறை தண்டனையும் தற்போது உள்ள சட்டத்தின் படி வழங்கப்படுகிறது. கடந்தாண்டு மட்டும் 180,000 மக்கள் மீது கஞ்சா சட்டத்தின் விதிமுறை மீறல் வழக்கு பதிவுசெய்யபட்டது.


புதிய பட்ஜெட்டின் மூலம் பல லட்சம் வேலை வாய்ப்புகள் உருவாக்கப்படும்: - ட்ரம்ப்
[Sunday 2017-05-28 09:00]

அமெரிக்காவின் ஜனாதிபதியாக பொறுப்பேற்ற பின் டொனால்ட் ட்ரம்ப் தலைமையிலான அரசு முதல் வருடாந்திர பட்ஜெட்டை தாக்கல் செய்ய உள்ளது. இந்நிலையில் ட்ரம்ப், 'இந்த புதிய பட்ஜெட்டின் மூலம், பல லட்சம் வேலைவாய்ப்புகள் உருவாக்கப்படும்' என்று நம்பிக்கை ததும்ப தெரிவித்துள்ளார். கடந்த ஆண்டு நவம்பர் மாதம் நடந்த அமெரிக்க அதிபர் தேர்தலில் ஜனநாயகக் கட்சியைச் சேர்ந்த வேட்பாளரான ஹிலாரி கிளின்டனை வீழ்த்திய குடியரசுக் கட்சியின் வேட்பாளர் டொனால்ட் ட்ரம்ப், இந்தாண்டு ஜனவரி மாதம் அமெரிக்காவின் ஜனாதிபதியாக பதவியேற்றார். பதவியேற்ற பின், பல முஸ்லிம் நாடுகளின் குடிமக்களுக்கு அமெரிக்காவில் நுழையத் தடை, மெக்சிக்கோ எல்லையில் சுவர் எழுப்புவது என்ற பல அதிர வைக்கும் அறிவிப்புகளை வெளியிட்டார். இந்நிலையில் அவர் தலைமையிலான அரசு, முதல் பட்ஜெட்டை தாக்கல் செய்ய உள்ளது.


வட கொரியா அதிபர் புதிய உத்தரவு: - தீவிரமடையும் அமெரிக்கா-வட கொரியா பிரச்சனை
[Sunday 2017-05-28 09:00]

வட கொரியா தலைவர் கிம் ஜோங்-உன்னின் புதிய உத்தரவால் அமெரிக்கா-வட கொரியா இடையேயான பிரச்சனை இன்னும் தீவிரமடைந்துள்ளது.வட கொரியா மீதான அழுத்தத்தை அதிகாரிக்கும் விதமாக அமெரிக்கா தனது விமானம் தாங்கிக் கப்பல்களை மற்றும் தாக்குதல் நீர்மூழ்கி கப்பல்களை கொரிய தீபகற்பத்தில் நிலைநிறுத்தியுள்ளது.


பிலிப்பைன்ஸ் இராணுவத்தினர் 3 பெண்களை கற்பழிக்கும் திறனுடையவர்கள்: - ஜனாதிபதி பேச்சால் சர்ச்சை
[Sunday 2017-05-28 09:00]

பிலிப்பைன்ஸ் இராணுவ வீரர்கள் ஒவ்வொருவரும் 3 பெண்களை பாலியல் பலாத்காரம் செய்ய முடியும் என்று அந்நாட்டி ஜனாதிபதி ரோட்ரிகோ ட்யூட்டரெட்டின் பேசியிருப்பது சர்ச்சையை ஏற்படுத்தியுள்ளது.பிலிப்பைன்ஸ் நாட்டு ஜனாதிபதி சர்ச்சைக்கு பெயர் போனவர். அடிக்கடி ஏதேனும் ஒரு சர்ச்சை ஏற்படுத்தும் விதமாக பேசி சிக்கிக்கொள்வார்.

Elankeeran-debt-solution-25-06-2016
Tharsi-home-15-10-2016
Easankulasekaram-Remax-300716
Mahesan-Remax-169515-Seithy
SELVI-HOMES-09-02-17
<b> 10-06-2017 அன்று கனடா - ரொரன்டோவில்          இராகாலயா நுண்கலைக்கூடம் வழங்கிய கானமாருதம் 2017 நிகழ்வின் படத்தொகுப்பு.</b> படங்கள்-குணா
<b> 03-06-2017 அன்று கனடா - ரொரன்டோவில் நடைபெற்ற இதயராகங்கள் இசை நிகழ்வின் படத்தொகுப்பு.</b> படங்கள்-குணா
<b>14-05-2017 அன்று கனடா - ரொரன்டோவில் நடைபெற்ற தாயின்மடியில் நிகழ்வின் படத்தொகுப்பு.</b> படங்கள் - குணா