இலங்கைப் போக்குவரத்துச் சபையின் வடபிராந்தியபணியாளர்களின் கண்டன ஆர்ப்பாட்டம் ஒன்று இன்று யாழ்ப்பாணத்தில் நடைபெற்றது. பருத்தித்துறையிலிருந்து
  

யாழ்ப்பாணம் மத்திய பஸ் நிலையத்திலிருந்து ஆரம்பமாகிய இந்த ஆர்ப்பாட்டம் ஆஸ்பத்திரி வீதி வழியாக யாழ்ப்பாணம் மாவட்டச் செயலகத்தைச் சென்றடைந்தது. அங்கு மேலதிக மாவட்டச் செயலர் பா.செந்தில்நந்தனிடம் மகஜர் ஒன்றும் கையளிக்கப்பட்டது. இந்த ஆர்ப்பாட்டத்தின் போது, ஊடகங்களுக்கு கருத்துத் தெரிவித்த இலங்கை போக்குவரத்துச் சபையின் வடபிராந்திய முகாமையாளர் உபாலி ஹிருபத்கொடுவ, ' வடமாகாணத்தில் இதுவரையில் இலங்கை போக்குவரத்து சபையின் 57 பஸ்கள் மீது தாக்குதல் மேற்கொள்ளப்பட்டுள்ளது. இதனைக் கட்டுப்படுத்த உயர் அதிகாரிகள் நடவடிக்கை எடுக்கத் தவறினால் பஸ் சேவை நடத்தாமல் போராட்டம் நடத்துவோம்' என்றார்.

'கிளிநொச்சி சாலை முகாமையாளரைத் தாக்கச் சென்றுள்ளனர். மன்னாரிலுள்ள பஸ் மீது கடுமையான தாக்குதல் மேற்கொள்ளப்பட்டு, சாரதி கண்ணில் படுகாயமடைந்தார். எமது பஸ்கள் தொடர்ந்தும் தாக்கப்படுவதை அனுமதிக்க முடியாது. தனியார் துறையினர் இவ்வாறான செயற்பாடுகளை நிறுத்த வேண்டும். பஸ்ஸில் பணியாற்றுபவர்களின் பாதுகாப்பு குறித்து அவர்களின் குடும்பத்துக்கு பொறுப்புக்கூற வேண்டியவர் நாங்கள். அவர்கள் எங்களிடம் கேள்விகள் கேட்கின்றனர். தொழிற்சங்கங்களும் எங்களைக் கேள்வி கேட்கின்றன. மாவட்டச் செயலாளர், வடமாகாண மற்றும் மத்திய போக்குவரத்து அமைச்சர்கள், வடமாகாண பிரதிப் பொலிஸ்மா அதிபர், பொலிஸ் நிலையங்களின் பொறுப்பதிகாரிகள் என பல்வேறு தரப்பினர்களுக்கும், இந்தச் சம்பவங்களை தடுத்து நிறுத்துமாறு கோரிக்கை விடுத்தோம். அவர்கள் தடுத்து நிறுத்தாவிடின் பஸ்களை சேவையில் ஈடுபடுத்தாமல் போராட்டம் செய்வோம்' என்றும் அவர் கூறினார்.

'வடமாகாணத்தில் போக்குவரத்துச் சபையின் 250 பஸ்கள் மாத்திரம் சேவையில் ஈடுபடுகின்றனர். ஆனால் சுமார் 1,500 தனியார் பஸ்கள் சேவையில் ஈடுபடுகின்றன. எங்களிடமுள்ள கொஞ்ச பஸ்களை வைத்து மக்களுக்கு சேவை வழங்குவதற்கு ஏன் விடுகின்றீர்கள் இல்லை. எங்களுடன் தனியார் துறையினர் ஏன் போட்டிக்கு வருகின்றனர். இதுவரையில் எந்தவொரு தனியார் பஸ்ஸும் சேதமாக்கப்படவில்லை' என்று அவர் மேலும் கூறினார்.

வன்னி மாவட்டத்தின் முல்லைத்தீவு தேர்தல் தொகுதிக்கான முடிவுகள் வெளியாகியுள்ளன. அதன்படி, முல்லைத்தீவு தேர்தல் தொகுதியில் இலங்கை தமிழரசு கட்சி வெற்றி பெற்றுள்ளது.

யாழ்ப்பாணம் மாவட்டத்தின் மானிப்பாய் தேர்தல் தொகுதியில் தேசிய மக்கள் சக்தி (NPP) வெற்றி பெற்றுள்ளது.

யாழ்ப்பாணம் மாவட்டத்தின் பருத்தித்துறை தேர்தல் தொகுதிக்கான முடிவுகளின் அடிப்படையில் தேசிய மக்கள் சக்தி (NPP) வெற்றி பெற்றுள்ளது.

மட்டக்களப்பு மாவட்டத்திற்கான தபால் மூல வாக்கெடுப்பில் இலங்கை தமிழரசு கட்சி வெற்றி பெற்றுள்ளது.

பொதுத் தேர்தலில் வாக்குகள் எண்ணும் பணியானது யாழ்ப்பாணம் மத்திய கல்லூரியில் அமைக்கப்பட்டுள்ள வாக்கெண்ணும் நிலையத்தில் நடைபெற்று வருகிறது. வன்முறைகளை தடுப்பதற்காக பொலிஸார், இராணுவத்தினர் மற்றும் விசேட அதிரடிப்படையினர் அதி தீவிர பாதுகாப்பு நடவடிக்கைகளில் ஈடுபட்டு வந்த நிலையில் கலகத் தடுப்பு பொலிஸார் குறித்த பகுதிக்கு வரவழைக்கப்பட்டு பாதுகாப்பு பலப்படுத்தப்பட்டுள்ளது.

10 ஆவது பாராளுமன்றத்திற்கான உறுப்பினர்களை தேர்ந்தெடுப்பதற்காக நடைபெற்ற தேர்தலின் யாழ்ப்பாணம் மாவட்டத்தின் நல்லூர் தேர்தல் தொகுதிக்கான முடிவுகள் வெளியாகியுள்ளன.

பாராளுமன்றத்திற்கான உறுப்பினர்களை தேர்ந்தெடுப்பதற்காக நடைபெற்ற தேர்தலின் யாழ்ப்பாணம் மாவட்டத்துக்கான தபால் மூல வாக்கெடுப்பு முடிவுகள் வெளியாகியுள்ளன. அதன்படி, யாழ்ப்பாணம் மாவட்டத்திற்கான தபால் மூல வாக்கெடுப்பில் தேசிய மக்கள் சக்தி (NPP) கட்சி வெற்றி பெற்றுள்ளது.

10 ஆவது பாராளுமன்றத்திற்கான உறுப்பினர்களை தேர்ந்தெடுப்பதற்காக நடைபெற்ற தேர்தலின் வன்னி மாவட்டத்துக்கான தபால் மூல வாக்கெடுப்பு முடிவுகள் வெளியாகியுள்ளன. அதன்படி, வன்னி மாவட்டத்திற்கான தபால் மூல வாக்கெடுப்பில் தேசிய மக்கள் சக்தி (NPP) கட்சி வெற்றி பெற்றுள்ளது.

10 ஆவது பாராளுமன்றத்திற்கான உறுப்பினர்களை தேர்ந்தெடுப்பதற்காக நடைபெற்ற தேர்தலின் யாழ்ப்பாணம் மாவட்டத்தின் யாழ்ப்பாணம் தேர்தல் தொகுதிக்கான வாக்களிப்பு முடிவுகள் வெளியாகியுள்ளன.அதன்படி, யாழ்ப்பாணம் மாவட்டத்தின் யாழ்ப்பாணம் தேர்தல் தொகுதிக்கான முடிவுகளின் அடிப்படையில் தேசிய மக்கள் சக்தி (NPP) கட்சி வெற்றி பெற்றுள்ளது.