பிராந்தியத்தில் நடந்து வரும் மனிதாபிமான நெருக்கடியைக் கருத்தில் கொண்டு, இலங்கையில் புகலிடம் கோருவோர் மற்றும் அகதிகள் வருகை தொடர்பான பிரச்சினை, மீண்டும் மீண்டும் நிகழ்வதாக இருக்கும். ஆகவே இலங்கையில் ஐக்கிய நாடுகளின் அகதிகளுக்கான முகவரக அலுவலகத்தை (யுஎன்எச்சிஆர்) முழு அதிகாரத்துடன் தொடரவேண்டுமெனக் கோரிக்கை விடுத்து 50 சிவில் சமூக அமைப்புகள் கூட்டாக வலியுறுத்தி கடிதமொன்றை அனுப்பியுள்ளன.

2024 ஆம் ஆண்டின் இறுதியில் ஐக்கிய நாடுகளின் அகதிகளுக்கான முகவரகம் இலங்கையில் உள்ள தனது அலுவலகத்தை மூடவுள்ளதாக அறிவித்துள்ளது.

இந்நிலையில், ஜனாதிபதி அநுர குமார திசாநாயக்க, பிரதமர் கலாநிதி ஹரிணி அமரசூரிய மற்றும் வெளிவிவகார அமைச்சர் விஜித ஹேரத் ஆகியோருக்கு சிவில் அமைப்புக்கள் கூட்டாக கடிதமொன்றை அனுப்பியுள்ளன.

குறித்த கடிதத்தில் தெரிவிக்கப்பட்டுள்ளதாவது, இலங்கைக்கு கடந்த வாரம் வருகைதந்த 100க்கும் மேற்பட்ட ரோஹிங்கியா அகதிகள் உட்பட, நாட்டில் ஏற்கனவே உள்ள அகதிகளின் பாதுகாப்பையும் ஆதரவையும், சர்வதேச சட்டத்தின்படி உறுதி செய்ய வேண்டும்.

இலங்கையில் அகதிகளின் தற்காலிக தங்குதலை எளிதாக்குவதோடு, அவர்களின் பாதுகாப்பு, வீட்டுவசதி, உணவு, சுகாதாரம், கல்வி மற்றும் வேலைவாய்ப்பு போன்ற அத்தியாவசிய சேவைகளுக்கான அணுகலை உறுதி செய்ய வேண்டியுள்ளது.

புகலிடம் கோருவோர் மற்றும் அகதிகளின் உரிமைகள் மற்றும் நல்வாழ்வை உறுதி செய்வதற்கும், நிரந்தர மீள்குடியேற்றம் உள்ளிட்ட நீண்டகால தீர்வுகளைக் கண்டறிவதற்கும் நடவடிக்கைகளை முன்னெடுக்க வேண்டியுள்ளது.

அத்துடன், ரோஹிங்கியாக்கள் மற்றும் பிற புகலிடம் கோருவோர் மற்றும் அகதிகளின் அவலநிலை குறித்து உள்ளூர் சமூகங்களுக்கு உணர வைப்பதற்கும், அமைதியான ஒருங்கிணைப்பை ஊக்குவிப்பதற்கும், பாகுபாட்டைத் தடுப்பதற்கும், ரோஹிங்கியாக்கள் மற்றும் இலங்கையில் புகலிடம் தேடும் பிற துன்புறுத்தப்பட்ட சமூகங்களுக்கு நீடித்த தீர்வைத் தேடுவதற்கு சர்வதேச சமூகத்துடன் தொடர்ந்து ஈடுபடுவதற்கு அரசாங்கம் நடவடிக்கைகளை எடுக்க வேண்டும்.

சமீபத்தில் நாட்டிற்கு வருகைதந்த மியன்மார் நாட்டு புகலிடக் கோரிக்கையாளர்களை தரையிறங்க அனுமதித்ததும், கடற்படை, அரசு அதிகாரிகள், குடிமக்கள் மற்றும் முல்லைத்தீவு மற்றும் திருகோணமலையில் உள்ள அரசு சாரா நிறுவனங்கள் அவசர உதவிகளை வழங்கியதும் பாராட்டத்தக்கதாகும்.

இருப்பினும், அவர்கள் கடலில் நீண்ட நேரம் வைக்கப்பட்டிருப்பதும், அவர்கள் தங்க வைக்கப்பட வேண்டிய இடத்தை தீர்மானிப்பதில் அடிக்கடி ஏற்படும் மாற்றங்களும், அவர்கள் தடுத்து வைக்கப்படுவார்கள் என்ற செய்திகளும் எங்களுக்கு கவலையளிக்கின்றன.

அகதிகளின் கதைகள் மனதை வேதனைப்படுத்துகின்றன. அவர்கள் மூன்று படகுகளில் மியான்மரை விட்டு வெளியேறினர், ஒருபடகு மட்டுமே இலங்கையின் கரையை அடைந்துள்ளது. துரதிர்ஷ்டவசமாக, நான்கு குழந்தைகள் உட்பட ஆறு பேர் பயணத்தின் போது பசியால் இறந்துள்ளனர், அவர்களின் உடல்கள் கடலில் வீசப்பட வேண்டியிருந்தது.

ஏற்கனவே தாங்கள் மியான்மரின் ராக்கைன் மாநிலத்திற்கு திருப்பி அனுப்பப்பட்டதாகவும், ஆனால் தங்கள் மீதான வன்முறை காரணமாக மீண்டும் சொந்த நாட்டை விட்டு தப்பியோட வேண்டிய கட்டாயம் ஏற்பட்டதாகவும் அகதிகள் தங்களின் அனுபவங்களை பகிர்ந்து கொண்டுள்ளனர்.

சர்வதேச சட்டத்தின் கீழ் உத்தரவாதம் அளிக்கப்பட்ட உரிமைகளை உறுதி செய்யும் வகையில், புகலிடம் கோருவோர் குறிப்பாக மியான்மர் ரோஹிங்கியா அதிகதிகளில் புகலிடம் கோருவோர் உள்ளிட்டவர்களுக்கு அரசாங்கம் தனது பாதுகாப்பையும் ஆதரவையும் வழங்க வேண்டும்.

இலங்கையர்களை அகதிகளாக அனுப்பும் நாடாக நாம் இருந்துள்ளோம் என்பதை ஒருபோதும் மறந்துவிடக் கூடாது. எமது மக்கள் கடந்த காலங்களில் இதேபோன்ற சூழ்நிலைகளைச் சந்தித்துள்ளனர்.

ஆகவே அரசாங்கம் சர்வதேச மனித உரிமைகள் தரநிலைகளுடன் ஒத்துப்போகும் ஒரு விரிவான அகதிக் கொள்கையை உருவாக்க வேண்டியதன் அவசியத்தையும் எமக்கு நினைவூட்டுகிறது.

அந்தவகையில் ஐ.நா.அகதிகளுக்கான முகவரகத்தின் நீடித்த செயற்பாட்டை உறுதி செய்வதோடு அதற்கான நடவடிக்கைகளையும் அரசாங்கம் உடனடியாக முன்னெடுக்க வேண்டும் என்றுள்ளது.

சீனாவிற்கு நான்கு நாள் உத்தியோகபூர்வ விஜயம் மேற்கொண்டுள்ள ஜனாதிபதி அநுர குமார திசாநாயக்கவிற்கும் சீன ஜனாதிபதி சீ ஜின்பிங்விற்கும் இடையிலான உத்தியோகபூர்வ சந்திப்பு சீன மக்கள் மண்டபத்தில் புதன்கிழமை பிற்பகல் நடைபெற்றது.

சமூக வலைதளங்களிலும் அச்சு மற்றும் இலத்திரனியல் ஊடகங்களிலும் ஜனநாயக தமிழ் தேசிய கூட்டணிக்கு தலைவரை நியமிப்பது தொடர்பில் திட்டமிட்டிருப்பதாக உறுதி கோராத செய்தி ஒன்று வெளியிடப்பட்டிருந்தது. இந்த செய்தியில் உண்மை இல்லை என்றும் இது தென்னிலங்கை அரசியல் சக்திகளின் சதி என்றும் தெரிவித்துள்ள ஜனநாயக தமிழ் தேசிய கூட்டணியின் பேச்சாளர் சுரேஷ் க. பிரேமச்சந்திரன் இந்த பிரித்தாளும் தந்திரோபாயங்களினால் ஜனநாயக தமிழ் தேசிய கூட்டணியின் ஒற்றுமையைச் சிதைக்க முடியாது என்றும் தெரிவித்துள்ளார்.

அனைத்து வலதுசாரிக் கட்சிகளையும் ஒன்றிணைத்து கூட்டணி அமைப்பது குறித்து பேச்சுவார்த்தை நடத்தப்பட்டு வருவதாக ஐக்கிய மக்கள் சக்தி (பேச்சாளரும் பாராளுமன்ற உறுப்பினருமான எஸ்.எம்.மரிக்கார் இன்று ஊடகங்களுக்கு தெரிவித்தார்.

மாங்குளம் கனகராயன்குளம் ஆகிய பிரதேசங்களில் பெய்து வருகிற கனமழை காரணமாக அதிகளவான நீர் வந்து கொண்டிருக்கிறமையால் இரணைமடு குளத்தின் அனைத்து வான் கதவுகளும் திறக்கப்பட்டுள்ளன. இதன் காரணமாக மேலதிக நீர் வெளியிடப்படுகின்றமையால் குளத்தின் கீழ்பகுதியில் வாழுகின்ற மக்கள் மிகவும் அவதானமாக இருக்குமாறு கிளிநொச்சி மாவட்ட அனர்த்த முகாமைத்துவ பிரிவு தெரிவித்துள்ளது.

யாழ். வடமராட்சி கிழக்கு நாகர்கோவில் பகுதியில், புதன்கிழமை அதிகாலை 3 மணியளவில் மர்ம வீடு ஒன்று கரை ஒதுங்கி உள்ளது. தென் கிழக்கு ஆசியா நாடுகளில் இருந்து இந்தமிதவை வீடு வந்து இருக்கலாம் என நம்பப்படுகிறது. குறித்த வீட்டில் பௌத்த சமய மரபு அம்சங்கள் இருக்கின்றன. குறித்த வீட்டை பார்வையிடுவதற்கு மக்கள் குவிந்துள்ளனர்.

பிரித்தானிய தமிழர் பேரவை, பி.த.பே (BTF) வருடாந்த தமிழ் மரபுத் திங்கள் மற்றும் தைப் பொங்கல் விழாவை ஜனவரி 15ஆம் நாள் 2025 அன்று மாலை 6:30 மணிக்கு வெஸ்ட்மின்ஸ்டரிலுள்ள பாராளுமன்ற வளாகத்தில் நடத்த சிறப்பான ஒழுங்கமைப்புகளை மேற்கொண்டுள்ளது.

இலங்கை சிங்கள, பௌத்த நாடாகும். எனவே, கஜேந்திரகுமார் பொன்னம்பலம் போன்றவர்கள் இங்கு துள்ளக்கூடாது.” என்று எச்சரித்துள்ளார் முன்னாள் அமைச்சர் மேர்வின் சில்வா.

தன்னை பாராளுமன்ற உறுப்பினர் பதவியில் இருந்து தகுதி நீக்கம் செய்ய உத்தரவிடக் கோரி தாக்கல் செய்யப்பட்ட மனுவுக்கு வரையறுக்கப்பட்ட ஆட்சேபனைகளை தாக்கல் செய்ய யாழ். மாவட்ட பாராளுமன்ற உறுப்பினர் இராமநாதன் அர்ச்சுனா, தனது சட்டத்தரணிகள் ஊடாக, இன்று மேன்முறையீட்டு நீதிமன்றத்திடம், அனுமதி கோரினார்.

“சிறையில் அரசியல் கைதிகள் இல்லை” என்ற பழைய பல்லவியை பாடாமல் தமிழ் அரசியல் கைதிகளை உடனே விடுவியுங்கள் என தமிழ் முற்போக்கு கூட்டணியின் தலைவரும் பாராளுமன்ற உறுப்பினருமான மனோ கணேசன் அரசாங்கத்துக்கு தெரிவித்துள்ளார்.

சமீபத்தில் நடந்து முடிந்த கூட்டுறவு சங்கத் தேர்தல்களில் ஆளும் தேசிய மக்கள் சக்தி பின்னடைவைச் சந்தித்துள்ளது. ஐக்கிய மக்கள் சக்தி (SJB) ஆதரவுடைய சபை களனி கூட்டுறவுச் சங்கத்தை நிர்வகிப்பதற்குத் தெரிவுசெய்யப்பட்டதுடன், அவர்களின் 99 உறுப்பினர்கள் முகாமைத்துவ சபைக்குத் தெரிவு செய்யப்பட்டனர், அதேவேளை ஆளும் NPP ஆதரவுடைய குழு 32 பேரையே பெற முடிந்தது.