கட்சியின் கொள்கை காரணமாகவே பாராளுமன்ற உறுப்பினர் ஹர்ஷ டி சில்வாவுக்கு கட்சியின் கொழும்பு தலைமைப்பதவி வழங்கப்படவில்லை என்று ஐக்கிய மக்கள் சக்தி பாராளுமன்ற உறுப்பினர் எஸ்.எம். மரிக்கார் தெரிவித்துள்ளார்.

நியமனத்திற்கு எதிராக பரிந்துரைகள் வழங்கப்பட்டதால், இதற்கு முன்னர் அவர் இதேபோன்று பதவியை இழந்ததாகவும், அதன் பிறகு கட்சித் தலைவர் அந்தப் பதவியை ஏற்றுக்கொண்டதாகவும் கூறினார்.

"நான் வாக்குகளைப் பெற்று இரண்டாவது இடத்தில் இருந்தபோதிலும், பிரச்சினையை ஏற்படுத்தக்கூடும் என்பதால் என்னை நியமிக்க வேண்டாம் என்று பரிந்துரைகள் செய்யப்பட்டன. பின்னர் கட்சித் தலைவர் அந்தப் பதவியை ஏற்க அறிவுறுத்தப்பட்டது," என்று அவர் விளக்கினார்.

இந்த முறை ஹர்ஷ டி சில்வாவின் நியமனம் தொடர்பாகவும் இதேபோன்ற ஒரு சம்பவம் நடந்ததாகக் கூறிய மரிக்கார், கட்சித் தலைவர் தொடர்ந்து அந்தப் பதவியில் நீடிக்க விரும்புவதாகத் தெரிகிறது என்றார்.

"அரசியலில், நாம் பொறுமையாக இருக்க வேண்டும், சில சம்பவங்களைத் தாங்கிக் கொள்ள வேண்டும். நாம் விரும்புவது எப்போதும் கிடைக்காது. நாம் பாராளுமன்ற உறுப்பினர்களாகத் தேர்ந்தெடுக்கப்பட்டாலும், அவையில் உரையாற்றுவதற்கான வாய்ப்பைப் பெற போராட வேண்டிய நேரங்கள் உள்ளன. இவை பொதுவான நிகழ்வுகள்," என்று அவர் மேலும் கூறினார்.

சமீபத்தில் ஐக்கிய மக்கள் சக்திக்குள் ஒரு உள் அதிகாரப் போராட்டமாகக் கருதப்பட்ட பாராளுமன்ற உறுப்பினர் ஹர்ஷ டி சில்வாவின் நியமனம் தொடர்பான சர்ச்சை குறித்து ஊடகவியலாளர் ஒருவர் எழுப்பிய கேள்விக்கு பதிலளிக்கும் விதமாக பாராளுமன்ற உறுப்பினர் மரிக்கார் இந்த கருத்துக்களை வெளியிட்டுள்ளார்.

எதிர்க்கட்சித் தலைவர் சஜித் பிரேமதாசவுக்கு கொழும்பு மாவட்டத் தலைமைப் பொறுப்பு வழங்கப்பட்டதை அடுத்து, பாராளுமன்ற உறுப்பினர் ஹர்ஷ டி சில்வாவும் சமீபத்தில் தனது அதிருப்தியை வெளிப்படுத்தியிருந்தார்.

கிளிநொச்சியில் காணாமல் ஆக்கப்பட்டவர்களின் உறவினர்களால் இன்றைய தினம் கவனயீர்ப்பு போராட்டம் நடத்தப்பட்டது. காணமல் ஆக்கப்பட்டவர்களின் உறவினர்களின் தொடர் போராட்டம் ஆரம்பமாகி இன்றுடன் எட்டு ஆண்டுகள் நிறைவு பெறுகின்ற நிலையில் இன்று போராட்டம் முன்னெடுக்கப்பட்டது.

புதுக்கடை நீதிமன்றத்தில் சுட்டுக்கொலை செய்யப்பட்ட சம்பவத்தில் அடுத்தடுத்து பல திடுக்கிடும் தகவல்கள் வெளிவந்து கொண்டிருக்கின்றன. டுபாயில் தலைமறைவாக உள்ள கெஹெல்பத்தர பத்மே என்ற நபரின் அறிவுறுத்தலின் பேரில், ஒன்றரை கோடி ரூபாய் ஒப்பந்தத்தின் அடிப்படையில், கணேமுல்ல சஞ்சீவ சுட்டுக் கொல்லப்பட்டதாக தகவல்கள் வெளியாகியுள்ளன.

புதுக்கடை நீதிமன்ற துப்பாக்கிச்சூட்டு சம்பவத்தின் பிரதான சந்தேகநபராக கைது செய்யப்பட்டவர் மஹரகம பகுதியைச் சேர்ந்த சமிந்து தில்சான் பியுமங்க கதனாராச்சி என்பது உறுதிப்படுத்தப்பட்டுள்ளது.

அளுத்கடை நீதவான் நீதிமன்றக் கூண்டில் இருந்தபோது சுட்டுக் கொல்லப்பட்ட பாதாள உலகக் கும்பல் உறுப்பினரான கனேமுல்ல சஞ்சீவவின் இதயத்தை ஊடுருவிச் சென்று அவரது உடலில் நுழைந்த ஒரு தோட்டாவின் துண்டு, இன்று திறந்த நீதிமன்றத்தில் அரசாங்க பகுப்பாய்வாளரால் கண்டுபிடிக்கப்பட்டது.

புதிய ஜனநாயக முன்னணியின் தலைவர் ரணில் விக்கிரமசிங்க இந்த ஆண்டு இறுதிக்குள் பாராளுமன்ற உறுப்பினராகத் தேர்ந்தெடுக்கப்படுவார் என்று நம்பகமான அரசியல் வட்டாரங்கள் தெரிவிக்கின்றன.

யாழ்ப்பாணம் செம்மணி சிந்துப்பாத்தி இந்து மயானத்தில் உள்ள மனிதப் புதைகுழியை யாழ்ப்பாணம் நீதிமன்ற நீதவான் ஆனந்தராஜா இன்றைய தினம் பார்வையிட்டார். இதன்போது நல்லூர் பிரதேச செயலர், யாழ். மாவட்ட உதவிப் பொலிஸ் அத்தியட்சகர், யாழ். தலைமை பொலிஸ் நிலைய பொறுப்பதிகாரி, தடயவியல் பொலிஸார், முறைப்பாட்டாளர் மற்றும் பலர் உடனிருந்தனர். இந்த பகுதியில் 2011ஆம் ஆண்டுக்கு முற்பட்ட காலப்பகுதியில் இராணுவ முகாம் அமைக்கப்பட்டிருந்தமை குறிப்பிடத்தக்கது.

முகமாலை வடக்கு ஏ9 வீதியில் செ. நாகசெல்வம் என்பவரது கடை மீது இனம்தெரியாத நபர்களால் நேற்று நள்ளிரவு 12.30 மணி அளவில் பெற்றோல் குண்டு தாக்குதல் ஒன்று மேற்கொள்ளப்பட்டுள்ளது.

கனேமுல்ல சஞ்சீவ கொலையில் துப்பாக்கிச் சூடு நடத்தியவருக்கு உதவிய, பெண் சந்தேக நபரை அடையாளம் காண பொதுமக்களின் உதவியை பொலிஸார் கோரியுள்ளனர்.

கல்ஓயா பிரதேசத்தில் மீனகயா கடுகதி ரயில் மோதியதில் 6 காட்டு யானைகள் உயிரிழந்துள்ளதாகவும், மற்றொரு காட்டு யானை காயமடைந்துள்ளதாகவும் தெரிவிக்கப்படுகிறது. இந்த சம்பவத்தைத் தொடர்ந்து ரயில் தடம் புரண்டுள்ளதாகவும், மட்டக்களப்பு-கொழும்பு ரயில் பாதையில் ரயில் சேவைகள் தற்காலிகமாக நிறுத்தப்பட்டுள்ளதாகவும் அறிவிக்கப்பட்டுள்ளது.

முன்னாள் பாராளுமன்ற உறுப்பினர் செல்வராசா கஜேந்திரன், தவத்திரு வேலன் சுவாமிகள் ஆகியோரிடம் வாக்குமூலம் பெறுவதற்காக பலாலி பொலிஸாரால் அழைப்பு விடுக்கப்பட்டுள்ளது.