கல்ஓயா பிரதேசத்தில் மீனகயா கடுகதி ரயில் மோதியதில் 6 காட்டு யானைகள் உயிரிழந்துள்ளதாகவும், மற்றொரு காட்டு யானை காயமடைந்துள்ளதாகவும் தெரிவிக்கப்படுகிறது. இந்த சம்பவத்தைத் தொடர்ந்து ரயில் தடம் புரண்டுள்ளதாகவும், மட்டக்களப்பு-கொழும்பு ரயில் பாதையில் ரயில் சேவைகள் தற்காலிகமாக நிறுத்தப்பட்டுள்ளதாகவும் அறிவிக்கப்பட்டுள்ளது.

கொழும்பு - மட்டக்களப்பு பிரதான ரயில் பாதையில் கல்ஓயாவில் 141ஆவது ரயில் மைல் கல்லுக்கு அருகில் நேற்று இரவு 11.35 மணியளவில் இந்த விபத்து நிகழ்ந்துள்ளது.

கவுடுல்ல வனப்பகுதியில் இருந்து ரயில் பாதையின் குறுக்கே பயணித்த காட்டு யானைகள் கூட்டம், நேற்று இரவு மட்டக்களப்பிலிருந்து கொழும்பு நோக்கி பயணித்த மீனகயா கடுகதி ரயிலில் மோதி விபத்துக்குள்ளானது. குறித்த விபத்தில் 7 யானைகள் கொண்ட கூட்டத்தில் இருந்த ஐந்து யானைகள் ரயிலில் அடிபட்டு உயிரிழந்தன.

விபத்து நடந்த ரயில் அருகே விழுந்த இரண்டு காட்டு யானைகள் பலத்த காயமடைந்தன, அவற்றில் ஒன்று பின்னர் இறந்தது.

விபத்துக்குள்ளான காட்டு யானை, அது இறப்பதற்கு முன்பு 3 வயதுடைய குட்டி யானையுடன் நேரத்தைச் செலவிட்ட விதம் அனைவரின் இதயங்களையும் தொட்டது.

கவுடுல்ல தேசிய பூங்காவின் வனவிலங்கு அதிகாரிகள் கூறுகையில், இறந்த காட்டு யானைகள் 8, 15 மற்றும் 20 வயதுடையவை என்றும், அவற்றில் ஐந்து பெண் யானைகள் என்றும் தெரிவித்தனர்.

விபத்தைத் தொடர்ந்து ஆபத்தான நிலையில் இருந்த காட்டு யானைக்கு கிரிதலே வனவிலங்கு கால்நடை பிரிவு அதிகாரிகள் சிகிச்சையைத் தொடங்கியுள்ளனர்.

இந்த விபத்தில் ரயில் தடம் புரண்டது, மேலும் இந்த இடம் யானை கடக்கும் இடம் என்பதற்கான அறிகுறிகள் காணப்படுகின்றன. ரயில்வே துறை அதிகாரிகள் ரயில் பாதையை சரிசெய்து இன்று காலை தடம்புரண்ட ரயிலை மீட்டெடுத்துள்ளனர்.

இந்த விபத்தைத் தொடர்ந்து, மட்டக்களப்பிலிருந்து கொழும்புக்கான ரயில் சேவைகள் ஹபரணையில் உள்ள கல்ஓயா வரை மட்டுப்படுத்தப்பட்டன.

விபத்தில் சிக்கிய மீனகயா கடுகதி ரயிலில் பயணித்த பயணிகளை வேறு ரயிலுக்கு மாற்றவும் ரயில்வே அதிகாரிகள் நடவடிக்கை எடுத்திருந்தனர்.

பாராளுமன்ற உறுப்பினர் (வைத்தியர்) இராமநாதன் அர்ச்சுனாவின் நடத்தை தொடர்பில் கிடைக்கப்பெற்ற முறைப்பாடுகள் தொடர்பாக ஆராய்ந்து அறிக்கையிடுவதற்காக தன்னால் நியமிக்கப்பட்ட விசேட குழுவின் அறிக்கையை சபையில் முன்வைப்பதாக சபாநாயகர் (வைத்தியர்) ஜகத் விக்கிரமரத்ன இன்று பாராளுமன்றத்தில் அறிவித்தார்.

"தையிட்டி விகாரையை இடிக்க வாரீர் " என முகநூலில் பகிரப்பட்ட பதிவு தொடர்பில் யாழ்ப்பாணத்தை சேர்ந்த இரண்டு ஊடகவியலாளர்களிடம் பலாலி பொலிஸார் சுமார் 06 மணி நேரம் தீவிர விசாரணைகளை மேற்கொண்டு வாக்கு மூலங்களை பெற்றுள்ளனர்.

அக்கரைப்பற்று, அம்பாறை பிரதான வீதியில் நேற்று மாலை கனரக வாகனம் மற்றும் மோட்டார் சைக்கிள் நேருக்கு நேர் மோதி இடம்பெற்ற விபத்தில் இரண்டு இளைஞர்கள் உயிரிழந்ததாக அக்கரைப்பற்று பொலிஸார் தெரிவித்தனர்.

இந்த நாட்டில் ஜனநாயகப் போராட்டத்தின் மூலம் ஆட்சிக் கவிழ்ப்பு ஏற்பட்டது. மக்கள் சக்தி வலிமையானது. எனவே, மன்னார் தீவுப் பகுதியில் காற்றாலை, கனிய மணல் அகழ்வு (டைட்டானியம்) கரையோர மண் அகழ்வு ஆகிய மூன்று திட்டங்களையும் முழுமையாக நிறுத்த வேண்டும் என்பதே எமது கோரிக்கை. ஆகவே, எமது கோரிக்கையை புரிந்துகொண்டு துரித நடவடிக்கை எடுக்கவேண்டும் என மன்னார் மாவட்ட பொது அமைப்புக்களின் ஒன்றிய தலைவர் வி.எஸ்.சிவகரன் ஜனாதிபதிக்கு இன்று அனுப்பி வைத்துள்ள கடிதத்தில் குறிப்பிடப்பட்டுள்ளது.

கணேமுல்ல சஞ்சீவவின் கொலையில் துப்பாக்கிச் சூட்டை நடத்தியவரை ஒரு ஹீரோவாக மாற்றியதற்காக எதிர்க்கட்சியின் பாராளுமன்ற உறுப்பினர் சாமர சம்பத் தசநாயக்க இன்று கண்டனம் வெளியிட்டார்.

குடிவரவு மற்றும் குடியகல்வுத் திணைக்களத்தால் 24 மணி நேர ஒரு நாள் சேவை கடவுச்சீட்டுகளை வழங்குவது குறித்து குடிவரவு மற்றும் குடியகல்வு கட்டுப்பாட்டு நாயகம் பி.எம்.டி. நிலுஷா பாலசூரிய அறிக்கை ஒன்றை வெளியிட்டுள்ளார்.

காட்டு யானை தாக்கியதில் அரலகங்வில வெஹெரகம பகுதியில் 72 வயதுடைய ஆண் மற்றும் 75 வயதுடைய பெண் ஆகியோர் உயிரிழந்ததாக பொலிஸார் தெரிவித்தனர். காயமடைந்த அந்த நபர்கள் பொலன்னறுவை மருத்துவமனையில் அனுமதிக்கப்பட்ட பின்னர் உயிரிழந்ததாக கூறப்படுகிறது. அரலகங்வில பொலிஸார் மேலதிக விசாரணைகளை மேற்கொண்டு வருகின்றனர்.

ஜா-எல, மோகன்வத்தவில் வியாழக்கிழமை இரவு கவடத்தாவைச் சேர்ந்த 29 வயது நபர் ஒருவர் சுட்டுக் கொல்லப்பட்டதாக பொலிஸார் தெரிவித்தனர். துப்பாக்கிச் சூட்டுக்கான காரணத்தைக் கண்டறியவும், சம்பந்தப்பட்ட சந்தேக நபர்களை அடையாளம் காணவும் விசாரணைகள் நடைபெற்று வருவதாக பொலிஸார் தெரிவித்தனர்

வவுனியா - மன்னார் வீதியில் இடம்பெற்ற விபத்தில் பெண் ஒருவர் படுகாயமடைந்துள்ளதாக நெளுக்குளம் பொலிசார் தெரிவித்துள்ளனர். இன்றுமதியம் இடம்பெற்ற இச் சம்பவம் தொடர்பில் மேலும் தெரியவருவதாவது,

புங்குடுதீவு மாணவி வித்தியா படுகொலை செய்யப்பட்ட வழக்கின் பிரதான சந்தேகநபரை ஆரம்பத்தில் விடுவித்ததாக குற்றம் சாட்டப்பட்ட முன்னாள் சிரேஷ்ட பிரதி பொலிஸ்மா அதிபர் லலித் ஜயசிங்கவுக்கு 4 ஆண்டுகள் கடூழிய சிறைத்தண்டனை விதித்து வவுனியா மேல் நீதிமன்றம் நேற்று தீர்ப்பை வழங்கியது.