வேலூர் மாவட்டம் காட்பாடி அடுத்த கிருஸ்டியான்பேட்டையில் உள்ள வேலூர் தி.மு.க நாடாளுமன்ற உறுப்பினர் கதிர் ஆனந்துக்கு சொந்தமான (கிங்ஸ்டன்) பொறியியல் கல்லூரியில் (03.01.2025) காலை 7.00 மணி அளவில் அமலாக்கத்துறை அதிகாரிகள் சோதனை நடத்தினர். அதனை தொடர்ந்து, காட்பாடி காந்திநகர் பகுதியில் திமுக பொதுச்செயலாளர் துரைமுருகன் வீட்டில் மத்திய பாதுகாப்பு படை போலீசார் உதவியுடன் அமலாக்கத் துறையினர் அதிரடி சோதனையில் ஈடுபட்டனர்.

அதேபோல் காட்பாடி அடுத்த பள்ளிக்குப்பம் பகுதியில் வேலூர் மாநகர தி.மு.க விவசாய அணி அமைப்பாளராக உள்ள மாநகர உறுப்பினர் பூஞ்சோலை சீனிவாசன் வீட்டிலும் அமலாக்கத்துறை அதிகாரிகள் திடீர் சோதனையில் ஈடுபட்டனர். 2 நாள்களாக அமைச்சர் துரைமுருகன் வீட்டில் நடந்த அமலாக்கத்துறை சோதனை இன்று நிறைவடைந்தது.

துரைமுருகனின் மகனும், வேலூர் எம்.பியுமான கதிர் ஆனந்த் வீட்டில் தொடர்ந்து 2 நாட்களாக அமலாக்கத்துறை சோதனை நடத்தி வரும் நிலையில், நீர்வளத்துறை அமைச்சர் துரைமுருகன் டெல்லிக்கு விரைந்தார். இன்று இரவு 10:10 மணியளவில் ஏர் இந்தியா விமானம் மூலம் அமைச்சர் துரைமுருகன் டெல்லிக்கு புறப்பட்டார்.

கடந்த 2019 நாடாளுமன்ற தேர்தலின் போது பூஞ்சோலை சீனிவாசன் வீட்டில் ரூபாய் 11 கோடி பறிமுதல் செய்யப்பட்டது. இது வாக்காளர்களுக்கு தருவதற்காக வைத்திருந்த பணம் என முடிவு செய்து அந்த தொகுதியில் மட்டும் தேர்தல் ஒத்திவைக்கப்பட்டது. அப்போது அந்த தொகுதியில் திமுக வேட்பாளராக துரைமுருகன் மகன் கதிர் ஆனந்த் போட்டியிட்டார்.

அதன்பின் அந்த தொகுதிக்கு மட்டும் தனியாக நடைபெற்ற தேர்தலிலும் துரைமுருகன் மகன் கதிர் ஆனந்த் வெற்றி பெற்றார். அந்த வழக்கு இப்போதும் நடைபெற்று வருகிறது. அந்த வழக்கு தொடர்பாகவே இந்த ரெய்டு நடந்தாகக் கூறப்பட்டது.

இந்தியாவில் 3 பில்லியன் டொலர்களை முதலீடு செய்ய உள்ளதாக மைக்ரோசாப்ட் நிறுவனம் தெரிவித்துள்ளது. அமெரிக்காவின் பெரிய தொழில்நுட்ப நிறுவனமான மைக்ரோசாப்ட் கார்ப்பரேஷன் நிறுவனம் இந்தியாவில் 3 பில்லியன் டொலர்களை (சுமார் ரூ.25,700 கோடி) முதலீடு செய்ய உள்ளது. மைக்ரோசாப்ட் நிறுவனத்தின் தலைவரும், தலைமை நிர்வாக அதிகாரியுமான சத்யா நாதெல்லா இந்தியா வந்துள்ள நிலையில் நிகழ்ச்சி ஒன்றில் இந்த தகவலை தெரிவித்துள்ளார்.

பிச்சைக்காரர்களை பற்றி தகவல் அளிப்பவர்களுக்கு 1,000 ரூபாய் சன்மானமாக அறிவித்து மாவட்ட நிர்வாகம் உத்தரவு பிறப்பித்தது. இந்திய மாநிலமான மத்திய பிரதேசத்தில் உள்ள இந்தூரை பிச்சைக்காரர்கள் இல்லாத நகரமாக மாற்றுவதற்கு அம்மாநில அரசு நடவடிக்கை எடுத்து வருகிறது. அங்கு பிச்சை வாங்குவதும், பிச்சை போடுவதும் தடை செய்யப்பட்டுள்ளது.

ஈரோடு கிழக்கு தொகுதி எம்எல்ஏ.வாக பதவி வகித்த ஈவிகேஎஸ் இளங்கோவன் மறைவை அடுத்து, அங்கு பிப்ரவரி 5-ம் திகதி இடைத்தேர்தல் நடைபெறும் என்று அறிவிக்கப்பட்டுள்ளது. ஈரோடு கிழக்கு தொகுதி எம்எல்ஏ.வாக இருந்து ஈவிகேஎஸ் இளங்கோவன் மறைவை அடுத்து , இந்த தொகுதிக்கு பிப்ரவரி 5-ம் திகதி இடைத்தேர்தல் நடைபெறும் என்று தேர்தல் ஆணையம் அறிவித்துள்ளது.

தவெக தலைவர் விஜய் கட்சி வளர்ச்சி மற்றும் கட்சியின் அடுத்தக்கட்ட நடவடிக்கையில் தொடர்ந்து ஈடுபட்டு வருகிறார். வருகிற 2026ஆம் ஆண்டு சட்டமன்ற தேர்தலை இலக்காக கொண்டு தமிழக வெற்றிக் கழகத்தின் பணிகள் தீவிரமாக நடந்து வருகிறது. இதைத்தொடர்ந்து கட்சி நிர்வாகிகள், தொண்டர்களின் அரசியல் பணிகள் பற்றி கட்சி தலைவர் விஜய் உத்தரவின் பேரில் தமிழகம் முழுவதும் ஆலோசனை கூட்டம் நடந்து வருகிறது.

புதுக்கோட்டை கலைஞர் அரசு கலைக் கல்லூரியின் முதுகலை வரலாற்றுத் துறை சார்பில் நடந்த வரலாற்றுப் பேரவை கூட்டம் கல்லூரி முதல்வர் ஞான ஜோதி தலைமையில் நடைபெற்றது. இந்த விழாவிற்கான ஏற்பாடுகளை துறைத் தலைவர் காயத்ரி தேவி செய்திருந்தார். சிறப்பு விருந்தினராகப் புதுக்கோட்டை தொல்லியல் ஆய்வுக் கழகத்தின் நிறுவனரும், தஞ்சாவூர் தமிழ் பல்கலைக்கழக தொல் அறிவியல் துறை ஆய்வாளர் ஆ. மணிகண்டன் பங்கேற்று புதுக்கோட்டை மாவட்டத்தின் தொல்லியல் எச்சங்கள் என்ற தலைப்பில் பேசினார்.

ஆந்திரா மாநிலம் ஸ்ரீஹரிகோட்டாவில் உள்ள சதீஸ் தவான் விண்வெளி ஆய்வு மையத்தில் இருந்து இஸ்ரோவின் பி.எஸ்.எல்.வி. சி-60 ராக்கெட் கடந்த 30ஆம் தேதி (30.12.2024) வெற்றிகரமாக விண்ணில் பாய்ந்தது. சதீஷ் தவான் விண்வெளி ஆய்வு மையத்தின் 2வது தளத்தில் இருந்து இந்த ராக்கெட் ஏவப்பட்டது. அதன்படி ஸ்பேடெக்ஸ் - ஏ மற்றும் பி என 2 சிறிய செயற்கைக்கோள்களை இந்த ராக்கெட் சுமந்து சென்றது.

கொரோனா போன்று வேகமாக பரவும் புதிய வைரஸ் ஒன்று சீனாவில் பரவி வருவதால் உலக மக்களையே அதிர்ச்சியில் உள்ளாக்கியுள்ளது. எச்.எம்.பி.வி. (HMPV) எனப்படும் மனித மெடாநிமோ வைரஸ் பாதிப்பால் சீனாவில் உள்ள பலர் மருத்துவமனையில் அனுமதிக்கப்பட்டுள்ளனர். எச்எம்பிவி, கொரோனா, ஃபுளு காய்ச்சல் ஆகிய நோய்கள் ஒரே நேரத்தில் தாக்குவதால் சீனாவே திணறி வருகிறது. இத்தகைய சூழலில் தான் இந்தியாவில் முதல்முறையாக இரண்டு குழந்தைகளுக்கு எச்.எம்.பி.வி. வைரஸ் தொற்று உறுதி செய்யப்பட்டதாக மத்திய அரசு தெரிவித்திருந்தது.

தமிழகச் சட்டமன்ற மரபைக் காக்கும் நடவடிக்கைகளைப் பின்பற்றியே ஆக வேண்டும் என்று தமிழக வெற்றி கழகத்தின் தலைவர் விஜய் கூறியுள்ளார். 2025-ம் ஆண்டின் தமிழக சட்டப்பேரவையின் முதல் கூட்டம் இன்று துவங்கியது. அப்போது, தமிழக ஆளுநர் ஆர்.என்.ரவி தனது உரையை வாசிக்காமல் அவையை விட்டு வெளியேறியது சர்ச்சையாக உருவெடுத்துள்ளது.

இந்தியாவில் அரசு அதிகாரிகளின் சம்பளம் எவ்வளவு கிடைக்கும் என்ற கேள்வி பலரது மனதில் எழுந்து வருகிறது. இந்தியாவின் ஜனாதிபதி நாட்டின் முதல் குடிமகன் ஆகிறார். அதனால்தான் அவர்கள் தேசத்தில் மிக உயர்ந்த ஊதியம் பெறுகிறார்கள். குடியரசுத் தலைவருக்கு, அவரது சம்பளத்தில் இந்தியக் குடியரசுத் தலைவர்களுக்கான அடிப்படை ஊதியம் மற்றும் பிற கொடுப்பனவுகள் உள்ளதால் அவருக்கு ரூ.500 ஆயிரம் வழங்கப்படுகிறது.

ஆண்டுக்கு 365 நாட்களும் 12 மணி நேரம் செயல்படும் பழங்குடியின கிராம பள்ளியை பற்றி இந்த பதிவில் தெரிந்து கொள்ளலாம். இந்திய மாநிலமான மஹாராஷ்டிராவில் உள்ள பழங்குடியின கிராமம் ஒன்றில் ஆண்டுக்கு 365 நாளும் 12 மணி நேரமும் செயல்படும் பள்ளி இயங்கி வருகிறது. இதனை, மகாராஷ்டிரா மாநில கல்வி அமைச்சர் டாடா பூஸ் வெகுவாக பாராட்டியுள்ளார். திரிம்பகேஷ்வர் தாலுகாவில் உள்ள ஹிவாலி என்று அழைக்கப்படும் ஒரு சிறிய கிராமத்தில் ஜில்லா பரிஷத் பள்ளி உள்ளது. இந்த பள்ளியானது 365 நாட்களும், ஒரு நாளைக்கு 12 மணிநேரமும் இயங்குகிறது.

சீனாவில் வேகமாக பரவும் HMPV, இந்தியாவில் முதன்முதலாக 8 மாத குழந்தைக்கு தொற்று ஏற்பட்டதாக உறுதி செய்யப்பட்டுள்ளது. கடந்த 2019-ம் ஆண்டில் சீனாவில் உருவான கொரோனா வைரஸ் உலகம் முழுவதும் பரவி பேரழிவுகளை ஏற்படுத்தியது. இந்நிலையில், சீனாவில் தற்போது புதிய வைரஸ் ஒன்று பரவி வருகிறது. அதாவது, மனித மெட்டாப்நியூமோவைரஸ் என அழைக்கப்படும் எச்.எம்.பி.வி (HMPV) வைரசால் பலர் பாதிக்கப்பட்டுள்ளனர். இந்த வைரஸால் பாதிக்கப்பட்டவர்களுக்கு காய்ச்சல், இருமல், சளி, தொண்டை வலி உள்ளிட்ட பாதிப்புகள் ஏற்படுகின்றன.

இந்த தேர்தலில், இந்தியா கூட்டணியில் இருக்கும் ஆத்மி கட்சி, காங்கிரஸுடன் இருந்து விலகி தனித்து போட்டியிட இருக்கிறது. அதனால், அங்கு காங்கிரஸ், ஆம் ஆத்மி மற்றும் பா.ஜ.க என மும்முனை போட்டி ஏற்பட்டுள்ளது. இதற்கிடையில், பா.ஜ.க தனது முதற்கட்ட வேட்பாளர்கள் பட்டியலை வெளியிட்டது. அதில், டெல்லி முதல்வரும், ஆம் ஆத்மி கட்சியின் தலைவருமான அதிஷி தொகுதியான கல்காஜி சட்டமன்றத் தொகுதியில், முன்னாள் எம்.பி ரமேஷ் பிதுரியை பா.ஜ.க வேட்பாளராக அறிவித்திருந்தது.

சென்னை எழும்பூர் அரசு அருங்காட்சியகத்தில் சிந்துவெளி பண்பாட்டு கண்டுபிடிப்பின் நூற்றாண்டு விழாவை ஒட்டி பன்னாட்டு கருத்தரங்கம் நடைபெற்றது. கருத்தரங்கில் தமிழக முதல்வர் மு.க.ஸ்டாலின் கலந்து கொண்டு மூன்று அறிவிப்புகளை வெளியிட்டார். இந்த கருத்தரங்க நிகழ்ச்சிக்கு மாணவிகள் பலரும் வந்திருந்த நிலையில் முதல்வர் பங்கேற்ற அந்த நிகழ்ச்சியில் கருப்பு நிற துப்பட்டா அணிந்தவர்களுக்கு அனுமதி மறுக்கப்பட்டதாக தகவல்கள் வெளியானது.

சென்னை கிண்டியில் உள்ள அண்ணா பல்கலைக்கழக மாணவி பாலியல் வன்கொடுமை செய்யப்பட்ட சம்பவம் தமிழகத்தில் பெரும் அதிர்வலையை ஏற்படுத்தியுள்ளது. இந்த வழக்கில் ஞானசேகரன் என்பவர் கைது செய்யப்பட்டார். இந்த வழக்கின் முதல் தகவல் அறிக்கை (எப்.ஐ.ஆர்) வெளியானது அதிர்ச்சியை ஏற்படுத்தி இருந்தது. அந்த எப்.ஐ.ஆரில் ஞானசேகரன் யாரோ ஒருவரை ‘சார்’ எனக் குறிப்பிட்டு பேசியதாகக் கூறப்பட்டது. அந்த சார் யார்? என அதிமுக உள்பட எதிர்க்கட்சிகள் இந்த பாலியல் வன்கொடுமை சம்பவத்திற்கு எதிராக போராட்டங்கள் நடத்தி வருகின்றன.

சென்னை எழும்பூரில் சிந்துவெளிப் பண்பாட்டுக் கண்டுபிடிப்பு நூற்றாண்டு நிறைவு பன்னாட்டுக் கருத்தரங்கை முதலமைச்சர் மு.க ஸ்டாலின் இன்று தொடங்கி வைத்தார். இந்த நிகழ்ச்சியில் கல்லூரி மாணவ, மாணவியர் பலர் பங்கேற்று இருந்தனா். இந்நிலையில் நிகழ்ச்சி தொடங்குவதற்கு முன்னதாக மாணவிகள் அணிந்து வந்த கருப்பு துப்பட்டாக்களை அகற்றும்படி நிகழ்ச்சி ஏற்பாட்டாளர்கள் கூறியதாக கூறப்படுகிறது.

இந்திய மாநிலம் குஜராத்தில் கடலோர காவல்படை ஹெலிகொப்டர் விழுந்து நொறுங்கியதில் மூன்று பேர் பலியாகினர். குஜராத்தின் போர்பந்தர் விமான நிலையத்தில், இந்திய கடலோர காவல்படைக்கு சொந்தமான ALH எனும் மேம்பட்ட இலகுரக ஹெலிகொப்டர் தரையிறங்கும்போது விபத்திற்குள்ளானது. எதிர்பாராத விதமாக ஹெலிகொப்டர் கீழே விழுந்து நொறுங்கியதில் உள்ளே இருந்த மூன்று பணியாளர்கள் பலத்த தீக்காயமடைந்தனர்.

திருவள்ளூவர் தினத்தில் வழங்கப்படவுள்ள விருதுகளுக்கு தேர்வு செய்யப்பட்டவர்களின் பட்டியலை தமிழ்நாடு அரசு வெளியிட்டுள்ளது. 2025 ஆம் ஆண்டிற்கான அய்யன் திருவள்ளுவர் விருது புலவர் மு.படிக்கராமுவுக்கு அறிவிக்கப்பட்டுள்ளது. திராவிடர் விடுதலை கழகப் பொதுச்செயலாளர் விடுதலை ராஜேந்திரனுக்கு 2024ஆம் ஆண்டிற்கான பெரியார் விருது அறிவிக்கப்பட்டுள்ளது.

வறுமை ஒழிப்பில் தமிழ்நாடு இந்தியாவிலேயே முதலிடம் வகிப்பதாக ஒன்றிய அரசு பாராட்டியுள்ளதாக தமிழ்நாடு அரசு தெரிவித்துள்ளது. டெல்லியில் உள்ள தேசிய கிடங்கு மேம்பாட்டு ஒழுங்குமுறை ஆணையத்தின் கீழ் அதிக எண்ணிக்கையிலான சேமிப்புக் கிடங்குகளை பதிவு செய்வதற்காக தமிழ்நாடு அரசை மத்திய அரசு பாராட்டி முதல்பரிசு வழங்கியுள்ளது.

பொங்கல் பண்டிகை நெருங்கி வரும் நிலையில் பொங்கல் விடுமுறையை முன்னிட்டு சென்னை உள்ளிட்ட பல்வேறு நகரங்களில் இருந்து சொந்த ஊருக்கு மக்கள் சென்று வருவது வழக்கம். பொங்கல் விடுமுறையை ஒட்டி அரசு சார்பில் கூடுதல் சிறப்பு பேருந்துகள் இயக்கப்படும். இருப்பினும் ஆம்னி பேருந்துகள் சில கூடுதல் கட்டணம் வசூலிப்பதாக ஒவ்வொரு ஆண்டும் புகார்கள் எழுந்து வருகிறது.

இந்திய மாநிலம் உத்தர பிரதேசத்தில் பணியாற்றி வந்த இளைஞர் ஒருவர் 700 பெண்களை ஏமாற்றியதாக கைது செய்யப்பட்டார். டெல்லியைச் சேர்ந்த 23 வயது துஷார் சிங் பிஷ்ட். இவர் உத்தர பிரதேச மாநிலத்தில் பணியாற்றி வந்தார். இந்த நிலையில் டெல்லி பல்கலைக்கழக மாணவி ஒருவர், துஷார் சிங் தன்னை ஏமாற்றிவிட்டதாக சைபர் கிரைமில் புகார் அளித்தார்.