நடமாடும் கோயில்களுக்குப் படமாடும் கோயில்கள் ஆதரவு அளிக்க வேண்டிய சமயம் இது! -நக்கீரன்



நடமாடும் கோயில்களுக்குப் படமாடும் கோயில்கள் ஆதரவு அளிக்க வேண்டிய சமயம் இது! -நக்கீரன் [Wednesday 2020-04-15 06:00]
யாழ்ப்பாணம் நல்லை ஆதீனத்தில் ஏப்ரில் 12 ஆம் நாள் நடந்த ஊடகவியலாளர் சந்திப்பின்போது நல்லை ஆதீன குரு முதல்வர் ஸ்ரீலஸ்ரீ சோமசுந்தர பரமாச்சாரிய சுவாமிகள் ஆலயங்களின் நிர்வாகத்தினருக்கு ஒரு வேண்டுகோள் விடுத்துள்ளார்.
அந்த வேண்டு கோளில் "தற்போது நாட்டில் ஊரடங்குச் சட்டம் அமுலில் உள்ள நிலையில் யாழ்ப்பாணத்தில் வேலை இல்லாது பல் வேறுபட்ட மக்கள் உண்ண உணவின்றிப் துன்பப்படுகின்றதை அவதானிக்கக்கூடியதாக இருக்கின்றது. யாழ்ப்பாணத்தில் அதிகமான கோவில்கள் காணப் படுகின்றன. ஊரடங்குச் சட்டம் அமுலில் உள்ளதன் காரணமாக பல ஆலயங்களில் இந்தமுறை திருவிழாக்கள் நடை பெறுவதற்கு அனுமதிக்கப்படாத நிலை காணப்படுகின்றது. எனவே ஆலய நிர்வாகிகள் உணவின்றித் துன்பப் படும் மக்களுக்கு அந்த ஆலய திருவிழாக்களுக்கென ஒதுக்கிய நிதியில் ஒரு பகுதியையாவது வழங்க முன் வரவேண்டும். அதன் வாயுலாக மதத்தின் தர்மத்தை நாம் காப்பாற்றவேண்டும். அவ்வாறு உதவி செய்ய விரும்புபவர்கள் தத்தமது பிரதேச செயலர் ஊடாக அனுமதி இணைப்புப் பெற்று ஏனைய மதத்தவர்கள் வழங்குவது போல நாமும் செயற்பட வேண்டும்" எனத் தெரிவித்துள்ளார். நல்லை ஆதீன குரு முதல்வர் ஸ்ரீலஸ்ரீ சோமசுந்தர பரமாச்சாரிய சுவாமிகள் ஆலயங்களின் நிர்வாகத்தினருக்கு விடுத்த வேண்டுகோள் மிகவும் வரவேற்றக்பட வேண்டிய ஒன்றாகும். அவர் சொல்வது போல மக்களுக்கு இடர் வரும்போது ஏனைய மதத்தவர்கள் ஓடிச் சென்று உதவுகிறார்கள். பேரிடர் என்றால் பெரியளவில் உதவி செய்கிறார்கள். ஆனால் இந்து மதத்தவர்களிடம் இப்படியான தொண்டு மனப்பான்மை இல்லை. விதி விலக்கு இருக்கலாம். தானங்களில் சிறந்த தானம் அன்னதானம் என இந்து மதம் சொல்கிறது. யாழ்ப்பாணத்தில் அமைந்துள்ள, தொண்டைமானாறு செல்வச்சந்நிதி கோவில் அன்னதானத்துக்குப் புகழ்பெற்ற திருத்தலமாக விளங்குகிறது. ஆண்டு முழுவதுமே அன்னதானம் நடைபெறுவதால் அங்கு எழுந்தருளியிருக்கும் முருகன் அன்னதானக் கந்தன் எனச் செல்லமாக அழைக்கப்படுகிறான். ஒரு காலத்தில் செல்வச்சந்நிதிச் சுற்றாடலில் 52 க்கும் மேற்பட்ட அன்னதான மடங்கள் காணப்பட்டன. இந்த நித்திய அன்னதானப் பணிக்கு பல கமக்காரர்கள், கொடையாளிகள், புரவலர்கள் அரிசி, மரக்கறிகள் கொடுத்து உதவுகிறார்கள். பறவைகளுக்கு வேடந்தாங்கல் சரணாலயம் ஆக இருப்பது போல் பிள்ளைகளால் கைவிடப்பட்ட பெற்றோர்களுக்கும் செல்வச்சந்நிதி கோவிலே புகலிடமாக விளங்குகிறது. அவர்கள் தங்கள் இறுதிக் காலத்தை இந்தக் கோயிலில் செலவிடுகிறார்கள். பண்டைக் காலத்தில் கோயில் மக்களது வாழ்வியலை மையப்படுத்தியிருந்தது. அவர்களது வாழ்வு தாழ்வில் அது பங்கு வகித்தது. பயிர்த்தொழில் செய்பவர்களுக்கு கடன் கொடுத்து உதவியது. ஆனால் பிற்காலத்தில் கோயில் சுரண்டுபவர்களின் கூடாரமாகியது. தமிழ்மொழி ஓரங்கட்டப்பட்டு வடமொழி கோலோச்சியது. தெய்வங்களின் பெயர்கள் கோவில் பெயர்கள் சமற்கிருத மயப்படுத்தப்பட்டன. இந்த மாற்றத்தைப் பிற்காலத்தில் தோன்றிய சித்தர்கள் கடுமையாகக் கண்டித்திருக்கிறார்கள். சித்தர்களின் பாடல்கள் ஓசை நயம் மிக்கவை. பழகு தமிழில் பாடப்பட்டவை. இருந்தும் மறைபொருள் கொண்டவை. பாடல்களைப் படிக்கும் போது நேரடியாக ஒரு பொருளும் மறைமுகமாக இன்னொரு பொருளும் இருக்கக் காணலாம். அதற்கொரு எடுத்துக்காட்டு. 'நட்ட கல்லைச் சுற்றி வந்து நாலு புட்பம் சாத்தியே சுற்றி வந்து மொணெமொணென்று சொல்லும் மந்திரம் ஏதடா? நட்ட கல்லும் பேசுமோ? நாதன் உள்ளிருக்கையில் சுட்ட சட்டி சட்டுவம் கறிச் சுவை அறியுமோ?' சிவவாக்கியர் பாடிய இந்தப் பாடல் வைதீக சமய நம்பிக்கைகளுக்கு எதிரான கலகக் குரல். சுட்ட சட்டியும் அதில் வேகுகின்ற கறியைக் கிளறுகின்ற கரண்டியும் அந்தக் கறிச்சுவையை அறியாதது போல, பரம்பொருள் நம் உள்ளத்தே இருக்க அதை அறியாமல் கற்சிலைக்கு நான்கு வகை மலர்கள் சாற்றுவதும் அதைச் சுற்றி வந்து முணு முணுக்கும் மந்திரம் எங்குள்ளது? நட்ட கல் பேசுமோ? பேசாது! இவ்வாறு உருவ வழிபாட்டை மறுத்து சிவவாக்கியர் நாத்திகவாதம் பேசுகிறார். அவர் 534 பாடல்களில் உருவ வழிபாட்டையும் சடங்குகளையும் அஞ்சாது சாடி சமூக சீர்திருத்தக் கருத்துக்களை விதைத்துள்ளார். ஆனால் சிவவாக்கியார் சொன்னதை அவருக்கு முந்திய சித்தர்களும் சொல்லியிருக்கிறார்கள். சித்தர்களில் பெரிய சித்தர் திருமூலர். அவர் தமிழ் மூவாயிரம் என்ற நூலைப் படைத்துள்ளார். அது எழுதப்பட்ட காலம் கிபி 5 ஆம் நூற்றாண்டாகும். அதன் நுண்மை காரணமாக அதனை ஒரு சமய நூலாகப் பார்க்காமல் அதனை ஒரு அறிவியல் நூலாகப் பார்க்க வேண்டும் என பலர் நினைக்கிறார்கள். வைதீக மதம் கொடிகட்டிப் பறந்த காலத்தில், புராணங்கள் மலிந்த காலத்தில் அறிவியல் அடிப்படையில் எழுதப்பட்ட நூல் திருமந்திரம் ஆகும். திருமூலர் திருக்கோயில்களில் எழுந்தருளியிருக்கும் கடவுளர்க்குப் படையல் படைப்பதில் பலன் இல்லை என்கிறார். அப்படியென்றால் பலன் பெறுவதற்கு என்ன செய்ய வேண்டும்? படமாடும் கோயில் பகவர்க்கு ஒன்று ஈயில் நடமாடும் கோயில் நம்பர்க்கு அங்கு ஆகா நடமாடும் கோயில் நம்பர்க்கு ஒன்று ஈயில் படமாடும் கோயில் பகவர்க்கு அது ஆமே. திருமூலர் திருமந்திரம் 1857 (படமாடக் கோயில் = இறைவன் உருவத்தை ஓவியமாக எழுதி வைத்துள்ள இடம், பகவன் = இறைவன், நடமாடக் கோயில் நம்பர் = நடமாடும் கோயிலாகிய மனிதர்கள், ஆமே = போய்ச் சேரும்) அது என்ன ‘நம்பர்க்கு’? ‘நம்பர்’ என்ற சொல் ‘நம்மவர்', 'எம்மைப்போன்ற மனிதர்கள்’ என்ற பொருள் தரும். மனிதரின் உள்ளத்தில் இறைவன் குடி கொண்டுள்ளான். எனவே மனிதர்கள் இறைவனின் நடமாடும் கோயில்கள் - நடமாடும் கோயில்களாகிய நம் போன்ற மனிதர்க்கு - ஒன்று கொடுப்பது இறைவனுக்குக் கொடுப்பதற்கு ஒப்பாகும். ப(ந)டமாடக் கோயில் பகவற்கு ஒன்று ஈயில் --- நடமாடும் கோயில் - மனிதனின் உள்ளம்தான் நடமாடும் கோயில் சிவ சிந்தனையில் இருக்கும் சிவனயடியார்களுக்கு அன்னமிட்டால் அது ஈசனுக்கு போய் சேரும். சிவனடியார்கள் பற்றிச் சொன்னது வறிய மக்களுக்கும் பொருந்தும். இதனை விளக்க கிருபானந்த வாரியார் தனது சொற்பொழிவுகளில் அவருக்கேயுரிய பாணியில் ஒரு கதை சொல்வார். தெரு ஓர அஞ்சல்ப் பெட்டியில் கடிதம் போட்டால், தலைமை அஞ்சல் அலுவலகத்திற்குப் போகும், ஆனால் தலைமை அஞ்சல் அலுவலகத்தில் கடிதம் போட்டால் எக்காலத்திற்கும் தெரு ஓர அஞ்சல் பெட்டிக்கு அது வராது. மூலவருக்குப் பால், பழம், அமுது படைத்தலும் வணங்குதலும் இறைவனிடம் போய்ச் சேருவதில்லை. நடமாடும் கோயில் - வறுமையில் இருப்பவர்களுக்கும் சிவ சிந்தயைில் உள்ளவர்களுக்கும் ஆதரவற்றுவர்களுகும் உதவினால் அவ்வுதவி சிவனிடம் போய் சேரும். திருமூலர் கோயிலில் இருக்கும் கடவுளுக்குச் செலுத்தும் காணிக்கைகள் எதுவும் அடியார்களுக்கும் ஏழைகளுக்கும் சென்று சேர்வதில்லை. ஆனால் அந்த ஏழை எளியவர்களுக்கு நாம் செய்யும் உதவிகள் நேரிடையாக அந்த இறைவனுக்கே போய் சேரும் என்கிறார். சங்க இலக்கியங்கள் காதல், வீரம், இரண்டும் இரு கண்களாகப் போற்றப்பட்டன. சங்க இலக்கியங்கள் அக்காலகட்டத்தில் வாழ்ந்த தமிழர்களின் நாளாந்த வாழ்க்கை நிலைமைகளைப் படம்பிடித்துக் காட்டுவதாய் உள்ளன. .சங்கம் மருவிய காலத்தில் படைக்கப்பட்ட காப்பியங்கள், பாடல்கள் அறத்தைப் போற்றிப்பாடின. பதிணெண் கணக்கு நூல்கள் அறத்தை வலியுறுத்தின. திருக்குறள், நாலடியார், நான்மணிக்கடிகை, ஆசாரக்கோவை உட்பட 18 நூல்கள் இந்தப் பட்டியலில் இடம் பிடித்துள்ளன. இவற்றில் அறநூல்கள் 11, அக நூல்கள் 6, புறநூல் 1 ஆகும். திருமூலர் திருவாக்கைப் சிக்கனப் பின்பற்ற வேண்டிய தருணம் இதுவாகும். நடமாடும் கோயில்களுக்குப் படமாடும் கோயில்கள் ஆதரவு அளிக்க வேண்டிய சமயம் இதுவாகும். அதையே நல்லை ஆதீன குரு முதல்வர் ஸ்ரீலஸ்ரீ சோமசுந்தர பரமாச்சாரிய சுவாமிகள் தக்க சமயத்தில் நினைவு படுத்தியுள்ளார். ஆலயங்களின் நிர்வாகத்தினர் கிடைத்த ஏழை எளியவர்களுக்கு உதவ முன்வர வேண்டும்.


கூட்டுறவு தேர்தல்களில் என்பிபிக்கு பின்னடைவு! [Wednesday 2025-01-15 04:00]
சமீபத்தில் நடந்து முடிந்த கூட்டுறவு சங்கத் தேர்தல்களில் ஆளும் தேசிய மக்கள் சக்தி பின்னடைவைச் சந்தித்துள்ளது. ஐக்கிய மக்கள் சக்தி (SJB) ஆதரவுடைய சபை களனி கூட்டுறவுச் சங்கத்தை நிர்வகிப்பதற்குத் தெரிவுசெய்யப்பட்டதுடன், அவர்களின் 99 உறுப்பினர்கள் முகாமைத்துவ சபைக்குத் தெரிவு செய்யப்பட்டனர், அதேவேளை ஆளும் NPP ஆதரவுடைய குழு 32 பேரையே பெற முடிந்தது.


மழைக்கு மத்தியில் களை கட்டிய பட்டத் திருவிழா! [Wednesday 2025-01-15 04:00]
வல்வெட்டித்துறை சர்வதேச விநோத பட்டத் திருவிழா, தைப்பொங்கல் தினமான நேற்று மிகவும் கோலாகலமாக வல்வை உதயசூரியன் உல்லாசக் கடற்கரையில் நடைபெற்றது.வல்வை விக்னேஸ்வரா சனசமூக நிலையம் மற்றும் உதயசூரியன் விளையாட்டுக் கழகத்தின் ஏற்பாட்டில் இந்த நிகழ்வு இடம்பெற்றது. இதன்போது மழைக்கும் மத்தியில் விநோதமான பட்டங்கள் பறக்கவிடப்பட்டன.


ஊடக சுதந்திரத்தை பாதுகாக்குமாறு பொறுப்புக்கூறலை உறுதி செய்யுமாறு கடிதம்! [Wednesday 2025-01-15 04:00]
25 சிவில் சமூக அமைப்புகள் ஜனாதிபதி அனுரகுமார திஸாநாயக்கவுக்கு எழுதிய கடிதத்தில், பத்திரிகை சுதந்திரத்தைப் பாதுகாக்கவும், ஊடகவியலாளர்களுக்கு எதிரான குற்றங்களுக்கு பொறுப்புக்கூறலை உறுதிப்படுத்தவும் இலங்கை அரசாங்கத்தைக் கோரியுள்ளது.


மீனவர் பிரச்சினை குறித்து விரைவில் தமிழக முதல்வருடன் பேச்சு! [Wednesday 2025-01-15 04:00]
இந்திய மீனவர்கள் பிரச்சினை தொடர்பாக தமிழக முதலமைச்சருடன் பேசுவதற்கு சந்தர்ப்பம் கேட்டுள்ளதாக பாராளுமன்ற உறுப்பினர் எஸ். சிறிதரன் தெரிவித்துள்ளார்.


வடகொரியாவில் இல்லாத கட்டுப்பாடுகள் இலங்கையில்! [Wednesday 2025-01-15 04:00]
ஜனாதிபதி செயலகத்தினால் விடுக்கப்பட்டிருக்கும் சுற்று நிருபம் மூலம் அரசாங்கத்தின் அமைச்சர்கள் மற்றும் ஆளுநர்களுக்கு இந்த நாட்டில் இருக்கும் வெளிநாட்டு தூதுவர்களுடன் மேற்கொள்ளும் கொடுக்கல் வாங்கல்கள் தொடர்பில் வரையறை விதிக்கப்பட்டிருக்கிறது என பாராளுமன்ற உறுப்பினர் தயாசிறி ஜயசேகர தெரிவித்தார்.


கல்ஓயா உடைப்பெடுக்கும் ஆபத்து! [Wednesday 2025-01-15 04:00]
கல்ஓயா ஆற்றின் கரை உடைப்பெடுக்கும் அபாயம் ஏற்பட்டுள்ளதாக தெரிவிக்கப்படுகிறது. இதன் காரணமாக, அம்பாறையின் சேனாநாயக்கபுர மற்றும் சாமபுர பகுதிகளில் உள்ள 40 குடும்பங்களைச் சேர்ந்த சுமார் 100 பேரை பாதுகாப்பான இடங்களுக்கு வெளியேற்ற நடவடிக்கை எடுக்கப்பட்டுள்ளதாக அம்பாறை மாவட்ட செயலாளர் சிந்தக அபேவிக்ரம தெரிவித்துள்ளார்.


காற்றுச் சுழற்சிகளால் வரப் போகும் ஆபத்து! [Wednesday 2025-01-15 04:00]
வங்காள விரிகுடாவில் கடந்த 07 ஆம் திகதி அன்று உருவாகிய காற்றுச் சுழற்சி தற்போது மாத்தறைக்கு தென் மேற்கு திசையில் 380 கி.மீ. தூரத்தில் காணப்படுகின்றது. இதன் காரணமாக வடக்கு மற்றும் கிழக்கு மாகாணங்களின் பல பகுதிகளுக்கும் கிடைக்கும் வேறுபட்ட அளவுகளிலான மழை தொடரும் என யாழ் பல்கலைக்கழக புவியியற்துறை சிரேஷ்ட விரிவுரையாளர் நாகமுத்து பிரதீபராஜா தெரிவித்துள்ளார்.


13இல் கை வைக்க விரும்பவில்லை! [Wednesday 2025-01-15 04:00]
13ஆவது திருத்தச்சட்டத்தினை தமிழ் மக்கள் தமக்கு கிடைத்த உரிமையாக கருதுகின்ற நிலையில் அதில் கைவைப்பதற்கு நாங்கள் முனையவில்லை என்று கடற்றொழில், நீரியல் மற்றும் கடல் வளங்கள் அமைச்சர் இராமலிங்கம் சந்திரசேகர் தெரிவித்தார்.


18ஆம் திகதி தமிழரசுக்கட்சியின் மத்தியகுழுக் கூட்டம்! [Tuesday 2025-01-14 18:00]
இலங்கைத் தமிழரசுக்கட்சியின் மத்தியகுழுக் கூட்டம் எதிர்வரும் 18ஆம் திகதி பதில் தலைவர் சி.வி.கே.சிவஞானத்தின் தலைமையில் நடைபெறவுள்ளது. திருகோணமலையில் உள்ள சிவில் அமைப்பொன்றின் கேட்போர் கூடத்தில் குறித்த தினமன்று காலை பத்து மணிக்கு கூட்டம் ஆரம்பமாகவுள்ளது.


அனுரவுக்கு செங்கம்பள வரவேற்பு!- நாளை சீன ஜனாதிபதியை சந்திக்கிறார். [Tuesday 2025-01-14 18:00]
சீனாவுக்கு விஜயம் செய்துள்ள ஜனாதிபதி அநுரகுமார திசாநாயக்கவுக்கு செங்கம்பள வரவேற்பு அளிக்கப்பட்டுள்ளது. அவர், சீன ஜனாதிபதி சீ ஜின்பிங்கை, புதன்கிழமை சந்திக்கிறார்


தையிட்டி சட்டவிரோத விகாரைக்கு எதிராக போராட்டம்! [Tuesday 2025-01-14 18:00]
யாழ்ப்பாணம், தையிட்டியில் சட்டவிரோதமாக அமைக்கப்பட்டுள்ள திஸ்ஸ விகாரைக் கட்டுமானத்தை அகற்றக் கோரியும், அதனைச் சூழவுள்ள தமிழ் மக்களுக்குச் சொந்தமான தனியார் காணிகளை மீளவும் உரிமையாளர்களிடம் ஒப்படைக்க வலியுறுத்தியும் ஞாயிற்றுக்கிழமை (12) ஆரம்பித்த போராட்டம் திங்கட்கிழமை (13) தொடர்ச்சியாக முன்னெடுக்கப்பட்டது.


மக்களை பட்டினி போட்டுக் கொண்டு நாட்டை தூய்மைப்படுத்த முடியாது! [Tuesday 2025-01-14 18:00]
நாட்டு மக்களை பட்டினியில் வைத்துக் கொண்டு நாட்டை தூய்மைப்படுத்த முடியாது. முன்னாள் ஜனாதிபதி ரணில் விக்கிரமசிங்க 20 கிலோ கிராம் பச்சை அரிசியை நாட்டு மக்களுக்கு இலவசமாக வழங்கியதால் தான் பச்சையரிசிக்கு தட்டுப்பாடு நிலவுவதாக அரசாங்கம் குறிப்பிடுவது சிறுபிள்ளைத்தனமானது என சர்வஜன சக்தியின் உப தலைவரும், முன்னாள் பாராளுமன்ற உறுப்பினருமான எஸ்.எம்.சந்திரசேன தெரிவித்தார்.


அரசியல் கைதிகள் யாரும் இல்லை! [Tuesday 2025-01-14 18:00]
நாடாளவிய சிறைகளில் அரசியல் கைதிகளென யாரும் தடுத்து வைக்கப்படவில்லை என்று நீதி மற்றும் தேசிய ஒருமைப்பாட்டு அமைச்சர் சட்டத்தரணி ஹர்ஷண நாணயக்கார வீரகேசரியிடம் தெரிவித்தார்.


கலாநிதி பட்ட விவகாரம்- பாராளுமன்ற ஊழியர்களிடம் நாளை விசாரணை! [Tuesday 2025-01-14 18:00]
பாராளுமன்ற இணையதளத்தில் நீதி அமைச்சர் ஹர்ஷன நாணயக்காரவின் பெயருக்கு முன்னால் கலாநிதி பட்டம் குறிப்பிடப்பட்டமை தொடர்பாக வாக்குமூலம் பெறுவதற்காக, பாராளுமன்ற ஊழியர்கள் பலர் நாளை (15) குற்றப் புலனாய்வுத் திணைக்களத்திற்கு அழைக்கப்பட்டுள்ளனர்.


தினமும் 2500 கடவுச்சீட்டுகளை வழங்க நடவடிக்கை! [Tuesday 2025-01-14 18:00]
நாளொன்றுக்கு 2500 கடவுச்சீட்டுகளை வழங்க நடவடிக்கை எடுக்கப்பட்டுள்ளதாக பொது பாதுகாப்பு அமைச்சர் ஆனந்த விஜேபால தெரிவித்துள்ளார்.


மடுவிற்கு சென்ற இளைஞன் மல்வத்து ஓயாவில் மூழ்கி மாயம்! [Monday 2025-01-13 18:00]
மடு பொலிஸ் பிரிவுக்குட்பட்ட குஞ்சுக்குளம் பிரதேசத்தில் மல்வத்து ஓயாவில் நீராடச்சென்ற இளைஞர் ஒருவர் நீரில் மூழ்கி காணாமல் போயுள்ளதாக மடு பொலிஸாருக்கு கிடைத்த முறைப்பாட்டைத் தொடர்ந்து விசாரணைகள் ஆரம்பிக்கப்பட்டுள்ளன.


இந்த மாதம் முதல் டிஜிட்டல் அடையாள அட்டை! [Monday 2025-01-13 18:00]
இந்த மாதம் முதல் டிஜிட்டல் அடையாள அட்டையை வழங்குவதற்கு எதிர்பார்ப்பதாக டிஜிட்டல் பொருளாதார பிரதி அமைச்சர் எரங்க வீரரத்ன தெரிவித்தார்.


அனைவரது வாழ்வும் சூரிய ஒளியைப் போல் பிரகாசமாக அமைய வேண்டும்! [Monday 2025-01-13 17:00]
தை பிறந்தால் வழிபிறக்கும் என்ற முதுமொழிக்கு அமைய எமது உறவுகள் அனைவரதுவாழ்வும் சூரிய ஒளியைப் போல் பிரகாசமாக அமைய வேண்டுமென பிரார்த்தித்து வாழ்த்துகின்றேன். என வட மாகாண சபையின் அவைத்தலைவர் மற்றும் இலங்கைத் தமிழரசுக் கட்சியின் பதில் தலைவர் சி.வி.கே.சிவஞானம் தனது வாழ்த்துச் செய்தியில் தெரிவித்துள்ளார்.


கிளிநொச்சி விபத்தில் இருவர் காயம்! [Monday 2025-01-13 17:00]
கிளிநொச்சியில் இன்று (இடம்பெற்ற வீதி விபத்தில் இருவர் படுகாயமடைந்த நிலையில் வைத்தியசாலையில் அனுமதிக்கப்பட்டுள்ளனர். பரந்தனிலிருந்து கிளிநொச்சி நோக்கி பயணித்த ஓட்டுனர் பயிற்சி பாடசாலையின் முச்சக்கர வண்டியினை, அதே பகுதியில் இருந்து பயணித்த மோட்டார் சைக்கிள் மோதியுள்ளது.


இன்று சீனா பயணமாகிறார் ஜனாதிபதி! [Monday 2025-01-13 17:00]
சீனாவுக்கான நான்கு நாள் உத்தியோகபூர்வ விஜயம் மேற்கொண்டு ஜனாதிபதி அநுரகுமார திசாநாயக்க இன்று பிற்பகல் நாட்டிலிருந்து பயணமாகிறார்.