ஜனாதிபதி ரணில் விக்ரமசிங்கவின் நற்செய்தியுடன் தடைப்பட்டிருந்த நாட்டின் அபிவிருத்தி திட்டங்களை மீண்டும் முன்னெடுப்பதற்கு வாய்ப்பு கிடைத்துள்ளது. அத்துடன் வங்குராேத்து நிலையிலிருந்த நாடு மீண்டும் சாதாரண நிலைமைக்கு மாறியுள்ளது என ஐக்கிய தேசிய கட்சி முன்னாள் பாராளுமன்ற உறுப்பினர் ஆஷு மாரசிங்க தெரிவித்தார்.

ஐக்கிய தேசிய கட்சி தலைமையகமான சிறிகொத்தவில் வியாழக்கிழமை இடம்பெற்ற செய்தியாளர் சந்திப்பில் கலந்துகொண்டு கருத்து தெரிவிக்கையிலேயே இவ்வாறு குறிப்பிட்டார்.

ஜனாதிபதி ரணில் விக்ரமசிங்க புதன்கிழமை நாட்டு மக்களுக்கு வழங்கிய நற்செய்தி மூலம் நாடு வங்குராேத்து நிலையிலிருந்து மீண்டுள்ளதுடன் கடந்த 3 வருடங்களுக்கும் அதிக காலம் தடைப்பட்டிருந்த நாட்டின் அபிவிருத்தி திட்டங்கள் மீள ஆரம்பிக்க சந்தர்ப்பம் கிடைத்துள்ளது. ஜனாதிபதியின் இந்த நற்செய்தி நாட்டை நேசிக்கின்ற மக்களுக்கு மன ஆறுதலையும் மகிழ்ச்சியையும் ஏற்படுத்தியுள்ளது. அதனால்தான் ஜனாதிபதி நாட்டு மக்களுக்கு இந்த நற்செய்தியை தெரிவிக்கும்போது, நாட்டின் அனைத்து பிரதேசங்களிலும் மக்கள் பட்டாசு கொளுத்தி மகிழ்ச்சியை வெளிப்படுத்தி இருந்தனர்.

அதேநேரம் ஜனாதிபதியின் நற்செய்தி எதிர்க்கட்சிகளுக்கு கெட்ட செய்தியாகும். ஏனெனில் அவர்கள் இதுவரை காலமும் நாட்டின் பொருளாதாரத்தை அபிவிருத்தி செய்வதற்கு ஜனாதிபதி முன்னெடுத்துவந்த வேலைத்திட்டங்கள விமரிசித்துக்கொண்டிருந்தார்கள். பொய் பிரசாரங்களை மேற்கொண்டு மக்களை ஏமாற்றி வந்தார்கள். ஜனாதிபதியின் நற்செய்தியுடன் எதிர்க்கட்சிகளின் அனைத்து விமர்சனங்களும் பிரசாரங்களும் பொய்யாகியுள்ளன. இதன் பின்னர் அவர்களுக்கு மக்களிடம் சொல்வதற்கு எதுவும் இல்லாத நிலை ஏற்பட்டுள்ளது.

மேலும் அரசாங்கம் வெளிநாட்டு கடன் மறுசீரமைப்புக்கு செல்லாமல் நாட்டை கட்டியெழுப்ப முடியாது என எதிர்க்கட்சிகள் தெரிவித்து வந்தன. தற்போது அதனை அரசாங்கம் செய்திருக்கிறது.அதேபோன்று சர்வதேச நாணய நிதியத்திடம் கடன் பெறும்போது எமக்கு கடன் வழங்கப்போவதில்லை என தெரிவித்தார்கள். இவ்வாறு எதிர்க்கட்சிகள் தெரிவித்து வந்த அனைத்து பிரசாரங்களுக்கும் ஜனாதிபதி ரணில் விக்ரமசிங்கவின் நற்செய்தி மூலம் முற்றுப்புள்ளி வைக்கப்பட்டிருக்கிறது.

அத்துடன் நாடு வங்குராேத்து நிலையிலிருந்து மீண்டுள்ளதைச் சர்வதேச தர நிர்ணய நிறுவனங்களே தெரிவிக்க வேண்டும் என எதிர்க்கட்சி தெரிவித்து வருகிறது. ஆனால் எமது நாடு வங்குராேத்து நிலையை அடைந்தபோது அது தொடர்பில் மத்திய வங்கி ஆளுநரே நாட்டுக்கு அறிவித்தது. மாறாக சர்வதேச தர நிர்ணய நிறுவனங்கள் எதுவும் அது தொடர்பில் தெரிவிக்கவில்லை.

அதேபோன்று தற்போது நாடு தற்போது கடன் மறுசீரமைப்பு நடவடிக்கைகளை மேற்கொண்டுள்ளதால், வங்குராேத்து நிலையில் இருந்து மீண்டுள்ளது என்ற தகவலையும் மத்திய வங்கியே தெரிவிக்கிறது. ஜனாதிபதியின் நற்செய்தியுடன் எமது நாடு சாதாரண நிலைமைக்கு மாறியுள்ளது.

எனவே நாட்டின் பொருளாதாரத்தை அபிவிருத்தி செய்ய ஜனாதிபதி மேற்கொண்டுவரும் வேலைத்திட்டங்களை சர்வதேசம் அனுமதித்துள்ளது. அதனாலே கடன் மறுசீரமைப்புக்கு எமக்கு கடன் வழங்கிய நாடுகள் மற்றும் நிறுவனங்கள் இணக்கம் தெரிவித்திருக்கின்றன. இந்த வேலைத்திட்டங்களை தொடர்ந்து முன்னெடுத்துச்செல்ல முடியுமான ஒரே தலைவர் ரணில் விக்ரமசிங்க மாத்திரமாகும். அதனால் நாடு வங்குராேத்து நிலையில் இருக்கும்போது நாட்டை பொறுப்பபேற்க முன்வராத தலைவர்களை மக்கள் நிராகரிப்பார்கள் என்பதில் சந்தேகம் இல்லை என்றார்.

ஜனாதிபதி தேர்தலுக்கு தயாராகுமாறு அரச நிறுவனங்கள் உள்ளிட்ட சம்பந்தப்பட்ட நிறுவனங்களுக்கு தேர்தல்கள் ஆணைக்குழு உத்தியோகபூர்வமான அறிவிப்பினை விடுத்துள்ளது.

ஜனாதிபதி தேர்தலில் போட்டியிடுவதற்கு தயாராகியுள்ள நிலையில் ஸ்ரீலங்கா பொதுஜன பெரமுனவின் முடிவுக்காகவே காத்துக் கொண்டிருக்கின்றேன் என்று தொழிலதிபரும் பாராளுமன்ற உறுப்பினருமான தம்மிக்க பெரேரா தெரிவித்தார்.

பாரிய போதைப்பொருள் வர்த்தகத்திற்கு உதவியதாக சந்தேகிக்கப்படும் கடற்படை அதிகாரிகள் இருவரை கடற்படையின் விசேட புலனாய்வுப் பிரிவினர் இன்று கைது செய்துள்ளனர். இலங்கை கடற்படையின் விசேட புலனாய்வுப் பிரிவினரால் மேற்கொள்ளப்பட்ட நீண்ட உள்ளக விசாரணையின் பின்னரே அவர்கள் கைது செய்யப்பட்டதாக கடற்படை தெரிவித்துள்ளது.

எரிபொருள் விலை திருத்தம் இன்று இரவு இடம்பெறும் என மின்சக்தி மற்றும் எரிசக்தி அமைச்சு தெரிவித்துள்ளது. மாதாந்திர எரிபொருள் திருத்தத்தின் படி இந்த திருத்தம் இடம்பெறும் என அமைச்சின் அதிகாரி ஒருவர் தெரிவித்தார்.

மோட்டார் சைக்கிள் - வான் விபத்தில் நபரொருவர் உயிரிழந்துள்ளதாக கரடியனாறு பொலிஸார் தெரிவித்தனர். இந்தச் சம்பவம் நேற்று சனிக்கிழமை கரடியனாறு பொலிஸ் பிரிவுக்குட்பட்ட உறுகாமம் பதுளை வீதியில் வைத்து இடம்பெற்றுள்ளது.

கடன் மறுசீரமைப்பு ஒப்பந்தம் குறித்த விவாதத்தில் பங்கேற்போம் என்று அறிவித்துள்ள பிரதான எதிர்க்கட்சியான ஐக்கிய மக்கள் சக்தி வாக்கெடுப்பு தொடர்பில் இறுதி நேரத்திலேயே தீர்மானிக்கும் என்றும் அறிவித்துள்ளது.

நாட்டில் முதன்முறையாக மிளகாயில் இருந்து ஐஸ்கிரீமை உற்பத்தி செய்யப்பட்டுள்ளது. இந்த தயாரிப்பு விவசாய மற்றும் பெருந்தோட்ட கைத்தொழில் அமைச்சின் கீழ் உள்ள விவசாய துறை நவீனமயமாக்கல் திட்டத்தின் தொழில்நுட்ப மற்றும் நிதி பங்களிப்பின் கீழ் உற்பத்தி செய்யப்பட்டுள்ளது.

சர்வதேச கடலில் ஆபத்தான நிலையில் இருந்த 6 மீனவர்களில் 5 பேர் உயிரிழந்துள்ளதாகவும், மற்றைய மீனவரை காப்பாற்ற கடற்படை வைத்தியர் உட்பட கடற்படை குழு முயற்சித்து வருவதாக கடற்படை பேச்சாளர் ​கப்டன் கயான் விக்ரமசூரிய தெரிவித்துள்ளார்.

கிளிநொச்சி - இரணைமடுக் குளத்தில் நீராடச் சென்ற 14 வயது சிறுவன் காணாமல் போன நிலையில் சடலமாக மீட்கப்பட்டுள்ளார். 14 வயதுடைய செல்வரத்தினம் றுசாந்தன் எனும் சிறுவனே இவ்வாறு உயிரிழந்துள்ளார்.

நீண்ட காலமாக பாடசாலை மாணவர்களுக்கு கேரள கஞ்சாவினை சூட்சுமமாக விற்பனை செய்து வந்த ஒருவரை பெரிய நீலாவணை பொலிஸார் கைது செய்துள்ளனர்.

தமிழ் தேசிய கட்சிகளும் தமிழ் மக்கள் பொதுச் சபையும் இணைந்து தமிழ் தேசிய பேரவை என்ற பொது கட்டமைப்பு உருவாக்கப்படவுள்ளதாக தமிழ் மக்கள் பொதுச்சபை உறுப்பினர் நிலாந்தன் தெரிவித்தார்.

ஸ்ரீ லங்கா சுதந்திரக் கட்சியும் புதிய கூட்டணியும் இணைந்து முன்னெடுக்கும் பொதுக்கூட்டத்தொடரின் இரண்டாவது பொதுக்கூட்டம் சனிக்கிழமை பிற்பகல் 2.00 மணிக்கு மொனராகலை மாவட்டத்தின் வெல்லவாய நகரில், பெருந்திரளான மக்களின் பங்கேற்புடன் ஆரம்பமானது.

யாழ்ப்பாணத்தில் பட்டப்பகலில் முகத்தை மறைத்தவாறு வாள்களுடன் நடமாட முடியும் என்றால் யாழ்ப்பாணத்தில் சிவில் நடவடிக்கைகள்,பொலிஸார், இராணுவம், கடற்படை, விமானப்படை செயற்பாடுகள் எவ்வாறு இருக்கிறது என்பதை பார்க்கலாம் என பாராளுமன்ற உறுப்பினர் சிவஞானம் சிறீதரன் தெரிவித்தார்.

இஸ்ரேல் நாட்டில் இருந்து இலங்கைக்கு வருகை தந்த 25 வயதுடைய பெண் சுற்றுலா பயணி 3 நாட்களுக்கு முன்பு திருகோணமலையில் மர்மமான முறையில் காணாமல் போன நிலையில், அப்பெண் கண்டுபிடிக்கப்பட்டுள்ளார்.

ஜூலை 17ஆம் திகதிக்குப் பின்னர் ஜனாதிபதித் தேர்தல் அறிவிப்பை அறிவிக்கும் அதிகாரம் தேர்தல்கள் ஆணைக்குழுவுக்கு கிடைக்கும் என தேர்தல்கள் ஆணையாளர் நாயகம் சமன் ரத்நாயக்க தெரிவித்துள்ளார்.

ஒன்லைன் மூலம் மோசடி செய்த 30 சீன பிரஜைகளை நீர்கொழும்பில் உள்ள ஹோட்டல் ஒன்றில் வைத்து நேற்று கைது செய்யப்பட்டதாக பொலிஸ் ஊடகப் பேச்சாளர் பிரதி பொலிஸ்மா அதிபர் நிஹால் தல்துவ தெரிவித்தார்.

எதிர்வரும் ஜனாதிபதி தேர்தலில் வரலாறு தந்திருக்கின்ற சந்தர்ப்பம் தான் தமிழ் பொது வேட்பாளர். எனவே தமிழ் பொது வேட்பாளரை இறுக பற்றி பிடித்து இந்த மண்ணில் தமிழ் இனம் யார் என்பதை காட்டும் சந்தர்ப்பம் இதுவே என தமிழரசு கட்சின்பாராளுமன்ற உறுப்பினர் சிவஞானம் சிறிதரன் தெரிவித்துள்ளார்.

முல்லைத்தீவு மாங்குளத்துக்கு அண்மையில் இடம்பெற்ற விபத்தில் படுகாயமடைந்து வைத்தியசாலையில் சிகிச்சை பெற்றுவந்த ஒருவர் சிகிச்சை பலனின்றி உயிரிழந்தார். யாழ்ப்பாணத்தைச் சேர்ந்த 48 வயதான கந்தசாமி கருணாகரன் என்பவரே உயிரிழந்துள்ளார்.

மன்னா் - மடு இரண்டாம் கட்டைப் பகுதியில் இன்று அதிகாலை இடம் பெற்ற விபத்தில் ஒருவர் சம்பவ இடத்திலேயே உயிரிழந்துள்ளதுடன் மற்றைய நபர் காயங்களுடன் முருங்கன் வைத்தியசாலையில் அனுமதிக்கப்பட்டுள்ளதாக தெரிய வருகிறது.

உக்ரைனிற்கு எதிராக போரிடும் இலங்கையை சேர்ந்த கூலிப்படையினரில் ரஸ்ய பிரஜைகளாக மாறியுள்ளனர் என வெளிவிவகார அமைச்சர் அலி சப்ரி தெரிவித்துள்ளார்.