இலங்கை, இந்திய அரசாங்கங்கள் தமக்குள் நிலுவையில் உள்ள மூலோபாய சிக்கல்களை குறுகிய காலத்துக்குள் இறுதி செய்ய வேண்டும். அத்துடன் பொருளாதாரத்தில் முன்னோக்கிய பயணத்துக்கான முன்மொழிவுகளை செயற்படுத்துவதற்கான வழிமுறைகளை ஒப்புக்கொள்ள வேண்டும் என்று முன்னாள் ஜனாதிபதி ரணில் விக்கிரமசிங்க தெரிவித்தார்.

இந்தியாவின் மறைந்த முன்னாள் பிரதமர் வாஜ்பாயின் சமாதான முன்னெடுப்புக்களே 2002 ஜனவரியில் விடுதலைப் புலிகளுடனான போர் நிறுத்த ஒப்பந்தத்துக்கு வழிவகுத்தன. அதற்கான பேச்சுவார்த்தைகளின்போது அவர் இலங்கையின் இறையாண்மை மற்றும் பிராந்திய ஒருமைப்பாட்டுக்கான இந்தியாவின் உறுதிப்பாட்டை வலியுறுத்தியதோடு, சமாதான முன்னெடுப்புகளுக்கான நடவடிக்கைகளுக்கும் ஆதரவளித்தார் எனவும் அவர் குறிப்பிட்டார்.

இந்தியாவின் மறைந்த முன்னாள் பிரதமர் அடல் பிஹாரி வாஜ்பாயின் நினைவேந்தல் நிகழ்வு வெள்ளிக்கிழமை (27) ஏற்பாடு செய்யப்பட்டிருந்தது. அதில் கலந்துகொண்டு உரையாற்றியபோதே அவர் இதனைத் தெரிவித்தார்.

அவர் தனது உரையில் மேலும் தெரிவித்ததாவது,

2001 டிசம்பரில் நான் இரண்டாவது முறையாக பிரதமரானபோது இலங்கை கடுமையான அரசியல் நெருக்கடியை எதிர்கொண்டிருந்தது. பிரதான துறைமுகம் மற்றும் விமான நிலையம் மீதான தாக்குதல்களால் கப்பல்களும் விமானங்களும் இலங்கைக்கு வருவதைத் தவிர்த்தன.

இது இலங்கையின் பொருளாதாரம் மேலும் சுருங்குவதற்கு வழிவகுத்தது. இதனால் விடுதலைப் புலிகளுடன் போர் நிறுத்த ஒப்பந்தம் செய்துகொள்வதைத் தவிர வேறு வழியிருக்கவில்லை.

நான் பிரதமராக பதவியேற்றுக்கொண்டவுடன் உடனடியாக டில்லி சென்று நிலைமையை அப்போதைய பிரதமர் வாஜ்பாயிடம் விளக்கினேன். அவரும் அந்த சந்தர்ப்பத்தில் போர் நிறுத்தத்தின் அவசியத்தையும் ஒப்புக்கொண்டார். விடுதலைப் புலிகளின் தாக்குதல்களைத் தடுப்பதற்கும் அமைதிப் பேச்சுவார்த்தையை முன்னெடுத்துச் செல்வதற்கும் இலங்கைக்கு இந்தியாவின் ஆதரவு தேவைப்பட்டது.

சமாதான முன்னெடுப்புகளுக்குத் தலைமை தாங்கிய நட்பு நாடுகளின் கலந்துரையாடல்களின் முன்னேற்றம் குறித்து நான் வாஜ்பாயிடம் தெரிவித்திருந்தேன். அப்போது அவர், 'விக்கிரமசிங்க, இது இந்தியாவில் மிகவும் உணர்ச்சிகரமான பிரச்சினை. என்னால் சோனியா காந்தியை விட ஒரு படி மேல் தான் சிந்திக்க முடியும். எனவே இது தொடர்பில் நீங்கள் அவருக்கும் விளக்கி அவரையும் சமாதானப்படுத்த வேண்டும். அதன் பின்னர் நானும் ஒத்துழைப்புக்களை வழங்குகின்றேன்' எனக் குறிப்பிட்டிருந்தார்.

அதிர்ஷ்டவசமாக சோனியா காந்தி இலங்கையில் ஏற்பட்டுள்ள நெருக்கடியைத் தீர்ப்பதற்கு ஒத்துழைத்தார்.

இந்திய - இலங்கை உறவுகளை மேம்படுத்துவதற்கு வேறு வழிகள் இருந்தன. 2001ஆம் ஆண்டு டிசம்பர் 25ஆம் திகதி அவரது பிறந்தநாளன்று இடம்பெற்ற சந்திப்பானது இரு நாடுகளுக்கும் இடையே நெருக்கமான உறவுக்கு அடித்தளமாக அமைத்தது. உண்மையில், வாஜ்பாய் இலங்கைக்கு உதவ முன்வந்தமையை அன்று உறுதி செய்தார்.

அதற்கமைய அன்றைய தினம் இலங்கையின் இறையாண்மை மற்றும் பிராந்திய ஒருமைப்பாட்டுக்கான தனது உறுதிப்பாட்டை இந்தியா மீண்டும் வலியுறுத்தியது.

இலங்கையில் சமாதான முன்னெடுப்புகளுக்காக எடுக்கப்பட்ட நடவடிக்கைகளுக்கு அதன் ஆதரவையும் உறுதிப்படுத்தியது. இதன் பலனாக 2002 ஜனவரியில் விடுதலைப் புலிகளுடன் போர் நிறுத்த ஒப்பந்தத்தில் கையெழுத்திட முடிந்தது.

2002 மற்றும் 2003 இந்திய - இலங்கை உறவுகளுக்கு முக்கியமான ஆண்டுகளாகும். விடுதலைப் புலிகளுடனான மோதலின் இறுதிக்கட்டத்தில் இருந்ததால் நாம் மறுமுனைகளிலும் குறிப்பாக பொருளாதாரம், இருதரப்பு உறவுகளை வலுப்படுத்தவேண்டிய அவசியம் என்பதை ஒப்புக்கொண்டோம்.

இரு தரப்பிலும் அடுத்தடுத்து வந்த அனைத்து அரசாங்கங்களும் பேச்சுவார்த்தைகளைத் தொடர ஒரே வடிவத்தைப் பயன்படுத்தின. அந்த வகையில் பயங்கரவாதத்தை எதிர்ப்பதற்கு சகல ஒத்துழைப்புக்களும் கிடைத்தன.

பயங்கரவாதத்துக்கு எதிரான போர் 2000ஆம் ஆண்டுகளில் உச்சத்தில் இருந்தது. கடற்புலிகளின் கடல்சார் நடவடிக்கைகளில் பிரபாகரன் அதீத நம்பிக்கை கொண்டிருந்தார். அந்த சந்தர்ப்பத்தில் வாஜ்பாயும் நானும் ஒரு உடன்படிக்கைக்கு வந்தோம். எந்த ஒரு அரசு சார்பற்ற தரப்புக்கும் எமது கடல் பகுதியில் செயல்பட அனுமதிக்க மாட்டோம் என்பதே அந்த இணக்கப்பாடாகும். கடற்புலிகளின் செயற்பாடுகளை நடுநிலையாக்கி பயங்கரவாதத்தை எதிர்ப்பதற்கு இரு நாடுகளுக்கும் இடையிலான ஒத்துழைப்பின் விளைவாக அது அமைந்தது.

2003ஆம் ஆண்டளவில், நிலைமை மூலோபாய ரீதியாக, பொருளாதார ரீதியாக மற்றும் சர்வதேச ரீதியாக இலங்கைக்கு சாதகமாக மாறியது. சமாதானப் பேச்சுவார்த்தையில் தன்னால் வெற்றிபெற முடியாது என்பது பிரபாகரனுக்குத் தெரியும். அதனால் அமைதிப் பேச்சுவார்த்தையை புறக்கணிக்கத் தொடங்கினார். இந்த முக்கியமான கட்டத்தில், இலங்கை அரசாங்கத்தால் முன்வைக்கப்பட்ட முன்மொழிவுகளுக்கு விடுதலைப் புலிகளின் பதிலை வலியுறுத்துவதன் மூலம் இந்தியா எங்களுக்கு ஆதரவளித்தது. அன்றிலிருந்து 2009ஆம் ஆண்டு விடுதலைப் புலிகள் தோற்கடிக்கப்படும் வரை இந்தியா எமக்கு ஆதரவளித்தது.

நாம் எதிர்க்கட்சியாக செயற்பட்ட நாட்களில் நானும் வாஜ்பாயும் இந்தியாவுக்கும் இலங்கைக்கும் இடையிலான சுதந்திர வர்த்தக உடன்படிக்கைக்கு அப்பால் இரு நாடுகளுக்கும் இடையே நெருக்கமான பொருளாதார ஒத்துழைப்பை மேம்படுத்துவது குறித்து கலந்துரையாடினோம்.

அரசாங்கத்தில் விவசாயம், மின்சாரம் மற்றும் தகவல் தொழில்நுட்பத்துறைகளுக்கு முன்னுரிமை அளித்ததன் மூலம் இந்த பேச்சுவார்த்தைகளை செயல்படுத்த முடிந்தது.

போர்நிறுத்த ஒப்பந்தம் நடைமுறைக்கு வந்தவுடன், பொருளாதாரத்தின் மீது எங்கள் கவனம் திரும்பியது. இதிலும் நானும் வாஜ்பாயும் ஒரே பக்கமிருந்து செயற்பட்டோம். முதன்முறையாக, இரு அரசாங்கங்களும் தங்கள் பொருளாதாரங்களை மேலும் தாராளமயமாக்க உறுதிபூண்டன. சேவைத்துறையை உள்ளடக்கிய சுதந்திர வர்த்தக ஒப்பந்தம் மற்றும் அதற்கு அப்பால் ஒரு பணிக்குழுவை அமைப்பதற்கான ஒப்பந்தமும் எட்டப்பட்டது.

ஒக்டோபர் 2003இல் நாம் எமது இருதரப்பு சந்திப்பை நடத்தியபோது, சுதந்திர வர்த்தக ஒப்பந்தம் ஒரு விரிவான பொருளாதார கூட்டு ஒப்பந்தமாக மாறியது.

நாம் 2004ஆம் ஆண்டளவில் பேச்சுவார்த்தைகளை தொடங்கி அவற்றை நிறைவு செய்ய தீர்மானித்தோம். ஆனால் அந்த நேரத்தில் நாங்கள் இருவரும் பதவியில் இருந்து வெளியேறினோம். இருந்தபோதிலும், இரு நாடுகளும் இலங்கையில் இந்திய சுற்றுலாவை மேம்படுத்துவதற்கு ஸ்ரீலங்கன் எயார்லைன்ஸ் விமானங்களை அதிகரிப்பது மற்றும் இந்தியன் எயார்லைன்ஸ் தினசரி சேவையை அதிகரிப்பதற்கான நடவடிக்கைகளை முன்னெடுத்தோம்.

நாங்கள் இருவரும் இந்திய இலங்கை உறவுகளை ஒரு புதிய நிலைக்கு கொண்டு சென்றோம். முதலாவதாக, இந்திய எண்ணெயை இலங்கை சந்தைக்குள் நுழைய அனுமதிப்பது மற்றும் திருகோணமலையில் உள்ள எண்ணெய் தாங்கிகளை சேமிப்பிற்காக பயன்படுத்துதல் மற்றும் திருகோணமலையில் ஒரு நிலக்கரி மின் உற்பத்தி நிலையத்தை நிறுவ ஒப்புக்கொண்டதன் மூலம் எமது நடவடிக்கைகளை முன்னெடுத்தோம்.

இந்திய - இலங்கை இணைப்பை வலுப்படுத்த வேண்டியதன் அவசியத்துக்கு பதிலளிக்கும் வகையில், கொழும்புக்கும் தமிழ்நாட்டுக்கும் நில அணுகலை வழங்குவதற்காக - இந்தியாவின் தென்கோடி முனைக்கும் இலங்கையின் உச்சமான பகுதிக்கும் இடையே தரைப்பாலம் அமைப்பதற்கான சாத்தியக்கூறு ஆய்வை மேற்கொள்ள நாங்கள் ஒப்புக்கொண்டோம். இந்த திட்டத்தின் இறுதி நோக்கம் இலங்கையை ஒரு பிராந்திய மற்றும் கேந்திர மையமாக மாற்றுவதாகும்.

2040இல் இந்தியா உலகின் மூன்றாவது பெரிய பொருளாதார சக்தியாக இருக்கும் என்று எதிர்பார்க்கப்படுகிறது. அப்போது, தமிழகத்தின் மொத்த உள்நாட்டு உற்பத்தி ஒரு டிரில்லியன் டொலர்களை எட்டியிருக்கும். இதுவே இலங்கை ஒரு தேசமாக இணைக்கப்படவேண்டிய அதிகார மையமாகும். இவையனைத்தும் இலங்கை ஏற்றுமதிக்கான பெரிய சந்தைகளை நிறுவுவதுடன், வேகமாக வளரும் என எதிர்பார்க்கப்படும் இரண்டு புதிய பொருளாதாரத் துறைகளை உருவாக்கும்.

முன்னர் குறிப்பிட்டது போல், இலங்கை தன்னை ஒரு பிராந்திய தளவாட மையமாக நிலைநிறுத்திக் கொண்டால், பிராந்தியத்தின் இந்த அபிவிருத்திகளின் பயனாளியாக நாம் மாற முடியும் என்றார்.

ஜெனரல் சவேந்திர சில்வா, 2025 ஆம் ஆண்டு ஜனவரி 1 ஆம் திகதி முதல் பாதுகாப்புப் படைகளின் பிரதானி மற்றும் இலங்கை இராணுவ சேவையில் இருந்து ஓய்வு பெற உள்ளார்.

ஈழத்தின் மூத்த எழுத்தாளர், படைப்பாளி நா. யோகேந்திரநாதன் இன்று காலை காலமானார். இவர், யாழ்ப்பாணம் கரம்பொன் தெற்குப் பிரதேசத்தை பிறப்பிடமாகக் கொண்டவர் ஆவார். யோகேந்திரநாதன் எழுதிய “34 நாட்களில் நீந்திக் கடந்த நெருப்பாறு” நாவல் அண்மையில் வெளியாகி மிகவும் பேசப்பட்டமை குறிப்பிடத்தக்கது.

ரெலோ மற்றும் புளொட் அமைப்புகள் தனித்து செயற்பட முற்படுமானால் ஜனநாயக தமிழ் தேசிய கூட்டணியிலிருந்து தமிழ் தேசியக் கட்சி தனித்து களமிறங்கும் என முன்னாள் பாராளுமன்ற உறுப்பினர் எம் கே சிவாஜிலிங்கம் தெரிவித்தார்.

ஈழ மண்ணின் மூத்த படைப்பிலக்கியவாதியும், கிளிநொச்சி மண்ணுக்கு அடையாளம் தந்த வேருமாகிய மதிப்பார்ந்த நா.யோகேந்திரநாதன் ஐயா மறைந்தார் என்ற செய்தி மனதை நொருங்கச் செய்திருக்கிறது.

இலங்கையின் யாழ்ப்பாணம் மற்றும் கட்டுநாயக்க சர்வதேச விமான நிலையங்கள் விஸ்தரிக்கப்பட உள்ளதாகவும் இதற்கான முன்மொழிவுகளை அரசாங்கம், சர்வதேச நிறுவனங்களிடமிருந்து கோரியுள்ளது.

மாற்றங்களை செய்ய முற்படும்போது, அரச ஊழியர்கள் சிலர் அதற்கு எதிராக தர்க்கம் புரிகின்றனர் என்று அமைச்சர் சுனில் ஹந்துன்னெத்தி தெரிவித்துள்ளார். கொழும்பில் இடம்பெற்ற நிகழ்வொன்றில் கருத்துத் தெரிவிக்கும் போதே அவர் மேற்கண்டவாறு குறிப்பிட்டார்.

பணமோசடியில் ஈடுபட்ட இலங்கை வங்கியின் முன்னாள் முகாமையாளர் ஒருவர், யாழ்ப்பாணம் மாவட்ட விசேட குற்ற விசாரணைப் பிரிவால் சனிக்கிழமை கைது செய்யப்பட்டுள்ளார்.

இலங்கையிலிருந்து இந்திய தமிழகம் சென்றுள்ள இலங்கை முஸ்லிம் காங்கிரஸ் தலைவர் பாராளுமன்ற உறுப்பினர் ரவூப் ஹகஹகீம் அங்கு ஊடகங்களுக்கு கருத்து தெரிவிக்கும் போது இந்தியா இலங்கை மீனவர்களில் பிரச்சினைக்கு பேச்சுவார்த்தை மூலமே தீர்வு காணப்பட வேண்டும் என்று தெரிவித்துள்ளார்.

அனுமதிப்பத்திரம் இன்றி அரிசி இறக்குமதிக்கு அனுமதி வழங்க அரசாங்கம் தீர்மானித்ததைத் தொடர்ந்து, டிசம்பர் 29 ஆம் திகதி வரை 75,000 மெற்றிக் தொன் இறக்குமதி செய்யப்பட்ட அரிசியை இலங்கை சுங்கம் அனுமதித்துள்ளது.

தென் கொரியாவின் முவான் விமான நிலையத்தில் ஜெஜு ஏர் விமானம் 7C 2216 விபத்துக்குள்ளானதில் உயிரிழந்த மற்றும் காயமடைந்தவர்கள் குறித்து ஆழ்ந்த கவலையடைவதாக வெளிநாட்டலுவல்கள் அமைச்சு குறிப்பிட்டுள்ளது.

கனடா குடியுரிமை விதிமுறையில் மாற்றம் செய்து அந்நாட்டு அரசு உத்தரவிட்டுள்ளது. அதன்படி நியமன கடிதத்துக்கான மதிப்பெண்கள் இனி கருத்தில் எடுத்துக் கொள்ளப்படாது என்று அறிவிக்கப்பட்டுள்ளது. இது ஏற்கனவே விண்ணப்பித்துள்ளோர் மற்றும் காத்திருப்போருக்கு பொருந்தாது என்று அதிகாரிகள் தெரிவித்தனர்.

முன்னாள் ஜனாதிபதிகளுக்கு எவ்வித அச்சுறுத்தலுக்கும் கிடையாதென புலனாய்வு பிரிவு வழங்கிய அறிக்கையின் பிரகாரமே இராணுவ பாதுகாப்பு நீக்கப்பட்டுள்ளது. அடுத்த மீளாய்வு அறிக்கையில் வழங்கப்பட்டுள்ள 60 பொலிஸ் பாதுகாப்பு அதிகம் என்று குறிப்பிடப்பட்டால் அதை 30 ஆக குறைக்கலாமென அறிவியல் மற்றும் தொழில்நுட்ப அமைச்சர் கிருஷாந்த அபேசேன தெரிவித்தார்.

நாட்டில் கடந்த சில நாட்களாக 60 ரூபாய்க்கு மேல் விற்கப்பட்ட முட்டை விலை கணிசமாக குறைந்துள்ளதாக முட்டை உற்பத்தியாளர்கள் தெரிவித்துள்ளனர். இந்த நாட்களில் சந்தையில் முட்டை 25 முதல் 30 ரூபாய் வரை விற்கப்படுகிறது எனவும் எதிர்காலத்தில் முட்டையின் விலை 20 ரூபாவாக குறையலாம் ஆனால் பின்னர் மீண்டும் முட்டை விலை உயரலாம் என முட்டை உற்பத்தியாளர்கள் மேலும் தெரிவித்துள்ளனர்.

சீதுவ பொலிஸ் பிரிவுக்குட்பட்ட லியனாகமுவ பகுதியில் இடம்பெற்ற துப்பாக்கிச்சூட்டில் ஒருவர் கொல்லப்பட்டதோடு மேலும் இருவர் படுகாயமடைந்துள்ளனர்.காரில் வந்த துப்பாக்கி தாரி மேற்கொண்ட துப்பாக்கிச்சூட்டில் ஒரே குடும்பத்தைச் சேர்ந்த மூவர் படுகாயமடைந்து வைத்தியசாலையில் அனுமதிக்கப்பட்ட நிலையில் அதில் ஒருவர் உயிரிழந்துள்ளதாக செீதுவ பொலிஸார் தெரிவித்துள்ளனர்.

சொத்துக்கள் மற்றும் கடன்கள் தொடர்பான அறிக்கைகளை எதிர்வரும் பெப்ரவரி மாதம் 15 ஆம் திகதிக்கு முன்னர் சமர்ப்பிக்குமாறு பாராளுமன்றத்தின் பொதுச் செயலாளர் குஷானி ரோஹணதீர அனைத்து பாராளுமன்ற உறுப்பினர்களுக்கும் எழுத்து மூலம் அறிவித்துள்ளார்.

தேவைக்கு அதிகமாக உப்பினை சேகரிப்பதை தவிர்க்குமாறு ஹம்பாந்தோட்டை லங்கா உப்பு நிறுவனத்தின் புதிய தலைவர் டி. நந்தன திலக மக்களுக்கு வேண்டுகோள் விடுத்துள்ளார்.

காலி, தொடந்துவ மொரகொல பிரதேசத்தில் உள்ள விகாரை ஒன்றில் நேற்று இடம்பெற்ற பெரஹெரா ஊர்வலத்தின் போது யானை ஒன்று குழப்பம் விளைவித்து ஒருவரை தாக்கியுள்ளது.

மாவை சேனாதிராஜா அரசியல் குழு தலைவராகவும் பெரும் தலைவராகவும் இருப்பார். இடைக்கால பதில் தலைவராக சி.வி.கே.சிவஞானம் செயற்படுவார் என இலங்கை தமிழரசுக் கட்சியின் ஊடகப் பேச்சாளரும் பாராளுமன்ற உறுப்பினருமான ஞா.சிறிநேசன் தெரிவித்துள்ளார்.

கிளிநொச்சி ஊடகவியலாளர் தமிழ்ச்செல்வனை தாக்கி கடத்துவதற்கு முற்பட்டதாக கைது செய்யப்பட்ட சந்தேக நபர்களை விளக்கமறியலில் வைக்குமாறு இன்று நீதிமன்றம் உத்தரவிட்டுள்ளது.

அம்பாறை மாவட்டம் பெரியநீலாவணை பாண்டிருப்பு திருவள்ளுவர் வீதியில் இடம்பெற்ற இரு சாரார் முறுகல் தொடர்பில் வெள்ளிக்கிழமை விசாரணை மேற்கொண்டிருந்த பொலிஸ் அதிகாரி மீது தாக்குதல் மேற்கொள்ளப்பட்டுள்ளது.