எதிர்கட்சியில் இருக்கும்போது பயங்கரவாத தடைச்சட்டத்தை எதிர்த்துவந்த அரசாங்கம் அதனை நீக்குவதற்கு ஏன் இன்னும் நடவடிக்கை எடுக்கமல் இருக்கிறது என கேட்கிறேம். இந்த சட்டத்தை இரத்துச் செய்வதா அல்லது அதற்கான திருத்தத்தைக் கொண்டு வருவதா என்பது குறித்தான அரசாங்கத்தின் நிலைப்பாட்டை தெரிவிக்க வேண்டும் என எதிர்க்கட்சித் தலைவர் சஜித் பிரேமதாச தெரிவித்தார்.

பாராளுமன்றத்தில் புதன்கிழமை (08) நிலையியற் கட்டளை 27 2 இன் கீழ் கேள்வி நேரத்தின் கேள்வி கேட்டு உரையாற்றுகையிலேயே இவ்வாறு தெரிவித்தார்.

பயங்கரவாத தடைச்சட்டம் அப்போது நாட்டில் இருந்துவந்த பிரிவினைவாத பயங்கரவாத யுத்தத்தை கட்டுப்படுத்தும் நோக்கில் 1979ஆம் ஆண்டு தற்காலிக சட்டமாக ஏற்படுத்தப்பட்டதாகும். இன்றாகும்போது 3தசாப்தகால சிவில் யுத்தம் முடிவுக்கு வந்து 15 வருடங்களாகியுள்ளபோதும் தொடர்ந்து இந்த பயங்கரவத தடைச்சட்டத்தை தொடர்ந்தும் முன்னெடுத்துச்செல்வது கேள்விக்குறிய விடயமாகும்.

தற்போது இந்த சட்டத்தைப் பயன்படுத்தி அரசியல் எதிர்கருத்து கொண்டோர், அரசுக்கு எதிரான போராட்டங்கள், வேலை நிறுத்தங்களில் ஈடுபடுவோர் மற்றும் ஊடகவியலாளர்களையும் ஒடுக்கும் நடவடிக்கைக்கு பயன்படுத்தப்பட்டு வருகின்றன. இதன் காரணமாக இலங்கை கையொப்பமிட்ட மற்றும் அதற்குக் கட்டுப்பட்ட சர்வதேச சட்டங்கள் தொடர்பிலும் முரண்பாடு ஏற்பட்டுள்ளது.

தற்போதைய அரசாங்கத்தில் அங்கம் வகிக்கும் உறுப்பினர்கள் பயங்கரவாத தடைச் சட்டத்திற்கு எதிராக பாராளுமன்றத்திலும் அதற்கு வெளியிலும் கருத்து தெரிவித்திருந்தமையால், இந்த சட்டத்தை இரத்துச் செய்வதா அல்லது அதற்கான திருத்தத்தைக் கொண்டு வருவதா என்பது குறித்தான தமது நிலைப்பாட்டை தெளிவுபடுத்துவது அரசாங்கத்தின் பொறுப்பாகும். அந்த வகையில் பின்வரும் கேள்விகளுக்கு அரசாங்கத்தின் பதிலை ஏதிர்பார்க்கிறோம்.

இலங்கையில் பயங்கரவாதத் தடைச் சட்டத்தை அமுல்படுத்துவது தொடர்பில் அரசாங்கத்தின் நிலைப்பாடு என்ன?, அவ்வாறு இல்லாவிட்டால் இந்த சட்டத்தை திருத்துவதற்கோ அல்லது வலுவற்றதாக்குவதற்கோ அரசாங்கம் நடவடிக்கை எடுக்கும?அவ்வறு என்றால் அரசாங்கம் முன்வைக்கும் மாற்றுத் தீர்வு என்ன? அதுதொடர்பில் அரசாங்கம் எடுத்திருக்கும் நடவடிக்கை என்ன? சிவில் யுத்த காலத்திலும் அதற்கு பின்னரும் இந்தச் சட்டத்தின் கீழ் கைது செய்யப்பட்டவர்கள் தொடர்பில் இந்த சபைக்கு அறிக்கையொன்றை சமர்ப்பிக்க முடியுமா?

இந்த சட்டத்தின் கீழ் கைதுசெய்யப்பட்ட சந்தேக நபர்களில் எத்தனைபேருக்கு எதிராக வழக்கு தொடுக்கப்பட்ருக்கிறது. அவர்களில் எத்தனைபேர் குற்றவாளியாக்கப்பட்டிருக்கின்றனர் அதேபோன்று எத்தனைபேர் புனர்வாழ்வுக்காக அனுப்பப்பட்டிருக்கின்றனர்.

அதேபோன்று பயங்கரவாத தடைச்சாட்டத்தின் கீழ் சந்தேகத்தின் பேரில் கைதுசெய்யப்பட்டவர்களில் எத்தனைபேர் நீதிமன்றத்தால் விடுவித்து விடுவிக்கப்பட்டிருக்கின்றனர்.

இந்தச் சட்டத்தின் கீழ் கைது செய்யப்பட்டவர்களை 72 மணிநேரம் தடுப்புக் காவலில் வைத்து விசாரணை மேற்கொள்வது தொடர்பாக அரசாங்கத்தின் நிலைப்பாடு என்ன? இந்த சட்டத்தின் கீழ் பிடியாணை இல்லாமல் கைது செய்யப்படுவதற்கும் வழக்கு விசாரணை முடியும் வரை அவர்களை தடுத்துவைப்பதற்கும் நீதிவான ஒருவருக்கு கட்டளையிடுவதற்கும் இருக்கும் இயலுமை தொடர்பிலும் அரசாங்கத்தின் நிலைப்பாடு என்ன? எதிர்காலத்தில் சர்வதேச சட்டத்துக்கமை இந்த சட்டத்தில் திருத்தம் மேற்கொள்ள அரசாங்கம் அறிமுகப்படுத்தியுள்ள வரையரைகள் என்ன?

இந்த கேள்விகளுக்கு அரசாங்கத்திடம் இருந்து தெளிவான பதிலை எதிர்பார்க்கிறோம் என்றோம் என்றார்.

முன்னாள் பாதுகாப்புப் படைகளின் முன்னாள் பிரதானி சவேந்திர சில்வாவின் அலுவலகம் உத்தியோகபூர்வமாக மூடப்பட்டுள்ளது.

பல வருடங்களாக விசாரணை என்னும் பெயரில் சிறைகளில் தடுத்து வைக்கப்பட்டுள்ள தமிழ் அரசியல் கைதிகளை விடுதலை செய்யக்கோரி முன்னெடுக்கப்பட்டுவரும் கையெழுத்துப் போராட்டம் இன்றையதினம் கொடிகாமம் பேருந்துத் தரிப்பிடத்திற்கு முன்பாக இடம்பெற்றது.

இஸ்லாமிய மதத்தை அவமதித்ததற்காக பொதுபல சேனா (பிபிஎஸ்) அமைப்பின் பொதுச் செயலாளர் கலகொட அத்தே ஞானசார தேரருக்கு கொழும்பு நீதவான் நீதிமன்றம் 9 மாத சிறைத்தண்டனை விதித்துள்ளது.

2050 ஆம் ஆண்டளவில் 75% மின் தேவை அதிகரிப்பை எதிர்கொள்ள ஒன்ராறியோ அரசு மின்சக்தி திறன் திட்டங்களில் $10.9 பில்லியன் முதலீடு செய்கிறது. ஜனவரி 28, 2025 இல் தொடங்கப்படும், வீடு புதுப்பித்தல் சேமிப்புத் திட்டம் மின்சக்தி-திறனுள்ள புதுப்பிப்புகளுக்கு 30% வரை தள்ளுபடியை வழங்கும்.

வல்லைப் பகுதியில் புதன்கிழமை இரவு 7.30 மணியளவில் இடம் பெற்ற மோட்டார் சைக்கிள் விபத்தில் தவில் வித்துவான் விஜயகுமாரின் மகனான, 21 வயதான விஜயகுமார் மணிகண்டன் என்ற இளைஞன், உயிரிழந்துள்ளார் . இவர், யா / நெல்லியடி மத்திய கல்லூரி பழைய மாணவனும் பிரபல தவில் வித்துவான் விஜயகுமாரின் புதல்வனும் ஆவார்.

புலனாய்வு தகவல்களுக்கு அமைய எதிர்வரும் நாட்களில் இலங்கைக்கு 1 இலட்சம் அளவிலான அகதிகள் சட்டவிரோதமான முறையில் வருகைத் தருவதற்கான சாத்தியம் காணப்படுகிறது. நாட்டுக்கு வருகைத் தந்துள்ள 116 மியன்மார் பிரஜைகள் உண்மையில் அகதிகளாக வருகைத் தந்துள்ளார்களா என்பதை உறுதிப்படுத்தியதன் பின்னரே சர்வதேச சட்டத்துக்கு அமைய செயற்பட முடியும் என பொதுமக்கள் மற்றும் பாராளுமன்ற அலுவல்கள் அமைச்சர் ஆனந்த விஜேபால தெரிவித்தார்.

முல்லைத்தீவு- கூழாமுறிப்பு பகுதியில் நடந்த துப்பாக்கிச் சூட்டில் குடும்பஸ்தர் ஒருவர் படுகாயமுற்று மாஞ்சோலை வைத்தியசாலையில் தீவிரசிகிச்சை பிரிவில் அனுமதிக்கப்பட்டுள்ளார். நேற்று மாலை இந்தச் சம்பவம் நடைபெற்றுள்ளது.

வெளிவிவகார அமைச்சரின் அனுமதியின்றி அமைச்சர்கள் வெளிநாட்டு தூதரகங்களின் தலைவர்களை சந்திப்பதற்கு தடைவிதித்து ஜனாதிபதியின் செயலாளர் சுற்றறிக்கை வெளியிட்டதாக எதிர்க்கட்சி எம்.பி தயாசிறி ஜயசேகர குற்றம் சுமத்திய அதேவேளை, சபைத் தலைவர் பிமல் ரத்நாயக்க அதனை நிராகரித்ததுடன் நேற்று தாம் ஒரு வெளிநாட்டு தலைவரை சந்தித்ததாக தெரிவித்தார்.

சில ஊடகங்கள் செய்தி வெளியிட்டுள்ளது போல், இலங்கையில் எச்எம்பிவி தொற்றுகள் எவையும் அண்மையில் கண்டறியப்படவில்லை எனக் கூறிய சுகாதார அமைச்சர் வைத்தியர் நலிந்த ஜயதிஸ்ஸ, சுகாதார அமைச்சு இவ்விடயம் குறித்து விழிப்புடன் இருப்பதாகவும், நாட்டில் வைரஸால் பாதிக்கப்பட்ட நபர் கண்டறியப்பட்டால் மக்களுக்கு அறிவிப்பதாகவும் உறுதியளித்துள்ளார்.

2025 ஆம் ஆண்டுக்கான வரவு செலவுத் திட்ட ஒதுக்கீட்டு சட்டமூலத்தை பிரதமர் கலாநிதி ஹரிணி அமரசூரிய பாராளுமன்றத்தில் சமர்ப்பித்தார். குறித்த சட்டமூலத்தின் இரண்டாவது வாசிப்பு எதிர்வரும் பெப்ரவரி மாதம் 17 ஆம் திகதி நடைபெறவுள்ளது.

இலங்கைத் தமிழரசுக் கட்சியின் பாரளுமன்ற உறுப்பினர்களுக்கும் அமெரிக்க தூதுவர் யூலி சங் அவர்களுக்குமிடையிலான சந்திப்பு நேற்று இடம்பெற்றது.

வடக்கு மாகாணத்துக்கு மட்டுப்படுத்தப்பட்டுள்ள ரயில் சேவையை விரிவுபடுத்த போக்குவரத்து அமைச்சு விசேட கவனம் செலுத்த வேண்டும். தமிழர்கள் அதிகமாக வசிக்கும் வெள்ளவத்தை, பம்பலப்பிட்டி ரயில் நிலையங்களில் வடக்கு மாகாணத்துக்கான ரயில்களை நிறுத்த நடவடிக்கை எடுக்குமாறு தமிழ்த் தேசிய மக்கள் முன்னணியின் பாராளுமன்ற உறுப்பினர் கஜேந்திரகுமார் பொன்னம்பலம் வலியுறுத்தினார்.

அரிசி மாபியாக்களை இல்லாதொழிப்பதை மறந்து விட்டு வாகனங்களின் உதிரிபாகங்களை அகற்குவதற்கு அரசாங்கம் நடவடிக்கை எடுத்துள்ளது. கிளீன் ஸ்ரீ லங்கா திட்டம் என்று குறிப்பிட்டுக் கொண்டு பெரும் மோசடிகளும், குற்றங்களும் மறைக்கப்படுகிறது என ஐக்கிய மக்கள் சக்தியின் பாராளுமன்ற உறுப்பினர் கபீர் ஹாசிம் தெரிவித்தார்.

வழக்குகளை துரிதப்படுத்துவது குறித்து சட்டமா அதிபர் திணைக்களத்துக்கு ஜனாதிபதி ஆலோசனை வழங்குவதாயின் சட்டமா அதிபர் திணைக்களத்தின் சுயாதீனம் கேள்விக்குள்ளாக்கப்படும். இவ்வாறான செயற்பாடுகளினால் சட்டமா அதிபர் திணைக்களம் மற்றும் நீதிமன்ற கட்டமைப்பின் எதிர்காலம் என்னவாகும் என்பது சந்தேகத்துக்குரியது என ஐக்கிய மக்கள் சக்தியின் பாராளுமன்ற உறுப்பினர் தயாசிறி ஜயசேகர தெரிவித்தார்.

இலங்கையில் உள்ள இஸ்ரேல் நாட்டவரின் மதஸ்தலங்கள் மற்றும் கலாச்சார ஸ்தலங்களுக்கு பொலிஸ் மற்றும் விசேட அதிரடிப்படை பாதுகாப்பு வழங்கப்படுவது தேசிய பாதுகாப்புக்கு பாரிய அச்சுறுத்தலாகும். மொசாட் இலங்கைக்கு வருவது அவ்வளவு நல்லதல்ல என நாடாளுமன்ற உறுப்பினர் முஜிபுர் ரஹமான் அரசாங்கத்துக்கு எச்சரிக்கை விடுத்தார்.

அமெரிக்க டொலருக்கு நிகரான இலங்கை ரூபாவின் பெறுமதி வலுவடைந்துள்ளது. இலங்கை மத்திய வெளியிட்டுள்ள நாணய மாற்றுவீத அறிக்கையில் இந்த விடயம் தெரிவிக்கப்பட்டுள்ளது. இதன்படி, டொலர் ஒன்றின் கொள்வனவு விலை 286 ரூபா 46 சதமாக பதிவாகியுள்ளது.அத்துடன் விற்பனை விலை 300 ரூபா 52 சதமாக பதிவாகியுள்ளது.

பாணந்துறையில் உள்ள பிரபல ஹோட்டல் ஒன்றில் இருந்து கொள்வனவு செய்யப்பட்ட பனிஸ் ஒன்றிற்குள் லைட்டரின் பாகங்கள் காணப்பட்டுள்ளன. பாணந்துறை அருக்கொட பிரதேசத்தை சேர்ந்த மஞ்சுள பெரேரா என்பவர் நேற்றுக்காலை இரண்டு கறி பனிஸ்களை ஹோட்டலில் இருந்து கொள்வனவு செய்துள்ளார். அதில் ஒரு பனிஸில் லைட்டரின் உலோகப் பகுதி காணப்பட்டது.

இந்த வருடத்தின் நடுப்பகுதியில் இலங்கையில் பணவீக்கம் நிலையான நிலையை எட்டுமென மத்திய வங்கியின் ஆளுநர் கலாநிதி நந்தலால் வீரசிங்க தெரிவித்துள்ளார். இலங்கை மத்திய வங்கியின் 2025 புத்தாண்டுக்கான கொள்கை தொடர் வெளியீட்டு விழாவில் கலந்துகொண்டு உரையாற்றும் போதே அவர் இதனைத் தெரிவித்தார்.

பாராளுமன்றத் தேர்தல் தொடர்பான செலவு அறிக்கையை சமர்ப்பிக்காத வேட்பாளர்களுக்கு எதிராக சட்ட நடவடிக்கைகளை ஆரம்பிக்குமாறு பதில் பொலிஸ்மா அதிபர் அறிவுறுத்தல் வழங்கியுள்ளார்.

திருகோணமலை,வெருகல் பிரதேச செயலகப்பிரிவின் வட்டவான் பகுதியில்,திங்களன்று திடீரென தொல்லியல் திணைக்களத்தால் நடப்பட்ட " வட்டவான் தொல்லியல் நிலையம்" என்ற பெயர் பலகைக்கு ஆட்சேபம் தெரிவித்து,வெருகல் பிரதேச செயலகத்தின் முன்பாக பொதுமக்களால் ஆர்ப்பாட்டம் நடத்தப்பட்டது.