மியன்மார் ரோஹிங்கியா அகதிகளை நாட்டை விட்டு உடனடியாக வெளியேற்ற வேண்டும். இவர்களை இங்கு தங்க வைத்தால் தேவையில்லாத பிரசச்சினைகள் ஏற்படும் என ஸ்ரீ லங்கா பொதுஜன பெரமுனவின் முன்னாள் பாராளுமன்ற உறுப்பினர் அட்மிரல் சரத் வீரசேகர தெரிவித்தார்.

ஸ்ரீ லங்கா பொதுஜன பெரமுனவின் காரியாலயத்தில் வெள்ளிக்கிழமை (10) நடைபெற்ற ஊடகவியலாளர் சந்திப்பின் போது மேற்கண்டவாறு குறிப்பிட்டார்.

மியன்மார் நாட்டு ரோஹின்யா அகதிகள் இலங்கைக்கு வருகைத் தந்துள்ளமை பாரியதொரு பிரச்சினையாக மாற்றமடைந்துள்ளது.எதிர்வரும் காலப்பகுதியில் அகதிகள் என்று குறிப்பிட்டுக் கொண்டு 1இலட்சம் பேர் இலங்கைக்கு வரவுள்ளதாக புலனாய்வு தகவல் கிடைத்துள்ளதாக பொதுமக்கள் பாதுகாப்பு அமைச்சர் ஆனந்த விஜேபால பாராளுமன்றத்தில் தெரிவித்துள்ளார்.

அத்துடன் இவர்கள் அகதிகள் அல்ல படகுக்கு பணம் செலுத்தி இலங்கைக்கு சட்டவிரோதமாக வருகைத் தந்துள்ளார்கள் என்றும் குறிப்பிட்டுள்ளார். ஐக்கிய நாடுகள் சபையின் அகதிகள் தொடர்பான நிறுவனம் இவ்விடயத்தில் இலங்கைக்கு அழுத்தம் பிரயோகிக்க முடியாது. ஏனெனில் அகதிகள் தொடர்பான ஐக்கிய நாடுகள் சபையின் உடன்படிக்கைகளில் இலங்கை கைச்சாத்திடவில்லை.

நிதி வழங்குகிறோம் மியன்மார் அகதிகளை பொறுப்பேற்றுமாறு ஐக்கிய நாடுகள் சபையின் அகதிகள் நிறுவனம் இலங்கைக்கு அழுத்தம் பிரயோகிக்க முடியாது. இந்த அகதிகளை ஏன் இலங்கையில் வைத்திருக்க வேண்டும் என்பதே பிரச்சினை.

இலங்கை இராணுவம் யுத்தக் குற்றம் செய்தது என்று ஐக்கிய நாடுகள் சபையில் இலங்கைக்கு எதிராக பல யோசனைகள் கொண்டு வரப்பட்டு, நிறைவேற்றப்பட்டுள்ளன. இலங்கைக்கு எதிராக சாட்சியம் திரட்டப்படுகிறது. இவ்வாறான பின்னணியில் சட்டவிரோத அகதிகளை பொறுப்பேற்குமாறு எவ்வாறு அழுத்தம் பிரயோகிக்க முடியாது.

அகதிகள் என்று குறிப்பிட்டுக் கொள்ளும் தரப்பினர்கள் கொழும்பில் உள்ள ஐக்கிய நாடுகள் சபையின் காரியாலயத்தின் முன்பாக ' தமக்கு கௌரவமான வாழும் சூழல் வேண்டும்' என்று பதாதைகளை ஏந்தியவாறு போராட்டத்தில் ஈடுபடுகிறார்கள். இவர்களின் பின்னணியில் ஒரு சக்தி உள்ளது என்பதை நாங்கள் நன்கு அறிவோம்.

அகதிகள் என்று குறிப்பிட்டுக் கொள்ளும் அவர்கள் இஸ்லாமியர்கள். ஆனால் இலங்கையில் வாழும் முஸ்லிம் சமூகத்தினர்கள் சிங்கள,தமிழ் மக்களுடன் இணக்கமாகவே செயற்படுகிறார்கள். அனைத்து இன மக்களின் கலாச்சாரங்களுக்கும் மதிப்பளித்து சகோதரத்துவத்துடன் வாழ்கிறார்கள்.பிற நாடுகளில் வாழும் முஸ்லிம்கள் இவ்வாறு இணக்கமாக செயற்படமாட்டார்கள்.

பிற நாடுகளில் உள்ள முஸ்லிம்கள் ஸரியா சட்டத்தை கடைப்பிடிக்கின்றார்கள். அவ்வாறான கலாச்சாரத்தில் வாழ்ந்தவர்கள் இலங்கையின் கலாச்சாரத்துக்கு அமைய செயற்படமாட்டார்கள். உலகில் 50 .இற்கும் அதிகமான முஸ்லிம் நாடுகள் உள்ளன அவற்றில் பெரும்பாலானவை செல்வந்த நாடுகள். இலங்கைக்கு வருகைத் தந்துள்ள மியன்மார் அகதிகளை முஸ்லிம் நாடுகளுக்கு அனுப்பி வைப்பதற்கு ஐக்கிய நாடுகள் சபையின் அகதிகள் நிறுவனம் ஏன் கவனம் செலுத்தவில்லை என்பது பிரச்சினைக்குரியது.

இலங்கை பொருளாதார ரீதியில் வங்குரோத்து நிலையடைந்துள்ளது. பொருளாதார நெருக்கடிக்கு இன்றும் தீர்வு காணப்படவில்லை. அத்தியாவசிய பொருட்களின் விலை நாளாந்தம் உயர்வடைந்துள்ளது. எமது நாட்டு மக்கள் பல பிரச்சினைகளை எதிர்க்கொண்டுள்ள நிலையில் மக்களின் அடிப்படை பிரச்சினைகளுக்கு தீர்வு காண்பதற்கு அரசாங்கம் அரசாங்கம் கவனம் செலுத்த வேண்டும். அதன் பின்னர் ஏனைய தரப்பினர் குறித்து அவதானம் செலுத்தலாம்.

இலங்கை சமூக கட்டமைப்பில் பாரிய பிரச்சினைகள் காணப்படுகின்றன நிலையில் மியன்மார் நாட்டு அகதிகளை இங்கு நிரந்தரமாக தங்க வைப்பது பல பிரச்சினைகளை ஏற்படுத்தும்.அகதிகள் என்ற பெயரில் பல பிரச்சினைகள் தோற்றம் பெறும். ஆகவே தேசிய பாதுகாப்பு குறித்து விசேட கவனம் செலுத்த வேண்டும். நாட்டுக்கு வரும் அகதிகளை நாட்டை விட்டு வெளியேற்றுவது அத்தியாவசியமானது.

மியன்மார் நாட்டு அகதிகளை இலங்கையில் தங்க வைக்க வேண்டும் என்ற நிலைப்பாட்டில் இருந்துக் கொண்டு எதிர்க்கட்சித் தலைவர் சஜித் பிரேமதாச உட்பட பாராளுமன்ற உறுப்பினர்களான முஜிபூர் ரஹ்மான், ரவூப் ஹக்கீம் ஆகியோர் பேசுகிறார்கள்.யுத்தத்தால் இடம்பெயர்ந்து 11 ஆயிரம் பேர் இன்றும் முகாம்களில் வாழ்கிறார்கள்.

இவர்கள் பற்றி பேசாமல் பிற நாட்டு அகதிகள் பற்றி பேசுவது அரசியல் செயற்படாகும். பணம் செலுத்தி படகுகளில் வருபவர்கள் அகதிகளல்ல,அகதிகள் என்று குறிப்பிட்டுக் கொண்டு இலங்கைக்கு வருகைத் தருபவர்கள் தொடர்பில் விசேட கவனம் செலுத்த வேண்டும். ஏனெனில் போர்த்துக்கேயர்களும் அகதிகள் என்று குறிப்பிட்டுக் கொண்டு தான் இலங்கைக்கு வந்து இலங்கையை ஆக்கிரமித்தார்கள். மியன்மார் ரோஹிங்கியா அகதிகளை நாட்டை விட்டு உடனடியாக வெளியேற்ற வேண்டும் என்றார்.

சென்னை செல்வதற்காக வெள்ளிக்கிழமை (10) கொழும்பு கட்டுநாயக்க சர்வதேச விமான நிலையத்துக்குச்சென்ற இலங்கைத் தமிழரசுக்கட்சியின் பாராளுமன்ற உறுப்பினர் சிவஞானம் சிறிதரனுக்கு எதிராகப் பயணத்தடை அமுலில் இருப்பதாகக் குறிப்பிட்டு, குடிவரவு, குடியகல்வுத் திணைக்கள அதிகாரிகள் அவரை நீண்டநேரம் கெடுபிடிகளுக்கு உட்படுத்தியுள்ளனர்.

கனடாவின் முடிக்குரிய பூர்வீகக் குடிகள், வடக்கு விவகாரங்கள் மற்றும் வடக்கு பொருளாதார அபிவிருத்தி நிறுவனங்களுக்கான அலுவல்கள் அமைச்சர் ஹரி ஆனந்த சங்கரிக்கும் இலங்கைத் தமிழரசுக்கட்சிப் பாராளுமன்ற உறுப்பினர்களுக்குமிடையில் வெள்ளிக்கிழமை மாலை சந்திப்பொன்று இடம்பெற்றுள்ளது.

கட்சியில் இருந்து என்னை நீக்கும் அதிகாரம் பொதுச்சபைக்கு மாத்திரமே உள்ளது. அதனை மீறினால் செயலாளருக்கு எதிராக வழக்குத்தாக்கல் செய்வேன் என்று முன்னாள் பாராளுமன்ற உறுப்பினர் சி.சிவமோகன் தெரிவித்தார்.

யாழ்ப்பாணத்தில் 51 வருடங்களுக்கு முன்னர் உலகத் தமிழாராய்ச்சி மாநாடு நடைபெற்ற போது 9 பேர் மரணமடைந்த உறவுகளை நினைவுகூர்ந்ததுடன் அவர்களுடைய குடும்பத்தினருக்கும் நாடாளுமன்ற உறுப்பினர் சிவஞானம் சிறீதரன் ஆறுதல் தெரிவித்தார். நேற்றைய பாராளுமன்ற பாராளுமன்ற அமர்வில் கலந்துகொண்டு உரையாற்றும் போதே அவர் இவ்வாறு குறிப்பிட்டார்.

தைப்பொங்கலுடன் இணைந்த வார இறுதி விடுமுறையை கருத்திற் கொண்டு போக்குவரத்து நெரிசலைக் குறைப்பதற்காக விசேட ரயில் சேவைகள் முன்னெடுக்கப்பட்டுள்ளதென ரயில்வே திணைக்களம் தெரிவித்துள்ளது.

யாழ்ப்பாணத்தில் மது போதையில் சைக்கிளை ஓட்டிச் சென்ற நபருக்கு 25 ஆயிரம் ரூபாய் தண்டப்பணம் விதிக்கப்பட்டுள்ளது. அச்சுவேலி பகுதியை சேர்ந்த நபர் ஒருவர் மது போதையில் துவிச்சக்கர வண்டியை செலுத்தி சென்ற போது அச்சுவேலி பொலிஸார் குறித்த நபரை கைது செய்து, மல்லாகம் நீதிவான் நீதிமன்றில் வழக்கு தொடர்ந்தனர். வழக்கு விசாரணையின் போது, தன் மீதான குற்றச்சாட்டை ஏற்றுக்கொண்டதை அடுத்து, நீதிமன்று அந்நபருக்கு 25 ஆயிரம் ரூபாய் தண்டப்பணம் விதித்து உத்தரவிட்டுள்ளது.

க்ளீன் ஸ்ரீ லங்கா செயற்திட்டத்தின் ஆரம்ப நிகழ்வுக்கு 70 இலட்சம் செலவிடப்பட்டதாக வெளியாகியுள்ள செய்தி முற்றிலும் பொய்யானது. இந்த நிகழ்வுக்காக 9 இலட்சம் ரூபா மாத்திரமே செலவிடப்பட்டது என சுகாதாரத்துறை அமைச்சர் நளிந்த ஜயதிஸ்ஸ தெரிவித்தார்.

இன்று முதல் அமுலுக்கு வரும் வகையில் சிகரெட் விலையை அதிகரிக்க இலங்கை புகையிலை நிறுவனம் தீர்மானித்துள்ளது. கலால் வரி அதிகரிப்புடன் சிகரெட் விலைகளை அதிகரிக்க தீர்மானிக்கப்பட்டதாக அந்த நிறுவனம் தெரிவித்துள்ளது.

யாழ்ப்பாணத்தில் இடம்பெற்ற நான்காவது உலகத் தமிழராய்ச்சி மாநாட்டில் படுகொலை செய்யப்பட்டவர்களின் 51 ஆவது ஆண்டு நினைவேந்தல் நிகழ்வு இன்று காலை 9:30 மணிக்கு யாழ்ப்பாணம் முற்றவெளியில் அமைந்துள்ள உலகத் தமிழராட்சி மாநாட்டு படுகொலை நினைவாலயத்தில் இடம்பெற்றது

தொல்லியல் திணைக்களம் உட்பட அரச திணைக்களங்களினால் விவசாய நிலங்கள் கையகப்படுத்தப்பட்டுள்ளமையும் நாட்டின் நெல் உற்பத்தி குறைவுக்கு காரணம் என நாடாளுமன்ற உறுப்பினர் குகதாசன் தெரிவித்தார். நேற்றையதினம் இடம்பெற்ற பாராளுமன்ற அமர்வில் கலந்து கொண்டு உரையாற்றும் போதே அவர் இவ்வாறு தெரிவித்தார்.

முன்னாள் ரஷ்ய தூதுவர் உதயங்க வீரதுங்க, மிரிஹான பொலிஸாரால் கைது செய்யப்பட்டுள்ளார். மிரிஹான பிரதேசத்தில், அயலவர் வீட்டாரை தாக்கிய சம்பவம் தொடர்பிலேயே, அவர் கைது செய்யப்பட்டுள்ளார். தாக்குதலுக்கு உள்ளான நபர் ஸ்ரீ ஜயவர்தனபுர வைத்தியசாலையில் அனுமதிக்கப்பட்டுள்ளார்.

அரிசித் தட்டுப்பாட்டை நிவர்த்தி செய்வதற்கு ஜனாதிபதி அநுரகுமார திசாநாயக்க தலைமையிலான அரசாங்கம் உடனடியாக நடவடிக்கை எடுக்க வேண்டும் என வலியுறுத்தி அக்கரப்பத்தனை மன்றாசி நகரில் வர்த்தகர்கள் இன்று கவனயீர்ப்பு ஆர்ப்பாட்டத்தில் ஈடுபட்டனர்.

கிளிநொச்சி நகரில் இன்று அதிகாலை 5.45 மணியளவில் இடம்பெற்ற வீதி விபத்தில் முதியவர் ஒருவர் பலியாகியுள்ளார்.யாழ்ப்பாணம் - பருத்தித்துறை பகுதியில் இருந்து திருகோணமலை நோக்கி பயணித்த அரச பேருந்தில் கந்தசாமி கோவிலுக்கு முன்பாக குறித்த விபத்து இடம்பெற்றுள்ளது.

இலஞ்சம் அல்லது ஊழல் பற்றிய சார்த்துதல்களைப் புலனாய்வு செய்வதற்கான ஆணைக்குழுவின் புதிய பணிப்பாளர் நாயகமாக மேல் நீதிமன்ற நீதிபதி ரங்க திசாநாயக்கவை ஜனாதிபதி அநுரகுமார திசாநாயக்க, நியமித்துள்ளார். இதற்கமைவான நியமனக் கடிதம் ஜனதிபதி செயலகத்தில் வைத்து ஜனாதிபதியின் செயலாளர் கலாநிதி நந்திக சனத் குமாநாயக்கவினால், மேல் நீதிமன்ற நீதிபதி ரங்க திசாநாயக்கவுக்கு இன்று வழங்கப்பட்டது.

யாழ்ப்பாணத்தில் இளைஞன் ஒருவரை கடத்தி சென்று தாக்கிய குற்றச்சாட்டில் தேடப்பட்டு வந்த பிரதான சந்தேகநபர் சுமார் ஒருவருடத்துக்கு பின்னர் கைது செய்யப்பட்டுள்ளார்.

யாழ்ப்பாணம் – கோப்பாய் பகுதியில் நேற்று ஒரு வயது ஆண் குழந்தை மண்ணெண்ணெய் அருந்திய நிலையில் உயிரிழந்துள்ளது. கோப்பாய் மத்தி, கோப்பாய் பகுதியைச் சேர்ந்த தர்சிகன் சஸ்வின் குழந்தையே இவ்வாறு உயிரிழந்துள்ளது.

2024 ஆம் ஆண்டுக்கான தரம் 5 புலமைப்பரிசில் பரீட்சையின் பெறுபேறுகள் பெப்ரவரி 10 முதல் 12 ஆம் திகதிக்குள் வெளியிடப்படும் என எதிர்பார்க்கப்படுவதாக பரீட்சைகள் ஆணையாளர் நாயகம் அமித் ஜெயசுந்தர தெரிவித்தார்.

மட்டக்களப்பு - பாசிக்குடா கடலில் நீராடச் சென்ற ரஷ்ய நாட்டு சுற்றுலாப் பயணி இன்று கடல் அலையில் இழுத்துச் செல்லப்பட்டு உயிரிழந்துதுள்ளார். ரஷ்ய நாட்டைச் சேர்ந்த 65 வயதுடைய கரிசன் என்பவரே இவ்வாறு உயிரிழந்துள்ளார்

அனைத்து இன மக்களும் இந்த அரசாங்கத்தில் பங்குதாரர்களாக உள்ளனர். ஆகவே, அரசியல் தீர்வு விவகாரம் குறித்து அரசாங்கம் விசேட கவனம் செலுத்த வேண்டும். தீர்வுத் திட்டத்தில் அரசாங்கம் சிறந்த தீர்மானத்தை எடுத்தால் சிங்கள மக்களும் ஆதரவளிப்பார்கள். ஏனெனில், சிங்கள மக்களும் தற்போது நேர்மனப்பான்மையில் உள்ளார்கள் என இலங்கை தமிழரசுக் கட்சியின் பாராளுமன்ற உறுப்பினர் எஸ்.சிறிதரன் சபையில் வலியுறுத்தினார்.

மன்னார் சதோச மனித புதைகுழி மற்றும் மன்னார் திருக்கேதீஸ்வரம் மனித புதைகுழி வழக்கு விசாரணைகள் நேற்று மன்னார் நீதவான் நீதிமன்றத்தில் விசாரணைகளுக்காக எடுத்துக் கொள்ளப்பட்டது. இதன் போது பாதிக்கப்பட்டோர் சார்பில் மன்றில் முன்னிலையான சட்டத்தரணி வி.எஸ்.நிறைஞ்சன் ஊடகங்களுக்கு கருத்து தெரிவித்தார்.