அனைத்துலகத் தமிழர் பேரவை (FGT), தாயகத்திலும் புலம்பெயர் நாடுகளிலும் வாழும் ஈழத் தமிழர்களையும், பேரவையின் நோக்கங்களில் பற்றுறுதி கொண்ட ஏனையோரையும் உறுப்பினர்களாக இணைந்து, பேரவையின் எதிர்காலத்தை வடிவமைப்பதில் பங்கேற்குமாறு அழைக்கிறது.

2026 ஜனவரி 24 அன்று ஐக்கிய இராச்சியத்தில் ஏற்றுக்கொள்ளப்பட்ட பேரவையின் யாப்பிற்கு அமைவாக, முதலாவது பொதுத் தேர்தலை நடத்துவதற்கும், இடைக்காலத் தலைமையிலிருந்து ஜனநாயக முறையில் அமைக்கப்படும் நிர்வாகக் கட்டமைப்பிற்கு மாறுவதற்கும் இந்த உறுப்பினர் சேர்க்கை நடவடிக்கை ஒரு முக்கிய படியாக அமைகிறது.

அனைத்துலகத் தமிழர் பேரவை, ஈழத் தமிழர்களை ஒன்றிணைத்து வலுப்படுத்தும் நோக்குடன் செயற்படும் அரச சார்பற்ற, இலாப நோக்கற்ற, கட்சி சார்பற்ற குடிமைச் சமூக அமைப்பாகும். தமிழ் மொழி மற்றும் பண்பாட்டைப் பாதுகாத்தல், கல்வி வளர்ச்சி, நிலையான பொருளாதார மேம்பாடு, சமூக நலன், தாயகத்திற்கும் புலம்பெயர் சமூகங்களுக்கும் இடையிலான ஒத்துழைப்பை வலுப்படுத்துதல் ஆகியவை பேரவையின் முன்னுரிமைகளாகும்.

உறுப்பினர் சேர்க்கையும் பங்கேற்பும்

தொழில்சார் வல்லுநர்கள், தொழில்முனைவோர், கல்வியாளர்கள், இளைஞர்கள், பெண்கள் மற்றும் சமூகத் தொண்டர்கள் பேரவையில் இணைந்து, தமது அறிவு, அனுபவம் மற்றும் அர்ப்பணிப்பின் மூலம் பங்களிக்குமாறு FGT அழைக்கிறது.

முன்மொழியப்பட்ட தேர்தல் ஏற்பாடுகளின்படி, எதிர்வரும் தேர்தலில் பங்கேற்க விரும்புவோர் 2026 நவம்பர் 30 ஆம் திகதிக்குள் உறுப்பினர்களாக இணைந்திருக்க வேண்டும். தேர்தலில் பங்கேற்பது, உறுப்பினர் பதிவைச் சரிபார்த்தல் மற்றும் பொருந்தக்கூடிய தகுதி விதிமுறைகளுக்கு உட்பட்டதாகும்.

உறுப்பினர் சேர்க்கையை ஊக்குவிப்பதற்காக, அறிமுகச் சலுகையாக உறுப்பினர் சந்தாக் கட்டணத்தில் 50% குறைப்பு முன்மொழியப்பட்டுள்ளது. ஒவ்வொரு நாட்டிற்குமான கட்டணங்களும் சலுகைக்கான நிபந்தனைகளும் இறுதிசெய்யப்பட்ட பின்னர், பேரவையின் அதிகாரப்பூர்வத் தொடர்பு வழிகள் மூலம் அறிவிக்கப்படும்.

முன்மொழியப்பட்ட தேர்தல் கால அட்டவணை

· நவம்பர் 30, 2026: தேர்தலில் பங்கேற்பதற்கான உறுப்பினர் சேர்க்கையின் இறுதித் திகதி.

· டிசம்பர் 1–10, 2026: பொதுச் சபைக்கான வேட்புமனுக்கள் ஏற்றுக்கொள்ளப்படும் காலம்.

· டிசம்பர் 19, 2026: பொதுச் சபைத் தேர்தலும் தெரிவுசெய்யப்பட்ட உறுப்பினர்களின் பெயர் வெளியீடும்.

· டிசம்பர் 20–31, 2026: மத்திய குழுவின் தேர்தல் மூலம் நிரப்பப்படும் பதவிகளுக்கான வேட்புமனுக்கள் ஏற்றுக்கொள்ளப்படும் காலம்.

· ஜனவரி 9, 2027: பொதுச் சபையினால் தலைவரும் நாடு அல்லது பிராந்தியத் தலைவர்களும் தெரிவுசெய்யப்படுதல்.

· ஜனவரி 30, 2027: ஐக்கிய இராச்சியத்தில் நடைபெறும் FGT வருடாந்த மாநாட்டில் புதிய மத்திய குழு அறிவிக்கப்படுதல்.

இந்தக் கால அட்டவணை இறுதி ஒப்புதலுக்கும், பொருந்தக்கூடிய யாப்பு மற்றும் தேர்தல் நடைமுறைகளுக்கும் உட்பட்டதாகும். துணைத் தலைவரும் இயக்குநர்களும் யாப்பிற்கு அமைவாக நியமிக்கப்படுவார்கள்.

பேரவையின் யாப்பின்படி, பொதுச் சபை 100 உறுப்பினர்களைக் கொண்டதாக அமையும். இவர்களில் 90 பேர் தேர்தல் மூலம் தெரிவுசெய்யப்படுவதுடன், 10 பேர் மத்திய குழுவின் ஒப்புதலுடன் தலைவரால் நியமிக்கப்படுவார்கள். தேர்தல்களை நடத்துவதும் முடிவுகளைச் சான்றுறுதிப்படுத்துவதும் சுயாதீனத் தேர்தல் ஆணைக்குழுவின் பொறுப்பாகும்.

வாக்காளர் மற்றும் வேட்பாளர் தகுதிகள், வேட்புமனுத் தாக்கல் நடைமுறைகள், வாக்களிக்கும் முறைகள் மற்றும் இறுதி நேரங்கள் தொடர்பான விரிவான தகவல்கள் அதிகாரப்பூர்வத் தேர்தல் அறிவித்தலில் வெளியிடப்படும்.

தமிழ்ச் சமூகங்களின் நலன்களையும் அபிலாஷைகளையும் முன்னெடுக்கும் பிரதிநிதித்துவம் மிக்க, பொறுப்புக்கூறல் கொண்ட, செயற்திறனுள்ள பேரவையைக் கட்டியெழுப்புவதில் உலகெங்கிலும் உள்ள தகுதியுடையோர் இணைந்து செயற்படுமாறு FGT அழைக்கிறது.

உறுப்பினர் சேர்க்கை தொடர்பான விசாரணைகளுக்கு: Admin@tamilfederation.org

மேலதிக தகவல்களுக்கு:

www.tamilfederation.org

வெளியீடு:

அனைத்துலகத் தமிழர் பேரவை (FGT)

மட்டக்களப்பு மாவட்டத்தின் மயிலத்தமடு - மாதவனை பண்ணையாளர்களுக்கான சரியான நீதியை தற்போதைய அரசாங்கமும் பொலிஸாரும் நிலைநாட்ட வேண்டும் என தெரிவித்து பதாகைகளை ஏந்தியவாறு இன்று திங்கட்கிழமை (02) மட்டக்களப்பு கச்சேரிக்கு முன்னால் மாபெரும் ஆர்ப்பாட்டம் நடத்தப்பட்டது.

வீரத்தின் அடையாளமாக விளங்கும் பல்லவராய மன்னனின் உருவச் சிலைக்கு, இன்றைய தினம் இலங்கைத் தமிழ் அரசுக் கட்சியின் பாராளுமன்ற உறுப்பினர் சிவஞானம் சிறீதரன் மாலை அணிவித்து மரியாதை செலுத்தினார்.

தமிழ் தேசிய மக்கள் முன்னணி கட்சியின் தேசிய அமைப்பாளர் தர்மலிங்கம் சுரேஸை,கொழும்பிலுள்ள பயங்கரவாத தடுப்பு பிரிவு காரியாலயத்துக்கு வருமாறு அழைப்பு விடுக்கப்பட்டுள்ளது என கட்சியின் செயலாளரும் முன்னாள் பாராளுமன்ற உறுப்பினருமான செல்வராசா கஜேந்திரன் தெரிவித்தார்.

வரி செலுத்துவோர் அடையாள இலக்கத்தை (TIN) பெற்றுக் கொள்வதற்காகப் பெருந்திரளான மக்கள் உள்நாட்டு இறைவரித் திணைக்களத்தின் (IRD) தலைமை அலுவலகத்திற்கு வருகை தந்ததால் அங்குப் பாரிய நெரிசல் ஏற்பட்டுள்ளது.

அவுஸ்திரேலியாவின் மெல்போர்ன் நகரிலிருந்து கட்டுநாயக்க விமான நிலையத்துக்கு வந்த ஸ்ரீலங்கன் எயார்லைன்ஸ் விமானமொன்றில் திடீரென புகைப்படர்ந்தமையினால் நேற்றிரவு அவசரமாகத் தரையிறக்கப்பட்டது.

வங்காள விரிகுடாவின் மேற்கு-மத்திய மற்றும் அதனை ஒட்டிய தென்மேற்குப் பகுதியில் மையம் கொண்டிருந்த 'முரசு' புயல், தீவிரப் புயலாக வலுவடைந்துள்ளதாக வளிமண்டலவியல் திணைக்களம் அறிவித்துள்ளது.

கண்டி, பல்லேகலை தும்பர சிறைச்சாலையிலிருந்து தப்பிச் செல்ல முயன்றதாகக் கூறப்படும் விளக்கமறியல் கைதி ஒருவர், சிறைச்சாலை அதிகாரி நடத்திய துப்பாக்கிச் சூட்டில் உயிரிழந்துள்ளார்.

அனலைதீவு ஆறாம் வட்டாரம் பகுதியில் உள்ள வீடொண்டில் மேற்கொண்ட திடீர் சோதனையின் போது இரண்டு வாள்களுடன், 20 வயது இளைஞர் அதிரடியாக கைது செய்யப்பட்டுள்ளதாக பொலிசார் தெரிவித்துள்ளனர்.

யாழ்ப்பாணத்தைச் சேர்ந்த குடும்பஸ்தர் ஒருவர், நண்பர்களுடன் வெளியில் சென்ற நிலையில் இன்று (02) குளமொன்றில் இருந்து சடலமாக மீட்கப்பட்டுள்ளார்.

இலங்கை பெற்றோலியக் கூட்டுத்தாபனம் நேற்று (01) நள்ளிரவு முதல் அமுலுக்கு வரும் வகையில் எரிபொருள் விலைகளை அதிகரித்துள்ளது. இதன்படி, ஒக்டேன் 92 ரக பெற்றோலின் விலை லீற்றருக்கு 10 ரூபாவால் அதிகரிக்கப்பட்டு 424 ரூபாவாகவும், ஒக்டேன் 95 ரக பெற்றோலின் விலை லீற்றருக்கு 15 ரூபாவால் அதிகரிக்கப்பட்டு 490 ரூபாவாகவும் நிர்ணயிக்கப்பட்டுள்ளது.

இலங்கை பெற்றோலிய கூட்டுத்தாபனம் எரிபொருட்களின் விலையினை அதிகரித்த நிலையில் லங்கா ஐ.ஓ.சி நிறுவனமும் எரிபொருட்களின் விலையில் திருத்தம் மேற்கொண்டுள்ளது.

யாழ்ப்பாணம், அளவெட்டி - அழுக்கை சந்தி பகுதியில் நேற்று இடம்பெற்ற மோட்டார் சைக்கிள் விபத்தில் இரண்டு இளைஞர்கள் சம்பவ இடத்திலேயே உயிரிழந்துள்ளனர். சுன்னாகம் பகுதியைச் சேர்ந்த 17 மற்றும் 24 வயதுடைய இரு இளைஞர்களே இவ்வாறு உயிரிழந்துள்ளனர்.

மட்டக்களப்பில் மாவீரர் மாதத்தை முன்னிட்டு தமிழ் தேசிய மக்கள் முன்னணி கட்சியினர் தரவை மாவீரர் துயிலும் இல்லத்தில் சிரமதான பணி ஞாயிற்றுக்கிழமை (01) ஆரம்பித்து மாவீர்களின் கல்லறைக்கு கட்சியின் செயலாளர் செல்வராசா கஜேந்திரன். தேசிய அமைப்பாளர் தர்மலிங்கம் சுரேஸ் மற்றும் கட்சி உறுப்பினர்கள் மலர் தூவி அஞ்சலி செலுத்தினர்.

எரிவாயு சிலிண்டர்களைப் பதுக்கி வைத்தல், விற்பனையைக் கட்டுப்படுத்துதல், நிர்ணயிக்கப்பட்ட அதிகபட்ச சில்லறை விலையை விட அதிக விலைக்கு விற்பனை செய்தல் மற்றும் அனுமதியற்ற மேலதிக கட்டணங்களை அறவிடுதல் போன்ற நடவடிக்கைகளில் ஈடுபட வேண்டாம் என அங்கீகரிக்கப்பட்ட அனைத்து விநியோகஸ்தர்களுக்கும் லிட்ரோ நிறுவனம் கடுமையான எச்சரிக்கை விடுத்துள்ளது.

பெண்களின் உடலமைப்பு, உடல் அங்கங்கள் மற்றும் வெளித்தோற்றம் தொடர்பில் பொது மேடைகளில் தெரிவிக்கப்படும் பாலியல் தன்மையிலான கருத்துகள் வெறுமனே அசௌகரியத்தை ஏற்படுத்தும் பேச்சுகளாக மட்டும் கருதப்பட முடியாது. மாறாக, அவை பெண்களைத் தாழ்த்தி ஆணாதிக்க அதிகாரத்தை நிலைநாட்டும் உத்தியாகவும் அமைகின்றன என சம உரிமை இயக்கம் சுட்டிக்காட்டியுள்ளது.

கிளிநொச்சி கனகபுரம் மாவீரர் துயிலும் இல்லத்தில் தமிழ்த் தேசிய மாவீரர் நாள் ஏற்பாடுகளுக்கான ஆரம்ப நாள் நிகழ்வும், விசேட கலந்துரையாடலும் நேற்றையதினம் நடைபெற்றன.

பல்லேகலை - தும்பறை சிறைச்சாலையிலிருந்து தப்பிச் செல்ல முயன்ற கைதி ஒருவர், சிறைச்சாலை அதிகாரி ஒருவரால் மேற்கொள்ளப்பட்ட துப்பாக்கிச் சூட்டில் நேற்று பிற்பகல் உயிரிழந்துள்ளார்.

ஒழுங்கமைக்கப்பட்ட குற்றச்செயல்களை தடுத்தல் சட்டமூலத்துக்கு சாதாரண மக்கள் எதிர்ப்பு தெரிவிக்கவில்லை. பாதாளக் குழுக்கள் மற்றும் போதைப்பொருளுக்கு கடுமையான நடவடிக்கைகளை எடுக்க வேண்டுமாயின் இந்த சட்டம் நிறைவேற்றப்பட வேண்டும். இன்னும் ஒருமாத காலத்துக்குள் இந்த சட்டம் நிறைவேற்றப்படும் என பொதுமக்கள் பாதுகாப்பு மற்றும் பாராளுமன்ற விவகாரங்கள் அமைச்சர் ஆனந்த விஜேபால தெரிவித்தார்.

பொகவந்தலாவ பகுதியில் 10 வயது சிறுவன் ஒருவன் ஆற்றில் விழுந்து உயிரிழந்துள்ளதாக பொலிஸார் தெரிவித்துள்ளனர். பொகவந்தலாவ, லின்பொட் தோட்டப் பகுதியில் வசித்து வந்த 5 ஆம் தரத்தில் கல்வி கற்ற மாணவரொருவரே உயிரிழந்தவர் என அடையாளம் காணப்பட்டுள்ளார்.

யாழ்ப்பாணம் - நல்லூர் பகுதியில் அமைந்துள்ள தியாக தீபம் திலீபனின் நினைவாலயத்தின் அனுமதியின்றிய கட்டுமானங்களை உடனடியாக இடித்து அகற்றுமாறு யாழ்.மாவட்ட பிரதி காவல்துறைமா அதிபர் யாழ்ப்பாணம் மாநகர சபைக்கு கடிதம் மூலம் அறிவித்துள்ளார்.