எதிர்வரும் 14.11.2026 அன்று தென்கிழக்கு வங்காள விரிகுடாவில் ஒரு புதிய தாழமுக்கம் உருவாகும் வாய்ப்புள்ளது. இது ஆரம்பத்தில் மேற்கு வட மேற்கு திசையில் நகர்ந்து இலங்கையின் தென்கிழக்குப் பகுதியை அடைந்து அதன் பின்னர் வடக்கு நோக்கி இலங்கையின் கிழக்கு மற்றும் வடக்கு கரையோரமாக நகர்ந்து தமிழகத்துக்குச் செல்லும் என எதிர்பார்க்கப்படுகிறது.

இது இலங்கையின் கிழக்கு மற்றும் வடக்கு கரையோரமாக நகரும் போது காற்றழுத்த தாழ்வு மண்டலமாக வலுப்பெறும் வாய்ப்புள்ளது. இதனால் இலங்கையின் பல பகுதிகளுக்கும் எதிர்வரும் 15.11.2026 முதல் கனமழை முதல் மிகக் கனமழை கிடைக்கும் வாய்ப்புள்ளது.

குறிப்பாக எதிர்வரும் 15,16,17 ம் திகதிகளில் வடக்கு, கிழக்கு, மத்திய, மேற்கு, தெற்கு, வடமேற்கு, சப்ரகமுவா, ஊவா மாகாணங்களில் திரட்டிய மழைவீழ்ச்சியாக 250 மி.மீ. மழை கிடைக்கும் வாய்ப்புள்ளது.

தாழமுக்கம் கிழக்கு மாகாணத்தை நோக்கி நகரும் போது, கிழக்கு, தெற்கு, ஊவா, மேற்கு மாகாணங்களும், இலங்கையின் தென்கிழக்குப் பகுதியை அண்மித்து வடக்கு நோக்கி நகரத் தொடங்கும் போது வடக்கு, கிழக்கு,வட மேற்கு, மேற்கு, தெற்கு, மத்திய, சப்ரகமுவா மாகாணங்கள் கனமழையைப் பெறும்.

இப்பருவத்தில் வங்காள விரிகுடாவில் உருவாகி இலங்கையை அண்மித்து நகரும் முதல் தாழமுக்கம் இதுவாகும்.

இந்த தாழமுக்கம் காரணமாக .... வெள்ள அனர்த்த வாய்ப்புக்கள்

தற்போது இலங்கை முழுவதும் கீழைக்காற்றின் செல்வாக்கு காரணமாகவும் இலங்கையின் தெற்கே காணப்படும் வளிமண்டல தளம் பல் நிலை காரணமாகவும் வடக்கு, கிழக்கு மாகாணங்கள் உட்பட நாட்டின் பல பகுதிகளுக்கும் கிடைக்கும் மழை எதிர்வரும் 14.11.2026 வரை தொடரும் வாய்ப்புள்ளது. குறிப்பாக எதிர்வரும் 09ம் திகதிக்கு பின் மழை தீவிரமடையும்.

இதனால் தற்போது கிடைக்கும் தொடர்ச்சியான மழை காரணமாக எதிர்வரும் 14ம் திகதி அன்று நிலம் முழு ஈரப்பதக் கொள்ளளவை எட்டி விடும். சில இடங்களில் மழைநீர் சில இடங்களில் தேங்கி நிற்கும்.

இத்தகைய சூழலில் எதிர்வரும் 14 அன்று உருவாகவுள்ள தாழமுக்கத்தின் காரணமாக இலங்கையின் பல பகுதிகளுக்கும் கனமழை முதல் மிகக் கனமழை கிடைக்கும் வாய்ப்புள்ளது.

ஆகவே எதிர்வரும் 15,16,17 ம் திகதிகளில் கிழக்கு, வடக்கு, மேற்கு, வட மேற்கு ,மத்திய, தெற்கு, சப்ரகமுவா, ஊவா மாகாணங்களின் பல பகுதிகளுக்கும் வெள்ள அனர்த்தம் நிகழ்வதற்கான வாய்ப்புக்கள் உள்ளன.

வேகமான காற்று வீசுகை

இந்த தாழமுக்கம் நகரும்போது இலங்கையின் கிழக்கு கரையோரமாகவே நகரும். இதன்போது இலங்கையின் அம்பாந்தோட்டை, மொனராகலை, பதுளை, அம்பாறை, மட்டக்களப்பு, திருகோணமலை, பொலன்னறுவை, முல்லைத்தீவு, வவுனியா, மன்னார், கிளிநொச்சி, யாழ்ப்பாணம் மாவட்டங்கள் தாழமுக்கத்தின் வெளிவளையத்திற்குள் உள்வாங்கப்படும்.

இதனால் அம்பாந்தோட்டை,அம்பாறை, மட்டக்களப்பு, திருகோணமலை, முல்லைத்தீவு, யாழ்ப்பாணம் மாவட்டங்களின் கரையோரப் பகுதிகளில் எதிர்வரும் 15,16,17,18 ம் திகதிகளில் காற்று மணிக்கு 35-50 கிலோமீற்றர் வேகத்தில் வீசும். இம்மாவட்டங்களின் உள் நிலப்பகுதிகளில் காற்று மணிக்கு 25- 35 கிலோ மீற்றர் வேகத்தில் வீசும்.

தாயார்ப்படுத்தல் செயற்பாடுகள்

1. வடக்கு, கிழக்கு, மேற்கு, தெற்கு, சப்ரகமுவா, ஊவா, மத்திய, வட மத்திய, வடமேற்கு மாகாணங்களின் தாழ்நிலப் பகுதிகளும், வழமையாக வெள்ளம் நிற்கும் பகுதிகளிலும் எதிர்வரும் 14.11.2026 முதல் 18.11.2026 வரை விசேட அவதானம் செலுத்த வேண்டும். கனமழை மற்றும் வெள்ள அனர்த்தம் தொடர்பில் மக்களுக்கும் விழிப்பூட்ட வேண்டும்.

2. வடக்கு, கிழக்கு, வட மத்திய, ஊவா மாகாணங்களிலும் அம்பாந்தோட்டை மாவட்டத்திலும் உள்ளவர்கள், உங்கள் வீடுகளுக்கு அருகில் உள்ள வேகமான காற்றினால் முறிந்து விழக்கூடிய, அல்லது பாறி விழக்கூடிய மரங்களை அகற்றி அல்லது அவற்றின் விதானங்களின் அளவைக் குறைக்க வேண்டும்.

3. வடக்கு, கிழக்கு, வட மத்திய, மத்திய, சப்ரகமுவா, மேற்கு, வட மேற்கு, தெற்கு ஊவா மாகாணங்களில் உள்ளவர்கள், உங்கள் பகுதிகளில் கனமழையின் போது சீரான வெள்ள ஓட்டத்தைத் தடை செய்யக்கூடிய இடங்களை அடையாளம் கண்டு அவற்றின் தடைகளை அகற்றுதல்.

4. வேகமான காற்று மற்றும் கனமழையினால் உடைந்து விழக்கூடிய கட்டுமானப் பகுதிகளை அடையாளம் கண்டு உரிய பாதுகாப்பு ஏற்பாடுகளை மேற்கொள்ளுதல்.

5. மத்திய, ஊவா, சப்ரகமுவா, மாகாணங்களிலும் குருநாகல் மாவட்டத்திலும் உள்ள மக்கள் எதிர்வரும் 14,15,16,17 ம் திகதிகளில் உள்ள மக்கள் கனமழையோடு கூடிய நிலச்சரிவு நிகழ்வுகள் தொடர்பில் மிகவும் எச்சரிக்கையாகவும் அவதானமாகவும் இருப்பது அவசியம்.

6. எதிர்வரும் 14.11.2026 முதல் 18.11.2026 வரை வடக்கு, கிழக்கு, தென்கிழக்கு கடற்பகுதிகள் கொந்தளிப்பான நிலையில் காணப்படும் என்பதனால் மீனவர்கள் இக்காலப்பகுதியில் கடலுக்குச் செல்வதை முற்றாகத் தவிர்க்க வேண்டும்.

7. தற்போது வடக்கு மற்றும் கிழக்கு மாகாணங்கள் உட்பட நாட்டின் பல பகுதிகளிலும் கிடைக்கும் மழை எதிர்வரும் 10.11.2026 முதல் தீவிரமடையும். எதிர்வரும் 14.11. 2026 அன்று தாழமுக்கம் உருவாகி எதிர்வரும் 18.11.2026 வரை கனமழை கிடைக்கும். எனவே இந்த நாட்களைக் கருத்தில் கொண்டு மழை மற்றும் வேகமான காற்று வீசுகையினால் பாதிக்கப்படக்கூடிய உங்கள் செயற்பாடுகளைத் திட்டமிடுங்கள்.

அன்புக்குரிய உறவுகளே........

இது ஒரு நீண்ட கால வானிலை முன்னறிவிப்பு. எதிர்வரும் 14.11.2026 அன்று உருவாகவுள்ள தாழமுக்கம் எத்தகைய பாதிப்புக்களையும் ஏற்படுத்தாமலும் விடலாம். ஆனால் போதுமான விழிப்போடும் தயார்ப்படுத்தலோடும் இருப்பதில் தவறொன்றும் இல்லை. ஏனென்றால் நாம் தயாராக இருந்து அனர்த்தம் நிகழவில்லை என்றால் எமக்கு எந்தப் பாதிப்பும் இல்லை. ஆனால் தயாராக இல்லாமல் இருந்து அனர்த்தம் நிகழ்ந்தால் எமக்கு மீள முடியாத பாதிப்புக்கள் ஏற்படும்.

உருவாகவுள்ள தாழமுக்கம் தொடர்பாகவும் தற்போது கிடைக்கும் பரவலான மழை தொடர்பான விபரங்களும் தொடர்ச்சியாக இற்றைப்படுத்தப்படும்.

- நாகமுத்து பிரதீபராஜா -

உயிர்த்த ஞாயிறு தாக்குதல் தொடர்பான உண்மைகள் தற்போது வெளிவந்து கொண்டிருப்பதாகவும், முன்னாள் ஜனாதிபதி கோட்டாபய ராஜபக்ஷ இன்னும் இரண்டு வாரங்களுக்குள் சிறைக்குச் செல்வார் என்றும் தூக்குமேடைக்குச் செல்லும் நிலையும் ஏற்படலாம் என இலங்கைத் தொழிலாளர் மக்கள் முன்னணியின் தலைவர் சமீர பெரேரா திட்டவட்டமாக தெரிவித்துள்ளார்.

ஆறு மாதங்களில் கொழும்பு நகரில் மறுமலர்ச்சியை ஏற்படுத்துவதாக வாக்குறுதி அளித்து ஆட்சிக்கு வந்த தேசிய மக்கள் சக்தி அரசாங்கத்தினால், குறைந்தபட்சம் நகரின் வடிகால்களைக் கூட முறையாகச் சுத்திகரிக்க முடியாமல் போயுள்ளதாக எதிர்க்கட்சித் தலைவர் சஜித் பிரேமதாச குற்றம் சுமத்தியுள்ளார்.

அரசாங்கத்தால் பாராளுமன்றத்தில் சமர்ப்பிக்கப்பட்டுள்ள ஒழுங்கமைக்கப்பட்ட குற்றங்களைத் தடுக்கும் சட்டமூலத்தின் சில சரத்துகள் அரசியலமைப்புக்கு முரணானவை எனத் தீர்ப்பளிக்குமாறு கோரி தாக்கல் செய்யப்பட்டுள்ள மனுக்கள் இன்று (09) உயர் நீதிமன்றத்தில் மீண்டும் விசாரணைக்கு எடுத்துக்கொள்ளப்படவுள்ளன.

வடக்கு மற்றும் கிழக்கு மாகாணங்களிலும் ஹம்பாந்தோட்டை மாவட்டத்திலும் ஆங்காங்கே மழையோ அல்லது இடிமின்னலுடன் கூடிய மழையோ பெய்யக்கூடும் என வளிமண்டலவியல் திணைக்களம் எதிர்வுகூறியுள்ளது.

ஐக்கிய மக்கள் சக்தியின் பாராளுமன்ற உறுப்பினர் நளின் பண்டாரவினால் சட்டவிரோதமாக சிங்கப்பூரில் இருந்து நாட்டிற்கு கொண்டு வரப்பட்ட 39 ட்ரோன்கள் மற்றும் 16 ஒலிவாங்கிகளை, கட்டுநாயக்க விமான நிலைய சுங்க அதிகாரிகள் நேற்று பறிமுதல் செய்துள்ளனர்.

பல கோரிக்கைகளை முன்னிறுத்தி நாடளாவிய ரீதியிலுள்ள அபிவிருத்தி உத்தியோகத்தர்கள் இன்று சுகயீன விடுமுறை தொழிற்சங்க நடவடிக்கையில் ஈடுபட்டுள்ளனர்.

வீரவில திறந்தவெளி சிறைச்சாலையில் புனர்வாழ்வு பெற்றுவந்த கைதியொருவர் மான் ஒன்று தாக்கியதில் உயிரிழந்துள்ளார். குறித்த நபர் சிறைச்சாலை வளாகத்தில் துப்புரவுப் பணியில் ஈடுபட்டிருந்தபோது, அங்கு சுதந்திரமாகத் திரிந்த மான் ஒன்று அவரை தாக்கியுள்ளதாக தெரிவிக்கப்படுகிறது.

எண்ணெய் மீதான வரியை தற்போதைய வரி அளவைவிட அரசாங்கம் அதிகரித்துள்ளதால், அதன் சுமையை இறுதியில் பொதுமக்களே சுமக்க வேண்டிய நிலை ஏற்பட்டுள்ளதாக ஸ்ரீலங்கா பொதுஜன பெரமுனவின் தேசிய அமைப்பாளரும் பாராளுமன்ற உறுப்பினருமான நாமல் ராஜபக்ஷ தெரிவித்துள்ளார்.

யாழ்ப்பாணம் - மண்டைதீவில் அமையவுள்ள சர்வதேச கிரிக்கெட் மைதான நிர்மாண பணிகளை எதிர்வரும் வாரங்களுக்குள் மீண்டும் ஆரம்பிப்பதற்கான நடவடிக்கைகள் எடுக்கப்படவுள்ளதாக இளைஞர் விவகாரங்கள் மற்றும் விளையாட்டுத்துறை அமைச்சர் சுனில் குமார கமகே தெரிவித்துள்ளார்.

செம்மணி புதைகுழிகள் மற்றும் மனித உரிமை மீறல்கள் தொடர்பாக சோமரத்ன ராஜபக்ச தெரிவித்த அதிர்ச்சியளிக்கும் கருத்துக்கள் தொடர்பில், தமிழர்களின் அடுத்தகட்ட தந்திரோபாய நடவடிக்கைகள் குறித்து ஆராயும் கலந்துரையாடல் நேற்று நல்லூர் சிவகுரு ஆதீனத்தில் இடம்பெற்றது.

இலங்கையின் பெரும்பாலான பகுதிகளில் இன்று (8) பிற்பகல் ஒரு மணிக்குக்குப் பின்னர் மழை அல்லது இடிமின்னலுடன் கூடிய மழை பெய்யக்கூடும் என வளிமண்டலவியல் திணைக்களம் அறிவித்துள்ளது.

இருளை அகற்றி ஒளியை ஏற்றி வைக்கும் இந்து மக்களின் உன்னதமான சமய விழாவான தீபாவளித் திருநாளை முன்னிட்டு எனது நல்வாழ்த்துகளை தெரிவிப்பதில் பெருமகிழ்ச்சியடைகின்றேன் என ஜனாதிபதி அநுரகுமார திசாநாயக்க தனது தீபாவளி வாழ்த்துச் செய்தியில் தெரிவித்துள்ளார்.

கொழும்பு நகரில் ஏற்படும் திடீர் வெள்ள அபாயத்தை வினைத்திறனாகவும் துரிதமாகவும் எதிர்கொள்வதற்காக, கொழும்பு மாநகர சபையின் வழிகாட்டலில் முப்படையினர், பொலிஸார் மற்றும் தொடர்புடைய நிறுவனங்களை உள்ளடக்கிய விசேட செயற்பாட்டுக் குழுவை உடனடியாக அமைக்குமாறு ஜனாதிபதியின் செயலாளர் கலாநிதி நந்திக சனத் குமாநாயக்க உத்தரவிட்டுள்ளார்.

நாட்டின் பல பகுதிகளில் நிலவும் சீரற்ற மற்றும் பலத்த மழை காரணமாக, 8 மாவட்டங்களுக்கு முதலாம் மற்றும் இரண்டாம் கட்ட மண்சரிவு அபாய எச்சரிக்கைகள் விடுக்கப்பட்டுள்ளதாக தேசிய கட்டிட ஆராய்ச்சி நிறுவனம் தெரிவித்துள்ளது.

உழைக்கும்போது செலுத்தும் வரி வரம்பை குறைப்பதற்கு தீர்மானிக்கப்பட்டுள்ளது. தனியார் துறையினரின் அடிப்படை சம்பளத்தை அதிகரிப்பதற்கு தனியார் துறை தொழில் வழங்குநர்களுடன் கலந்துரையாடி சாதகமான தீர்மானத்தை எட்டியுள்ளோம் என ஜனாதிபதி அநுர குமார திசாநாயக்க தெரிவித்தார்.

“ஈராண்டு ஆட்சி நாட்டுக்கு மாட்சி” எனக் கூறிக்கொள்ளும் அரசாங்கத்தின் ஆட்சியில்தான் இன்று முழு கொழும்பும் வெள்ளத்தில் மிதப்பதாக எதிர்க்கட்சித் தலைவர் சஜித் பிரேமதாச கடும் விமர்சனத்தை முன்வைத்துள்ளார்.

போயிங் (Boeing) நிறுவனத்தால் தயாரிக்கப்பட்ட MV-22B ரக அமெரிக்க கடற்படைக்குச் சொந்தமான விமானம் நேற்று நண்பகல் கட்டுநாயக்க சர்வதேச விமான நிலையத்தை வந்தடைந்துள்ளது.

தேசிய மற்றும் சர்வதேச மட்டத்தில் பிரதான பேசுபொருளாக உள்ள பயங்கரவாதத்தில் இருந்து அரசை பாதுகாக்கும் சட்டமூலம் மற்றும் ஒழுங்கமைக்கப்பட்ட குற்றச்செயல்களைத் தடுக்கும் சட்டமூலம் ஆகிய இரண்டு சட்டமூலங்களையும் வரவு –செலவுத் திட்ட மீதான விவாதம் இடம்பெறும் நாட்களில் விவாதத்துக்கு எடுத்துக் கொள்வது தொடர்பில் ஆளும் தரப்பு முன்வைத்த யோசனையை பிரதான எதிர்க்கட்சியான ஐக்கிய மக்கள் சக்தி நிராகரித்துள்ளது.

அடுத்த சில மணித்தியாலங்களில் நாட்டின் பல பகுதிகளில் 100 மில்லிமீற்றருக்கும் அதிகமான பலத்த மழைவீழ்ச்சி பதிவாகக்கூடும் என வளிமண்டலவியல் திணைக்களம் எதிர்வுகூறியுள்ளது.

வரும் திங்கட்கிழமை (9) வடக்கு மற்றும் கிழக்கு மாகாணங்களிலுள்ள அனைத்து தமிழ் பாடசாலைகளுக்கும் விசேட விடுமுறை வழங்க தீர்மானிக்கப்பட்டுள்ளதாக மாகாண ஆளுநர்கள் அறிவித்துள்ளனர்.