மட்டக்களப்பில் கடந்த 2008ஆம் ஆண்டு ரி-56 ரக துப்பாக்கியால் 5 பேரை சுட்டுக் கொலை செய்த சம்பவம் தொடர்பாகக் கைது செய்யப்பட்ட பிள்ளையான் மற்றும் இராணுவப் புலனாய்வுப் பிரிவின் தகவலாளிகள் இருவர் உட்பட 3 பேரை, எதிர்வரும் நவம்பர் 23ஆம் திகதி வரை தொடர்ந்து விளக்கமறியலில் வைக்குமாறு மட்டக்களப்பு நீதவான் நீதிமன்ற நீதவான் அண்ணாத்துரை தஷ்ஷினி செவ்வாய்க்கிழமை (10) உத்தரவிட்டார்.

2008ஆம் ஆண்டு கல்லடியில் பொலிஸ் உத்தியோகத்தர் ஒருவர் உட்பட இருவர் சுட்டுக் கொல்லப்பட்டமை, தமிழ் மக்கள் விடுதலைப் புலிகள் கட்சி உறுப்பினர் உட்பட இருவர் காத்தான்குடியில் வைத்துச் சுட்டுக் கொல்லப்பட்டமை, வவுணதீவு கரையாக்கன்தீவுப் பகுதியைச் சேர்ந்த வர்த்தகர் ஒருவரைக் கடத்திக் கொடூரமாகக் கொலை செய்யப்பட்டமை ஆகிய சம்பவங்கள் இடம்பெற்றுள்ளன.

இந்தக் கொலைச் சம்பவத்துடன் தொடர்புடையதும், ஏற்கனவே 2025ஆம் ஆண்டு ஏப்ரல் மாதம் பயங்கரவாதத் தடைச் சட்டத்தின் கீழ் கைது செய்யப்பட்டதுமான பிள்ளையான் என அழைக்கப்படும் முன்னாள் இராஜாங்க அமைச்சர் சிவநேசதுரை சந்திரகாந்தன் மற்றும் காத்தான்குடியைச் சேர்ந்த இராணுவப் புலனாய்வுப் பிரிவின் தகவலாளிகளான முகமட் சிபான், முகமட் சகீத் ஆகியோரை, கடந்த 2025 நவம்பர் மாதம் சி.ஐ.டி. கைது செய்தது.

இந்த 5 முக்கிய மனிதக் கொலைகள் தொடர்பான பிள்ளையான் மற்றும் இராணுவப் புலனாய்வுப் பிரிவின் தகவலாளிகளான லண்டனில் உள்ள, காத்தான்குடியைச் சேர்ந்த முகமட் பாய்ஸ் உட்பட 4 பேருக்கு எதிராக மட்டக்களப்பு நீதவான் நீதிமன்றில் கடந்த 2026 யூன் 17ஆம் திகதி சி.ஐ.டி.யினர் வழக்கு தாக்கல் செய்து, அவர்களை நீதிமன்றில் ஆஜர்படுத்தித் தொடர்ந்து விளக்கமறியலில் வைத்து வருகின்றனர்.

இந்த நிலையில், குறித்த வழக்கு விசாரணைக்கு இன்று செவ்வாய்க்கிழமை (10) திறந்த நீதிமன்றில் எடுத்துக்கொள்ளப்பட்ட போது, விளக்கமறியலில் வைக்கப்பட்டிருந்த சந்தேக நபர்களான இராணுவப் புலனாய்வுப் பிரிவின் தகவலாளிகளான முகமட் சிபான், முகமட் சகீத் ஆகியோரை நீதிமன்றில் ஆஜர்படுத்தியதுடன், தொழில்நுட்பக் கோளாறு காரணமாகப் பிள்ளையானைக் காணொளி மூலம் ஆஜர்படுத்த முடியவில்லை எனச் சிறைச்சாலை அதிகாரிகள் நீதிமன்றில் எழுத்துமூலமான ஆவணத்தைச் சமர்ப்பித்தனர். அதனைத் தொடர்ந்து, பிள்ளையான் உட்பட 3 பேரையும் எதிர்வரும் நவம்பர் 23ஆம் திகதி வரை தொடர்ந்து விளக்கமறியலில் வைக்குமாறு உத்தரவிட்ட நீதவான், லண்டனில் உள்ள சந்தேக நபரான ‘பொலிஸ் பாய்ஸ்’ என்றழைக்கப்படும் முகமட் பாய்ஸுக்குத் தொடர்ந்து திறந்த பிடிவிறாந்து பிறப்பித்தார்.

நாட்டில் தனியார் எரிபொருள் நிறுவனங்கள் விநியோகத்தைக் கட்டுப்படுத்தியுள்ள போதிலும், பெற்றோலியக் கூட்டுத்தாபனத்துக்கு சொந்தமான எரிபொருள் நிலையங்கள் ஊடாக விநியோகத்தை அதிகரிக்க நடவடிக்கை எடுக்கப்பட்டுள்ளதால் பொதுமக்கள் தேவையற்ற அச்சமடையத் தேவையில்லை என இலங்கை பெற்றோலியக் கூட்டுத்தாபனத்தின் தலைவர் எஸ்.ராஜகருணா தெரிவித்தார்.

வடக்கு மற்றும் கிழக்கு மாகாணங்களில் அவ்வப்போது மழையோ அல்லது இடியுடன் கூடிய மழையோ பெய்யக்கூடும் என வளிமண்டலவியல் திணைக்களம் அறிவித்துள்ளது.

பயங்கரவாதத்திலிருந்து அரசினைப் பாதுகாப்பதற்கான சட்டமூலத்தை ஸ்ரீலங்கா முஸ்லிம் காங்கிரஸ் எதிர்ப்பதோடு இது பயங்கரவாதத் தடைச் சட்டத்தை விடவும் மிகவும் ஆபத்தானது என்று தெரிவித்துள்ளது.

தேசிய மக்கள் சக்தி (NPP) ஆட்சியிலுள்ள பேருவளை நகர சபையின் 2027ஆம் ஆண்டிற்கான வரவு செலவுத் திட்டம் ஒரு மேலதிக வாக்கினால் தோற்கடிக்கப்பட்டுள்ளது.

தார்மீகக் கண்டனங்களுக்குப் பயந்து, 'நான் சுயநல அரசியல்வாதிகளைத்தான் குறிப்பிட்டேன்' என்று மறுப்பது வேடிக்கையானது.

மட்டக்களப்பு மாவட்டம், போரதீவுப்பற்று பிரதேசத்தின் 14ஆம் கிராமமான கணேசபுரம் விலினையடிச் சந்தியில் செவ்வாய்க்கிழமை (10) இடம்பெற்ற மோட்டார் சைக்கிள் விபத்தில் ஒருவர் உயிரிழந்துள்ளதுடன், மற்றுமொருவர் காயமடைந்துள்ளார்.

'பயங்கரவாதத்திலிருந்து அரசினைப் பாதுகாத்தல்' (PSTA) சட்டமூலத்துக்கு எதிராகத் தாக்கல் செய்யப்பட்ட மனுக்கள் மீதான உயர் நீதிமன்றத்தின் வியாக்கியானம், சபாநாயகர் ஜகத் விக்ரமரத்னவுக்குக் கிடைத்துள்ளதாகச் சபாநாயகர் அலுவலகம் உறுதிப்படுத்தியுள்ளது.

தென்கிழக்கு வங்கக் கடலில் ஏற்பட்டுள்ள வளிமண்டல தளம்பல், காற்றழுத்த தாழ்வுப் பகுதியாகவும் அதைத் தொடர்ந்து காற்றழுத்த தாழ்வு மண்டலமாகவும் வலுவடையக்கூடும் என வளிமண்டலவியல் திணைக்களம் எதிர்வுகூறியுள்ளது.

நுவரெலியா, மார்காஸ் தோட்டம் பகுதியில் அமைந்துள்ள சுற்றுலா விடுதியொன்றில் (கபானா) பெண்ணொருவர் படுகொலை செய்யப்பட்டுள்ளதாகப் பொலிஸார் தெரிவித்தனர்.

அநுராதபுரம் - மதவாச்சி வீதியில் ரம்பேவ பகுதியில் இடம்பெற்ற கோர விபத்தில் பலியானவர்களின் எண்ணிக்கை 5 ஆக உயர்ந்துள்ளதாக பொலிஸார் தெரிவித்துள்ளனர்.

நாட்டின் நகர்ப்புற பொதுப் போக்குவரத்துச் சேவையை மேலும் வசதியானதாகவும், பாதுகாப்பானதாகவும், நம்பகமானதாகவும், வினைத்திறன் மிக்கதாகவும் மாற்றும் நோக்கில் அரசாங்கத்தினால் மெட்ரோ நகர்ப்புற ஆடம்பரப் பேருந்துச் சேவை முன்னெடுக்கப்பட்டு வருகிறது.

எதிர்வரும் 12 ஆம் திகதி ஜனாதிபதியினால் சமர்ப்பிக்கப்படவுள்ள 2027 ஆம் ஆண்டிற்கான வரவு செலவுத் திட்டம் தொடர்பில், இன்று (10) நடைபெற்ற அமைச்சரவை முடிவுகளை அறிவிக்கும் செய்தியாளர் சந்திப்பில் அமைச்சர் நளிந்த ஜயதிஸ்ஸ கருத்துத் தெரிவித்தார்.

கல்வி மற்றும் ஆராய்ச்சித் தொடர்புகளை வலுப்படுத்தும் நோக்கில், யாழ்ப்பாணப் பல்கலைக்கழகத்திற்கும் அமெரிக்காவில் உள்ள தெற்கு இல்லினாய்ஸ் பல்கலைக்கழகத்தின் (Southern Illinois University) அறங்காவலர் குழுவிற்கும் இடையே ஐந்தாண்டு காலப் புரிந்துணர்வு ஒப்பந்தத்தில்கையெழுத்திடுவதற்கான அவசியமான அமைச்சரவை அனுமதி வழங்கப்பட்டுள்ளது.

1990 சுகப்படுத்தல் சேவைக்குப் பயன்படுத்துவதற்கு முழுமையான மருத்துவ வசதிகளுடன் கூடிய 100 புதிய நோயாளர் காவுவண்டிகளை விநியோகிப்பதற்கு இயலுமாகும் வகையில் நிதிக்கொடையை வழங்குவதற்கு இந்திய அரசு உடன்பாடு தெரிவித்துள்ளது.

1990 களில் இடம்பெற்றதாகக் கூறப்படும் மண்டைதீவு படுகொலை மற்றும் அதனுடன் தொடர்புடைய புதைகுழி விவகாரம் தொடர்பான வழக்கு விசாரணைகளைத் துரிதப்படுத்துமாறு பாதிக்கப்பட்ட தரப்பு சட்டத்தரணிகள் நீதிமன்றில் கோரிக்கை விடுத்துள்ளனர்.

தரமற்ற நிலக்கரி இறக்குமதியால் ஏற்பட்ட இழப்பை மின் நுகர்வோர் மீது சுமத்த மாட்டோம் என உறுதியளித்தால், அதற்கு எதிராகத் தாக்கல் செய்யப்பட்டுள்ள மனுவை வாபஸ் பெறத் தயாராக இருப்பதாக மனுதாரர் தரப்பு சட்டத்தரணி இன்று (10) மேன்முறையீட்டு நீதிமன்றத்திற்கு அறிவித்துள்ளார்.

இலங்கை அரசாங்கம் முன்மொழிந்துள்ள பயங்கரவாதத்திலிருந்து அரசினைப் பாதுகாப்பதற்கான சட்டமூலத்தை சர்வதேச மனித உரிமைகள் சட்டத்திற்கு அமைவாக இருப்பதை உறுதி செய்யும் வகையில் அதில் திருத்தங்களை உடனடியாக மேற்கொள்ள வேண்டுமென ஐக்கிய நாடுகள் சபையின் நிபுணர்கள் கூட்டாக வலியுறுத்தியுள்ளர்.

வட மாகாணத்திலும் திருகோணமலை மாவட்டத்திலும் அவ்வப்போது மழை அல்லது இடிமின்னலுடன் கூடிய மழை பெய்யக்கூடும் என வளிமண்டலவியல் திணைக்களம் எதிர்வுகூறியுள்ளது.

உத்தேச ஒழுங்கமைக்கப்பட்ட குற்றத் தடுப்புச் சட்டத்தின் கீழ் சந்தேகநபர் ஒருவரைத் தடுத்து வைக்கும் கால எல்லையை 72 மணித்தியாலங்களிலிருந்து 48 மணித்தியாலங்களாகக் குறைத்து சட்டமூலத்தில் திருத்தம் செய்யவுள்ளதாகச் சட்டமா அதிபர் உயர் நீதிமன்றத்துக்கு அறிவித்துள்ளார்.

இந்த அரசாங்கம் இன்று வீழ்ச்சியடைந்துள்ளது. பொறுப்பேற்றதைச் செய்து கொள்ள முடியவில்லை. முன்னாள் ஜனாதிபதி ரணில் விக்கிரமசிங்க செப்டம்பர் 21 ஆம் திகதி பொறுப்பளிக்கும் போது முழுமையான கடன் 31 டிரில்லியனாக இருந்தது.