பெலவத்தையில் தயாரிக்கப்பட்டு வர்த்தமானியில் வெளியிடப்பட்டுள்ள அரசை பயங்கரவாதத்திலிருந்து பாதுகாக்கும் சட்டமூலம் நாட்டில் எதேச்சாதிகார ஆட்சியொன்றை உருவாக்குவதற்கான முயற்சியாகவே காணப்படுகின்றது. இந்தச் சட்டமூலம் நடைமுறைக்கு வந்தால் மக்களின் எதிர்ப்புப் போராட்டங்கள், பேரணிகள், சத்தியாக்கிரகங்களில் ஈடுபடும் உரிமைகள் பாதிக்கப்படுவதுடன், இலங்கைக்கு கிடைக்கும் ஜி.எஸ்.பி. பிளஸ் வரிச்சலுகையும் இழக்கப்படும் அபாயம் உள்ளதாக பிரீ லேயர்ஸ் அமைப்பின் தலைவரும் சட்டத்தரணியுமான மைத்ரி குணரத்ன குற்றம்சாட்டினார்.

கொழும்பில் வியாழக்கிழமை நடைபெற்ற ஊடகவியலாளர் சந்திப்பில் கலந்துகொண்டு கருத்துத் தெரிவிக்கும்போதே அவர் மேற்கண்டவாறு தெரிவித்தார்.

அரசை பயங்கரவாதத்திலிருந்து பாதுகாக்கும் சட்டமூலம் அரசாங்கத்துக்குப் பெரும் நெருக்கடியாக மாறியுள்ளது. ஆரம்பத்தில் இந்தச் சட்டமூலம் தொடர்பில் கலந்துரையாடல்கள் இடம்பெற்றபோது, இலங்கை சட்டத்தரணிகள் சங்கம் உள்ளிட்ட தரப்பினர் பல்வேறு கருத்துகளையும் ஆலோசனைகளையும் முன்வைத்தனர். அவற்றின் அடிப்படையிலேயே ஆரம்ப வரைவு தயாரிக்கப்பட்டது.

எனினும், வர்த்தமானியில் வெளியிடப்பட்ட சட்டமூலம் அந்த ஆரம்ப வரைவிலிருந்து முற்றிலும் மாறுபட்டுள்ளது. யாரோ சிலர் அதில் மாற்றங்களைச் செய்து, மக்களை அச்சுறுத்தும் வகையிலான சட்டமூலமாக மாற்றியுள்ளனர்.

தற்போது உயர் நீதிமன்றத்தில் சவாலுக்கு உட்படுத்தப்பட்டிருப்பது அந்த மாற்றியமைக்கப்பட்ட சட்டமூலமேயாகும்.

ஜனாதிபதி தற்போது இந்தச் சட்டமூலத்தை நிறைவேற்றுவதற்கு முன்னர் மேலும் ஆராய வேண்டும் என்றும் ஆய்வொன்றை மேற்கொள்ள வேண்டும் என்றும் கூறுகின்றார்.

உயர் நீதிமன்றம் வழங்கப்போகும் தீர்ப்பு எத்தகையதாக இருக்கும் என்பதை ஜனாதிபதி முன்கூட்டியே ஊகித்திருக்கக்கூடும். நீதிமன்றத் தீர்ப்புகள் தொடர்பில் அவர் பல சந்தர்ப்பங்களில் கருத்துகளை வெளியிட்டுள்ளார்.

எமது கணிப்பின்படி, இந்தச் சட்டமூலம் அரசியலமைப்புக்கும் மனித உரிமைகளுக்கும் முரணானது என உயர் நீதிமன்றம் அறிவிக்கக்கூடும். அந்தத் தீர்ப்பை சபாநாயகர் அறிவிப்பதற்கு முன்னரே ஜனாதிபதி நல்லவர் போன்று தம்மைக் காட்டிக்கொள்ள முயற்சிக்கின்றார்.

22 ஆவது அரசியலமைப்புத் திருத்தத்தைக் கொண்டுவரும்போது ஜனாதிபதிக்கு இந்த ஜனநாயக அக்கறை இருக்கவில்லை. அப்போது சட்டத்தரணிகள் சங்கம் தங்களிடம் கலந்தாலோசிக்கப்படவில்லை என ஆட்சேபனை தெரிவித்தபோதும், அதற்கு முக்கியத்துவம் வழங்கப்படவில்லை.

இப்போது மாத்திரம் ஜனநாயகம் குறித்துப் பேசுவது ஏன்? அரசாங்கத்தின் நடவடிக்கை ஏமாற்று நாடகமாகும்.

இந்தச் சட்டமூலத்தின் நோக்கம் மக்களின் குரலை ஒடுக்கி, எதிர்ப்புப் போராட்டங்கள், பேரணிகள், சத்தியாக்கிரகங்களில் ஈடுபடும் உரிமைகளைப் பறித்து, நாட்டை எதேச்சாதிகார ஆட்சிக்குள் கொண்டுசெல்வதாகும். மக்கள் இதற்கு எதிராகக் குரல்கொடுக்க வேண்டும்.

ஒருமுறை சுதந்திரத்தை இழந்தால், அதனை மீண்டும் பெற ஆயிரக்கணக்கான உயிர்களைத் தியாகம் செய்ய நேரிடலாம்.

சட்டமூலம் நிறைவேற்றப்பட்டால் ஜி.எஸ்.பி. பிளஸ் வரிச்சலுகை இழக்கப்படும் அபாயம் இருப்பதுடன், ஐரோப்பிய ஒன்றியத்துடனான உறவுகளிலும் சிக்கல்கள் ஏற்படலாம். இலங்கை ஜனநாயக நாடாகக் கருதப்படாத உருவாகலாம். நாடு வடகொரியா அல்லது கியூபா போன்ற ஆட்சிமுறையை நோக்கிச் செல்லும்.

இதனால் சர்வதேச நாணய நிதியம், உலக வங்கி ஆகியவற்றிடமிருந்து கடன் பெறுவதிலும் தடைகள் ஏற்படக்கூடும். அநுர குமார திசாநாயக்க தலைமையிலான அரசாங்கம் நாட்டை இத்தகைய நிலைக்குக் கொண்டுசெல்ல முயற்சிக்கிறது.

சட்டமா அதிபர் ஊடாக அரசாங்கம் சில திருத்தங்களை முன்வைத்துள்ளது. சட்டமா அதிபர் அரசாங்கத்துக்கு மாத்திரம் சேவையாற்றுபவர் அல்லர்.

அவர் சுயாதீனமாகச் செயற்பட்டு அரசாங்கத்துக்கும் மக்களுக்கும் நியாயம் வழங்க வேண்டும். மக்களின் அடிப்படை உரிமைகளைப் பறிக்கும் சட்டமூலத்துக்கு அவர் ஆதரவளிக்க முடியாது. இந்த வடிவில் இதனை அங்கீகரிக்க முடியாததாலேயே திருத்தங்கள் முன்வைக்கப்பட்டுள்ளன.

ஐரோப்பிய ஒன்றியமும் சட்டமூலத்தை முழுமையாக மீள எழுத வேண்டிய நிலை ஏற்பட்டுள்ளதாகச் சுட்டிக்காட்டியுள்ளது. சட்டத்தரணிகள் சங்கமும் நிபுணர்களும் ஆலோசனை வழங்கிய ஆரம்ப வரைவு தற்போது வெளியிடப்பட்டுள்ள சட்டமூலம் அல்ல.

பெலவத்தையில் உள்ள அரசாங்கத் தரப்பினர் தலையிட்டு மாற்றங்களைச் செய்துள்ளனர். இதன் மூலம் எதேச்சாதிகார ஆட்சியை உருவாக்கும் முயற்சி இடம்பெறுகின்றது.

உயர் நீதிமன்றம் சட்டமூலத்தில் திருத்தங்கள் செய்யப்பட வேண்டும் அல்லது சில விடயங்கள் மக்கள் வாக்கெடுப்புக்கு விடப்பட வேண்டும் எனக் கூறக்கூடும். இதனாலேயே ஜனாதிபதி தற்போது தனது நிலைப்பாட்டிலிருந்து பின்வாங்கியுள்ளார்.

22 ஆவது திருத்தத்தின்போது சட்டத்தரணிகள் சங்கத்தின் கருத்துகளுக்கு மதிப்பளித்து முறையான கலந்துரையாடல் நடத்தியிருந்தால், இன்றைய நெருக்கடி ஏற்பட்டிருக்காது என்றார்.

2027 ஆம் ஆண்டு மார்ச் மாதத்துக்கு பின்னர் அரசாங்கத்துக்கும் அரசாங்க ஆதரவாளர்களுக்கும் இடையில் ஏற்டபோகும் முரண்பாடுகள் வன்முறையாக மாறும் ஆபத்துள்ளதாக மாற்று கொள்கைகளுக்கான நிலையத்தின் நிறைவேற்று பணிப்பாளர் கலாநிதி பாக்கியசோதி சரவணமுத்து எச்சரித்துள்ளார்.

தெற்குப் பகுதியிலுள்ள ஆழ்கடலில் கடற்படையினர் முன்னெடுத்த விசேட நடவடிக்கையின் ஊடாக சுற்றிவளைக்கப்பட்ட மீன்பிடிப் படகில், ஒன்றரை பில்லியன் ரூபாவிற்கும் அதிக பெறுமதியான போதைப்பொருட்கள் இருந்தமை கண்டறியப்பட்டுள்ளதாகப் பாதுகாப்புப் பிரதி அமைச்சர் ஓய்வுபெற்ற மேஜர் ஜெனரல் அருண ஜயசேகர தெரிவித்துள்ளார்.

சர்ச்சைக்குரிய ‘க்ரிஷ்’ மோசடி தொடர்பான வழக்கில் பாராளுமன்ற உறுப்பினர் நாமல் ராஜபக்ஷவுக்கு வழங்கப்பட்ட பிணையை இடைநிறுத்தக் கோரிய மனு மீதான தீர்ப்பை எதிர்வரும் நவம்பர் 18ஆம் திகதி வழங்குவதற்கு கொழும்பு மேல் நீதிமன்றம் தீர்மானித்துள்ளது.

இலங்கைக்கும் அவுஸ்திரேலியாவுக்கும் இடையிலான பயணிகளின் அதிகரித்து வரும் கேள்வியைக் கருத்திற்கொண்டு, ஸ்ரீலங்கன் எயார்லைன்ஸ் எதிர்வரும் நவம்பர் 15ஆம் திகதி முதல் மெல்பேர்னுக்கான தனது வாராந்த விமான சேவைகளை மேலும் மூன்றால் அதிகரிக்கத் தீர்மானித்துள்ளது.

5 பேரை பலிகொண்டதுடன் மேலும் 76 பேரைப் படுகாயப்படுத்திய அனுராதபுரம் - ரம்பேவ, வெலிஓயா சந்தியில் கடந்த 10ஆம் திகதி இடம்பெற்ற கோர விபத்தில் உயிரிழந்த கெப்பத்திகொல்லாவ டிப்போவைச் சேர்ந்த பேருந்துச் சாரதி, விபத்து நிகழ்ந்த வேளையில் போதைப்பொருள் பயன்படுத்தியிருந்தமை மருத்துவ அறிக்கைகள் மூலம் அம்பலமாகியுள்ளதாக மிஹிந்தலை பொலிஸார் தெரிவித்துள்ளனர்.

2026 ஆம் ஆண்டின் முதல் ஆறு மாதங்களில் வழங்கப்பட்ட பல்வேறு வரிச் சலுகைகள் மற்றும் வரி விலக்குகள் காரணமாக, நான்கு வகையான மறைமுக வரிகளின் ஊடாக அரசுக்கு ரூ. 461.49 பில்லியன் வரி வருமானம் இழப்பு ஏற்பட்டுள்ளது.

சர்வதேச சந்தையில் மீண்டும் தங்கத்தின் விலை சரிவடைந்துள்ள நிலையில், உள்நாட்டுச் சந்தையிலும் இன்றைய தினம் (13) ஒரு பவுண் தங்கத்தின் விலை 3,000 ரூபாவால் குறைவடைந்துள்ளது.

நாட்டில் 22 மில்லியன் மக்கள் முகங்கொடுத்துவரும் பாரிய பிரச்சினைகளுக்கு குறித்த வரவு செலவுத் திட்டத்தில் எந்தவொரு தீர்வும் முன்வைக்கப்படவில்லை என எதிர்க்கட்சித் தலைவர் சஜித் பிரேமதாச தெரிவித்தார்.

தேசிய மக்கள் சக்தி அரசாங்கத்தின் 2027 நிதியாண்டுக்கான வரவு செலவுத் திட்ட முன்மொழிவுகள் நேற்று ஜனாதிபதி அநுர குமார திஸாநாயக்கவினால் பாராளுமன்றத்தில் சமர்ப்பிக்கப்பட்டதைத் தொடர்ந்து, அது தொடர்பான இரண்டாம் வாசிப்பு விவாதம் இன்று முதல் ஆரம்பமாகிறது.

அநுராதபுரம் ருவான்வெலிசாய அருகே நீதிமன்ற உத்தரவுகளைப் புறக்கணித்து சாகும்வரையிலான உண்ணாவிரதப் போராட்டத்தில் ஈடுபட்டிருந்த கஸ்ஸப தேரர் உள்ளிட்ட எழுவரை நவம்பர் 26 ஆம் திகதி வரை விளக்கமறியலில் வைக்குமாறு அநுராதபுரம் நீதவான் நீதிமன்றம் உத்தரவிட்டுள்ளது.

அம்பாறை கஞ்சிகுடிச்சாறு மாவீரர் துயிலும் இல்லத்தை தமிழ் தேசிய மக்கள் முன்னணி கட்சி ஆதரவாளர்கள் துப்பரவு செய்யும் பணியை வியாழக்கிழமை (12) கட்சியின் தேசிய அமைப்பாளர் தர்மலிங்கம் சுரேஸ் தலைமையில் முன்னாள் நாடாளுமன்ற உறுப்பினர் செல்வராசா கஜேந்திரன் அம்பாறை மாவட்ட அமைப்பாளர் துசாங்கள் உட்பட மாவீரர் குடும்பங்களைச் சேர்ந்தவர்கள் ஈடுபட்டனர்.

மழையுடனான வானிலை இன்றைய தினம் தற்காலிகமாக குறையும் சாத்தியம் காணப்படுவதாக வளிமண்டலவியல் திணைக்களம் எதிர்வு கூறியுள்ளது.

மத்திய மலைநாட்டில் தொடர்ந்து பெய்து வரும் கடும் மழையினால் விக்டோரியா நீர்த்தேக்கத்தின் நீர்மட்டம் அதிகரித்துள்ளதுடன், அதன் 7 வான் கதவுகள் தானாகவே திறக்கப்பட்டுள்ளன என விக்டோரியா அணைக்குப் பொறுப்பான பொறியியலாளர் வசந்த அஹலபிட்டிய தெரிவித்துள்ளார்.

உழைக்கும் போது செலுத்தும் வரி வரம்பை 162,500 ரூபாவாக உயர்த்துவதற்கு நடவடிக்கை எடுக்கப்படும் என ஜனாதிபதி அநுர குமார திசாநாயக்க தெரிவித்துள்ளார்.

இறக்குமதி செய்யப்படும் சீனி மீது விதிக்கப்பட்டுள்ள விசேட வர்த்தகப் பண்ட வரியை கிலோகிராம் ஒன்றுக்கு 10 ரூபாவினால் அதிகரிப்பதற்கு 2027 ஆம் ஆண்டுக்கான வரவு செலவு திட்டத்தில் முன்மொழியப்பட்டுள்ளது

வவுனியா வெளிவட்ட வீதியில் ஐஸ் போதைப்பொருளை உடமையில் வைத்திருந்த இளைஞர் ஒருவர் வவுனியா மாவட்ட குற்ற விசாரணைப் பிரிவு பொலிஸாரால் கைதுசெய்யப்பட்டுள்ளார்.

பயங்கரவாதத்திலிருந்து அரசைப் பாதுகாத்தல் சட்டமூலத்தை திருத்தங்களுடன் சாதாரண பெரும்பான்மையுடன் நிறைவேற்ற முடியும் என உயர்நீதிமன்றம் வியாக்கியானம் அளித்துள்ளதாக சபாநாயகர் ஜகத் விக்கிரமரத்ன சபைக்கு அறிவித்தார்.

2027 ஆம் ஆண்டுக்கான வரவு - செலவுத் திட்டத்தை ஜனாதிபதி அநுரகுமார திஸாநாயக்க தற்போது பாராளுமன்றத்தில் சமர்ப்பித்து உரையாற்றி வருகிறார்.

இலங்கையின் இரத்தினபுரி, காலி, கேகாலை, குருநாகல் மற்றும் மாத்தறை ஆகிய ஐந்து மாவட்டங்களிலும் எலிக்காய்ச்சல் (Leptospirosis) பரவும் அபாயம் காணப்படுவதாக சுகாதார அமைச்சின் தொற்றுநோயியல் பிரிவு எச்சரிக்கை விடுத்துள்ளது.

சவூதி அரேபியாவில் மரண தண்டனை விதிக்கப்பட்டிருந்த அனோஜன் சிவராசாவை சகல குற்றச்சாட்டுகளிலிருந்தும் விடுவிப்பதற்குத் தலையிட்டமைக்காக, அவரது குடும்பத்தினர் இன்று (12) முற்பகல் ஜனாதிபதி அலுவலகத்தில் ஜனாதிபதி அநுர குமார திசாநாயக்கவைச் சந்தித்துத் தமது நன்றிகளைத் தெரிவித்தனர்.