Untitled Document
November 18, 2026 [GMT]
வீடுகளில் தனித்திருக்கும் முதியவர்கள் இலக்கு வைக்கப்படுவது அதிகரிப்பு!
[Wednesday 2026-11-18 06:00]


பணம், தங்க ஆபரணங்கள் மற்றும் ஏனைய பெறுமதியான பொருட்களைக் கொள்ளையிடும் நோக்கில், தனிமையில் வசிக்கும் முதியவர்களின் வீடுகளைக் குற்றவாளிகள் இலக்கு வைக்கும் சம்பவங்கள் அண்மைக்காலமாக அதிகரித்து வருவதால், அவர்களுக்குக் கொள்ளை மற்றும் கொலை அபாயம் ஏற்பட்டுள்ளதாக இலங்கைப் பொலிஸார் எச்சரிக்கை விடுத்துள்ளனர்.

பணம், தங்க ஆபரணங்கள் மற்றும் ஏனைய பெறுமதியான பொருட்களைக் கொள்ளையிடும் நோக்கில், தனிமையில் வசிக்கும் முதியவர்களின் வீடுகளைக் குற்றவாளிகள் இலக்கு வைக்கும் சம்பவங்கள் அண்மைக்காலமாக அதிகரித்து வருவதால், அவர்களுக்குக் கொள்ளை மற்றும் கொலை அபாயம் ஏற்பட்டுள்ளதாக இலங்கைப் பொலிஸார் எச்சரிக்கை விடுத்துள்ளனர்.

  

செவ்வாய்க்கிழமை விடுத்துள்ள விசேட அறிக்கையிலேயே பொலிஸார் இதனைத் தெரிவித்துள்ளனர்.

பிள்ளைகள் தொழில் நிமித்தமாகத் தூர இடங்களுக்குச் சென்ற அல்லது வெளிநாடுகளுக்குப் புலம்பெயர்ந்த நிலையில், வீடுகளில் தனிமையில் வசிக்கும் முதியவர்கள் இத்தகைய குற்றச் செயல்களுக்கு மிக இலகுவில் இலக்காகும் அபாயம் உள்ளதாகப் பொலிஸார் சுட்டிக்காட்டியுள்ளனர்.

குறிப்பாக, போதைப்பொருட்களுக்கு அடிமையானவர்கள் பெறுமதியான பொருட்களைத் திருடுவதற்காக இத்தகைய வீடுகளை இலக்கு வைக்கக்கூடும் எனத் தெரிவித்துள்ள பொலிஸார், அண்மைக்காலங்களில் பதிவான பல சம்பவங்களில் குற்றவாளிகள் கொள்ளையின்போது கொலைகளைப் புரிந்துள்ளதையும் சுட்டிக்காட்டியுள்ளனர்.

இதற்குப் பதிலளிக்கும் வகையில், தனிமையில் வசிக்கும் முதியவர்களைப் பாதுகாப்பதற்குக் குடும்பத்தவர்களும் பொதுமக்களும் மேலதிக முன்னெச்சரிக்கை நடவடிக்கைகளை மேற்கொள்ளுமாறு வலியுறுத்தி, பொலிஸார் பின்வரும் பாதுகாப்பு வழிகாட்டல்களை வெளியிட்டுள்ளனர்:

பின்னணிப் பரிசோதனை: வீட்டுப் பணியாளர்கள் அல்லது பராமரிப்பாளர்களைப் பணிக்கமர்த்துவதற்கு முன்னர், உரிய பொலிஸ் பிரிவுகளிலிருந்து பொலிஸ் நற்சான்றிதழ் அறிக்கைகளைப் (Police Clearance Reports) பெற்றுக்கொள்வதுடன், அவர்களின் பின்னணி குறித்து முழுமையான பரிசோதனைகளை மேற்கொள்ளுமாறு குடும்பத்தவர்களுக்கு அறிவுறுத்தப்பட்டுள்ளது.

அவசர தொலைபேசி இலக்கங்கள்: பொலிஸ் அவசர அழைப்பு இலக்கமான ‘119’, சுவசெரிய அம்புலன்ஸ் சேவை இலக்கமான ‘1990’, அருகிலுள்ள பொலிஸ் நிலையம், அயலவர்கள் மற்றும் குடும்ப வைத்தியர் ஆகியோரின் தொலைபேசி இலக்கங்களை வீட்டிற்குள் தெளிவாகத் தெரியக்கூடிய இடங்களில் காட்சிப்படுத்துமாறு பொலிஸார் பரிந்துரைத்துள்ளனர்.

கிராம உத்தியோகத்தர் மற்றும் பொலிஸ் குழுவுக்கு அறிவித்தல்: தனிமையில் வசிக்கும் முதியவர்களின் பாதுகாப்பிற்கு உரிய கவனம் செலுத்தப்படுவதை உறுதிசெய்யும் வகையில், அவர்கள் குறித்த தகவல்களைப் பிரதேச கிராம உத்தியோகத்தர் மற்றும் சமூகப் பொலிஸ் குழுவினருக்குத் தெரியப்படுத்துமாறு பொதுமக்கள் கேட்டுக்கொள்ளப்பட்டுள்ளனர்.

இலகுவான கையடக்கத் தொலைபேசிகள்: அவசர அழைப்பு இலக்கங்கள் முன்கூட்டியே சேமித்து வைக்கப்பட்ட, இலகுவாகப் பயன்படுத்தக்கூடிய கையடக்கத் தொலைபேசிகளைத் தனிமையில் வசிக்கும் பெற்றோருக்கு வழங்குவதற்குக் குடும்பத்தவர்கள் நடவடிக்கை எடுக்க வேண்டும்.

அயலவர்களுடனான தொடர்பும் பாதுகாப்பும்: அயலவர்களுடன் நெருங்கிய உறவைப் பேணுதல், திருத்த வேலைகள் அல்லது ஏனைய சேவைகளுக்காக வீட்டிற்குள் நுழையும் முன்பின் தெரியாத நபர்களின் அடையாளங்களை உறுதிப்படுத்துதல் மற்றும் இரவு நேரங்களில் வீட்டுச் சுற்றுப்புறங்களில் போதிய வெளிச்சம் இருப்பதை உறுதிசெய்தல் ஆகியவையும் பரிந்துரைக்கப்பட்டுள்ள ஏனைய முன்னெச்சரிக்கை நடவடிக்கைகளாகும்.

மேலும், வயதான பெற்றோர் சமூகத்திலிருந்து தனிமைப்படுத்தப்படுவதைத் தடுப்பதன் முக்கியத்துவத்தை வலியுறுத்தியுள்ள பொலிஸார், குடும்ப உறுப்பினர்கள் அவர்களுடன் தொடர்ச்சியான தொடர்பைப் பேணுவதுடன், அடிக்கடி சென்று பார்வையிட வேண்டும் எனவும் கேட்டுக்கொண்டுள்ளனர்.

அயலவர்கள் மற்றும் உள்ளூர் அதிகாரிகளுடனான நெருக்கமான ஒருங்கிணைப்பானது, சாத்தியமான பாதுகாப்பு அச்சுறுத்தல்களை ஆரம்பக் கட்டத்திலேயே இனங்காணவும், குற்றச் செயல்களைத் தடுக்கவும் பெரிதும் உதவும் எனப் பொலிஸார் மேலும் தெரிவித்துள்ளனர்.

எனவே, தனிமையில் வசிக்கும் முதியவர்களின் பாதுகாப்பு மற்றும் நலனை உறுதிசெய்வதற்குப் பொதுமக்கள் விழிப்புடன் செயற்பட்டுத் தமது முழுமையான ஒத்துழைப்பை வழங்குமாறு பொலிஸார் கோரிக்கை விடுத்துள்ளனர்.

  
   Bookmark and Share Seithy.com



ஞானசார தேரருக்கு 4 வருட சிறைத்தண்டனை உறுதி!
[Wednesday 2026-11-18 18:00]

இஸ்லாம் மதத்தை அவமதிக்கும் வகையில் கருத்துத் தெரிவித்த குற்றச்சாட்டில், பொதுபல சேனா அமைப்பின் பொதுச் செயலாளர் கலகொட அத்தே ஞானசார தேரருக்கு விதிக்கப்பட்ட நான்கு வருட கடூழிய சிறைத்தண்டனையை மேன்முறையீட்டு நீதிமன்றம் உறுதி செய்துள்ளது.



சசி வீரவன்சவுக்கு விதிக்கப்பட்ட இரண்டு வருட சிறைத்தண்டனை- உறுதிப்படுத்திய உயர்நீதிமன்றம்!
[Wednesday 2026-11-18 18:00]

இராஜதந்திர கடவுச்சீட்டை சட்டவிரோதமான முறையில் வைத்திருந்த குற்றத்திற்காக, முன்னாள் அமைச்சர் விமல் வீரவன்சவின் மனைவி சசி வீரவன்சவுக்கு விதிக்கப்பட்ட இரண்டு வருட சிறைத்தண்டனையை உயர்நீதிமன்றம் இன்று உறுதி செய்தது.



வேலணை பிரதேச சபை காணியில் நினைவேந்தலுக்கு அனுமதி!
[Wednesday 2026-11-18 18:00]

வேலணை சாட்டி மாவீரர் மயானத்தில் நினைவேந்தல் நிகழ்வுகளை நடத்துவதற்குக் காணி உரிமையாளர்கள் அனுமதி மறுத்துள்ள நிலையில், மாற்று இடமாக வேலணை பிரதேச சபைக்குச் சொந்தமான காணியில் நிகழ்வுகளை நடத்துவதற்குச் சபை அனுமதி வழங்கியுள்ளது.



நாமலுக்கு வழங்கப்பட்ட பிணை- மேல்நீதிமன்றம் இடைநிறுத்தியது!
[Wednesday 2026-11-18 18:00]

கிரிஷ் கொடுக்கல் வாங்கல் தொடர்பான இலஞ்சக் குற்றச்சாட்டு வழக்கில், பாராளுமன்ற உறுப்பினர் நாமல் ராஜபக்ஷவுக்கு கொழும்பு பிரதான நீதவான் நீதிமன்றத்தினால் வழங்கப்பட்ட பிணை உத்தரவை இடைநிறுத்தி கொழும்பு மேல் நீதிமன்றம் இன்று (18) இடைக்காலத் தடை உத்தரவு பிறப்பித்துள்ளது.



சறுக்குப்பாதை எதிர்பாராமல் திறக்கப்பட்டதால் பிரிட்டிஷ் எயார்வேஸ் விமானத்தின் பயணம் ரத்து!
[Wednesday 2026-11-18 18:00]

அவசரகால வெளியேற்றும் சறுக்குப்பாதை எதிர்பாராதவிதமாகத் திறக்கப்பட்டதைத் தொடர்ந்து, பிரிட்டிஷ் எயார்வேஸ் நிறுவனத்துக்கு சொந்தமான போயிங் 777-200 ரக விமானம் கட்டுநாயக்க பண்டாரநாயக்க சர்வதேச விமான நிலையத்தில் தடுத்து நிறுத்தப்பட்டுள்ளது. இதன் காரணமாக கொழும்பிலிருந்து லண்டன் நோக்கிப் புறப்படவிருந்த விமானப் பயணம் இரத்து செய்யப்பட்டுள்ளது.



பாதுகாப்புச் செயலாளர் வடக்கு நிலைமைகள் குறித்து ஆய்வு!
[Wednesday 2026-11-18 18:00]

பாதுகாப்புச் செயலாளர் எயார் வைஸ் மார்ஷல் (ஓய்வு) சம்பத் துய்யகொந்த நேற்று (17) பலாலியில் அமைந்துள்ள யாழ். பாதுகாப்புப் படைத் தலைமையகத்துக்கு விஜயம் செய்தார். இதன்போது, இராணுவத் தளபதி லெப்டினன்ட் ஜெனரல் நிலந்த பிரேமரத்ன மற்றும் வடக்கு பிராந்தியத்திலுள்ள சிரேஷ்ட இராணுவ அதிகாரிகளுடன் அவர் கலந்துரையாடினார்.



5 மாதங்களின் பின் பிணையில் விடுவிக்கப்பட்டார் கோட்டாவின் செயலாளர்!
[Wednesday 2026-11-18 18:00]

முன்னாள் ஜனாதிபதி கோட்டாபய ராஜபக்ஷவின் பிரத்தியேக செயலாளராகப் பணியாற்றிய சுகீஷ்வர பண்டார, பிணையில் செல்ல அனுமதிக்கப்பட்டுள்ளார். இன்று கோட்டை நீதவான் நீதிமன்றத்தில் அவர் ஆஜர்படுத்தப்பட்டதைத் தொடர்ந்து இந்த உத்தரவு பிறப்பிக்கப்பட்டது. ஜனாதிபதி செலவினத் தலைப்பின் கீழ் இரண்டு சம்பளங்களைப் பெற்றதாகக் கூறப்படும் குற்றச்சாட்டுகளின் பேரில் சுகீஷ்வர பண்டார கடந்த ஜூன் மாதம் கைது செய்யப்பட்டார்.



ராஜாங்கனை சத்தாரதனவுக்கு விளக்கமறியல்!
[Wednesday 2026-11-18 18:00]

அநுராதபுரம் பொலிஸாரால் கைது செய்யப்பட்ட ராஜாங்கனை சத்தாரதன எதிர்வரும் 26ஆம் திகதி வரை விளக்கமறியலில் வைக்கப்பட்டுள்ளார். அநுராதபுரம் நீதவான் நீதிமன்றில் இன்று (18) மாலை அவரை முன்னிலைப்படுத்திய போதே இந்த உத்தரவு பிறப்பிக்கப்பட்டுள்ளது.



அனுராதபுர பெண் வைத்தியர் பாலியல் துஷ்பிரயோகம்- முன்னாள் சிப்பாயின் பிணை ரத்து!
[Wednesday 2026-11-18 18:00]

அனுராதபுர போதனா வைத்தியசாலையின் பெண் வைத்தியர் ஒருவர், தனது உத்தியோகபூர்வ இல்லத்தில் வைத்துப் பாலியல் துஷ்பிரயோகத்திற்கு உட்படுத்தப்பட்ட சம்பவம் தொடர்பில் குற்றம் சுமத்தப்பட்டு, மேல் நீதிமன்றத்தினால் கடுமையான பிணை நிபந்தனைகளின் கீழ் விடுவிக்கப்பட்டிருந்த சந்தேகநபரான முன்னாள் இராணுவச் சிப்பாயின் பிணை உத்தரவை இரத்து செய்யுமாறு, வடமத்திய மாகாண மேல் நீதிமன்ற நீதிபதி இந்திக அத்தநாயக்க உத்தரவிட்டுள்ளார்.



81வது பிறந்த நாள்- மஹிந்தவை வாழ்த்தினார் ரணில்!
[Wednesday 2026-11-18 18:00]

முன்னாள் ஜனாதிபதி மஹிந்த ராஜபக்ஷவின் 81ஆவது பிறந்தநாளை முன்னிட்டு, முன்னாள் ஜனாதிபதி ரணில் விக்கிரமசிங்க இன்று தொலைபேசி ஊடாகத் தனது வாழ்த்துக்களைத் தெரிவித்துள்ளார்.முன்னாள் ஜனாதிபதி ரணில் விக்கிரமசிங்கவின் அலுவலகம் விடுத்துள்ள அறிக்கையிலேயே இவ்விடயம் தெரிவிக்கப்பட்டுள்ளது.



தமிழர்களுக்குப் பாதகமான விடயங்களே வடகிழக்கில் முன்னெடுப்பு!
[Wednesday 2026-11-18 06:00]

தமிழர்களுக்கு பாதகமாக அமையும் திட்டங்களே வடக்கு மற்றும் கிழக்கில் முன்னெடுக்கப்படுகிறது. கிவுல் ஓயா திட்டத்தை அரசாங்கம் உடன் கைவிட வேண்டும்.இல்லையேல் மக்கள் வீதிக்கு இறங்கி போராட நேரிடும் என இலங்கைத் தமிழரசுக் கட்சியின் பாராளுமன்ற உறுப்பினர் பத்மநாதன் சத்தியலிங்கம் தெரிவித்தார்.



பிரபாகரன் இல்லச் சுவரில் கட்டப்பட்டிருந்த பதாதையைக் கிழித்த இனந்தெரியாத நபர்கள்!
[Wednesday 2026-11-18 06:00]

வல்வெட்டித்துறையில் விடுதலைப் புலிகளின் தலைவர் பிரபாகரனின் இல்லம் அமைந்திருந்த காணி சுவரில் கட்டப்பட்டிருந்த பதாதை செவ்வாய்க்கிழமை காலை இனந்தெரியாத நபர்களால் கிழித்துச் சேதப்படுத்தப்பட்டுள்ளது. இந்திய பாராளுமன்ற உறுப்பினரும், விடுதலைச் சிறுத்தைகள் கட்சியின் தலைவருமான தொல்.திருமாவளவன், தலைவரின் இல்லத்திற்குச் சென்று பார்வையிட்டதைத் தொடர்ந்து இந்தப் பதாகை கிழிக்கப்பட்ட சம்பவம் இடம்பெற்றுள்ளது.



டிசம்பர் எரிவாயு தேவையை நிறைவு செய்ய முன்கூட்டியே கொள்வனவு!
[Wednesday 2026-11-18 06:00]

எதிர்வரும் டிசம்பர் மாதத்தில் நிலவக்கூடிய எரிவாயு தேவையை முழுமையாக நிவர்த்தி செய்யும் வகையில், லிட்ரோ கேஸ் நிறுவனம் 45,000 மெட்ரிக் டன் எரிவாயுத் தொகைக்கு முன்கூட்டியே கொள்வனவு கட்டளை செய்துள்ளதாக அமைச்சரவைப் பேச்சாளர், அமைச்சர் நளிந்த ஜயதிஸ்ஸ தெரிவித்துள்ளார்.



திருகோணமலையிலிருந்து 650 கிலோமீற்றர் தூரத்தில் அக்வான் புயல் மையம்!
[Wednesday 2026-11-18 06:00]

தென்கிழக்கு வங்காள விரிகுடா மற்றும் அதனை ஒட்டியுள்ள தென்மேற்கு வங்காள விரிகுடா கடல் பகுதிகளில் நிலைகொண்டுள்ள "அக்வான்" (Akvan) சூறாவளியானது, இன்று (18) அதிகாலை 2.30 அயளவில் வட அகலாங்கு 12.6° மற்றும் கிழக்கு நெட்டாங்கு 85.6° இற்கு அருகில், திருகோணமலையிலிருந்து வடகிழக்கே சுமார் 650 கிலோமீற்றர் தூரத்தில் மையம் கொண்டிருந்தது.



லாஃப்ஸ் எரிவாயு விலை குறைப்பு!
[Wednesday 2026-11-18 06:00]

லாஃப்ஸ் எரிவாயு நிறுவனம் சமையல் எரிவாயு சிலிண்டரின் விலையை குறைப்பதாக அறிவித்துள்ளது.



சாட்டி மாவீரர் துயிலுமில்ல வழக்கு- பொலிசாரை திருப்பி அனுப்பிய நீதிமன்றம்!
[Wednesday 2026-11-18 06:00]

சாட்டி மாவீரர் நினைவிடத்தில் மாவீரர்களை நினைவுகூர அனுமதிக்கக் கூடாது எனவும், அதற்கான நடவடிக்கைகளை மேற்கொள்ளுமாறும் காணி உரிமையாளரால் ஊர்காவற்றுறை பொலிஸ் நிலையத்தில் செய்யப்பட்ட முறைப்பாட்டின் அடிப்படையிலான வழக்கு செவ்வாய்க்கிழமை ஊர்காவற்றுறை நீதிமன்றில் விசாரணைக்கு எடுத்துக்கொள்ளப்பட்டது.



அனோஜனை நாட்டிற்கு அழைத்து வர நடவடிக்கை!
[Wednesday 2026-11-18 06:00]

சவுதி அரேபியாவில் தண்டனைகளிலிருந்து விடுதலை செய்யப்பட்டுள்ள சிவராசா அனோஜனை நாட்டுக்கு அழைத்து வருவதற்கான அனைத்து நடவடிக்கைகளையும் வெளிவிவகார அமைச்சு முன்னெடுத்து வருவதாக என அமைச்சரவை பேச்சாளர் அமைச்சர் நளிந்த ஜயதிஸ்ஸ தெரிவித்தார்.



பொலிகண்டி கடற்கரையில் முதியவரின் சடலம்!
[Wednesday 2026-11-18 06:00]

யாழ்ப்பாணம் – வடமராட்சி, பொலிகண்டி மேற்கு கடற்கரைப் பகுதியில் 81 வயதுடைய முதியவர் ஒருவர் நேற்று மதியம் சடலமாக மீட்கப்பட்டுள்ளார்.



திறன்சார் வெளிநாட்டுத் தொழிலாளர்களுக்கான முன்னுரிமைத் தொழில்துறைப் பிரிவுகளை அறிவித்தது கனடா!
[Wednesday 2026-11-18 06:00]

கனடாவின் பொருளாதாரத்தை வலுப்படுத்துவதுடன், முக்கிய துறைகளில் நிலவும் தொழிலாளர் பற்றாக்குறையை நிவர்த்தி செய்யும் நோக்கில், திறன்சார் வெளிநாட்டுத் தொழிலாளர்களுக்கான முன்னுரிமைத் தொழில்துறைப் பிரிவுகளை கனடா அறிவித்துள்ளது.



ராஜ் சோமதேவவின் உருவபொம்மையை எரித்து செம்மணியில் போராட்டம்! Top News
[Tuesday 2026-11-17 17:00]

செம்மணி மனிதப் புதைகுழி தொடர்பில் சர்வதேச விசாரணை நடத்தப்பட வேண்டும் என வலியுறுத்தியும், தொல்லியல் பேராசிரியர் ராஜ் சோமதேவ நீதிமன்றில் சமர்ப்பித்த இடைக்கால அறிக்கைக்கு எதிர்ப்புத் தெரிவித்தும் இன்று யாழ்ப்பாணத்தில் போராட்டம் முன்னெடுக்கப்பட்டது.


Asiaan-Salon-2022-seithy
Vaheesan-Remax-2016
Mahesan-Royallepage-01-01-2025-Seithy
Kugeenthiran-200-2022-seithy
Karan Remax-2010
 gloriousprinters.com 2021
<b> Dec 30 2024 அன்று கனடா  ரொரன்டோவில் நடைபெற்ற  நெடுந்தீவு மக்கள் ஒன்றியம் -கனடா ஒளிவிழா நிகழ்வின் படத்தொகுப்பு.</b> படங்கள் - குணா
<b> Sep 11 2021 அன்று கனடா  ரொரன்டோவில் நடைபெற்ற Toronto Tamils Food Fest நிகழ்வின் படத்தொகுப்பு.</b> படங்கள் - குணா
<b> Sep 05 2020 அன்று கனடா  ரொரன்டோவில் நடைபெற்ற Majestic City திறப்புவிழா நிகழ்வின் படத்தொகுப்பு.</b> படங்கள் - குணா