Untitled Document
November 18, 2026 [GMT]
தமிழர்களுக்குப் பாதகமான விடயங்களே வடகிழக்கில் முன்னெடுப்பு!
[Wednesday 2026-11-18 06:00]



தமிழர்களுக்கு பாதகமாக அமையும் திட்டங்களே வடக்கு மற்றும் கிழக்கில் முன்னெடுக்கப்படுகிறது. கிவுல் ஓயா திட்டத்தை அரசாங்கம் உடன் கைவிட வேண்டும்.இல்லையேல் மக்கள் வீதிக்கு இறங்கி போராட நேரிடும் என  இலங்கைத் தமிழரசுக் கட்சியின் பாராளுமன்ற உறுப்பினர் பத்மநாதன் சத்தியலிங்கம்  தெரிவித்தார்.

தமிழர்களுக்கு பாதகமாக அமையும் திட்டங்களே வடக்கு மற்றும் கிழக்கில் முன்னெடுக்கப்படுகிறது. கிவுல் ஓயா திட்டத்தை அரசாங்கம் உடன் கைவிட வேண்டும்.இல்லையேல் மக்கள் வீதிக்கு இறங்கி போராட நேரிடும் என இலங்கைத் தமிழரசுக் கட்சியின் பாராளுமன்ற உறுப்பினர் பத்மநாதன் சத்தியலிங்கம் தெரிவித்தார்.

  

பாராளுமன்றத்தில் செவ்வாய்க்கிழமை (17) இடம்பெற்ற 2027 ஆம் ஆண்டுக்கான வரவு செலவுத் திட்டத்தின் நான்காம் நாள் விவாதத்தில் உரையாற்றுகையில் மேற்கண்டவாறு குறிப்பிட்டார்.

நிதியமைச்சரான ஜனாதிபதி அநுரகுமாரவினால் சமர்ப்பிக்கப்பட்டுள்ள 2027 ஆம் ஆண்டுக்கான வரவு செலவுத் திட்டத்தில் சிறந்த விடயங்கள் உள்ளடக்கப்பட்டிருந்தாலும் பல குறைப்பாடுகளும் பொதுவாக காணப்படுகிறது. வரவு செலவுத் திட்டத்தில் வடக்கு மற்றும் கிழக்கு மாகாண மக்களின் சுய பொருளாதாரத்தை மேம்படுத்த உரிய நடவடிக்கைகள் ஏதும் எடுக்கப்படவில்லை.

தேசிய மக்கள் சக்தி அரசாங்கம் நாட்டு மக்களுக்கு முன்வைத்த ' வளமான நாடு - அழகான வாழ்க்கை ' கொள்கைத் திட்டத்துக்கு அப்பாற்பட்ட வகையில் அரசாங்கம் செயற்படுகிது என்று தெளிவாக விளங்குகிறது. தேசிய மக்கள் சக்தியின் கொள்கை பிரகடனத்தின் 194-210 வரையான பக்கங்களில் குறிப்பிடப்பட்ட விடயங்களை ஜனாதிபதிக்கும், அரசாங்கத்துக்கும் நினைவுப்படுத்த விரும்புகிறேன்.

ஆட்சிக்கு வந்தவுடன் புதிய அரசிலயமைப்பை உருவாக்குவதாகவும், நிறைவேற்று அதிகாரமிக்க ஜனாதிபதி முறைமையை இரத்துச் செய்வதாகவும், வடக்கு மற்றும் கிழக்கு மாகாணங்களில் படைகளின் வசமுள்ள காணிகளை விடுவிப்பதாகவும், பயங்கரவாத தடைச்சட்டம் மற்றும் மனித குலத்துக்கு எதிராக சட்டங்களை நீக்குவதாகவும்,, பல ஆண்டுகாலமாக தாமதப்படுத்தப்பட்டுள்ள மாகாணசபைத் தேர்தலை ஒரு ஆண்டுக்குள் நடத்துவதாகவும், வாக்குறுதியளிக்கப்பட்டது. கடந்த இரண்டு ஆண்டுகாலப்பகுதியில் அரசாங்கம் இந்த வாக்குறுதிகளை நிறைவேற்றவில்லை. குறைந்தபட்சம் ஆரம்பக்கட்ட நடவடிக்கைகளையேனும் முன்னெடுக்கவில்லை.

செம்மணி மனித புதைக்குழி விவகாரத்துக்கான நீதி தொடர்ச்சியாக மறைக்கப்படுகிறது.செம்மணி மனித புதைக்குழி விவகாரம் தொடர்பில் அண்மையில் சமர்ப்பிக்கப்பட்ட அறிக்கையை ஏற்க முடியாது.செம்மணி மனித புதைக்குழி விவகாரத்தில் குற்றவாளிகளுக்கு தண்டனை கிடைக்கும், எதிர்காலத்தில் இவ்வாறான சம்பவங்கள் இடம்பெறாமல் இருப்பதற்கு இந்த அரசாங்கம் உரிய நடவடிக்கைகளை முன்னெடுக்கும் என்பதில் பாரிய சந்தேகம் காணப்படுகிறது.

பாதிக்கப்பட்ட மக்கள் உள்ளக விசாரணைக்கு எதிர்ப்புத் தெரிவித்து வெளியக விசாரணையை கோரி தொடர்ச்சியாகப் போராட்டத்தில் ஈடுபடுகின்ற வேளை அது குறித்து அரசாங்கம் கவனம் செலுத்தவில்லை. இது பாதிக்கப்பட்ட மக்களை தொடர்ச்சியாக புறக்கணிக்கும் ஒரு செயற்பாடாகும்.

அரசியலமைப்பின் 13 ஆவது திருத்தச் சட்டத்துக்கு அமைய மாகாண சபைகளுக்கு சொற்ப அளவில் வழங்கப்பட்ட அதிகாரத்தை மத்திய அரசு கைப்பற்றும் முன்மொழிவுகள் வரவு செலவுத் திட்டத்தில் முன்வைக்கப்பட்டுள்ளதற்கு கடும் எதிர்ப்பை வெளிப்படுத்திக் கொள்கிறோம்

மாகாணசபைகளில் உள்ள அரச நிறுவனங்களில் நிலவும் அடிப்படை பிரச்சினைகளுக்கு தீர்வு பெற்றுக்கொடுக்காமல் அவற்றை மத்திய அரசுக்குள் கொண்டு வரும் செயற்பாடுகளில் தான் இந்த அரசாங்கம் செயற்படுகிறது. பாதிக்கப்பட்ட குடும்பம் ஒன்று நிவாரணம் கேட்கும்போது குடும்பத்துக்கு நிவாரணம் வழங்காமல், குடும்பத்தை தான் முழுமையாக பொறுப்பேற்கிறேன் என்று குறிப்பிடுவதை போன்று ஜனாதிபதியின் செயற்பாடுகள் உள்ளன.

கிவுல் ஓயா திட்டத்துக்கு வரவு செலவுத் திட்டத்தில் அதிக நிதி ஒதுக்கப்பட்டுள்ளது. இந்த திட்டம் செயற்படுத்தப்பட்டால் தமிழ் மக்களின் காணிகளும், விவசாய நிலங்களும் இல்லாதொழியும்.இந்த திட்டத்துக்காக பல்லாயிரம் ஹேக்கர் காடுகள் அழிக்கப்படும் அச்சுறுத்தல் காணப்படுகிறது. அவ்வாறு நிகழ்ந்தால் காட்டு யானைகள் மனித குடியிறுப்பை அண்மித்த பகுதிகளுக்கு வரக்கூடும் அது மாறுப்பட்ட பிரச்சினைகளை ஏற்படுத்தும்.

அரசாங்கத்தை கைப்பற்றி விட்டோம்.ஆனால் இன்னும் அரச அதிகாரத்தை கைப்பற்றவில்லை என்று அமைச்சர் லால் காந்த அண்மையில் குறிப்பிட்டுள்ளமை அவதானிக்க கூடியது.ஜனாதிபதியின் உத்தரவுகளை கூட செயற்படுத்தாத அரச அதிகாரிகள் இன்று செயற்படுத்தாமல் உள்ளார்கள்.

வடக்கு மற்றும் கிழக்கு மாகாணங்களில் கிராமிய அபிவிருத்தி தொடர்பில் அரசாங்கம் விசேட கவனம் செலுத்தி அதற்குரிய நடவடிக்கைகளை முன்னெடுக்க வேண்டும்.எமது மாவட்டங்களில் நிலவும் வேலையின்மை பிரச்சினைக்கு உடன் தீர்வு காண வேண்டும். மன்னார் - இராமேஸ்வரம் கப்பல் பயணத்தை ஆரம்பித்தால் வேலையின்மை பிரச்சினைக்கு தீர்வு காணலாம் என்றார்.

  
   Bookmark and Share Seithy.com



ஞானசார தேரருக்கு 4 வருட சிறைத்தண்டனை உறுதி!
[Wednesday 2026-11-18 18:00]

இஸ்லாம் மதத்தை அவமதிக்கும் வகையில் கருத்துத் தெரிவித்த குற்றச்சாட்டில், பொதுபல சேனா அமைப்பின் பொதுச் செயலாளர் கலகொட அத்தே ஞானசார தேரருக்கு விதிக்கப்பட்ட நான்கு வருட கடூழிய சிறைத்தண்டனையை மேன்முறையீட்டு நீதிமன்றம் உறுதி செய்துள்ளது.



சசி வீரவன்சவுக்கு விதிக்கப்பட்ட இரண்டு வருட சிறைத்தண்டனை- உறுதிப்படுத்திய உயர்நீதிமன்றம்!
[Wednesday 2026-11-18 18:00]

இராஜதந்திர கடவுச்சீட்டை சட்டவிரோதமான முறையில் வைத்திருந்த குற்றத்திற்காக, முன்னாள் அமைச்சர் விமல் வீரவன்சவின் மனைவி சசி வீரவன்சவுக்கு விதிக்கப்பட்ட இரண்டு வருட சிறைத்தண்டனையை உயர்நீதிமன்றம் இன்று உறுதி செய்தது.



வேலணை பிரதேச சபை காணியில் நினைவேந்தலுக்கு அனுமதி!
[Wednesday 2026-11-18 18:00]

வேலணை சாட்டி மாவீரர் மயானத்தில் நினைவேந்தல் நிகழ்வுகளை நடத்துவதற்குக் காணி உரிமையாளர்கள் அனுமதி மறுத்துள்ள நிலையில், மாற்று இடமாக வேலணை பிரதேச சபைக்குச் சொந்தமான காணியில் நிகழ்வுகளை நடத்துவதற்குச் சபை அனுமதி வழங்கியுள்ளது.



நாமலுக்கு வழங்கப்பட்ட பிணை- மேல்நீதிமன்றம் இடைநிறுத்தியது!
[Wednesday 2026-11-18 18:00]

கிரிஷ் கொடுக்கல் வாங்கல் தொடர்பான இலஞ்சக் குற்றச்சாட்டு வழக்கில், பாராளுமன்ற உறுப்பினர் நாமல் ராஜபக்ஷவுக்கு கொழும்பு பிரதான நீதவான் நீதிமன்றத்தினால் வழங்கப்பட்ட பிணை உத்தரவை இடைநிறுத்தி கொழும்பு மேல் நீதிமன்றம் இன்று (18) இடைக்காலத் தடை உத்தரவு பிறப்பித்துள்ளது.



சறுக்குப்பாதை எதிர்பாராமல் திறக்கப்பட்டதால் பிரிட்டிஷ் எயார்வேஸ் விமானத்தின் பயணம் ரத்து!
[Wednesday 2026-11-18 18:00]

அவசரகால வெளியேற்றும் சறுக்குப்பாதை எதிர்பாராதவிதமாகத் திறக்கப்பட்டதைத் தொடர்ந்து, பிரிட்டிஷ் எயார்வேஸ் நிறுவனத்துக்கு சொந்தமான போயிங் 777-200 ரக விமானம் கட்டுநாயக்க பண்டாரநாயக்க சர்வதேச விமான நிலையத்தில் தடுத்து நிறுத்தப்பட்டுள்ளது. இதன் காரணமாக கொழும்பிலிருந்து லண்டன் நோக்கிப் புறப்படவிருந்த விமானப் பயணம் இரத்து செய்யப்பட்டுள்ளது.



பாதுகாப்புச் செயலாளர் வடக்கு நிலைமைகள் குறித்து ஆய்வு!
[Wednesday 2026-11-18 18:00]

பாதுகாப்புச் செயலாளர் எயார் வைஸ் மார்ஷல் (ஓய்வு) சம்பத் துய்யகொந்த நேற்று (17) பலாலியில் அமைந்துள்ள யாழ். பாதுகாப்புப் படைத் தலைமையகத்துக்கு விஜயம் செய்தார். இதன்போது, இராணுவத் தளபதி லெப்டினன்ட் ஜெனரல் நிலந்த பிரேமரத்ன மற்றும் வடக்கு பிராந்தியத்திலுள்ள சிரேஷ்ட இராணுவ அதிகாரிகளுடன் அவர் கலந்துரையாடினார்.



5 மாதங்களின் பின் பிணையில் விடுவிக்கப்பட்டார் கோட்டாவின் செயலாளர்!
[Wednesday 2026-11-18 18:00]

முன்னாள் ஜனாதிபதி கோட்டாபய ராஜபக்ஷவின் பிரத்தியேக செயலாளராகப் பணியாற்றிய சுகீஷ்வர பண்டார, பிணையில் செல்ல அனுமதிக்கப்பட்டுள்ளார். இன்று கோட்டை நீதவான் நீதிமன்றத்தில் அவர் ஆஜர்படுத்தப்பட்டதைத் தொடர்ந்து இந்த உத்தரவு பிறப்பிக்கப்பட்டது. ஜனாதிபதி செலவினத் தலைப்பின் கீழ் இரண்டு சம்பளங்களைப் பெற்றதாகக் கூறப்படும் குற்றச்சாட்டுகளின் பேரில் சுகீஷ்வர பண்டார கடந்த ஜூன் மாதம் கைது செய்யப்பட்டார்.



ராஜாங்கனை சத்தாரதனவுக்கு விளக்கமறியல்!
[Wednesday 2026-11-18 18:00]

அநுராதபுரம் பொலிஸாரால் கைது செய்யப்பட்ட ராஜாங்கனை சத்தாரதன எதிர்வரும் 26ஆம் திகதி வரை விளக்கமறியலில் வைக்கப்பட்டுள்ளார். அநுராதபுரம் நீதவான் நீதிமன்றில் இன்று (18) மாலை அவரை முன்னிலைப்படுத்திய போதே இந்த உத்தரவு பிறப்பிக்கப்பட்டுள்ளது.



அனுராதபுர பெண் வைத்தியர் பாலியல் துஷ்பிரயோகம்- முன்னாள் சிப்பாயின் பிணை ரத்து!
[Wednesday 2026-11-18 18:00]

அனுராதபுர போதனா வைத்தியசாலையின் பெண் வைத்தியர் ஒருவர், தனது உத்தியோகபூர்வ இல்லத்தில் வைத்துப் பாலியல் துஷ்பிரயோகத்திற்கு உட்படுத்தப்பட்ட சம்பவம் தொடர்பில் குற்றம் சுமத்தப்பட்டு, மேல் நீதிமன்றத்தினால் கடுமையான பிணை நிபந்தனைகளின் கீழ் விடுவிக்கப்பட்டிருந்த சந்தேகநபரான முன்னாள் இராணுவச் சிப்பாயின் பிணை உத்தரவை இரத்து செய்யுமாறு, வடமத்திய மாகாண மேல் நீதிமன்ற நீதிபதி இந்திக அத்தநாயக்க உத்தரவிட்டுள்ளார்.



81வது பிறந்த நாள்- மஹிந்தவை வாழ்த்தினார் ரணில்!
[Wednesday 2026-11-18 18:00]

முன்னாள் ஜனாதிபதி மஹிந்த ராஜபக்ஷவின் 81ஆவது பிறந்தநாளை முன்னிட்டு, முன்னாள் ஜனாதிபதி ரணில் விக்கிரமசிங்க இன்று தொலைபேசி ஊடாகத் தனது வாழ்த்துக்களைத் தெரிவித்துள்ளார்.முன்னாள் ஜனாதிபதி ரணில் விக்கிரமசிங்கவின் அலுவலகம் விடுத்துள்ள அறிக்கையிலேயே இவ்விடயம் தெரிவிக்கப்பட்டுள்ளது.



பிரபாகரன் இல்லச் சுவரில் கட்டப்பட்டிருந்த பதாதையைக் கிழித்த இனந்தெரியாத நபர்கள்!
[Wednesday 2026-11-18 06:00]

வல்வெட்டித்துறையில் விடுதலைப் புலிகளின் தலைவர் பிரபாகரனின் இல்லம் அமைந்திருந்த காணி சுவரில் கட்டப்பட்டிருந்த பதாதை செவ்வாய்க்கிழமை காலை இனந்தெரியாத நபர்களால் கிழித்துச் சேதப்படுத்தப்பட்டுள்ளது. இந்திய பாராளுமன்ற உறுப்பினரும், விடுதலைச் சிறுத்தைகள் கட்சியின் தலைவருமான தொல்.திருமாவளவன், தலைவரின் இல்லத்திற்குச் சென்று பார்வையிட்டதைத் தொடர்ந்து இந்தப் பதாகை கிழிக்கப்பட்ட சம்பவம் இடம்பெற்றுள்ளது.



டிசம்பர் எரிவாயு தேவையை நிறைவு செய்ய முன்கூட்டியே கொள்வனவு!
[Wednesday 2026-11-18 06:00]

எதிர்வரும் டிசம்பர் மாதத்தில் நிலவக்கூடிய எரிவாயு தேவையை முழுமையாக நிவர்த்தி செய்யும் வகையில், லிட்ரோ கேஸ் நிறுவனம் 45,000 மெட்ரிக் டன் எரிவாயுத் தொகைக்கு முன்கூட்டியே கொள்வனவு கட்டளை செய்துள்ளதாக அமைச்சரவைப் பேச்சாளர், அமைச்சர் நளிந்த ஜயதிஸ்ஸ தெரிவித்துள்ளார்.



வீடுகளில் தனித்திருக்கும் முதியவர்கள் இலக்கு வைக்கப்படுவது அதிகரிப்பு!
[Wednesday 2026-11-18 06:00]

பணம், தங்க ஆபரணங்கள் மற்றும் ஏனைய பெறுமதியான பொருட்களைக் கொள்ளையிடும் நோக்கில், தனிமையில் வசிக்கும் முதியவர்களின் வீடுகளைக் குற்றவாளிகள் இலக்கு வைக்கும் சம்பவங்கள் அண்மைக்காலமாக அதிகரித்து வருவதால், அவர்களுக்குக் கொள்ளை மற்றும் கொலை அபாயம் ஏற்பட்டுள்ளதாக இலங்கைப் பொலிஸார் எச்சரிக்கை விடுத்துள்ளனர்.



திருகோணமலையிலிருந்து 650 கிலோமீற்றர் தூரத்தில் அக்வான் புயல் மையம்!
[Wednesday 2026-11-18 06:00]

தென்கிழக்கு வங்காள விரிகுடா மற்றும் அதனை ஒட்டியுள்ள தென்மேற்கு வங்காள விரிகுடா கடல் பகுதிகளில் நிலைகொண்டுள்ள "அக்வான்" (Akvan) சூறாவளியானது, இன்று (18) அதிகாலை 2.30 அயளவில் வட அகலாங்கு 12.6° மற்றும் கிழக்கு நெட்டாங்கு 85.6° இற்கு அருகில், திருகோணமலையிலிருந்து வடகிழக்கே சுமார் 650 கிலோமீற்றர் தூரத்தில் மையம் கொண்டிருந்தது.



லாஃப்ஸ் எரிவாயு விலை குறைப்பு!
[Wednesday 2026-11-18 06:00]

லாஃப்ஸ் எரிவாயு நிறுவனம் சமையல் எரிவாயு சிலிண்டரின் விலையை குறைப்பதாக அறிவித்துள்ளது.



சாட்டி மாவீரர் துயிலுமில்ல வழக்கு- பொலிசாரை திருப்பி அனுப்பிய நீதிமன்றம்!
[Wednesday 2026-11-18 06:00]

சாட்டி மாவீரர் நினைவிடத்தில் மாவீரர்களை நினைவுகூர அனுமதிக்கக் கூடாது எனவும், அதற்கான நடவடிக்கைகளை மேற்கொள்ளுமாறும் காணி உரிமையாளரால் ஊர்காவற்றுறை பொலிஸ் நிலையத்தில் செய்யப்பட்ட முறைப்பாட்டின் அடிப்படையிலான வழக்கு செவ்வாய்க்கிழமை ஊர்காவற்றுறை நீதிமன்றில் விசாரணைக்கு எடுத்துக்கொள்ளப்பட்டது.



அனோஜனை நாட்டிற்கு அழைத்து வர நடவடிக்கை!
[Wednesday 2026-11-18 06:00]

சவுதி அரேபியாவில் தண்டனைகளிலிருந்து விடுதலை செய்யப்பட்டுள்ள சிவராசா அனோஜனை நாட்டுக்கு அழைத்து வருவதற்கான அனைத்து நடவடிக்கைகளையும் வெளிவிவகார அமைச்சு முன்னெடுத்து வருவதாக என அமைச்சரவை பேச்சாளர் அமைச்சர் நளிந்த ஜயதிஸ்ஸ தெரிவித்தார்.



பொலிகண்டி கடற்கரையில் முதியவரின் சடலம்!
[Wednesday 2026-11-18 06:00]

யாழ்ப்பாணம் – வடமராட்சி, பொலிகண்டி மேற்கு கடற்கரைப் பகுதியில் 81 வயதுடைய முதியவர் ஒருவர் நேற்று மதியம் சடலமாக மீட்கப்பட்டுள்ளார்.



திறன்சார் வெளிநாட்டுத் தொழிலாளர்களுக்கான முன்னுரிமைத் தொழில்துறைப் பிரிவுகளை அறிவித்தது கனடா!
[Wednesday 2026-11-18 06:00]

கனடாவின் பொருளாதாரத்தை வலுப்படுத்துவதுடன், முக்கிய துறைகளில் நிலவும் தொழிலாளர் பற்றாக்குறையை நிவர்த்தி செய்யும் நோக்கில், திறன்சார் வெளிநாட்டுத் தொழிலாளர்களுக்கான முன்னுரிமைத் தொழில்துறைப் பிரிவுகளை கனடா அறிவித்துள்ளது.



ராஜ் சோமதேவவின் உருவபொம்மையை எரித்து செம்மணியில் போராட்டம்! Top News
[Tuesday 2026-11-17 17:00]

செம்மணி மனிதப் புதைகுழி தொடர்பில் சர்வதேச விசாரணை நடத்தப்பட வேண்டும் என வலியுறுத்தியும், தொல்லியல் பேராசிரியர் ராஜ் சோமதேவ நீதிமன்றில் சமர்ப்பித்த இடைக்கால அறிக்கைக்கு எதிர்ப்புத் தெரிவித்தும் இன்று யாழ்ப்பாணத்தில் போராட்டம் முன்னெடுக்கப்பட்டது.


Asiaan-Salon-2022-seithy
Karan Remax-2010
Kugeenthiran-200-2022-seithy
Mahesan-Royallepage-01-01-2025-Seithy
Vaheesan-Remax-2016
 gloriousprinters.com 2021
<b> Dec 30 2024 அன்று கனடா  ரொரன்டோவில் நடைபெற்ற  நெடுந்தீவு மக்கள் ஒன்றியம் -கனடா ஒளிவிழா நிகழ்வின் படத்தொகுப்பு.</b> படங்கள் - குணா
<b> Sep 11 2021 அன்று கனடா  ரொரன்டோவில் நடைபெற்ற Toronto Tamils Food Fest நிகழ்வின் படத்தொகுப்பு.</b> படங்கள் - குணா
<b> Sep 05 2020 அன்று கனடா  ரொரன்டோவில் நடைபெற்ற Majestic City திறப்புவிழா நிகழ்வின் படத்தொகுப்பு.</b> படங்கள் - குணா