பிரித்தானிய பிரதமர் கெய்ர் ஸ்டார்மர் 100,000 பவுண்டுகள் மதிப்புள்ள பரிசுகளை பெற்றுள்ளது தொடர்பாக சர்ச்சையில் சிக்கியுள்ளார். பிரித்தானியாவின் பிரதமரும் தொழிலாளர் கட்சித் தலைவருமான கெய்ர் ஸ்டார்மர் (Keir Starmer), 2019 டிசம்பர் மாதத்திலிருந்து 132,000 டொலர் (100,000 பவுண்டுகள்) மதிப்புள்ள பரிசுகளையும் விருந்தினரின் நன்மைகளையும் பெற்றுள்ளார் என்ற தகவல்கள் வெளிவந்துள்ளன.

இந்தப் பரிசுகள் பாராளுமன்ற விதிகளுக்குப் புறம்பாக இல்லாவிட்டாலும் கூட, நீண்டகால நன்மைக்காக குறுகிய கால நிதி வலியை (short-term financial pain for long-term good) ஏற்றுக்கொள்ளுமாறு பிரித்தானியர்களை அவரது அரசாங்கம் வலியுறுத்தி வரும் நேரத்தில் இந்த விவரங்கள் வந்துள்ளன.

இது, அரசியல் மற்றும் பொது வாழ்க்கையில் நம்பிக்கை மீட்கப்படும் என்ற வாக்குறுதியுடன் வந்த அவரது அரசுக்கு எதிரான கண்டனங்களை ஏற்படுத்தியுள்ளன.

ஸ்டார்மர் மற்றும் அவரது மனைவி விக்டோரியா பெறும் இந்த பரிசுகள், ஒரு விதமான இரட்டை நிலைப்பாடு காட்டுவதாகக் குற்றம்சாட்டப்படுகிறது.

ஆடம்பரமான பரிசுகள் மற்றும் சொகுசு நிகழ்வுகள் விக்டோரியா ஸ்டார்மர் சமீபத்தில் லண்டன் ஃபேஷன் வீக் நிகழ்ச்சியில் கலந்து கொண்டு, தொழிலாளர் கட்சியின் நன்கொடைதாரரான வஹீட் அலியின் மூலம் 5,000 பவுண்டுகள் மதிப்புள்ள ஆடைகளைப் பெற்றிருந்தார்.

மேலும், கெய்ர் ஸ்டார்மரும் அலியிடமிருந்து பல ஆடைகள் மற்றும் கண்ணாடிகளைப் பரிசாகப் பெற்றதாகத் தகவல்கள் வெளியாகியுள்ளன. இத்துடன், அலிக்கு டவுனிங் ஸ்ட்ரீட் பாதுகாப்புச் சீட்டு வழங்கப்பட்டமை, அவர் எந்த அரசாங்கப் பதவியிலும் இல்லாத நிலையில் பரிசுகள் வழங்கப்பட்டமை கடுமையான விவாதங்களுக்கு வழிவகுத்தது.

பிரபலங்களின் நிகழ்ச்சிகள் மற்றும் விளையாட்டுப் போட்டிகளுக்கான நுழைவுச் சீட்டுகளும் பரிசாகக் கிடைத்துள்ளன. ஸ்டார்மர், ஆர்செனல் கால்பந்தாட்டக் குழுவால் வழங்கப்பட்ட நுழைவுச் சீட்டுகளைப் பெறுவதால், அவருக்கு 12,000 பவுண்டுகள் மதிப்புள்ள விருப்ப நுழைவுச்சீட்டுகள் கிடைத்துள்ளன.

இதற்காக அவர், "நான் பாதுகாப்பு காரணங்களால் பொதுத் திடலில் அமர முடியாது. எனவே, இவ்வாறு பெற வேண்டியிருக்கிறது" என்று தன்னைத் தரமாக்கினார். அதே நேரத்தில், அவர் டெய்லர் ஸ்விஃப்ட் இசை நிகழ்ச்சிக்காக 4,000 பவுண்டுகள் மதிப்புள்ள நுழைவுச் சீட்டுகளையும் பெற்றுள்ளார் என்பது கூடுதலான பரிசுத் தரவாகச் சேர்க்கப்பட்டுள்ளது.

தொழிலாளர் கட்சியின் சிறப்பு மாநாடு விரைவில் நடைபெறவிருக்கும் நிலையில், ஸ்டார்மர் இந்த பரிசுகள் தொடர்பான சர்ச்சையை எதிர்கொள்வது கடினமாக இருக்கிறது.

சுமார் மூன்று மாதங்களுக்கு முன்பு பெரும் ஆதரவைப் பெற்று ஆட்சிக்கு வந்த அவர், தற்போது அவரது சொகுசு பரிசுகளின் விவகாரம் பொதுமக்களிடம் எதிர்மறையான தாக்கத்தை ஏற்படுத்தியுள்ளதாக எதிர்க்கட்சிகள் சாட்டுகின்றன.

ஸ்டார்மர் எவ்வாறு இந்த விஷயத்தில் தீர்வு காணப் போகிறார் என்பதே எதிர்கால அரசியலின் முக்கியக் கேள்வியாகத் திகழ்கிறது.

அமெரிக்காவில் நடந்து முடிந்த 47-வது அதிபர் தேர்தலில் குடியரசு கட்சி சார்பில் போட்டியிட்ட டொனால்ட் டிரம்ப வெற்றிபெற்ற நிலையில் எதிர்வரும் ஜனவரி 20-ம் திகதி பதவியேற்கவுள்ளார். இவ்வாறான நிலையில், தற்போது தனது அரசாங்கத்தில் இடம்பெறவுள்ள மந்திரிகள், ஆலோசகர்களை தேர்ந்தெடுக்கும் பணியில் டிரம்ப் ஈடுபட்டு வருகிறார்.

கனடாவின் பிரிட்டிஷ் கொலம்பிய மாகாணத்தில் நபர் ஒருவருக்கு பறவை காய்ச்சல் ஏற்பட்டுள்ளதாக சந்தேகம் வெளியிடப்பட்டுள்ளது. பிரிட்டிஷ் கொலம்பியாவின் ப்ரேசர்வெளி பகுதியில் இளைஞர் ஒருவருக்கு இவ்வாறு பறவை காய்ச்சல் நோய் ஏற்பட்டுள்ளதாக சந்தேகம் வெளியிடப்பட்டுள்ளது. குறித்த நபருக்கு பறவை காய்ச்சல் ஏற்பட்டுள்ளதா என்பது குறித்து பரிசோதனைகள் ஆரம்பிக்கப்பட்டது.

நடந்து முடிந்த அமெரிக்காவின் 47வது ஜனாதிபதி தேர்தலில் குடியரசுக் கட்சி சார்பில் போட்டியிட்ட முன்னாள் அதிபர் டொனால்ட் டிரம்ப் பெரும் வெற்றியை பெற்றார். இந்நிலையில் டொனால்ட் டிரம்ப் எதிர்வரும் 13-ம் திகதி வெள்ளை மாளிகை செல்கிறார்.

உக்கரைன் மற்றும் ரஷ்யா போரில் ரஷ்யாவின் மக்கள் தொகை பெருமளவில் குறைவடைந்துள்ளதால் ரஷ்யாவிலுள்ள புதிதாக திருமணமான தம்பதி ஹனிமூன் செல்வதற்கான நிதி வழங்க உள்ளதாக ரஷ்ய அரசு தீர்மானித்துள்ளது. இந்த விடயம் தொடர்பில் மேலும் தெரியவருகையில், இந்த பேரை முடிவுக்கு கொண்டு வருவதற்கு ரஷ்யா மற்றும் உக்ரைன் விரும்புவதாக கூறினாலும், தொடா்ந்து போரில் ஈடுபடுகின்றன.

ஸ்பெயினின் வலென்சியாவில் மழை மற்றும் பெருவெள்ளத்தை முறையாக எதிர்கொள்ள தவறிய அதிகாரிகளுக்கு எதிராக ஆயிரக்கணக்கான மக்கள் போராட்டத்தில் குதித்தனர். ஆர்ப்பாட்டத்தில் ஈடுபட்ட மக்கள் பிராந்திய தலைவர் Carlos Mazón ராஜினாமா செய்ய வேண்டும் என்றும் கோரிக்கை வைத்தனர். சனிக்கிழமை மதியத்திற்கு மேல் நடந்த இந்த ஆர்ப்பாட்டத்தில், நாங்கள் சேற்றில் படிந்துள்ளோம், நீங்கள் இரத்தத்தால் கறைபட்டுள்ளீர்கள் என மக்கள் முழக்கமிட்டுள்ளனர்.

கடந்த ஆட்சி போன்று கடும் போக்கு வேண்டாம் என அமெரிக்க ஜனாதிபதியாக தெரிவாகியுள்ள டொனால்டு ட்ரம்புக்கு ஈரான் கோரிக்கை வைத்துள்ளது. கடந்த ஆட்சியின் போது தவறான கொள்கைகளை பின்பற்றுவதை டொனால்டு ட்ரம்ப் கைவிட வேண்டும் என ஈரான் தரப்பில் இருந்து Mohammad Javad Zarif என்பவர் கோரிக்கை வைத்துள்ளார்.

தடுப்பூசி கொள்கைகளுக்கு கடும் எதிர்ப்பாளரான ஒருவர் அமெரிக்க சுகாதாரத்துறையின் தலைமை பொறுப்புக்கு டொனால்டு ட்ரம்பால் நியமிக்கப்படலாம் என தகவல் வெளியாகியுள்ளது. அத்துடன் தமக்கு மிகவும் நெருக்கமான, தம்முடன் கோல்ஃப் விளையாடுபவர்கள் சிலருக்கும் முதன்மையான பொறுப்புகள் அளிக்கப்படலாம் என கூறப்படுகிறது.

பாகிஸ்தானில் புகையிரத நிலையமொன்றில் இடம்பெற்ற குண்டுவெடிப்பில் 25 பேர் கொல்லப்பட்டுள்ளதாக தெரிவிக்கப்படுகின்றது. பலோச்சிஸ்தான் மாகாணத்தில் இந்த குண்டுவெடிப்பு இடம்பெற்றுள்ளது. குவாட்டா நகரிலிருந்து பாக்கிஸ்தானின் பெசாவர் நகருக்கு செல்லவிருந்தவேளையிலேயே புகையிரதநிலையத்தில் குண்டுவெடிப்பு இடம்பெற்றுள்ளது.

அனைத்து கனடா இந்துக்களும் மோடியை ஆதரிக்கவில்லை என கனடா பிரதமர் ஜஸ்டின் ட்ரூடோ தெரிவித்துள்ளமை மோடி அரசுக்கு சினத்தை ஏற்படுத்தியுள்ளதாக கூறப்படுகின்றது. இந்தியா-கனடா இடையேயான உறவில் விரிசல் ஏற்பட்டுள்ளது. கனடாவில் வசித்த காலிஸ்தான் பிரிவினைவாத தலைவர் நிஜ்ஜார் கொலையில் இந்தியாவுக்கு தொடர்பு இருப்பதாக கனடா பிரதமர் ஜஸ்டின் ட்ரூடோ தெரிவித்ததையடுத்து மோதல் போக்கு ஏற்பட்டது.

பிரான்ஸ் - நோர்து-டேம் தேவாலயத்தில் உள்ள காண்டாமணிகள் கிட்டத்தட்ட ஐந்து ஆண்டுகளின் பின்னர் இன்று நவம்பர் 8, வெள்ளிக்கிழமை ஒலிக்கவிடப்பட்டது. 2019 ஆம் ஆண்டு தீ விபத்துக்குள்ளான தேவாலயம் திருத்தப்பணிகளின் பின்னர், அடுத்த மாதம் 7 ஆம் திகதி (டிசம்பர், 2024) திறக்கப்பட உள்ளது. அதற்காக ஆயத்தப்பணிகள் தற்போது இடம்பெற்று வருகிறது.

கனடாவின் யுகுன் பகுதியில் நிலநடுக்கம் பதிவாகியுள்ளது. ஐந்து தசம் மூன்று ரிச்டர் அளவில் இந்த நிலநடுக்கம் பதராகியுள்ளதாக கனடிய இயற்கை வள நிறுவனம் அறிவித்துள்ளது. எனினும் இந்த நில நடுக்கம் காரணமாக எவ்வித சேதங்களும் ஏற்படவில்லை என தெரிவிக்கப்படுகிறது. யுகுனின் கெனோன் பகுதியில் இந்த நிலநடுக்கம் பதிவாகியுள்ளது.

அமெரிக்க ஜனாதிபதி தேர்தலில் டொனால்ட் டிரம்பின் வெற்றி அமெரிக்காவின் கறுப்பின மக்கள் மத்தியில் பெரும் அதிர்ச்சியை ஏற்படுத்தியுள்ளது. டொனால்ட் டிரம்ப் கமலா ஹரிசினை கருப்பின பெண்ணாக சித்தரித்து பிரச்சாரம் செய்த நிலையில் கறுப்பின மக்கள் கமலா ஹரிசிற்கு ஆதரவாக பெருமளவிற்கு வாக்களித்திருந்தனர்.

கனடாவின் ஒரிலியா பகுதியில் பொலிஸ் உத்தியோகத்தர் ஒருவரின் துப்பாக்கிச் சூட்டுக்கு இலக்காகி நபர் ஒருவர் சொல்லப்பட்டுள்ளார். ஒன்றாறியோ மாகாணத்தில் ஒரிலியா பகுதியில் இந்த சம்பவம் இடம்பெற்றுள்ளது. சம்பவத்தில் 26 வயதான நபர் ஒருவர் உயிரிழந்துள்ளார் இந்த சம்பவம் தொடர்பில் விசேட விசாரணை பிரிவு விசாரணைகளை ஆரம்பித்துள்ளது.

சுவிட்சர்லாந்தில் அடுத்தாண்டு ஜனவரி முதலாம் திகதி முதல் முகத்தை முழுமையாக மூடியவாறு பொது வெளிகளில் நடமாடுவது தடைசெய்யப்படவுள்ளது. இந்த சட்டத்தை மீறினால், அபராதம் விதிக்கப்படும் என்றும் அறிவிக்கப்பட்டுள்ளது. பல்வேறு எதிர்ப்புகளையும் தாண்டி, சுவிட்சர்லாந்து நாட்டில் முகத்தை மூடியபடி பொது வெளிகளில் நடமாட அடுத்தாண்டு ஜனவரி முதலாம் திகதிமுதல் தடை விதிக்கப்பட்டுள்ளது.

ஆம்ஸ்டர்டாமில் ஏற்பட்ட வன்முறை மோதல்களைத் தொடர்ந்து கால்பந்து ரசிகர்களை நாட்டிற்கு அழைத்து வருவதற்காக இரண்டு விமானங்களை நெதர்லாந்துக்கு அனுப்ப இஸ்ரேலிய பிரதமர் பெஞ்சமின் நெதன்யாகு வெள்ளிக்கிழமை (08) உத்தரவிட்டார். இது குறித்து நெதன்யாகுவின் அலுவலகம் எக்ஸ் கணக்கில் கூறியுள்ளதாவது, எங்கள் குடிமக்களுக்கு உடனடியாக உதவ இரண்டு மீட்பு விமானங்கள் அனுப்பப்படுகின்றன.

அமெரிக்க ஜனாதிபதியாக டொனால்டு ட்ரம்ப் மீண்டும் பொறுப்பேற்கவிருக்கும் நிலையில், ஆவணமற்ற புலம்பெயர்ந்தோர் அச்சத்திலும் விரக்தியிலும் உள்ளனர். ஏற்கனவே உறுதி அளித்துள்ளது போன்று நடவடிக்கை முன்னெடுக்க இருப்பதாகவே ட்ரம்ப் தெரிவித்துள்ளார். ஆனால் பெருந்திரளான நாடுகடத்தலை எவ்வாறு திட்டமிடப்போகிறார் என்பது பற்றி அவர் இதுவரை குறிப்பிடவில்லை.

சூடான் நாட்டில் உள்ள அல்-ஹிலாலியா நகரில் 73 பேர் மர்மமான முறையில் மரணமடைந்துள்ள சம்பவம் அதிர்வலைகளை ஏற்படுத்தியுள்ளது. குறித்த பகுதியானது துணை ராணுவ விரைவு ஆதரவுப் படைகளால் முற்றுகையிடப்பட்டதாக சூடான் மருத்துவர்கள் சங்கம் புதன்கிழமை தெரிவித்துள்ளது. RSF உயர்மட்ட தளபதி ஒருவர் இராணுவத்திற்கு மாறியதிலிருந்து கிழக்கு எல் கெசிரா மாகாணத்தில் தாக்குதலுக்கு உள்ளான டசின் கணக்கான கிராமங்களில் இதுவும் ஒன்று.

அமெரிக்க ஜனாதிபதியாக டொனால்டு ட்ரம்ப் வெற்றி பெற்றுள்ள நிலையில், நாட்டைவிட்டு வெளியேறுவதாக எலோன் மஸ்கின் திருநங்கை மகள் விவியன் அறிவித்துள்ளார். தற்போது 20 வயதாகும் விவியன் கடந்த 2022ல் தமது தந்தையின் பெயரை தனது பெயருடன் இணைத்து பயன்படுத்துவதை கைவிட்டார். சேவியர் அலெக்சாண்டர் மஸ்க் என ஆணாக பிறந்த விவியன் வில்சன், இனி அமெரிக்காவில் வாழ்வது எளிதல்ல என்று ஒப்புக்கொண்டதுடன்,

தேசிய-பாதுகாப்பு அபாயங்களை மேற்கோள் காட்டி, சீனாவுக்குச் சொந்தமான டிக்டோக் (TikTok) இன் அலுவலகங்களை நாட்டில் மூடுவதற்கு கனடா உத்தரவிட்டது. எனினும், கனேடியர்கள் குறுகிய வீடியோ செயலிக்கான அணுகல் அல்லது பதிவேற்றம் மேற்கொள்வதற்கான செயல்களுக்கு அரசாங்கம் தடை விதிக்கவில்லை.

அமெரிக்காவின் 47 வது ஜனாதிபதியாக தெரிவாகியுள்ள டொனால்ட் ட்ரம்பிற்கு வாழ்த்து தெரிவிப்பதற்காக ஜனாதிபதி ஜோ பைடன் வெள்ளை மாளிகைக்கு அழைப்பு விடுத்துள்ளதாகத் தெரிவிக்கப்பட்டுள்ளது. அத்துடன், இந்த கலந்துரையாடலில் நிர்வாகத்தை மாற்றுவது குறித்தும் கலந்துரையாடப்படவுள்ளதாகக் குறிப்பிடப்பட்டுள்ளது.