வெளிநாடுகளில் உள்ள பிரிவினைவாதிகளை சிக்க வைக்க இந்தியா சைபர் தொழில்நுட்பத்தை பயன்படுத்துவதாக கனேடிய உளவுத்துறை எச்சரிக்கை விடுத்துள்ளது. வான்கூவரில் சீக்கிய ஆர்வலர் ஒருவர் கொல்லப்பட்டது உட்பட அடுக்கடுக்கான வன்முறை சம்பவங்களுக்கு இந்திய உயர் அதிகாரி ஒருவர் ஆதரவு அளித்து வருவதாக கனேடிய அரசாங்கம் வெளிப்படையாக பெயர் குறிப்பிட்டு குற்றம் சாட்டியதன் அடுத்த நாள், உளவுத்துறை இந்த எச்சரிக்கையை விடுத்துள்ளது.

இந்த விவகாரம் தொடர்பில் கனடாவின் CSE அமைப்பு வெளியிட்டுள்ள அறிக்கையில், வெளிநாட்டில் வாழும் ஆர்வலர்கள் மற்றும் எதிர்ப்பாளர்களைக் கண்காணிக்கவும் கண்டறியவும் இந்தியா சைபர் தொழில்நுட்பத்தை பயன்படுத்துகிறது.

அத்துடன் கனேடிய அரசாங்க அமைப்புகளுக்கு எதிரான இணையத் தாக்குதல்களையும் முடுக்கிவிடுகிறது. இந்தியாவிற்கு வெளியே மிகப்பெரிய எண்ணிக்கையில் சீக்கிய சமூகம் கனடாவில் வாழ்கின்றனர்.

இதில் சீக்கியர்களுக்கு என தனியாக மாகாணம் ஒன்றைக் கோரும் ஆர்வலர்களும் உள்ளனர். கடந்த 2023ல் வான்கூவரில் 45 வயதான கனேடிய குடிமகன் ஹர்தீப் சிங் நிஜ்ஜரின் கொலையை இந்தியா திட்டமிட்டதாக கனடா அரசாங்கம் குற்றம் சாட்டியுள்ளது.

இந்த நிலையிலேயே CSE அமைப்பின் தலைவர் Caroline Xavier பத்திரிகையாளர் சந்திப்பு ஒன்றில், இந்தியா சைபர் அச்சுறுத்தலில் வளர்ந்து வருவது தெளிவாகிறது என்றும், இருநாடுகளுக்கும் இடையேயான உறவுகளில் விரிசல் ஏற்பட்டுள்ளதே இதுபோன்ற சைபர் அச்சுறுத்தல் அதிகரிக்க காரணம் என்றும் குறிப்பிட்டுள்ளார்.

மேலும், கனேடிய காலிஸ்தான் ஆதரவாளர்களை குறிவைத்து மிக தீவிரமாக சைபர் தாக்குதல் முன்னெடுக்கப்படுவதாகவும் அதிகாரிகள் வெளிச்சத்துக்கு கொண்டுவந்துள்ளனர்.

கனேடிய சீக்கியர்களை மிரட்டுவது அல்லது கொல்லும் சதித்திட்டத்தில் இந்திய உள்விவகார அமைச்சர் அமித் ஷா சம்பந்தப்பட்டிருப்பதாக வாஷிங்டன் போஸ்ட் செய்தியை கனேடிய வெளிவிவகார துணை அமைச்சர் டேவிட் மோரிசன் உறுதிப்படுத்தியுள்ளார்.

2023ல் நிஜ்ஜார் கொல்லப்பட்டது உட்பட உளவு சேகரிப்பு மற்றும் தாக்குதல் பிரச்சாரத்தை அமித் ஷா அங்கீகரித்ததாக பெயர் குறிப்பிடாத மூத்த கனேடிய அதிகாரி ஒருவர் குறிப்பிட்டுள்ளார். ஆனால் இந்த குற்றச்சாட்டுகளை இந்தியா மறுத்துள்ளது.

காசாவிலும், லெபனானிலும் பல சரணடைவுகள் இடம்பெற்றுவருவதாக சர்வதேச ஊடகங்கள் செய்தி வெளியிட்டு வருகின்றன. சில இஸ்ரேலியச் சார்பு ஊடகங்களின் கூற்றின்படி, கடந்த ஒரு வாரத்தில் மாத்திரம் சுமார் 600 ஹமாஸ் உறுப்பினர்கள் இஸ்ரேலியப் படைகளிடம் சரணடைந்துள்ளதாகத் தெரியவருகின்றது.

ஜேர்மன்-ஈரானியரான ஜம்ஷித் ஷர்மாத் தூக்கிலிடப்பட்டதற்கு பதிலளிக்கும் விதமாக ஜேர்மனி தனது நாட்டில் உள்ள ஈரானிய தூதரகங்களை மூடிவிடும் என வெளிவிவகார அமைச்சர் அனலேனா பேர்பாக் தெரிவித்துள்ளார். இந்த விவகாரம் தொடர்பில் வெளிவிவகார அமைச்சர் அனலேனா பேர்பாக் தெரிவிக்கையில், ஜேர்மானியர் ஒருவரை தூக்கிலிடுவது என்பது கடுமையான விளைவுகளை ஏற்படுத்தும் என்பதை நாங்கள் மீண்டும் மீண்டும் சந்தேகத்திற்கு இடமின்றி ஈரானுக்கு தெளிவுபடுத்தியுள்ளோம் என்றார்.

உக்ரைன் எல்லையில் சுமார் 8,000 வடகொரிய வீரர்கள் நிலைகொண்டுள்ளதாக அமெரிக்க வெளிவிவகார அமைச்சர் தெரிவித்துள்ளார். எதிர்வரும் நாட்களில் வடகொரிய துருப்புக்களை உக்ரைனுக்கு எதிராக போரில் ஈடுபடுத்த ரஷ்யா தயாராகி வருவதாகவும் அவர் எச்சரிக்கை விடுத்துள்ளார். ரஷ்யாவிற்கு மொத்தம் 10,000 துருப்புக்களை வடகொரியா அனுப்பியுள்ளதாக அமெரிக்கா நம்புவதாக ஆண்டனி பிளிங்கன் தெரிவித்துள்ளார். உக்ரைனின் எல்லையில் உள்ள குர்ஸ்க் பிராந்தியத்திற்கு வடகொரிய வீரர்களை அனுப்புவதற்கு முன்பு, அவர்களை முதலில் தூர கிழக்கில் உள்ள பயிற்சி தளங்களுக்கு ரஷ்யா அனுப்பியுள்ளது.

கனடாவில் சர்வதேச மாணவர்கள் பாலியல் ரீதியாக துன்புறுத்தப்படுவதாக குற்றம் சுமத்தப்பட்டுள்ளது. பிரம்டன் நகர நிர்வாகம், மத்திய அரசாங்கத்திடம் இந்த விடயம் தொடர்பில் சுட்டிக்காட்டியுள்ளது. பிரம்டனில் சர்வதேச மாணவர்கள் துஷ்பிரயோகத்திற்கு உள்ளாவதாகவும் அதற்கு எதிராக நடவடிக்கை எடுக்கப்பட வேண்டுமெனவும் கோரப்பட்டுள்ளது.

ஆங்கிலக்கால்வாயைக் கடக்கும் முயற்சியில் நேற்று ஒருவர் உயிரிழக்க, அடுத்தடுத்து வெவ்வேறு கடற்கரைகளில் மேலும் மூன்று புலம்பெயர்ந்தோரின் உயிரற்ற உடல்கள் ஒதுங்கின. பிரித்தானியாவுக்குள் நுழையும் முயற்சியில் ஆங்கிலக்கால்வாயைக் கடக்க முயன்ற ஒருவர், நேற்று தண்ணீரில் மூழ்கி உயிரிழந்ததாக பிரெஞ்சு அதிகாரிகள் தெரிவித்தனர்.

ஷாரூக்கான் திரைப்படத்தையே பின்னுக்குத் தள்ளிய பாலிவுட் கதாநாயகியின் திரைப்படம் என்னும் தலைப்பில் ஒரு செய்தியை கேள்விப்பட்டிருக்கலாம். ஷ்ரத்தா கபூர் என்னும் நடிகை நடித்த ஸ்த்ரீ 2 என்னும் அந்த திரைப்படம், பாக்ஸ் ஆபீஸில் ஷாரூக்கானின் பதான் திரைப்படத்தை வசூலில் மிஞ்சியுள்ளது. தற்போது, கனடாவில் ஹாலோவீன் பண்டிகையிலும் அந்த திரைப்படம் தாக்கத்தை ஏற்படுத்தியுள்ளதைக் காட்டும் வீடியோ ஒன்று வைரலாகியுள்ளது.

இஸ்ரேல் ஹிஸ்புல்லா மோதலில் எதிர்பாராத திடீர் திருப்பமாக, ஒப்பந்தத்துக்கு தயார் என்று ஹிஸ்புல்லாவின் புதிய தலைவர் கூறியுள்ள விடயம் கவனம் ஈர்த்துள்ளது. ஹிஸ்புல்லா அமைப்பின் தலைவரான ஹஸன் நஸ்ரல்லா கடந்த மாதம் கொல்லப்பட்டதைத் தொடர்ந்து, நைம் கஸ்ஸம் என்பவர் ஹிஸ்புல்லாவின் புதிய தலைவராக பொறுப்பேற்றுள்ளார்.

இஸ்ரேல் பிரதமர் பெஞ்சமின் நெதன்யாகுவை கொலை செய்யப் போவதாக ஹிஸ்புல்லா படைகளின் புதிய தலைவர் தமது முதல் உரையில் மிரட்டல் விடுத்துள்ளார். ஹிஸ்புல்லா தலைவர் பொறுப்பு என்பது வெறும் தற்காலிகமானது மட்டுமே என இஸ்ரேல் ராணுவம் குறிப்பிட்டிருந்த நிலையில், அதன் தலைவர் Naim Qassem விவகாரமான பதிலடி அளித்துள்ளார்.

திங்கட்கிழமை இரவு நயாகரா அருவியில் குதித்த தாயாரும் அவரது இரண்டு பிள்ளைகளும் மரணமடைந்துள்ளதாக உறுதி செய்யப்பட்டுள்ளது. நியூயார்க் மாகாண பொலிசார் வெளியிட்டுள்ள தகவலின் அடிப்படையில், 33 வயதான Chaianti Means அவரது 9 வயது மற்றும் பிறந்து 5 மாதங்களேயான பிள்ளைகளுடன் நயாகரா அருவியில் குதித்து தற்கொலை செய்து கொண்டார் என்றே தெரிவிக்கப்பட்டுள்ளது.

தீபாவளி பண்டிகையை முன்னிட்டு அமெரிக்காவில் நியூயார்க் நகரில் உள்ள பள்ளிகளுக்கு நவம்பர் முதலாம் திகதி விடுமுறை அளிக்கப்படுகிறது. இதுபற்றி சர்வதேச விவகாரங்களுக்கான மேயர் அலுவலக துணை ஆணையாளர் திலீப் சவுகான் கூறுகையில், இந்த வருட தீபாவளி சிறப்பானது. நியூயார்க் நகர வரலாற்றில் முதன்முறையாக, தீபாவளி பண்டிகையை முன்னிட்டு, வரவிருக்கின்ற வெள்ளி கிழமையன்று பள்ளிகள் அனைத்தும் மூடப்பட்டு இருக்கும். நியூயார்க் நகரில் 11 லட்சம் மாணவர்கள் பள்ளிகளில் படித்து வருகின்றனர்.

பிரித்தானியாவில் குறைந்தபட்ச ஊதியம் அடுத்த வருடம் 6.7% அதிகரிக்கவுள்ளது. இது பணவீக்கத்தை விட அதிகமான உயர்வாகும். இது பிரித்தானிய பொருளாதார அமைச்சர் ரேச்சல் ரீவ்ஸுக்கு தொழிலாளர்கள் பாதுகாக்கப்படுகின்றனர் என்பதை வலியுறுத்த உதவுகிறது. ஆனால், இது Bank of England-ன் பணவீக்கத்தைக் கட்டுப்படுத்தும் முயற்சிகளுக்கு சவாலாக அமையக்கூடும்.

ஹிஸ்புல்லாவின் புதிய தலைவராகத் தேர்ந்தெடுக்கப்பட்டுள்ளவருக்கு, இஸ்ரேல் பாதுகாப்புத்துறை அமைச்சர் சமூக ஊடகமான எக்ஸில் சில்லிடவைக்கும் எச்சரிக்கை ஒன்றை வெளியிட்டுள்ளார். ஹிஸ்புல்லாவின் தலைவரான ஹஸன் நஸ்ரல்லா கடந்த மாதம் பெய்ரூட்டில் இஸ்ரேல் ராணுவத்தால் கொல்லப்பட்டார்.

கனடாவின் ஒன்ராறியோவில், நான்கு பதின்மவயதுப் பெண்கள் செய்த குறும்பு ஒன்று, 2 மில்லியன் டொலர்களுக்கும் அதிகமான சேதத்தை ஏற்படுத்தியதைத் தொடர்ந்து அவர்கள் கைது செய்யப்பட்டுள்ளார்கள். ஒன்ராறியோவிலுள்ள Oshawa என்னுமிடத்திலுள்ள ஒரு வீட்டின் மீது முட்டைகளையும் கற்களையும் வீசிய நான்கு பதின்மவயதுப் பெண்கள், பின்னர் அந்த வீட்டுக்குத் தீவைத்துள்ளார்கள். தீ மளமளவென பரவி, பல வீடுகளுக்குப் பரவியுள்ளது.

இந்தியாவை தொடர்ந்து சீனாவின் பெல்ட் அண்ட் ரோட் திட்டத்தை பிரேசில் நிராகரித்துள்ளது. பிரேசில், சீனாவின் மிகப்பெரிய பெல்ட் அண்ட் ரோட் திட்டத்தை (BRI) நிராகரித்துள்ளது. இந்தியாவின் முந்தைய நிராகரிப்பை தொடர்ந்து, சீனாவின் உலகளாவிய கட்டமைப்பு ஆசைகளுக்கு இது ஒரு பெரிய தோல்வியாகும். பிரேசிலின் சிறப்பு ஜனாதிபதி சர்வதேச ஆலோசகர் செல்சோ அமோரிம்(Celso Amorim) இது தொடர்பாக கூறுகையில், சீன முதலீட்டாளர்களுடன் ஒத்துழைக்க மாற்று வழிகளை நாடுவதாக தெரிவித்தார்.

பிரித்தானியாவை உலுக்கிய 3 சிறுவர்கள் கொலை வழக்கில் கைது செய்யப்பட்ட இளைஞர் மீது பயங்கரவாத தொடர்பு இருப்பதற்கான சந்தேகங்கள் எழுந்துள்ளன. சவுத் போர்ட்டில் ஜூலை மாதம் நடைபெற்ற டெய்லர் ஸ்விஃப்ட் நடன நிகழ்ச்சியில் நடந்த பயங்கர தாக்குதலில் எல்சி டாட் ஸ்டான்காம்ப், ஆலிஸ் டா சில்வா அகுயார் மற்றும் பெபே கிங் ஆகிய 3 பள்ளி சிறுவர்கள் கொலை செய்யப்பட்டனர்.

வடக்கு காசா மீது இஸ்ரேல் நடத்திய பயங்கரமான ஏவுகணை தாக்குதலில் 100 க்கும் மேற்பட்டோர் கொல்லப்பட்டுள்ளனர். லெபனானின் ஈரான் ஆதரவு படையான ஹிஸ்புல்லாவின் தலைவர் ஹசன் நஸ்ரல்லா கொல்லப்பட்டதை தொடர்ந்து, அதன் புதிய தலைவராக நைம் காசிமை ஹிஸ்புல்லா அறிவித்துள்ளது. இந்நிலையில் வடக்கு காசாவின் பெய்ட் லஹியா (Beit Lahiya) பகுதி மீது இஸ்ரேல் பயங்கர தாக்குதல் நடத்தியுள்ளது.

அமெரிக்காவின் வெள்ளை மாளிகையில் இன்றையதினம் (29-10-2024) கோலாகலமாக நடைபெற்ற தீபாவளி கொண்டாட்டத்தில் ஜனாதிபதி ஜோ பைடன் பங்கேற்று சிறப்பித்துள்ளார். இந்து மத பண்டிகையான தீபாவளி உலகம் முழுவதும் நாளை மறுதினம் (31ம் திகதி) கொண்டாடப்பட உள்ளது.

பிரித்தானியா 18 நாடுகளுக்கான அவசர பயண எச்சரிக்கையை விடுத்துள்ளது. அது தொடர்பான விவரங்களைஇந்த செய்தியில் காணலாம். பிரித்தானிய வெளியுறவு, காமன்வெல்த் மற்றும் மேம்பாட்டு அலுவலகம் (FCDO), அதிகரித்து வரும் பதற்றம் மற்றும் பிராந்திய மோதலுக்கான சாத்தியக்கூறுகள் காரணமாக 18 நாடுகளுக்கான பயண ஆலோசனையை வெளியிட்டுள்ளது. மொராக்கோ, எகிப்து, ஐக்கிய அரபு அமீரகம், சைப்ரஸ் மற்றும் துருக்கி போன்ற விடுமுறைக்கு பிரபலமான இடங்களும், பாதுகாப்பு கவலைகளை உருவாக்கியுள்ள பிற மத்திய கிழக்கு நாடுகளும் இந்த பயண ஆலோசனையில் அடங்கும்.

ஹிஸ்புல்லா படைகளின் தலைவர் நஸ்ரல்லா கொல்லப்பட்ட நிலையில், புதிய தலைவாரக நைம் காசிம் (Naim Qassem) தேர்ந்தெடுக்கப்பட்டுள்ளதாக லெபனான் ஆயுதக் குழுவான ஹிஸ்புல்லா தெரிவித்துள்ளது. பொதுச்செயலாளரைத் தேர்ந்தெடுப்பதற்கான பொறிமுறையின்படி ஷூரா கவுன்சில் 71 வயதான காசிமைத் தேர்ந்தெடுத்ததாக லெபனான் ஆயுதக் குழுவான ஹிஸ்புல்லா எழுத்துப்பூர்வ அறிக்கையில் தெரிவித்துள்ளது.

கனேடிய உணவு வங்கி ஒன்று, கனடாவில் கல்வி கற்க வரும் சர்வதேச மாணவர்களில், முதலாம் ஆண்டு மாணவர்களுக்கு உணவு கொடுக்கமுடியாது என்று கூறி அவர்களைத் திருப்பி அனுப்பியுள்ளது. அந்த உணவு வங்கியின் செயல், சர்ச்சையை உருவாக்கியுள்ளது. வான்கூவரிலுள்ள உணவு வங்கி ஒன்று, உணவு வாங்க வந்த சர்வதேச மாணவர்களில், முதலாம் ஆண்டு மாணவர்களுக்கு உணவு கொடுக்கமுடியாது என்று கூறி அவர்களைத் திருப்பி அனுப்பியுள்ளது.