கனடாவில் கரடியொன்றின் தாக்குதலுக்கு இலக்காகி தாய் ஒருவரும் மகளும் உயிரிழந்துள்ளதாக சந்தேகம் வெளியிடப்பட்டுள்ளது. கனடாவின் பிரிட்டிஷ் கொலம்பியா மாகாணத்தில் உள்ள பெல்லா கூலா பகுதிக்கு அருகில், கிரிஸ்லி வகைக் காட்டுக்கரடி தாக்கியதாகச் சந்தேகிக்கப்படும் சம்பவத்தில் இருவர் உயிரிழந்துள்ளனர். கடந்த ஆண்டு இதே பகுதியில் பள்ளி மாணவர்கள் குழு மீது கரடி தாக்குதல் நடத்தியதன் முதலாம் ஆண்டு நினைவின் போது இந்த சோகச் சம்பவம் நிகழ்ந்துள்ளது. கலை சிகிச்சை நிபுணரான ஜென்னி பால்காராஸ் மற்றும் அவரது மகள் மேஜர் / கல்லூரி மாணவி ஆகிய இருவரும் ஞாயிற்றுக்கிழமை முதல் காணாமல் போயிருந்ததாகக் குடும்பத்தினர் பொலிஸாரிடம் புகாரளித்தனர்.

திங்கள்கிழமை பிற்பகல் 'ஸ்னூகா வெஸ்ட் டிரெயில்' நடைபாதை பகுதியில் முதல் நபரின் சடலம் கண்டெடுக்கப்பட்டது. தொடர்ந்து செவ்வாய்க்கிழமை நடத்தப்பட்ட தேடுதலில் இரண்டாவது நபரும் சடலமாகக் கண்டெடுக்கப்பட்டதாக அதிகாரப்பூர்வ தகவல்கள் தெரிவிக்கின்றன.

வான்கூவரில் இருந்து வடக்கே சுமார் 1,000 கிலோமீட்டர் தொலைவில் உள்ள பெல்லா கூலாவின் நடைபாதை தொடங்கும் பகுதியில் அவர்களின் வாகனம் கண்டறியப்பட்டது. சம்பவ இடத்தில் கண்டெடுக்கப்பட்ட தடயங்கள் கரடி தாக்குதலில் ஈடுபட்டிருப்பதை உணர்த்துவதாக B.C. வனப் பாதுகாப்பு அதிகாரி இன்ஸ்பெக்டர் ஜெஃப் டயர் தெரிவித்துள்ளார். "இந்தத் துயரமான நேரத்தில் பாதிக்கப்பட்டவர்களின் குடும்பத்தினருடன் எங்கள் எண்ணங்கள் நிலைத்திருக்கின்றன.

எங்கள் விசாரணை தொடரும் வேளையில், குடும்பத்திற்குத் தேவையான உதவிகளை வழங்கி வருகிறோம்" என அவர் வீடியோ பதிவொன்றில் கூறியுள்ளார். பொதுமக்களின் பாதுகாப்பைக் கருதி ஸ்னூகா நடைபாதை பகுதிக்கு யாரும் செல்ல வேண்டாம் என்றும், கரடிகளைப் பிடிப்பதற்கான பொறிகள் வைக்கப்பட்டு வருவதாகவும் பாதுகாப்புப் படையினர் எச்சரித்துள்ளனர்.

தாக்குதலுக்குக் காரணமான கரடி கண்டறியப்பட்டால், மாகாண வனவிலங்கு விதிமுறைகளின்படி பொதுமக்கள் பாதுகாப்பைக் கருதி அது அழிக்கப்படும் எனத் தெரிவிக்கப்பட்டுள்ளது.

கடந்த ஆண்டு நவம்பர் மாதம் இதே பெல்லா கூலா பகுதியில் நெடுஞ்சாலை 20-க்கு அருகில் அமைந்திருந்த பாதையில், 20-க்கும் மேற்பட்ட தொடக்கப்பள்ளி மாணவர்கள் மற்றும் ஆசிரியர்கள் சென்ற குழு மீது கிரிஸ்லி கரடி தாக்குதல் நடத்தியது. அதில் ஒரு பெரியவர் மற்றும் மூன்று குழந்தைகள் பலத்த காயமடைந்தனர்.

அப்போது நடத்தப்பட்ட தீவிரத் தேடுதலில் பல கரடிகள் பிடிபட்ட போதிலும், டி.என்.ஏ பரிசோதனையில் அவை தாக்குதல் நடத்திய கரடி அல்ல என்பது தெரியவந்தது.

தண்ணீர் மற்றும் மின்சாரம் இல்லாத நிலை ஏற்படும் பட்சத்தில், மூன்று நாட்களுக்காவது அதை எதிர்கொள்ள தயாராக இருக்குமாறு கனடா பொது பாதுகாப்பு அமைப்பு ஆலோசனை கூறியுள்ளது. பிரித்தானியா முதலான நாடுகளைப் போல, கனடாவும் மூன்று நாட்களுக்கான அத்தியாவசியப் பொருட்களை சேகரித்துவைக்க தன் குடிமக்களுக்கு ஆலோசனை தெரிவித்துள்ளது.

அமெரிக்க செனட் சபையின் பெரும்பான்மையை ஜனநாயக் கட்சி கைப்பற்றுவார்கள் என எதிர்பார்க்கப்படுகின்றது. அமெரிக்க ஜனாதிபதி டொனால்ட் ட்ரம்ப்பின் குடியரசுக் கட்சியினரின் வசம் இருந்த இந்த செனட் சபையின் பெரும்பான்யை பெறுவதற்கு 50 ஆசனங்கள் தேவைப்பட்டன. இந்நிலையில் சற்றுமுன்னர் வரையில் வௌியாகியுள்ள அமெரிக்க நாடாளுமன்ற தேர்தல் முடிவுகளின் அடிப்படையில் செனட் சபையில் ஜனநாயக கட்சி 51 இடங்களை கைப்பற்றியுள்ளது.

அமெரிக்காவில் நிலவிவரும் வாழ்க்கைச் செலவு உயர்வு, சுங்க வரிக்கான கொள்கைகள் மற்றும் ஈரானுக்கு எதிரான ராணுவ நடவடிக்கைகள் ஆகியவை பொதுமக்களிடையே கடும் ஆத்திரத்தை ஏற்படுத்தியுள்ளன. இந்த அதிருப்தியே தேர்தலில் எதிரொலித்துள்ளதாக அரசியல் விமர்சகர்கள் கருத்து தெரிவிக்கின்றனர். இதன் காரணமாகத் தேர்தலின் முடிவு டிரம்ப்பிற்கு எதிரான கடுமையான மக்கள் தீர்ப்பாகப் பார்க்கப்படுகிறது.

ஸ்பெயின் ரயில் விபத்தில் 96 பேர் வரை உயிரிழந்த நிலையில், அந்நாட்டின் போக்குவரத்து துறை அமைச்சர் தனது பதவியை ராஜினாமா செய்துள்ளார். கடந்த வார புதன்கிழமை காலை டோலிடோ மாகாணத்தின் உர்தா பகுதிக்கு அருகே அரசுக்குச் சொந்தமான 'ரென்ஃபே' (Renfe) நிறுவனத்திற்குச் சொந்தமான ஒரு ரயிலும், தனியார் ரயில் நிறுவனமான 'ஐரியோ' (Iryo)-விற்கு சொந்தமான மற்றொரு ரயிலும் மோதிக் கொண்டு பெரும் விபத்து நிகழ்ந்தது. இதில் சுமார் 96 பேர் வரை உயிரிழந்ததுடன், நூற்றுக்கணக்கானோர் படுகாயமடைந்துள்ளனர்.

அமெரிக்காவில் இடைக்கால தேர்தல் தொடங்குவதற்கு முன்னதாக ஈரானிய தீவு மீது அமெரிக்க படைகள் தாக்குதல் நடத்தியுள்ளது. அமெரிக்காவில் இடைக்கால தேர்தல் தொடங்குவதற்கு சில மணி நேரங்களுக்கு முன்னதாக ஈரானிய தீவை குறிவைத்து அமெரிக்க படைகள் தாக்குதல் நடத்தியுள்ளது. வெளியான தகவல் படி, அமெரிக்க படைகள் ஈரானின் கெஷ்ம்(Qeshm) தீவின் மீது வரம்பிற்குட்பட்ட தாக்குதல்களை நடத்தியுள்ளது.

ஹாலோவின் கத்திக்குத்து சம்பவத்தில் தொடர்புடைய மூன்றாவது சிறுவனை பொலிஸார் கைது செய்துள்ளனர். பிரித்தானியாவின் ஹாம்ப்ஷயரில் Chandlers Ford பகுதியில் உள்ள வீடொன்றில் நடந்த ஹாலோவீன் பார்ட்டியில் 5 சிறுவர்கள் கத்தியால் குத்தப்பட்டு படுகாயமடைந்தனர். வெளியான தகவலின் படி, கடந்த சனிக்கிழமை இரவு 10.30 மணியளவில் அடையாளம் தெரியாத சில இளைஞர்கள் அனுமதி இல்லாமல் காம்பவுண்ட் சுவரை ஏறி குதித்து இந்த கொடூர தாக்குதலை நடத்தியுள்ளனர் என்பது தெரியவந்தது.

ஏழு ஐரோப்பிய நாடுகளில், கடைகளிலுள்ள ஃப்ரீஸர்கள் சைபர் தாக்குதலுக்குள்ளாகியுள்ளன. சென்ற மாதம், பிரான்சிலுள்ள பல்வேறு பல்பொருள் அங்காடிகளிலுள்ள ஃப்ரிட்ஜ்கள் சைபர் தாக்குதலுக்குள்ளான விடயம் நினைவிருக்கலாம். இந்நிலையில், ஏழு ஐரோப்பிய நாடுகளில், கடைகளிலுள்ள ஃப்ரிட்ஜ் மற்றும் ஃப்ரீஸர்கள் தற்போது சைபர் தாக்குதலுக்குள்ளாகியுள்ளன. சென்ற மாதம், பிரான்சிலுள்ள பல்வேறு பல்பொருள் அங்காடிகளிலுள்ள ஃப்ரிட்ஜ்கள் சைபர் தாக்குதலுக்குள்ளாகின.

பிரான்சின் பிரிட்டனி பகுதியில், கடல் சிவப்பு நிறமாக மாறியதால் மக்கள் வியப்பிலாழ்ந்துள்ளனர். கடந்த மாதத்தின் சில நாட்களில் பிரிட்டனி பகுதியில் கடல் நீர் சிவப்பாக மாறியிருப்பதைக் கண்ட மக்கள், அது குறித்து அதிகாரிகளுக்கு தகவல் கொடுத்துள்ளனர். அறிவியலாளர்கள் அந்த பகுதியிலிருந்து தண்ணீரை சேகரித்து ஆய்வுக்குட்படுத்தினர்.

ஜெர்மனியின் பவேரியா மாகாணத்தில் உள்ள கெல்ஸ்டீன் மலையில் அமைந்துள்ள, நாஜி சர்வாதிகாரி அடால்ஃப் ஹிட்லரின் ‘ஈகிள்ஸ் நெஸ்ட்’ (Kehlsteinhaus) உணவகம் மற்றும் வரலாற்றுத் தளம் தீ விபத்தில் முற்றிலும் சேதமடைந்துள்ளது. கடந்த அக்டோபர் 23-ஆம் தேதி இரவு ஏற்பட்ட இந்தத் தீ விபத்து, திட்டமிட்டு நடத்தப்பட்ட தீவைப்புத் தாக்குதலாக இருக்கலாம் எனக் காவல்துறையினர் சந்தேகிக்கின்றனர்.

கனடாவில் 400 கிலோ தங்கம் கொள்ளையடிக்கப்பட்ட வழக்கில், தங்கள் கட்சிக்காரர் பலிகடா ஆக்கப்பட்டதாக சட்டத்தரணிகள் புதிய வாதம் ஒன்றை முன்வைத்துள்ளார்கள். கனடாவில் 400 கிலோ தங்கம் கொள்ளையடிக்கப்பட்ட வழக்கில், சட்டத்தரணிகள் புதிய வாதம் ஒன்றை முன்வைத்துள்ளார்கள். 2023ஆம் ஆண்டு, ஏப்ரல் மாதம் 17ஆம் திகதி, சுவிட்சர்லாந்தின் சூரிச்சிலுள்ள வங்கி ஒன்றிலிருந்து கனடாவின் ரொரன்றோவுக்கு இரண்டு பார்சல்கள் அனுப்பப்பட்டன.

ஐரோப்பாவின் முக்கிய போதைப்பொருள் கடத்தல் நபரான போலே ஜோஸ் குறித்த தகவல் தந்தால் 2 மில்லியன் யூரோக்கள் வெகுமதியாக வழங்கப்படும் என்று நெதர்லாந்து அரசு அறிவித்துள்ளது. ஐரோப்பாவின் பல்வேறு குற்றங்களில் முக்கிய குற்றவாளியாக கருதப்படும் ஜோஸ் லீஜ்டெக்கர்ஸை(jos Leijdekkers) கைது செய்வதற்கான தீவிர முயற்சியில் நெதர்லாந்து காவல்துறை களமிறங்கியுள்ளது.

பாலிஸ்டிக் ஏவுகணைகளில் பொருத்தப்பட்ட கொத்து குண்டுகளை வட கொரியா சோதனை செய்து இருப்பது அதிர்ச்சியை ஏற்படுத்தியுள்ளது. கிம் ஜாங் உன் தலைமையிலான வட கொரியா, தொடர்ந்து ஏவுகணை மற்றும் நவீன ஆயுதங்களை சோதனை செய்து வருகிறது. அந்த வரிசையில் பாலிஸ்டிக் ஏவுகணைகளில் பொருத்துவதற்காக வடிவமைக்கப்பட்ட கொத்துக் குண்டுகளை வட கொரியா சோதித்துள்ளது.

சவுதி அரேபியாவின் விமான நிலையங்கள் மற்றும் ராணுவ தளங்களை குறிவைத்து ஹவுதி படையினர் தாக்குதல் நடத்தியுள்ளனர். சவுதி அரேபியாவின் முக்கிய உள்கட்டமைப்புகளான விமான நிலையங்கள் மற்றும் ராணுவ தளங்களை குறிவைத்து கடந்த 48 மணி நேரத்தில் தொடர்ச்சியான பல தாக்குதல்களை நடத்தி இருப்பதாக ஏமனின் ஹவுதி கிளர்ச்சியாளர்கள் படை தகவல் தெரிவித்துள்ளது.

அமெரிக்காவின் புளோரிடாவின் கிரீன் ஏக்ரஸில் குடியிருப்பு பகுதியில் Learjet 60 விமானம் விழுந்து விபத்துக்குள்ளானதில் அதில் பயணித்த 9 பேர் உயிரிழந்தனர். விமான விபத்துக்கு சற்று நேரத்திற்கு முன்பாக விமானிக்கும் வான்வழி போக்குவரத்து கட்டுப்பாட்டாளர்களுக்கும் இடையே நடந்த இறுதி தகவல் தொடர்பு பரிமாற்ற ஆடியோ வெளியாகியுள்ளது. மோசமான வானிலை மற்றும் பனி காரணமாக விபத்து நிகழப்போவதாக விமானி கூறுகிறார், அதில் விமானம் வேகமாக கீழிறங்குவதாக குறிப்பிடுகிறார்.

கோடிக்கணக்கான ரஷ்யா மற்றும் உக்ரைன் நாட்டவர்களுக்கு அச்சுறுத்தும் வகையிலான போலி அவசர எச்சரிக்கை செய்திகள் அனுப்பப்பட்டுள்ளன. ரஷ்யாவின் அவசர எச்சரிக்கை அமைப்பு ஹேக்கர்களின் தாக்குதலுக்குள்ளாகியுள்ளதாக அஞ்சப்படுகிறது. கோடிக்கணக்கான ரஷ்யர்களுக்கு, அணு ஆயுத தாக்குதல் தொடர்பில் அவசர எச்சரிக்கை செய்திகள் வந்ததால் பெரும் பரபரப்பு உருவானது.

இங்கிலாந்தில் குடியேறியவர்கள் நிரந்தர வதிவிட அனுமதியைப் பெறுவதற்கான காத்திருப்புக் காலத்தை அதிகரிப்பதற்கு அரசாங்கம் திட்டமிட்டுள்ளது. இது தொடர்பான புதிய குடியேற்றக் கொள்கை மாற்றங்களை உள்துறை அமைச்சர் ஷபானா மஹ்மூத் அறிவிக்கவுள்ளதாகத் தெரிவிக்கப்பட்டுள்ளது. தற்போது நடைமுறையில் உள்ள சில குடியேற்றப் பிரிவுகளுக்கான ஐந்து ஆண்டு காத்திருப்புக் காலத்தைப் பத்து ஆண்டுகளாக அதிகரிப்பது தொடர்பில் முன்மொழிவுகள் முன்வைக்கப்பட்டுள்ளன.

அமெரிக்கா மற்றும் கனடா இடையே வர்த்தக உறவுகள் தொடர்பில் அமெரிக்க ஜனாதிபதி டொனால்ட் டிரம்ப் உடன் சுமுகமான மற்றும் பயனுள்ள உரையாடலை மேற்கொண்டதாக கனடிய பிரதமர் மார்க் கார்னி தெரிவித்துள்ளார். ஞாயிற்றுக்கிழமை எக்ஸ் (X) தளத்தில் பதிவொன்றை வெளியிட்ட பிரதமர் கார்னி, இரு நாடுகளுக்கும் இடையிலான வர்த்தக உடன்படிக்கைக்கான வரைவு குறித்து சமீபத்தில் இடம்பெற்ற ஆக்கப்பூர்வமான பேச்சுவார்த்தைகளின் தொடர்ச்சியாகவே இந்த உரையாடல் அமைந்ததாகக் குறிப்பிட்டார்.

அணுசக்தி திட்டத்தில் எந்தவொரு அழுத்தத்திற்கும் அடிபணிய மாட்டோம் என்று ஈரான் நாடாளுமன்ற துணை சபாநாயகர் கருத்து தெரிவித்துள்ளார். அமெரிக்கா - ஈரான் இடையே மோதலானது தொடர்ந்து நீடித்து வரும் நிலையில், எத்தகைய சூழ்நிலையிலும் அல்லது எந்தவொரு அழுத்தத்திற்கு மத்தியிலும் ஈரானின் அணுசக்தி திட்டம் தொடர்பில் பேச்சுவார்த்தையானது நடத்தப்படாது என ஈரானின் நாடாளுமன்றத்தின் துணை சபாநாயகர் அலி நிக்சாத்(Ali Nikzad)திட்டவட்டமாக தெரிவித்துள்ளார்.

ஜேர்மனியில் சிறுவர்கள் சேகரித்த ஹாலோவீன் மிட்டாய்களில் கூர்மையான ஊசிகள் மற்றும் திருகுகள் இருந்த சம்பவம் அதிர்ச்சியை ஏற்படுத்தியுள்ளது. ஜேர்மனியில் ஹாலோவீன் கொண்டாட்டங்களுக்காக சிறுவர்கள் சேகரித்த மீட்டாய்களுக்குள் கூர்மையான ஊசிகள் மற்றும் சிறிய திருகுகள் போன்ற ஆபத்தான உலோகப் பொருட்கள் மறைத்து வைக்கப்பட்ட சம்பவம் அதிர்ச்சியை ஏற்படுத்தியுள்ளது. இந்நிலையில் குழந்தைகளின் பெற்றோர்கள் மிகுந்த எச்சரிக்கையுடன் இருக்குமாறு ஜேர்மன் காவல்துறையினர் அவசர எச்சரிக்கை விடுத்துள்ளனர்.

பிரித்தானியாவில் நிகழ்ந்த மோட்டார் சைக்கிள் விபத்தில் 18 வயது இளைஞர் பரிதாபமாக உயிரிழந்துள்ளார். பிரித்தானியாவின் கென்ட் மாகாணத்தில் உள்ள ஷீர்னஸ் பகுதியில் ரோந்து பணியில் ஈடுபட்டிருந்த காவல்துறையினர் மோட்டார் சைக்கிள் ஓட்டுநரை அணுக முயன்ற போது ஏற்பட்ட விபத்தில் 18 வயது இளைஞர் உயிரிழந்துள்ளார். ஷெப்பி லீஷர் சென்டர் அருகே பீச் ஸ்ட்ரீட் மற்றும் ராயல் ரோடு பகுதியில் காவல்துறையினர் வழக்கமான ரோந்து பணியில் ஈடுபட்டிருந்தனர்.