கனடாவின் கியூபெக்கில், அமெரிக்க ராணுவ பீப்பாய் ஒன்று கரையொதுங்கியுள்ளது. சென்ற மாதம் 27ஆம் திகதி, கனடாவின் கியூபெக் மாகாணத்திலுள்ள Île aux Canards என்னும் சிறு தீவில் அமெரிக்க ராணுவத்துக்கு சொந்தமான பீப்பாய் ஒன்று கரையொதுங்கியுள்ளது. உடனடியாக, வெடிகுண்டு நிபுணர்கள், அபாயகரமான ரசாயனங்கள் முதலான விடயங்களைக் கையாளும் hazmat குழுவினர் மற்றும் ஹெலிகொப்டர்களுடன் பொலிசார் அந்த தீவுக்கு விரைந்துள்ளனர்.

அந்த பீப்பாயை கவனமாகக் கையாண்ட நிபுணர்கள், அதிலிருந்து மாதிரிகளை சேகரித்து ஆல்பர்ட்டாவிலுள்ள Suffield நகரில் அமைந்துள்ள ராணுவ தளத்துக்கு பரிசோதனைக்காக அனுப்பிவைத்துள்ளனர்.

இப்படி ஒரு பீப்பாய் பெரும் பரபரப்பை உருவாக்க காரணம் உள்ளது. அதாவது, அந்த பீப்பாயில் ’அமெரிக்க ராணுவத்துக்கு சொந்தமானது’ என குறிப்பிடப்பட்டுள்ளதுடன், அந்த பீப்பாய் 1942ஆம் ஆண்டைச் சேர்ந்தது என்றும் குறிப்பிடப்பட்டுள்ளது.

இரண்டு ஆண்டுகளுக்கு முன், Christine மற்றும் Sébastien LeBlanc என்னும் இருவர், இதேபோன்றதொரு பீப்பாயை ஒரு தீவில் கண்டுபிடித்துள்ளார்கள்.

மார்ச் மாதம் வரை அதைப் பற்றி எந்தக் கவலையும்கொள்ளவில்லை. ஆனால், மார்ச் மாதம் Project N என்னும் ஒரு புத்தகம் வெளியாகியுள்ளது.

புலனாய்வுப் பத்திரிகையாளர்களான Vincent Frigon மற்றும் Yves Bernard என்னும் இருவர் எழுதியுள்ள அந்த புத்தகத்தில், அதிரவைக்கும் சில தகவல்கள் கொடுக்கப்பட்டுள்ளன.

அதாவது, இரண்டாம் உலகப்போரின்போது, ஜேர்மனி மீது வீசுவதற்காக, உயிரி ஆயுதம் ஒன்றை கனேடிய ராணுவம் தயாரித்ததாக அந்த புத்தகம் குறிப்பிட்டுள்ளது.

Grosse Île என்னும் தீவில் அமைக்கப்பட்ட ஒரு ஆய்வகத்தில், ஆந்தராக்ஸ் என்னும் பாக்டீரியாவின் ஸ்போர்கள் பெருமளவில் உற்பத்தி செய்யப்பட்டுள்ளன. அந்த ஸ்போர்களை குண்டுகளில் நிரப்பி ஜேர்மன் நகரங்கள் மீது வீசுவதுதான் திட்டம். அந்த ஆய்வகம், 1943ஆம் ஆண்டு முதல் 1944ஆம் ஆண்டுவரை இயங்கிவந்துள்ளது.

ஆனால், போர் முடியும் வரை அந்த குண்டுகள் தயாராகவில்லையாம். அவை குறித்து இந்த பத்திரிகையாளர்கள் அந்த விடயத்துடன் தொடர்புடைய Thomas Stovell என்னும் ராணுவ வீரரிடம் விசாரிக்க, அவர் அந்த ஆந்தராக்ஸ் ஸ்போர்களை, ஃபார்மால்டிஹைட் என்னும் கிருமிகளை கொல்லும் ரசாயனத்துடன் கலந்து, பின் அதை செயிண்ட் லாரன்ஸ் நதியில் கொட்டிவிட்டதாக தெரிவித்துள்ளார்.

ஆக, அந்த பீப்பாய் இரண்டாம் உலகப்போர்க்காலத்தைச் சேர்ந்தது என்பதால், அதில் ஆந்தராக்ஸ் ஸ்போர்கள் இருக்குமோ என்ற அச்சம் ஏற்பட்டதாலேயேதான் கியூபெக் அதிகாரிகள் பரபரப்படைந்துள்ளார்கள்.

இந்நிலையில், அந்த பீப்பாயில் ஆந்தராக்ஸ் கிருமிகள் எதுவும் இல்லை என கியூபெக் பொலிசார் தெரிவித்துள்ளார்கள். அந்த பீப்பாயை ஆய்வுக்குட்படுத்தியதில், அதற்குள் ஒரு திரவம் இருந்ததாக தெரிவித்துள்ள கியூபெக் பொலிஸ் செய்தித்தொடர்பாளரான Audrey-Anne Bilodeau என்பவர், அதனால் பொதுமக்களுக்கு எந்த ஆபத்தும் இல்லை என்றும் கூறியுள்ளார்.

அந்த பீப்பாய் இரண்டாம் உலகப் போர்க்காலத்தைச் சேர்ந்தது என்பதாலும், அதன் பின்னால் ஒரு கதை உள்ளது என்பதாலுமே தாங்கள் ரிஸ்க் எடுக்க விரும்பவில்லை என்றும், ஆகவேதான் அது ஆய்வுக்குட்படுத்தப்பட்டதாகவும் அவர் தெரிவித்துள்ளார். ஆனாலும், அது என்ன திரவம் என்றோ, அது எங்கிருந்து வந்தது என்றோ பொலிசார் தெரிவிக்கவில்லை.

கென்யாவின் ஷாகஹோலா வனப்பகுதியில் பட்டினி கிடந்து உயிரிழக்கத் தூண்டிய மதக் குழுவின் தலைவரான பால் மெக்கென்சி, 191 பேரின் கொலைக்காக வெள்ளிக்கிழமை (நவம்பர் 6) அன்று 200 ஆண்டுகள் சிறைத்தண்டனை விதிக்கபப்ட்டுள்ளதாக சர்வதேச ஊடகங்க்கள் தெரிவித்துள்ளன. பட்டினி கிடந்து உயிரிழந்தோரில் 191 பேரில் 190 பேர் குழந்தைகள் ஆவர். மொம்பாசா உயர் நீதிமன்றத்தில், அவருடன் குற்றம் சாட்டப்பட்ட மற்ற இருபத்தி நான்கு பேருக்கும் தண்டனை வழங்கப்பட்டது.

கனடாவில் ஏற்கனவே தற்காலிகக் குடியிருப்பு அந்தஸ்துடன் வசித்து வரும் தகுதியுடைய 2 இலட்சம் பேருக்கு 2027ஆம் ஆண்டு இறுதிக்குள் நிரந்தர வதிவிட அந்தஸ்து வழங்குவதற்கான புதிய குடிவரவுத் திட்டத்தை கனேடிய அரசாங்கம் அறிவித்துள்ளது. தொழிலாளர் பற்றாக்குறையைச் சமாளிப்பதுடன், குடிவரவு விண்ணப்பங்களின் நிலுவையைக் குறைத்து, ஏற்கனவே கனடாவில் வாழ்ந்து வரும் திறமையான பணியாளர்களைத் தக்கவைத்துக் கொள்ளும் நோக்கில் இந்தத் திட்டம் அறிமுகப்படுத்தப்பட்டுள்ளது.

ரஷ்யா - உக்ரைன் போரில் பாதிக்கப்பட்ட உக்ரைனியக் குழந்தைகளை மீட்டதற்கும் மனிதாபிமான உதவிகளை வழங்கியதற்கும் அமெரிக்காவின் முதல் பெண்மணியான மெலனியா ட்ரம்புக்கு உக்ரைன் அரசு உயரிய விருதை வழங்கி கௌரவித்துள்ளது. ரஷ்யாவுக்கும் உக்ரைனுக்கும் இடையே கடந்த 2022ஆம் ஆண்டு முதல் தொடரும் போரை முடிவுக்குக் கொண்டுவர சர்வதேச அளவில் முயற்சிகள் எடுக்கப்பட்டு வருகின்றன.

கெஷ்ம் தீவில் இரண்டு ஏவுகணைகள் தாக்கியதாக ஆரம்பகட்ட தகவல்கள் தெரிவிப்பதாக, ஈரானின் உத்தியோகப்பூர்வ தஸ்னிம் செய்தி நிறுவனம் சனிக்கிழமை கூறியுள்ளது. குறித்த தாக்குதல் தொடர்பில் பாதிப்புகள் எதுவும் இதுவரை அதிகாரிகள் தரப்பில் இருந்து உறுதி செய்யப்படவில்லை என்றும் தெரிவிக்கப்பட்டுள்ளது. சம்பந்தப்பட்ட அதிகாரிகள் இந்தச் சம்பவத்தை உறுதிப்படுத்தியதும், கூடுதல் விவரங்கள் வெளியிடப்படும் என்று தஸ்னிம் செய்தி நிறுவனம் தெரிவித்துள்ளது.

பராகுவே அரசாங்கத்துடன் தொடர்புடைய ஒரு பெரிய வங்கி சரிந்ததன் காரணமாக, அந்நாட்டின் செனட் சபை வெள்ளிக்கிழமை அன்று ஜனாதிபதி சாண்டியாகோ பென்னாவைப் பதவியிலிருந்து நீக்கியது. தென் அமெரிக்காவின் மிகவும் நிலையான ஜனாதிபதி பதவிகளில் ஒன்றிற்கு செனட் சபை முடிவுகட்டியுள்ளது. சபையில் இருந்த 44 செனட்டர்களும் ஒருமனதாக வாக்களித்து, பதவியில் முறைகேடாக நடந்துகொண்டதற்காக ஜனாதிபதி பென்யாவைப் பதவியிலிருந்து நீக்கினர்.

இஸ்ரேலும் மத்திய கிழக்கும் தப்பிப்பிழைத்ததற்குத் தான் தான் காரணம் என டொனால்ட் ட்ரம்ப் மீண்டும் ஒருமுறை பெருமை பேசியுள்ளார். தனக்கே உரிய தற்பெருமைப் பாணியில், ஈரான் அணு ஆயுதம் பெறுவதை தான் தடுத்திருக்காவிட்டால், இஸ்ரேலும் முழு மத்திய கிழக்கும் மொத்தமாக அழிந்திருக்கும் என்று அமெரிக்க ஜனாதிபதி கூறியுள்ளார். ஈரான் மீது மீண்டும் ஒரு வலுவானத் தாக்குதலுக்கு அமெரிக்கா தயாராகி வருவதாக வெளியாகியுள்ள தகவல்களின் மத்தியில் ட்ரம்பின் இந்த கருத்து வெளியாகியுள்ளது.

லாஸ் ஏஞ்செல்ஸ் மேயராக தேர்வு செய்யப்பட்டுள்ள தமிழ் பெண்ணான நித்யா ராமன் தேர்வு செய்யப்பட்டுள்ளார். அமெரிக்காவில் இடைக்கால தேர்தல் நடைபெற்று வரும் நிலையில், முக்கிய நகரமான லாஸ் ஏஞ்செல்ஸின் மேயர் தேர்தலில் தற்போதைய மேயர் கரேன் பாஸுக்கும், ஜனநாயக கட்சியைச் சேர்ந்த தமிழ் பெண்ணான நித்யா ராமனுக்கும் இடையே கடும் போட்டி நிலவியது.

Dr டேவி ஷெட்டி என்னும் இந்திய மருத்துவருக்கு பிரான்ஸ் உயரிய விருதொன்றை வழங்கியுள்ளது. பிரபல இந்திய மருத்துவருக்கு பிரான்ஸ் உயரிய விருதொன்றை வழங்கி கௌரவித்துள்ளது. இந்தியாவின் பெங்களூருவில் இயங்கிவரும் நாராயணா ஹெல்த் என்னும் மருத்துவமனையின் நிறுவனரும் தலைவருமான Dr டேவி ஷெட்டி (Dr Devi Shetty) என்பவருக்கு, பிரான்சின் உயரிய விருதுகளில் ஒன்றான Chevalier de l' Ordre national du Merite என்னும் விருது வழங்கப்பட்டுள்ளது.

வெள்ளை மாளிகையில் இன்று நடைபெறும் தீபாவளி கொண்டாட்டத்தில் ஜனாதிபதி டொனால்ட் ட்ரம்ப் பங்கேற்க உள்ளார். இந்து மதப்பண்டிகையான தீபாவளி உலகின் பல்வேறு நாடுகளிலும் கொண்டாடப்பட்டு வருகிறது. இந்நிலையில், அமெரிக்க ஜனாதிபதி அலுவலகமான வெள்ளை மாளிகையில் இன்று தீபாவளி பண்டிகை கொண்டாடப்பட உள்ளது.

வரவிருக்கும் பண்டிகைக் காலங்களில் உறவினர்களுக்கும் நண்பர்களுக்கும் கிறிஸ்துமஸ் வாழ்த்து அட்டைகளை அனுப்புவதற்கான செலவு அதிகரிக்கவுள்ளது. கனடா தபால் சேவையின் நிதி நெருக்கடியைக் கட்டுப்படுத்தும் வகையில், தபால் முத்திரைகளின் கட்டணத்தை உயர்த்தக் கூட்டாட்சி வரவு செலவுத் திட்டத்தில் முன்மொழியப்பட்டுள்ளது.

மேகன் மெர்க்கலின் தந்தையான தாமஸ் மெர்க்கலுக்குச் சொந்தமானவை எனக் கூறப்படும் பொருட்களிலிருந்து, சிறார்களின் 7,500 புகைப்படங்களை காவல்துறையினர் கண்டெடுத்துள்ளனர். அவரது மகன் தாமஸ் ஜூனியர், இரண்டு வாரங்களுக்கு முன்பு பிலிப்பைன்ஸ் அதிகாரிகளிடம் ஒப்படைத்த ஏராளமான பொருட்களில் இவையும் அடங்கும். பிலிப்பைன்ஸ் உள்விவகாரச் செயலாளர் ஜுவானிட்டோ விக்டர் ரெமுல்லா, மோசமாக உருவகப்படுத்தப்பட்டுள்ள சில சிறார்கள் பத்து வயதுக்குட்பட்டவர்கள் என்று வெளிப்படுத்தினார்.

புதிய அரசாங்கத்தை யார் அமைப்பார்கள் என்பது ஞாயிற்றுக்கிழமை அறிவிக்கப்படும். அனைத்துக் கட்சித் தலைவர்களுடனும் தேர்தலுக்குப் பிந்தைய பேச்சுவார்த்தைகளை அடுத்து, புதிய அரசாங்கத்தை அமைக்கும் பொறுப்பை யாரிடம் ஒப்படைக்கப்படும் என்பதை ஞாயிற்றுக்கிழமை அறிவிப்பதாக இஸ்ரேலிய ஜனாதிபதி ஐசக் ஹெர்சாக் தெரிவித்துள்ளார். வரும் ஞாயிற்றுக்கிழமை அன்று, அரசாங்கத்தை அமைக்கும் பொறுப்பை நெசெட் (நாடாளுமன்ற) உறுப்பினர் ஒருவரிடம் ஒப்படைக்கத் திட்டமிட்டுள்ளதாக ஹெர்சாக் ஒரு காணொளிச் செய்தியில் தெரிவித்தார்.

வரலாற்றிலேயே மிகப்பெரிய அளவில் 548 கைதிகளுக்கும் மன்னிப்பு வழங்கப்பட்டது. கலிபோர்னியா மாகாணத்தில் மரண தண்டனை விதிக்கப்பட்ட 500-க்கும் மேற்பட்ட கைதிகளின் தண்டனையை, பரோல் வாய்ப்பில்லாத ஆயுள் தண்டனையாகக் குறைப்பதற்கான நடவடிக்கையை எடுக்கப்போவதாக ஆளுநர் கேவின் நியூசம் தெரிவித்துள்ளார். 2027 ஜனவரியில் பதவியிலிருந்து விலகவிருக்கும் நியூசம், மரண தண்டனைக்குத் தனக்கிருந்த தார்மீக எதிர்ப்பின் காரணமாக இந்த முடிவை எடுத்ததாகக் கூறியுள்ளார்.

பாதுகாப்புத் துறை, செயற்கை நுண்ணறிவு (AI) மற்றும் புதுப்பிக்கத்தக்க ஆற்றல் திட்டங்களுக்கு தேவையான முக்கிய கனிம வளங்களுக்காக பிரித்தானியா சீனாவை 'அபாயகரமான அளவில்' சார்ந்துள்ளதாக பிரித்தானிய நாடாளுமன்ற விசாரணை அறிக்கை எச்சரித்துள்ளது. பிரித்தானியாவின் வணிகத் தேர்வுக்குழு (Business Select Committee) நடத்திய ஆய்வில், இராணுவ விமானங்கள், மின்சார வாகனங்கள், AI தரவுமையங்கள் மற்றும் காற்றாலை தொழில்நுட்பங்களுக்கு அவசியமான அரிய நிலக்கனிமங்கள் (Rare Earths) மற்றும் லித்தியம் போன்ற முக்கிய மூலப்பொருட்களின் விநியோகத்தில் சீனா ஆதிக்கம் செலுத்துவதாக தெரிவிக்கப்பட்டுள்ளது.

பிரித்தானியாவில் நடந்துள்ள ஒரு அதிர்ச்சிகரமான கொலை வழக்கு தற்போது பெரும் பரபரப்பை ஏற்படுத்தியுள்ளது. 3 ஆண்டுகள் ஃப்ரீசரில் மறைத்து வைக்கப்பட்ட பெண்ணின் உடல் 65 வயதான ஜார்ஜ் கார்டன் என்ற நபர், தண்னுடன் ஒரே வீட்டில் தங்கியிருந்த தனது நெருங்கிய தோழி, டெலியா மெக்இனெர்னியை (64 வயது) கொலை செய்ததாக குற்றம் சாட்டப்பட்டுள்ளார். அவரது உடலை துண்டுகளாக வெட்டி, சுமார் மூன்று ஆண்டுகளாக ஒரு பெரிய உறைவிப்பானில் (freezer) மறைத்து வைத்திருந்ததாக நீதிமன்றத்தில் தெரிவிக்கப்பட்டுள்ளது.

அமெரிக்க இடைத்தேர்தலில் ஜனநாயகக் கட்சி பெற்ற வெற்றியைத் தொடர்ந்து, கனடாவின் ஒன்டாரியோ மாகாண முதல்வர் டக் ஃபோர்ட் தனது மகிழ்ச்சியை வெளிப்படுத்தியுள்ளார். அமெரிக்க ஜனாதிபதி டொனால்ட் ட்ரம்ப்பின் வரி விதிப்புக் கொள்கைகளால் ஒன்டாரியோவின் பொருளாதாரம் கடுமையாகப் பாதிக்கப்பட்டுள்ள நிலையில், இத்தேர்தல் முடிவுகள் அவருக்கு விடுக்கப்பட்ட ஒரு வலுவான எச்சரிக்கையாக அமைந்திருப்பதாக ஃபோர்ட் குறிப்பிட்டுள்ளார்.

பிரான்ஸில் பல இரத்த வங்கிகளைக் குறிவைத்து நடத்தப்பட்ட சைபர் தாக்குதல் மூலம், அங்கு சேமித்து வைக்கப்பட்டிருந்த இரத்தப் பொருட்கள் மற்றும் மாதிரிகளின் வெப்பநிலையை அதிகரிக்க முயற்சி மேற்கொள்ளப்பட்டுள்ளது. எனினும், பிரான்ஸ் அதிகாரிகள் தலையிட்டு, பாதிப்புகள் ஏற்படுவதற்கு முன்னரே குறித்த தாக்குதலைத் தடுத்து நிறுத்தியுள்ளதாக சர்வதேச ஊடகங்கள் தெரிவிக்கின்றன.

பிரித்தானியரான சுகாதாரப் பணியாளர் நாட்டுக்கு விமானம் மூலம் திருப்பி அனுப்பப்படுவார் என எதிர்பார்க்கப்படுகிறது. காங்கோ ஜனநாயகக் குடியரசில் உள்ள பிரித்தானியர் ஒருவருக்கு எபோலா தொற்று உறுதி செய்யப்பட்டதை அடுத்து, அவர் சிகிச்சைக்காக நாட்டிற்கு அழைத்து வரப்படுவார் என அரசாங்கம் தெரிவித்துள்ளது. பாதிக்கப்பட்டவர் ஒரு சுகாதாரப் பணியாளர் எனத் தெரியவருகிறது. அவர் மருத்துவ மீட்பு விமானம் மூலம் பிரித்தானியாவுக்குத் திரும்ப அழைத்து வரப்படுவார் என எதிர்பார்க்கப்படுகிறது, இருப்பினும் அந்த விமானப் பயணம் எப்போது நடைபெறும் என்பது உறுதி செய்யப்படவில்லை.

ஐரோப்பா முழுவதும் குளிர்சாதனப்பெட்டிகள் மீதான சைபர் தாக்குதலுக்குப் பின்னால் ரஷ்ய ஹேக்கர்கள். ஐரோப்பா முழுவதும் குளிர்சாதனப் பெட்டிகளைச் செயலிழக்கச் செய்து, பல மில்லியன் பவுண்டுகள் மதிப்பிலான சேதத்தை ஏற்படுத்திய ஹேக்கர்கள், ரஷ்யாவிலிருந்து செயல்படுவதாகத் தெரிகிறது என்று முன்னணி சைபர் பாதுகாப்பு நிபுணர் ஒருவர் தெரிவித்துள்ளார். கடவுச்சொற்களை 12345 இலிருந்து மாற்றாத நெட்வொர்க்குகளை மட்டுமே குறிவைத்த தாக்குதலின் பின்னணியில் யார் இருக்கிறார்கள் என்பதை அதிகாரிகள் தரப்பு இன்னும் உறுதிப்படுத்தவில்லை.

இத்தாலியர்களுக்கான மருத்துவச் செலவுகளை ஏற்க சுவிட்சர்லாந்து ஒப்புக்கொண்டுள்ளது. Crans-Montana தீ விபத்தில் பாதிக்கப்பட்ட இத்தாலியர்களின் மருத்துவச் செலவுகளைத் தாங்கள் ஏற்பதாக சுவிட்சர்லாந்து அரசு புதன்கிழமை அன்று தெரிவித்துள்ளது. இத்தாலியர்களின் மருத்துவச் செலவை அந்த நாட்டிடம் இருந்து வசூலிக்க இருப்பதாக வெளியானத் தகவலை அடுத்து, இத்தாலியப் பிரதமர் ஜார்ஜியா மெலோனி அந்த முடிவை அவமானம் என்று குறிப்பிட்டிருந்ததை அடுத்தே, சுவிட்சர்லாந்தின் இந்த முடிவு வெளியாகியுள்ளது.