அமெரிக்காவில் நபர் ஒருவர் லொட்டரியில் எட்டு முறை உச்ச பரிசை வென்றுள்ள சம்பவம் ஆச்சரியத்தை ஏற்படுத்தியுள்ளது. Dale நகரை சேர்ந்தவர் கேரி பீர்பாய்ண்ட். லொட்டரி சீட்டுகள் வாங்குவதை அதிகளவில் பழக்கமாக இவர் கொண்டிருந்தார். இந்த நிலையில் சமீபத்தில் இவருக்கு லொட்டரியில் $100,000 பரிசு விழுந்துள்ளது. ஏற்கனவே இந்த பரிசை அவர் ஏழு முறை வென்றுள்ளார்.

இதன் மூலம் மொத்தமாக 8 முறை $800,000 பரிசை கேரி தட்டி சென்றுள்ளார் என தெரியவந்துள்ளது. தொழில் செய்து வரும் கேரி பொதுவாக தனது குடும்பத்தினரின் பிறந்தநாள் மற்றும் திகதியை வைத்தே லொட்டரி எண்களை தேர்வு செய்வார். அது அவருக்கு எப்போதும் அதிர்ஷ்டத்தையே கொண்டு வந்துள்ளது என தெரியவந்துள்ளது.