உங்கள் பிள்ளைகளின் உணவுப் பழக்கத்தை வைத்தே அவர்களது மனம் தெளிவாக இருக்கிறதா? என்பதை நீங்களே கண்டுபிடித்துவிடலாம். உங்கள் வீட்டின் சமையல் அறை அருகில், ‘டைனிங் ஹால்’ வைத்திருப்பீர்கள். அதுதான் உங்கள் பிள்ளைகளின் மனநிலையை அறியும் ‘மனோதத்துவ அறை’ என்பதை புரிந்துகொள்ளுங்கள். தாய்மார்களாகிய நீங்கள் சமைத்துக்கொடுக்கும் உணவை உங்கள் பிள்ளைகள் டைனிங் ஹாலில் அமர்ந்து சாப்பிடுவார்கள். அவர்கள் சாப்பிடும் அளவை வைத்து அவர்கள் மனநிலை எப்படி இருக்கிறது? குழம்பிய நிலையில் இருக்கிறார்களா? தெளிவான நிலையில் இருக்கிறார்களா? என்பதை உங்களால் கண்டறிந்துவிட முடியும். குழம்பிய நிலையில் இருந்தால் அதற்கான காரணத்தையும் கண்டுபிடித்துவிட முடியும். வீட்டில் இருக்கும் டைனிங் ஹால் மட்டும் அல்ல, அவர்கள் மாணவிகள் என்றால் கல்வி நிலையத்தில் உள்ள கேன்டீன்களில், வேலைபார்ப்பவர்கள் என்றால் அங்குள்ள உணவகங்களில் அவர்கள் சாப்பிடும் முறையை வைத்தும், அவர்களது மனநிலையை தெரிந்துகொள்ள வாய்ப்பிருக்கிறது.

உங்கள் நண்பர்கள், தோழிகளில் சிலர் உங்களிடம் ‘நான் ரொம்ப டென்ஷனாக இருக்கிறேன். அதனால் ஏதாவது ஓட்டலில் சென்று சாப்பிடலாம் என்று நினைக்கிறேன்’ என்று உங்களிடம் கூறியிருப்பார்கள். அப்படிப்பட்ட நண்பர் யாருடனாவது நீங்கள் ஓட்டலுக்கு சென்றிருந்தால், அவர் ஓட்டலில் உணவருந்திய காட்சியை மனக்கண் முன் கொண்டுவாருங்கள். அவர் வழக்கத்தைவிட அதிகமாக சாப்பிட்டிருப்பார். சாப்பிட்டதும் தனது டென்ஷன் தீர்ந்துபோய்விட்டது என்பார். அதோடு விடமாட்டார், அடிக்கடி தனக்கு டென்ஷன் ஏற்படுவதாக கூறிக்கொண்டு அவ்வப்போது உணவு சாப்பிட ஆரம்பித்துவிடுவார். மட்டுமின்றி, எப்போதும் எதையாவது சாப்பிட்டுக்கொண்டே இருந்தால்தான் தனது மனம் நிம்மதியாக இருக்கிறது என்றும் சொல்வார். இந்த மாதிரியான பழக்கம் ஒருவரிடம் இருந்துகொண்டிருந்தால் அவர் ‘ஈட்டிங் டிசார்டர்’ என்ற பாதிப்பிற்கு உள்ளாகியிருக்கிறார் என்பதை கண்டுபிடித்துவிடலாம்.

உணவு, உடல் இயக்கத்திற்கு அத்தியாவசியமானது. உணவில் இருக்கும் சத்துக்கள்தான் நமது உடலை இயக்கு கின்றன. அதற்காக நாம் சமச் சீரான சத்துணவை போதுமான அளவில் மட்டும் சாப்பிட வேண்டும். ஆனால் ஈட்டிங் டிசார்டர் கொண்டவர்கள் கட்டுப்பாடு இல்லாமல் சாப்பிட்டுக்கொண்டே இருப்பார்கள். அவர்கள் தீர்வுகாண முடியாத அளவுக்கு மனஅழுத்தம் தோன்றும்போதெல்லாம், உணவுப் பொருட்களை தின்று தீர்ப்பார்கள். மனஅழுத்த சிந்தனை, அவர்கள் சாப்பிடும் நேரத்தில் அந்த உணவின் சுவையை நோக்கி திரும்பும். அதன் மூலம் தனக்கு மனஅழுத்தம் குறைவதாக அவர்கள் தவறாக கருதிக்கொண்டு, தோன்றும்போதெல்லாம் உணவருந்தி சாப்பாட்டுக்கு அடிமையாகிவிடுவார்கள். அது விரைவில் அவர்கள் உடல் நலனுக்கு அச்சுறுத்தலாகிவிடும்.

அதிகமாக சாப்பிடுவது மட்டும் ஈட்டிங் டிசார்டர் அல்ல. சிலர் சாப்பிடவே விரும்பமாட்டார்கள். உணவுகளை முடிந்த அளவு தவிர்க்க முயற்சிப்பார்கள். இவர்களும் அந்த வகையை சேர்ந்தவர்கள்தான். இந்த இருவகையினரும் உலகம் முழுக்க அதிகரித்துக்கொண்டிருக்கிறார்கள். இவர்கள் பெரும்பாலும் 18 முதல் 28 வயதுக்கு உள்பட்டவர்களாக இருக்கிறார்கள்.

இந்த ஈட்டிங் டிசார்டர் பற்றி உலக அளவில் ஆய்வுகள் மேற்கொண்டு வருகிறார்கள். என்னென்ன காரணங்களால் இந்த பாதிப்பு ஏற்படுகிறது என்பதையும் கண்டுபிடித்திருக்கிறார்கள். உறவுச் சிக்கல்கள், காதல் தோல்வி, வேலையில் ஏற்படும் இழப்புகள், தோல்வி மனப்பான்மை, எதிர்காலத்தை பற்றிய கவலை, பொருளாதார சிக்கல்கள் போன்ற பல காரணங்களால் இந்த ‘முரண்பட்ட உணவுப்பழக்கம்’ ஏற்படுகிறது. பாரம்பரியமாகவே இந்த பாதிப்பிற்கு ஒரு சிலர் ஆளாகுவதும் உண்டு. தற்போது கொரோனா பீதி உலகையே ஆட்டிப்படைக்கிறது. பயத்தினால் உருவான அந்த மனஅழுத்தத்தாலும் நிறைய பேர் ஈட்டிங் டிசார்டருக்கு உட்பட்டிருக்கிறார்கள்.

இப்போது பெரும்பாலான பெண்களுக்கு தங்கள் மனக்கட்டுப்பாட்டின் மீதே சந்தேகம் கிளம்பியிருக்கிறது. ‘சுவையான உணவு என்றால் கட்டுப்பாடு இன்றி நிறைய சாப்பிட்டுவிடுவோம். அதனால் உடல் எடை அதிகரித்துவிடும்’ என பயப்படுகிறார்கள். அவர்கள் தாங்கள் ஒல்லியாகவே இருக்கவேண்டும் என்பதற்காக படாதபாடுபடுகிறார்கள். ஒரு ஸ்பூன் அளவு உணவு உள்ளே அதிகமாக போய்விட்டாலும் அதை எப்படி வெளியேற்றுவது என்றும் சிந்திக்கிறார்கள். அதற்காக ஒருநாள் முழுக்க பட்டினியும் கிடக்கிறார்கள். இதுவும் காலப்போக்கில் ஒருவித மன அழுத்த பாதிப்பாக உருவாகிவிடும். அதற்கு ‘அனோரெக்சியா நெர்வோசா’ என்று பெயர்.

உங்கள் மகள்களும் இதுபோன்ற மனநிலையில் இருக்கலாம். அதனால் டைனிங் ஹாலில் அவர்கள் உணவு சாப்பிடும்போது கவனியுங்கள். நேரத்திற்கு உணவு சாப்பிடாமல் இருப்பது, உணவை தவிர்ப்பது, எப்போது பார்த்தாலும் உடல் எடையை பற்றியே பேசிக்கொண்டிருப்பது, ஒவ்வொரு நாளும் பலமுறை மெஷினில் ஏறி நின்று எடையை கணக் கிட்டுவிட்டு ‘கால் கிலோ கூடிவிட்டதே.. அரை கிலோ கூடிவிட்டதே’ என்று அங்கலாய்ப்பது.. போன்ற செயல்பாடுகள் இருந்தால் உங்கள் மகள்கள் மீது அக்கறை கொள்ளுங்கள். இந்த நிலை தொடர்ந்தால் அவர்கள் உடல்நிலையும், மனநிலையும் பாதிக்கப்படலாம்.

உணவை அறவே தவிர்ப்பவர்களில் முதலிடத்தில் பிரபலமான பெண்மணிகள் இருக்கிறார்கள். நடிகைகள், மாடலிங் போன்ற துறைகளில் இருக்கும் பெண்களிடமும் இந்த பிரச்சினை உண்டு. இப்போது சமூக வலைத்தளங்களே கதி என்று கிடக்கும் பெண்களின் எண்ணிக்கை அதிகம். என்னென்ன உணவுகள் சாப்பிடுவது தங்கள் உடலுக்கு ஏற்றது என்று அவர்கள் மருத்துவர்களிடமோ, உணவியல் நிபுணர்களிடமோ ஆலோசனை கேட்பதில்லை. மாறாக சமூக வலைத்தளங்களில் யார்யாரோ பதிவு செய்து வைத்திருக்கும் ஆலோசனைகேட்டு அதனை பின்பற்ற முயற்சிக்கிறார்கள். அது சரியான அணுகுமுறை அல்ல. அது உடலில் மோசமான பின்விளைவுகளை உருவாக்கிவிடும்.

சில நடிகைகள் தங்கள் சமூக வலைத்தள பதிவுகளில், ‘பிடித்தமான உணவுகளை தாங்கள் அளவுக்கு அதிகமாக சாப்பிடுவதாகவும்- அதை ஈடுசெய்யும் விதத்தில் மறுநாள் கடுமையாக உடற்பயிற்சிகளை மேற்கொண்டு அதிக கலோரிகளை செலவிட்டு உடலை கட்டுக்கோப்பாக வைத்துக்கொள்வதாகவும்’ பதிவிடுகிறார்கள். இது எல்லோருக்கும் பொருந்தாது. பெண்கள் தங்கள் உடலின் தாங்கும் சக்திக்கு ஏற்பதான் உடற் பயிற்சி செய்யவேண்டும். உடலை வருத்தும் விதத்தில் கடுமையாக உடற்பயிற்சி மேற்கொண்டால் உடலில் இருக்கும் கொழுப்புகள் அதிகமாக வெளியேறி தசை பலவீன மாகிவிடும். பிரபலங்கள் தங்களுக்கென்று தனியாக உடற்பயிற்சி ஆலோசகரையும், உணவியல் ஆலோசகரையும் வைத்திருக்கிறார்கள். அதன் மூலம் அவர்களது உடலுக்கு ஏற்ற உணவையும், உடலுக்கு ஏற்ற பயிற்சியையும் செய்கிறார்கள். அதனால்தான் அவர்களால் உடல் எடையை கட்டுக்குள் வைத்துக்கொண்டு ஆரோக்கியமாக வாழ முடிகிறது. அதை சராசரி பெண்கள் பின்பற்றுவது சரியாக இருக்காது.

சில பிரபலங்கள் ‘அதிகமாக சாப்பிட்டுவிட்டு, ஏன் கஷ்டப்பட்டு உடற் பயிற்சி மேற்கொள்ளவேண்டும். அதற்கு பதிலாக சாப்பிட்ட உணவை அப்படியே சிறிது நேரத்தில் வாந்தி எடுக்கவைத்துவிடலாமே’ என்று கருதி, ஏதாவது ஒருவிதத்தில் வாந்தி மூலம் உணவை வெளியேற்றி விடுகிறார்கள். இந்த மனநிலை கோளாறுக்கு ‘புலிமியா நெர்வோசா’ என்று பெயர். இந்த மோசமான செயல்பாடு அவர்களது உடல்நிலையை பெருமளவு பாதிக்கும்.

தொடர்ச்சியாக வேலை செய்துகொண்டிருப்பவர்கள் அதில் ஒரு ‘பிரேக்’ விடுவதற்காக, ஒருகப் காபி பருகுவதற்காக இருக்கையில் இருந்து எழுந்து வெளியே வருவார்கள். அந்த பழக்கம் அவர்களை அடிக்கடி இருக்கையில் இருந்து எழவைத்து அவ்வப்போது காபி பருகும் மனநிலைக்கு கொண்டுசென்றுவிடும். பின்பு அளவுக்கு அதிகமாக காபி பருகிக்கொண்டே இருப்பார்கள். ஒரு கட்டத்தில் ‘காபி பருகாவிட்டால் மனதுக்கு என்னவோபோல் இருக்கிறது’ என்று சொல்லத் தொடங்கிவிடுவார்கள். இவர்கள் ‘ஸ்ட்ரெஸ் ஈட்டிங்’ பிரிவினராகும். இவர்கள் அதிக மன அழுத்தத்தில் இருக்கும்போதெல்லாம் காபி, டீ, பருகிக்கொண்டே இருப்பார்கள்.

இந்த மாதிரியான முரண்பட்ட உணவுப் பழக்கவழக்கங்கள் இளம் பெண்களிடம் மிக அதிகமாக இருக்கிறது. அதனால் தாய்மார்கள் தங்கள் வீட்டு ‘டைனிங் ஹாலுக்கு’ அதிக முக்கியத்துவம் கொடுக்கவேண்டும். குடும்பத்தில் உள்ள அனைவரும் ஒன்றாக அமர்ந்து சாப்பிடவேண்டும். அப்போது மகள் சாப்பிடும் முறையையும், சாப்பிடும் உணவின் அளவையும் பெற்றோர் கண்காணிக்கவேண்டும். நீங்கள் ஆழ்ந்து கவனித்தால் அவர்களது மனநிலை எப்படி இருக்கிறது என்பதை கண்டறிந்து சரிசெய்துவிடலாம்.

முந்தைய காலங்களில் கூட்டுக்குடும்ப வாழ்க்கை நடைமுறையில் இருந்தது. அனைவரும் ஒன்றாக அமர்ந்து சாப்பிடுவார்கள். சாப்பிடும்போதே குடும்பத்தில் உள்ள மூத்தவர்கள், சாப்பிடும் இளசுகளின் எண்ண ஓட்டம் எப்படி இருக்கிறது என்று கண்டுபிடித்துவிடுவார்கள். சாப்பிட்டு முடித்ததும், சம்பந்தப்பட்டவரை தனியாக அழைத்து ‘உன் மனசு சரியில்லை போன்று தெரிகிறதே.. என்ன விஷயம் சொல்லு..’ என்று கேட்டு, அதை சரிசெய்யும் முயற்சிகளில் இறங்கிவிடுவார்கள். அந்த பழைய வழக்கத்தை மீண்டும் கொண்டுவரவேண்டியது காலத்தின் கட்டாயம்.

மழைக்காலத்திற்கு ஏற்ப நண்டு மசாலா செட்டிநாடு ஸ்டைலில் எவ்வாறு செய்யலாம் என்பதை இந்த பதிவில் தெரிந்து கொள்வோம். பொதுவாக மழைக்காலம் வந்துவிட்டால் குழந்தைகள் முதல் பெரியவர்கள் வரை சளி, இருமல் இவற்றினால் அவதிப்படுவார்கள். இவ்வாறு சளி மற்றும் இருமலுக்கு சிறந்த நிவாரணம் அளிக்கும் உணவாக நண்டு இருக்கின்றது. நண்டு சூப் மட்டுமின்றி நண்டு மசாலாவும் மழைக்காலத்திற்கு ஏற்ற உணவாக இருக்கின்றது. செட்டிநாடு ஸ்டைலில் நண்டு மசாலா எவ்வாறு செய்வது என்பதை இந்த பதிவில் தெரிந்து கொள்வோம்.

அழகான, அடர்த்தியான மற்றும் வலிமையான கூந்தலைப் பெற வேண்டும் என்பது பலரின் விருப்பம். ஆனால், கூந்தலின் ஆரோக்கியம் என்பது நாம் பயன்படுத்தும் எண்ணெய்கள், ஷாம்புகள் மற்றும் தலைமுடிப் பராமரிப்புப் பொருட்களை மட்டும் சார்ந்ததல்ல. நாம் அன்றாடம் உட்கொள்ளும் உணவுகளும் கூந்தலின் வளர்ச்சியிலும் வலிமையிலும் முக்கியப் பங்கு வகிக்கின்றன. கூந்தல் வளர்ச்சிக்குத் தேவையான புரதம், வைட்டமின்கள், தாதுக்கள் மற்றும் ஆரோக்கியமான கொழுப்புகள் உடலுக்குக் கிடைப்பது அவசியம்.

வாஸ்து சாஸ்திரத்தின்படி, வீட்டின் செல்வம், அமைதி மற்றும் நிம்மதியைப் பராமரிப்பதில் சமையலறைக்கு முக்கியப் பங்கு உள்ளது. சமையலறையில் நெருப்பின் ஆதாரமாக இருக்கும் கேஸ் அடுப்பின் அருகில் சில பொருட்களை வைப்பதைத் தவிர்க்க வேண்டும் என்று கூறப்படுகிறது. வாஸ்து நம்பிக்கைகள் மட்டுமின்றி, பாதுகாப்பு மற்றும் சுகாதாரக் காரணங்களுக்காகவும் சில பொருட்களை அடுப்பிலிருந்து தள்ளி வைப்பது அவசியம்.

பொதுவாகவே பலரும் தங்களது நாளை ஒரு கிளாஸ் எலுமிச்சை நீர் அருந்துவதன் மூலம் தொடங்குகின்றனர். எலுமிச்சையில் வைட்டமின் சி சத்து நிறைந்துள்ளதுடன், தண்ணீர் உடலில் நீர்ச்சத்தைப் பேணவும் உதவுகிறது. தினமும் மிதமான அளவில் எலுமிச்சை நீர் அருந்துவது ஆரோக்கியமான உணவுப் பழக்கத்தின் ஒரு பகுதியாக கருதப்படுகின்றது. குறிப்பாக, உடலுக்குத் தேவையான நீர்ச்சத்தைப் பேணுவதற்கு இது பெரிதும் துணைப்புரிகின்றது.

மட்டன் சுக்கா தேங்காய் சேர்த்து எப்படி செய்வது என்று இந்த பதிவில் விரிவாக காணலாம். பொதுவாக அசைவ பிரியர்களின் உணவுப்பட்டியலில் அதிகமாக இருக்கும் உணவு என்றால் அது மட்டன் தான். அதிக சத்துக்களை கொண்ட மட்டனை மிகவும் வித்தியாசமாக சமைத்து சாப்பிடுவதை தான் பலரும் விரும்புகின்றனர். சாதாரணமாக குழம்பு வைப்பதை விட, சுக்கா, வறுவல் என சமைப்பதையே விரும்புகின்றனர். குறிப்பாக இந்த வறுவலுக்கு தனியாக மசாலா வறுத்து அரைத்து செய்வதால், சுவை வேற லெவலில் இருக்கும்.

உடலின் இயற்கையான நோயெதிர்ப்பு மண்டலம் சிறப்பாகச் செயல்படுவதற்கு, சத்தான உணவுகளை அன்றாட உணவுப் பழக்கத்தில் சேர்த்துக்கொள்வது முக்கியப் பங்கு வகிக்கிறது. அந்த வகையில், உடலுக்குத் தேவையான பல்வேறு ஊட்டச்சத்துகளை வழங்கும் இயற்கை உணவுகளில் நெல்லிக்காய்க்கு தனித்துவமான இடம் உண்டு. சிறிய அளவில் காணப்பட்டாலும், நெல்லிக்காயில் வைட்டமின் சி, பாலிஃபீனால்கள், ஃபிளாவனாய்டுகள் மற்றும் டானின்கள் போன்ற உடலுக்கு நன்மை பயக்கும் சேர்மங்கள் நிறைந்துள்ளன.

பொதுவாகவே காய்கறிகள் மற்றும் பழங்கள் பல்வேறு ஊட்டச்சத்துக்களையும், ஆரோக்கிய நன்மைகளையும் கொண்டுள்ளன. அந்த வகையில், சௌசௌ காயிலும் ஏராளமான நன்மைகள் நிறைந்துள்ளன. குறிப்பாக, கலோரிகள் குறைவாகவும், நார்ச்சத்து நிறைந்தும் இருப்பதால், உடல் எடையைக் குறைக்க நினைப்பவர்களுக்கு சௌசௌ ஒரு சிறந்த உணவுத் தேர்வாகும். மேலும், இதில் உள்ள ஃபோலேட் (வைட்டமின் B9) உள்ளிட்ட சத்துக்கள் புதிய ரத்த அணுக்கள் உருவாகவும் உதவுகின்றன. இத்தனை நன்மைகள் நிறைந்த சௌசௌ காயை வைத்து, சுவையான பொரிச்ச குழம்பை எளிமையாக எப்படிச் செய்வது என்பதை இந்தப் பதிவில் பார்க்கலாம்!

பொதுவாகவே, நாம் அன்றாடம் சாப்பிடும் உணவுகளுக்கு கூடுதல் சுவையையும், தனித்துவமான மணத்தையும் சேர்ப்பதில் ஊறுகாய்களுக்கு எப்போதுமே ஒரு தனி இடம் உண்டு. எலுமிச்சை ஊறுகாய், அன்னாசி ஊறுகாய், மாங்காய் ஊறுகாய், நெல்லிக்காய் ஊறுகாய் எனப் பலவிதமான ஊறுகாய்கள் இருந்தாலும், ஒவ்வொன்றுக்கும் தனித்துவமான சுவையும் ரசிகர்களும் இருக்கிறார்கள்.

முட்டையை அவித்த பின்பு அதனை ஆம்லேட்டாக செய்வது எவ்வாறு என்பதை குறித்து இந்த பதிவில் தெரிந்து கொள்வோம். புரதச்சத்து நிறைந்த முட்டையை குழந்தைகள் முதல் பெரியவர்கள் வரை அனைவரும் விரும்பி சாப்பிடுகின்றனர். அதிலும் முட்டை என்றால் ஆம்லெட் தான் முதலில் நினைவிற்கு வருகின்றது. வீட்டில் என்னதான் சுவையாக குழம்பு இருந்தாலும் அருகில் ஒரு முட்டையை ஆம்லெட் போட்டு வைத்து சாப்பிட்டால் சாப்பாடு 5 நிமிடத்திற்குள் தட்டில் காலியாகிவிடும்.

தேங்காய் எண்ணெய் என்பது நம் அன்றாட வாழ்க்கையோடு பின்னிப் பிணைந்த ஒரு இயற்கையான பொருள். தலைமுடியைப் பராமரிக்கவும், சருமத்தை மென்மையாக வைத்திருக்கவும், சமையலுக்குப் பயன்படுத்தவும் என இது தொன்று தொட்டு பயன்பாட்டில் இருந்து வருகின்றது. நம் பாட்டி, அம்மா காலத்திலிருந்தே வீட்டிலேயே தேங்காய் எண்ணெய் தயாரித்துப் பயன்படுத்தும் பழக்கம் இருந்து வருகிறது. ஆனால் தற்காலத்தில், கடைகளில் கிடைக்கும் தேங்காய் எண்ணெயின் தரம், தயாரிப்பு முறை ஆகியவற்றில் சற்று ஐயம் இருக்கத்தான் செய்கின்றது. அதிக விலை கொடுத்து வாங்கினாலும், இந்த தேங்காய் எண்ணெய் சுகாதாரமான முறையில் தயாரி்கப்படுகின்றதா என்பதும் கவப்படம் அற்றதா என்பதும் சந்தேகம் தான்.

இரவில் தூங்கும் போது பூண்டை தலையனைக்கு அடியில் வைத்து தூங்கினால் கிடைக்கும் நன்மையைக் குறித்து தெரிந்து கொள்வோம். பொதுவாக சமையலுக்கு பழங்காலம் முதலே பூண்டை பயன்படுத்தி வருகின்றனர். ஆரோக்கியம் மற்றும் பாதுகாப்பின் அடையாளமாக பூண்டு பயன்படுத்தப்பட்டு வருகின்றது. இந்தியா, எகிப்து, கிரீஸ் போன்ற பழங்கால மக்கள் பூண்டை ஒரு மருந்தாகவே பார்த்தார்கள். இது நோய் எதிர்ப்பு சக்தியையும் செரிமானத்தையும் அதிகரிக்கும் என்று உறுதியாக நம்புகின்றனர்.

அசைவ உணவில் அனைவருக்கும் பிடித்த சிக்கனை வைத்து கேரளா ஸ்டைலில் சிக்கன் மப்பாஸ் எவ்வாறு செய்வது என்பதை தெரிந்து கொள்வோம். அசைவ பிரியர்கள் அதிகமாக விரும்பி சாப்பிடும் உணவுகளில் ஒன்று சிக்கன் ஆகும். சிக்கனை கிரேவி, ப்ரை, 65 என பல விதமாக சமைத்து சாப்பிட்டிருப்போம். ஆனால் கேரள ஸ்டைலில் சற்று வித்தியாசமான ரெசிபியான மப்பாஸ் செய்வது எப்படி என்பதை இந்த பதிவில் தெரிந்து கொள்வோம்.

அசைவ பிரியர்கள் விரும்பும் சிக்கனில் ரசம் வைப்பது குறித்து இந்த பதிவில் தெரிந்து கொள்வோம். அசைவ பிரியர்களுக்கு விருப்பமாக இருக்கும் சிக்கன் குழம்பு மற்றும் கிரேவி செய்வதை நாம் அவதானித்திருப்போம். சிக்கனை வைத்து ரசம் சமைப்பது குறித்து பலருக்கும் தெரிந்திருக்காது. இந்த பதிவில் சிக்கனில் ரசம் எவ்வாறு செய்வது என்பதை இந்த பதிவில் தெரிந்து கொள்வோம்.

காலை வெறும் வயிற்றில் சாப்பிடக்கூடாத உணவுகளைக் குறித்து இந்த பதிவில் தெரிந்து கொள்வோம். ஆரோக்கியமாக வாழ்வதற்கு நாம் அன்றாடம் செய்யும் சின்ன சின்ன தவறுகள் கூட தடையாக இருக்கலாம். மேலும் காலை வெறும்வயிற்றில் எடுத்துக் கொள்ளும் உணவுகள் மிகவும் முக்கியமானவைகள். நாம் சாப்பிடும் உணவுகளில் உள்ள சத்துக்கள் உறிஞ்சப்பட்டு, நம்மை ஆரோக்கியமாக வைப்பதில் முக்கியமாகும். இதற்கு சரியான உணவாக தெரிவு செய்வது மிகவும் முக்கியமாகும்.

காலை வெறும்வயிற்றில் வெதுவெதுப்பான எலுமிச்சை தண்ணீர் குடிப்பதால் கிடைக்கும் ஆரோக்கிய நன்மையைக் குறித்து தெரிந்து கொள்ளலாம். பொதுவாக காலை எழுந்ததும் நாம் செய்யும் சில செயல்கள் நாள் முழுவதும் நம்மை ஆரோக்கியமாகவும், சுறுசுறுப்பாகவும் வைத்திருக்கின்றது. அதிலும் காலையில் நாம் எடுத்துக் கொள்ளும் பானங்கள் மிக முக்கியமாக இருக்கின்றது. ஆதலால் ஆரோக்கிய பழக்கங்களை நாம் பின்பற்றுவது அவசியம் ஆகும்.