வால்நட்... நட்ஸ் வகைகளில் ஒன்று. சமீப வருடங்களாக பல கட்ட ஆராய்ச்சிகளின் முடிவுகளை கொண்டு மருத்துவ உலகமும் இதை அதிக மாக பரிந்துரைக்க தொடங்கியுள்ளது. மருத்துவர்களும் வளரும் பிள்ளைகளுக்கு ஸ்நாக்ஸ்-க்கு மாற்றாக நட்ஸ் வகைகளை கொடுக்க வலி யுறுத்துகிறார்கள். இவை உடல் ஆரோக்கியத்துக்கு குறிப்பாக உடல் உள்ளுறுப்புகளுக்கு பல நன்மைகளை தந்துவருகிறது. அந்த வகையில் வால்நட் சாப்பிடுவதால் மூளைக்கு என்னவிதமான பயன்கள் கிடைக்கிறது என்பதை பார்க்கலாம்.

வால்நட்

அக்ரூட் மரங்களில் இருந்து பெறப்படும் கொட்டைகள் தான் வால்நட் என்று அழைக்கிறோம். வால் நட் இது மூளைக்கான உணவு என்று அழைக்கிறார்கள். அதற்கேற்பவே இதன் வடிவமும் கூட கூர்ந்து கவனித்தால் மூளையின் வடிவத்தை ஒத்திருக்கும். தற்போது முந்திரி, பாதாம் வகையறாக்களுடன் வால்நட் பயன்பாடும் அதிகரித்துவருகிறது. விலை அதிகம் என்றாலும் கூட இவை தரும் அளவில்லா ஆரோக்கியத்தால் வால்நட் பருப்பும் பெரும்பாலான வீட்டின் பட்டியலில் இடம்பிடித்திருக்கிறது.

அன்றாடம் பழங்கள் காய்கறிகள், கீரைகள் என்று சத்தான உணவை எடுத்துகொள்ளும் ஆரோக்கி யத்தில் அதிக அக்கறை கொண்டவர்கள் தவிர்க்காமல் பாதாம், வால்நட் போன்ற நட்ஸ் வகைகளை யும் சேர்த்துகொண்டால் ஆரோக்கியத்தில் குறை காண வாய்ப்பில்லை என்று பல ஆய்வுகளும் கூறி யுள்ளது. வால்நட்ஸ் பயன்கள் குறித்து பார்ப்பதற்கு முன் அதில் இருக்கும் சத்துகளையும் பார்த்து விடலாம்.

​வால்நட் சத்து

இதயத்துக்கு நன்மை தரும் ஒமேகா 3 கொழுப்பு அமிலங்கள் குறித்து அதிகம் படித்திருப்போம். இந்த ஒமேகா 3 கொழுப்பு அமிலம் வால்நட்- அதிகம் உள்ளது. இதில் இருக்கும் கொழுப்பு என்பது முழுக்க முழுக்க மோனோசேச்சுரேட் மற்றும் பாலி அன்சாச்சுரேட்டர் வகை கொழுப்பு. இவை இரண் டுமே கெட்ட கொழுப்பின் அளவை குறைக்ககூடியவை. இதை ஆய்வுகளும் நிரூபித்துள்ளது. நட்ஸில் இருக்கும் அதிகப்படியான ஆன்டி ஆக்ஸிடெண்ட்கள் இதயத்தையும், எலும்பு, மூட்டுகளை யும் பாதுகாக்கிறது.

இந்த உறுப்புகளை பாதிக்கும் இன்ஃப்ளமேஷனை எதிர்க்கும் அளவான வைட்ட மின் ஈ நட்ஸில் அதிக அளவு இருக்கிறது. இதனால் இதய நோய் மட்டுமல்லாமல் பக்கவாதம் போன்ற பிரச்சனைகளும் உண்டாகாது. வால்நட்ஸில் வைட்டமின், மினரல்கள் அதிகப்படியாக இருக்கிறது. மேற்கண்ட இந்த சத்துகள் உடலை ஆரோக்கியமாகவும் இளமையாகவும் வைக்க உதவுகிறது. இந்த சத்துகளை உள்ளடக்கியிருக்கும் வால்நட் சாப்பிடுவதால் அதிகப்படியான நன்மையை பெறும் மற்றொரு உறுப்பு மூளை. ஏன் என்பதை பார்க்கலாம்.

​நினைவாற்றல் அதிகரிக்கும்

மூளையின் பணியை சீராக செயல்படுத்த உதவுவதில் வால்நட் மிகச்சிறப்பாக செயல்படுகிறது என்றே சொல்லலாம். ஆய்வுகளில் மூளையின் அறிவுத்திறன் ஐ. க்யூ என்று சொல்லக்கூடிய இந்த திறன் மேம்பட இவை உதவுவதாக கூறியுள்ளது. மேலும் இவை படைப்பாற்றலை அதிகரிக்கவும் உதவுகிறதாம். உடல் சோர்வு போன்று மூளை சோர்வு உண்டாகாமல் இருக்க மூளையை அமைதிப் படுத்தி பாதுகாக்கவும் வால்நட் பயன்படுகிறது என்கிறது மற்றொரு ஆய்வு ஒன்று.

பொதுவாக நட்ஸ் வகைகள் எல்லாமே மூளையை ஆரோக்கியமாக வைத்திருக்க உதவும். அதில் மிக சிறப்பாக செயல்படுவது வால்நட். அதிக ஆராய்ச்சிகளின் தகவல் படி வால் நட் சாப்பிடுபவர்களின் மூளை செயல்பாடுகள் ஆரோக்கியமாக இருக்கிறது என்று தெரிவிக்கிறது.உடலில் இருக்கும் அசுத்த இரத்தத்தை சுத்தம் செய்து சுத்தமான இரத்தத்தை மூளைக்கு அனுப்ப பெரிதும் துணை புரிவதால் மூளையின் செயல்பாடு சிறப்பாக இருக்கிறது. மேலும் இவை அவர்களது மூளை வளர்ச்சி யோடு நினைவாற்றலையும் பாதுகாப்பதாகவும் கூறுகிறது.

​மறதி நோய் (டிமென்ஷியா) தடுக்கும்

வால்நட் குறித்து சமீபமாக எடுக்கப்பட்ட ஆய்வுகளில் வால்நட் அதிகப்படியான புரதச்சத்துக்களை கொண்டிருப்பதால் இவை மறதி நோய் வராமல் காக்கும் என்று கூறுகிறது. மூளையின் செல்களை புத்துயிர் பெற உதவுவதோடு நரம்பு சம்பந்தப்பட்ட நோய்கள் வராமல் தடுக்கிறது. வயதானால் பலருக்கு ஞாபக மறதி நோய்வருவதுண்டு.

டிமென்ஷியா என்று அழைக்கப்படும் மறதி நோய் முதலில் மூளையின் செயல்பாட்டை படிப்படி யாக குறைத்து சிந்திக்கும் திறன், உணர்ச்சிகளை கட்டுப்படுத்தி உடல் செயல்பாட்டை பாதிக்க செய்யும். மூளை பாதிப்பால் உண்டாகும் இந்த டிமென்ஷியா நோயை குணப்படுத்த இதுவரை மருந்துகள் கண்டுபிடிக்கவில்லை என்பது குறிப்பிடத்தக்கது. மூளைக்கு சரியாக இரத்த ஓட்டம் பாயாத போது இந்த நோய் தாக்குதலுக்கு உள்ளாக அதிக வாய்ப்புண்டு என்பதால் மூளையின் ஆற்றலை பலப்படுத்த தேவையான உணவை எடுத்துகொள்வது அவசியம்.

​மூளை மழுங்கு நோய் (அல்சைமர்) தடுக்கும்

மூளையில் உள்ள நரம்பு செல்கள் வழியாக செல்லும் தகவல் தொடர்புகள் சீராக இருக்கும் வரை மூளைக்கு எந்தவிதமான பிரச்சனையும் உண்டாவதில்லை. ஆனால் இந்த நரம்பு செல்களில் தேவையற்ற கெட்ட புரதங்கள் அடைக்கும் போது மூளைக்கு தகவல் பரிமாற்றம் செல்வதும் தடைபடுகிறது. இதனால் மூளையில் தேய்மானம் உண்டாகிறது. இவை நினைவாற்றலை இழக்க செய்வதோடு மூளையில் பதிவுத்திறனையும் குறைத்துவிடுகிறது. புதிய தகவல்கள் பதியாது. அதனால் நினைவு கூறும்போது அந்த தகவல் மூளைக்கு வருவதில்லை. இந்த நோய் தான் மூளை மழுங்கு நோய் அல்லது அல்சைமர் என்று அழைக்கப்படுகிறது.

மூளையில் உண்டாகக்கூடிய குறைபாட்டை குணப்படுத்த முடியாது. ஆனால் இதனுடைய வேகத் தை குறைக்கலாம். நினைவாற்றலை அதிகரிக்க செய்யலாம். இதற்கு ஒரு பகுதியாக உணவு பழக் கத்திலும் மூளைக்கு உதவக்கூடிய உணவு வகைகளையும் தவிர்க்காமல் எடுத்துகொள்ள வேண்டும். அந்தவகையில் வால்நட் பயன்பாடு மூளைகேற்ற உணவு என்பதால் தினமும் 10 லிருந்து 15 வால் நட்களை எடுத்துகொள்ளுங்கள். குழந்தைகள் முதல் அனைவரும் தினமும் 10 வால்நட் எடுத்து கொள்வதை வழக்கமாக்கி கொள்ளுங்கள். ஆரோக்கியமும் ஆரோக்கியமான மூளையும் உங்கள் வசமாக்குங்கள்.