கறிவேப்பிலை இல்லாத சமையலே இல்லை என்று சொல்லுமளவு உணவு பொருள்களில் நீக்கமற நிறைந்திரு க்கிறது. இதை வாசனைக்காக மட்டும் பயன்படுத்தவில்லை என்பதை உணர்ந்திருப்பவர்களின் சதவீதம் குறைவு என்றே சொல்லலாம். சமீப வருடங்களாக சர்க்கரை நோய், இரத்த அழுத்தம் போன்ற முக்கிய நோயை தாண்டி, அழகு குறிப்புகளில் அதிகம் பயன்படுத்தப்படுகிறது. தற்போது இதற்கான விழிப்புணர்வு அதிகரித்துவருகிறது என்றும் சொல்லலாம். கறிவேப்பிலையின் பயன்களை தெரிந்து கொண்டால் அதை பயன்படுத்தும் ஆர்வமும், சாப்பிடும் ஆர்வமும் இயல்பாக வந்துவிடும் என்கிறார்கள் உணவு பொருள்களை ஆராய்ச்சி செய்பவர்கள். கறிவேப்பிலை காலங் காலமாக சித்த மருத்துவத்திலும்,ஆயுர்வேதத்திலும் பயன்படுத்தப்பட்டு வருகிறது குறிப்பிடத்தக்கது. கறி வேப்பிலை என்பது ஒரு வகை இலை. இது கறிவேம்பு இலை என்ற பெயரை உடையது. காலப்போக்கில் மருவி கறிவேப்பிலை ஆகிவிட்டது. தனி மணமும் சுவையும் கொண்ட இந்த இலையை வெறும் வாயில் இட்டு மென்றால் சற்று காரம் இலேசான கசப்பு சுவையை அளிக்கும். அதனால் பெரும்பாலோனோர் உணவில் இருக்கும் கொத்துமல்லித் தழையை சாப்பிட்டாலும் கறிவேப்பிலையை முதலில் எடுத்து அப்புறப்படுத்திய பிறகு சாப்பிட தொடங்குவார்கள். இதன் நன்மைகளை அறியாமல் இருப்பவர்கள் இனியாவது தெரிந்து கொள்ள தொடர்ந்து படியுங்கள்.

மணம் சுவை கொண்ட சாதாரண பொருள் அல்ல கறிவேப்பிலை. பலவிதமான சத்துகளையும், வைட்டமின் களையும் உள்ளடக்கியது. கறிவேப்பிலையில் மக்னீஷியம், கால்சியம், பாஸ்பரஸ், இரும்புச்சத்து, தாமிரல் போன்ற தாதுசத்துகளும், வைட்டமின் ஏ,பி,சி, இ, அமினோ அமிலங்கள், கிளோக்கோஸைடுகள், ஃப்ளேவ னாய்டுகள், ஆன்டி ஆக்ஸிடண்ட், கார்போ ஹைட்ரேட், நார்ச்சத்துகளும் நிறைந்திருக்கின்றன. (சக்கையை உள்ளிழுத்து சத்தை வெளியே தள்ளிகொண்டிருக்கிறோம் என்பது இப்போதாவது புரிகிறதா)

கறிவேப்பிலையின் மருத்துவ குணங்கள் குறித்து பல ஆய்வுகள் மேற்கொள்ளபட்டது. கறிவேப்பிலையில் இரும்புச்சத்து நிறைந்திருப்பதால் ஹீமோகுளோபின் குறைபாடு நேராது. இதனால் இரத்த சோகை வராமல் தடுக்கலாம். தற்போது ஹீமோகுளோபின் அளவு குற்றைபாடு என்பது அனைத்து வயதினரிடமும் அதிகமாக காணப்படுவதாக ஆய்வு தெரிவிக்கிறது. இவர்கள் தினமும் உணவில் கறிவேப்பிலையை துவையலாகவோ பொடி செய்தோ சேர்த்து வந்தால் இந்த குறைபாடு விரைவில் நீங்கும்.

உடலில் சேரும் அதிகப்படியான கெட்ட கொழுப்புகளை வெளியேற்றவும் நல்ல கொழுப்பின் அளவை அதிக ரி க்கவும் கறிவேப்பிலை உதவுகிறது. உடலில் இரத்த நாளங்களில் இரத்த ஓட்டத்தை தடை செய்யும் வகையில் கெட்ட கொழுப்புகள் படிவதுண்டு. அதை கரைத்து வெளியேற்றுவதால் இரத்த ஓட்டம் சீராக உடலின் அனைத் து பாகங்களுக்கும் செல்கிறது. இதனால் இதயத்தில் ஆரோக்கியம் பாதிக்காமல் பாதுகாக்கப்படுகிறது. இதயம் வலுவாகவும், இதய தசைகள் பாதுகாப்பாகவும், இதய நோய் வராமலும் இருக்க தினம் ஒரு கைப்பிடி அளவு கறிவேப்பிலையை எடுத்துகொள்ளலாம் என்கிறார்கள்.

உடலில் நோய் எதிர்ப்பு சக்தியை அதிகரிக்க கறிவேப்பிலை உதவுகிறது. கறிவேப்பிலையில் இருக்கும் வைட்ட மின் ஏ கண்களை பாதுகாக்க உதவுகிறது, இவை கரோட்டினாய்டு பாதிப்பை வராமல் தடுக்கும். பார்வை குறைபாட்டை உண்டாக்காமல் காக்கும். மேலும் இதிலிருக்கும் வைட்டமின் சி கல்லீரலை பலப்படுத்துகிறது. கல்லீரலில் இருக்கும் செல்களை பாதுகாத்து கல்லீரலை ஆரோக்கியமாக செயல்பட வைக்கிறது. மிக முக்கியமாக புற்றுநோய் உண்டாவதை தடுக்கவும் கறிவேப்பிலை சிறப்பாக செயல்படுகிறது. ஃபீனால் என்னும் வேதிப்பொருள் கறிவேப்பிலையில் மிகுந்திருக்கிறது. இவை குடல் புற்றுநோய் செல்களை வர விடா மல் தடுக்கிறது. அதை எதிர்த்து போராடக்கூடிய கார்பாஸோல் ஆல்கலாய்டுகள் கறிவேப்பிலையில் அதிகமா கவே உள்ளது. வயிற்றில் உண்டாகும் கோளாறு, வயிற்றுப்போக்கு போன்றவைற்றையும் இவை குணப்படுத்து கிறது. இவை குடல், வயிறு, கல்லீரல் உறுப்புகளை பலமாக்கி புற்றுநோய் தாக்காமல் பாதுகாக்கிறது.

இன்று செரிமானப் பிரச்சனையால் அவதிப்படும் பலருக்கும் கறிவேப்பிலை நல்ல தீர்வாக இருக்கும். செரிமான பிரச்சனை அதை தொடர்ந்து வயிறு மந்தமாக இருப்பது, பிறகு மலச்சிக்கல் என்று சிக்கல் மேல் சிக்கலாக அவதிப்படுபவர்கள் கறிவேப்பிலையை சாப்பிட்டால் செரிமானம் தூண்டப்படும். பசியின்மை பிரச்சனை இருக்காது. ஜீரண உறுப்புகள் துரிதமாக செயல்படும். குறிப்பாக வளரும் குழந்தைகளுக்கு கறிவேப்பிலையை அவ்வபோது கொடுத்து வந்தால் செரிமான பிரச்சனை இன்றி சுறு சுறுப்பாக வளைய வருவார்கள். மந்ததன்மை இல்லாததோடு ஆரோக்கியமாக வளர்வார்கள். ஜீரண சக்தியை தூண்டும் கறிவேப்பிலை நீரிழிவு கட்டுக்கு வருவதற்கும் துணைபுரிகிறது. உணவில் இருக்கும் மாவுபொருள்கள் உடலுக்கு செல்லும் போது அதை குளுக்கோஸாக மாற்றி உடலுக்கு தருவதை செய்கிறது.

அழகு குறிப்பிலும் கறிவேப்பிலை பயன்பாட்டுக்கு சிறப்பான இடம் சொல்லலாம். கூந்தல் பிரச்சனையான முடி உதிர்வு, இளநரை, வறட்சியான கூந்தல், அடர்த்தி குறைவு இப்படி இருக்கும் அத்தனையும் சேர்த்து தீர்ப்பதில் மிக முக்கிய பங்கு இதற்கு உண்டு. கறிவேப்பிலை அப்படியே அரைத்து தலையில் தேய்த்து வந்தாலே முடிக்கு தேவையான ஊட்டச்சத்து நிறைவாக கிடைத்துவிடும். சருமத்தில் தேமல், அரிப்பு, நமைச்சல் பிரச்சனை இருப்பவர்களும் கறிவேப்பிலையை அரைத்து பூசி வந்தால் சருமப் பிரச்சனைகளும் ஓடிவிடும்.

இவ்வளவு ஏன் உடல் எடை குறைப்பதில் கூட கறிவேப்பிலை நன்றாகவே செயல்படுகிறது என்கிறார்கள் பயன்படுத்தி பலன் பெற்றவர்கள். இவ்வளவு குணங்கள் நிறைந்ததா கறிவேப்பிலை என்கிறீர்களா? ஆமாம் ஆனால் வெறும் உணவு பொருளில் இருக்கும் ஒன்றிரண்டு இலையை மட்டும் சாப்பிட்டால் போதுமா, இனி வாரம் ஒருமுறை கறிவேப்பிலை துவையல், கறிவேப்பிலை பொடி சாதம், கறிவேப்பிலை குழம்பு என்று சாப்பிடுங்கள். இன்னும் இன்னும் பலன் கிடைக்குமா எனக்கு நீரிழிவு வேறு இருக்கு என்று கேட்பவர்கள் தினமும் காலையில் பச்சையாக 10 இலைகளை மென்று வந்தால் அடுத்த 20 நாளில் நீரிழிவு உடற்சோர்வு, களைப்பு இல்லாமல் ஜம்மென்று வளைய வருவீர்கள். ஏனெனில் நீரிழிவை கட்டுப்படுத்துவதிலும் கறிவேப்பிலைக்கு முதல் மதிப்பெண் தான்.