கொரோனா வைரஸால் உயிரிழப்பவர்களின் எண்ணிக்கை நாளுக்கு நாள் அதிகரித்து வருகிறது. உலக சுகாதார நிறுவனம் கூறியுள்ளபடி மக்களும் சுகாதார நடவடிக்கைகளை பின்பற்றி வருகின்றனர். ஏனெனில் இது ஒரு தொற்று நோய் என்பதால் ஒருவரிடம் இருந்து மற்றவர்க்கு எளிதாக பரவும். எனவே மக்கள் எப்பொழுதும் சுத்தத்தை கடைபிடிக்க வேண்டியது அவசியமாகிறது. அடிக்கடி கை கழுவுவது, நம் வீட்டை சுத்தமாக வைப்பது போன்றவை COVID-19 வராமல் தடுக்க உதவுகிறது. ஆனால் வெறும் கைகளை மட்டும் கழுவினால் போதுமா, நமது கைகள் தலைமுடியை கோத வாய்ப்புள்ளது, முகத்தை தொட வாய்ப்புள்ளது, நகங்கள் சுத்தமாக இருக்குமா இது போன்ற கேள்விகளும் சந்தேகங்களும் மக்களிடையே இருக்கிறது. கொரோனா மற்ற பரப்புகளிலும் இருக்குமா, இருந்தால் எவ்வளவு காலம் நீடிக்கும் இது குறித்து மருத்துவர்கள் நிறைய கருத்துக்கள் தெரிவித்துள்ளனர். இந்த தகவல்கள் நமக்கு கொரோனா வைரஸை பற்றி அறிந்து கொள்வதற்கும், இதன் மூலம் அதை தடுக்க கூடுதல் நடவடிக்கைகளையும் நாம் மேற்கொள்ளவும் உதவியாக இருக்கும்.

​மருத்துவர்களின் கருத்துக்கள்

இந்த வைரஸ் மருத்துவர்களுக்கே புதியதாக இருக்கிறது. அதனால் இது குறித்து இன்னும் ஆராய்ச்சிகள் உலகளவில் நடந்து கொண்டு இருக்கின்றனர். இந்த வைரஸ் கடினமான மேற்பரப்புகளில் 2 மற்றும் 3 நாட்கள் உயிர் வாழ வாய்ப்புள்ளது. இந்த வைரஸூக்கு கிச்சன் கவுண்டர்டாப்ஸ் போன்ற பகுதிகளை அதிகம் விரும்புகிறது. எனவே வீட்டின் தரை மற்றும் மேற்பரப்புகளை நன்றாக சுத்தமாக வைக்க முற்படுங்கள். அதே மாதிரி இந்த வைரஸ் காற்றில் 3 மணி நேரம் நிலை நிறுத்தப்படுகிறது என்று மருத்துவ ஆய்வுகள் கூறுகின்றனர். ஆனால் இது இன்னும் நிரூபிக்கப்படவில்லை. இந்த தகவல் எப்பொழுது வேண்டுமானாலும் மாற்றம் பெறலாம்.

​​மனித தோலில் இந்த வைரஸ் எவ்வளவு காலம் வாழும்?

இந்த வைரஸ் ஒரு நபரிடமிருந்து மற்ற நபருக்கு பரவி அறிகுறிகளை காட்ட நீண்ட நாட்கள் எடுத்துக் கொள்கிறது. அது தான் இந்த கொரோனா பாதிப்பில் உள்ள சிக்கலே . அறிகுறிகள் சீக்கிரம் தெரியாத காரணத்தால் மக்கள் அலட்சியமாக இருக்கின்றனர். இதனால் பாதிக்கப்பட்ட மக்கள் தனக்கு இருப்பதைக் கூட தெரியாமல் மற்ற நபர்களுடன் தொடர்பு கொள்கின்றனர். இதனால் இந்த வைரஸ் வேகமாக பரவி வருகிறது.

​​நகச்சுத்தம்

இந்த வைரஸிலிருந்து தப்பிக்க நீங்கள் வெறும் கைகளை மட்டும் மேலோட்டமாக கழுவினால் போதாது. நகங்களையும் இடுக்குகளையும் தூய்மை செய்து கொள்ளுங்கள். நெயில் பாலிஷ் போன்றவை போட்டால் கூட நகங்களை சரியாக சுத்தம் செய்யுங்கள். ஏனெனில் அக்ரிலிக் நகங்கள் கிருமிகள் பதுங்குவதற்கு ஏதுவான இடமளிக்கிறது. ஏனெனில் அக்ரிலிக் நகங்கள் வைரஸ் வசிப்பதற்கு பிளவுகளை உண்டாக்குகிறது. இந்த பிளவுகளின் இடுக்குகளில் கொரோனா வைரஸ்கள் ஒழிந்து கொள்கிறது. நீங்கள் கைகளை சுத்தம் செய்தால் கூட நகங்கள் சுத்தமாவது கடினம் என்கின்றனர் மருத்துவர்கள். அதே மாதிரி நகங்களுக்கு அடிப்பகுதியில் நல்ல சுத்தத்தை நீங்கள் செய்ய வேண்டும்.

​​செயற்கை நகங்கள் வேண்டாம்

சி. டி. சி தங்கள் மருத்துவமனையில் பணிபுரியும் ஊழியர்கள் நீண்ட நகங்களையோ அல்லது செயற்கை நகங்களையோ வைக்க கூடாது என்று கட்டளையிட்டு உள்ளது. ஏனெனில் நீங்கள் கைகளை கழுவின பிறகும் கூட கிருமிகள் நகங்களில் வாழ வாய்ப்புள்ளது என்கிறார்கள் மருத்துவர்கள். எனவே நீண்ட நகங்களை பெரும்பாலும் இந்த மாதிரியான நேரங்களில் தவிர்ப்பது நல்லது. இல்லையென்றால் கூடுதல் நகச் சுத்தத்தை மேற்கொள்ளுங்கள். அதே மாதிரி தயவு செய்து செயற்கை நகங்களை வைக்காதீர்கள். இது தொற்றை எளிதாக பரவ வைத்துவிடும்.

​​நமது முடி மற்றும் தோலில் கொரோனா வாழுமா?

நமது முடி மற்றும் சருமம் குறித்து நீங்கள் அதிகமாக கவலைப்பட வேண்டாம். ஏனெனில் அவை பாதிக்கப்பட்ட மேற்பரப்புகளுடன் அரிதாகவே தொடர்பு கொள்ளும். ஆனால் கைகளைக் கொண்டு முடிகளை அதிகமாக சுழற்றுவதை குறையுங்கள். இதனால் தொற்று அந்த பகுதிக்கு பரவ வாய்ப்புள்ளது. ஆனால் உங்க முடியுடன் மற்றவர் தொடர்பு குறைவு என்பதால் முடி வழியாக தொற்று பரவுவது குறைவு. ஆனால் நாம் கைகளைக் கொண்டு மற்றவருடன் அதிகமாக தொடர்பு கொள்கிறோம். எனவே தான் கை சுகாதாரம் அவசியம் என்று பரிந்துரைக்கப்படுகிறது. மேலும் கைகளை நம் உடல் பாகங்களில் எங்கு வைத்தாலும் உடனே தொற்று பரவ வாய்ப்புள்ளது. எனவே தான் முதலில் கைகளை சுத்தமாகி கழுவி விடுவது நல்லது என்று உலக சுகாதார நிறுவனம் கூறியுள்ளது.

​​கை கழுவ சோப்பு சிறந்ததா, இல்லை சானிட்ரைசர் வேண்டுமா?

உண்மையில் கையை முழுமையாக சுத்தம் செய்ய சோப்பு மற்றும் தண்ணீர் போதும் என்கிறார்கள் மருத்துவர்கள் . காரணம் ஆன்டி பாக்டீரியல் சோப்பு தான் சிறந்தது என்று ஆய்வுகள் எதுவும் சொல்லவில்லை . நீங்கள் வெளியே இருந்தால் சோப்பு மற்றும் தண்ணீர் கொண்டு அடிக்கடி கழுவிக் கொண்டு இருக்க முடியாது. எனவே தான் வெளியே இருக்கும் சமயங்களில் சானிட்ரைசர் கொண்டு சுத்தம் செய்ய பரிந்துரைக்கப்படுகிறது. சானிட்ரைசர் நம் கைகளை முழுமையாக சுத்தம் செய்வதில்லை. கைகளில் உள்ள அழுக்குகள் மற்றும் இயற்கையான எண்ணெய்கள் நாம் சுத்தம் செய்த பிறகும் கூட வைரஸ் அங்கேயே இருக்க உதவுகிறது.

​​எப்படி கழுவ வேண்டும்?

கைகளை சோப்பு மற்றும் தண்ணீர் கொண்டு குறைந்தது 20 விநாடிகள் வரை நன்றாக தேய்த்து நக இடுக்குகள் மற்றும் விரல் இடுக்குகளை எல்லாம் தேய்த்து முழுமையாக சுத்தம் செய்யுங்கள். தேய்த்து கழுவுதல் உங்க கைகளில் உள்ள வைரஸை வெளியேற்றுகிறது. மற்ற பாகங்களுக்கு பரவாமலும் மற்றவர்க்கு பரவாமலும் தடுக்கப்படுகிறது. எனவே இதன் படி கை சுகாதாரம் செய்ய முயற்சி செய்யுங்கள். நாம் ஒருவர் செய்யும் கை சுகாதாரம் பல உயிர்களை காக்க உதவி செய்யும் என்பதை மறவாதீர்கள்.