கோவிட்-19 மனிதத் தொடர்புகளின் மூலமாக ஒருவரிடமிருந்து மற்றவர்களுக்கு மிக எளிதாகவும் வேகமாகவும் பரவுகிறது. இந்த கோவிட்-19 நோய்க்குக் காரணமாக இருப்பது சார்ஸ் குடும்பத்தைச் சேர்ந்த SARS-COV2 என்னும் வைரஸ் தான். இது காற்றில் மூன்று மணி நேரம் வரையிலும் பிளாஸ்டிக், எவர் சில்வர் மற்றும் மற்ற இடங்களில் மூன்று நாட்கள் வரையிலும் உயிர் வாழக் கூடும். இதில் நாம் முகத்துக்கு மாஸ்க் அணிவது என்பது நம்முடைய மூச்சுக் குழாயின் வழியே வைரஸ் தொற்று பரவாமல் தடுப்பதற்கான குறைந்தபட்ச வாய்ப்பே இருக்கிறது என்று சொல்லப்படுகிறது.

மாஸ்க் தட்டுப்பாடு அதிக அளவில் ஏற்பட்டிருக்கும் இந்த நிலையில், வீட்டில் உள்ள பொருள்களைக் கொண்டு தயாரிக்கப்படும் ஹோம்மேடு மாஸ்க் செய்து பயன்படுத்திக் கொள்ளவும் பரிந்துரைகள் செய்யப்பட்டன. அதன்படி உங்களையும் உங்களுடைய வீட்டில் உள்ளவர்களையும் கொரோனா வைரஸ் தொற்றிலிருந்து பாதுகாக்க ஹோம்மேடு மாஸ்க் செய்து கொடுங்கள். ஆனால் அதற்கு முன்னர் உலக சுகாதார நிறுவனம் வலியுறுத்தும் சில வழிமுறைகளையும் மனதில் வைத்துக் கொண்டு செயல்படுவது நல்லது. அவை என்னென்னவென்று இங்கே பார்க்கலாம்.

ஹோம்மேடு மாஸ்க் பயன்படுத்துகின்ற பொழுது, நீங்கள் கவனிக்க வேண்டிய சில விஷயங்கள்..

* நீங்கள் அணிவதற்கு முன்பாக, சுத்தமாக துவைத்து உலர்த்தப்பட்டதாக இருக்க வேண்டும்.

* மாஸ்க்கை அணிவதற்கு முன்பாக உங்களுடைய கைகளை நன்றாக சோப்பு போட்டு சுத்தமாகக் கழுவ வேண்டும்.

* ஏற்கனவே அணிந்திருக்கும் மாஸ்க்கில் அழுக்கோ தூசியோ படிந்துவிட்டால் உடனே அந்த மாஸ்க்கை கழற்றிவிட்டு வேறு மாஸ்க் அணியுங்கள். ஏற்கனவே அணிந்திருந்த மாஸ்க்கை உடனடியாக சுத்தம் செய்வது நல்லது.

* ஒருமுறை அணிந்த மாஸ்க்கை சுத்தம் செய்யாமல் இரண்டு முறை அணியவே கூடாது. இந்த மேற்கண்ட வழிமுறைகளையெலல்லாம் பின்பற்றினாலே போதுமானது.