பொதுவாக அனைவருக்குமே உடலை கட்டுக்கோப்பாக வைத்துக்கொள்ள வேண்டும் என்ற ஆசை இருக்கும். ஆனால், நமது மனமும் உடலும் பெரும்பாலான சமயங்களில் அதற்கு ஒத்துப்போவதில்லை. சரியான நேரத்தில் உடல் எடையை குறைக்கவிட்டால், அது பெரிய பிரச்சனைகளை ஏற்படுத்தலாம் என நிபுணர்கள் கூறுகின்றனர்.

எந்த விதமான உடற் பயிற்சியும் செய்யாமல் எளிமையான வழியில் உடல் எடையை குறைக்க ஆசைப்பட்டால் அதற்கு சரியான தீர்வு உணவு முறையில் மாற்றத்தை கொண்டுவருவது தான்.

அந்த வகையில் உடல் எடையை இலகுவாக குறைக்க சுரைக்காய் சிறந்த தெரிவாக இருக்கின்றது. உடலில் உயர் இரத்த அழுத்தம், நீரிழிவு நோய், மற்றும் வேறு சில நோய்களையும் கட்டுப்படுத்தும் சுரக்காயை கொண்டு அனைவரும் விரும்பி சாப்பிடும் வகையில் கூட்டு எவ்வாறு செய்யலாம் என இந்த பதிவில் பார்க்கலாம்.

தேவையான பொருட்கள்

சுரைக்காய் - 1

பாசிப்பருப்பு - 1/2 கப்

தண்ணீர் - தேவையான அளவு

உப்பு - தேவையான அளவு

தாளிக்க தேவையானவை

எண்ணெய் - 1 தே.கரண்டி

கடுகு - 1 தே.கரண்டி

காய்ந்த சிகப்பு மிளகாய் - 2

கறிவேப்பிலை - சிறிதளவு

அரைக்க தேவையானவை

துருவிய தேங்காய் - 3/4 கப்

அரிசி மாவு - 2 தே.கரண்டி

வரமிளகாய் - 2

மஞ்சள் தூள் - 1 தே.கரண்டி

சீரகம் - 1தே.கரண்டி

செய்முறை

முதலில் சுரைக்காயை நன்றாக சுத்தம் செய்து சிறு துண்டுகளாக வெட்டி தனியாக எடுத்துவைத்துக்கொள்ள வேண்டும்.

பின்னர் அதில் பாசிப்பருப்பு, தேவையான அளவு தண்ணீர் மற்றும் உப்பு சேர்த்து மூடி 20 நிமிடங்கள் வரையில் நன்றாக வேகவைக்க வேண்டும்.

இதற்கிடையே துருவிய தேங்காய், அரிசி மாவு, வரமிளகாய், மஞ்சள் தூள் மற்றும் சீரகம் ஆகியவற்றை மிக்ஸி ஜாரில் ஒன்றில் போட்டு தேவையான அளவு தண்ணீர் சேர்த்து பேஸ்ட் போன்ற பதத்தில் அரைத்துக்கொள்ள வேண்டும்.

அந்த பேஸ்டை வேக வைத்திருக்கும் சுரைக்காயுடன் சேர்த்து நன்றாக கிளறிவிட்டு கொதிக்க வைக்க வேண்டும்.

பின்னர் அடுப்பில் இன்னொரு பாத்திரத்தை வைத்து எண்ணெய் ஊற்றி சூடானதும் கடுகு போட்டு வெடித்ததும் சிறிதளவு காய்ந்த சிகப்பு மிளகாய் மற்றும் கறிவேப்பிலை சேர்த்து தாளித்து வேண்டும்.

பின்னர் இந்த தாளிப்பை சுரைக்காயில் போட்டு கலந்து இறக்கினால் சுவையான சுரைக்காய் கூட்டு தயார். வாரம் இரண்டு முறை இந்த கூட்டு சாப்பிட்டு வந்தால் உடல் உடையை கட்டுக்குள் வைத்துக்கொள்ள முடியும்.