கெத்து என்ற வார்த்தை தமிழ் வார்த்தை இல்லை என்று கூறி தமிழக அரசு படத்திற்கு யு சான்றிதழ் கொடுத்தும் வரிவிலக்கு கொடுக்க மறுத்துவிட்டது. இதனை எதிர்த்து சென்னை நீதிமன்றத்தில் வழக்கு தொடர்ந்தார் உதயநிதி.நேற்று இந்த வழக்கு விசாரணையில், கெத்து என்கிற வார்த்தையை ஆங்கிலத்தில் குறிப்பிடும்போது கே என்கிற முதல் எழுத்துக்கு பதிலாக ஜி என்று குறிப்பிட்டுள்ளனர். கெத்து என்பது தமிழ் வார்த்தை கிடையாது என்று அரசு தரப்பில் ஆஜரான வக்கீல் கூறினார்.இதனையடுத்து வழக்கு விசாரணையை வருகிற 29ம் தேதி நீதிமன்றம் தள்ளிவைத்ததுடன், அரசின் சார்பில் விரிவான பதில் அளிக்கவும் உத்தரவிட்டது.