விகாஸ் பால் இயக்கத்தில் கங்கனா நடித்த படம், குயின். 2013-ல் வெளிவந்தது. திருமணம் ரத்தானதால், தேநிலவைத் தனியே கொண்டாடிய பெண்ணைப் பற்றிய கதைதான் குயின். ஹிந்தியில் அதிக வசூலை அள்ளிய இந்தப் படம் தற்போது தமிழ் மற்றும் தெலுங்கில் ரீமேக் ஆக உள்ளது.ரேவதி இயக்கும் இந்தப் படத்துக்குத் தமிழ், தெலுங்கு என இரு மொழிகளிலும் சுஹாசினி வசனம் எழுதுகிறார். படத்தின் முதல் பாதிக்கான வேலைகளை சுஹாசினி முடித்துவிட்டார், அடுத்தச் சில மாதங்களில் மொத்த வேலைகளையும் முடித்துவிடுவார். அக்டோபர் அல்லது நவம்பரில் படப்பிடிப்பு தொடங்கும் என்று படக்குழு தகவல் தெரிவித்துள்ளது.