ராகவா லாரன்ஸ் என்றால் நம் அனைவருக்கும் உடனடியாக நினைவுக்கு வரும் படம் காஞ்சனா தான். முனி படத்தில் துவங்கி காஞ்சனா 3 வரை அனைத்து திரைப்படங்களும் சூப்பர்ஹிட்டாகியுள்ளது. காஞ்சனா 4 வரும் என காஞ்சனா 3 படத்தின் இறுதியிலேயே ராகவா லாரன்ஸ் கூறியிருந்தார். அதே போல் பல பேட்டிகளிலும் அதற்கான வேலைகள் நடந்து வருகிறது என்றும் தெரிவித்தார்.

கடந்த சில வாரங்களுக்கு முன் காஞ்சனா 4 திரைப்படம் குறித்து பல சில தகவல்கள் இணையத்தில் வைரலானது. இதில் இப்படத்தில் கதாநாயகியாக சென்சேஷனல் நடிகை மிருணால் தாகூர் நடிக்கிறார் என பேசப்பட்டது.

ஆனால், அதன்பின் ராகவா லாரன்ஸ் தனது எக்ஸ் தளத்தில் வதந்திகளை யாரும் நம்ப வேண்டாம். காஞ்சனா 4 குறித்து படக்குழுவிடம் இருந்து அதிகாரப்பூர்வமாக அறிவிப்புகள் வெளிவரும் என கூறியிருந்தார்.

இந்த நிலையில், சமீபத்தில் பத்திரிகையாளர்கள் ராகவா லாரன்ஸ் இடம் அடுத்தடுத்த படங்கள் குறித்து கேள்வி எழுப்பினார்கள். அதற்கு பதிலளித்த ராகவா லாரன்ஸ் "தற்போது பென்ஸ் திரைப்படத்தில் நடித்து கொண்டிருக்கிறேன். காஞ்சனா 4 கதையை எழுதி முடித்திருக்கிறேன். படப்பிடிப்பு விரைவில் துவங்கும்" என கூறியுள்ளார்.