திருப்பதி லட்டு விவகாரத்தில் 11 நாட்கள் விரதம் இருந்த பவன் கல்யாண் திருப்பதிக்கு பாத யாத்திரை சென்ற வீடியோ வெளியாகி வைரலாகி வருகிறது. திருப்பதி ஏழுமலையான் கோயில் பிரசாதமான லட்டில் மாட்டிறைச்சியின் கொழுப்பு சேர்க்கப்படுவது உறுதியான சம்பவம் பெரும் சர்ச்சையாக மாறியது.

இதனிடையே, லட்டுவின் புனித தன்மையை மீட்டெடுக்க துணை முதலமைச்சர் பவன் கல்யான் 11 நாள் விரதம் இருந்து வருகிறார். அவர் கோவிலின் படிக்கட்டுகளை சுத்தம் செய்யும் வீடியோக்களும் பரவி வருகின்றன.

இந்நிலையில், நேற்றுடன் விரதத்தை நிறைவு செய்த பவன் கல்யாண் திருமலைக்கு அலிப்பிரி மலைப்பாதை வழியாக நடந்து சென்றார். அப்போது அவர் படியில் ஏற முடியாமல் நடப்பதற்கே சிரமப்பட்டார்.

பின்பு, ஆங்காங்கே அமர்ந்து கொண்டு தண்ணீர் குடித்தும், இளைப்பாரியும் தனது பயணத்தை தொடர்ந்தார்.

அவர் மூச்சுத்திணறல் ஏற்பட்டு கடும் முதுகு வலியாலும் பாதிக்கப்பட்டார். பெரும் சிரமத்திற்கு இடையில் ஆந்திர முதலமைச்சர் பவன் கல்யாண் திருமலைக்கு நடந்து செல்லும் வீடியோக்கள் சமூக வலைதளங்களில் வைரலாகி வருகிறது.