மெக்சிகோ நகரை சேர்ந்தவர் லிஸ்பெத் ஜெரோனிமா புயுண்டெஸ் முன்குயா (வயது 18 ) இவர் அகோல்மேன் பகுதியில் ஒரு வீட்டில் வசித்து வந்தார். வீட்டில் தனது 4 மாத பெண் குழந்தையை கட்டிலில் தூங்க வைத்து விட்டு பூட்டி விட்டு ஒடுமா நகராட்சியில் நடைபெற்ற ஒரு டான்ஸ் பார்ட்டியில் கலந்து கொள்ள சென்று இருந்தார். இந்த நிலையில் வீட்டில் இருந்து குழந்தையின் அழுகுரல் கேட்டு உள்ளது. இது குறித்து பக்கத்து வீட்டு பெண்மணி லிஸ்பெத்துக்கு தகவல் தெரிவித்து உள்ளார். லிஸ்பெத் வேகமாக ஓடி வந்து வீட்டின் கதவை திறந்து பார்த்த போது அதிர்ச்சி அடைந்தார் தனது குழந்தையை சுற்றி எலிகள் மொய்த்து கொண்டு இருந்தது. உடனடியாக குழந்தையை தூக்கினார். குழந்தையின் முகம்,கால் விரல்கள் முழுவதும் ரத்தமாக இருந்தது. எலிகள் குழந்தையின் சதைகளை சாப்பிட்டு உள்ளன.

உடனடியாக மருத்தவர் வரவழைக்கபட்டு சிகிச்சை அளிக்கபட்டது அதனால் குழந்தை பிழைத்து கொண்டது. இது தொடர்பாக கவன குறைவாக இருந்தத்தாக போலீசாரால் குழந்தையின் தாயார் கைது செய்யபட்டு உள்ளார். கடந்த ஆகஸ்ட் மாதம் இந்தியாவின் ஆந்திர மாநிலத்தில் உள்ள குண்ட்டூர் அரசு மருத்துவமனையில் பிறந்து 10 நாட்களே ஆன சிறுநீர் பாதை பிரச்சனை சிகிச்சை பெற்று வந்த குழந்தை ஒன்று எலிகள் கடித்து குதறியாதால் பலியான சம்பவம் நடந்தது. இது தொடர்பாக 3 அதிகாரிகள் சஸ்பெண்ட் செய்யபட்டனர்என்பது குறிப்பிடதக்கது.