மலையகத்தில், அக்கரப்பத்தனை பிரதேசத்தை சேர்ந்த பெண் ஒருவருக்கு, டிக்கோயா கிளங்கன் வைத்தியசாலை இன்று மேற்கொள்ளப்பட்ட நான்கு மணி நேர அறுவை சிகிச்சையின் மூலம், எட்டு கிலோ எடையுள்ள கல் அகற்றப்பட்டுள்ளது. வயிற்று வலியால் நீண்ட காலமாக அவதியுற்று வந்த பெண் டிக்கோயா கிளங்கன் வைத்தியசாலையின் சிகிச்சைக்கென சென்றுள்ளார். இவரை பரிசோதித்த வைத்தியர்கள் வயிற்றில் கட்டி ஒன்று இருப்பதாக தெரிவித்துள்ளனர்.

இதனையடுத்து இவருக்கு ஒளி கதிர் வீச்சு சிகிச்சை மேற்கொள்ளப்பட்டது. இதில் இப்பெண்ணின் வயிற்றில் பெரும் கல் ஒன்று இருப்பதாக கண்டறியப்பட்டுள்ளது. எனவே இது தொடர்பாக டிக்கோயா கிளங்கன் வைத்தியசாலை அறுவை சிகிச்சை வைத்திய நிபுணர்களுடன் தொடர்பு கொண்டு இவருக்கு நான்கு மணி நேர அறுவை சிகிச்சை மேற்கொள்ளப்பட்டது. இதில் பெண்ணின் வயிற்றிலிருந்து 8 கிலோ மதிக்கதக்க கல் ஒன்று அறுவை சிகிச்சையின் மூலம் அகற்றப்பட்டது. சிகிச்சைக்குட்படுத்திய பெண் நலமாக இருப்பதாகவும் சிகிச்சை பெரும் வெற்றியை தந்திருப்பதாகவும் டிக்கோயா கிளங்கன் வைத்தியசாலை அறுவை சிகிச்சை வைத்திய நிபுணர் சி.யூ. குமாரசிரி தெரிவித்தார்.