யோகாசனம் மூலம் புற்றுநோயைக் குணப்படுத்த முடியும் என்று ஆய்வுகள் மூலம் தெரியவந்துள்ளதாக இந்திய மத்திய ஆயுஷ் துறை அமைச்சர் ஸ்ரீபாத் நாயக் தெரிவித்துள்ளார். கோவாவில் நடைபெற்ற நிகழ்ச்சி ஒன்றில் பேசிய அவர் இவ்வாறு தெரிவித்தார். மேலும், பெங்களூருவைச் சேர்ந்த கல்வி நிறுவனம் ஒன்று யோகா மூலம் புற்றுநோய் உள்ளிட்ட நோய்களைக் குணப்படுத்த முடியும் என்று நிரூபித்துள்ளதாகத் தெரிவித்தார். ஆனால் அந்த கல்வி நிறுவனத்தின் பெயரை அவர் குறிப்பிடவில்லை.

இதே விழாவில் பேசிய கோவா மாநில முதலமைச்சர் லக்ஷ்மிகாந்த் பர்சேகர், யோகா மூலம் எய்ட்ஸ் நோயைக் கூட குணப்படுத்தப்படும் என்று கூறப்படுகிறது. இதுகுறித்து விரிவான ஆய்வுகளை நாம் மேற்கொள்ள வேண்டும் என்று அவர் வலியுறுத்தினார்.