உலகிலேயே மிக நீளமானதும் , பருமனானதுமான மலைப்பாம்பு மலேசியாவில் பிடிப்பட்டுள்ளது. மலேசியாவின் பின்னாங் நகரில் தான் இந்த ராட்சத மலைப்பாம்பு பிடிப்பட்டுள்ளது. கட்டுமான பணிகளில் தொழிலாளர்கள் ஈடுபட்டிருந்த போது மரத்தின் அடியில் மலைப்பாம்பு ஒன்று இருந்ததை கண்ட தொழிலாளர்கள் மீட்புப் படையினருக்கு தகவல் அளித்துள்ளனர். இதையடுத்து அங்கு சென்ற அதிகாரிகள் நீண்ட நேரம் போராடி இந்த பிரம்மாண்ட மலைப்பாம்பை பிடித்துள்ளனர்.

8 மீட்டர் அதாவது சுமார் 25 அடி நீளமும் 248 கிலோ எடையும் கொண்ட அந்த மலைப்பாம்பானது கின்னஸ் சாதனை புத்தகத்தில் இடம் பெறவுள்ளது. கடந்த 2011-ம் ஆண்டு அமெரிக்காவில் மிசோரியில் பிடிப்பட்ட மலைப்பாம்பு 22 அடி நீளமும் 159 கிலோ எடையும் கொண்டது. இந்த சாதனையை தற்போது மலேசியாவில் பிடிப்பட்ட பாம்பு முறியடித்து, கின்னஸ் சாதனை புத்தகத்தில் இடம் பெற உள்ளது குறிப்பிடத்தக்கது.