திரைப்பட நடிகை கே.ஆர்.விஜயாவின் மூத்த மகள் ஹேமலதா மாடத்தில் (41). இவருக்கு திருமணமாகி கணவர் மற்றும் இரு மகன்கள் உள்ளனர். இந்நிலையில், இவர் கணவரை விட்டு பிரிந்து கோவை, அவிநாசி சாலையில் உள்ள ஒரு தனியார் அடுக்குமாடிக் குடியிருப்பில் வசித்து வருகிறார். இவரது இரு மகன்களும் வெளிநாட்டில் படித்து வருகின்றனர். இதனிடையே, பாப்பநாயக்கன்பாளையத்தை சேர்ந்த ரியல் எஸ்டேட் அதிபரான ஆர்.கதிர்வேல் (41) என்பவர் ஹேமலதாவுக்கு அடிக்கடி தொல்லை கொடுத்து வந்ததாக தெரிகிறது. இதுகுறித்து ஹேமலதா கொடுத்த புகாரின் பேரில் ரேஸ்கோர்ஸ் போலீஸார் வழக்குப் பதிவு செய்து கதிர்வேலை திங்கள்கிழமை இரவு கைது செய்துள்ளனர்.