அமெரிக்காவில் வசித்த எம்.சி.டேவிஸ் மிகப் பெரிய தொழிலதிபராகவும் சூதாட்டக்காரராகவும் இருந்தார். பின்னர், கடந்த 20 ஆண்டுகளுக்கு முன் சுற்றுச்சூழலை பாதுகாக்கும் முயற்சியில் இறங்கினார். இதன் தொடர்ச்சியாக அழிந்து வரும் காடுகளைப் பாதுகாக்கவும் புதிய காடுகளை உருவாக்கவும் திட்டமிட்டார். தனது சொத்தில் இருந்து 9 கோடி டாலர் செலவில், புளோரிடா மாகாணத்தில் பல ஆயிரம் ஏக்கர் நிலங்களை வாங்கி, அங்கு பைன் மரங்களை வளர்த்தார். அடர்த்தியாக மரங்கள் வளர ஆரம்பித்ததும், அங்கு விலங்குகள், பறவைகள், பூச்சிகள் போன்றவற்றைக் கொண்டுவந்து வளர்க்க ஆரம்பித்தார்.

இங்கு இயற்கையான காடுகளைப் போலவே புற்கள், மணற்குன்றுகள், சமவெளிகள், கழிமுகங்கள் எல்லாம் உருவாகிவிட்டன. இங்கு தற்போது 360 கடல் ஆமைகள் உட்பட பல்வேறு உயிரினங்கள் வசித்து வருகின்றன.கடந்த ஆண்டு நுரையீரல் புற்றுநோயால் பாதிக்கப்பட்ட டேவிஸ், தான் அமைத்த பைன் மரக் காட்டுக்குள் வந்து தற்கொலை செய்துகொண்டார். தற்போது புளோரிடா மாகாணத்தில் டேவிஸின் காடுகள் சுற்றுச்சூழலை பாதுகாத்து வருகின்றன. சுற்றுச்சூழலை பாதுகாப்பதற்காக தான் செய்த விஷயங்களை டேவிஸ் விளம்பரப்படுத்திக் கொள்ளாததால், அவர் மறைந்த பிறகுதான் அமெரிக்கா முழுவதும் அவரது சாதனைகள் பெருமையாகப் பேசப்பட்டு வருகிறது.